الواقع غريب ولكن القدر اغرب - الصفحة 2

Ro7 2l8seed · 05-03-2009, 06:45 PM

حصه : حتى انا
سلامه : بدق حق سويرة …. اريد علوم المعارييس
أحمد يحاول يستعبط عليها : منو سويرة هاي بعد
سلامه : اونك ما تدري
أحمد : هيه ما ادري
سلامه : ما عليه من لاواتك
حصه : شو رايك نخطبها لك
أحمد : ما اريد اعرس
هزاع : ما عليكم منه
أحمد : صدق ما افكر بالعرس الحين وشكلي ما بفكر فيه مولية
حصه : ليش بعيد الشر …. منو من ربعك توهق وانت تعقدت منه
أحمد : لا مب السالفة جيه … الحين السالفه سالفة ها الاتصال الغريب اللي بتسويه سلامه
سلامه : وليش غريب .. ما غريب إلا الشيطان على قولت اخوانا المصرين …
حصه : انزين دقي حشرتينا
هزاع : احمد اليوم شكلي بروح العين
انتبهت سلامه وما قدرت تعلق لأنها اتصلت بسارة
أحمد : ليش تو الناس
هزاع : تعرف من متى ما رحت بيتنا ولا اعرف اخبارهم وامي متشرهه عليه

أحمد : محد يروملك .. انت عندك حد يتشره عليك بعد
هزاع : هيه شو على بالك
سلامه : هلا سارة علومج
سارة : الحمدلله … بس جسمي متكسر
سلامه : متسكر ؟؟؟ من شوه
أحمد وخذته الوساويس …وهوه خايف : شو اللي متسكر

سلامه تقول حق أحمد اص وبصوت خفيف
أحمد غيض وياها وضربها بالمخدة اللي بيده وهيه تصارخ وسارة مب عارفه السالفه
سارة : شو بلاج ……….الووووووووووووو
سلامه : أحمد حرام عليك خلني اكمل تيلفون
سارة : شو بلاه أحمد عليج
وشل عنها التيلفون وفجت عيونها مستغربة
أحمد : سارة ….. شو اللي متكسر
سارة ما ترد لأنها مصدومه كيف ومنو هذا اللي يكلمها أحمد ولا منو
أحمد : سارة وينج شو صاير عندكم
سارة : منو أحمد
أحمد : هيه أحمد … بس ردي عليه
حصه : أحمد شو بلاك من شوه خايف
سلامه تكلم أحمد : عطني التيلفون …. لأن اللي تكسر شي ما يخوف بس جسمها متكسر
هزاع : ههههههههههههههه خليه يمكن يحاتي جسمها بعد عن يتكسر .. وكل هذا وما يباها
وفر أحمد التيلفون على سلامه وقعد عدال هزاع وهوه قافط ومتفشل ما عرف شو يقول
حصه : ههههههههههههههههه اول مرة اشوف أحمد مستحي
أحمد : فشلت البنت وفشلت عمري … شو دراني على بالي شي صار فيهم… هاي سلامه زيغتني
حصه : انت زغت على منو على ساروه ولا الشي المتكسر ؟؟
أحمد : لا تعليق … وبندو السالفه أحسن
هزاع : ههههههههههههه الجواب بحتفظ فيه لنفسي
أحمد : وبعدين معاكم يعني
سارة : سلامه … شو ها اللي قاعد يصير
نشت سلامه وراحت صالة حجرة أمها وابوها : ما ادري عنه … اصلا انا انصدمت يوم شل التيلفون عني
سارة : والله انه خوفني ولا عرفت ارد عليه
سلامه : تراني كنت اتغايض معاه قلت بيسكر بويهج ما توقعت يكلمج ….ولا باين عليه كان خايف
سارة : هيه حسيت بها الشي ..
سلامه : امره غريب ها الولد
سارة : اممممممممممممم وتقول بخاطرها " معقوله صار يهتم فيني .. او يحس بشي صوبي "
سلامه : خلينا منه الحين انتي الحين خبريني شو آخر الأخبار عن المعارييس
سارة : يسرج حالهم … قاعدين في الفندق لين الحين وبيون يتعشون عندنا اليوم و يوم السبت الضحى بيسافرون
سلامه : شي طيب والله … وشوه بعد أخباركم
سارة : والله اخبارنا كلها عن ها العرس
ويلسن يسولفن …. وسارة لو انها تسولف بس بالها مب مع سلامه بالها مع اللي سمعت صوته ( أحمد ) واللي خبلها خوفه عليها ….وقبل لا تسكر سلامه أحمد ياها
سلامه : سارة اصبري شوي أحمد يباني
سارة : اوكي
أحمد : استسمحي منها
سلامه : سارة
سارة : هلا
سلامه : أحمد يستسمح منج
سارة : قوليله ما صار شي ومسموح
سلامه : تقولك ما صار شي ومسموح
أحمد : اوكي وسلمي عليها بعد … والغدا حطوه
سلامه : ما بقولها
أحمد شافها بطرف عينه وهوه مقهور لأن سلامه دومها تقهره مثل ما هوه يقهرها … وروح
سارة: شو اللي ما بتقولينه
سلامه : يسلم عليج
سارة : والله
سلامه : هيه .. وشوه بلاج جيه فرحانه
سارة : لا عادي بس استغربت شوي
سلامه : قلت له ما بقول عشان اقهره ولا انا اصلا بوصل سلامه غصبن علي
سارة: ههههههههههه ليش انتو دوم تتغايضون
سلامه : افففففففففففف اي دوم إلا كل يوم وكل دقيقة ههههههههههههههه
سارة : هههههههههههه صدق
سلامه : لا اسولف معاج ساعات يعني مب ذاك الزود
سارة : ردي عليه السلام … وبخليج الحينه لأن امي تزقرني
سلامه : جيه شو انا بينكم مرسال سلامات ولا كيف
سارة : سلامي .. لا تكونين جيه غلسة
سلامه : هههههههههههههههههههههه انزين يالله باي
سارة : باي .
………................

________________________________________
بعد صلاة العصر
راح أحمد ويلس ويا ابوه يسولفون في الصاله ..... اما هزاع فطلع يتمشى برع وكان يكلم حد من ربعه...
سلامه شلت كوب عصير وطلعت برع ومعاها شمه ...شمه يلست تلعب برشاشات الماي اللي كانو مشغلينهن حق الحشيش وسلامه يلست بكرسي مجابلة شمه وتضحك على سوالفها وتفكر بهزاع وكيف بتتحمل فكرة انه بيروح العين ....
يا هزاع بعد ما سكر التيلفون من ورى سلامه .. وبدون ما تحس
هزاع وبصوت شوي عالي وفجأة : بو
سلامه نقزت من الخوف وكان بينجب العصير عليها وقالت : بسم الله الرحمن الرحيم ...... خوفتني
هزاع : صدق خفتي ... الحمدلله يعني زيغتج ... وبجذيه انا غثيتج
سلامه : احلف انت بس ..... يعني انت ترتاح يوم تغثني
هزاع يريد يقهرها : وايد ارتاااااااااااااااااااااح
سلامه اونها مبوزة : خلاص عيل لا تكلمني
هزاع : افا ليش
سلامه : ............................
هزاع : لا تزعلين والله هاي دعابات مثل ما يقولون ... ولازم تتقبلينها لأنها مصخرة
سلامه : والله خوفتني حتى تعال وحس بدقات قلبي
هزاع : والله عادي احط ايدي
سلامه : تباها من الله اشوف ههههههههههههههههههه
هزاع : هههههههههههههه والله شو اسويبج ... تقولين انتي تعال وحس بدقات قلبي .. فديتج انتي ودقات قلبج
سلامه : انت مشكله والله انك شيطان
هزاع وهوه يدور حوالين سلامه : انا شيطان ............. كل ها البرائه وتقولين عني شيطان
سلامه وهيه تطالعه من فوق الين تحت : هيه شيطان
هزاع : بتشتاقيله ها الشيطان الطيب
سلامه وهيه حاطه عينها بعينه : هيه والله بشتاقله موت
هزاع تقرب منها وهمس بإذنها : احبج
سلامه عضت شفايفها وابتسمت ونزلت عينها
هزاع : تعرفين شو بخاطرية
سلامه : شو
هزاع : اصرخ بأعلى صوتي واقول جدام كل ها الخلق إني احبج
سلامه : منو قدي ذيج الساعه
هزاع : فديتج والله
هزاع : شربي العصير ... صار بنكهة الغاف هههههههههه طاحت ورقة في كوبج
سلامه : ههههههههههه عينك بالعصير .......... جان قلت لي اعطيك بعطيك
هزاع : اريد من كوبج تشربيني ..ومن حبج تسقيني
سلامه : لأ من كوبي لأ .. بروح ايب لك
زخها من ايدها قبل لا تروح وقال : وين رايحه انا ما اريد عصير غير ها العصير
سلامه : مستحيل .. وفيه طايح شي من هال الغافة
هزاع شل الكوب وشرب منه شوي ولا عليه من اللي داخل الكوب
سلامه : كيف تشرب وهوه فيه ورقه من الغافة هاي
هزاع : ما بتسمم وان تسممت عادي بموت وبتفتكين مني
سلامه : بسم الله عليك .. ان شاء الله عدوينك
هزاع : تحبيني
سلامه : هيه
هزاع : وانا بعد احبج
سلامه : ادري
هزاع : شوفي شموه لاعبه دور في الحوي اليوم ههههههههههههههه تراقص بها الماي
سلامه : ياحليلها تتملل رويحاتها
هزاع : تصدقين امس كنتي تجننين
سلامه : إنت اللي تجنن
هزاع :تعالي نتمشى هنيه صوب شمه ونشوفها شو تسوي
سلامه : اوكي ليش لأ
وهم يمشون زقرت حصه شمه ودخلت شمه داخل ويلس هزاع يمشي مع سلامه ويسولفون وبدون ما يحس يشرب من ها العصير ويشرب
سلامه : هزاع ... خلصت الكوب تراك
هزاع : تصدقين ما حسيت
سلامه : يوم بخاطرك عصير خلني اروح ايب لك كوب نظيف مب طايح فيه اشياءات
هزاع : اشياءات ؟؟؟ شو ها القاموس اللي تمشين عليه
سلامه : هههههههههههههه هاي الكلمة نستخدمها طنازة بينا نحن البنات يعني ربيعاتي وحصه وما ادري منو
هزاع : وانا يعني من اليوم ورايح لازم اتعود عليها ....وانا اقول ساعات تقولينها واقول نقعت في الكلمة وامشيها بس اشوفج دوم تقولينها عثرها من قاموسج
سلامه : هيه من قاموسي هههههههههههههههه
هزاع : انا تراني عقب المغرب بروح العين .. ما اوصيج على عمرج __DEFINE_LIKE_SHARE__

Ro7 2l8seed · 05-03-2009, 06:46 PM

سلامه وهيه موخية والكلام بالغصب يطلع : راح توحشني
هزاع : وانتي بعد راح توحشيني ... وشوه بلاه صوتج انا ما بسافر انا بس رايح العين وانتي بعد يومين تراج بتكونين هناك
سلامه : ادري بس ما اطيق لحظه فراقك
هزاع : عيل انا شو اقول ... بس لا تزعلين الحين انا عندج ..لا تصيحين الحين صيحي بعدين
سلامه : لا والله .. احلف انت بس ... وايد مصدق عمرك
هزاع : شو اسوي فيج .. ما اتحمل اشوفج متكدرة والسبب انا
سلامه : انا هب متكدرة بس
هزاع : بس شو ماله داعي تقولين
سلامه : انزين دير بالك على عمرك ولا تسرع وايد
هزاع : لا تحاتين ها الشي .. صح حبيت اقولج ببيعها الرنج
سلامه : ليش ؟؟
هزاع : اريد اغير قلت باخذ نيسان فتك وبزوده وبخليه ترتوب
سلامه : لا والله ..من البرستيج يالين الخبال والحركات هاي
هزاع : لازم نغير مرة كشخه ومرة شي جيه سبورتي بس على كشخه هههههههههه .. لاو بو دمعه ما ادري محتار بصراحه
سلامه : سو اللي تشوفه صح
هزاع يرن تيلفونه : الوووووووووووووو .. هلا ناصر
ناصر : اهلين .... علومك
هزاع : تمام علومك انته وعلوم اللي بالي بالك
ناصر : رحت الها البيت وطلعو في بوظبي عاد وين في بوظبي ما ادري
هزاع : ههههههههههههههههه ما شاء الله وكيف يبت ها المعلومات صدق انك خطير
ناصر : ربك ..... ما يحتاي اقولك المصدر عقب تحسدني على ذكائي هههههههههههه
هزاع : انت اصلا مشكوك في ذكائك
ناصر : مشغول ولا
هزاع : هيه انا مع الأهل الحين بدق لك بعد شوي
ناصر : اوكي عيل اتريا اتصالك
هزاع : يالله عيل مع السلامه
ناصر : مع السلامه
....
سلامه : منو هذا
هزاع : واحد من الربع
سلامه : شو بلاه
هزاع : يحب وحده ما كلمها وناوي يخطبها بس لأنه شافها وعيبته
سلامه : يصير ها الشي
هزاع : كل شي يصير .. والله انه تغيرت احواله ما احيده جذيه تبدل صار واحد ثاني
سلامه : غريبة والله
هزاع : تصدقين يروح بيتهم اذا كان في العين وفاضي بس على أمل أنه يشوفها .. دومه يخبرني عن سوالفه
سلامه : شو ها الحب ... انزين يروح يخطبها
هزاع : بيروح لا تحاتين بس الأهل كيف بيقنعهم ؟؟؟
سلامه : هوه وشطارته
هزاع : اصلا انا اللي بخطط له كل شي
سلامه : يستاهل ... مهما يكون تراه ربيعك
هزاع : المهم يالله الحين دخلي لأني بروح اجهز اغراضي وبكلم ناصر وبشوف علومه مع القلب ماله
سلامه : اوكي .. بس تباني اساعدك
هزاع : بس قولي حق بشكارتكم تيب الكنادير مالي اللي عندها في الكوي
سلامه : ان شاء الله
هزاع : فديتج انا
ودخلت سلامه وزقرت على ماريا تيب ثياب هزاع وراحت سلامه بنفسها لحجرة هزاع وعطته ثيابه بس عشان تشوفه لأنه شوي ويروح .
...................................
في حجرة أم غانم
حمد : يا لطيفة وين تيلفوني
أم غانم يالسه تغسل ايدها في الحمام : ما ادريبة .. دق عليه من تيلفوني
حمد : ووينه تيلفونج ؟؟
أم غانم : فوق الدرج اللي عدال الشبرية
حمد : لقيته خلاص
أم غانم : شو لقيت
حمد : تيلفوني
أم غانم : وين
حمد : في مخبا كندورتي ما حسيت به إلا يوم توني ناش
أم غانم : الله يهديك بس
حمد : المهم انا طالع تامريني بشي
أم غانم : هيه بغيتك بسالفه
حمد : سالفة شو
أم غانم : اقعد وانا يايتنك الحين وبقولك عن السالفه
حمد : تراني مستعيل
أم غانم طلعت من الحمام وقعدت عدال ريلها حمد
حمد : تفضلي شو الموضوع
أم غانم : للحين الموضوع كلام حريم ...
حمد : يعني خطوبة ..شي من ها السوالف
أم غانم : هيه
حمد : ها منو ياي يخطب
يت سلامه وهيه شالة شمه اللي كانت محتشرة عليها تريدها تلعب معاها وعشان تفتك منها قالت توديها عند أمها وقبل لا تدخل سلامه سمعت ابوها يقول
حمد : انا طبعا رايي تعرفينه بها الموضوع ... الشور عند البنية وانا على ما اذكر احيد على حارب سوالف
أم غانم : ودرهن سوالفه ودرهن ولا كيف بيزوجونه وتعرفني انا اخاف على بناتي
حمد : اكيد ولا أمه لاعبه بمخج .. انا بعدني بتخبر عنه وبتقصى عن امورة
سلامه وقفت تتسمع وعرفت ان السالفه فيها خطبه بس منو منهن ... يوم استوعب السالفة فرت شموه وروحت الحجرة ... شمه دخلت عليهم وحمد طلع وأم غانم تمت يالسه واتصلت بأم حارب اللي هيه شريفة( أم ريم )

