| ||||||
 |
| | LinkBack | أدوات الموضوع | انواع عرض الموضوع |
| |
|
#1
06-03-2009, 06:13 PM
| |||
| |||
 )()()()( البـــارت الرابع )()()()( مها : مافيني لهن وماقدر عليهن بروح حد يساعدني وباخذهن وياي ميثه : خلاص مهوي فديتج انا بساعدج انتي مسكي وحده ونا بمسك وحده عهود : تعالووو لازم نخبر فهود ولا ان ردينا بسويلنا مناحه رهوووف روحي خبريه قووووووووومي رهف : وليه ماتروحين انتي عهود انا بروح اخذ بيزات عند ابويه نسيت اخذ عنده تعرفين انفعلت من الفرحه خخخخخخخ رهف اذا جذيه اوكيه بروح مها : انا بروح اسوي لنا نسكفيه حق درب ماحب نسكفيه حق الواحه احسه ملغ عهود : يا انت ادورين اتعب ادواره ترا بنخطف ع الشيشه و بناخذ الاشبسات والحلويات ولوازم الرحله او هناك جدامنا المطاعم مايحتاي مع انتي توني ماكله شكلي مابتغدي احسه بعده الي كلته الضحى ع كبدي بخلي مكان عشان اكل بسياره خخخخخخخ اقول مهاري وينها اليوم ماشفتها وعنوده مابتشلونها مها: لا عنود بنخليها مافيا ع تبديل الحفضات ومهره بنشلها ويانا عهود : لا مووحلوه السيره بدونها فديتها خلونا نخذها مها : اذا بتبدلين لها خذيها عهود : لا لا خلاص مافيني ميثه : من متا تحبين اليهال عهود لا هذي غير هذي روحي اموت عليها ميثه: زين يوم انتي تحبين حد حياتي ماشفتج تحبين حد مها : هههههههههههههههههههه عهود : بروح اخلص بدال مقابل ويهكن راحت عهود وبعد ماراحت أذن الظهر وراحن البنات يصلن ويخلصن اغراضهن عشان السيره لدبي وبعد الصلاه راحت مها تشوف خواتها الصغار تلبسن ولا لا وتمشط شعورهن وتخلصهن وعهود بعد مخلصت صلاتها نزلت عشان تشوف راني وين ذلفت انعالها ورهوف بعد انزلت وراها وميثه يالسه عند عمها وع فكر ابوو راشد يصير عم ميثه اخوو ابوها بعد يعني وايد قريبه منهم بنت خالتهم وبنت عمهم في نفس الوقت وهي احب واقرب وحده لهم وايد صح عندهن عمام وخوال واياد بس هي اقرب وحده لهن البنات ويحبنها مثل اخت لهن . عهود : راني وين نعالي ذ لفتيهن راني : انتي فية ميت لبسه كولش نعال مال انتي انا ركب دخل كبت مال نعال جنب باب فيه درج خاص مال نعال حق انتي فيه نيم مال انتي انا ركب عهود: ليه خاص يعني راني : لان انتي فيه زياده نعال هدا نعال طبي نعال سيده نعال كعب نعال مال اعراس نعال مال جامعه يعني في زياده وباقي داخل غرفه مال ملابس مال انته عهود : اهااا انزين الي في غرفت مالابسي مالقيت انعالي إلي انا اريدها انا الريد انعال البنيه نعال من تشارلز راني : نعال بوني مال ميلانوووو فيه منيه تاني مافيه عهود: روحي دوري انزين بدال ماطولين لسانج راني : اوووووووف انتي كولش انا جيب مشان انتي ليش انت مافي تعب شويه دور اوووووف عهود : لا تتأففين انزين روحي هاتيهن وانتي ساكته حياتي ماشفت خدامه شراتج راني خدامتهم من قبل لا تولد عهود وراني وايد تحبها وماتقولها لا لانها اول مايات البلاد وبعد مايات بكم شهر انولدت عهود وتعلقت في عهوود وايد وعهود اصغر من بنتها بسنتين عشان جيه لما يات تعلقت فيها وايد هي عندهم من 19 سنه تسافر لبلادها كم شهر وترد عندهم وهم يعامولونها زين عشان جيه ماتبا تشتغل عند غيرهم وماترضي احد يزاعج عليها لكن عشان عهود فيه استثناء بس عهود ماتحس بها الشي وتزاعج عليها 24+24 بس بعدين ببغير معاملت عهود لها وبتم عهود هي الي تراعيها وتخلص كل شئ تباه بنفسها بدون ماتطلب انها تخلص لها كل شي لان عهود حتا يوم كانت بروضه كانت راني تهتم بعهود اكثر من امها ويوم تمرض ماتخلي حد يعتني فيها إلا هي ؛ راني : هذي نعال ريد عهود : هاااااااه اشوف حصلتيهن راني : انا شو معلوم نعال زياده أنا غلط عهود : انزين انزين خلاص سير مشكوره رهوف : عهووودوه عهود : هاه شعندج رهووف : شفتي فهيد عهود: لا ماشفته شفيه رهووف : ابا خبر بسير ويانا ولا لا عهود: انتي بعدج ماخبرتيه رهوف: مالقيته بحيرته ولا بصاله حتا الميلس طرشت الخدامه تسير ومالقت مها :هاه بنات وين ركان ركان وهو ياي من المسيد سمعها تتخبر عنه لبيه مهوي شتبين مها : لبيت بمكه لا اتخبر عنك وينك ماسلمت عليك اخاف تقول لووو مو الروحه ولا كان ماسلمتي ركان : لا فديتج يعلج بعدهن المصلحجيات ادريبج هوب مثلهن هههههههه عهود اونها ماسمعته عشان ماتتخل معاها في مشاحنات رهوف : هين هين ركان معليه ركان بعد ماسلم ع مها لووو ع اخته رهووف وقالل افااا انا اقدر ع زعل على رهوووفه اختي حبيبتي وهو يطالع عهود يغايضها عهود : اااااااام وفيت بالعهد اشوف ركان: ههههههههههه لا ماخنت بالعهد بس بعدنا بالبيت وانتي قلتي لا ينتقم مني بسوق ياذكيه عهود وهي معصبه : اوووووووووووووووووف وراحت صوب ابوها ركان :مشاء الله خواتي جاهزات لوو رياحات لمدارسكن و لجامعاتكن كان خذنت ساعه اما السوق زاهبات هههههه مها : اكيد الجامعه طفره ولوعة كبد بس السوق وناسه ههههه رهوف : والله المدرسه طلعتني عن طوري حرام انزه عن روحي شوي ركان : هههههههههههه لا مب حرام خاطري في شئ يكرهكن في السووق مها ورهف مع بعض : مســـــــــــــــــــــــتحيل هههههه ركان : بل عليكن ردكن واحد هههههههههه اما في العرفه الجلووس ابوو راشد : ميثوه اخبار امج وين معاد شفناها ميثووه : زينه عمي بس تعرف في البيت وياراتنا ييات من العمره وراحت صوبهن تقويهن اخبراها ولا رامت اتيي وياي ابوو راشد : هيه طول عمرها امج راعيه واجب ام راشد : من من ياراتها راحت العمره ميثه : عفراء المنصوري تعرفينها أنتي ام راشد هيه حليلها : لازم نقهويها ماعندي علم فيها انها راحت وامج ماخبرتني كان بسير وياها ميثه: خالتي امي اتصلج بج امس ولقت تلفونز مقفوول كانت بتتخبرج بتسيرين وياها اونه صوب الحرمه ولا لا ام راشد: هيه كنها كذيه مسموحه امج عيل إلي تعالي بنيتي خبري امج ان عرس ولد شمسه يارتنا الجمعه اليايه والمكسار يوم الخميس في بيت العروس ولازم نسير صوبهم ماقصروو ويانا في اعراس اخوانج ولازم نقوم في المكسار والعرس وباها حليلها فضيحه علينا ان مارحنا صوبهم ميثه : ان شاء الله خالتي بخبرها ابوو راشد : إلى صدق ام راشد خبرتي راشد ياخذ له خمس قعدان من العزبه ويوديهم صوبهم عونيه ام راشد : لا والله ماخبرته خبره قبل لا يروح العين ابوو راشد شل التليفون بيكلم راشد : الوووو راشد : مرحبا ابويه ابو راشد : راشد فديتك اباك تاخذ خمس قعدان وتحط عشره الألف في ضرف وتوديها قوووووم بيت سالم يارنا راشد : هيه فديتك انا طاري لي اقولك اليوم الضحى ونسيت حيك ذكرتني الحين بكلم الرعيان وبخبرهم يودون العونيه وانا بيلس اترياهم عن شبك المعاريس وبروح صوب المعرس وبعطيه عونيت الفلوس ابو راشد : ادريبك فديتك راعي اصول ماتقصر بعد تربايت ابوك راشد : ههههههه اكيد تربيتك فديتك ابو راشد : انزين فديتك هوب متغدي عندنا ؟ راشد : لا فديتك بتغدي عند محمد عازمني عنده هله ياين من قطر وقالي اقرب صوبنا ابوراشد : عيل برايك وليد سلم عليهم راشد : سلامن يوصل تمار شي ثاني ابو راشد : لاسلامتك روحك وسكر بوراشد التلفون وتم شووي حرمته ويحطو الغدا وتغدووو كلهم بس ميثه مايت تتغدي وياهم وعهود مابغت الغدا وتمن بغرفه عهود فوق ابوو راشد : ليه عهود وميثه ماين ع الغدا ام راشد: عهود قالت مانبا الغدا تونا ماكلين كوافي وبسكوت ومادري شوه وسد انفوسهن ولا بغن الغدا ركان من سمع اسم ميثه وهو معتفس وتم يفكر ميثه بتروح وياهم ولا لا لانها ان يت والبنات راحن مكان لازم يحنن عليها ويخلنها تروح معاهن بس قال اذا انا بوديهن شكلها ماتروح وتم يقول بخاطره ان شاء الله تروح لانه هوو يعزها وايد وشكله يحبها بس مايندرا عنه ركان : ميثه هنيه مها : هيه هنيه يات الضحى صوبنا ركان بيسئلها اسئله عشان يتأكد هي بتسير وياهم ولا لا :: انزين وين بتسيرن وتخلنها بروحها هنيه رهوف عرفت مقصده : لامابتم هنيه بتخاوينا ركان وهو مستانس بس مو حاب يبين : اااهاا مرحبا بها انزين شوه ماخلصتووو رهف : دقيقه تشوووووفني عند باب السياره زاهبه وخالصه انا ابوو راشد والكل : هههههههههههههههههههههههه اااههههههههههههههههه ركان : ههههههه يالله علي خلصن انا بسير