ٱلآٱ ۶ﻟىَ طآڕيُ ا̄ﻟﻋنٱد ..ﺷﻟۆن ﺧﺷﻣڳ بعد مَ آﻧآ ڳسرٺھۃ :>

! ĐįƠЯ ƒάṦђịǑη ! · #1 12-28-2011, 11:41 PM

ٱلآٱ ۶ﻟىَ طآڕيُ ا̄ﻟﻋنٱد ..ﺷﻟۆن ﺧﺷﻣڳ بعد مَ آﻧآ ڳسرٺھۃ :>

آڷسڷآمَ عڷيڪمَ ۈ رحمَـۃ آڷڷـۃ ۈ برڪآتـۃ *
مَسآآڪمَ/صبآآحڪمَ بـدهن عود معتق ..
شحآڷڪمَ آخبآآرڪمَ ؛ ~>

الكآآتبـ‘ه : مآني مثل غيري..}

نبذ‘ه عن القصـ‘ه .. !!
فيهآ موآقف حقييقيـ‘ه ،، وأحدآث تقريباً الأغلب عآشهآ ،، يمكن فالبدآيـ‘ه تحسون فيه تقآرب بين قصتيه و القصص الثآنيــ‘ه ،، لكن أن شآء الله ألي بيوصل ويآيه للنهآيـ‘ه بيحس الأختلااف كبييير ،، فيه موآقف ان عشتهآ وحبيييت أحطهآ ، او سمعتهآ ^^
أمممممم مآبتككلم أكثثر عن آلقصـ‘ه ،،

آآتريآ تفآعلككم =)
__DEFINE_LIKE_SHARE__

! ĐįƠЯ ƒάṦђịǑη ! · 12-28-2011, 11:43 PM

ٱلآٱ ۶ﻟىَ طآڕيُ ا̄ﻟﻋنٱد ﺷﻟۆن ﺧﺷﻣڳ بعد مَ آﻧآ ڳسرٺھۃ :>

في روآيه مآني مثل غيري ..
جيت أرضي بأسلوب الاقتنآع‘ ..
فيهآ فرح ،حزن وأسى وفيهآ تحدي
وفيهآ زعل وفيهآ فرآق و أجتمآع‘ ..
وفيهآ بطولة ووصف وأسلوب جدي
وفيهآ مشآعر سآكتـ‘ه للأستمآع‘ ..

أم أحمد سايرة توعي بنتها شما
أم أحمد : يالله مبرد الحجرة عنبوه بثلجين ,, شميييم قومي بسج من الرقااد
شما : كم الساااعه ؟
أم أحمد : قومي الساعة 6وربع هبابج تزهبيين
شما : أن شاءالله
(( نتعرف ع العايلة الكريمه )
اليد متوفي ,, بس اليده ( موزة) تسكن عند ولدها بو أحمد (( هم بالعدال فالبيوت ) بس لانه بو أحمد أصغر عسب جذيه تسكن عنده
عايلة بو أحمد ,,
بو احمد : أسمة حميد عمره 40 سنة ريال عصبي ع أدناة الدون يعصب قليل كلاام لكن محد يقدرله يوم يعصب ,, ويدووخ
أم أحمد : أسمها عاشة عمرها 39 سنة قلبها طيب ومافيه مثلها ,, وصابرة ع عصبية بو أحمد مب مقصرة ع بيتها ولا ع عيالها وتحبهم وايد
( عندهم بنتين و 3 أولاد )
نورة : أكبر وحده عمرها 19 سنة تدرس فالجامعة إدارة وأقتصاد ,, ماخذه من شكل أبوها شوي ومن أمها شوي لكن يبين عليها أنها غير عنهم ماشاءالله عليها ,, عيونها عسليات وهالبنت كشخه وايد وشعرها طويل يتعدا ركبها هي قصيرة وحلوه وبيضاء
أحمد : عمره 17 سنة ثانوية عامة أدبي ,, ماعليه من دراسته ومب فالح فالأنجليزي أمره ولا يعرف غير يس ونو وكم كلمة ,, سبورتي واايد ويحب يلعب ويا شباب ييرانهم ودومه فالنادي ,, بس كشخه هوه حنطاوي وشعره أسود سواد الليل ألين رقبته وعيونه حلوه وخشمة سيف ودومة سوالف ويشبه خواله
شما : عمرها 16 سنة ثاني ثانوي علمي ,, مهتمة وايد بدراستها بس أحياناً تمل يوم يصعب عليها شيء ,, وايد تحب اليهال ,, وهي أطول عن نورة بشوي وألي يشوفهن يقول شما أكبر لأنها أطول , بيضاء شعرها أسود فوق ركبتها بشبر ,, ماتشبه حد من أهلها هي غير عنهم .. رموشها كثاف خشمها سيف تحب تسوولف وملسونة وايد وتحب تيلس ويا آمنه بنت خالها أكثر شيء > وباقي المواصفات بتعرفونها بعدين هع ,,
عمر : عمره 11 سنة صف سابع ,, ومسوي عمره شيء شيء فالانجليزي وهوه مناك خرييييط وأونه يدرس بس كله جذب ,, كان شاطر يوم صغيير بس يوم شااف أحمد مايدرس قام مايهتم هوه بعد ,, فيه شبه من أمه أكثر
هزاع : عمره سنتين وايد يشبه أحمد ,, وأكثر حد يحبه شما ووايد متعلق فييهاا وشما بعد تمووت فيه
الصبح الساعة 7 الكل سار صوب مدرسته ألا شما ونورة
فالصاله ,, نزلت شما جاهزة ومنزلة عباتها وشنطتها وحبت راس يدتها وأمها
أم أحمد : تريقي فديتج ,,
شما : لا بس أمايه مالي نفس
أم أحمد : أصبلج جاهي
شما : مااعليه روحي بصب تدريبي بيتم يعورني يوم كاامل لو ماشربت
اليده : ظااهرة ع أمج أم الجاهي
شما : ههههههههههههههههههههههه فديتها والله
ونزلت نورة
نورة : صبااح الخيير
الكل : صبااح النوور
اليده : هلا هلا بنويير تعالي أمايه
شما ترمس أمها : يبيه عيل أنا ماسوتلي جذا
أم أحمد : ههههههههه وراها شيء العيووز
اليده تأشر لأم احمد وشما : إييه سودى الويه أنتي وبنتج عيز حييلكن ياربي

