أنا || سميتك الدنيا وأنتّ وش تسميني ؟ - الصفحة 11

أشواق تائهة · 10-09-2012, 08:02 AM

المشاركة الأصلية كتبت بواسطة mËmØ2639

احم احم.. ابا بارت..

من عيوني الغلا
من جم يوم أنشغلت بالامتحانات وماكان عندي وقت أكتب إن شا الله بكتب الحينه ومتى ما خلصت كميه بنزل __DEFINE_LIKE_SHARE__

أشواق تائهة · 10-09-2012, 01:28 PM

المشاركة الأصلية كتبت بواسطة كنت حلم قلبي

من عيوني الغلا
من جم يوم أنشغلت بالامتحانات وماكان عندي وقت أكتب إن شا الله بكتب الحينه ومتى ما خلصت كميه بنزل

السموحه اليوم ما بقدر أنزل البارت نظراً لظروف خاصه
عذراً __DEFINE_LIKE_SHARE__

MËMØ2639 · 10-09-2012, 03:09 PM

لا عادي ،، خذي راحتج،،

ونحن فانتظارج،. __DEFINE_LIKE_SHARE__

أشواق تائهة · 10-10-2012, 07:51 AM

البارت الرابع عشر
.
وقفوا جدام بيت كبير
بو حمدان: إنزلو
أم حمدان:وين ننزل وين هذا
بو حمدان:"بصرامه" قلت نزلوأ
نزلو
بو حمدان: عيل وينه محمد
مثايل: ابويه بودي مرته عند اهلها
بو حمدان: زين يلا امشو معاي
.
.
.
دخلو البيت
مروا بالحوي الكبير الواسع جداً يحتوي ع حديقه وجلسات
و دخلوا لصاله
.
.
أم حمدان كانت منصدمه من الموجودين بالتحديد من وجود أبو زوجها
مثايل متوترة خايفه ابوها يعرف انها ع علاقه بهالناس و يعصب ويسوي لها سالفه
سلطان وفلاح حاسين بمثايل
بس الكل ما نطق بشي
.
.
الموجودين كانوا كل العايلة تقريباً
اليد: حيا الله من يانا
بو حمدان:" يتوجه له ويبوسه ع راسه" شحالك أبويه
"الكل منصدم منوه هذا"
طبعاً علايه وفطامي يعرفون بس ساكتات
اخوانه يعرفون بس عيالههم لا !!
.
.
يديـه: هذا ولدي عبدلله وهذيل عياله انا قاطعتهم بالماضي لسبب والحينه ماله داعي اعاقب الأولاد بأغلاط الأباء هم غلطو هم يتحملون كل شي لهالسبب انا جامعنكم اهنيه اليوم اكيد كلهم مستغربين هالبيت بيت منوه!! وليش جامعنكم اهنيه أنا بريحكم من كل أسألتكم بس في سؤال واحد ما اقدر أجاوبه الحينه
.
.
بهاللحظه يحدر سالم مع بنته
يديـه: ييت بوقتك .. هذا ولدي سالم وهذي اللي وياه بنته .. ما علينا اليوم جمعتكم لاني أبيكم تجتمعون مره ثانيه وتكونوا تحت عيني يعني بتسكنون اهنيه هالبيت بيتي يعني انا ابا اردكم مع بعض أنا مابا اي اعتراض منكم هذا اللي اقدر اقوله لكم
.
.
بعد جم ساعه
كانو تعرفوا ع بعض
.
.
قاعدين بالحديقه
فطامي: يعني انتي اسمج مهره فديتج طلعتي معرسة
مهره:"بحيا" هيه
مثايل: فطامي بلاج عليها خليها
فطامي: كنت بخطبها لاخوي هههه
مهره: ههههه
مثايل: لا راحت عليج حبيبتي
فطامي: والله مهره تبردين الخاطر إنتي جم عمرج
مثايل: عمرها 19 أكبر منا بسنه
مهره: ويت ويت انتي شو درااج!!!
