((ملعون قلبي كيف للحين ماتاب))روايتي الاولى

corns · #1 08-30-2009, 02:53 AM

السلام عليكم ورحمة الله وبركاته

شخباركم ؟؟ عساكم بخير

هاذي اول رواية لي واتمنى تعجبكم وتحبونها واتمنى ان روايتي تكون

درس وعبرة للكل وتستفيدون منها وتعجبكم

مابي اطول عليكم اكثر اخليكم مع الرواية

ملاحضة :الرواية قطرية

البارت الاول

عائلة بوخالد

الأب:احمد ريال طيب ويحب عيالة وزوجتة عندة خير وتاجر معروف وهو ساكن في الخور
((مدينة في قطر))عشان جي يضطر انة يكون في الدوحة لان اشغالة هناك ومايرجع الا في الليل

الام:فاطمة حرمة طيبة وحنونة وطول وقتها مع اعيالها وايد تحبهم وتخاف عليهم وتعطيهم الثقة دائما وتحاول تعوضهم عن حنان ابوهم

العنود: اكبر عيالهم عمرها 26 وهي بيضة وعيونها سود وضعيفة وشعرها اشقر قصير لين الكتف تشتقل مدرسة في احد المدارس المستعلة ((المستقلة)) متزوجة واحد اسمة عبدالله وعندها ولد اسمة احمد عمرة

4سنوات تمهيدي وبنت اسمها عائشة عمرها سنة

خالد : عمرة 23 طويل متوسط الوزن حنطاوي يدرس في جامعة قطر تجارة يحب البر والقنص والكشتات وهو محير حق بنت خالة نورة وهو يحبها وايد وهي بعد شعرة شوي طويل حنطاوي وهو حبوب وواايد طيب وقلبة ابيض
علي : عمرة 20 سنة ابيض وطويل وشعرة عذاب طويل وغليض واايد حلو يدرس في لندن مغازلجي 24 ساعة مغازل طيب ووايد فري بس لي عصب عصب

مريم : عمرها 19 طولها متوسط ثالث ثنوي لانها راسبة عيونها
سود وبشرتها حنطاوية وقاصة شعرها بوي وهي بوية والبنوتات في المدرسة ميتين عليها لانها من احلى البويات وهي دفشة ومزاجية وينادونها محمد

دلال : ((البطلة)) عمرها 17 سنة ثاني ثنوي عيونها عسليات وناعسات ورموشها سود وكثيفة خشمها سيف وشفايفها شوي مليانة وجها دائري ابيض خدودها موردات شعرها كستنائي متوسط لين نص ضهرها طيبة وحبوبة ودمها خفيف وتحب الفرفشة والوناسة
راشد : عمرة 16 سنة ثاني اعدادي راسب كم مرة بشرتة حنطاوية وطويل مزيون بس شيطان وكسلان ودايما يسوي مشاكل وحياتة كلها مغازل ولعب
روضة : اخر العنقود عمرها 11 خامس ابتدائي بياضها عادي حبوبة بس وايد لسانها طويل عيونها عسليات شيطانة بس شاطرة في دراستها

قامت دلال الصبح الساعة 6 وراحت توعي مريم عشان ماتاخرها مثل كل يوم
دلال : مريوم مريوم قومي تاخرنا على المدرسة
مريوم : زين زين الحين بقوم يلا فارجي اف ماتخلي الواحد يرقد وقامت وهي معصبة
اما دلال راحت تسبح ولبست لبس المدرسة وسوت شعرها كيرلي وحطت وردة بحرية على جنب وتكحلت بكحل ازرق فاتح ولبست العباية والشيلة ونزلت تحت تتريق جافتهم كلهم قاعدين
دلال: صباح الخير
الكل: صباح النور
دلال :اخباركم
الكل: تمام
وقعدت تاكل
خالد:دلول انتي رايحة مدرسة ولا رايحة عرس
دلال:اف شغل السيدي لا رايحة المدرسة
مريوم:خلها خلود ههههه انت بس لو تجي المدرسة وتشوف البنات كل وحدة جنها رايحة عرس ماخلت شيء ماحطتة في ويهها ماخلت شباصة ماحطتها في شعرها