اشغل السياره ماريد تااخير ابا اركب السياره ولقيكن خالصالت انزين ابويه وامي تامروني بشي ابو راشد وام راشد: سلامة قلبك مها : ان شاء الله اخويه وراحن مها ورهف ومهره وجود يتلبسن وطبعا ميثه وعهود خالصات ومتلبسات وجاهزات مها : يالله ميثووووه وعهووووووووودي يالله ركبن السياره ركان يتريانا ميثوه : ههههههههه ميثوووه وعهودي لاراضيه علينا الاخت اليوم مها : هيه راضيه النفسيه مرتاحه ههههههه نزلن البنات كلهن ومها طبعا اخور وحده ادور نعال البنات وتلبهن ايها اختصار للوقت لانهن ساعه لين يلبسن انعالهن عهود ومها طالعات من باب البيت وركان بسياره يتريا عهوود اكشخ راضي علينا بودينا بسيارته اليديده ميثه اوووووووووف شحلاتها لكززس اليديده شكله بيتوفل عهود وهي تحر ميثوه : ايه حتا رنج ماله حلوو سبورت يديد بس اضنه يبا يكشخ جدام بنات دبي بلكززس اليديده خخخخخ ميثوه : من حلاتهن بنات دبي وعععع عهود: من الحره الي فيج خخخخخخ ميثوه ولي يسلمج اغلبيتهن من قوم خنجي وخوري وربعه هههههههه عهود : خوري وربعه هههههههههههههههههههههاي خوري خلينا من قوم خوري وربعه وخوانه ذبحتني الشمس انا بركب السيارها ميثوه : ههههههههه والله صدقج بس خواتج وين يبلهن ساعه لين يركبن وانا استحي بيقول ماصدقت تركب اول الناس عهود : اهااااااااا علينا عع العموم انتظري انتي هنيه بشمس خليها تصقعج انا بركب السياره ميثوه يالخاينه انتضري عهود: نسيتي انتي عهود مب مها جدامج لو تقولين لها قعدي قدام الشمس طول انها بتقعد خخ لا حبيتي انا عهوووووود عهووووود خخخخخ يالله برايج ميثه :يالخاينه صدق انج نذله عهود: وهي قريبه من السياره بتركب : هع هع هع هع هع ركبت عهود وتمت ساكته وركان ساكت فيه تتتتتتششش بينهم شوي بس يعني حركات ركان شغل غنيه انا الغلطان مش انتي انا الي اعشقتك معشقتي انا الي وفيت وغدرتي انا الغلطان مش انتي ويضحك وهي في خاطرها تضحك بس مابغت تبين وتريد تكسبه عشان مايطفر ابها بسيره يعني تقردن له عشان ايب إلي تباه عهود: ركان ركان : هاه شتبين عهود : دوك هذا السيديه شغله بسيارتك ركان: سيارتي مافيها سيديه عهود : معقوله لكززس اليديه مافيها سيديه ركان ماحب يكسر بخاطرها ماتهون عليه : مد يده وقال هاتيه عهود فديتك والله اعرفك طيب القلب ركان : حليلي طيب هوب شرات بعض الناس ههههههه عهود: هههههههه انزين انا اسفه مكان قصدي اسوي وياك نذاله بس ماتيي إلا بالحيل انته هههههه ركان : ههههههههههههههههه مو دايم ترىى ودخلت عليهم رهف الملقوفه وقطعت كلامهم وراها البنات مها وميثوه ومهره وجود عهود: يارب عنود ماشافتكم ؟؟ مها: لا خليتها تروح صووب ابويه ومادرت ابنا عهود هيه تعرفون ماتحمل اشوف عنود اتصير يتعكر جوووي رهف : ياااااااااارقيقه انتي جود: انا اباا عند الدريشه رهف : انقلعي انتي في النص قالت مالي خص ميثه انزين انتي تعالي هنيه خليني أي عند ادريشه عهود تدري ان ميثه تحب تركب عند الدريشه فردت ع جود عنها لانها ماتقدر ترد عليها عهود: جود انطمي ترى عدنا بالبيت لنزلج الحين جود: اوووووووووووف انزين رهف : يالخايسه ليه انتي هوب مثل مهاري ماتعارض كله تعارضين خليج قنوعه اوف منج عهود: رهوف جب لاتهشمين شخصية البنيه ركان: ههههههه اونه لاتهشمينها ترها طلعتلج مقويي ههههههههههههههههههههههه رهوف : أي والله نفس الشخصيات ناقصين وحده موذيه ثانيه بالبيت عهود : رهف نقطينا بسكاتج خيتووو إلأأ اقول وين فهوود وينه رهف قلت له ويقول يكلم راشد ويعتذر منه لانه قال بروح وياه ركب فهد وحشرهم ركان شقلت حق راشد كلمت راشد وقلت له اني بروح وياك وقال هوو بعد كنسل الروحه تذكر العصر بيودي عونيه ولد سالم جارنا وباكر الصبح بروح انا وياه صوب العين عهود : يو اروح وياكم فهوود: لاااااا عهود : انزين جب لووما انا كان نسوك ولا سرت ويانا اصلاااااااالروحه لوما انا كان ماصارت رهف: بدينا بالمنه عفانا الله فهد : ايه والله هههههههه اقول جود انتي ومهاري ضيقتنا انقلعن ع الاسيات الورانيه ركان : بنيات ترى فيه