تــــــــزامن الدراسة مع شهر رمضـــان المبارك - الصفحة 6

النعيمي · 08-20-2008, 09:59 PM

المشاركة الأصلية كتبت بواسطة سلمى

عليك السلام ورحمة الله وبركاتهـ

الحمد الله هاي اول سنهـ تمر علينا بدون دراسهـ ف الشهر الفضيل ولـ 10 سنوات يايهـ

بس قبل صادف ان بدينا الدراسهـ بأول رمضان وايد صعبهـ من كل النواحي الماديهـ وحتى النفسيهـ

ربي يعينكم ياريايل الحياه وايد صعبهـ وكل مالها تزيد ..

تسلم يمناك اخويهـ ويعطيك العافية ع الطرح الطيب

تقبل مروري ولك التحية والشكر

الله يسلمّج ياسلمى ، مشكورة على المرور ، والله يعين اليميع ان شالله

اخوكم / النعيمي __DEFINE_LIKE_SHARE__

النعيمي · 08-20-2008, 10:08 PM

المشاركة الأصلية كتبت بواسطة زهور 2007

الســلام عليــكم ورحمــة الله وبــركاته

والله الحمـدالله هالسنــة أجــازة فى الســعودية..يعـــنى نو دراســـه هع هع ^^

- هل ستؤثر فتح ابواب الدراسة في ميزانية الأسرة ؟!!
احم والله مثلمــا انا اشــوف صــراحه صدق راح يــؤثـــر ....لانــه الحيـن ماشاءالله كـل شـي صــار غاالـــي ...و و دراســــه فى الحيـن راح تبداء...و أغــــراض المدراســه ابدا ما تخلــص...والله نااس الى داخلهـم محدود..صـراحه الله يعينـهم...اغراض البيت ولا مدرسه..ولا العيــد هع ^^

- هل تقول ان هذه ازمة او انها حاله عادية ؟!!
أزمــه صــرااحه نااس الى داخلـهم ع قدهم ..صــراحه صعــب عليـهم تكاليـف الدراســه و اغرااض حق الرمضــان..وبعــده عيـــد...مصــروفاات العيد غيــر..غيــر...

خخخخخخخخخخخخخخخخخخخخخ...شكلك مقهــورر وااايد هع هع ...

و اشكرك يا اخوي ع الموضوع ....ربي يعطيك صحه و العاافيه

هههههههههههههههههههههههه

زهور الشماته هب زينه يالشيطانة :d

وصدقتي مصروفات العيد غير ( فصل كنادير حقك وحق العيال والبنات عطهن ووديهن خياييط وسوق والمحناية
وصالونات ووووو) لووووووول

خلني ساكت اخير لي

تسلمين على مرورج الكريم ياختي الصغيره __DEFINE_LIKE_SHARE__

اللؤلؤة · 08-20-2008, 10:11 PM

السلام عليكم ورحمة الله وبركاته
أشكرك على موضوعك الرائع

أولا وقبل كل شي الحمدلله الحمدلله أني خلصت مدرسة وطلبات المدرسات

هل ستؤثر فتح ابواب الدراسة في ميزانية الأسرة ؟!!

الصراحة بتأثر للي مب مرتب أموره شرات ما قالت أختي بنت الأفلاج والوالد مب مقصر مجهز أموره ومرتب عمره الحمد لله إما بالنسبة لأغراض العيد أحيج أختي بنت الأفلاج انج بديتي تخلصين أنا كل سنة اقول بخلص قبل رمضان واخلص قبل العيد بيوم!!!!

هل تقول ان هذه ازمة او انها حاله عادية ؟!!

أكيد أزمة الله يعين الناس ويسهل عليهم وخاصة اللي عائلتهم كبيرة !!!

الله كريم..
وكل عام وانتم بخير ورمضان كريم

تقبلوا مروري
أختكم / اللؤلؤة __DEFINE_LIKE_SHARE__

الـدانـة · 08-20-2008, 11:18 PM

المشاركة الأصلية كتبت بواسطة النعيمي

والله ماقول الا صح لسانج على ماخطيتي

بعض البنات مايراعن ويبن الكشخة هههههههههههههههههه انا ملاحظ ها الشي وواضح
هب بس الاقلام والدفاتر ، حتى اللباس والعبي و و و لووووول ( الله يهديهن )

ونرد ونقول ان الواحد يتشرى الشي المهم فقط وهالله هالله في اهاليكم يالاخوان واخوات
فكروا في غيركم وودروا عنكم الأنانية

تسلمين اختي سلامة مبدعة في مرورج

اخوج / النعيمي

صح بدنك أخوي النعيمي

والله يعطيك العافية ع الرد الطيب وما قصرت

والله يوفق الطلاب والطالبات في دراستهم ويعين الأهل على مصاريفهم __DEFINE_LIKE_SHARE__

ضيّ الحروف · 08-21-2008, 10:11 AM

تزامن الدراسة مع شهر رمضان المبارك هل سيؤثر على ميزانية المنزل ؟!!!

بالتأكيد سيؤثر .. فواجب علينا لنتدارك ما قد يحدث من نقص في الموارد الماليه .. أن نخطط لكيفية صرف أموالنا بحذق .. و نكثر من العمليات الاستثماريه ..

لازمنا عقل يعرف يخطط و يفكر .. و إلا .. >>> رحنا فيها <<< *_^

تسلم النعيمي ع الموضوع ..
لاهنت و نرقب الزووود ..*~ __DEFINE_LIKE_SHARE__

مشاهدة نتائج الإستطلاع: تزامن الدراسة مع شهر رمضان المبارك هل سيؤثر على ميزانيــــة الأســـرة ؟!
لا	3	8.11%
نعـم	29	78.38%
لآ أدري	5	13.51%
المصوتون: 37. أنت لم تصوت في هذا الإستطلاع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعميم من ساما: ساعات العمل للبنوك خلال شهر رمضان المبارك وعطلة عيد الفطر المبارك لعام	محروم.كوم	منتدى أخبار المواقع والمنتديات العربية والأجنبية	0	07-14-2010 06:10 AM
إلا رمضـــان يا مسلم	محروم.كوم	منتدى أخبار المواقع والمنتديات العربية والأجنبية	0	08-09-2009 11:40 AM