راشد : ههههه والله حالة
خالد : انزين وانتي ليش يعني غير عنهم
مريم توهقت وتغير لونها
روضة : اونها عاد الحين اقول ههههه اقول مريوم
مريم تطالعها وشوي بتذبحها
خالد عصب اصلن هو كان شاك :قولي
روضة خافت :لانها تدري انها لو شتسوي بتضل شيفة ههه ضحكت بتوتر
خالد وراشد:هههههههههههههههه
دلال:بس عاد حدكم على ميمي ((تبي تنرفزها))
مريم: جب جب مالت عليكم وعلى اللى يقعد معاكم وانتي اية دوري حد يوصلج باااي
ام خالد :مريوم نطري اختج
مريم :يمة مستعيلة تاخرت
دلال : كاني خلصت الحين بي
مريم بدون نفس :انطرج بالسيارة
وفي السيارة مريوم كانت مطنقرة ((معصبة))وواصلة حدها
دلال :مريوم والله سوري انتي للحين معصبة
مريم:مالج شغل فيني وجب انطمي لا انزلج في وسط الشارع الحين
دلال خافت: اوكي بنطم خلاص
وفي المدرسة بداء الطابور وراحت كل وحدة طابورها وفي طابور دلال
الممرضة:دلال فرجين اضافرك
دلال:ها ابلة والله بقصهم في البيت
الممرضة :خلصيني لسى تونى مارة على نص المدرسة وكل وحدة نفس الكلام
وحدة من البنات :اوف ابة حتى في اضافرنا بتدخلون اف شهالمدرسة والله
الممرضة :بس ولاكلمة مابدي اسمع شيء يلا كل وحدة تمسح المناكير وتقص اضافرها
اما في مكان ثاني تحديدا في لندن علي كان قاعد في السكن يجهز اغراضة لانة خلص وبيرجع البلاد ويبي يسوي لهم مفاجاة
فجاة تدخل علية وحدة
دارين بالانجليزي :علي شقاعد تسوي
علي :اجهز اغراضي بارجع باجر قطر
دارين وهي تصيح :وانا
علي :انتي مجرد علاقة عابرة وبعدين عبالج ماادري انج بدالي تكلمين الف واحد
دارين وهي ميتة من الصياح :علي انا حامل

وفي المدرسة
في البريك
دلال تمشي مع ربعها
حصة :بنات تعالو نروح عند دري المختبر
الباجي : يلا
ويوم راحو وركبو فوق لقو مريم وفي حضنها بنت وضامتها
دلال وهي مصدومة :مريوم شتسوين
مريم وهي مرتبكة :ها ولا شيء
البنت اللي مع مريم:افا حمودي طحت من عينة تخلي هاذي تصارخ عليك
مريم بعصبية:قاعدة مع حبيبتي وانتي مالج خص فيني
دلال :خسارة والله خسارة امي وابوي ماعرفو يربونج
مريم:عطتها طراق خلا خدها يحمر

كت
اتمنى البارت يكون عجبكم __DEFINE_LIKE_SHARE__

@غرشوبة قطر@ · 08-30-2009, 04:21 AM

وآآآيد حلوه القصه ..،

بس ياريت اختي ماتنسين القصه نفس الباقي
وبنتظار البارت __DEFINE_LIKE_SHARE__

▪ THE QUEEN ❤ · 08-30-2009, 05:40 AM

رووعه والله ننطر البارت الجاي __DEFINE_LIKE_SHARE__

corns · 08-30-2009, 07:15 PM

المشاركة الأصلية كتبت بواسطة @غرشوبة قطر@

وآآآيد حلوه القصه ..،

بس ياريت اختي ماتنسين القصه نفس الباقي
وبنتظار البارت

الحمدالله انها عجبتج
انشالله ماراح انساها
من عيوني انشالله قريب بنزلة __DEFINE_LIKE_SHARE__

corns · 08-30-2009, 07:17 PM

المشاركة الأصلية كتبت بواسطة اميره الذكريات

رووعه والله ننطر البارت الجاي

مرورج الرووعة

وانشالله قريب بنزلة __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
؛ قلبي إنا للحين صـايم ;	α ι . đ н α в ί	تصاميم الاعضاء	24	10-19-2009 07:25 AM
فات برنسيس للمبداله بـ مابات كود5 1.2.3	محروم.كوم	منتدى أخبار المواقع والمنتديات العربية والأجنبية	0	09-09-2009 11:50 PM
لعشاق لعبة world in conflict صور مابات جديده و ماب اديتور	محروم.كوم	منتدى أخبار المواقع والمنتديات العربية والأجنبية	0	04-10-2009 07:10 PM
والله ان العشق ملعون الصلايب	قـلب دبـي	الشعر المنقول	2	08-30-2008 08:46 PM
شو قاعد تسمع ألحين ألحين ؟؟؟؟؟؟؟؟؟	@غرشوبة قطر@	المواضيع المكرره	11	02-01-2008 07:59 PM