شما فخاطرها : أونه ماتسمع عيل يالمكر
شما طالعت ساعتها حصلتها 7وربع ونشت مستعيله
شما : خييبه جان مايخطف عني البااص
وظهرت وخطف علييها الباص ووصلت المدرسه

/
/

صوب بيت بو حمدان

أو نعرفكم ع العايله
بو حمدان : أسمه سلطان عمره 48 وماافيه أطيب من قلبه وهوه يستوي أخو أم أحمد
أم حمدان : أسمها موزة عمرها 45 ماتفوت ولا عرس وتستقبل أي دعوة عرس تيها وع طول تلقونها فالعرس ,, وفنفس الوقت مب مقصرة ع عياالها وتحبهم واايد وهي تستوي أخت بو أحمد

حمدان : عمره 21 سنة حنطاوي طوييل , عيونه سود حلوات بس صغار طشونة ودومه فبيت خاله بو أحمد ويحب عمته أم احمد وايد
آمنه : عمرها 16 سنة ثاني ثانوي علمي ,, هي ويا شما الروح بالروح ,, بنت خالها وربيعتها وأختها وتوأمها وكل شيء فحياتها ,, هي طويله ماشاءالله أطول عن شما وبيضاء وعيونها نفس حمدان مب كبار وايد جسمها مناسب ع طولها شعرها يوصل لين خصرها بني غامج
منصور : عمره 14 سنة صف تاسع ,, عيونه أحلى من عيون أخوانه كبار شوي نفس عيون عيال عمته أبيض وطويل بس مب أطول عن آمنه ,, وايد ويا احمد و عمر بس عكسهم هوه يحب يكون عادل بين اللعب والدراسة ,, ويحب شما وااايد > اونه يبا ياخذها يوم يكبر ههههه
(( يسكن ويااهم عمهم ألي هوه أخو بو حمدان وأم أحمد ,,))
أسمه سيف عمره 35 ومب معرس وسواالف ,, وأحمد وايد ماخذ منه صفاته وأسلوبه وكلامة يعني أحمد نفس خاله سيف ,, و سيف مغايضجي رقم واحد خصوصاً لـ شما وآمنه

فحجرة آمنه محتشرة مافيها تنش
أم حمدان : حسبي الله ع بلييسج يلا نزلي شنتطج وعباتج خلي الدريول يوصلج ويا الخدامة
آمنه : أفففففففففففف والله طفرت مافيه ع الدوام
أم حمدان : ياربيه منج قومي يالله من متى وهي تكوكي
ونزلت ويوم طلعت حصلت الدريوول محد ودخلت تصاارخ
آمنه : أماااااااااااااااااااااااااااااااااااااااااااااااي اااااااااااااااااااااااااااااااااااااااااااااااااا ااااااااااه
حمدان كان راقد بس من صريخها ربع صوب الدري يشوف شو السالفه
آمنه : هههههههههههههههههههههههههههههههههههههههههههههههههه هههههههههاااااااااااي
حمدان : إييييييييه شعندج تصارخيين
__DEFINE_LIKE_SHARE__

! ĐįƠЯ ƒάṦђịǑη ! · 12-28-2011, 11:44 PM

البآآرت { 1 }

فحجرة آمنه محتشرة مافيها تنش
أم حمدان : حسبي الله ع بلييسج يلا نزلي شنتطج وعباتج خلي الدريول يوصلج ويا الخدامة
آمنه : أفففففففففففف والله طفرت مافيه ع الدوام
أم حمدان : ياربيه منج قومي يالله من متى وهي تكوكي
ونزلت ويوم طلعت حصلت الدريوول محد ودخلت تصاارخ
آمنه : أماااااااااااااااااااااااااااااااااااااااااااااااي اااااااااااااااااااااااااااااااااااااااااااااااااا ااااااااااه
حمدان كان راقد بس من صريخها ربع صوب الدري يشوف شو السالفه
آمنه : هههههههههههههههههههههههههههههههههههههههههههههههههه هههههههههاااااااااااي
حمدان : إييييييييه شعندج تصارخيين
آمنه : ههههههههههههاااااااي اوكي أنته ناش ماتروم تفارق مخدتك بعد
حمدان كان شال مخدته وياه
حمدان فرها عليه : يبحصج ياربي زيغتينا حد يصاارخ جذا ع الصبح ,, سودى الويه
آمنه : الدريول محد وماعندي حد يوصلني قم حمدانووه ودني

