₪▓Ξ❤Ξ»¯−ـღ‗_ღ مـــاريتـ لي عنـ هواهـ وصلتــه توبهـღ ღ_‗ـ−¯«Ξ❤Ξ二₪ - الصفحة 7

عذبتني دنيتي · 09-11-2009, 05:37 PM

ميثه تمت حيرانه ليه عهود كانت اتصير وقالت إلى اعرف وراحت صوب عهود عشان تسئلها
وشوي طلعت ابويها عهود
عهود: هلا ميثوه اخبارج
ميثه مستغربه : بخـــــــير
عهود : ميثوه أسفه ع تصرفي اليوم
ميثه لا عادي بس ليه كنت اتصيحين
عهود : بعدين بقولج
ميثه :لا الحين تخبريني
عهود: انزين تعالي داخل
وخبرتها السالفه انها كانت اتصيح عسب عمها خافت انه يكون بعده شال بخاطره وعشان كذيه كانت اتصيح الصبح يوم قالت لها انهم بيسرون البر

وخلصوو وتغدوو وراحت عهود صوب خالتها وحركووو صوب البر والكل مستانس
حتا ميثوه راحت معاهم لان عهود بتم عند امها
في سياره قوم بو راشد
بو راشد: فديتها عهود من تركب تحشرني اليوم هدوووو
رهف : احسن شتبابها الحشره
فهد ههههههههههه محتره اوووووووووووووووووووووووووويووووووووو محتره
مها : رهوووف ماهقيت انج تغارين
ميثه : ههههههههههه حســـــــــــــــــووده طلعتي
رهف : لاووووووووووولله موب هذا قصدي بس هي حشره وقذا خلونا ناخذ استراحه منها يومين
ام راشد : اااااااااااااه فديتها الروحه بدونها ماتسوي شئ
رهف : هيه هيه هي بنت البطه البيضاء وانا تراني بنت البطه السوده
وتمووو كلهم يضحكوون عليها لانها محتره انهم يمدحون عهود
بوراشد مشغل غنيه بروغه مالووووم نفسي
وتموو مرتبشين حتا راني ارتبشت حاطينها في البدي ماسكه عنود وعدالها مهاري وجود يكلون من كرتون البطاطا
رهف : مشاء الله ماخذين مووووووونه سنه من العصاير والبطاطس
جود: هذا حقنا حنا اليهال موب لكم
مهاري : يعني ماحد ياكله غيرنا
رهف : جب جب بناكل منه غصبن عن خشومكن عشره كراتين مابتاكلنها بروحكن
مها : عادي يوم بيرقدن بناخذ إلي نباه مايهمج معلينا منهن مفعوصات من الحين يبن يتشيخن علينا
ميثه : هههههههههههههه والله هذا إلي ناقص يهال يتحكمون فينا
رهف : على اخر عمري اصير امشي على كلام يهال لااااااااااااااااااااااااا وأأأأأأأأأأأأأأأأأأأأأأأألف لااا
وبعد طريييييييق طويل وصلوووووووووووووو العزبه ونزلووو وكان
وابو محمد وام محمد والعيال كلهم كانو ينتظرونهم ويرحبوون بهم
رهف:الله شهل الاستقبال الحلوو
ميثه كله حلووو غير مقابل هدفشه فطووم
مها تنغزهن : بسكن قربنا علي البنات سلمن وانتن سكتات لتفضحنا
