قصيده شاب لبنت ظن انها ماتستحي ..

▪ THE QUEEN ❤ · #1 08-23-2010, 12:56 AM

بسم الله الرحمن الرحيم

السلام عليكم ورحمة الله وبركاته

فـي قصـيده عجبتني وحبيت ـأنقلهـآ لكمـ .

لكنهـآ حزينـَـه ,, لدرجـَـة أدمعت عيني .
وهـي '
قصة بنت كانت تنآظر واحد بعين قويـّـه
المهم الرجال طلع شاعر وما قصر فيها كم بيت عشان تتأدب لكن المفاجأه هي ؟؟ . ؟؟

كل شبر بهالوسعيـه ملـك ربـي تعلميـن

وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن

كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن

المهـم اللـي بقولـه تسمعينـه و يسمعـون

ع الأقل ليا نظرتك سـوي روحـك تستحيـن

غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن

وفيـك جآزم لا ركـادة ولا حيـاءٍ يـذكـرون

تعرفينـي ؟! أعرفـك ؟! ماأذكـر إنــا ملتقـيـن

لا أعرفك من تكوني و لا تعرفي مـن أكـون

وإطمأني إن كان قصدك بس فينـي تشبهيـن

ما هـو أنـا إلي تعرفيـه والبشـر يتشابهـون

مـا دريتـي من التشابـه يخلـق الله أربعيـن

وأعرف أربع يشبهنك بـس والله يستحـون

وإن كان قصدك شي ثاني عاد قولي وش تبين

خايف إنا نصير فرجة وإللي ماشتروا يتفرجـون

وإذا ببالك عاجبتنـي لا يحوشـك تحلميـن

صح ربعي من جمالك فيـك صـار يمدحـون

بس وش لي في حلاتك دام فيهـا ترخصيـن

حشمة البنـت وحياهـا والكرامـة يلفتـون

ولو توفر فيك هـذا مـع حلاتـك تبشريـن

ما هو أنا ألف غيري بـاب بيتـك يطرقـون

وش علامك رغم كل اللي أقولـه وتسكتيـن

مو طبيعي هالسكوت وهالبـرود وهالسكـون

إنتـي خرسـا أسألـك ولا منتي تسمعيـن ؟؟

قالوا ربعي ذي كفيفـة قلـت لا لا تمزحـون

لين شفتك يوم رحتـي يمسكونـك باليديـن

ما دريت إلا عيونـي أربـع أربـع يذرفـون

آه ياني منه مشهـد يـوم شفتـك ترحليـن

جيت اشوف عيون ربعي لقيت الكـل يدمعـون

قلت سنّـة هالحيـاة وحـن ترانـا مؤمنيـن

الله اللـي مسيّرنّـا بيـن كافـ وبيـن نــون

وكل أبونا نختلف مع إننا مـن أصـل طيـن

سبحان يلي مصورنا ولله في خلقـه شـؤون

يعني حنا كل أبونـا عـاد إسمنـا بنادميـن

وليا قضى ربك أمر وقـال لـه كـن فيكـون

فينـا يلـي رازقه خيـر رب العالمـيـن

وفينا يلي هو لعطفه بحاجة القلـب الحنـون

وفينا يلي مـا شكـى مـن علـةٍ كالآخريـن

صـمٌ و بكـمٌ و عمـيٌ فـهـم لا يفقـهـون

بس قليل عـاد فينـا للنعـم هـم شاكريـن

والله يرزق هالخلايق من حيث هم لا يعلمون

وتدري عاد يالكفيفة حنا تراى متشابهيـن

وإن ماانعمت أبصارنا قلوبنا هـم إللي يعتمـون

يالكفيفة يالعفيفـة إن قلـت آسـف تقبليـن ؟؟

يغفر الله ذنوب عبده ليا خطا وهـل تغفـرون ؟؟

للامانه منقوول __DEFINE_LIKE_SHARE__

ماعاش من يذلني · 08-23-2010, 01:17 AM

رووووعه القصيده بس تأثرت فيهآ

تسلمين أختيه ع النقل ..صح لسان قايلها

^^ __DEFINE_LIKE_SHARE__

(****) · 08-23-2010, 02:01 AM

وعليكم السلام ورحمة الله وبركاته

ابيات قمه في الروعه بس احتقرت الشاعر الصراحه لوووول

غمضتني البنيه حليلهااا تسلمين ع النقل الرائع ولا هنتي

بانتظار كل جديد من صوبج ^_^ __DEFINE_LIKE_SHARE__

нaωya.јяoσ7i · 08-23-2010, 08:21 PM

تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون

عجبني هـآلبييت بس شـآآعر الله يسـآآمحه ماخلـآآ كلمه مـآقـآلهـآ للبنت

صــح لسـآآنج وصـح لسـآآن قـآآيلهـآ
حـرآآآآآم يعـلله مـآآيحس بـآلبننت همـه بس يسمعهـآآ كلأأم يســم

تسلملنـآآ يــدج ع آلنقـل حبـوبــه ,, وننتظر جديدج حبيبتي ^^

__DEFINE_LIKE_SHARE__

الرهيب القطراوي · 08-23-2010, 08:51 PM

يسلمو يا اختييي
THE QUEEN

كلمات روعه صح لسان القائل
وسلمت ايادي الناقل
وننتظر المزيد
&&&
إخواني الشعراء واخواتي الشاعرات مشاركاتنا
في هذا القسم بالقصائد النصيه والمسموعه والخواطر
تضفي عليه النور

انا ابدوي ثوبي على المتن مشقوق
مــثل الجـبال السـمر صبري ثـباتي
& الودعاني عاشق الريان القطري &
__DEFINE_LIKE_SHARE__