تــــــــزامن الدراسة مع شهر رمضـــان المبارك

النعيمي · 08-20-2008, 04:36 AM

السلام عليكم ورحمة الله وبركاتة

تزامن الدراسة مع شهر رمضان المبارك هل سيؤثر على ميزانية المنزل ؟!!!

مع تصريح وزارة التربية والتعليم ببدأ الموسم الدراسي في آواخر شهر اغسطس ابدى العديد من الأهالي استياءهم
جراء تزامن بدء الدراسة مع شهر رمضان المبارك ، اعادة الله علينا وعليكم باليمن والبركات ..
مع طلبات المدارس والمدرسات التي لاتنتهي والإستعداد للمدرسة ....
بالإضافة الى استعداد الأهالي لشهر رمضان الكريم بشراء حاجيات الشهر الفضيل

ودعواتي لكل الآباء و الأمهات في التحلي بالصبر والعفو عند المقدره لوووول

سؤالي ..

- هل ستؤثر فتح ابواب الدراسة في ميزانية الأسرة ؟!!
- هل تقول ان هذه ازمة او انها حاله عادية ؟!!

موضوع خفيف حبيت اعرف آراءكم فيه

راعي الفتك الرمادي · 08-20-2008, 04:48 AM

وعليكم السلام والرحمــة

أأكيد بتأأثر ......لأن كله بــ يتولف مره وحده

المدارس + شهر رمضان + العيد

وهذا رأيي

وتسلم ع الموضوع

أأخوك : راعي الرمادي

مس جلكسي · 08-20-2008, 04:50 AM

- هل ستؤثر فتح ابواب الدراسة في ميزانية الأسرة ؟!!
اكيد
المجتمع شرات المستويات بالمصروف
في من راتبه عالي ويقدر يصرف ع كيفه وما يأثر
وفي من متوسط راتبه يقدر ايلحق ع الاشياء

اما اللي ظروفهم ما تسمح الله يعينهم بصراحه ما بيعرفون وين يصرفون فلوسهم
لان عندهم اكثر عن شغله يسوونها

- هل تقول ان هذه ازمة او انها حاله عادية ؟!!

برايي انها ازمه لبعض الاسر بزمن الغلا اللي عايشين فيه الحين

تسلم اخويه ع الطرح الغاوي

ونترقب منك كل يديد

**بنت الافلاج** · 08-20-2008, 04:57 AM

وعليكم السلام والرحمه

اللهم بلغنا رمضان وبارك لنا في شعبان ^_^

قضيه طيبه بس ما شفنا وجهة نظرك بالموضوع ؟

بالنسبه لنا ما حسينا بالضغط لانه عدنا 2 فقط يدرسون في مدرسه خاصه اسلاميه

وتكاليف دراستهم ولبسهم وكل شي دافعينه مسبق مع تجديد دراستهم في نهاية الصف اللي طاف

بس اللي كاسر ظهرنا عدنا مناسبه جريبه ان شاء الله وتزامنت مع رمضاان لوول

- هل ستؤثر فتح ابواب الدراسة في ميزانية الأسرة ؟!!

شي أكييد بتأثر وخااصه للأسر الكبيره اللي تحتوى على 5 او 8 افراد يدرسون

- هل تقول ان هذه ازمة او انها حاله عادية ؟!!

لا والله انها أزمه وخاصه لأصحاب الدخل المحدود ومثل ما سبق وقلت أصحاب الاسر الكبيره

بو المداويخ الله يعين ويعااون خلها ع الله باجر بيطلبون جلاد جلد طبيعي وما ادري شوه عاد سير دور لوووول

يعطيك العافيه عالطرح الطيب ما قصرت دومك مبدع ومتميز

بالتوفيج لك ^_^

النعيمي · 08-20-2008, 05:07 AM

اقتباس:

المشاركة الأصلية كتبت بواسطة راعي الفتك الرمادي


	وعليكم السلام والرحمــة أأكيد بتأأثر ......لأن كله بــ يتولف مره وحده المدارس + شهر رمضان + العيد وهذا رأيي وتسلم ع الموضوع أأخوك : راعي الرمادي

الله يسلمك الغالي ، شكراً على مشاركتك لنا

اخوك / غديّر النعيمي

النعيمي · 08-20-2008, 05:09 AM

اقتباس:

المشاركة الأصلية كتبت بواسطة مس جلكسي


	- هل ستؤثر فتح ابواب الدراسة في ميزانية الأسرة ؟!! اكيد المجتمع شرات المستويات بالمصروف في من راتبه عالي ويقدر يصرف ع كيفه وما يأثر وفي من متوسط راتبه يقدر ايلحق ع الاشياء اما اللي ظروفهم ما تسمح الله يعينهم بصراحه ما بيعرفون وين يصرفون فلوسهم لان عندهم اكثر عن شغله يسوونها - هل تقول ان هذه ازمة او انها حاله عادية ؟!! برايي انها ازمه لبعض الاسر بزمن الغلا اللي عايشين فيه الحين تسلم اخويه ع الطرح الغاوي ونترقب منك كل يديد