اغراض ورا لاتنها وملفات لاتصكن شئ فهد: خلهن يصكن شئ ولا يخرب يهن طراق يفر ويهن رهف :ههههههههههه ياليت ايهن الحين عهود : ضربوهن وشووووووووفو فهد: عهود ليه رازه ويهج بنص رهف : يعني ماتعرف طبعها احيانا تحب تيلس بنص عشان اسيديها ت والشرايط الديجيه مالنا وعشان تشوف كنها قاعده قدام ركان : مها اترين شئ ولا نحرك مها: فديتك نتريا الدله الشاهي والنسكفيه اعرف لازم تشرب شاهي كرك العصر هههه ركان : اااااه فديتج تفكرن في راحتي هوب مثل بعض العرب مايفكرون إلى في انفسهم ‘وهاي نغزه حق عهود وفهد ورهف مها :ههههههه ركان: انزين اشيئش واييد بنخطف ع الواحه وبناخذ منها عهود : قلت لها بس ماطاعة اونه شاهيهم ملغ مثل الماي ماينشرب ركان: صدقها لووعت كبد ياب الطباخ سلت الدلال وحطوهن جدام عند مها عشان تصب منهن بعدين وحركووو لدبي وتوكلوو ع الله بيت عمهم ذياب ذياب اخوو ابو راشد الاكبر وابو راشد مسمي ولده ذياب ع اخوه ذياب عنده 6عيال 4 بنات بذكرهم لكم بترتيب محمد اكبر عيالهم عاقل وانسان طيب ومتفهم أنسان صدق محترم بمعنى الكلمه ومحط ثقه العايله كلها وغير هذا كشخته كل يوم فاصل له وحده من موظفات الشركه يسببن له أحراج يطرشن له هدايا وبقات ورد وقوات العين يذكرن اساميهن خخ صدق البنات مخفه سيف وهو سمي ابوو راشد مقلوووووووع لاخر درجه ومايخلي حد في حاله مطفر بخواته وربيعاته كثر التراب كل يوم ويا وحده لعاااااااااب لأخر درجه موظف وأظن كل البنات الي وياه بدوام مغازلهن هزاع هادي وفي حاله طيب ومايحب يتدخل في الهوشات ودايما يدور الحلوول لخوانه ورباعته واااااااايد رمنسي وعليه جمال عجييييب يطيح اطير من السما ومركب تقويم شوووووه جنــان ,سالم منطوووي ع نفسه ويكتم ومايحب اليمعات وايد ونفسي نفسي ماله خص بلي رايح ولي ياي وعليه جمال رهيــــــب بس مشكلته موب ربشه الناس تموت تحترق يصير إلي يصير مايدريبهم خالد في الثانويه عامه ومقلووع طالع لخوووه سواف وكل يوم حد رايح للمدرسه كل يوم متواقع مع حد يا مدرس ياشباب كل يوم يرد البيت وهو مبهدل من الوقعات وكل يوم يقز بمول مطيح مغازل وهو من تشوفه بنت تركض وراه عليه عيون وخشم سله سيف غير الشعر متعتدى أجتوفه ولا عشان البنات مركب تقويم وردي  حمدان في اول ثانوي ونفس الحاله كل يوم هد ه وضرابه ويا العيال والمدير والمدرسين بايعها الولد مايتضارب إلأا ويا مدير المدرسه حمده خلصت الجامعه ويالسه بالبيت مخطوبه وبعد كم شهر بتعرس تحاول في خطيبها يخليها اداوم بس مافي فايده مايباها تشتغل يقولها أباج تهتمين فيني وفي البيت مابا شئ يلهيج . و خلوود بالجامعه وياا مهاا رباعه مايتفارقن وفطووم بالكليه وياا ميثه بس مايتواطنن في عيشة الله عليها عيون تغرم خخخ بس البراطم مخربه الشكل حشريه شوي + خقاقه + غباء = أنسان من عالم أخر وشوق .......................بالاعداديه مقلوعه ولسانها اطول منها ؛؛؛؛؛؛؛؛؛؛؛؛؛؛ مقروده لأخر درجه بس حلـــوه __DEFINE_LIKE_SHARE__  |
|
06-03-2009, 06:26 PM
| رقم المشاركة : [ 2 ] |
| عضو جديد  | ام محمد : ابوو محمد خلصنا الاعراض وحملناها متا بنورح الحين ولا عقب صلات العصر ابوو محمد خليها عقب صلات العصر لين يبرد الجوو شوي ام محمد: خلاص عيل بخذ لي رقده شوي لين العصر وراي مروحا وعشي نسويه ابوو محمد : ههههههههه من الحين تحاتين العشي محمد: امايه لا تاكلين هم البركه بالبنات ام محمد البنات هوب مقصرات لكن تعرفوون لازم اشرف على كل شئ بنفسي ابوو محمد : خذتوو اعراض العزايم ولا بعدكم ام محمد : كل شئ جاهز والبنات الحين يلفن اغراضهن سيف : هههههههههه الحين اكيد شوق ترتب اغراض والخشورات وتحط الثلج بثلاجتها حق تخزين الغازيات بالبر عبيد : ماتدري كل الي تلمه بينخذ عنها هناك الدكان هناك بينا وبينه ساعه خخخخخخ وخلها تودع اغراضها من الحين سواف ههههههه في السياره بنقضي على سمانها ونحرها خالد : شهل النذاله حرام عليكم خلوها بحاله لازم تحرونه وتقهرونها تعرفون ماتروم تعيش ان ماكلت كوافي باليوم وشربت