يرن تيلفون شريفة وردت عليه : الووووووووووووو
أم غانم : هلااااااااااااااااااااااااا
شريفة : هلا وغلا علومج
أم غانم : الحمدلله وانتي علومج عساج بخير
شريفة : الحمدلله يسرج الحال
أم غانم : شو عيالج وشو عربانكم وفريجكم
شريفة : هههههههه عيالي يسرج حالهم اما اخبار الفريج بعدهن ما وصلني ههههههههههههه
أم غانم : ما رحتي مكان
شريفة : لا ما رحت ... إلا بتخبرج شو صار على موضوع حارب
أم غانم : للحين كل شي ماشي الحمد الله .. كلمت حمد وقال الشور شورالبنت وشورها عندي انا لا تحاتين
شريفة : ما قصرتي والله ... اما عن حارب فلا تحاتين بيحشمها
أم غانم : ادريبة .... بس هوه ودر سوالفه ولا
شريفة : يقول ودر وانا احس انه مب ذاك الزود مع سويلفاته الأولية
أم غانم : هيه لأني ما اريد مشاكل لا مع حمد ولا مع بناتي تعرفين انتي
شريفة :لا تحاتين
أم غانم : الحين انتي منو بيغتي منهن العودة ولا الصغيرة
شمه : انا مب صغيرة .. ليش كله تقولون عني صغيرة
أم غانم : شموه يالله بالستر شو مدخلنج في السالفه ..؟؟ منو طراج
شمه : انتي تقولين الصغيرة والعوده والله
شريفة : منو تكلمين ؟؟
أم غانم : هاي شموه واقــفتلي في حلجي شو يفججني منها الحين
شريفة : ههههههههههه واحليلها
أم غانم : روحي عند خواتج خليني اسمع الحرمة شو تقول
شمه تمشي وهيه تتحرطم : انزين .. شو هذا كله ينازعوني ويطردوني
وراحت شمه صوب خواتها وأما أم غانم كملة كلامها مع شريفة...
.......
أحمد راح قعد عند هزاع لأنه بيروح العين مر الوقت .... ويا الوقت اللي بيروح فيه هزاع
شمه كانت عندهم وراح هزاع وقال حق شمه بلحظة اللي كان أحمد يتكلم في التيلفون
: روحي قولي حق سلامه هزاع بيروح العين
وشمه طبعا راحت وخبرت سلامه وطلعت سلامه وودعته وبالها كان مشغول...هزاع على باله مشغول بالها عليه .. طلع في بالها مب هم روحته وشوقها له لأ ...
أمر ثاني وهوه منو اللي ياي يخطب ومنو بيخطبون ....راح هزاع ودخلو كلهم داخل البيت

وتمت قاعده سلامه في الصاله وهيه تفكر يتها حصه وقعدت عدالها وعقب دقيقة
قامت وراحت صوب دلة الحليب
حصه : سلامه تبين حليب
سلامه : .................... ما ترد
حصه : اييييييييييييييييييييييه ....... حوووووووووووووو .. وين وصلتي انتي
سلامه وهيه مب عارفة السالفه : شو بلاج
حصه : اكلمج انا .. تبين حليب
سلامه : هيه اريد حليب
حصه وهيه تتحرطم بروحها : شو سالفتها هاي
ويت حصه وقعدت عدال سلامه وسالتها
حصه : شو بلاج ؟؟ بشوه مشغول بالج
سلامه : اخاف بالج ينشغل أكثر عني ونروح فيها نحن الثنتين
حصه : يالله بالستر ... نتوهق نحن الثنتين ليش يعني عادي خله ينشغل بالي معاج ... ولا و يمكن اريحج لي عرفت السالفه
سلامه : كل شي جايز
حصه : عيل تفضلي وقولي شو السالفه
سلامه : السالفه و ما فيها ........
حصه : هيــــــــــــــــــــــــــــــــه
سلامه : خطااااااااااااااااب
حصه : منو ياي يخطب
سلامه : هذه اللي ما عرفته ....
حصه : ومنو بيخطبون
سلامه : وهذا بعد الشي الثاني اللي ما عرفته
حصه : متاكدة وكيف ومتى عرفتي
سلامه : قبل لا ادخل على امي وابوي سمعتهم فاتحين ها السالفه وانا من الروعه شردت
حصه : عادي اذا حد ياينج رفضي وانا بشوف منو قبل ... عقبها اقرر
سلامه : يعني عادي تعرسين اذا كان اوكي
حصه : وليش لأ ... بس اذا كان اللي في بالي
سلامه : ومنو في بالج انتي بعد
حصه : شربي حليبج ... ولكل حادث حديث خلينا نعرف منو وعقبها اقولج كل شي
سلامه : اوكي
.................................
دق تيلفون سلامه واللي متصل ابوها
سلامه : لحقي يا حصه ......... ما برد عليه
حصه : منوووووووو ؟؟؟ هذا
سلامه : ابويه
حصه : وليش ما تردين عليه
سلامه : اخافه بياخذ رايي في الموضوع
حصه : شفتي واحد يكلم بنته بخصوص الخطوبة في التيلفون ؟؟؟
سلامه : ما اريد ارد ... انتي ردي شوفيه شو يريد
حصه وهيه تريد تلعب بأعصاب سلامه : ردي انتي عشان يخطبونج ...الحمدلله ابوي مب متصل فيني انا
سلامه : احلفي انتي بس .......... حرام عليج تعرفين قصتي
حصه : هاتي التيلفون قبل لا يسكر
ردت حصه : الوووووووووووو
حمد : السلام عليكم
حصه : وعليكم السلام ... ها ابويه شو تبا ؟؟
حمد : بغيتج تقولين حق أمج اني ما بتعشى في البيت ... شاغله تيلفونها من الصبح ما ادري مع منو ترمس .. مب تنسين
حصه : ان شاء الله .. انت تامر أمر
حمد : يالله عيل مع السلامه
حصه : مع السلامة
سلامه وهيه منصدمة والكلام بالغصب يطلع منها : شو يبا ؟؟
حصه : ما يخص الموضوع اللي في راسج
سلامه وهيه مرتاحه : الحمدلله ...... اوف الله يريحج مثل ما ريحتيني
حصه : انتي صدق خبلة ... خليني اروح اقول حق امي اللي قاله لي قبل لا انسى
سلامه : روحي دام الموضوع ما يخصه بالخطوبه روحي وين ما تبين
حصه : الحمدلله والشكر ... انتي صدق يوم تفكرين بموضوع وايد تتخبلين
سلامه : تعرفين ليش انا الحين احاتي
وراحت حصه وقالت حق امها الكلام وهيه طالعه يتها شمه
شمه : ماما قالت بنروح باجر الصبح المارينا وبوظبي مول
حصه : حق شوه
شمه : عشان اشتري اغراض المدرسة وانتي بعد روحي خذي اغراضكم
حصه : هيه والله ... تعالي معايه
شمه : وين بنروح
حصه : الصاله يعني وين بنروح
شمه : بروح ايب الباربي مالي وبيج
حصه : بسررررررررررعه ... يالله طيران ....
شمه : بركض بس انا ما اقدر اطير
حصه : ههههههههههههههههههه انتي مستحيله
وراحت وقعدت حصه في الصاله ويتها شمه وقعدت عدالها

شمه : شو تشربين انا اريد
حصه : اشرب حليب وهاذي الدله روحي صبي حق عمرج
شمه : انزين
سلامه : شو ايي الحين في التلفزيون
حصه : مسلسل هزاع وسلامه
سلامه : ويييييييييه زين يوم ذكرتيني .......... وعن الطنازة ترى بعض الناس يفهمون
حصه : هههههههههههه احسن عشان الخبر يشيع في البلاد كلها
سلامه : ويه ما ادري وصلو ولا ما وصلو
حصه : وصلو ولا وصل ...؟؟
سلامه : حصوووووووووه وبعدين معاج
شمه : حصه ... سهيل في العرس مط شعري بس انا ضربته على ظهره بالقو
حصه : هههههههههههههههه والله وفرحانه بعد
سلامه : هههههههههههههه انتي اصلا لين ما تصيرين قدي بتمين تتضاربين معاه
شمه : لأ انا قال الي ابوي لازم ما اضربة واسامحه
حصه : وانتي من متى تسمعين الكلام ........... ما اظن انج تطبقينه
سلامه وهيه تشفر لحصه : حصوووووووووه ما ترد
حصه : يمكن مشغوله ولا شي
شمه قامت وراحت الصاله الثانية عشان تشوف التلفزيون على راحتها
سلامه : الحمدلله يوم راحت ها الملسونه
حصه : هههههههههههه حرام عليج
سلامه : يا ويلي لايكون صار فيه شي
حصه : لا ان شاء الله
سلامه : بدق له مرة ثانية وان شاء الله يرد
حصه : دقي كل نص ساعه يكون احسن
سلامه : مشكلتي مافيني صبر
حصه : الله يستر ..
وتمت سلامه تدق وهزاع ما يرد .....
في بيت هزاع ....
دخل هزاع الصاله بعد وصوله من بوظبي وكانت عويش وامه قاعدات في الصاله
عويش : هلا والله
هزاع : اهلين
وراح هزاع ووايه أمه ووايه عويش
أم هزاع : هلا ابويه اش حالك
هزاع : لا باس ... الحمدلله
عويش : شو يبت لي من بوظبي
هزاع : لازم ايب لج شي ؟؟
عويش : هيه لازم مب اختك الحبوبة انا
هزاع : من متى ؟؟؟؟
عويش : الحمدلله يوم وصلت بالسلامه
هزاع يكلم أمه : شو اخبار ابويه
أم هزاع : الحمدلله ... وشوه اخبارهم اللي ضويت من عندهم
هزاع : يسلمون عليج
أم هزاع : الله يسلمك ويسلمهم ... وين اغراضك نزلتهن من السيارة ولا
هزاع : لأ بعدني
أم هزاع : قومي عويش روحي يبي اغراض اخوج
هزاع : لا ثقيلة الشنطة ما بتروم إلها زقرو البشكارة أحسن .. لأن مافيني حيل اشل الشنطة
أم هزاع : افاااااااااا ... تعبان من شوه ؟؟
هزاع : لا بس من الطريق
أم هزاع : هيه
عويش : بروح ازقر نفيسة تيب اغراضك
هزاع : ولا تخلينها تي صوب العود مالي دومها تستهبل وتنزله من السيارة
عويش : ههههههههههه .... والله حاله
وراحت عويش تامر على الخدامة تيب اغراض هزاع من السيارة وبنفس الوقت يا ابوهزاع ( سلطان )
بوهزاع : السلام عليكم
هزاع وأم هزاع : وعليكم السلام
وقام هزاع ووايه ابوه
بو هزاع : وين الغيبة
هزاع : موجود بس مثل ما تعرف كنت في بوظبي عند قوم خالتي
بو هزاع : هيه خبرتني امك
أم هزاع : بو هزاع تعال اهبش من ها الخبيصة ولا تباني اصب لك قهوة
بو هزاع : لا صبي قهوة
هزاع توه بيقوم قال ابوه : اقعد اريدك بكلمة
هزاع : آمر ابويه
بو هزاع : ما يامر عليك عدو .... بس نريد نفرح بك
هزاع : ان شاء الله قريب __DEFINE_LIKE_SHARE__