حمدان : سيري رقدي أبركلج يالسه تصاارخ من أصبحت
آمنه : دخيييييلك والله بحصل الاخصاائية فويهي
وبعد أقنااع وصلها ع الساعه 8 وعشر دقاايق شافها الحارس بس نزله حمدان وقاله أنه أخوها ودخلها بدون مايدرون الإدارة
أمون هبطت وهي تتمشى شوي شوي زايغة من الاخصائية
الأاخصائية شيخه : ع ويييييييين ؟
أمون : بسم الله الرحمن الرحيم
شيخه : شو شايفة يني جدامج
أمون : تقريباً
شيخه : بعد فوق شينها قوات عينها ,, ليش متأخره ومنهو ألي يايبنج ؟؟
أمون : أحم متأخرة لأني رقدت ويايبني حمدانووه
شيخه : ومنهو هذا حمدانووه
أمون : أخووويه
شيخه : أنجلعي صفج
أمون وهي سايرة : جلعج بلييس من هالمدرسه طفرتييبناا
وسارت صفهاا وحصلت الصف دعسه لأنه كانو مجمعيين بنات صف شما فصفهن وعقب تقرديين دخلتها الأبلة
أمون : شحاالج شمييم ؟
شما : بخييييير شحالج أنتي ؟
أمون : الحمدلله ,, شو خالي وعمووه ؟
شما : بخير يسرج حالهم والله
الأبلة دقت ع الطااولة بقوووو : لا بعد ماتبنا نييبلكن جاهي وتسوولفن
أمون : عاد أنا ماتريقت
ومادرت أمون ألا بكفخه ع رااسهاا بدفتر الفييزيااء مال شما
أمون : يعلج الدحق أن شاءالله
شما : سكتي والله بتروغنا من الصف
الأبلة صرخت : شمااااااااااااااااااااا
شما من الروعة ماعرفت شو تقول : هاا ,, شوو ,, أممم هيه نعم أبلة
الأبلة : أففففففففففففففففف من هالبنات ألي يعورن الرااس , ,قومي حلي المسألة
*)*)*)*)*)*)*)*)*)
حمدان بعد ماوصل أمون سار بيت خاله يسلم ع يدته قبل لا يسير الجامعة
دخل وحصل نورة فويهه
حمدان : السلااام علييكم
نورة فخاطرها : أفففففف يالله من هالصباااح , وصدت صوبه : وعليكم السلاام
حمدان : شحالج ؟
نورة : بخيير
حمدان : أحم ,, شفيج علييه
نورة : ولاشيء بس أتريا الباص جنه ألا أتأخر
حمدان : اوصلج وغمزلها
نورة : مشكووور الله الغني
حمدان : برااحتج ( ودخل البيت
نورة : أففففففف مسخف ألا هالأنسااان ,,
وقبل لا أيي الباص سوت مسج لـ ,,,,,,,,, > بعدين بتعرفون
دخل حمدان ولقا يدته يالسه تجلب فالقنوات ,, سيده صار صوبهاا ووخا ع راسها وحبها
اليده : مرحبااا مرحبااا بالغااااالي
حمدان : مرحب فييييج
اليده : وشحاالك ولديه وشو أمك وأبوك وأخوانك ؟
حمدان : كلهم بخيير ويردون السلام علييج
اليده : الله يسلمك ويسلمهم
حمدان : ويسلمج
ويلس يسولف وياها شويه خلاف سلم ع عمته وروح صوب الجامعة
فالبرييك صوب البناات
أمون : شمييم بتين بيتنا اليوم ؟
شما : نوووووووو
أمون : أفاا لييش ؟
شما : عازمين عمي وعيااله اليوم وبيوونا
أمون : اهاا
شما : وع فكره تراكم أنتو بتون بعد
أمون : على فكرة ,, على فكرة
شما : ترآ قلبي ملكت أمره
أمون : ملكت أحساسي وروحي
شما : وعقلي شااغلٍ فكره
أمون : أيوااه يابس يابس
شما : جب ويا ذا الصووت النشااز
أمون : من حلاة صووتج
شما : يب يب
أمون : أحبببببببببببببببببببببببببببببببببببببببببببببببب ببببببببببببببببببج والله ياشمييم أحبببببببببببببببج
شما : هههههههههههههههه أثتحي انا اصلاً منهو ألي شافني وماحبني كل ألي يشوفوني يحبوني
كانت خاطفة شلة بنات
...1 : وأنا أشهد
شما طالعتها بنظرة
....2 : صوبتينا يآبنت الحلااال
شما عسب تقهرن مسكت إيد أمون وسارتبها بعيد
أمون : أحم احم من قدي الغرشووب يمشي ويايه
شما : اطمني مب معجبه بس عشان أصكت هالسااحرة
وخلص البريك ردن كلاساتهن
بيت بو أحمد ,,
دخل بو أحمد ويلس فالصاالة
أم احمد سارت صوبه : تبا الغدى ألحيين ؟
بو احمد : جييه كم السااعة ؟؟
أم احمد : 12 ونص
بو أحمد : غرفووه عيل
أم أحمد : أن شاءالله
سارت صوب الخدامة وقالتلها تحط الغدى وتخلي للعياال
طبعاً ع الساعة 1 ونص يى عموور وانسدح تحت التفزوون عقب ماتغدى وخلاف دخلت نورة لأنه ماكان عليها محاظرات وايد وسيده ساارت حجرتهاا وبعدين يى أحمد وخلاف شما
شما دخلت : السلام علييكم
أحمد : وعليكم السلااام
شما : شعنده الدب متفيزر تحت التيفزوون ولا يرد
أحمد : يااهل ماتشوفينه يطالع الرسووم
شما سيده ساارت تبدل وكانت يالسه أطلعلها شيلة ودق البااب
شما : منهوووووو ؟
أحمد : عمج
شما : أفففففففففف مب فاايجه للسخافات هذي وسارت تفج البااب وردت الكبت تاخذلها شيلة
أحمد : شميم بقوولج شيء وتقوليلي الصدق
شما : قوووول وإذا الساالفة تخص نوورة دخييلك أجلها لبعديين لاني مدووخة ورااسي يعورني
أحمد مطها من إيدها ويلسها ويلس مجابلنها : ترمس هي ولا لا؟
شما ماتعرف تجذب بس أظطرت هالمره : أنته شفييييك كل مره ع هالسؤاال شو تشك فأختك ؟