كولا هههههههههه حمدان : هههههه خلاها تحس حسابنا مره ثانيه خلود هااااااااااااااااااااااي شباب وين ابوي واي خالد: ابويه سار صوب بيت عمي بيقوله اذا بيونها البر ولا لا عشا نسوي عشاهم ولا غداهم باجر وامايه راحت لغرفتها ترقد شوي خلود: هيه انزن بيت عمي بيونا بالبر وناسه سواف : أي واناسه وهاي المقلوعه ام لسان طويل وياهم محمد: منوه هاي سواف : منو غيرها عهووووودوه حمدان : حرام عليك هي اصلا احسن خواتها تخلي لطلعات طعم وسوالف ومسويه جوو خلوود: هيه والله فديتها طيوبه وراعية سوالف ؛؛؛؛ وفي طريق دبي ؛؛؛؛؛ عهود: ركان فديتك حط ع غنيه حمد العامري ردي لروحي اكسجيني ركان: انزين فهوود جود وين القيم بوي مالتج جود: العب ابها فهد هاتيها جود: لا مابا انا يالسه العب فيها فهد: اقوووووووووووووووولج هــــــــــــــــاتيها جود: عهود شوفيه عهود : انت ايه شتبا بلعبتها خلها في حالها فهد: مب ماكلنا بلعب فيها شوي وبردها لها عهود : لا مابتعطيك حقتها كنها بتعطيك بتعطيك ايها من طيب خاطر هب غصب رهف : اقول سكتو شوي احسكم تسولفووون بذني خفوو صوتكم اووووووف عهود : انتي حاطي امبي فور وين تسمعينا رهف: اسمعكم محتشرين حتا صوتكم اول عن صوت الغنيه الي اسمعها اوووف عهود : فهود كفخها هاي يمك حشا بم روحه هاي يالسه تتاأأأفف لي كان ماسرتي معانا دام مايعيبج العجب فهود : ولا الصيام برجب خخخخخخخخخ والباقين سكوت ميثه من ركبت السياره مقالت شئ غير السلام عليكم حتا ماقالت لركان شحالك ميثه تمووووووووووت ع ركان وطول الطريق وييه اطالعه عهود : ميثووووووووووه شعنه ساكته من ركبتي وانتي ساكته ليكون مستحيه ميثه : لا موب مستحيه ولا شئ بس مالي خلق اسولف مها : شبلاج ميثوه ليكون شئ يعورج فهود : تكلمت طبيبة العايله المسعفه بالحالات الطارئه مها : تطنز انت وراسك فهد : لا بس انتي طول اليوم ساته ماتكلمتي الي الحين هههههههههههه في حالة الطوارء بس تتحكين خخخخخخ ركان : هذي الغنيه اهدأء كل المستمعين وهو في خاطر يهديها لميثه & انا المغـرم انا الـــهاوي وانا المجروح المــداوي ولالـــي من يــــداويني واحـب الحب واعمــــله وداري عــهود المـحبه وجافــوني محبـــــينـــي اقضي الوقت من دونـه اخايــــل نظرة اعـــيونه وطيفه ســـاكن ابــــعيني ابــاه ولا ابـا غـــــــيره احبه بـــشره وخــــــيره ولــــكن لا يــخلــــينـي لذيــذ الـــنوم جـــافيـــته وليــــلي ماتـــهنــــــيته ولالــــــــي من يسليـــني عــشقته وعـشقة أترابه ياليته يرحم ويرحم احبابه يعود ويضوي اسـنيني انا لحـــــــاير انا الصابر اعزي النفس والـخاطـر ولالي من يـــعزينــــــي ياليت الوقت يصــفالـي ويرجع صاحــبي الغالي وشـــــفن مـن شــرايني عهود: مغسي مغسي ركان الغنيه فنتاســـــــــــــتك رهف : ثانكس ع الغنيه فهود: مشكووووووووووورأ بوشباب مها : مشكور ركان الغنيه حلووو جود : مشكور ركان الغنيه تينين ربشه مهاري وميثه طبعا ماعلقن وميثه في باللهااا تقول مشكور غناتي كملووو طريجهم وخطفوو ع الواحه طبعا لازم يطلبن البنات مايصير يمرون ع الواحه ومايطلبن شئ كان عبا بترول وقف جدام الواحده وقال للبنات تغشن كله شباب هنيه يطالعون السياره ركان: شتبن الحين عهود: انا هات لي واحد بسكن روبنز مانجوو مع فنيلا بدون مكسرات او سوس وهات واحد هوت شوكليت فهد : هات واحد اسكريم كوفي مع مكسرات وسوس واحد بيبسي رهف: انا واحد اسكريم كرميل بدون مكسرات ومع سوس وهات لي واحد كولا وطلبت جود ومهاري ومها مابغت غير ايسكرم وميثه مطاعت تطلب حايلووو فيها بس قالت مو مشتهيه وطبعا هي مستحيه بس حلفت مايبولها شئ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ نزل ركان وياب لهم الي يبون وهدووو شووي كل واحد لهي بالاكل ميثه تتكلم بصوت واطي ماتبا ركان يسمعها : عهود عطيني ملعقه ايسكريم عهود : تبطين ليه يوم قالو لج تبين قلتي لا مابا ميثه : ترا بزوعج اياه نفسي فيه عهود : ويعه دوج ملعقه وحده بس ميثه: انتي عطيني وحده ولا