Ro7 2l8seed · 05-03-2009, 06:47 PM

أم هزاع تأشر صوب ريلها عشان يسكر الموضوع ويفتحه في وقت ثاني بس هوه طنشها ...ومن هنيه بدت سلامه تدق على هزاع وكان طبعا ما يرد .. يالين ما خلاه على الهزاز
بو هزاع : يعني متى تبانا نسير على بيت عمك عوض عشان بنت ولد عمك المرحوم
هزاع : بنت ولد عمي ؟؟؟ وليش ان شاء الله .. شو يخصها في الموضوع .. وليش اروح بيت عمي عوض ؟؟؟
بو هزاع : لا يكون نسيت .. هيه كلمه وحده بتاخذ وديمه يعني بتاخذ وديمة
أم هزاع : بعدين بنتفاهم في ها الموضوع
هزاع : لأ الحين .. تعرفون اني ما اريدها
أم هزاع : البنت ما عليها كلام ... اخلاق وجمال وانت فكر في الموضوع
هزاع : تبونها اخذوها حق راشد
أم هزاع : راشد صغير .... وهيه تيوز لك انته
بو هزاع : هزاع انت ريال وفاهم ما يحتاي اني اغلط عليك بالكلام ... فخذ وديمة وماله داعي للكلام الزايد اللي مامنه فايده
هزاع : اموت واعرف ليش تحددون مصيري ليش ؟؟؟ خلوني انا اختار شريكة حياتي
بو هزاع : هاي تصلح لك وبس
هزاع : وليش هاي انا ما اريدها... واريد بنت خالوه
أم هزاع : فكر
بو هزاع : لا يفكر ولا شي ما يحتاي اصلا انه يفكر بنت وحيده مالها غير اخو معثور نخليها عنده ليش ... واخوي عوض تعب من المشاكل اللي تصير بينهم كل يوم
هزاع : ابويه افهمني .... لا تظلمني وتزوجي وحده ما اريدها... وانا مب حل حق مشكلتها هاي .. ما اريد اكون ضحية بسبت واحد ملعوز اخته .. انا مب حلال مشاكل
أم هزاع: والله ... يا ولدي يا هزاع من بعد ما قالي ابوك سالفتها كسرت خاطري
بو هزاع : بتاخذها وملجتك الاسبوع الياي ... مريم تشري الأغراض من باجر وانا اللي بوديج السوق
هزاع قام وهوه منفعل وقال : ما بقعد في ها البيت مولية وبنشوف منو بيتزوج
ام هزاع : تعال يا هزاع ... تعال
بو هزاع : قبل لا تروح وتتهور كلمة خلها في بالك ... ان شبرت من ها الباب شبر لاني ابوك ولا انت ولدي
ام هزاع : لا ياوليدي ما توصل المواصيل لها الدرجة .. استهد بالله
بو هزاع : كلمته بالطيب ما يابه ... والحين قاعد يهددني بالطلعه من البيت
هزاع ما قدر يتحمل وشل عمره وراح الحجرة .. يت أمه وراه
ودخلت عليه
أم هزاع : ما بيدي حيلة ...... بقولك سالفتها وعقبها احكم علي موقف ابوك ..
يا عمك عوض وشكى لبوك عن اخو وديمة مثل ما تعرف يصيرعوض يد وديمة ويداري عليها وخاصه هيه لأنها وحيدة ولده المرحوم اللي توفى في الحادث ويا حرمته ....وديمه تذكره بالمرحومه(حرمت عوض ) .. الله يرحمها كانت طيبة ومثل ما تعرف توفت من بعد ما توفى ولدها من حرقت قلبها عليه ووديمة سميتها وطلعت نفسها ما خلت شي..اما اخوها فيصل شري ودومه يضربها بسبب ومن غير سبب وملعوزنها في كل شي ولولا وقفت عمك معاها ضده جان البنية يعلم الله عن حالتها
هزاع : وما لقيتو غيري انا .... احل ها المشكله
أم هزاع : ابوك وعد عمك أنه ياخذ وديمة لك يستر عليها ويفكها من بلى اخوها فيصل
هزاع : الله يغربل فيصل .... اصلا هذا مب ريال يهبي ...
أم هزاع : قلتها شو تباني اسوي ... البنت تدرس ويا اختك في الجامعه وهاي ثاني سنه إلها يعني عمرها الحين مثل ما قالي ابوك تقريبا 19 شي جيه
هزاع : انا ما اقدر آخذها انا اريد سلامه .. اقولها لج والله اني احبها وسلامه بنت اختج مب غريبة .. الله يخليج كلمي ابوي يغير رايه ...
أم هزاع : طول الفترة اللي انت كنت فيها محد كنت اكلمه بس ابوك وتعرفه عدل ... وانا ما اقدر اصرعليه اكثر من جيه لأن وضع البنت ما يساعد وانا شرحته لك
هزاع انهار وبدى يصيح وبدون ما يحس ويقول حق امه ويترجاها : ارجوج يا امايه لا دمريني ... كيف باخذ سلامه كيف بعيش ما اظن انها ترضى .. لا مستحيل حبي وحياتي تتدمر .. الله يخليج امي كلميه
أم هزاع : يا هزاع شو بلاك تصيح هد اعصابك ... اول مرة اشوف حالتك جذيه والله ما اعرف شو اقولك ... هزاع تراك عورت قلبي ( ومن الموقف دمعت عين أم هزاع )
هزاع : امايه والله اني بموت احس اني خلاص انتهيت .... شو اسوي الحين ...تبوني آخذ البنت وبعدين اطلقها .. انا اللي قلبي مذبوح ..آآآآآآآآآه
أم هزاع : لا يابويه ها الكلام ما يصير هذا عرضك وهيه من اهلك .. كيف تهون عليك تضيع حياتها وتربطها بك وعقب تطلقها ... منو يريدها عقب
هزاع : عيل ما فكرتو فيني انا ... ما فكرتو بحياتي كيف بتكون معاها ... والحين بعدنا ما ارتبطنا ... يعني مب لازم آخذها ..
أم هزاع : ابوك خلاص متفق ويا عمك ... واقولك انه ابوك قبل لا تي انته كان عند عمك
هزاع : آآآآآآآآآآآآآآآه يا ربي .. ان شو سويت عشان هذا يصير معاي ... خلاص امي اريد ايلس ابروحي
أم هزاع : لا تسوي بعمرك جذيه ... صدقني مب هاين علي انته ولا وديمة ولا سلامه بعد
هزاع : انتو هدمتو حياتي ... انتو دمرتوني ... شو تبون مني اكثر
أم هزاع : بخليك الحينه عشان ترتاح ومالك غير طاعت ابوك
هزاع : خليني الحين لأني تعبان اريد ارتاح ممكن
أم هزاع : يالله برايك
هزاع في ها اللحظة حارقة تيلفونه سلامه ومب رايم يرد عليها يقول في خاطره شو اقول الها ...
في الصاله
بو هزاع : ها شو
ام هزاع : شرحت له كل شي بس تصدق كسر خاطري يوم قعد يصيح
بو هزاع : امف عليه شو يصيحه بعد .....ريال بلحيته وطول وعرض
أم هزاع : تبا الصدق كان خاطره ببنت اختي ... بس المكتوب
وعقبها اتصل بأحمد .... رد أحمد
هزاع : الحقني يا أحمد
أحمد : شو صاير ؟؟؟ شو استوابك ؟؟؟
هزاع : بيزوجوني غصبن عني ... ولا عليهم مني ولا من رايي
أحمد : لا حول ولا قوة إلا بالله
هزاع : شو اسووووووووووووووي ... صدقني بطلقها في اليوم الثاني .. بحرق قلبهم مثل ما حرقو قلبي وحرموني من حياتي
أحمد : لا تقول جيه ... هزاع انتي صاحي ولا شو ... شو ها الكلام اللي تقوله .. البنت مالها ذنب تسوي فيها اللي مخطط انت تسويه
هزاع : عيل باخذ سلامه قبل وهيه الحرمة الثانية
أحمد : ................ بصراحه ما عندي تعليق
هزاع : انا تعباااااااااان ما اعرف شو اسوي ... ما ادري تخيل الملجة الأسبوع الياي ... اجابل الدوام ولا ها الملجة ولا شو .. القاها من وين ولا وين
أحمد : الحين منو قالك ها الكلام
هزاع : ابوي .. فكر في البنت ولا فكر فيني .... بيظلموني معاها .. والله حرام .. والله حرام هذا اللي يصير .. شو ذنبي انا فظروفها هاي بعد .. كرهتها من قبل لا اعرفها حتى
احمد : أي ظروف ... انت شو تخربط ؟؟ انا مب فاهم شو تقول
هزاع : بيزوجي ايها ابوي لأن اخوها فيصل ملعوزنها اونه .. انا شو يخصني .. خسه الله وياها
أحمد : لا حول ولا قوة إلا بالله ..
هزاع وهو بادي يعصب: هذا اصلا واحد خايس ... وبسبته انا حياتي كلها تتغير ... لو اشوفه جدامي لدعمة
أحمد : هزاع .. استهد بالله .. يعني انت بتاخذ البنت عشان تفكها من شر اخوها
هزاع : تخيل هذا يصير ... مشكلتها تكسر الخاطر بس مب على حسابي انا ..
تمو يتكلمون ويت سلامه صوب حجرة أحمد وكان الباب ملايم وصوته طالع وكان يتكلم ويا هزاع ووقفت تتسمع
هزاع : امي تدري اني اريد سلامه بس ما بيدها حيلة ... ابوي معاند وواعد عمي انه يزوجني اياها ... يخطبون لي وانا مالي علم وانا على بالي ان السالفه انتهت وخلاص
أحمد : هزاع ... يعني خلاص ما شي أمل انك ما تملج عليها
سلامه في خاطرها الف فكرة وفكرة وتقول : ليش ما يقدر يملج علي؟؟؟ اصلا شو السالفه لازم افهم ..
هزاع : ماشي أمل حرموني من كل شي والله حرام ... أمي سوت اللي عليها بس ابوي .. ابوي اللي ما وقفت ولا مرة في ويهه اليوم وقفت والمشكله خسرت وايد اشياء .. ما باخذ غير وديمة

أحمد : يعني انت حق وديمة خلاص .. هزاع انا بيك العين .. لأني انا قايل اني بي يوم الجمعة عشان الدوام
هزاع : تعال ببات في بيتكم ما اقدر اقعد في البيت احس اني بختنق
أحمد : اوكي .... ابوك وخالتي وين ....
سلامه وهيه مصدومه ما سمعت غير اسم هزاع وجملة أحمد الاخيرة " يعني انت حق وديمة خلاص "
دمعت عيونها ولا رامت توقف على ريولها .. و بصوت واطي تقول : حبيبي حق وديمة ... حق وديمة ..... لااااااااااااااااااااااااااااااااااااااااا
احمد وهو يكلم هزاع انتبه لصوت حد جدام الباب يصارخ

................................................

