| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
03-06-2008, 02:58 PM
| رقم المشاركة : [ 6 ] |
| عضو دائم  |  مشكروره ع القصه نترياا اتكمله لا تتأخرين علينا
__DEFINE_LIKE_SHARE__
|
|
| |
 |
|
03-06-2008, 03:53 PM
| رقم المشاركة : [ 7 ] | |
| عضو فعال  | ناااااااااااااايس القصه هع هع هع وحليلها فطومه مثلي الللي فالمدرسه يتحروني دلوعه و خقااقه ههه بس أنا مايهمني دام انه ربيعاتي يقولن العكس وواثقه خخخخخخخخخخخ! يلا عاد لا تبطييين علينا ووييتنج عزوووووووووووه :لول: __DEFINE_LIKE_SHARE__ | |
| ||
| |
|
03-07-2008, 08:48 AM
| رقم المشاركة : [ 8 ] | |
| عضو ماسي  | يسلمـــــوو ع المــووضــووع
المميــز و نتــرقب الزود ..^^ __DEFINE_LIKE_SHARE__ | |
| ||
| |
.gif "lol")
lolr43: |
04-25-2008, 10:18 PM
| رقم المشاركة : [ 9 ] |
| عضو ماسي ![الصورة الرمزية +[ حكومة قلبي ]+](files/customavatar/avatar729_2.gif){kind=avatar} | الجزء الثــــــــــــاني... طاااااااااااااااااخ... فطوم: ااااااااااااااااااااااااااااااااااااي لطوف حطت يدها على ثم فطوم : صاااأ وصخوا الشباب الي يالسين...يطالعون شو هناك لأنه الصوت كان عالي ومعاه زعيج.. قام الي كان يدق العود وقال* أنا بسير اطالع... وتمو يرقبونه...يوم وصل كانت فطوم يالسه اتصيح..ولطوف يالسه اطالع ايدها...كلها دم وايج ورا الدعن... وشافهم تم صاكت..ولا قال شي...بس طالع وراه وقال:"" ...ماشي ماشي قطو ..."" عقب تم يطالع فطوم وهي اصيح.....وخلاهن وراح...شل العود وقالهم بيدخل داخل...والكل تبعه... لكنه حط العود وشل كلينكس وطلع قال لربعه بيسير السياره شوي.. ويا عند قوم فطوم...حط الكلينكس...وقال: خير؟؟؟ فطوم قامت.. وقامت بعد لطوف لطوف وهي خايفه اطالع البحر:اسموحه غثيناكم ما كان قصدنا...بس بس كنا نتمشى وطحنا : من وين يايات انتن..؟؟ فطوم عطته ظهرها ومشت صوب العزبه.. لطوف : ما ا ...ما يخصك..*.تمت اطالع فطوم والريال..وعقب ربعت صوب فطوم.. فطوم انيرحت يدها وتمت اتصيح من الألم لي فيها لطوف: فطوم فطوم..صبري...إنتي لازم يودونج المستشفى وعي حد من هلج فطوم : إنتي مينونه أقولهم إني كنت أطالعهم يغنون وتعورت بالغلط تبينهم يذبحوني..*وينقع الصايح.. لطوف: يدج بتعور زياده إذا سكتي ..أنا بألف قصه عليهم انتي اسكتي بس... *ردو..ورعي العود كان يطالعهم وهن يالسات يمشن ..الين ما غطن عنه... يت لطوف...ووعت أمها وقالت الها الحقي...فطوم راحت يدها.. قامن الأمهات طبعاً وتمن محتشرات...وتمت الغبيه تألف قصص عليهم لطوف حتى ما تعرف كيف طلعت الجذبه...أونه" كنا نتفالع بالنعل وهي طاحت على الحديده ..واتعورت يدها." وعوا سعيد وقام سعيد وهو يتحرطم ويدعي عليهم...وشل فطوم ولطوف معاها ووداها...المستشفى...وهناك خاطوا يدها أربغ غرز ..ولفوها الها..وعطوها شاش ومطهر عسبت إنهو في رديم..