نص خلصي عهود: دوج شلي لا تخيسين عباتي ميثه : انزين تعالي بيني وين اخوج لايشوفني يت ميثه ورا ظهر عهود وكلة الملعقه شافها فهد وضحك وقده بيتكلم مسكت ثمه رهف وشاورته وقالت له لاتحرجها هي مستحيه من ركان أن تكلمت بيسمك ركــان وبيتحسس وبيتم يتسوق روحه عشان مايحرج وهي بتحس بالاحراج ومابتاخذ رحتها حتا وهي ويانا فهد : هههههههههه فهمت فهمت عليكن حركات رهوف : انزين انزين فهمت اخبرك دلخ ماتفتهم بسرعه ههههههه عهود بصوت واطي ماينسمع : ميثووووووووه خلصي ماصارات ملعقه ايس كريم كسرتي ظهري مييثووه: انزين حشا نغيصه مها : ركان اصبلك شاهي ولا نسكفيه ركــان: صبي لي شاهي مها: من عيوني ركان : عيونج سالمه فهود بلقافه : وحنا ماحد يعزم علينا مها: انت تراك طالب بيبسي مايوز بيبسي وشاهي بوقت واحد ولا عادي فهد : عادي اخر شي بيختلط في بطني هههههههههه عهود: حسب التركيبه المعويه المعده ماتتحمل البارد والحار في وقت واحد ولا بيستوي انفجارات رهف : ههههههههههههههههههههههههههههههههههههههههاي التركيبه المعويه وانفجارات حشا اح روحي بمختبر فيزيائي فهد : عليها مصطلحات هههههههههه ميثوه : حلاتها مصطلحات بنت خالتي هههه عهود: ههههههههههه عشان تعرفون انا بروحي قاموس صعب فهمه ركان من صوت ميثه ارتاح انها دخلت شوي بالجووو بعد ماكانت ساكته حاب يشاركهم السوالف عشان تزول توتر الجووو ركان: هههههههههههههه الله يستر ع الناس من مصطلحاتج عهود: بشوفكم بعدين اترجوووووووووووني وتحبون ايديه وريول عشان افسر لعيالك وفهمهم بالمستقبل مها: الله لا يحوجنا لج رهف : يطلعووون عيالي اغبى اشخاص بالعالم ولا تعلمينه وتفهمينه انتي ضحكووو كلهم ع سوالف عهود وتعليقات رهف ع هسالفه وبعد ساعه وصلووو لأمارات مـــــــول ركان: انزلن بدون حشره وغطن ويهكن عهود: فهمنا هل الجمله حفظنا الدرس تغشن ترا كله شباب هنيه رهف : ههههههههه اخيس درس صراحه كثر مايعيدونه لاااعت كبدي نزلووو من السياره ودخلووو بالموول واوول مادخلووو لقووو شله شباب بويهم وكانوو الشباب طالعين ولما شافوو البنات تم يغنون بصوت عالي من قلت ادبهم وركان كنه موب سامع لانه شايف من اشكالهم وايد واثق من خواته بس هم تمادوو لدرجه انهم كانوو طالعين وردووو ود خلوو وراهم في هاي الحظه ميثه ومها توترة اعصابهن اماا عهود ورهف قالن مافيه إلا ان ركان يبعد عنهن ويسنعن امورهم ويفشلنهم جدام الله وخلقه عهود : ركان فدييييييت خشمك اباك تتجدم شوي وتسوي روحك كنك ماتعرفنا فهود : انت خلك ويانا عهود فرت ويها لووراا لصوبهم يعني وقفت ومها وميثه اجدمن عهود : اييييييييييييييييه انتم يلعنها متربيه ربيتم ابها نعنبوووووووكم ماعندكم خوات تخافون عليهن يامسودين الويه انتم اضنكم متربين بمزبله مالت عليكم وعلى هتربيه الخايسه الشباب منصدمين فيه بنات غزلوهن وتمادوو عليهن بس يا ميعطنهم ويه يا يتم يماطلن لكن وحده ترد عليهم بهرد القوويي ماعرفوو شيقولون وتفشلوو جدام اناس والعالم اطالع عرب واجانب يعني شرشحتهم رهف : نعنبوها من سنه انتووووو لووو فيكم خير ماتيلسووون بالاسواق تغازلون بنات خلقله صدق انكم تربية شوارع اصلن فهد: اييييييييييييه ياصايعين انتم روحوو لبيئتكم إلى ربيتم فيها لتوووون صوووب الناس الحشام سيرو لمراقصكم وخياسكم يامحششين يلي مربوكم أهاليكم وهنيه يت المصيبه شلحت عهود عن حذائها السحري وتمت توجهه صوبهم الشباب من شافوو النعله تموو يترابعووون عهود بصووت عالي على ماعتقد كل إلى بلموووووووول سمعوه : اصلن انتووووو ماتستاهلووون افركم بنعلتيه لانكم ماتسونها اصلان هنيه يا ركان مستانس لانها شرشحتهم ركان ان ادخل بتستوووي ضرابه وخنايق وشكاوي وشرطه لكن بسبت بنت لهم بيطقووو مع ان ركان مايسكت بس يعرف قدرات اخته وهووو واحد وهم سته والبنات مايبا يشرشحهن ويخرب روحتهن لوو ان ولد عمه سواف ويااا ه للعنوو خيرهم بضاربه لكن هو وزنها بالعقل وكان متأكد من النتيجه فهد تم يدق ع كتف اخته : صدق انج بنت ريال عهود شاقه الويه مستانسه : هيه