₪₪لي صاحبـ{ن} صبيت له دمـــــــي[ فكوب] كـــــــبه وهو يضحك وأنا هناك {×.منصــــــاب.×} ₪₪

[At3abne _ glah]

[..×.~حي العرب إللي لهم القلب يرتاح
طيبكم يفوح و عادة الطيب فواح~..×]


ملاحظة عن القصة:: هيه قصة اماراتية وسمعت أنها حقيقة . ..<< يقولون

وانا قريتها وهيه واااااااايد حلوة..

أخليكم ويا أول جزء ..

{..×.لي صاحب صبيت له دمـــــــي فكوب كـــــــبه وهو يضحك وأنا هناك منصــــــاب..×.}

للكاتبة: الخقاقة


الشخصيات:
عايلة محمد ال
أبو أحمد: "محمد" ريال رزين أسمراني وملامح حلوة تريح القلب وهو شاعر ويحب يقصد على أهله يتغزل ويمدح ويمدح ومرة وحدة ينجلب عليهم راعي سوالف واللي يشوفه مايعطيه عمره وهو حبوب ومتفاهم وحكيم في كلامه له مبادئه في الحياة ويحب اللمة مع عيالة والحياه معاه حلوة

أم أحمد: سعودية راقية فنانة وكشخة حلوة وبيضة وعسولة اللي يعرفها يحبها تهتم وايد بعمرها متفاهمة وعلاقتها واايد حلوة ويابناتها كأنهم صديقات مش أم وبناتها وتشتغل مشرفة في جمعية المرأة الظبيانية اللي في العين

أحمد: شيوخي في فزته ملامح تجذب الأنظار وعيونه عسلية على أمه صغيرة بس حلوة خشمة سيف وجسمه رياضي عريض وطويل ولونه حنطاوي للابيض يجذب الانظار وبالاخص يوم يضحك لان يظهرن غمازاته الجنان وكل البنات متخبلات عليه وعمره 22 وهو في السنة الاخيرة من ادارة واقتصاد تخصص محاسبة وهو مالج على بنت عمه اليازية وماخذنها عن حب

الهنوف: عمرها 20 ما شاء الله عليها بيضه وحلوة لدرجة ما تقدر اتشل عينك عنها وملامحها تميل للسعودية اكثر من الامارات طويلة جسمها مرسوم بس تميل للضعف عيونها كبار وسيعة ورموشها غلاض وشعرها حرير مايل للون بني غامج رزينة وعقلها كبير لدرجة تعطيها اكبر من عمرها وهي بتروح سنة ثالثة جامعة ادارة واقتصاد تخصص تسويق

فاطمة: عمرها 18 سنة قصيرة بس مش وايد يعني طولها حلو حلوة وايد وجمالها بدوي وحنطاوية وعيونها جنان كبار وسود وساع وخشمها شرات السيف وثمها صغير وشعرها اسود حرير وجسمها مرسوم رسم ومخصر ولي يشوفها يعطيها اصغر من عمرها هادية وحبوبة والكل يحبها لشخصيتها وجمالها لانها اجتماعية وتحب الناس دلوعة وايد ورقيقة وفيها غمزات جنان ولي ما يعرفها يحسبها خقاقة بس هي طيوبة وهي نسخة ثانية عن ابوها في الشكل وبتروح سنة اولى جامعة ادارة واقتصاد ويا بنت عمها ميثة


مريم: انسانة حبوبة وعفوية وحساسة وايد وطويلة وضعيفة حليوة وجمالها جمال طفولي حنطاوية عيونها عسلية صغار بس تذبح ونظراتها تقهر خشمها سيف وطويل وفيها ملامح من احمد اخوها وشعرها كيرلي جنان ومايل للبني وفيها خدود ويوم تستحي يحمرن وهي ربشة وخبلة وحركاتها شوية صبيانية وبتروح ثانوية عامة علمي (الله يعينها(


عائلة جمعة ال
ابو مبارك: اكبر واحد من اخوانه عاقل ورزين وحياته كلها عزب ويداوم الصبح في شركة العايلة ويا اخوه محمد وريل اخته ابو محمد وهو طيب ويحب عياله وبالاخص حامد

ام مبارك: انسانة فنانة وراعية سوالف وسوالفها ما تنمل وفيلتها عدال فلة ام ريلها يعني فلتين في سور واحد وهي ربة بيت

خليفة: ولد ابو مبارك من حرمة ثانية بس مطلقنها عريض وطويل وملامحه حلوة وحنطاوي وفيه ملامح من ابوه وشخصيته قوية وعمره 27 ويشتغل في شركة العايلة ويا ابوه وعند حايتك له تلقاه سند لك

مبارك: عمره 25 وهو ضابط وفي الويكند يشتغل في شركة العايلة وهو طويل وعريض وملامحه حلوة ورزين وعاقل وتقدر تعتمد عليه في أي وقت وهو دايما قد المسوؤلية ويحب يغايض اخواته ومحيرين الهنوف حقه من هم صغار