أحمد : أنا ما أشك أنا شفت بعيووني
شما : عااد حرام علييك هيه أعترفت وقاالتلكم كل شيء شو تبون منها بعد
أحمد : شميم فهمي أنتي ماتبين تساعدينها خلينا بنساعدها أنا وياج
شما وقف : أوووووووووووهوووووو علينا أحمد خلاااص
أحمد : والله أنج تعرفيين شيء ومب طايعه تقولين
شما : أففففففففففففففففففففففففففففففففففففففف
أحمد طلع عنهاا
شما سكرت الباب : الله يسامحج يا نورة بلشتيني
سارت صوبها ودقت البااب حصلتها راقده وروحت عنهاا
فنفس الوقت كان أحمد يرمس حمدان ع الفون
حمدان : رمستها ؟
أحمد : هييه
حمدان : شو قالتلك ؟
أحمد : قالتلي أنها ماترمس
حمدان : رمست شما ولا نورة ؟
أحمد : شمييييييم
حمدان : أحسهن يجذبن علينا وهذا إذا ماكانت شما شرات نورة ترمس بعد
أحمد عصب : حمدااان أنا أشك فالكل بس شماا لا ,, مستحييل فيوم أشك فيهاا
حمدان : تراها يالسه وشاربه ويا نورة واكييد تعرف كل شيء
أحمد : بس شما ماتسويها ,, عيل جانك تقصد شما ترمس تراه أختك آمنه ماكله وشاربة وياهن معناته شراتهن
حمدان عصب : شووووووووووو ,, وسيده سكر وسار حجرة أمون
أحمد : خيبه بيذبح البنت هذا والله أنه مينون ,, أنا مب قصدي والله ,, شو أسوي ياربي
ع طول نزل يدور شما بس مالقاها كانت الساعه 4 العصر وسار فوق وماحصلها وسار صوب التيفزون لقى عمور بس

,,

__DEFINE_LIKE_SHARE__

! ĐįƠЯ ƒάṦђịǑη ! · 12-28-2011, 11:47 PM

البآآرت { 2}

ڪِل ّالبشـــرٍ . ,
مآفيهم انس'ـَـآن ڪآملّ . . !
.. اْلْڪلِ منــآإع‘ـندهـّ ( آخطآءِ وٍذنوِوِوِبْ )
..وآڪبَرِ خطأ فـِـِيّ اْلنـَـَـَآسّ >> .
سوٍء التـع‘ــآإملّ . . . . . . !
...................وِآڪبرِ ذنوِبّ النــآإس ~
[تذنبُ وِلـآإ تـتوِب ]

^

^

حمدان عصب : شووووووووووو ,, وسيده سكر وسار حجرة أمون
أحمد : خيبه بيذبح البنت هذا والله أنه مينون ,, أنا مب قصدي والله ,, شو أسوي ياربي
ع طول نزل يدور شما بس مالقاها كانت الساعه 4 العصر وسار فوق وماحصلها وسار صوب التيفزون لقى عمور بس
أحمد : إييييييييه الدب وين شمووووه
عمور : محد دب غييييييرك
أحمد : مب فايجلك أنا وينها
عمور : فالمطبخ
سيده أحمد ربع صوب المطبخ : شمووووه لحقي لحقي
شما كانت يالسه تغسل إيدينها بصآبون ومستويتلها رغوة كبيره ولفت صوبه
شما : شوووووووووووو مستوي ؟
أحمد : حمداان بيذبح سمووووون
شما : شو سمونه أنته بعد
أحمد : قصدي أمووون أخته
شما : وليش أن شاءالله يذبحها شو مسويه ما أحيدها ترمس
أحمد قاله أنه حمدان قال شما أكيد ترمس وألي صار بينهم
شما : وأنته حظرتك ليش تقوله مداامهن يرمسن أكيد أمون ترمس
أحمد : أستفزني
شما فرته بالرغوة ألي كانت فإيدهاا وسيده ساارت حجرتها
شما : لازم أسييييير أشووفه هذا مينوون بيسوي أي شيء ولبست شيلة صفوة سادة لونها أزرق ع أخضر ع لون كندورتها وطلعت
نورة : إييييه شفيج وين ناهية ؟
شما : نووووروه خوزي عن ويهي لا أخر كل شيء ألحيييين
نورة : شو اتخرييييين
شما : أففففففففففففففففففيييه علينا ,, وهي تربع ع الدري نازلة ,, بعدين بعدين
طلعت من البييت وع طول بيت خاالها سارت حجرة أمون وسمعت أصوات ودخلت بدون سلام ولا كلام
حمدان : ييتي يا سااس الخرااااااب
أمون : شفييييك انته ,, كلامك ويايه مالك خص فـ شمييم
شما : صبري أمون , صدت صوب حمدان ,, أسمع يآآآ ( وقالتها بأستهزآء ) ياولد خالي ,, ألي صاار أنك شككت أخويه فيني ومافيه أخو فالعالم يستقبل أي غلطة ع أخته خصوصاً إذا كانت من ( وقالتها نفس النبرة القبلية بأستهزآء) ولد خااله ,, وألي سوااه أحمد ردت فعل من ألي سويته فييييه
حمدان : ع رمستج هذي أنا أشهد أنج ترمسييين وأنا أقول لو تبعديين عن اختيه أحسن
شما : تشهد ولا ماتشهد ,, أسمع حمدان أنا حاشمتنك من متى وساكته ويوم رمست ع نورة ماقلت شيء لكن توصل أنك تشك فيناا أنا واختك لا عااد لييين هنييييه وحدك .. حطلك خط أحمر وعرييض عرض جتووفك يآريااال بين شكك وبين كرامتيه
حمدان ماعرف شو يرد : مب جنج زودتييهاا
شما : مازودتها ألا عشان كراامتيه وجاان تباا تبني فواصل بيني وبين أختك أقوولها لك وفويهك تخسي انته وعشرة من أشكاالك أنا وأمون مب بس بنات خاال ولا بنات عمة وأنتو أدرى شو ألي بينا ( وطلعت)
حمدان تم واقف منصدم ,, مع أنه أكبر غلطة غلطها كانت ع نورة بس نورة ماسوت ألي سوتة شما,, ولحقتها أمون
أمون : شمييم شمييييم
شما كانت خطواتها اسرع من آمنه مع أنها تحس انها ثجييلة بس حاولت كثر ماتقدر انها تسرع من خواطتها عسب ما اتم فالبيييت هذا ,, ألي أول مره تسمع فيها إهاانة ولا بعد من وين من هالبيت ومن منهوو من حمداان ألي أنا ,,,,,,,,,, آآآآآآآآه يا حمدان وكل هذا عشان نورة عشان أختيه ألي ماحسبت لكرامتيه حساب وأنا واقفه جدام ألي ساكن فقلبي سنيين وأهآآني بكلامه عشانج ,, ليتج تحسين بس ليتج تحسييين ,, ( كل هالكلام كان يدور فرااس شما وهي سايرة صوب بيتهم ) ربعت فوق ودخلت حجرتها )
وصلت البيت ع السااعة خمس ونص وأول مادخلت حجرتها قفلت الباب وتساندت عليه ودموعها فعيونها أكبر قهر أني حبيت حمدان ,, ليش حبيت هالأنساااان ليش يجرحني بكلااامه ,, مسحت دموعها بظهر إيديها جنها ياهل ,, بس والله يا حمداااان ع أسلووبك هذا بتندم ومشت بخطوات ثجييلة لين شبريتهاا وعقت بعمرها وتمت لاويه ع المخدة بس أنا أحبه أحبه والله أحبه يااااااربي ساعدني سارت تتوضى لأنها ماصلت العصر وصلت وتمت تجحل عيونها عسب مايبين أنها صاحت وأصلاً الكل يعرف أنه شما قويه وماتنزل دمعتها على منهو ماكان حتى لو كاان عزييز ع قلبها وفوق هذا كله هوه يهينها ,, شافت عمرها فالمنظره وقالت
شما : بتبطي الساع يا ولد سلطان
وسمعت دق ع الباااب وكانت نورة
نورة : شماا قولي شو صاار ,,
شما ماسوتلها سالفة وغيرت الموضوع : عمي تحت
نورة : هييه وياه عموه و محمد
شما نزلت تحت وسلمت ع عمتها ويت نورة ويلست عداالهاا وكانن هناك عمتها أم حمدان وأمون,,, و عمور و منصور يلعبون بلي ستيشن فالصالة الثانية
بنعرفكم ع عيال عمهم ,,
بو محمد ,, أسمة حمد عمره 50 سنة والكل يحترمه ووايد يحب ولده وعيال أخوه وهوه يستوي أخو بو أحمد
أم محمد أسمها وديمه عمرها 50 سنة مب مقصره فحق حد والكل يحبها ويسويلها قدر
عندهم ولد واحد بس