يلس ابو راشد ويا اخوه والعيال والبنات عقب ماسلمن على عمهن دخلن البيت ويا البنات
ابو محمد : عيل وين عيالك ياخوي
ابوو راشد : فديتج راشد وذياب باكر بيون وركان عقب المغرب بيي
ابوو محمد : هيييييييييييييه انا تروعت قلت انهم هوب ياين
ابو راشد : لا بيون مايطوفونها السير يبون يتفريون
وتموو يسولفون عن الحلال والمزرعه وسوالفهم الأول اما ذياب كان يفكر ويحاتي ان عهود ماتي ويا ركان
لانه يوم ماشافها يات مع البنات تضايق ولا عرف سبب الضيقه تضايق لانه مابيلاقي احد يتخانق وياه
او أنه شوق في داخله لاها ولا عرف يفسره
عند البنـــــــــــــات !!!!!!!!!!!!!!!
فاطمه: حي الله بنات عمي
مها : الله يحيج
رهف وميثه يالسات عدال بعض ويسولفن مابينهن
فطوم : اظاهر ميثه ورهف مايبن يشاركنا السوالف
شوق : يمكن انا هوب قد المقام عشان مايسولفن ويانا
ميثه فيها غصه بس ماتروم تتكلم حرمه عمها وخالتها يلوس ولاكان سنعتهن
رهف تساسر ميثه : لوو عهود هنيه كان سكتتهن وكلتهن تبن
ميثه : اااااااااااااخ لو انها هنيه بس
حمده : ميثه اخبار امج ياربها بخير
ميثه: يسرج حالها بخير وسهاله وتسلم عليكم
فطوم : بلاهاا عهود مايات عسي ماشر
مها : ماشر بس حبت اتم عند خالتي وبتي معاها بعديني
شوق : ليه لكون فيها شئ خالتج
ميثه : بعيد الشرر
رهف : بسم الله عليها مافيها إلي العافــــــيه لاتفولين على خالتي لو سمحتي
خلود حبت تغير السالفه : بنات شرايكن ايب لكن من البسكوت إلي سويته
مها : اكيد نبا دامج انتي مسوتنه
خلود : دقايق بيكون عندكن
وتم الوضع مكهرب عند البنات
اماا عند هل ابوظبي كانووو راشد وذياب يحظرون عرس ربيعهم ولزموووووووو على ركان وربعه ايوون وياهم وركان كان مواعد هله انه عند المغرب بيهم بس اتصل لهم وخبرهم انته بيهم بكره لانه معزوم على العرس ركان وخوياه وذياب وراشد وخوياهم كلهم توجهوو للعرس والمعرس طبعا يترياهم
سلطان : كان مايتم شعنه تأخرتم هذا وانتم ربعي جيه يتم اخر اناس شخليتم للباقين
راشد : ههههههههههه لا ياريال ماتاخرنا هذا ركان ساعه وحنا نحايل فيه ايي ويانا
سلطان : وليه مكان بيي
راشد : كان بيروح العزبه صوب الاهل مايوز كل عيال عمنا هناك ولا واحد منا سار ويا ابويه صوبهم موب حلوه بحقنا بس اقنعنها عقب طلعة الروح وافق
وسلموو كلهم على سلطان وباركوو له
ويوم وصل له راكان