ش على بالك عيل الي يرشني بماي ارشه بدم هههههههه رهف : وانا شرشحتهم بعد فهد : حتا انا شرشحتم لكن هي طلعت الحذاء العجيب لهم وهانتهم اكثر خخخخخخخخخخ رهف : هههههههه انا لووو ماخاف ع شنطتيي ولي فيها كان فلعتهم ابها فهد: هههههههههههههههههه لا انتي فريهم بكلييييييييينكس اقوووى خخخخخخخخ عهوود: هههههههههههه اقول خلنا نكمل اطريق ركان : والله طلعتي موب هينه اختي عهوود: ههههههههههههههههه ركان الحين وين بروح أي اتجاه بدني عليهم اخلص اغراضي قبل رهف : دايما انا نيه تبدين روحج علينا عهود: جب جب اصلاااااا انا من الصبح احن ع السيره وحياتي هي الي تبدا مها : حنا بنحوط ولي له حايه ع المحل الي بنخطف عليه يقول انا ابا هذا المحل وبكذيه تنحل المشكله ميثه : صدقها مها ركان : خلاص عيل وتمووو يسيرون ميثه ومها مع بعض لان حاياتهن متقاربه بس ميثه وعهوود ورهف يتفقن ع اشيا ء تشوفها مها سخيفه مع انها تعجبهن بس ميثه لما تشوف عهود فاضيه تستشيرها بلي تباه و عهود كما الامثال تاخذ رأي ميثوه في إلي تشتريه عهود: الله طالعوو الثلج شوفه يبرد ع قلبي من السنه الي طافت ماينا هنيه من حشرة جود وحنتها كل مادخلنا سكي دبي تبا تدخل ويانا وتمرض وتي اخر شئ بروسنا اوووووووووف رهف : تعالووو انا وانتي وفهود بندخل بنبرد وهم يتسوقون ومو شرط تدخل ويانا جود عهود : مابيطيع ركان لازم نكون ويا بعض وجدام عينه مايحب كل واحد بصوب ميثه : اووووو اطالعنه وزرن موب لازم تيلسن في الثلج رهف : لا مانبا لازم ندخل ميثه: اووووه والله انكن اتضيعن الوقت وبس مها : حنا بنسير كيفكن تفاهم ويا فهد عهود: مها مها ممهوووووووووي حبيبتي انتي حايلي ركان ومابيردج قولي بندخل داخل بس شوي مها: لا ماقدر الحين بيقول كله شباب داخل رهف : وين شباب كله بنات وعوايل بعدين حنا ماينخاف علينا شفتي بعينج شسوينا مها: والله عاد كيفكن فهد: انا بقوله ××××××××××× ركـــــان ركـــــــان ركان : هلا هلا بلاك محتشر فهد : نبا ندخل المدينه الثلجيه ركان :: ايهااااااا ومتا بتخلصووون فهد :بس نص ساعه ركان : يالله عيل عهود: فديتك والله ركان وانت فهودي طلت فله خخخخ ميثه : ركان عادي اسير وياهم ركان : سيري افا عليج ميثه : مشكور عهود : وين الي تقول تضيعن وقت هااااااااه ميثه: جب جب حرام اتبرد في هصيف وهل الحر عهود: هههههه لا موب حرام بس لادقرررن يوم نبا شئ ونزن عشانه وخلاف اتن ويانا ميثه: طوفي لنا تعرفين نبا حايات وايد بس اختصارلوقت نقول مانبا عهود:عيزت وانا اطوووف ميثه : انزين يالله يالله قبل ليهون اخوج عهود: دامج بتين ويانا ماضنيت يهون عشانج ههههههههه ميثه : ويعه سكتي احرجتيني عهود : اونــــــــــــــــــــه انحرجتي خخخخخخ رهف : شفيكن تساسرن عهود: لحوووووووووووووول ياكرهي للي يتليقفوون ميثه : هههههههههههههههههه اف منهم رهف : ههههههههههه متعله منج اختي العزيزه ولا انا وين والقافه والنذاله وين لكن من عاشر قوما اربعين يوم صار منهم ههههههه عهود: اصلا لووووما الدروس الخصوصيه إلي اعطيج اياهن ولكان متي من زمان هههههههه رهف : زنزين يوم انذل وحده بالعالم استاذتي عهود: انزين حمدي ربج ع النعمه يوم استاذتج خخخخخخخ يالله ياالله خلني ادخل خاطري ايلس خمس سنوات في هثلج مها : لقعتيييييييين خمس سنوات بحنطونج وبحطونج على الواجههه ههههه ميثه : حرام لحطوها ع الواجهه اني ماطب اسكي دبي مو بس اسكي دبي إلا مابطب المول بكبره وعععععع (ميثه تحرها ) هيييه كذيه ماتنبلع كيف لحنطوها رهف : هههههههههههههههههههه لا انا بدخل عشان اتشمت عليها عهود : يالكريهات الحين اول مادخل بيصورني وبيحطون صورتي بالواجهه وعينكن اتشوف العالم ايون من كل مكان عشان اشوفون صورتي هه قال تحنيط قال مها : حد قص عليج وقال انج الموناليزا هههههه عهود : وععععععععععععع المونليزا عاد وعععععععع هذي احسها انسانه مريضه ماضحكت ولا مره ويوم ضحكت رسمها رسم لا واخيس ضحكه شفتها بحياتي خلهم ايوني برسم لهم ضحكت راني ابرك من ضحكتها رهف : ضنج رسمت