محمد : عمره 23 سنة قلبه طيييب وجدي وكل شيء عنده بحساابه يدرس هندسه حنطاوي طويل وحشيم وماعنده سوالف الشباااب مغاازل وسهرات برا البيت يحب أمه وأبوه ومب مقصر عليهم فشيء ومحيريله بنت عمه نورة
نورة تصااصر شما :قولي شو الساالفة
شما : بعديين مب ألحيين
نورة : أبا أعرف ألحيين
شما : لاتتليقفيين قلنا خلاااف ,, وخلاص
أم محمد : ها شماا متى بتبدون أمتحاناات
شما : بعد 3 أساابيع بيعطونا إجازة عشان الامتحاناات أسبووع وكم يوم وخلاف بنمتحن أن شاءالله
أم محمد : الله يوفقكن ,, لو عندي ولد غير محمد جان خطبتج له والله
.......... : لا والله
الكل لف صووب الصوت وكان منصور
منصور : شماني حقي وأنا أباها وألي بياخذها يويله
الكل : هههههههههههههههههههههههههههههههههههههههههههههههههه ههههههههههههه
أم حمدان : انزين أنته أصغر عنها وهي ماتبا واحد أصغر عنهاا
منصور : انزين أصغر عنها ألا بسنتيين ,, شمااني تبيني ولا لا ؟؟
نورة : اونه شمااني من أستوينا ونحن نقولها شموه ولا شمييم ياعيني ع الدلع
منصور على صوته والكل أستغرب منه : تبيني ولا لا ؟؟
شما : طبعاً أباااك ,, بحصل أحسن عنك أنااا
منصور : فديييييييت روووحج والله ,, يعلني ما أذووق حزنج
الكل مستغرب
وشما تضحك علييه لأنها أصلاً فقلبهاا متربع أخوووه ,, وماخذت الجواب بجديه لأنه أصغر عنها
ع الساعة 8 حطو العشاا من حشرة اليده ألي تمت تتحضى
وسولفو شويه وكلن رد بيته ع الساعه 10 ألا أمون تمت عند بنات خالها
نورة : شمييم يلا قوولي شو صاار ماصدقتهم يروحون
شما: انسيير حجرتيه
وسارن حجرة شما وقفلت البااب ويلسن ع شبريتها
شما : أحم أحم ألي صاار يا اختااه هوه ,,,,,,, (,,,) وقالتلها الساالفة
نورة شهقت : خيييييييييبه كل هذا يطلع من حمدان
أمون طالعتها بنظرة
شما : هذا ألي صاار بعد شو نسوي
أمون : نوروه قوليلهم الصدق إذا أنتي ترمسين ولا لا ؟
نورة : أمووون شو هالرمسه المنقعه
أمون : والله ماتشوفينهم يعني أنتي تغلطيين و نحن نبتلش
نورة قامت عنهن وسارت حجرتها
شما : أمون شفييييج ؟
أمون : أدري أنج تحبين حمدان وماكنت أباا يصير ألي أستوى اليووم عسب حمدان ماياخذ فكرة غلط عنج
شما : فكرة غلط ؟؟ يعني أنا الحيين واقفة أدافع عن عمريه وعنج وتقولين فكرة غلط
أمون : لا مب قصدي بس أنتي أحسج حزت فخااطرج رمسة حمدان
شما صدت عنها الصوب الثاني : مب مشكله المهم يعرف أني أنا مب راعية حب وخراابيط مثل مايفكر حظرته
أمون : جنه ألا منصور وصل ,, برووح أناا
شما : اوكي يلا بوصلج
وصلتها شما يلين الباب وروحت أمون ويا منصور بيتهم وكانو سايرين مشي
سارت شما ترقد
صوب نورة ,, كانت ترمس واحد أسمه ناصر
نورة :قوولي الحيين شو بسوي ؟
ناصر : شما قالتلهم عنا ؟
نورة : أقوولك ولد خالي عفدبها تم يناازعهاا
ناصر : هذا شفيييييه
نورة : خلك منه مااالت عليه
ناصر : اوكي حياتي
وتمو يرمسون لين الساعه 2 الفلييل
ع الساعه 6 الصبح اليده سارت حجرة شما ادق عليها
اليده : سودى الويه فجي يالهررررمه
فجت شمييم وهيه مفتخه تبا ترقد : شوووووو ؟
اليده : شاااااب راسج من متى وأنا أدقدق هالبااب