ســلطان: حي الله إلي مكان يبا أأأيي عرسي
ركان : لحووول خبروك صدق انهم انذال
سلطان : ههههههههههههههههه لا حرام عليك خبروني بسالفه عشان ابوك وهلك بالبر بس دامك يت مايهم
ركان : هههههههههه زين بعد هوب عوايدك تسامح بسرعه
سلطان : ههههههه اليوم عرسي ترى لازم اسامح الكل وكون مروووووووووووووق ع الاخر
ركان : ههههه الله يهنيك
قعدوو في العرس ليييييييييييين مادخل المعرس دخلووه الساعه 12 ونص ودخلوو معاه الشباب ويالوووو وبعدها ردوو صوب الريايل ووتفحيط ومسجلات مطولينها ع الاخر وناسه وتموو لين الساعه 3 الفجر

وبعدها الشباب ردو بيت بو راشد ربع راشد وربع وركان وربع وذياب الي يسولف ولي يطالع التلفزيون ولي يلعبوون ورقه حلووه كانت لمتهم وتمووو لين صلاه الفجر صلوو الفجر وكل واحد راح على بيته لانهم تعبانين كل واحد يالله يالله يبطل عيونه ::::::::::::

الصبح عند هل البر
ميثه : صبـــــاح الخير
ام راشد: صباح النور ياربج رقدتي عدل
ميثه : يسلام حلاتها الرقده بالبر
خلود: انا ماعرفت ارقد ولا اتئقلم على الجوو إلى عقب يومين
ميثه : يومين عاد ههههه
خلود : شسوي يتراوالي حشرات بتيني وانا راقده
ميثه: قري المعوذات ومابيج شئ وبترقدين بسرعه
فطوم: طالعووو منوه ينصح
خلود: فطوم نقطينا بسكاتج
رهف انتي ياتقولي شئ طيب ولا احسلج اتنطمين
ميثه : رهوف خليج منها موب من عادتنا نرد ع المسفوهين
رهف : والله صدقج ليه انزل مستوانا لمستوها
فطووم : احترمن انفسكن انزين ولا بتشوفن شئ ماشفتنه
رهف تسفه لها : ميثوه فديت عيونج الحلووووه اباج اتسوين لي نسكافيه
ميثه: من عيوني الثنتين
رهف : تسلم عيونج
ودخل عليهم هزاع""""""""""
هزاع : سلام عليكم
الكل رد السلام
هزاع شحالهن بنات عمي
رهف : بخير وسهاله انته شحالك
ميثه :يسرك حالنا ننشد عن حالك
هزاع : دوووووووووم يارب وانا دامكن بخير تراني بخير اقول بنات خاااااااااااااطري في كيكه فنيلا منوه بتسويها لي
رهف : افاا عليك ماطلبت شئ
هزاع : ااااااااااااه فديتج رهوف سويها بسرعه ترى خاطري فيها قبل لسرح
رهف : مايهمك يوم اتعلم وصفتها شقايله بسويها لك
هزاع: ااااااااااااه فقدت راسج توج تقولين ماطلبت شئ
رهف : لو اعرف كان مابقصر ع العموم دامك تبها بخبر مها تسويها في نص ساعه بتخلصها لك
هزاع : والله اخاف تسوين مثل قبل شوي ع العموم ان سويتوها وخلصتو طرشوها صوب الخيمه براا
رهف : ان شاء الله اتريها بس
هزاع راح وكان عارف موب عارف وبس إلى متأكد ان رهوف تكذب عليه لنها راعية مقالب وحركات ومايستبعد انها تخليه يتريا واخر شئ تقوله انا قلت لك اني ماعرف اسويها !!!!!!!!!!!!
رهف تركض صوووووووووووب مها : مها مها
مها : خير بلاج تركضين
رهف : مهوي طلبتج قولي تم
مها : اخاف تورطيني
رهف : لامابا اورطج لاتخافين
مها: انزين تم
رهف: اباج تسوين لي كيكه فنيلا الحين الحين الحين
مها : شياج تبينها ع الصبح
رهف: مايخصج سويها لي الحين
مها انزين عطيني نص ساعه وبروح اسويها
رهف : لا لا لا انا الحين اباها اباها عقب نصصصصصصصص ساعه بسرعه فديتج
مها ك انزين انزين بسويها الحين وامري لله

راحت مها وسوتها ويوم خلصت خبرت رهف
مها: رهوف دوج خلصت الكيكه إلي سندرتي راسي عليها من الصبح
رهف تحب خد ختها : تسلـــــــــــــــــــــــــــمين فديتج ماعرف شوه كنت بسوي من دونج
وشله الكيكه ودتها لهزاع في الخيمه
رهف : هزاع هزاع
هزاع: هلا تعالي ياي
دخلة ره الخيمه ولقته منسدح ع المخده
رهف وهي ماسكه الكيكه : وين ابويه وعمي
هزاع : راحوو صوب العزبه
رهف : انزين واخوانك وينهم
هزاع : كل واحد سرح له في شغله شعندج تتخبرين عنهم
رهف : كنت اباهم ياكلون من الكيكه الي يبتها
هزاع : اونه سوتيها
رهف وتفك المطبقيه : وهاي شوووووووه
هزاع : اشكر فنج ثرج قول وفعل
رهف : شعلى بالك
هزاع استقعد استعدادا عشان يكل من الكيك
رهف : دامك شكيت في كلمه قلتها لك عيل مابعطيك انا ماقول شئ إلى اسويه
انا اقول القول واتمه
هزاع: ك لحوول عطيني وبعدين هذري ع كيفج
رهف : انا اهذر ماعليه شله الكيكه وطقت غياض له
هزاع :رههههههف هاتيها
رهف : من ابعيد لا مووب حولك مابطيح حلقك اليوم اناا اتقول عن اهذر هين ان مكلتها كلها غياض لك