الله يسلمّج يامس جلكسي ، دائما نشيطة ومتابعه ، فعلا تقسيم متوسط الفرد المعيشي شي طيب منج ووجهة نظر صحيحة
وتسلمين على طرح الرأي

اخوج / النعيمي

دبر عمرك · 08-20-2008, 05:12 AM

وعليكم السلام ورحمة الله وبركاته

مع ان هالسنه ماعندنا دراسه الحمدلله إلا بعد العيد لكن بجاوب بناء على اللي لاحظته العام

الماضـي

- هل ستؤثر فتح ابواب الدراسة في ميزانية الأسرة ؟!!

بلا شك، الله يعين الجميع بالذات اللي دخلهم محدود والعائله كبيره، مثل اللي عنده حرمتين

وعياله 35 صج اتعزز لحاله هو وشرواه

- هل تقول ان هذه ازمة او انها حاله عادية ؟!!

لا بالله إلا أزمه وبالذات مع الطلبات اللي مالها داعي واخص مدارس البنات زطلباتهم اللي ماتخلص إلى

آخر يوم دراسه ولا العيال سهالات اي شي يمشي.

الله يعين الجميع ويوفقهم..

اشكرك يا النعيمي على الموضوع اللي جاء بوقته، لاعدمنا الجديد

الـخـالــدي

النعيمي · 08-20-2008, 05:22 AM

اقتباس:

المشاركة الأصلية كتبت بواسطة بنت الافلاج


	وعليكم السلام والرحمه اللهم بلغنا رمضان وبارك لنا في شعبان ^_^ قضيه طيبه بس ما شفنا وجهة نظرك بالموضوع ؟ بالنسبه لنا ما حسينا بالضغط لانه عدنا 2 فقط يدرسون في مدرسه خاصه اسلاميه وتكاليف دراستهم ولبسهم وكل شي دافعينه مسبق مع تجديد دراستهم في نهاية الصف اللي طاف بس اللي كاسر ظهرنا عدنا مناسبه جريبه ان شاء الله وتزامنت مع رمضاان لوول - هل ستؤثر فتح ابواب الدراسة في ميزانية الأسرة ؟!! شي أكييد بتأثر وخااصه للأسر الكبيره اللي تحتوى على 5 او 8 افراد يدرسون - هل تقول ان هذه ازمة او انها حاله عادية ؟!! لا والله انها أزمه وخاصه لأصحاب الدخل المحدود ومثل ما سبق وقلت أصحاب الاسر الكبيره بو المداويخ الله يعين ويعااون خلها ع الله باجر بيطلبون جلاد جلد طبيعي وما ادري شوه عاد سير دور لوووول يعطيك العافيه عالطرح الطيب ما قصرت دومك مبدع ومتميز بالتوفيج لك ^_^

ياحيها عيوزنا ، المهم انتي زهبتي حق فالة رمضان؟ لوووووول

وجهة نظري يالشيخة

انا عندي 5 فالمدارس وحد فالكلية

اثنين في مدارس نموذجية واثنين خاصة وواحد حكومية ... يعني تخيلي المدرسات فالحكومة مغربلينا بطلباتهن
اللي ماتخلص وانا كل يوم اخطف المكاتب حتى راعي المكتبة حفظ اسمي وشكلي لوووول
الا جلاد والا تصوير ... تحيدين موضوعي من فترة شو كتبت وهذا مب تأليف الا حقيقة هههههه
ماشالله البيت شي فيه فوق الـ 12 فرد وكلن وله طلباتة ...
وطبعا ماننسى الروشن وسامان رمضان وراعي الفتك ماقصر قال العيد !!
اما الخاصة طلباتهم ( خاصه ) هههههههههههههههههههههه

في رايي انها ازمة فعلاً ولاتنسين ان قبل ها الأيام كان شي سفر وصرف وصوغة
والله يعينا ان شالله ...

ودعواتي لكل ( معيل اسرة ) احفظ بيزاتك حق الأولويات ههههههههههههههه _الله يعين اليميع ..

تسلمين ختيه بنت الأفلاج دائما مبدعة في مرورج ومتابعتج ..

اخوج / غديّر النعيمي

مشاهدة نتائج الإستطلاع: تزامن الدراسة مع شهر رمضان المبارك هل سيؤثر على ميزانيــــة الأســـرة ؟!
لا	3	8.11%
نعـم	29	78.38%
لآ أدري	5	13.51%
المصوتون: 37. أنت لم تصوت في هذا الإستطلاع