مثايل:"بهمس" أوبس نسيت
مهره:" طنشت يعني" تراني للحينه ما عرفتكم
مثايل: جوفي حبيبتي أنا مثايل بنت عمج عبدلله خواني محمد هذا معرس حمدان هااه سالفته طويله عقب بتعرفينها وفلاحووه وسلطوون "بهمس حبيب قللبج"
مهره:"ما سمعتها" شو قلتلي
فطامي: مادريبها شو تلعلع من الصبح اسمعي انا فطامي بنت عمج سعيد عندي أخ وأخت اكبر مني وأخ وأخت أصغر مني اللي أكبر مني فهد اللي كنت بزوجج إياه" تغمز لها " بس راحت علي وفجر وهذي معرسه وعندها 3 بنات ما يات اليوم بس بتي عقب وبتتعرفين عليها حبوبه وايد واللي اصغر مني فارس أصغر مني بسنه وفي فيوونه دلوعتنا وايد
مهره: "تحاول تركز" الله يخليكم لبعض يارب
اتيهم علايه
علايه: بلاكم !! شو تسووون!!
فطامي: نتعرف ع مهره ونعرفها علينا
علايه: أفا أكيد أكيد ما عرفتوها علي ما عليه
مثايل: هههه
علايه: انا اسمي عليا حليوه ومزيونه ترا مطلعين علي اشاعات وايد فلا تصدقينهم "تهمس لها" يغارون مني
فطامي: عشتو "تسوي مالت" ع شو نغار حبي هااه
علايه: ههههه"تطالع مهره" المهم حبيبتي انتي اسمعي انا عمري 18 زين ممم ويا هذيل بالسكول وياهم بنفس الصف زين ترا لو جفتي علي اي شي تراهم مخربيني ولا انا شزيني .!!!
مثايل: نعم نعم
علايه: يغارون يغارون
مهره: هههههه
مثايل: لبى هالضحكه والله شحالج بعد شخبارج !!
مهره: ههه حمدلله زينه هههه
فطامي: عسى دوم هالضحكه انتي بس تمي ويانا وبتعيشين حياتج عدل
مثايل: هيه صح
علايه: زين ليش قاعدات اهنيه
فطامي: مهره تستحي تقعد ويا الشباب
مهره: ههه لا عادي إذا تبون تسيرون سيروا
علايه: تستحين ولا الريل مانعنج إلا هوو وينه !!!
مهره:تهمس" بقلبي"
علايه: شوو!!
مثايل:" سمعتها بس سكتت" بلاج ع البنيه
علايه: ماشي "تحط إيدها بجيبها" ترا الجو بدا يبرد أخاف اتجمد بعدين اصير ثلجه !!!
فطامي: بدينا تخيلات دخيلج انتي لو كنتي بالقطب الجنوبي ما بتسوين ثلجه كيف ونتي اهنيه
مهره: ههههه
مثايل: ترا علايه عليها تخيلات فعادي اسمعي وطنشي اعذريها
علايه: إييه "اونه عصبت"
مثايل: لا تزعلين مني ترا هاا اول يوم لنا مع بعض تدرون صج الجو برد خل ندخل بأذن المغرب الحينه
مهره:"تقوم" يلا
.
.
كانو الأخوان الأربع قاعدين مع أمهم وابوهم وحريمهم بالصاله صوب بعض يسولفون
الشباب قاعدين ع الطرف الثاني
أحمد: يعني انت ولد عمي أيوااا طلعت تقرب لنا
سلطان: هيه الغالي
خالد: دام إستلمك ما بيهدك
سلطان: عادي برايه ولد عم عزيز وغالي
فهد: انتو جم عماركم 20
فلاح: هيه 20
فهد: توم
سلطان: هيه هااه يبين ولا
فهد: الصراحه فيكم ملامح من بعض بس هم في فرق
أحمد: شو تشتغلون ولا
سلطان: لا ندرس ونتو
خالد: انا اشتغل ببوظبي
فهد: وانا بعد
أحمد: انا دكتور
سلطان: دكتور يعني طبيب
