سالفة:الــــشــــاهــــد..قوافي

محروم.كوم · #1 09-13-2012, 02:50 AM

اخواني المشرفين والمكشاتيين والمكشاتيات وزوارنا الكرام
احييكم جميعاً ويامرحبا بكم جميعاً
من الاشياء الجميله واللي تصير لنا بها مواقف بالصغر ونتذكرها بالكبر هي التخيلات..
لكل واحد وواحده منا تفكيره وعالمه الخاص به ولكن بالصغر تحدث اشياء عند تذكرها نستغرب كيف تصورنا اوتخيلنا والاكيد نحمد الله ان العقل يكبر مع الجسم وإلا كانت مصيبه..
أول يوم دراسي لي بالصف الأول الأبتدائي جائت معلمتنا ولتقطع رهبة المعلم والطالب صارت تسولف معنا ثم تطرقت للي يجوز واللي لا يجوز والحلال والحرام ثم بدئت بالطامه الكبرى وتحدثت عن معلومه لا يمكن لطفل ان يستوعبها الان وما استفدنا من تلك المعلومه غير الرعب والتخيل وهي (أن الاشياء يوم القيامه تشهد عليك ،،لسانك،يداك،والاشياء اللتي حولنا كالشجر وكل شيئ ...ألخ)
الله يسامحها ويحللها ويبيحها اكيد كانت تقصد خير ..
لكن الاستيعاب كان مننا كطلاب مستجدين (صفر) والخوف بدا من اللسان وكل من سيتحدث بذاك اليوم العظيم ..
عم سكوت بالفصل مع انبهار وغياب عن الاستيعاب والنظر المستمر لليد واللسان كانت البرايات لها مرايه فكنا نطالع لساننا وكأننا نراه لأول مره (فتان)
هنا اخواني واخواتي تبدء السالفه :
شارع الثميري بالرياض من الاسواق الجميله كان يباع به جميع المستلزمات الرجاليه ومن ضمن ما يباع (الكبكات،السبحات،خواتم رجاليه،مصليات ....الخ)وفيه محلات لبيع الذهب ....ألخ
رحنا للسوق بذاك اليوم والراس مليان بالمعلومات الصباحيه ومن سيقول ومن سيسكت وشرينا لأخواني بعض الملابس ووقفنا عند راعي الكبكات والسبحات بنشري ..
كان فيه مشتري واقف عند السبحات سبحان الله اول مره اشوف انسان بهذا الحجم ولا كان يتكلم عربي زين وكلامه مكسر ولابس ثوب وغتره وقاعد يكاسر بسعر سبحه مع البياع وشكله شوي ويبي ياخذها ببلاش والصوت بدا يعلى شوي شوي هو والبايع وحنا واقفين لأن طلبنا أخيراً لقيناه بهاالمحل ..

:f دقيقه وما عاد لقينا شي بمكانه تظاربو وطارة السبح يمين وشمال همن شفت يد طايره لحاله وقلت لخوي شف اليد راحت هذي بتروح تشهد ،، قال وين تشهد !!!
قلت :يوم القيامه ..هذي علامات يوم القيامه..
وانتبهو اني اناظر اليد اللي ركضت لحاله واثر راعي المحل له يد صناعيه وطارت مع التكفخ وانا أعرف من معلومات الصبح انه من الشهود فانحاست المعلومات..
(اللهم أحسن خاتمتنا بالعمل الصالح)
تحياتي
اختكم
..قوافي..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة:رسب ثمن سقط..قوافي	محروم.كوم	منتدى أخبار المواقع والمنتديات العربية والأجنبية	0	07-07-2012 01:20 AM
سالفة: ارض العمالقه..قوافي	محروم.كوم	منتدى أخبار المواقع والمنتديات العربية والأجنبية	0	02-04-2012 01:40 AM
سالفة:حطب الوالد..قوافي	محروم.كوم	منتدى أخبار المواقع والمنتديات العربية والأجنبية	0	12-03-2011 08:20 PM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM
سالفة:دجيجات.امي...قوافي	محروم.كوم	منتدى أخبار المواقع والمنتديات العربية والأجنبية	0	09-12-2011 12:00 AM