شما : يدوه كنت رااقده ,,
اليده : قومي قولي للخدامة تعدلي قهوة يونها ماتعرف ترمس ألا عنقريزي غربلاتها من 6 شهور و10 أيام عندنا ولين ألحين ماتفهم
شما سانده راسها ع البااب
اليده : عرفتي شو أقوولج .
شما : هممممممممممممممم
اليده : صدق أنج بقررررره
شما : لا عييييله ههههههههههههههههههههه
اليده : هههههههههههههه يبحصج ربي ,, سيري سيري غسلي ويهج ونزلي
شما : أن شاءالله من عيوني
__DEFINE_LIKE_SHARE__

! ĐįƠЯ ƒάṦђịǑη ! · 12-28-2011, 11:48 PM

البآآرت { 3}

بعَـت حبـيے ۈبسَسَسَسَهۈڷـہ [ ۈاسَسَمـعَ اڷڷيــے ڷـڪ بقـۈۈڷـہ . . ||
مـن يخۈۈۈن ؛ يخـۈن نفسَسَہ ! [ مآ يخـۈن اڷڷيــے ۈفـۈۈڷـہ]

/

/

/

اليده : عرفتي شو أقوولج .
شما : هممممممممممممممم
اليده : صدق أنج بقررررره
شما : لا عييييله ههههههههههههههههههههه
اليده : هههههههههههههه يبحصج ربي ,, سيري سيري غسلي ويهج ونزلي
شما : أن شاءالله من عيوني
دخلت شما وسارت الحمام وتوضت وصلت ونزلت تحت
وسارت صوب الخدامة وقالتلهاا
أم احمد كانت توها نازله ع الساعه 7ونص وشاافت شما داخله
أم احمد : ويدييييه شميم من وين يايه ؟
شما : صبااح النور هههه يايه من المطبخ يدوتي موعيتني أونه الخدامة ماتفهم عربي
أم أحمد : ههههههه والله أنها تفهم ألا ماتبا ترمس يدتج لأنها تعيف الواحد حياته
شما :هههههههههههههههههههه
أم أحمد سارت تسلم ع اليده : عنبوه يا خالتيه موعيتنها من الصبح حليلها
اليده : عيل شو تبينها تنجلب شراااتج لين تظهر الشمس ،، ماوراج سنع أنتي مايالسه بتعلمينهن ع الزين أمره
أم أحمد ماخذت فخاطرها عليها لأنها متعودة
شما : حرام عليج يدوه فالمدراس تنش من فير الله بس عشان توعينا وماتلقى راحة من هزااع
اليده : تراهاا أم وهذا البيييييت وهذيلا العيال سهر وتعب
شما : حشى عيل جان ع جذا أنا عمريه مابعرس
اليده : خلي منكرج ترانا نباج لـ منصور
شما ماتت من الضحك ع اليده : ههههههههههههههههههههههههههههههههههه
ونزل بو أحمد : السلام عليكم
الكل : وعليكم السلام
بعد ماحب راس العيوز سارت شما تحبه فوق راسه وسار صوب العزب ماليله
اليده : شعنده واارم ريلج
أم أحمد : ما ادري بولدج من يوم ماخذني وهوه ألا فاااتن وها سيره ما أدري ع منهو طالع لا أنتي تفتنين ولا عمي ( اليد) الله يرحمه يفتن
اليده : الحمدلله أنا ما أفتن وماخذه رياال مايفتن ولا كل الرياييل أيون صوب بو حمد
شما صفرت : أووووووووووووووووووووووب
اليده : صمختينا يعلج بلا حلج
شما : عيل محد بيرمس البشكااره عنج يوم بتم بلا حلج
اليده : نوورة بترمسهاا يعلني ماخلى منها
شما يلست عدال يدتها : أبا أفهم نوورة ساحرتنج
اليده : محد سااحرة غييرج يا أم الطبوول
شما طالعت أمها ومافهمت : أم الطبوول أنتي
اليده : سودى الويه
شما شردت عنها : نيييييهاها
سارت تتسبح طلعتلها كندورة حمرا سادة ومخصرة وفيها كرستالات ع الخصر بالأسود وصوب الإيدين بعد وطلعتلها شيلة حمرا
صوب أمون كانت راقده ,, وسار حمدان صوبها لأنه كان صدق مغتاض من شما ويبا يعرف شو قالن أمس عنه تم يدق البااب بس هيه مافتحت ونزل تحت بس مالقى حد وسار بيت خاله
دخل وسلم عليهن وحصل أمه هناك
حمدان : هيييه العيوز ثرها هنيه وأنا أدوورج تسويلي عيشة
أم حمدان : وابويه عليييك البشكاراات مسوياتنه ومحطووط فالصااله
حمدان : تدريبي ما أداني أكل روحي ,, عموه وين أحمد ؟؟
أم أحمد : رااقد ,, الغاالي سرله جاان تبااه