أحمد: هههه هيه طبيب يعني مستشفى وهيك
فلاح: هههه سلطون بلاك تنحت
سلطان:"يمسك راسه" ولا شي بس مصدع
أحمد: قول جي من الاول تباني اكشف عليك
سلطان: لا ماله داعي بس تدري ياي من درب وما رقدت
فلاح: مش مكلف ابويه
سلطان: ههه
تحدر عليهم مثايل ومهره ووياها فطامي وعلايه
اليد: حي الله بناتي إقربن
بو حمدان: تعالي مثايل
مثايل:"اتسير صوب ابوها" فديتك ابويه شمسيت
بو حمدان: امسيت ع ويهج الغلا
علايه:"تسير لابوها" اسمع الوالد اسمع واتعلم
بو خالد: هههه اسميج يابنيه إلا تغارين
مثايل: خخخ ويييييييو فشلوها
علايه: مثايلوووه
بو حمدان: مثايل صج علايه وفطامي ربيعاتج بالمدرسة
مثايل:" اسكتت"
يدي: خل بنتي بحالها ما عليج منه الغاليه هذا اللي يسولف ويهذرب وياج
بو حمدان: هيه الغاليه انتي الغلا كله
مثايل: ابويه بنام اهنيه اليوم
يديـه: هيه الغلا أنا طرشت الخدم وبيرتبون كل اغراضكم وبييبونهم اليوم أنتن جفتن الغرف واخترتن وين بتنامن
فطامي: لا يديـه انت اختار لنا
يدووه: وابويه انا شو يختار لكم
فطامي: ههه امايه انا قلت هو يخبرنا وين يبانا يعني مب قصدي شي
يدووه: انا ابا قريب من اهنيه ماروم أسير فوق وتحت رويلاتي ما تشلني
فطامي: فديتج الغاليه تبيني اشلج
يدووه: وابويه
فطامي: هههه
بو فهد: تسولف وياج فطيم
بو مهره:"يجوف مهره سرحانه" مهره ابويه بلاج
مهره: ولا شي ابويه
بو مهره: أكيد
مهره: هيه
بو حمدان: مهره انتي عرستي
مهره: هيه عميـه
بو حمدان: عسا مرتاح هويا ريلج
مهره: مرتاحه عميـه مرتاحه
"بهاللحظه طالعته تمنت انها تصرخ بأعلى صوتها هذا ريلي بس خافت خافت"
علايه: هاه يديـه بتوزعنا ولا نختار ع راحتنا
اليد: البيت عباره عن طابقين وطابق ارضي وطابق تحت الأرض تقسيمي يقول الطابق اللي تحت بيكون مخصص للبنات بكل ما فيـه عشان ياخذون راحتهم صاله وحجر لكل وحده منهم بالعدد
أحمد: يديـه الطابق الأخير نباه للشباب
يديـه: أحمد لا تقاطعني
أحمد: إن شا االله السموحه
يديـه: الطابق الأرضي بيكون مشترك يعني الصاله اي حد يقعد فيها وفي صاله للضيوف وفيها للأكل وكل شي مشترك اهنيه في حجره ع طرف بتكون ليدتكم
أحمد: جي يديـه وانت وين
يديـه: احمد
أحمد: ...
يديـه: الطابق اللي فوق بيكون للشباب بس هذا ما يمنع ان البنات يدخلنه بس الأولاد ما يحدرون قسم البنات
أحمد: يديـه مب عدل
يديـه:أحمد بس عاد خل اكمل
أحمد: كمل كمل ا
يديـه: الطابق الأخير بيكون مشترك لعيالي وحريمهم كل واحد بيكون عنده غرفه واسعه وتحتوي كل شي عشان راحتهم عاجبكم
الكل: هيه
"كان ناوي يقول لا أنا وين اقعد ويا مرتي "
هيه بعد كانت ودها تقول بس سكتو
.
.
بو مهره: ابويه جأنك نسيت حد