محمد: عمره 22 انسان ربشة وملامح جنان وابيض وجسمه رياضي وعيونه كبار ووساع وخشمه سيف وراعي سوالف وينحب من اول نظرة ويدرس في كلية الشرطة

حامد: عمره 21 ويدرس في كلية الشرطة ويا اخوه محمد وهم يحبون بعض وايد شيوخي في فزته يجذب الانظار طيب وحبوب ومغازلجي والبنات متخبلين عليه وراعي سوالف وجسمه رياضي ومحيرين فاطمة بنت عمه حقه من هم صغار


اليازية: عمرها 20 وهي تدرس في كلية التربية حبوبة وحلوة وحنطاوية وعيونها كبار ووساع وشعرها اسود وطويل ومملوجة على ولد عمها احمد

ميثة: عمرها 18 تدرس في ادارة واقتصاد ويا بنت عمها فاطمة بيضة وعيونها كبار ووساع وشعرها اسود طويل وحبوبة وربشة وراعية سوالف وتشل بصوت جنان

سلطان: صغير العايلة بسير صف رابع لقبه سلطان الشاعر يحب العزب مثل ابوه وفيه ملامح من عمه محمد وربشة وحبوب وهو بكبره جنان

وفي شخصيات ثانية بتظهر في القصة


الجزء الأول
في بيت عايلة محمد ال
فطوم: مريامة باباتي وين ساير الحين
مريم: مادري .. تدرين قومي ننزل تحت عند قوم أماية في الصالة
نزلن مريوم وفطوم تحت عند أمهم في الصالة لأن مشاء الله بيتهم فلة عودة وعندهم خير وايد حصلن تحت الهنوف يالسة ويا امها في الصالة
فطوم+مريوم: شحالج أماية ( باسوها على خدها )كيفيك هنوفة
أم أحمد والهنوف : الحمد لله تعالوا يلسو ويانا ..
عاد الدلوعة فطوم سارت لصقت عند امها ومريوم يلست عند الهنوف
مريوم: شو صاير شو مستوي وينه أبوي (حشى أم هلال(
أم أحمد : مادري شو عنده طلع بسرعة
بس خلصت كلامها ام احمد كانت بدخلة أبو أحمد وسار حجرته فوق ولحقته أم أحمد
أم احمد: محمد شو فيك
أبوأحمد:تعالي يلسي عدالي اقولج السالفة
أم أحمد :انشا الله خير
ابو احمد:توني سرت عند يمعة اخوي يقول يريد الهنوف حق مبارك بس سمعت من حرمته انه يحب وحده من 3 سنوات والهنوف أحبها وما أرضى عليها ياخذها واحد يحب وحدة ثانية حتى لو ولد أخوي
أم أحمد : ناد بنتك و شاورها
في الصالة التحتية
الهنوف:تعتقدون شوفيه أبوي
فطوم : ما عرف بس أحس في سالفة صايرة
الهنوف : الله يعين
مريوم: ودي أسير فوق عندهم وأسمعهم شو يقولون
ويسمعون البنات أبوهم ينادي الهنوف
الهنوف : ياويلي خايفة
مريم وفاطمة: الهنوف شو مسوية من ورانا اعترفي ههههههههههههههه
الهنوف: يا ويهكم سكتو خلوني أسير عندهم
الهنوف سارت حجرة أبوها وهي خايفة
الهنوف: هلا ابوي آمر
أبو أحمد : ما يامر عليج عدو تعالي حبيبتي هني عدالي
سارت الهنوف ويلست عدال ابوها
أبو أحمد:الهنوف اليوم عمج يمعة طلبج حق ولدة مبارك وأنا سامع انه يحب وحدة من دبي من 3 سنوات بس عمج مش راضي يتزوجها شو رايج حبيبتي
الهنوف: اسمحلي أبوي أنته تعرف من زمان اني ما احبه وحبي له شرات أحمد أخوي وبعدين حراام الولد يحب البنت خطبوله إياها لأني أنا ما أريده و هو ما يريدني بالذمة أي حياه بنعيشها إذا خذاني
أبو أحمد: صدق عرفت أربي بارك الله فيج
الهنوف: خلاص أبوي عادي أظهر
أبوأحمد : لهدرجة تبين تفتكين مني
الهنوف : أفا وأنا أقدر بس قلت خلني أفضيلكم الجو شوي هههههههه
أبو أحمد : فديتج يا ربي
الهنوف: يالله يالله خلنا ننزل تحت نتعشا
أبو أحمد: إنشا الله نزلي وأنا بلحقج ويا أمج
الهنوف: قول أصلا تبى تستفرد بروحك ويا امي اعترف هههههه يالله يا الغاليين أترياكم تحت
ونزلت الهنوف الصالة
الهنوف : ميراندا إيرني سيروا حطوا العشا وخلي حق احمد بيتعشى بعدين
مريوم : الهنوف يلا قولي شو السالفة لا تحرقين أعصابي