تمت رهف تتلفت وراها وهي سايره للبيت لان فيه مسافه بين البيت والخيمه وكل ماتلفتت مالقت حد ورها كانت اتضن انه بيلحقها وبشل عنها الكيكه هي كان قصدها تمزح وتحره لانه قال عنها اتهذر وتم تفكر وهيي سايره لبيت انا شعنه سويت هذا الشي انا ليه طلبت من مها تسوي الكيكه وتصرفت هذا التصرف
تمت تسئل نفسها وسرحة شوي وفجأأأأأأه سمعه احد يركض ورها ويوم لتفتت لقته هزاع
وهي ماتحب حد يركض وراها تخاف ومن الخوووف تمت تركض وتزاااااااعق وهزاع يركض وراها وخذا عنها الكيكه قالها شعنه ماعطتيني اياها وفكيتي عمرج من هل المغثه ع الصبح
رهف: وانته ليه تخوفني
هزاع يمد لسانه لها : قاصد اخوفج
وطق صوب سيارته ودقها سلف وراح وهيه مخترعه منه
رهف : هين هزاعووه والله لردها لك
!!!!!!!!!!!!!!!!! __DEFINE_LIKE_SHARE__

♕ وليد الجسمي ♕ · 09-14-2009, 11:14 PM

و عليكم السلام و رحمة الله و بركاته

تسلمين أختي ع البارت

ربي يعطيك العافية

و بانتظار يديدك

__DEFINE_LIKE_SHARE__

عذبتني دنيتي · 03-25-2010, 05:34 PM

يسلمو .... ع المــرور .... __DEFINE_LIKE_SHARE__

الحياه · 04-02-2010, 02:08 AM

حببتي ويـــــــــن التكمله ؟؟؟؟؟ ؟؟؟؟ __DEFINE_LIKE_SHARE__

عذبتني دنيتي · 04-11-2010, 02:27 PM

فيه منتدى ثـــاني نشر نفس ه القصه ع منتدى ثــاني بدون أذن حتا ولا كتبو منقول ولا كتبووو بأسم كاتبتهــا وهذا

الي مخلاني انزل التكمله مع انهــ أجزاهـــأ وايد عندي بس الخوف من التلطيش يعني الواحد بذمه بنسخ ويلصق يكتب أسم الكاتب ع الأقل مايحس انه ماسوى شئ وأن حقه ماخوذ ؟؟؟

حتا نفس الشكل ونفس الزخرفه يعني الي نسخ ه القصه من منتدانا هذاا مفروض الواحد يقدر بعد موب يلطش ويروح ولايكتب منقول حتا يعني ياخذ شكر وتنكتب القصه بأسم شخص مـــا كتب حرف واحد في القصه هذا ظلم صراحه ؟؟ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ღ−ـ‗» حــينمآ تشتآاااق «‗ـ−ღ	›• غَنٍجَ اڷشاُمً ‹•	الإستراحه العامة	8	07-26-2010 10:20 PM
₪▓Ξ❤Ξ»¯−ـ‗_ღ شنط أصلية للبيع الفوري ღ_‗ـ−¯«Ξ❤Ξ二₪	محروم.كوم	منتدى أخبار المواقع والمنتديات العربية والأجنبية	0	09-01-2009 08:10 AM
ਓ҉,ஹ,҉−ـ‗ღيداكـــمــ..,تعنيــــــتــ,لترحيــب كمــ. .,بغيــتــ..ღ‗ـ−҉,ஹ,҉ਓ	ملاك الخاطر	المواضيع المكرره	1	06-09-2009 05:31 PM
퇇ணॐ−ـ‗_ღ مــأإأدحين الـزين+حبيب آلحًُبٌُღ_‗ـ−ॐண퇇	Ya 7SaFa	نغمــات للهــواتف	46	11-01-2008 12:46 AM
₪»¯−ـ‗_ღ يا أحلى عيد ميلاد في هالليلهـ ღ_‗ـ−¯«₪	• ™ мαяỉαмч «\|	التبريكات والمناسبات	35	02-08-2008 03:18 PM