يديـه: ما نسيت ما نسيت سلطان ومهره بييكونوا فوق مع اهلهم بنفس القسم وحجرتهم جاهزه
.
.
بو حمدان: "منصدم شو قصده"
مثايل:"خايفه يصير شي"
سلطان ومهره قلبهم طاح ببطنهم ههه خافو يصير شي
سلطان: أبويه سامحني انا ومهره تزوجنا
يديـه: يدري ويعرف
بو حمدان: سلطان انا ادري ومسامحنك
أم حمدان: لا انا ما مسامحتنه شحقه يعصيني
سلطان: إميه غصب عني
مثايل: اميه خلاص هم عرسو وبيهم ياهل
أم حمدان: انتي سكتي بعد
بو حمدان: اذا مب عايبنج فارقي انا ما ابي أعكر عمري عشانج بعد ما رضى عني ابويه
أم حمدان:"سكتت"
.
.
صلو المغرب وكانت اغراضهم كلها وصلت من بيتهم
بقسم البنات
علايه: واااااااااو شي عجيب الصراحه
خلود: هههه بس تصدقون ما كنت متوقعه جي يصير ولا متوقعه مثايل بنت عمي أحداث مب داشه بالي
فطامي: اقولج شي بس تسترين علينا
خلود: قولي
فطامي: نحن كنا ندري من زمان يمكن من سنه أو أكثر بس ساكتات
خلود: حلفي
مثايل: والله
خلود: أمبيه انا كنت ادري ان عندي اعمام ومضاربين وياهم بس ماذكر شو السبب
مثايل: ولا نحن ع قد الأوقات اللي قعدناها ما عرفنا شو السبب
خلود: تخيلو ان هيه لغز ونكشتف الموضوع
علايه: المحقق كونان نكون
فطامي: بدينا تخيلات
علايه: أووف زين قومن اختارن غرفكم خل نرتب ثيابنا اغراضنا
مثايل: عندي فكره شو رايكم نبدا وحده وحده يعني مثلاً انا ابدا وارتب اغراضي ونتو تساعدوني وعقب وحده ثانيه ونساعدها وهيك نسوي مع بعض
فطامي: نايس
خلود: يلا منو اول
فطامي: مثايل هههه
مثايل: اول اول يلا قومن شلن وياي
.
.
.
مهره: قلبي طاح ببطني خفت ابوك يسوي شي ولا يخليك إطلقني
سلطان:"يرفع راسها" ما عاش إلي يفرقنا حبي
مهره:"تحضنه" بمووت لو تركتني
سلطان:"إبتسم لها" أحبج
مهره: أنا اموت فيك والله والله لو فكرت تتركني امووت
سلطان: إسم الله ع قلبج لا اتيبين هالطاري
مهره: أنت أحلى شي بحياتي
سلطان: فديتج حبي "يساند راسه ع السرير"
مهره: شوفيك ؟!
سلطان: مصدع
مهره: سلامتك عسى فيني ولا فيك
سلطان: ياويلج لو قلتي جي مرة 2
مهره: زين ارتاح شويه لين وقت العشا وبوعيك
سلطان: بتنامين
مهره: لا برتب أغراضك وأغراضي
سلطان: مب لازم
مهره: حبيبي
سلطان: هههه مهره روحج تعبانة خل الأغراض بخلي مثايل والمخبل ربعها يسوون وياج
مهره: ما يصير
سلطان: يصير يلا تعالي يمي
مهره:"تبتسم له ياخي شكثر تحبه هالانسان"
.
.
.
بو حمدان: مرة ثانيه إذا عدتي هالحركات ياويلج
أم حمدان: ما تجوفين شو سوا
بو حمدان: بنت عمه وحب يستر عليها وحبها وتزوجها ما فيها شي
أم حمدان: بس هذي تعرف بنت امنوه نسيت ولا اذكرك
بو حمدان: أعرف أعرف سيري رتبي اغراضج و رتبي الغرفه مب حاله جي الجناط بكل مكان
أم حمدان: الخدم موجودين
بو حمدان: انا قلت كلمه تسوينها