________________________________________
الجزء السابع
دمعت عيونها ولا رامت توقف على ريولها .. و بصوت واطي تقول : حبيبي حق وديمة ... حق وديمة ..... لااااااااااااااااااااااااااااااااااااااااا
احمد وهو يكلم هزاع انتبه لصوت حد جدام الباب يصارخ طلع لقاها سلامه وحالتها حاله
سلامه : مستحيل ................ لااااااااااااااااااااااااااا ... ما اريد هذا يصير معاي ... لااااااااااااااااااااا حرام .. انا
أحمد يكلمها : سلامه ...شو بلاج ... شو بلاج
هزاع بعده على الخط ويسمع صراخها ومب قادر يتحمل
سلامه : قوله انه ما ياخذها ... قوله اني بموت لو خذ غيري
هزاع : أحمد شو بلاها سلامه ...
أحمد : سلامه ... لا تقولين جيه مسحي دموعج .. وهذا نصيب ما بيده ولا بيدنا حيله
هزاع يكلم أحمد : درت .... لا تقول انها درت ............. لااااااااااااااااااااااااا ... شو اسوي الحين ...
سلامه منهارة ومب قادرة تصدق اللي قاعد يصير معاها وأحمد يهدي بسلامه شوي ويهدي بهزاع اللي انهار هوه الثاني لأنه ما يتحمل سلامه يصير فيها شي او حتى تزعل .. كيف يتحمل تصيح ولا المشكله بسبب طالع من ايده ....
أحمد راح يزقر حصه عشان سلامه ما طاعت تقوم
أحمد وهزاع يسمعه وما قدر يتحمل اللي يصير لسلامه سكر التيلفون وطلع وهوه شال سويج سيارته لقى ابوه وامه و عويش وراشد في الصاله وكان ويهه امبين انه متضايق وانه مهموم وصايح بعد عيونه محمرات وحالته حاله
أم هزاع : هزاع وين إبها ؟؟ وين بتروح ؟؟
راشد : متى وصلت العين ؟؟
هزاع خاطف عنهم ينب ولا رد عليهم
عويش : شو بلاه جيه جنه مريض ؟؟ راحت وراه
بو هزاع : بيروح وبيرد ما عليكم منه
أم هزاع راحت وراه بعد
عويش وامها يمشون وراه وتقول عويش : هزاع شو بلاك ؟؟ ووين رايح رد علي
هزاع : رايح وبرد
ام هزاع : انزين طمني قولي وين بتروح
هزاع : ذبحتوني ورضيت بس انكم تذبحونها معاي هذا اللي ما ارضاه
ام هزاع : منو هاي بعد ؟؟ انت شو تقصد
عويش : شو صاير خوفتني
هزاع : انا رايح بوظبي
أم هزاع فهمت : هزاع شو صاير ببنت اختي ؟؟؟
هزاع : ما ادري ما ادري .. لا تسالوني عن شي .. زواج وزوجتوني خلوني خلاص
أم هزاع ما عرفت شو تسوي وتمت قاعده بحوي البيت مب عارفه شو تسوي تحاتي هزاع ولا سلامه .. عويش قعدت عدال أمها وسألت امها عن السالفه وقالت أم هزاع السالفه من أولها إلين آخرها ....
................
في بيت حمد
أحمد يدور حصه ويزاقر بأعلى صوته : حصه وينج ؟؟؟ حصووووووووووووووووووه
حصه طلعت تربع من حجرتها أول مرة أحمد يزقرها جذيه وخافت : أحمد شو صاير ؟؟
أحمد : لحقيني .. اختج سلامه
حصه : شو بلاها ... قولي شو صاير
أحمد : تعالي معاي
حصه : قولي شو السالفه زين ... قلبي بريولي طمني ...
أحمد وهوه يمشي بسرعه مع حصه رايحين صوب سلامه : هزاع ملجته الأسبوع الياي وسلامه درت
حصه :ويييييييييييييييييييه ............. وينها ؟؟ حبيبتي سلامه الله يعينها
وصلو لقو سلامه ساكته ولا تتكلم وعيونها حمممممممممممر وتدمع وبس
أحمد استغرب خاف عليها يكلمها ما ترد عليه
حصه : سلامه ... شو بلاج ردي علي ...
سلامه تصيح و ما ترد على حد
حصه : الحقني يا أحمد اختي تخبلت ولا صار فيها شي ليش ما ترد
أحمد : سلامه ردي علي ... سلامه شلوها وودوها الحجرة يلست حصه تمسح دموعها وأحمد ياب الها ماي ما طاعت تشرب .... بعدين ياب مصحف ويلس يقرا عليها
(( هذا المصحف ))
كانت سلامه ما تفكر بشي غير انه هزاع حلم وانتهى كانت ما تشوف منو حواليها ما تبا تصدق واقع يقول أنها تعيش أقسى تجربة في حياتها ما تبا تصدق انها سمعت باذنها خبر نهاية قصتها ما تبا تصدق انها خسرة حياتها وقلبها وحبيبها ما تبا تصدق أي شي .. كانت بس تصيح حضنتها حصه ويلست تصيح على حالتها واحمد يقرا عليها دق تيلفونه لقى هزاع متصل وقف قرايه وروح شوي بعيد
هزاع : انا ياي بوظبي
أحمد : لا تي ماله داعي ... يكفي اللي صاير هنيه ما فينا تزيد الامور تعقيد
هزاع : انا الحين اللي يعقد الامور .. ليش شو صاير ؟؟؟
أحمد : ماشي
هزاع : سلامه فيها شي صح ... رد علي سلامه شو فيها
أحمد ما رام يتحمل : سلامه ما ترد علينا ساكته وتصيح
هزاع : ليش جيه شو بلاها ..؟؟؟؟ حاول فيها
أحمد : حاولت يا هزاع
من سمعت اسمه سلامه بدت تصارخ : لااااااااااااااااااااااااااااااااااااااا .... ما اريده يروح ما اريده ياخذها لااااااااااااااااا
حصه تهدي فيها بس ماشي فايده أحمد يا صوبها : لا تسوين بعمرج جيه يا سلامه
هزاع : انا بيكم نص ساعه وبوصل
أحمد : لا تسرع يا هزاع
أحمد يلس يهدي بسلامه لين ما هدت ويلست تصيح بحضن حصه وتقول : انا بموت ... والله ما اعرف شو اسوي ولا شو اقول .. احس اني معاكم ومب معاكم . آآآآآآآآآآآآآآآآآآآآه ... سكر هزاع عن أحمد مرة النص ساعه هدت فيها سلامه ويلس أحمد يفهم بسلامه ان هزاع مغصوب على ها الزواج وما بيده شي وحالته حاله ... مر الوقت وهزاع ما وصل يدق احمد عليه تيلفونه مغلق خاف عليه ... نزلت حصه وسلامه لقت هزاع في البيت واقف على الدري .. (( هذا الدري اللي كان واقف عليه هزاع وسلامة ))

سلامه ما تحملت تمت تصيح
هزاع : شو بلاج .. انتي بخير ؟؟
سلامه تصيح وما ترد
هزاع : سلامي ... لا تصيحين بطلقها .. او باخذج قبلها
سلامه انصدمت من ها الكلام وردت عليه : كيف تباني ارضى انك تطلقها البنت مالها ذنب .. وانا ما ارضى تكون عليه عديلة
استغرب هزاع من ردها : انا ادور الحلول لج ولي وانتي تردين جيه ... يعني انا الحين اريدها تكون عديلة عليج .. انتي تعرفين اني اريدج انتي وبس وابوي غصبني عليها لظروف تخصها .. كيف تقولين جيه ... يعني ما تبيني الحين خلاص

سلامه تمت تصيح وما تمت تفكر بالكلام اللي تقوله .. تحسن انها مظلومه في ها السالفه كلها
هزاع : بقنع ابوي اني آخذج قبل
سلامه : واللي بتاخذها ما فكرة شو رايها في الموضوع
هزاع : خليها تولي ... اكرهها
سلامه : تاخذني انا وبس ... او تاخذها هيه وتنساني ..... وراحت وهيه تصيح
هزاع : سلامه وين رايحه سلامه
أحمد واقف يطالع اللي يصير وما كان بيده شي
هزاع : أحمد ... شفت اللي صار ... كلمها .... اقنعها .. القاها من وين ولا وين
أحمد : بشوفها بس خلها تهدى الحين ... وكلامها يمكن يتغير ويمكن ما يتغير .. وانا اشك انه ما بيتغير
هزاع : ليش ؟؟
أحمد : كل وحده في مكانها ما بترضى بها الشي
هزاع : هذا الحل الوحيد وانت تعرف ها الشي
أحمد : اعرف... والله يعينكم ... ولكن الشور عندها مب عندي
هزاع حط عينه في الأرض وحس ان الأمل الوحيد والحل اللي كان بيده صار سراب ... ما توقع رد سلامه بيكون جذيه
هزاع انصدم والأمل خلاص فقده.... وحاس انه خسر كل شي وبسرعه
هزاع : يالله انا رايح العين
أحمد : توك واصل .. ارتاح شوي اشرب لك شي .. او حتى بات عندي
هزاع : مشكور .. انا بروح مالي قعده هنيه .. ولا لي قدر عندكم
احمد : ليش تقول ها الكلام ؟؟؟ افااااااااااااا
هزاع : مع السلامه
أحمد : هزاع ... تعال انا اكلمك
هزاع روح وهوه متضايق ومب عارف شو يسوي ...وفي باله كلام سلامه
سلامه في الحجرة مع حصه
حصه : انتي مقتنعه بالي قاله
سلامه : طبعا
حصه : ليش يا سلامه ؟؟؟ مب انتي تبينه
سلامه وبعينها دمعه : اباه بس مب على حساب وحده غيري .. انا ما ارضى ..
حصه : ابوه غاصبنه يعني هزاع مب بكيفه ..وهو شاف هذا الحل .. والمشكله البنت شكلها بعد الشور مب بيدها ما نعرف شو ظروفها
سلامه : تبيني اتزوجه واخليه ياخذها وعقب يطلقها ... وانا اعرف ان هذا مصيرها ما اقدر اتخيل هذا يصير ...اتخيل عمري لو كنت مكانها ...حصه انا احبه بس ساعات الواقع غريب وقراراتنا تكون غريبة مثله
حصه : ما اصدق كل اللي يصير
سلامه : انا تعبانه اريد انام احس اني دايخه ومب قادره اتحمل
شوي تيلفونها يرن
حصه : تيلفونج
سلامه : هذا هزاع ... ((( هزاع يتصل ويتصل ))) http://alamuae.org/upload/alam8/haza3.jpg
حصه : طبعا ما بتردين
سلامه : ما اقدر ... حصه اغلقي التيلفون .. لأني برقد
حصه : انزين
وقبل لا تغلق حصه التيلفون
طرش هزاع مسج "الواقع غريب ولكن القدر أغرب .. نعيش الحب ومع هذا نجهله " ((( هذا المسج بالصوووووورة وشوفو كل حرف كتبته ايد هزاع )))) http://alamuae.org/upload/alam8/mas.jpg
رقدت سلامه ويا أحمد وطلعت معاه في الصاله وقالها عن أسباب زواج هزاع ووديمه
انكسر خاطرها على هزاع وسلامه وعذاب وديمه اللي تريد تفتك من همها وبدون ما تدري انه على حساب غيرها ...
يت أم غانم وزقرتهم على العشى واللي ما كانت تدري باللي صار ولا تدري بييت هزاع
احمد : لو انه مالي نفس بس يوعان
حصه : انا مالي نفس بصارحه
راحت يلست تشوفهم وهم ياكلون وشموه عروستها بحظنها وتاكل جنه ها العروسه مربوطه فيها
أحمد : شموه ليش يايبه ألعابج معاج هنيه
شمه : بس جذيه
أحمد : انتي حركات متى بتكبرين ... والله شو ها الحركات مال اليهالو
شمه : وانا ياهل بعدني ما كبرت
احمد : تبيني افلعج بها الكوب
شمه : ماما شوفي احمد
أم غانم : احمد خلها ولا تأذينا معاها دامنها قاعده وساكته خلها لا تيلس تراوشها
احمد : دام القياده العليا تكلمت خلاص اسكت احسن
أم غانم : أحمد ترى حارب اخو ريم بيخطب
أحمد : منو قلتي حارب ولا خارب ... صدق انه خربان من ساسه لراسه .. منو ها المينونه اللي بتاخذه ؟
أم غانم : منو قالك .. اصلا اصطلح حاله ... وبياخذ وحده من خواتك
أحمد : يخسي .... لو يموت ياخذ وحده من خواتي ها الخام هذا
أم غانم : انا كلمت ابوك ... وابوك موافق
أحمد : انا بكلم ابوي وبعرف كيف اغير رايه
حصه : لا انا ولا سلامه نريد نعرس .. وقامت وراحت حجرتها
أحمد : الظاهر تبين تبيعين بناتج على واحد ما يسوى .. بس لو يموت يستوي اللي في باله
أم غانم : انا سالت عنه قالو انه ودر الخرابيط اللي كان يسويها
أحمد : تعرفينه أكثر عني ....حارب الخربان ما بيتوب لين آخر يوم في عمره .. لأنه أدمن على ها القذارة اللي عايش فيها
ام غانم : انا عطيتهم كلمة
أحمد وهوه معصب : وين ابوي ؟؟
أم غانم : يتعشى ويا ربعه
طلع أحمد ودق على ابوه وكلمه بالسالفه ابوه قاله : يوم برجع البيت بنتفاهم
ويلس احمد في الصاله يتريا ابوه ...

...................

في العين
غانم دخل على ريم وقال : السلام عليكم
ريم : وعليكم ... وينك
غانم : تعرفين الشغل اليديد .. تعرفين يوم الواحد يبدى من الصفر لازم يداري على حلاله
ريم :هيه ... ما راويتني تخطيط البيت
غانم : دقايق وبيبه لج .. حاطنه في الخزنه عن يطيح في ايد حد
ريم : هيه والله ... مافينا على الحسد
غانم : بس تعرفين انه مب بيت بس هذا حلم
ريم : عسى يتحقق ها الحلم واشوفه واقع
غانم : متى اقول حق امي تعطيني 200000 وشوه اقولها العذر اخافها تشوف المبلغ كبير وتتخبرني ليش
ريم : افا عليك دام ريم عندك لا تحاتي .. قول انك مسلف حد من ربعك ومحتاج المبلغ وربيعك ما رده وادهن سيرها بكلمتين
غانم : اوكي ... بس تصدقين مليت عيشتية هنيه افففففف منهم متى بفتك .. مافيهم خير
ريم : ان شاء الله قريب
وراح غانم ايب خارطة البيت ........وقعد هوه وريم يتكلمون بمواضيع مختلفة ....
..........................
في بوظبي في بيت حمد

الساعه 12 إلا ربع وصل حمد وقعدو في الصاله
أحمد : ابوي كيف توافق على حارب الخام هذا
حمد : منو قال اني رضيت تخبرت عنه واخباره ما تسر
أحمد : أحلى خبر سمعته
حمد : انا اول شي افكر فيه مصلحة ومستقبل خواتك وانته بعد
أحمد : الله يخليك يا ابوية
يت أم غانم : السلام عليكم
أحمد :وعليكم السلام .... و قولي حق ريم توصل لأخوها حارب انه ما عدنا بنات حق الزواج
أم غانم : وليش ان شاء الله ... شو رايك يا حمد __DEFINE_LIKE_SHARE__