حمدان نش عنهن وأول ماوصل الصالة ألي فوق أنفتح باب حجرة شموه ألي كانت متلبسة ومتكشخه بس طالعه قصتها لأنها ماتشيلت كامل
حمدان تم مبهت فيها ويشوفها أول ماسكرت حجرتها طالعت صوب الصالة وشافة حمدان ,, سيده لفت وتحجبت حمدان تم يطاالعهاا وشما طفرت لا سلم ولا رمس
شما : أحم ,, صباح الخيير
حمدان : أحمين صباح النور
شما من ضيجتها ع سالفة أمس سيده تحركت كانت تبا تنزل
حمدان : شميييييم
شما ماتعودت حد يقوولها شمييم ألا البنات وأخوانها ووقف قلبها ولفت صوبه : نعم
حمدان : أمممم بخصوص سالفة أمس
شما : أنا قلت ألي عندي ومب مستعدة أبطل عيوونك زووود وأعلمك الصح من الغلط
حمدان عصب وفخاطره : مب منج من ألي ياي يتعذرلج
شما لفت بتروح
حمدان : وأنا ماخلصت كلامي
شما : مب ضروري أسمع كلااام يقطع القلب يا حمداان ,,
حمدان : يعني ماتبين تسمعين مني شيء
شما صدت : كلاااامك ألي قلته أمس لا تعيده هنييه ( ونزلت عنه )
حمدان تنهد : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآه ساعاات أحس اني بذبحها وساعاات احس انس أحن علييهاا ,, ياااااربي شو أسوي
وهوه خااطف سمع صوت شوي شوي وسار للصوت ولصق أذنه عند البااب
............ : صبااح الخير حبيبي ها نشييت ؟؟ اوكي يلاقم صل ,, هههههههههههههههه لا انا بعد توني ناشه ,, اوكي برايك فدييتك ,, بااي
حمدان فج عيونه ع الآخر : نووووورووووه الخااااايسه بس والله برااويج وبتشوفين
نزل من الدري وع طول طلع من البيت ركب سيارته وتم يحوط فالسيارة ,, ويدق بصبوعه ع السكان ثرها مب بس نورووه هالحقيرة ألي ترمس بعد حصة اوكي أنا أروايكن
>حصة بنت خالة نورة أكبر عن نورة بشهرين وهي وياها مع بعض ألا من فترة قصيرة وقامن يعترفلن لبعض عن كل شيء يصير فحياتهم وألي خلى نـورة أتأمن وتطمن لسرها عند حصة هي حصة نفسها يوم بدت بالأعترااف لنوورة بأنها تحب واحد من العين وصارلهم سنتيين مع بعض ويتواعدون فالمولات أحياناً بدون محد يدري ,, لكن حصة ألي أتعرفه أنه محد يدري بالساالفة غير نورة بس نورة ماكانت تخش شيء عن شما وكانت تقوولها كل شيء حتى عن حصة وسوالفها ويا حبيبها وكيف يتواعدون ومتى و ع شو ناويين ولشو يخططون ؟؟
وأكبر مشكله أنه نورة وحصة ع باالهن أنه حمدان سكّر الساالفة يوم حلفتله نورة بأنها ماترمس وماتعرف شبااب
ع الساعة 10 ونص نزلت نورة وكانت متلبسة كندورة مخورة باللون الرمادي والأحمر وشيلة رمادية حبت راس يدتها وأمها
اليده : حي الله نوورة ,, جيه توج ناشه ,, شعنه ماتنشين من وقت فديتج ؟
شما من الغيظ فرت المخدة ع نورة : يدوه صدق أنج ظالمة ألحين أنا موعيتني من الساعة 6 ولا بعد بمنازع وهذي يالسه تتفديتنها وهي ناشه السااعة 10 ونص وين العدل هاا
نورة : يااااربي يالغياارة ,, ليش تغاارين مني هاا ليش ؟
اليده : عاد هذي نووورة الغاليه مسمايه ع ربيعتيه
شما فخاطرها : ربعبكن حمااار قولن آآميين
>شمييم صح تعصب ع يدتها وتقول ألفااظ لكن من حرتها بس هي ماتعني شيء بها وتحب يدتها اكثر عن الكل ههههههههههههه
,,,,,,,, : هوود هوود يا أهل البيت
شما ونورة سيده ترابعن حجرة اليده وطبقن البااب
اليده : قرب عبيد قرب الغاالي >> هذا واحد يعرف اليده من بعيد
صوب نورة وشما
شما تحرك حواجبها بمكر : نييييييييييهاهاهاهاهاها
نورة : شعندج ؟؟
شما : رمستي حبيب القلب أمس
نورة : هييه فديييته ياربي ,, شمووه طلبتج
شما : شوووو ؟
نورة : أبا أشوفه دخيييلج أنا بدبر السيرة بس أبااج تسيرين ويانا وتساعدينا
شما : تخسيييين ألا أنتي روحي أنهنت ع شيء أنا مالي خص لا تخليني أحس هالإهاانة كانت شويه عليه وكنت أستاهلها
نورة : مب جذا بس أنا ,,,,
شما قطعتها : جب يلا ,, قطعييها هالرمسه امره ولا تيبينها ع لساانج ولا تشوفينه ولا يشووفج ,, نويير أنتي محيرة حق ولد عمج بعد سنة ولا سنتيين بتعرسييين شو الفايده من هالعلاقة ألي مسوينها
نورة : حتى لو عرست برمسه
شما : لا عااد تتمصخريين ,, بعدين محمد ولد عمج ريال ومايعيبه شيء عشان أتسيرين وترمسييين واحد وأنتي أصلاً معرسة وفحيااة شخص ثاني
نورة : بس أنا مستحيل انسااه هوه بيتم حبي الاول والأخير ومابحب غيره
شما لا إرادي صفعتها ويلست ع شبرية يدتها حاطه كوعها ع ريوولها وكفوفها ع راسها وقالت
شما : نوروه تراج بتيبيلنا الفضاايح بالعلوم .. هذي دخييل الله ودريه عنج حتى لو كان صادق ويااج مستحيل تاخذينه لأنه بيشك فيج وبيتم يشك فيج حتى لو خذتيه ,, وأنتي بتميين تشكيين فيه ,, وصدقيني مابيقدرج لأنج خنتي ثقة أهلج
نورة وايجت ع الباب وماشافت حد وروحت وطلعت شما وسارت حجرتها