أم حمدان: أفف زين
بو حمدان:"بخاطره" شلون ما ادري هيه بنت امنوه بنت اغلى من سكن قلبي بنت الوحده اللي جبرتيني أتخلى عنها واودرها أأه ياليت يرد الزمن لو لحظه ولا صار الي صار
.
.
علي: مالي خص انا مابا ارقد بروحي
أحمد: وليـه هذي مب حاله منك
خالد:"طايف يمهم" شو السالفه
أحمد: ما يبا يرقد روحه ولا راضي يرتب شي ولا شي
خالد: زين
علي: أنا برقد ويا خلود
خالد: علي عيب انت صرت ريال الحينه عيب ترقد عند خواتك
علي: زين برقد ويا أحمد
خالد: هههه ارقد وياه"يطوف عنهم"
أحمد: يعني انت حليت المشكله
خالد: مب مشكله خله وياك يونسك
أحمد: أمري لله إمش وياي
.
.
بعد جم ساعه من الشغل
مثايل: وأخيراً رتبت كل شي وااااو غرفتي صارت لزييييييييزه
فطامي: الله يثبت العقل اميـه هذي غرفه مب أكل
مثايل: ههههه عادي
فطامي: يايبين لج كل شي
مثايل: يب اللاب الجرجات والملابس حتى الكتب والجناط يايبينها أبد ما نسو شي أسم الله عليهم
فطامي: أنا بعد بس تعرفين يايبين أغراض فجور ما عرفت وين احطيها خليتها بالغرفه عندي
مثايل: اها هيه وين ما بتي
فطامي: مادري يمكن ما اتي
مثايل: ههههه تدرين محمد أخوي يمكن ما ايتم ويانا
فطامي: ليش
مثايل: عسب حرمته وجي تعرفين ما بتاخذ راحتها
فطامي: هيه عادي هذا معذور
مثايل: هيه جي قال يديـه
فطامي: في وحده مالها حس
خلود: إسكتي غفلت
فطامي:"تتطالع علايه إللي غفلت ع الغنفه" حليلها عيل ما بتتعشى
مثايل: بعده وقت عقب بنوعيها
"تجوف مسج من سلطان يباها تركب له فوق"
مثايل: سلطان يباني بروح له"قامت"
فطامي: جي بتروحين
مثايل:" جافت لبسها"
لابسه سكيني بيج وفوقه قميص كت وفاله شعرها
مثايل: أووف ماروم أبدل عادي ترا عادي
فطامي: كيفج
.
.
.
صعدت بالدري فوق
للصاله
وهيه تمشي سمعت
: ليش مب حاسه فيني أنا أحبج
.
.
.
__DEFINE_LIKE_SHARE__

أشواق تائهة · 10-10-2012, 12:55 PM

ناويه ع أكشنات ع البارت الياىي

شو تتوقعون !!!
حابه بس أشكر متابعيني .. اللي يعلقون واللي يتابعون بصمت من ورا الشاشه !!
شكراً لكم .. حمستوني __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ليتك معي في كل وقت تسليني	راقيه باسلوبيْ}~	الأناقة والجمال والموضه والطفل	5	05-04-2012 09:49 PM
أنا سميتك الدنيا وانته وش تسميني ,×	محروم.كوم	منتدى أخبار المواقع والمنتديات العربية والأجنبية	0	08-22-2011 11:10 AM
لو كان عندك رقم موبايلي ...... شو تسميني ؟؟ ؛؛	سمرة وكلي دلع	العاب , فكاهه , مسابقات	14	06-09-2010 07:33 PM
كيف سميتك حبيبي :><:	آلـῳـولعيه	عدسة الاعضاء , كاميرا الاعضاء	27	01-08-2010 07:53 PM
انا سميتك الدنيا انت وش تسميني ؟ ؟؟	داعمة دورية	الشعر المنقول	9	05-31-2009 02:08 PM