Ro7 2l8seed · 05-03-2009, 06:49 PM

حمد : اللي قاله احمد قوليه ... بصراحه انا ما بزوج وحده منهن حق ها الخايس راعي السوالف اللي مثل ويهه ... ولا عشان عنده فلوس تبيني اتغاضى عن سواد ويهه
أم غانم : مب جيه بس قالت لي شريفة انه اصطلب وودر ذيج السوالف
حمد : خلاص هيه كلمة وحده زواج ماشي
ام غانم : اففففففففففففففففف .. انزين
................
في حجرة البنات
حصه يوم دخلت من الحرة اللي فيها صكت الباب بالقو .. يلست تفكر وتقول في خاطرها : مالقى ها العلة يخطب غيرنا نحن ... افففففففففففففف ...
نشت سلامه من كرخت الباب وقالت : حصه شو بلاج
حصه : انتي قمتي .... ما فيني شي ردي نامي
سلامة : شو صاير قولي .... داخله ها الدخلة وما تبيني اقول انه فيج شي قولي شو صاير
حصه : ماشي طلع خطيب الغفلة حارب
سلامه : منو حارب ؟؟؟؟؟
حصه : اخو ريم
سلامه : يخسي ........ويه فقدته راعي السوالف انا سمعت انه لعاب ولا علانية عنده الشغله ولا يلعب بالبنات لعب ويفسفس عليهن بيزاته بليا قياس .. اهبل واحد
حصه :ولا امي شكلها موافقه بس أحمد ما سكت عنها
سلامه : فديت احمد ... مفتشلة منه
حصه : ليش عشان اللي صار ... احمد غير والحب مب حرام
قامت سلامه وراحت صوب التواليت وقاعده تشوف ويهها وتقول : يالله شو ها العيون متنفخات وحمر ...
حصه : الحين شو نسوي
سلامه : بنكلم ابوي ودقي الحين حق احمد
حصه : ابوي افتشل منه ... بس احمد الحين بدق له
ودقت حصه حق احمد
أحمد : هلا حصه
حصه : اهلين ... وين انته
أحمد : في الصاله انا وامي وابوي
حصه : ابوي .... اممممممممممممم .. احمد ممكن تيني الحجرة
احمد : ما طلبتي
حصه : ثانكس
احمد : ما تيوزون من ها الانجليزي
حصه : ههههههههههههههههههه
احمد يقول وبصوت واطي : بس شو السالفه .. لايكون سلامه فيها شي
حصه : لاااااااااااا ما فيها شي ... تعال وبتعرف شو السالفه
وشوي إلا داخل عليهن أحمد وبعدها حصه على الخط ومن شافته بندت التيلفون وقعد احمد عدال حصه أما سلامه دخلت الحمام
أحمد : وينها سلامه ؟؟ وشو حالتها
حصه : بخير وهيه الحين في الحمام ... بس انا اريد اقولك ان ولا وحده منا تريد حارب
أحمد : هه يخسي حارب ياخذ وحده منكن والموضوع انتهى خلاص رديناه الخام
حصه وهيه فرحانه : قووووووووول والله ......... احلى خبر سمعته
أحمد: لها الدرجة ما تبين العرس
حصه : مب العرس ... حارب اللي ما اريده ولا سلامة تريده
احمد : والله ... صدق انج ما تستحين يعني انتي تبين العرس
حصه : هههههههههههههه احرجتي يا راسك
احمد : اسولف ... بسالج
حصه : هلا
احمد : الكلام اللي قالته سلامه تقصده ولا
حصه : شو اقولك يا أحمد ... تقصده وما توقعت ردها ولا وجهة نظرها
احمد : المشكله الكل يدري انهم لبعض وفجاة كل شي تغير
حصه : هذا النصيب
احمد : عشان نفرفشكم شوي بروح ايب الكيمرة عشان تشوفون اليواله
حصه : ياااااااااااااااااااااااااي .. بس بتطيع سلامه تشوف معانا
احمد : خليها على راحتها ... تبين الصدق مليت من المشاكل ... هزاع من صوب والع .... وما كمل اللي كان بيقوله
تذكر أحمد بها الوقت سالفته الطويلة مع العنود
حصه : صدقت صار القلب ما يتحمل الكدر
احمد : يالله عيل ...صح شمه وين ما اشوفها
حصه : يا راقده يا منخشه بمكان تلعب بها العرايس مالها
احمد : كنت اريد العوزها شوي
حصه : حرام عليك ...
طلعت سلامه من الحمام ...
سلامه : هلا احمد
احمد : اهلين ..
يلست سلامه وفتحة التيلفون مالها
احمد : بتين تشوفين اليواله ولا
سلامه : أي يواله
احمد : شو أي يواله .. اول امس بعرس الريايل عرس سعود كنا نيول وصورنا
سلامه : هيه ... توني تذكرت .. اوكي ليش لأ
حصه : يالله عيل
احمد : يالله
رن تيلفون سلامه كل ما يرن تخليه صامت
أحمد : سلامه ليش ما تردين
سلامه : مالي نفس اكلم حد
احمد سبقهم ...وخلت سلامه التيلفون في الحجرة
حصه : سلامه منو كان يتصل
سلامه : محد غيرة
حصه : اها ... ليش ما تردين عليه وتقولين اللي يريد يسمعه وتريحينه وترتاحين
سلامه : انا قلت الكلام اللي عندي وهيه كلمة وحده وهو سمعها يا انا يا ماشي عرس ...افففففف متى بتخلص ها السالفه
حصه : مساعه طرش مسج

سلامه :شو كاتب فيه بعد
حصه : مب كلام ... يعني كاتب بيت شعر شي من ها السوالف شي الواقع غريب شي جيه ما اذكر بالضبظ ...
سلامه : احمد وينه ما اشوفه في الصاله
حصه : اكيد في حجرته
يرن تيلفون الصاله
سلامه : انا بروح عند أحمد وانتي ردي ولحقينا
حصه : اوكي برد وبلحقكم مب تشوفونه قبلي
سلامه : اوكي
سلامه تمشي وتتذكر اللي قالته حق هزاع وتتذكر اللي صار بس كتمت الحزن وراحت صوب احمد
حصه : الوووووووووووووو

........... : السلام عليكم
حصه : هل اخوي
......... : منو معاي
حصه وهيه معصبة: ايه اذا ناوي تلعب العب على غيرنا باي
.................: اسف مب قصدي جيه بس قلت يمكن أم غانم اسلم عليج
حصه وهيه متفشله لأنه طلع حد يعرفهم : لا انا بنتها .. منو معاي
.............. : انا عبدالله السويدي
حصه من سمعت اسمه قلبها تم يدق واستحت اكثر
حصه : يا هلا اسمحلي ما عرفتك
عبدالله : اكيد حصه
حصه : هيه
عبدالله : شو اخبارج
حصه : الحمدلله
عبدالله : اتصل على ابوج تيلفونه مغلق وقلت اتصل على البيت احسن عشانه نسى اوراق مهمه تخصه وجوازة عدنا
حصه : ان شاء الله بخبره بالموضوع
عبدالله : مب تنسين ضروري تخبرين واذا كان واعي ياليت تزقرينه
حصه : دقيقه بروح اشوفه وبرد عليك
عبدالله : خذي وقتج
راحت حصه تشوف ابوها وين اما عبدالله متخبل انه حصه ردت واستانس وقال ياليت ابوها يغلق تيلفونه كل يوم
حمد: الوووو
عبدالله : هلا بو غانم .. شو اخبارك
حمد : الحمدلله ... شو الموضوع
عبدالله : والله لقينا في الميلس جوازك والأوراق المهمه اللي كنت يايبنهن عسب الشغل والسفر
حمد : هيه وانا اقول وين حطتيهن ... احفظهن عندك وباجر انا بمر صوبكم وبشلهن
عبدالله : لا ماله داعي انا بمر عليكم باجر وبيبهن معاي
حمد : اسمحلي على المغثة ... واسمحلي اذا كلفت عليك
عبدالله : افا عليك ... نحن اهل ما بينا كلافة
حمد : شي في الخاطر
عبدالله : سلامة راسك يالله فداعت الله
حمد : مع السلامه
عبدالله من بند عن حمد وهوه يفكر في أي وقت يروح حق حمد وبنفس الوقت بخاطره يشوف حصه ... وتم يتذكر صوتها وكلامها وخاصه يوم يايه بتسكر على ويهه وتذكر يوم غصت بالعنب في الميلس وكيف كان شكلها وحلاتها .. وقاعد يتأمل رقم بيتهم ويقول اسميني عشقت ها الرقم وراعين الرقم .... شوي إلا داخله عليه أخته ميرة الحجرة وما دقت الباب لأن الباب كان ملايم وسيده دشت
ميرة : عبود شو تسوي بروحك .. وتكلم عمرك بعد
عبدالله : عبود في عينج .. اسمي عبدالله وثاني شي ليش ما تدقين الباب وثالث شي شو ها الاذن اللي عليج صدق رادارات هههههههههههه
ميرة : ما يهمنا اريدك باجر العصر توديني بيت قوم عمي محمد
عبدالله : قالولج اشتغل عندج دريول وثاني شي وينه الدريول
ميرة : امي تقول انها بتروح معاه السوق
عبدالله : ومحمد ليش ما تقوليله يوديج او حتى خالد يكفي انج كارفتني طول ها الأسبوع ودني دبي وودني الشارجه اريد مركز صحارى وودني المارينا وودني بوظبي مول وودني ما ادرني وين وودني لابريوش اريد آكل شي حلو وودني البحر اريد اتمشى شوي وودني وودني ما بقى غير اوديج جهنم تجيكين عليها من الحين
ميرة : حرام عليك تعرف اني ما اداني اروح ويا حد غيرك ... وشي ثاني كله حق الكلية شو اسوي آخر كورس ولازم ختامها مسك
عبدالله : سيري ولي ما بوديج .. لأني ما اريد اشوف بنات عمي محمد وبنات عمي حميد اللي يتيمعن في مكان واحد من يدرن اني ياي كل وحده عدلت شيلتها وسبلت بعيونها ورزت بويها ويلست تكلمني ... اموت واعرف شو يبن
ميرة : ههههههههههههههههه .. حرام عليك لا تقول عن بنات عمومي جيه ... ما ارضى عليهن تراني
عبدالله : لو يموتن آخذ وحده منهن ........ اففففففففففففففف
ميرة : ولا حتى علاية
عبدالله : منو ياب طاري علاية الحين ... يعني شو تبين تغثيني .. خلاص انسيها علاية
ميرة : للحين مب راضين ايوزونك اياها
عبدالله : غسلت ايدي منهم خلاص عمي قالها لي ان علياء يباها مبارك ولد خالتها
ميرة : المشكله عليا غير عن كل بنات عمي ولا عن خواتها بعد ... تعرف حرمت عمي محمد نسرة .. ما تسوي إلا اللي براسها
عبدالله : عمي قال لي اذا تريد العنود عادي أما عليا حق بروك .. عمي ما يريد يردني وانا المشكله ما اريد العنود ...ولا المشكله جنه نحن في السوق اذا ما بغيت هاي خذ هاي ... انا اريد وحده اكون مقتنع فيها .. اما الحين انا اعرف منو باخذ
ميرة : منو ؟؟ لايكون عفاراي
عبدالله : عفاري هههههههههههههههه لاتموتيني من الضحك ... اصلا انا اتفشل اوقف عدالها من قصرها هههههههه تبيني آخذها
ميرة : عيل منو .. لايكون ميماني
عبدالله : لا ميماني ولا غيرها ... ما باخذ من بنات عمي ولا بنات خالتي ولا من هلي اصلا باخذ وحده تسواهن كلهن
ميرة : لايكون بتضوي البيت من ها الخايسات اللي ما يتسمن
عبدالله : ميرووووووه تحيديني اكلم بنات
ميرة : لأ
عبدالله : عيل كيف بضوي وحده ما تسوى .. ولا ارضى اصلا ادخل وحده البيت وايلسها بين خواتي ما اعرف شو تسوي وما تسوي
ميرة : عيل منو هاي ؟؟؟ وكيف تعرفها
عبدالله : بتعرفين كل شي في وقته مب الحين
ميرة : بتوديني الحين ولا
عبدالله : شوفيلج حد من اخوانج المتفيجين انا باجر العصر مب فاضي
ميرة : لايكون بتشوف اللي خبري خبرك
عبدالله : ما يخصج
ميرة : بروح عيل اشوف خالد
عبدالله : وانتي من الحين ادورين حد يوديج باجر ولا العصر بعد
ميرة : لأني ادري اني بقعد في البيت مجابلة التلفزيون وخواتك الحشرة
عبدالله : عاد كله ولا أمون الله يعينج من لغبها اللي ما تصكه ابدا
ميرة : شو اسوي يوم الله بلاني بخوات حشرة وبخوان ما ينفعون
عبدالله : جلبي ويهج يالله عن اجلبه
يت آمنه ودخلت الحجرة
عبدالله: كملت ... الله كملت يت ام لسانين وام اللغب العود
آمنه : اففففففففففففف منك لو انك اخوي العود بس تصدق انك طفرة ... متى بتقولي كلام حلو يوم بتشوفني ؟؟
عبدالله : والله اسولف معاج فديت امون انا... بس ثنتيناكن يالله برع
امون : اريد اقولك انه العنود توها متصله وتقول تعالو باجر ومحد غيرك بيودينا خالد بيروح دبي ويا ربعه .. ومحمد مب فاضي وادريول
عبدالله بقطع كلامها : عارف التراجيديا انا ... افففففففففففففف ماباقى غير الحين تي اليازية
فكني يعلكن الحشرة ... بوديكن .. بس شو عندكن هناك ؟؟ اذا اقتنعت بوديكن
ميرة : تبا الصدق العنود مسوية عزيمة لمت بنات وجيه
عبدالله : هاي الزرافة تسوي عزايم بعد ... انزين يالله طلعن بفكر يالين باجر يصير خير
امون تتثاوب ....
عبدالله : شو ها الحاله ... ناقص اشوف فلم رعب انا قبل لا ارقد .. امون زيغتيني ههههههههههههههه شو ها الحلج
امون : اوهووووووووووو دومك جيه تفشلني لو انك اخوي العود بس انت طفرة
عبدالله : هاي الجملة ما تحذفينها من لسانج ؟؟
امون : تعودت عليها من سنين وانا انطق ابها من الوذى اللي ايني منك
عبدالله :هههههههههههههههه
ميرة : حلوووووووووووووة عيبتني سوالفكم صدق انكم يوم تسولفون تسولفون عدل
امون : انا بدق حق العنود بقولها انك بتيبنا وبروح ارقد
ميرة : حتى انا بروح ارقد
عبدالله : لا تقوليلهن اني بيبكم عشان ما يطلعن حقي يطفربي
ميرة : يصير خير تصبح على خير
عبدالله : عنبوه .. تحجزون الواحد عشان يوديكم قبل بيوم ... اففففففففففففففف
ميرة : هيه لازم نظمن ههههههههههه
شوي إلا اليازية تزاقر من الصاله : وينكم ؟؟ ميروووووووووووه .. اموني ؟؟؟ وينكن مخلياتني رويحاتي ؟؟
عبدالله من سمع صوتها زخ امون وميرة من شعورهن وطلعهن برع وهن يصارخن وبند الباب ورقد
في حجرة أحمد يشوفون الفلم الساعه 1 تقريبا
وكل ما تطلع لقطة هزاع تتذكره سلامه وتحس بضيقه في صدرها ... اما حصه فكل ما يطلع سعيد تتذكر كل اللي كان بينهم من سنين وما تتخيل انه خلاص لغيرها ... سلامه ملت ونشت وراحت صوب التواليت ويلست تنبش بوك احمد وتشم ريحت عطوره ياها أحمد وشل البوك من ايدها اما حصه يلست تشوف الفلم بروحها ويت لقطة فيها عبدالله يطلع وايبس شوي وهوه ميت من الضحك ليش ما ندري .. اتخبلت حصه قصرت على الصوت ويلست تعيد اللقطة أكثر من مرة وبعدين خلص الفلم وتقول بخاطرها : شو ها الحلاة فديت ها العرضة .. صدق انه يجنن فديته .. معقوله حبيته ...
أحمد : حصوووووووووووووه
حصه : سرحانه ولا تسمع أحمد
أحمد : حصووووووووووووووه تعالي شوفي الصور
حصه : ها شو ؟؟ شو صوره ؟؟؟ او الفلم خلص ..؟؟ شو السالفه
سلامه : ويه باين بالها مب معانا الحلوة
أحمد : صور ابوية يوم شبابة
حصه : من وين يبت الصور
أحمد : بعد ... ناس واسطه
سلامه : سويتها واسطه .. اكيد هافنهن من حجرة امي
حصه : الله ............. تصدق يشبهك ... بس ابوي احلى عنك
أحمد : امي تقول كان يشبهني .... بس الحين تغير
سلامه : انا خذيت عيونه ورموشه
حصه : فديت خشمة .. يعلني ما اخلى من ها الشوف
سلامه : انا بروح ارقد احس انه راسي يعورني
حصه : وانا بعد
أحمد : وانا بعد برقد بس بدق تيلفون
وطلعت حصه وسلامه ودق أحمد حق هزاع عسب يطمن عليه وكان هزاع وايد متضايق وايد بس أحمد تم يواسيه على همه
هزاع : الحين سلامه اللي قالته تقصده
أحمد : ...............................
هزاع : رد علي تقصده صح ... يعني خلاص ما تباني
أحمد : مب انها ما تباك بس انت فهمت ليش قالت جيه
هزاع : المهم برايك الحين ... انا لو اموت ابرك لي من ها الهم اللي اعيشة
احمد : خل ايمانك بالله قوي
هزاع : لا حول ولا قوة إلا بالله
أحمد : ما اوصيك على عمرك وهذا قدر ومكتوب والله العالم باجر شو راح يصير
هزاع : ونعم بالله .... وشكلي راح ارضى .. وانا دورت حل ولقيت ها الحل
احمد : ادري والله ادري .. بس مب كل شي يكتمل في ها الدنيا
هزاع : ادري .... المشكله مب قادر اني اتخيل اني بعيش او باخذ وحده غير سلامه
أحمد : ما بيدنا حيلة يا هزاع انت تعرف انه ما عندي مانع تاخذها بس الظروف الحين تغيرت
هزاع : احس اني منتهي .. اريد اقعد شوي مع نفسي
أحمد : يالله عيل برايك ومع السلامه
هزاع : مع السلامة
بند هزاع عن احمد وما رقد وطول ها الليل وهوه يفكر بكلام سلامه .. ويتذكر اللي كان بينهم وتدمع عينة غصبن عنه وسلامه حالها اردى عن حاله .... سمعتها حصه وهيه تصيح ولوت عليها ... بس شو بيد سلامه غير انها تصبر .
........................
في العين في بيت عوض ( عم هزاع )
يالسه وديمة ويا عمتها هدى في الصاله وعيال هدى كلهم رقود وهم بنتين وولد وكانت هدى بايته في بيت ابوها وفي اليوم الثاني قالت بتروح بيت ريلها ... وهن يسولفن بنص الليل في الصاله دخل عليهن فيصل سكتن ثنتيناهن
فصيل : السلام __DEFINE_LIKE_SHARE__