ع السااعة 11 نش أحمد وعموور عشان يتسبحون وسارو ويا أبوهم المسيد ,, بعد الصلاة الكل رد بيته يتغدا
بيت بو حمدان كانو عازمين بيت بو أحمد فالبيت عندهم ,, وحطو للريااييل فالميلس ( بو حمدان ، بو أحمد ، أحمد ، عمور ، منصور ) وحطو للحريم فالصالة ( اليده ، أم حمدان ، ام أحمد ، نورة ، أمون )
ونشت نورة ولحقتها أمون وهي مغتاضه لأنه شمييم مايتهم البيت
أمون : نويير شعنه شميم ماتي
نورة : تقول عليها واجب فيزياء 10 أوراق ويوم الأحد عليها امتحاانين هباابها تخلص واجباتها عسب تراجع أمتحانااتهاا
أمون : هييه والله عاد أبلة الفيزياء والرياضياات يهد مايرحمن يعلهن السم
نورة : ههههههههههههههه الله يعينكن عاانن مثل ماعانينا
دخل حمدان لأنه كان يبا يقوول لأمون أييب مااي وجاهي فالميلس وشاف نورة
حمدان : السلام عليكم
نورة & أمون : وعليكم السلام
حمدان بنظرة أحتقار : شحالج نورة ؟
نورة : بخيير يعلك الخير ,, شحاالك أنته ؟
حمدان : زيييين ,, أمون قوليلهن يحطن المااي والجاهي فالميلس
أمون : أن شاءالله
وظهر عنهن حمدان وهوه يعايب ع نورة ( بخير يعلك الخير ) يعلج بلا الخير أن شاءالله سودى الويه وحدة ,, ألا هالغلامة وينها ماشفتها اليوم ( يقصد شما ) سار عند الحريم وماشافها قال أكييد خلوها عند أخوها هزاع لأنه مرييض وفيه حمى
صوب شما كانت يالسه تحل اوراقها فالصاالة الي فوق لانها ماتبا تطبج الحجرة وأخوها روحه راقد , سمعت فون البيت يصيح سارت ترد

*
*

__DEFINE_LIKE_SHARE__

مشاهدة نتائج الإستطلاع: بنظركم الرواية تستاهل التصويت ول لا .؟
نعم	159	95.78%
لا	3	1.81%
تقريبا	4	2.41%
المصوتون: 166. أنت لم تصوت في هذا الإستطلاع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ﻣڼ ﯦﺠڕﺣﮖ ﺒﮜﻟﻣﮧ ۅٱﻟﻟﮧ ﻟٲﺳﻘﯦﮙ ﮃﻣﮧ ۉٲﮙﭠﺐ &a	ذيبہـة شّےـوِٱمِےـسًے	برامج وصور وثيمات والعاب بلاك بيري و IPhone	19	12-16-2011 04:02 AM
آنآ ﻣ̝̚آ ازﻋل ﻣﻧڳ ﺑس ﺂﺧذ ﺑﺧآطريِ ﺷوِي ...مجموعة الصور -١-	Almuhiria	برامج وصور وثيمات والعاب بلاك بيري و IPhone	7	11-07-2011 12:11 PM
[عرض تصميم] : ﺑﺻّﻣ̝̚ـة ﺧـآﺻة ﭬي ﻣ̝̚ﻧﭠﮃﺂك ; ~[ﻋړُۆض ﻣ̝̚ذھَہّﻟة ﻟﻟﭠﺻﻣ̝&#	محروم.كوم	منتدى أخبار المواقع والمنتديات العربية والأجنبية	0	10-28-2011 09:40 AM
ﺧ̝̚ﻟ̲ﯾ̃ـﭠ̯ﻧ̲ﯾ̃̐ ﯙ̷ًﭰـﻟ̐ﺑ̲يٓ ﻋ̲ـﺂ̶̶̶̶̲̲̲ﺷ̲ﻗQ	joode M	شعر و خواطر	6	09-10-2011 02:32 PM
ٱڷـڋٱﻝ ﻋﻟﻰ ٱﻟـڅـﯿﺭ گـﭭـاﻋـلـه	No-More-Sweet	الإسلام والشريعة	14	08-08-2009 08:38 AM