سالفة:حطب الوالد..قوافي

محروم.كوم · #1 12-03-2011, 08:20 PM

السلام عليكم ورحمة الله وبركاته

حياكم الله جميعاً

مشرفينا.اعضاء.زوار

بما أننا بفصل الشتاء الحبيب وفيه يكثر شراء وسائل التدفئه من ملابس ودفايات وحطب.

احد جيراننا عنده والديه كبار سن والحقيقه انه باراً بهما إلى ابعد الحدود وهما متولعان بالحطب وينتظرون الشتاء حتى يلتمو عليه ويشمون على كلام والدته الرائحه الزكيه اللتي تخرج منه..

بسنه من السنين جاء الشتاء ولم يكن بالمنزل كسره وحده من الحطب وطلب الشايب من ابنه ان يشتري لهم

وقال الولد لأبوه إن شاء الله يبه تامر ولم يكن معه في محفظته ولا 10 ريال..

راح لسوق الحطب يبـي يسأل كم سعره بالسوق ولقا اسعاره مرتفعه ضاق صدره من وين بيجيب ولا من من بيتسلف ولايبي يرجع للبيت من غير ما يتم طلب الوالد وقبل آذان المغرب.

شافه واحد من اللي يبيعون وسأله وشبك حاير تعال واعطيك سعر منا سب ضحك وقاله تعطين شحنه بعشره ان السالفه كذا وكذا قاله البياع :

بعتك حمولت وانيت بعشره .

قال الولد وشلون ؟؟؟

رد راعي الحطب هماه لبوك ومن كلامك حسيت ببرك له والحطب هذا لك وللوالد هديه .

تعجب الولد من البياع وقاله بشرط تاخذ حقه بعدين

رد البياع اخذه أن كنا من الحيين انا وانت واللي يموت منا مسامح.

ركب الولد مع سواق الوانيت وما أمداه يمشي إلا ويجي هاك الرجال اللي ماشاء الله مخباته عامر ووقفهم قال للبيع حطبكم رد الولد وقاله انا شاريه وان زدت به عطيتك..

جا وسامه بدبل السعر الاساسي ماشاء الله عليه قروشه واجد

الولد قاله انا شاريه بنص المبلغ اللي تقول وانت عطيتن دبل

الرجال قال خلاص سمته ولا ابي ادخل السوق تبي زود زدتك

فرح الولد وباعه ونكس لراعي الحطب وعطاه قروشه اللي هي نص سومة التاجر والنص الثاني شرابه وانيت حطب من نفس بياع الحطب ونكس به للبيت من غير ما يدفع ولاريال واستانس الوالد وولع حطب هو وعجوزه ولا درا عن اي شي..

تحياتي

اختكم

..قوافي..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة:عرس حي العطايف..قوافي	محروم.كوم	منتدى أخبار المواقع والمنتديات العربية والأجنبية	0	11-03-2011 09:10 AM
سالفة:سوق حلة القصمان.قوافي	محروم.كوم	منتدى أخبار المواقع والمنتديات العربية والأجنبية	0	10-20-2011 01:00 AM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM
سالفة:دجيجات.امي...قوافي	محروم.كوم	منتدى أخبار المواقع والمنتديات العربية والأجنبية	0	09-12-2011 12:00 AM
سالفة:طير المدعى..قوافي	محروم.كوم	منتدى أخبار المواقع والمنتديات العربية والأجنبية	0	09-03-2011 01:10 AM