Ro7 2l8seed · 05-03-2009, 06:51 PM

وديمة وهدى : وعليكم السلام
فيصل : ودوم شو موعنج لين الحين ؟؟؟
وديمة وهيه خايفة : يالسه ويا عمتي
هدى : انا قلتلها تقعد معاي
فيصل : افففففففففففففففففف منج متى بفتك منج ...الله يعينه المعثور اللي ياي يخطبج صدق انج بتطيحين بجبده
ويا صوبها ووقف على راسها وقال : بس الحمدلله اني بفتك منج .. كنتي هم وانزاح
يلست وديمة تصيح وتقول بخارطها : عمري ما ضريته بشي ولا سويت شي يزعله مني
وراح فيصل الحجرة وتمت وديمة تصيح وحضنتها هدى وقالت : ليش تصيحين .. لا تحفلين كلامه .. ها الخايس منو يعطيه ويه ... والحمدلله يوم حد ياج عشان تفتكين من فيصل الخايس
وديمة : توني اعرف ... بس انا ما اريد اخلي يدي بروحه في البيت انتي مب دوم تين هنيه إلا حسب ظروفج منو بيقعد معاه .. ماله غيري
هدى : نسيتي عمومتج ؟؟ ولا كيف دومهم معاه .. بس اخوج الله يهداه ما ادري على منو طالع حشى ما طلع على حد في العايلة
وديمة : منو يايني اصلا .. ما اريد آخذ واحد من ربعه .. كلهم خمه مثله
هدى : بتخبر ابوي باجر .... وبقولج منو سعيد الحظ هذا
وديمة تطالع هدى وساكته وتفكر
هدى : شو في بالج قولي ....
وديمة : متردده اقولج . ومستحية
هدى : تستحين من عمتج .... وانا اختج قبل لا اصير عمتج
وديمة : ادري ... بس سألي ابويه العود ( يدها ) منو ومن قوم منو واذا يخصه بفيصل ولا ؟؟؟ لأني ما اريد حد من ربعه .. يعني انتي تعرفين الباقي
هدى : ان شاء الله
وديمة : انا بروح قبل لا ايي فيصل ويهزبني على قعدتي هنيه ما فيني عليه بروح الحجرة تعالي معاي
هدى : لا وين ايي معاج ورانا نشه الصبح وشي ثاني بروح اشوف العيال راقدين وبرقد معاهم مافيني شويخ تـنش وتــنششهم كلهم
وديمة : يالله عيل مع السلامه وتصبحين على خير .. واذا لعوزتج شيخه يبيها صوبي
هدى : ان شاء الله ... وانتي من اهله
وديمة : بس انا احس انه محد ياييني وفيصل اكيد شارب له شي وياي مخرف
هدى : هههههههه ..لو احيده يسكر من قول بس فيصل ما يشرب ... بس تصدقين شكله مخرف
وراحت هدى حجرتها عند عيالها ( شيخه سنه ونص و خالد ثلاث سنين والكبيرة وديمة اربع سنين ونص ومسمتنها على أمها )
ووديمة راحت حجرتها وقعدت تفكر بالي ياي يخطبها وخايفة يكون من ربع فيصل
وتمت سهرانه ما ياها رقاد وفتحة الاب توب مالها ويلست تصمم كروت في الفوتوشوب وكتبت
" ودي اعرف باجر لي وش يخبي ... ودي اعرف في القدر وش مصيري
وعلى بر الأمان اتمنى ارسـي ... والهموم مـن داخلي ودي تطـيري "
ويلست تبدع في التصميم وكتبت ها الكلمات في التصميم ومر الوقت وبدون ما تحس تمسع أذان الفجر قامت توضت وصلت ورقدت ....)(( هذا التصميم ))

..........................

________________________________________
يوم السبت
في بيت سلطان ( بو هزاع ) الصبح
سلطان يالس في الصاله يتريق
أم هزاع : بو هزاع ... شو رايك تأجل الملجة شوي
بو هزاع : لأ ..الخميس يعني الخميس
أم هزاع : ما يحواحي ناخذ شي
بو هزاع : يواحي ... ولا تيلسين تتعلثين بالمشترى والوقت وما اعرف شو كم تبين بعطيج وما بقصر
أم هزاع : فيك الخير ... بس لازم يملج هزاع وهوه مقتنع
بو هزاع : ما عليج منه هذا .. كلمتي انا اللي بتمشي وبتصير .. وانا عطيت اخوي كلمة وما برد فيها عشان خاطر ولدج
يا راشد الصاله ووراه عويش
راشد وعويش : السلام عليكم
بو هزاع وام هزاع : وعليكم السلام
أم هزاع : ما شاء الله .. اشوفكم قايمين من الصبح اليوم ... مب من عوايدكم
راشد : انا ابوي يباني اروح معاه المزرعة وباخذ الدراجه معايه هناك وبلعب فيها
عويش : اما انا فنايمه امس من وقت وقمت شبعانه من الرقاد وميته من اليوع
ويلسو يسولفون
هزاع في الحجرة ما رقد من امس وكله يدق على سلامه يا مغلق يا ما ترد ويطرش مسجات ولا ترد عليه وتم يدق آخر شي ردت

(( اسم هزاع في موبايل سلامه ))) http://alamuae.org/upload/alam8/haza3.jpg
هزاع ما صدق : الوووووووووو ... سلامه ... حياتي تراج عذبتيني
سلامه : ..................
هزاع : ليش ما تردين علي ؟؟؟ اريد اسمع رايج وللمرة الأخيرة ..
سلامه تمت تصيح
هزاع : لا تصيحين ... انا ابوي جتلني وانا حي .. يباني آخذ وديمة لأن اخوها الخام يضربها ووايد مشاكل تصير في بيتهم وعمي عوض تعب
سلامه وهيه تصيح : كيف تباني ارضى اكوون سعادتي على تعاسه غيري ؟؟ وكيف تباني آخذك وانا اعرف انك بطلقها ..؟؟ ما تهون علي وديمة وما تهون عليه انته ... خلاص يا هزاع انساني .. ما بيدك حيلة
هزاع : ما اقدر ... سلامه انتي كل شي .. تعرفين اني ما نمت الليل احاتيج وافكر فيج .. ومستغرب كيف ما توافقين على ها الحل ؟؟ انا ما اريد وديمة اكرهها
سلامه : مالها ذنب وديمة ... تلقاها تريد تفتك ولا تدري بلي في حياتك ولا تدري بموقفك حتى
هزاع : شو اسوي اريدج انتي ما اريدها
سلامه : خلاص يا هزاع خذها وانساني .. هذا نصيبك
هزاع : سلامه.. كيف يهون عليج الحب واللي كان بينا ... كيف اهون عليج ؟؟؟ انا مستغرب
سلامه وهيه ماسكه عمرها : ما هنت عليه بس هذا الواقع يحكم علينا نرضى بلي ما نريده غصبن عنا ... انساني يا هزاع وانسى رقمي ... ودير بالك على عمرك ..... وهمست بصوت ما ينسمع " أحبك "
هزاع : آآآآآآآآآآآآآآآآآآآآآآآآآآآآه ياليتني اموت وافتك
سلامه وهيه ميته من الصياح : لا تقول جيه .... الله معاك ... واخطبها ولا تبين الها أي شي لا تنسى ها الشي .. باي
هزاع : والله ما بلقى وحده مثلج .. تضحي بساعدتها وبحبها مثلج عشان بس ما تهين بنت ثانية مظلومه في حياتها
سلامه : هزاع يالله باي
هزاع : الله معاج يا الغلى .. بس صدقيني اني ما بنساج واني احبج ولا بيسكن قلبي حب غيرج ابدا ...
وسكرت سلامه التيلفون وهيه ميته من الصياح وتتذكر صوته وكلامه ومب هاين عليها هزاع ابدا
وهزاع تسبح وطلع الصاله ولقاهم يالسين كلهم برع سلم عليهم والكل رد السلام
هزاع يكلم أمه : امايه متى تبينا نروح نخطب رسمي
أم هزاع : هاي الساعه المباركه .. الحمدلله يوم انك اقتنعت
بو هزاع : مبروك عليك البنت يا هزاع ... واليوم المغرب بنسير صوبهم ان شاء الله
هزاع : ان شاء الله وروح صوب حجرته
أم هزاع : هزاع .. ما تريد تتريق
هزاع : ما اشتهي
أم هزاع راحت صوبه وتخبرته عن سلامه : شو اخبار سلامه
هزاع : الحمدلله حالها تراه من حالي
عويش : منو بتخطبون ؟؟ ودوم ولا سلامه
راشد : وانا اريد اعرس بعد .. هزاع مب احسن عني عشان يعرس
بو هزاع : رشود يوم بتخلص الثنوية وبتشتغل هاذيج الساعه بندور لك حرمة
عويش : هههههههههههه وااااااااههههههههههههههه ويييييييييييييييو وجان يفشلونه
راشد : جب عن افلعج بها الصحن
أم هزاع : يالله بالستر ... عويش شو ها الضحكه الفارطه ... وراشد عن ها الكلام الفاضي
عويش : محد رد علي منو بتخطبون له الحين ؟؟ على منو رسى الاختيار
بو هزاع : على وديمة
راشد : عيل انا باخذ سلامه
هزاع من سمع رمست اخوه راشد يا زغده من حلجه وقال : تهبي .. وان عدت ها الرمسه بتندم
راشد زاغ وما فهم شو السالفه ويت أم هزاع فازعه من الخوف وزخت ايد هزاع وخوزته عن اخوه وبو هزاع ما علق على الموضوع ابدا ....وروح هزاع حجرته
وعويش استغربت من هزاع كيف جيه صار عصبي وما يسولف مثل قبل تغير حاله ... ما تلومه والله من بعد ما عرفت عن سلامه