الهنوف: حشى يا أم هلال خليني أريح شوي بعدين بتيكم السالفة
فطوم : يلا الهنوف
الهنوف : أف منكم انزين .. وقالتلهم السالفة
فطوم : الصراحة ما توقعت أن بروك ممكن يحب وحدة لأني أحسه مش راعي بنات الصراحة كسر خاطرية الله يجبر بخاطره
مريوم: هي والله آه يا ولد عمي من ورانا طلعت تحب صدق ما توقعت .. لا لا مستحيل ما اقدر أصدق
فطوم: إنزين أنتو شو خططتوالحين
الهنوف: والله مادري بس الي اعرفه انا باجر الصبح يوم ابوي يسير يسلم على امه قبل الدوام بيتفاهم وياه ويا عمي يمعة
فطوم :اف والله ملل بسير ادق حق ميثانة ابرك
وتسير فطوم ادق حق ميثانة من الصالة الزجاجية
فطوم : الو (صوت فطوم وايد ناعم ورقيق(
حامد: الو مرحبا
فطوم : مرحبتين
حامد :منو وياي
فطوم : ما عرفتني
حامد: لاسمحيلي الشيخة ما عرفتج
فطوم : انا فطوم بنت عمك اهني ميثانة
حامد :هلا شحالج فطيم والله ميثانة راقده تبين اقولها شيء
فطوم : لا مشكور بس اذا نشت قولها ادقلي انزين
حامد :انشاء الله من عيوني
فطوم استحت
فطوم : تسلم عيونك يلا مع السلامة
حامد: لحظة هكي نشت
فطوم : اوكي (متى هذا بحس فيني محيرة حقه ويعاملني جني اخته والله حالة (
ميثانة : مرحبا ملايين ولا يسدن شحالج
فطوم : هلا حياتي الحمد الله يسرج الحال شحالج انتي
ميثانة :من سمعت صوتج وانا بخير
فطوم : تسلميلي حياتي صدق الرمسة الي سمعتها عن بروك
ميثانة: انه يحب وحده من دبي
فطوم :هيه
ميثانة : والله انه كاسر خاطريه لانه يحبها من 3 سنين وابوي مب طايع ان بروك يخذها
فطوم : الله يعين شو هالعايلة المتعقدة يعني الواحد لازم ياخذ بنت عمه والمصيبة كل واحد ما خذ من برع العايلة
ميثانة: هههههههه هي والله صدقج والله ملل
فطوم : شو رايج يوم الاربعاء نتلاقى في عزبنا (عزبة محمد عدال عزبة يمعة (
ميثانة : فكرة مش بطالة
فطوم : اقول حياتي بخليج الحين لاتنسين تقوليلهم عشان سيرة العزبة
ميثانة : انشاء الله مع السلامة
سكرت فطوم التلفون وسارت الحجرة فوق (فطوم ومريوم في حجرة وحدة والهنوف حجرة بروحها (
وتوها فطوم بتدخل الغرفة وتنصدم بشكل مريوم ومشغله غنيه حزينه وشكلها صايحة
فطوم : مريوم حياتي شو فيج
مريوم :ما فيني شيء (وهي يالسة تمسح دموعها (
فطوم : حياتي قوليلي اذا ما قلتيلي بتقولين حق منو
مريوم :ليش جي الدنيا دايما عكسي
فطوم : ليش حياتي تقولين جي
مريوم: بقولج شيء بس لا تزعلين مني والله مش بايدي غصب عني .....(تسكت شوي) فطوم انا احب بروك
فطوم : تحبين بروك مريوم اصلا انتي تدرين ان الهنوف محيره حقه كيف حبيتيه او خطر ببالج انج تحبينه
مريوم : غصب عني والله وفرحت انه ما يحب الهنوف عشان ما اظلمها وياي ويا فرحة ما تمت طلع يحب وحدة ومن 3 سنين بعد
فطوم : حياتي سيري غسلي ويهج وصلي ركعتين لربج ودعي الله يوفقكم في حياتكم انشاء الله وما حد ياخذ غير نصيبه
مريوم : انشاء الله
وسارت اتصلي وعقب رقدن

وفي ثاني يوم
مر اليوم مثل كل يوم وفي صالة محمد ال
الهنوف يات بسرعة تنزل من الدري: عندي بشارة حقكم
فطوم ومريوم : شو بسرعة
هنوف : يلا تلبسن بنسير العين مول ويا امايا
وسارن كل وحدة تتلبس وركبن السيارة ويا الدريول

وفي العين المول
مريوم وام احمد يمشن جدام وراهم الهنوف وفطوم وكانن بسيرن الطابق الثالث
ومريوم وام احمد ركبن الدرج المتحرك ويسمعن مرة وحدة صراخ
………..
ظنكم شو سبب هذا الصراخ؟؟؟!!

اذا ما شفت تفاعل وردود ما بكملها __DEFINE_LIKE_SHARE__