راني وضحكتها بيبن الملاين عهود: هاااه والله مادري يمكن سبحان الله تفيدنا مع ان موراها فايده مها : ماورهااا هااا ه خلها باكر تسافر وتي وحده من تقولن لها شئ تقولكن لا وهي حليها كل الي تبنه تسويه ميثه : اوووووووووهووووو علينا خلنا نخف الخطوه ماعندكن إلى راني تسولفن عنها عهود: شوووفوو إلي تقطع افكاري ومشاريعي العمليه ميثه : يارب مشروعج هي رسمة ضحكت راني اسميييج خبل ( وهنيه ركان ياب لهن التذاكر وقال لهن روحن استلمن البستكن ) عهود : رهف انقلعي وهاتي لي جاكيت وجواتي نفس القياس الجواتي وقولي له ايب لج من داخل رهف : ههههههههههه ضحكتيني ليه ماتيبين لروحج عهود : مافي مشكله عشان افشلج وقعد ازاعق عدالج وسوووي حركات خبال وسب الموظف وخليه بلعاني يخرنا عشان تتلعوزين وبقعد محتشره عليه والي يشتري يتفرج رهف : اوووووووووف تسوينها يانذله والله ينخاف منج عهود: هااااااه شقلتي رهف : هاتي كرتج ياسخيفه (راحت رهف وفهد ومها ايبون الجاكيتات والقفزات والجواتي ركان والبنيات الصغار مابيدخلووون عشان ليمرضن ويتعبن عليهم لأنهن مايتحمل البرد ) اقول ركان بيحشرنك اذا مادخلن ركان : كيفهن يحتشرن يصيحن مابدخلهن من بيقعد يسحبهن باهثلج واخر شئ يتعبن لانهن من يدخلن في البرد وعقب يطلعن وختلف عليهن الجوو ويمرضن لا مافيني عهود: قلت لك وكيفك ركان : ماعليه بتحمل حشرتهن ولا يمرضن عليه ميثه : ركان اذا تبا تدخل معليه بتم عندهن ماعليه ركان: لا لا مابا ادخل بعدين ماشئ مسلي داخل بس عشان خطركن ولا ماوقفت هنيه عهود : سكتي ولي يرحم والديج هوو وربعه مطيحين في دبي ومولاتها ‘ومايون هاذاا حق اليهال والعوايل ايرحون حق التزلج ع المنحدرات المرتفعه هناك فوق برويج اياه يوم بندخل ميثه : هيه قد شفته يخوف كيف يروح له مايخاف ركان: هههههههه لايخوف ولا شئ كنك اطير حلووو مو هذا بس تحووسون فيه لكن ماشئ تسليه عهود: لا فيه حق اليهال ركان: عليج نور حـــــــــق اليهال موب حق الكبار عهود: شتقصد ؟؟؟؟؟ ركان:ههههههههههههه لا ماقصد شئ (وهنيه ييت رهف وياها الجاكيتات وراحن صوب الحمامات يلبسن الجاكيتات والنعال لان ركان مايحبهن يلبسنه ع الكراسي الي برا عشان الشباب الي رايحين ورادين ) 
__DEFINE_LIKE_SHARE__
|
|
| |
| |
|
06-04-2009, 12:34 AM
| رقم المشاركة : [ 3 ] |
| عضو جديد  | [align=[color="purple"]right]تسلمين يا الغاليه والله يعطيج العافيه الاكثر من رائع نبغى المزيد حياتي[/align[/color]] __DEFINE_LIKE_SHARE__ |
|
| |
| |
|
06-04-2009, 12:35 AM
| رقم المشاركة : [ 4 ] |
| عضو جديد | [align=[color="purple"]right]تسلمين يا الغاليه والله يعطيج العافيه
الاكثر من رائع نبغى المزيد حياتي[/align[/color]] __DEFINE_LIKE_SHARE__ |
|
| |
| |
|
06-05-2009, 02:54 AM
| رقم المشاركة : [ 5 ] |
| عضو جديد | هلا وغلا نورتي القصه غناتي وفالج طيب ^^ كل يوم تعال زين خخخخخ
__DEFINE_LIKE_SHARE__
|
|
| |
| |
|
| مواقع النشر (المفضلة) |
| الكلمات الدلالية (Tags) |
| ღ_‗ـ−¯«Ξ❤Ξ二₪, ₪▓Ξ❤Ξ»¯−ـღ‗_ღ, مـــاريتـ, توبهـღ, هواهـ, وصلتــه |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ღ−ـ‗» حــينمآ تشتآاااق «‗ـ−ღ | ›• غَنٍجَ اڷشاُمً ‹• | الإستراحه العامة | 8 | 07-26-2010 10:20 PM |
| ₪▓Ξ❤Ξ»¯−ـ‗_ღ شنط أصلية للبيع الفوري ღ_‗ـ−¯«Ξ❤Ξ二₪ | محروم.كوم | منتدى أخبار المواقع والمنتديات العربية والأجنبية | 0 | 09-01-2009 08:10 AM |
| ਓ҉,ஹ,҉−ـ‗ღيداكـــمــ..,تعنيــــــتــ,لترحيــب كمــ. .,بغيــتــ..ღ‗ـ−҉,ஹ,҉ਓ | ملاك الخاطر | المواضيع المكرره | 1 | 06-09-2009 05:31 PM |
| 퇇ணॐ−ـ‗_ღ مــأإأدحين الـزين+حبيب آلحًُبٌُღ_‗ـ−ॐண퇇 | Ya 7SaFa | نغمــات للهــواتف | 46 | 11-01-2008 12:46 AM |
| ₪»¯−ـ‗_ღ يا أحلى عيد ميلاد في هالليلهـ ღ_‗ـ−¯«₪ | • ™ мαяỉαмч «| | التبريكات والمناسبات | 35 | 02-08-2008 03:18 PM |
الساعة الآن 07:04 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227