تم هزاع في الحجرة يكتب مسجات حق سلامه ويته امه وهزبته عن حركته مع اخوه بس هزاع مطنش ولا رد عليها ... وبعدين تمت تكلمه بخصوص الخطوبة وياهم بو هزاع ويلس معاهم في الحجرة يتفقون على التجهيزات ... وبعدين كلم بو هزاع اخوع عوض بخصوص وديمة ...
........................
في بيت ( المرحوم ) بو سعيد
يا سعيد ويا روضه عشان يودعون سارة وأمه لأنهم بيسافرون وبعدين بيروحون بيت أهل روضة عشان يودعون اهلها
سعيد داخل الصاله مع روضة اللي كانت متكشخه لقو امه في الصاله ترتب الريوق
سعيد : السلام عليكم
أم سعيد : وعليكم السلام ... يا مرحبا
وسلم عليها وسلمت عليها روضة وقعدو
ام سعيد : شو اخبار المعاريس .. ان شاء الله مرتاحين
سعيد : الحمدلله
روضة : الحمدلله يسرج حالنا
ام سعيد : سارة تترياكم من متى .. ما اشوفها هنيه ...
وراحت تزقرها
روضة تقول حق سعيد : تراني ما اريد اتريق بتريق في بيت امي
سعيد : شو ها الكلام .. امي الحين تعابل في المطبخ من الصبح وآخر شي تقولين بتتريقين في بيت امج .. لأ لازم تتريقين هنيه ولو مجاملة
روضة : انزين وامري لله
سعيد : روضة انتي جيه بتخليني ازعل عليج ... شو ها الكلام اللي تقولينه ..
روضة : خلاص قلت لك بتريق
سعيد : هاذي امي يت .... سكتي ما اريدها تحس
روضة تبتسم ... ويت سارة وسلمت عليهم وقعدت بينهم ولا عليها من روضة .... انقهرت روضة
سارة : هلا بسعود .. هلا بخوية فديتك والله ... تصدق ولهت عليك بها اليومين .. الله يعيني .... بشتاقلك وايد
سعيد : تشتاق لج العافية ... انتي وامي بتوله عليكم .. ومتوله من الحين لليلسه معاكم وللبيت
أم سعيد : يعلني ما اخلى منك
سعيد : ولا منج يا الغالية
أم سعيد : اهبشو
ويلسو يتريقون
أم سعيد تكلم روضة : رحتي صوب اهلج
روضة : بروح الهم عقب ما نطلع من عندكم ...
سارة : اهاااااااااااااااا ... وبعدين بتروحون سيده المطار
سعيد : ان شاء الله
أم سعيد : سلمي على اهلج
روضة : يوصل ان شاء الله
نشت روضة
أم سعيد : يلسي .. ما كليتي شي
روضة : مشكورة عمتي ... ان شاء الله في مرة ثانية
وراحت روضة تغسل ايدها وقام سعيد بعد ما شرب الحليب وروح يغسل ايده ويا وعداله روضة وقعدو وقامت أم سعيد وسارة من على الريوق ويت البشكارة تشل الريوق وراحت سارة تيب المدخن عشان يدخنون وروحو وقعدت سارة مع امها في الصاله وقالت سارة : امايه اريد اروح اليوم انا وحصه وسلامه السوق ويا الدريول وبني قبل العصر لأن الحين المارينا فاضي وخلي زبيدة تي معانا .. احب اروح مع هاا البشكارة السوق
أم سعيد : ما عليه بس مب تتاخرن
سارة :ان شاء الله ... بس اريد فلوس
أم سعيد : ان شاء الله
وراحت سارة ودقت حق سلامه لقته مغلق دقت حق حصه كذا مرة ولكن حصه ما ردت عليها

.......................
بنفس الوقت في بيت عوض
وديمة في حجرتها وهدى وابوها في الصاله
هدى : شو اخبارك ابويه .. وشوه علومك
عوض : الحمدلله .. إلا هذا فيصل متى بيصطلح حاله ... ما مخلي حد ما رابعه من ها اللوث الصيع ... وطايح بكخته المسكينه
هدى : هيه والله ... اتمنى انها تاخذ واحد يعوضها عن كل هذا اليوم قبل باجر
عوض : زين يوم فتحتي السالفه ناسي وكنت بخبرج .. هزاع ولد عمج سلطان ياي يخطب وديمة ودق لي اخوية مساعه وخبرني انه اليوم عقب صلاة المغرب بيون عشان يشوفون البنت ويتفقون ويخطبون رسمي والملجه مثل ما قال لي اخوي يوم الخميس يبونها اذا وافقت وديمة طبعا ..
هدى : ابويه ... خلني استوعب شوي شوي عليه ... اشوفهم مستعيلين .. وشي ثاني انا شمعت الكلام من فيصل بس تحسبته مخرف ولا يخربط علينا
عوض : فيصل .. خبرته ولا يعرف كوعه من بوعه ما ادري شو بلاه ها الولد .. خلينا منه الحين بقولج كنت انه اخوي من زمان فاتح موضوع وديمة ... بس شكله هزاع الحين فكر يعرس .. والله تبين الصدق تستاهل وديمة
هدى : هزاع ما غيره ... والله وكبرت يا هزاع .. وهاي الساعه المباركه يوم هزاع بياخذ وديمة
عوض : عاد عابلي وديمة واللي تامر به تراه عليه وخبريها انه اليوم بيون قوم اخوي
هدى : لا تحاتي من ها الناحية تطمن بقول حق البشاكير عشان يقولون شو ناقص من أغراض حق المطبخ وبكلم وديمة واذا المجلة جذيه قريبة لازم نروح نفصل حقها فستان ... واخيرا بنفرح بحد في البيت
عوض : ان شاء الله دوم ... الحين انا بروح اشوف الذبيحه
هدى : وانا بروح اكلم وديمة .... بس كيف بيملجون ووديمة ما قالت رايها
عوض : ما بتلقى أحسن من هزاع ... وشي ثاني انا اريدها تفتك من بلى فيصل واكيد هيه تريد تفتك من ها بلاه اليوم قبل باجر... وهزاع ريال وبيحشمها مب من ها الريايل اللعابين هزاع ريال ينشد به الظهر وانا احيده كان دوم يعابل المزرعة ويا ابوه وما يعصيله امر دوم يخبرني عنه سلطان والحين داوم واستقر والحمدلله يوم انه بياخذ وديمة
هدى : الحمدلله ... انا الحين بروح اقولها وان شاء الله اسمع الموافقه
وراحت هدى عند وديمة ودخلت عليها الحجرة لقت وديمة تقرا قرآن يلست على الكرسي وشوي خلصت وديمة قراية ..
هدى : كلولووووووووووووش
وديمة مستغربة : شو السالفه ... ههههههههههههه ولا وصرتي تزغرطين يا عمتي
هدى : والله من فرحتي لا تلوميني
وديمة تذكرت سالفة امس ونزلت راسها
هدى : ترى اللي ياي يخطبج هزاع ولد عمي سلطان .. اقولج من الحين احسن عنه ما بتلقين واقولج تراه حلو ويناسبج وريال وما عليه كلام
وديمة : اريد افكر
هدى : شو تفكرين ؟؟ اليوم هم يايين وقال لي ابويه انه الملجه متفقين عليها من قبل قالي يوم الخميس
وديمة : بس انا ما صليت استخارة ..
هدى : انتي شو تحسين الحين ؟؟ يعني مب مرتاحه ؟؟
وديمة : خليني اشوف اهله واقعد مع خواته وعقب يصير خير
هدى : عنده اخت واسمها عاشة وامه اسمها مريم ووايد طيبة وعمي طيب وهزاع طيب تصدقين لو انا كنت اصغر عن هزاع ويا خطبني والله ما رديته
وديمة : لها الدرجه هزاع اوكي وتنصحيني اني آخذه
هدى : هيه .. تخيلي اذكر يوم عرسي كان واقف ويا اخواني وابوي مع انه كان عمره تقريبا يعني في 19 او 20 شي جيه ولا قصر وقف معاهم وعابل معاهم مع انه اخوج اللي اقرب عنه كان يالس حاط ريل على ريل ولا عليه يسولف ويا ربعه
وديمة اقتنعت شوي وقالت : خليني انزين اشوف اخته وامه
هدى : بيعيبونج صدقيني
وديمة : ان شاء الله
هدى : مبروك مقدما وكشخي اليوم وترتبي لأنهم بيون عقب صلاة المغرب
وديمة : عيل بروح اسوي شي حق الفواله خبيص ولا عصيد وبسوي بلاليط معاه شويه مكسرات
هدى : سوي شي واحد مب كلهن ... ما بيواحيلج تتسبحين وتتلبسين

وديمة : بسوي البلاليط انزين
هدى : اوكي.... انا بروح اشوف شيخه احيدها واعية في سريرها ومسويه عملة سوده بروح اغسلها
وديمة : ههههههههههه اخ عليها ... بعد ما تغسلينها يبيها حقي

