رأيكم مهم عندي،،؟!!
 

السلام عليكم ورحمة الله وبركاته

كل عام وأنت بخير بمناسبة العودة للمدارس (للطلاب وللطالبات)
ورمضان كريم للجميع أعاننا الله وإياكم على ذكره وحسن عبادته،،،،،

اليوم حبيت أخذ رأيكم في موضوع خاص وانا اعتبر أعضاء المنتدى أخواني وخواتي....

بدون مقدمات بقول القصة:

مثل ما نعرف أن أغلبية الدوامات مختلطة،، في يوم أحد الموظفين سافر ويربطه مع أحدى الموظفات علاقة احترام ومودة فقط،، المهم لما رجع من السفر قالها : (ييت أغراض لج) حاولت ترده بس هو أصر فاستحت منه وفي النهاية رضت تأخذ منه مع العلم أن البنت محترمة والكل بالدوام يثق فيها المهم هي حسبت أشياء عادية (كاكاو،، شي أثري،، تحفة، وإلخ....) بس هم جاب بسبوسة ونوع من أنواع الحب (يمكن حب مصري) مب بس هذا

المفاجأة كانت:





2 جلابيات حلوة



مو بس جيه


و3 شنط بعد


الصراحة البنت انصدمت وما عرفت شو تسوي ؟؟ المهم طنشت وقالت عادي لانها هي تعتبرها حسبة أخوها العود

للبنات:
شو رأيج بموقفها وباللي سوته؟!؟

لو كنتي مكان هالبنية كيف بتتصرفين؟؟


للشباب:

شو رأيك بموقفها؟؟

كيف نظرتك لبنية تصرفت بها التصرف؟؟

بوجهة نظرك شو المفروض كانت تسوي؟؟

اتمنى اسمع ردودكم واتقبل انتقادكم على أي شي لاني احترمكم وأبي استفيد منكم....

أختكم/ اللؤلؤة

وعليكم السلام حيا اختي اللؤؤلؤه


ورمضان مغفره عليج ياربي ومسح ذنوبج


بما اني بنيه صراحه ورااي الشخصي المفروض كانت تدور لها شغله افضل عن جي واذا الضروف مااسمحت لها غير بهالشغله ==> كان سوت اللي كل بنيه تقدر تسويه خاايفه ع حاالها وماتبي تنحط في موااقف حرجه

انها ترفض اي محادثه بينها وبين رياال الا في امور الشغل فقط وبس.. وماكان نحطتت في مثل هالمووقف
وانا لو مكانها مابخذها لانها ماتربطني فيه اي قراابه بعدين هذي وين اهلها مابيعصبون انا لو مكاانها بوو ذبح اسلامي ع طول ههههه


الله يووفق الجميع ويتسر عليناا

العـــقل يقـــولــ <--تفلـــعه بالنعــآآآلـــ >.<

اصــلا شو لــه شغلهـآآآ بيـــن ريـآآآييل

مــوقفي اني مارآآح احط روحيه بهيــــك موقفـــ

يااشتغـــل بمكــآآآن ارتـآآح فيه حريمي ولاااااا ستيـــن الفــ

دآآآهيه للشغـــل مابيـــه لو غربلتـــني الظروفــــ

غلـــط قعــدتهــآآ ويا الريــآآييل

لانـــه من المحظور يعنـــي لاسمح اللـــه يصير


طيبــــــ : ســؤالـــ بديهـــي غبـــي

لــو يات البيـــت ويــآآهـآآ الاغرآآض

هيييي يابنــــت من وين لــج كل هالاغـــرآآآض

البنـــت :مـــن زميــل العمل ماشالله عليه مانساني

وييييييييييييييييييعه قويـــه والله <---جنه عـآآيشين براااا


السمـــوحه ويسلموووووو

للبنات:
شو رأيج بموقفها وباللي سوته؟!؟

غلطــ !!

لو كنتي مكان هالبنية كيف بتتصرفين؟؟


طبعاً ماابقبل ولا شيْ~


[ خــير الكــلآم مــآقــل ودل ]

والسمووــؤحــهْ~

والله هاي من المواقف المحرجة

خاصة لو هو موظف معاها من فترة طويلة

------


للبنات:
شو رأيج بموقفها وباللي سوته؟!؟

ماعرف صراحة،، بس اظني لو اصرت هي بعد واعتذرت !

وبنفس الوقت مب غلط انها تقبل هدية ،، بس المشكلة مب منها منه

الناس تسافر وترد تيب شوكلت هو عماها ><


لو كنتي مكان هالبنية كيف بتتصرفين؟؟

لو مكانها محد بيبلي شي اصلا ههه ما ارمس الموظفين إلا بأمور

الشغل وماحب اتجاوز << يتحروني معقده ><

وان شالله افدتج ويعطيج العافية

مرحبا أختي اللؤلؤه ..

بصراحة أنا لي رأي ممكن غير شوي عن آراء الموجودين كلهم ،،،، أنا أشوف أنه إذا جاب لها هديه تقبلها وشو ما كانت الهديه لأنه النبي قبل الهدية ،،، وبعدين بعد ما تقبل الهدية تقول للريال وجهة نظرها وتقوله أنها هالمره قبلة الهدية بس في المرة القادمة ما تقبلها علشان يكون في علمه فقط ،،، وأنا أتوقع أنها لو قالته هالكلام بيستحي على نفسه ومره ثانية ما بيفكر يآخذ لها هدايا ...

مع تحياتي
الحبيبة المخلصة

للبنات:
شو رأيج بموقفها وباللي سوته؟!؟ ما ادري بس احس الغلط من الريال مب منها هي

لو كنتي مكان هالبنية كيف بتتصرفين؟؟ برفض بطريقه غير مباشره



تسلمين الغاليه ع الطرح

السلام عليكم

أختي الجاادل أولا وايد امكان فيها اختلاط
مثل ما قلتي المفروض ترفض اي محادثه بينها وبين رياال الا في امور الشغل فقط وبس وهاي غلطتها بس يمكن هي نيتها خير مب شي ثاني

بعدين هي مب هبلة عشان تقول تقول حق أهلها (هي ما قالت لهم)

ثانكس حبيبتي ع مرورج

أختج اللؤلؤة

أخواتي دمعة الشوق وعاشقة

اشكركن ع مروركن الرائع

أختكن/اللؤلؤة

مرحبا أختي غزيل الدار

أنا بعد رأي من رأيج الحمد لله طلع حد مثلي،،،
أشكرج حبيبتي ع مرورج...

أختج /اللؤلؤة