هدى : الحين انا بدق حق ابوهم بقوله بقعد يالين فليل لأن قوم عمي ياين ما ينفع اخليج بروحج
وديمة : زين تسوين .. تراني استحي
وراحت هدى صوب عيالها اما وديمة يلست تفكر بكلام هدى عن هزاع وتفكر بنفس الوقت اذا ما وافقت كيف بتتحمل فيصل وبلاه ....
..................................
سارة تدق حق حصه وآخر شي
ردت عليها
سارة : الوووووووووووووووووووو ..
حصه : هلااااا
سارة : وينج ادق لج من متى
حصه : كنت في الصاله يالسه ويا شمه وامايه
سارة : يالله تلبسن
حصه : ليش ؟؟
سارة : بنروح المارينا انا وانتي وسلامه والبشكارة مالتنا انا بمر عليكن
حصه : الحين
سارة : هيه ... وبردكن قبل العصر .. عشان اريد اطقم معاكن في الشنط والبدل .. يالله عاد
حصه : اوكي . احمدي ربج اني قايمة مع سلامة ولا لو كنت راقده مالج امل ههههههههه
سارة : الحمدلله
حصه : بروح اقول حق امي وابوي عشان يعطوني المكتوب ههههههههه
سارة : يالله عيل لأني للحين ما قبضة المكتوب على قولتج ههههههههههه
وراحن يتجهزن كلهن ويت سارة ونزلت من السيارة ودخلت الصاله سلمت على عمها حمد وام غانم ويت سلامه وحصه وسلمن عليها ونزل بها اللحظة أحمد شال أغراضة لنه بيروح العين وعليه دوام يوم الاثنين وبيمر على هزاع
حمد : ها احمد .. وين تبا شال اغراضك ؟
أحمد : السلام عليكم
الكل يرد السلام
احمد انتبه لسارة وقالها : اشحالج
سارة : بخير
أحمد : ابوي انا رايح العين لأن داومي ورى باجر وبمر على هزاع وبنقعد ويا بعض
حمد: هيه ...عن السرعه
أحمد : ان شاء الله ... والحين تامروني بشي ...
حصه : سلامتك
أحمد : انتن وين تبن كل وحده عباتها على ظهرها وشنطتها تحت باطها ...
سلامه : هههههههههههههه بنروح نتشرى حق الجامعه .. وورى باجر بنكون عندك في البيت ان شاء الله
أحمد : يالله عيل مع السلامه
أم غانم : مع السلامه ...
سارة تطالع أحمد ومشت وراه هيه وحصه وسلامه رايحين كلهم صوب السيارة ركب احمد الرنج ماله وحصه وسارة وسلامه ركبن السيارة مال قوم سارة وراحو كلن في طريقة
احمد يقول في خاطره " هاي كل مرة تحلو أكثر من قبل ... عيونها تذبح ونظراتها تخليني بعالم ثاني "
وسارة تتذكر أحمد وكلامه .... وصلو المارينا ونزلو يتشرون
سلامه بليز خلونا نتريق في الستاربوكس اكيد فاضي لأن بعدين بينترس شباب شو رايكن
سارة: اوكي
حصه : يالله
وراحن ستاربوكس وكانن كلهن لابسات خمار والغشوة فوق طبعا عشان يكون شكلهن مرتب وكانت سلامه مجحلة عيونها عشان ما بين فيهن التعب والسهر والصياح وهن يمشن صوب ستاربوكس لقو واحد قاعد وفاتح الجريدة بروحه ورافعنها وما شافن شكله ودخلن طلبن اللي يبنه وقعدن ...
وزبيدة ما طلبت شي لأنها متريقة في البيت وما طاعت تطلب شي
وسلامه كانت مجابلتنه وكانت لافه تكلم سارة ونزل الجريدة وشافها وعرفها من عينها وتاكد أكثر يوم عقت الخمار مالها وكان بالصدفة ناصر
وعقت الخمار عشان تشرب الكبتشينو وكانت بتشرب وطاحت عينها بعينه وشربت بالغلط الكبتشينو وكان حار وحرقها وحطت الكوب ويلست تهوي شفايفها لأنها احترقت ويلست سارة وحصه وزبيدة يضحكون عليها ومب عارفين شو السبب اللي خلاها تحترق اصلا..
وضحك عليها ناصر من بعيد ويلس يتألمها وهيه ماسكه الكوب وتشرب ويتأمل عيونها..
وهيه ودها يخلصن بسرعه عشان تشرد ... وبعد ما خلصن لبست الخمار وراحو وناصر وراهم ودخلن محل محل يتطالعن ويتشرن وكانت سارة ويا حصه يطالعن قمصان في محل برامود ويدورن قياسهن وكانت سلامه بعيده عنهن تطالع الاكسسوارات والاحزمه ويا وقف جدامها وسلم ردت بصوت واطي ويايه بتخطف عنه دار جدامها وقال " من يشوف عينج يا الغلا ... ما وده ينام له طرف "
سلامه وما ادري من وين يتها القواه وردت عليه وقالت : احلف انت بس ... صدق انك ما تستحي
ناصر : " خاطري فيج واهلي راح يدرون .... بالهوى اللي لصوبج خذاني ...
سلامه : لو سمحت يا ناصر ماله داعي لها الكلام
ناصر : كيف عرفتي اسمي ؟؟؟ حتى انا اعرف انج سلامه ...بس تصدقين طلعتي مب هينه ...كلامي ياليت فهمتي مقصده وراح يستوي بإذن الله
سلامه استغربت كيف عرف اسمها ومن وين يابه وتذكرت سالفت البشكارة اللي كانت تزقرها في السوق بصوت عالي ... وراحت عنه صوب حصه وسارة وتتذكر كل اللي قاله ... وناصر ارتاح لأنه قال الكلام اللي كان وده يقوله وطلع برع المحل ويلس يحرسها لين ما راحت وتم يمشي وراهن بس شوي بعيد ما يباهن يحسن فيه بس سلامه حاسه بتحركاته...
..........................
بنفس الوقت في بيت شبيب السويدي ( بو عبدالله )
يالس عبدالله في الحجرة الف مرة لبس السفرة وعقها إلا مب عايبته إلا مب عارف كيف يلسبها ولا مب راكبه على لون الكندورة وتعطرخمسين مرة ... دخلت عليه ميرة
ميرة : عبود ... وين رايح كاشخ ها الكشخه ؟؟؟ جنك معرس .. ترانا خلصنا .. كاشخ حق منو من بنات عمك ههههههههههه
عبدالله : انطبي ... مالقيت غير بنات عمج اكشخ حقهن ... مالت ومليون مالت بعد ..
ميرة : يالله لأن العنود حرقت تيلفوني من كثر ما تدق
عبدالله : شو رايج الحين فيني اوكي ولا
ميرة : حلو .. دومك مزيون لو حتى تلبس لبس البتان
عبدالله يشوفها بنظرة احتقار ومعصب عليها : خسج الله ... شو ها الرمسة .. شو تشوفيني خان جدامج ولا شو .. ما تعرفن ترمسن يالله برع ما بوديج
ميرة وهيه بتموت من الضحك : ههههههههههههههه والله اني اسولف ... حرام عليك شو ما تودينا ... خبرني منو مواعد اليوم
عبدالله وهو معصب : لو كنت بقولج الحين هونت .. عشانج سبيتني .. كيف تشبهيني ببتاني ؟؟
ميرة : يعني مواعد يا مسود الويه
عبدالله : استحي على ويهج ... شو اواعد شو ها الرمسه ..تحيديني راعي بنات ؟؟
ميرة : بصارحه لأ .. بس شكلك رايح مكان وبتشوف فيه حد مهم قصدي مزيون ههههههههه
عبدالله : الحين لون الكندورة مثل لون السفرة بالضبط صح .. اقولج ريحت العطر اوكي
ميرة : هيه لون الكندورة مثل السفرة وعطرك ريحته واصله الصاله وحياتك
عبدالله : يالله عيل سرينا ...بس انتي وين تبين تروحين نسيت
ميرة : توني قايله وين بنروح ... والحين تتخبرني وين بنروح ... منو اللي سارق عقلك خبرني او اعترف احسن
عبدالله : هههههههههههههه ... لا بس كنت افكر بالكندورة وجيه
ميرة : علينا يا عبود ... المهم ودنا بيت عمي
وراح ووداهن بيت عمهم محمد
وصلو البيت ونزل معاهم بعد محايل وحشرة اخته ميرة وامون وسووله درب وكانن كل بنات عمه محمد وحميد يالسات في الحجرة فوق ومن درن انه ياي تعافدن في الصاله تحت عشان يشوفنه إلا عليا تمت فوق طبعا لأنه تعرف انها حق مبارك وبيملج عليها قريب بس وايجت من فوق وشافته وردت الحجرة ... اما العنود وميماني وعفاري وليلى وفاطمة ومعاهن بعد عاشة نزلن يترابعن وكلهن ما شاء الله حلوات ولا بعد كاشخات .... عبدالله يلس في الصاله عشان يسلم على عمه محمد بس طلع انه محد ويت حرمت عمه ويزقرها طبعا عمتي واسمها عذبة وسلمت عليه
عذبة : يا مرحبا بولدي عبدالله
عبدالله : يا مرحبتين .. شو اخبارج عمتي
عذبة : الحمدلله .. استريح بتتقهوي
عبدالله : لا مستعيل شوي قلت اسلم على عمي بس طلع محد
عذبة : القهوة موجوده لا والله ما تطلع إلا وانت شارب لو فنيان .. يالله بالستر واصلنا البيت وانطلعك بلا شي ما يصير
توهق عبدالله وقعد غصبن عنه شوي إلا بنات عمه يايات يسلمن وحده ورا الثانية
بنات عمه : السلام عليكم
عبدالله وهوه منصدم كيف عرفن اني هنيه : وعليكم السلام .. شو اخباركن
كلهن يردن : بخير الحمدلله
ميماني : شو اخبارك انته وينك ما تنشاف
عبدالله : انا بخير يسرج الحال .. والله انا مشغول مثل ما تعرفين مب فاضي
العنود راحت ويابت دله القهوة وصبت له .. اما عذبة فراحت المطبخ تعابل الفواله لأن ربيعات العنود بـيـيــن
العنود تناوله الفنيان : تفضل
عبدالله خذ عنها الفنيان وقال : دام فضلج
ومن خلصه ما صدق قال انه ما يريد
عفاري الملسونه : تو الناس ... ليش مستعيل وشو ها الكشخه
عبدالله : مواعد ريال ..
عفاري: عرفنا ليش مستعيل أما ليش الكشخه
عبدالله تنرفز منها وعرف كيف يرد عليها وقال : والله انا دومي كشخه .. كد مرة شفتيني غبر ولا اجلح املح ؟؟؟ وثاني شي تبيني اروح عند الريال بوزار وفانيلة عشان ما اكون كاشخ .. عشان بس ما تزعلين المرة الياية بروح له وانا ما اتشاهد .. عشان خاطرج
عفرة حست انها مصختها وتفشلت بعد وقالت : اسمحلي ترى مب قصدي جيه
ميرة تعدل الموقف : لا عبدالله تراه ما يقصد حتى انا قلت له الكلام اللي قلتيه وقالي الرد نفسه ويلست اضحك.. وقالت صح عبدالله
عبدالله ما حب يفشلها وقال : هيه صح ... مب تزعلين تراني اسولف هه ويضحك بدون نفس
ليلى تعيب على عفاري من بعيد ... وقام عبدالله واترخص وروح
عفاري بتموت منا القهر وليلى تعيب عليها ولا خلتها في حالها اما العنود مستانسه وهيه اللي عندها أمل انها تاخذه وان ما خذته عادي عندها بس هن بينهن تحدي منو بتضويه منهن ....راحن البنات كلهن فوق عند عليا وتعدلن لآخر مرة ونزلن مع عليا وراحن الميلس وحطن الأغاني وين ربيعات العنود ويلسن مستانسات .. وعبدالله راح صوب بيت حمد .....

......................
في المارينا مول
وعقب ما خلصن واتشرن اللي يبنه حصه وسارة وسلامه راحن وركبن السيارة وناصر وراهن عشان يعرف بيت سلامه وين في بوظبي وفي السيارة سلامه تسال حصه وسارة : شو يعني اذا حد قال " خاطري فيج واهلي راح يدرون ... بالهوى اللي لصوبج خذاني " شي جيه
سارة : باينه ...هاي تدل على اللي قال ها الكلام يحب وحده وراح يخبر اهله واكيد آخر شي بيخطبونها
حصه : جيه تنفهم .. جيه اتوقع نفس ما قالت سارة ... ليش تتخبرين ؟؟
سلامه : لا ماشي قريتها في المجلة وتمت في بالي
وتمت تفكروتقول بخاطرها " معقوله ناصر حبني ويباني .. وليش طلع في ها الوقت بالذات .. لو انه حلو وشكله محترم بس هزاع بعده في بالي .. وتم صوته وكلمته هاي في بالها وكتبتها مسج وخزنتها في الارشيف مال تيلفونها ووصلو البيت على الساعه 4 العصر وناصر وراهم وعرف البيت وتذكر .... وعرف منو ابوها لأنه كد مرة من زمان كان ياي هوه وابوه مسوي كان حمد عزيمة عزم في الظباط وربعه وجيه وقال ناصر في خاطرة ويتحرطم بروحه " هاي بنت أحمد ولا حمد ؟؟ شي جيه.. جنه حمد " ربيع ابويه انا من زمان ياي انا وابوي هنيه محد كان في البيت غير ابوها غريبة ... وبعدين انتبه وشاف سلامه يوم نازله وكان الهوى يهب وطارت الشيلة ومسكتها بس طلع شعرها وتمت تتطاير قصتها وتغطت عن الدريول وما انتبهت على ناصر اللي كان واقف بعيد بسيارته وهوه من شافها جيه تخبل زياده وتحركت سيارة سارة ودخلت حصه وسلامه البيت وناصر يلس يحاوم جدام بيتهم تقريبا نص ساعه وروح من شاف بي ام يايه صوب البيت روح ناصر بيتهم ... اما عبدالله اتصل بحمد ورد عليه
عبدالله : السلام عليكم
حمد : يا مرحبتين
عبدالله : انا وصلت البيت
حمد: ادخل الميلس انا بيك ومحد هناك اقرب يا عبدالله ...وانا قاعد اتلبس الحين اسمحلي
عبدالله : مسموح وخذ وقتك ..لايكون يت انا في وقت مب مناسب
حمد : لا والله .. حياك الله في أي وقت
عبدالله : الله يحيك .. خلاص عيل انا الحين بدخل الميلس .. يالله مع السلامه
حمد : يالله عيل مع السلامه
دخلت سلامه الحجرة اما حصه يلست في الكرسي اللي محطوط في زاوية جدام الميالس يعني أي حد يفتح الباب مال دخلت البيت يشوفها .. المهم فصخت جوتيها الكعب وزقرة هيلدا تشل عباتها وشيلتها وشنطتها وتوديهن الحجرة وهدت شعرها وحطت شباصتها في ذبانها ويلست تهمز ريولها اللي كانن محمرات وكانت لابسة تنورة وبدي وكانت البدي كــت ( cut ) ماله ايدين والتنورة جينز وكانت موخية وشوي إلا عبدالله داخل وما توقع يلقى حصه هنيه كان يتمنى يشوفها بس مب بها المنظر وبها الموقف وحصه على بالها ماريا يايه من برع يايبة الأغراض .. دخل عبدالله لقى حصه طايح شعرها على ويهها ولا تدري انه عبدالله واقف .. عبدالله استحى وياي بيطلع ومب عارف شو يسوي ... يت شموه شافت عبدالله استانست وصارخت : عــــبــدالـــلـه
حصه وبصوت واطي بس سمعها عبدالله ..: فديت ها الطاري
وما كانت تدري حصه انه شمه قالت اسمه لأنها تشوفه جدامها وتمت في باله كلمتها " فديت ها الطاري "
وركظت شمه صوب عبدالله وشلها وقال : هلا بشمة
تصنمت حصه يوم سمعت صوت واحد ...ولا الصوت صوت عبدالله .. تم يشوف صوب حصه اللي ما تحركت وشوي إلا قامت وشلت شعرها من ويهها وسكرت ايدنها على بعض مثل المتكتفه جيه وخلت جوتيها وركضت حجرتها وطاحت شباصتها وخلت كل شي وراها وكانت محمرة من المتسحى والفشلة ... اما عبدالله اللي كان شال شمه ما كان يسمع شمه شو تقول وكان على باله شكل حصه وهيه ترفع من ويهها شعرها وكيف كان جسمها روعه والجينز كيف كان على جسمها المخصر الحلو كانها عارضة ازياء بس مربربة شوي مب نفسهن ضعاف ...
وتذكر كيف كان الحيا باين من عيونها .. وعقبها دخل ويلس هوه وشمه وتذكر الأوراق في السيارة ونزلهن ويا الميلس مرة ثانية وقعدت معاه شمه وشوي إلا حادر عليهم حمد وخذ منه الأوراق ويلس يسولف معاه وعقبها روح عبدالله ....
دخلت حصه الحجرة بسرعه وتمت يالسه على شبريتها وما تتكلم يتها سلامه مستغربة حصه ليش تركض مب من عوايدها تدخل الحجرة ها الدخله بعد ..
سلامه : شو بلاج
حصه : يا ويلي يا الفضيحه
سلامه : شو فضيحته
حصه : يا ربي سامحني .. والله ويهي بيحترق من الفضيحه
سلامه : شو السالفه ؟؟
حصه : تخيلي عبدالله السويدي تعرفينه
سلامه : هيه شو بلاه ؟؟؟؟
حصه : شافني وانا جيه تخيلي ... شو اسوي الحين وين اودي ويهي فضيحه شو بيقول عني الحين ..
سلامه : ههههههههههههههههههههههه ... جيه وين كنتي عشان يشوفج جيه
حصه :جدام الميالس قاعده على الكرسي اهمز ريولي ولا دريتبه والله __DEFINE_LIKE_SHARE__

مشاهدة نتائج الإستطلاع: ما هو رأيك في قصة الواقع غريب ولكن القدر أغرب؟؟؟؟
ممتازة(شيقة وممتعة)	13	92.86%
متوسطة(بعض الاحيان شيقة وبعض الاحيان ممتعة)	1	7.14%
ضعيف(مملة وسخيفة وممتلئة بالسخافات)	0	0%
المصوتون: 14. أنت لم تصوت في هذا الإستطلاع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طير وشيهانه ولكن اللون غريب سبحان الله	محروم.كوم	منتدى أخبار المواقع والمنتديات العربية والأجنبية	0	05-21-2010 11:50 PM
مشكلة .. موقع عندي بالسيرفر .. ولكن لا يعمل .. غريب والله	محروم.كوم	منتدى أخبار المواقع والمنتديات العربية والأجنبية	0	10-13-2009 09:50 AM
صور اعدام خائن فلسطين ولكن يحدث حدث غريب	محروم.كوم	منتدى أخبار المواقع والمنتديات العربية والأجنبية	0	05-21-2009 04:40 PM
منزل ولكن بشكل غريب جدآ؟؟	5rbo0osh	عجائب و غرائب	45	12-26-2008 04:54 AM
{ .. كيكه ولكن ...... ؟ [ شي غريب عجيب ]	حياتي عذاب	فن المطبخ والطبخ	9	02-09-2008 08:21 PM