ما بيودونها مره ثانيه المستشفى.. ... وتم يتحرطم ويدعي ويسبها : *انتي شو هبلا وإلا تستهبلين..وإلا تبين تنظربين. من زمان ما طعمتيها العصا..* ولطوف كانت معاهم في السياره ...بس عقب إتذكر إنها وياهم وسكت...تم يطالع بالمنظره شكلها ونسى السالفه.. .خطف على شيشه كانت في الطريج......وقبل لا يحول.إينوك..اطالع ورا وقال : *هاه شي تبين يافلانه..؟؟!!... لطوف:لا سلامتك وروح دون لا يسأل فطوم عن شو تبا ...كانت تريد تباغم من القهر بس تمت ساكته...وعقب ما روح... فطوم: لطوف أنا آسفه ...أنا السبب في هاذا كله.. لطوف: لا فطوم عيب تقولين هالرمسه نحن خوات ما إمبينا ... فطوم: هي صح نسيت ههههههههههه لطوف: صدق هبلا... وشويه ويا سعيد...وهو شال أكياس في ايديه.....وبطل الباب وين يالسه لطوف...وحط الأغراض دون لا يرفع عينه...وصكر الباب...وفج بابه وركب ...وحرك السياره... وهم في الطريج دقت أم فطوم..تتأكد أنهم بخير أم فطوم: ها وليدي..رب ماشر...شو قالو بها هالياهل.. سعيد ضحك هني وقال : خير يأميه ماشي إلا الخير... لفوها ياأميه إتقول عنزهع هع هع هع أم فطوم: هيه فيك الخير يا وليديه ما عليه هاي إلا ياهل صكر سعيد عن أمه....ولطوف كانت تصاصر فطوم من ورا الكرسي تقوللها عن السالفه الي قالتها حق الأهل عشان يصدقوون إنها تعورت من هالشي...عشان ما تغلط وتطلع لطوف كذابه..وكان سعيد يحاول يسمع بس ما لقط شي... وعقب قال: بلاكن تتصاصرن اتقول يرابيع؟؟.. فطوم: ماشي بس يالسه تسألني شو سوولي.. سكت سعيد وتم يسوق على راحته الين ما وصلو تقريبا الساعه 3 وربع ..والكل كان محتشر لكن طبعاً ابو فطوم ما درى لأنه فيه الضغط والسكري عادي تييه الجلطه..لأنه موته وحياته عياله....وهو اروحه يايتنه الجلطه مرتين يعني الثالثه* أم قرينات أم فطوم أول ماشافت فطوم لافين يدها تمت اتهزبها و فطوم مفتضحه إتقول ياهل... لطوف..اميه خليها ترتاح تعبت من يدها متورمه جاد تييها حما... فطوم: بعد إنتي سالفه...يالسه تفاولين عليه لطوف:..يالله انسير ننخمد تعبانه والله( وهي تتثاوب) سعيد كان توه مصكر سيارته ونزل الأغراض...قال ... :هاه شلي هاذا حقكم لطوف يت وشلت الكيس الموطايات و قالت مشكور وهي باين نص ويهها..وراحت وهو يالس يطالع... سعيد: سمحه...يا غواتها.. *تمت في باله.. والكل راح يرقد... الساعه 8 ونص درى أبو فطوم بالسالفه وأحتشر ليش ما يخبروونه ولكن آخر شي تقبل الموضووع ومشت السالفه على خير إنه فطوم ولطوف كانن يتفارن بوطيتهن وطاحت هي على الحديده وإتعورت يدها ..... راحوا كلهم في الطراد ينشبون الليخ ما عدا مهرووه وحمدووه... لكن لطوف وفطوم ما طاعن يسيرن من التعب رقدن الين الساعه 10 نشن ...وقامت لطوف ويلست مع البنات مهرووه وحمدووه.. يسولفن كيف طاحت فطوم..طبعاً خوات فطوم يعرفنها زين ومستحيل تكون هاي هيه السالفه بس سكتن ما حبن يكسرن برمسة لطوف.. وتمو يالسين وتريقو وأخيراً يت فطوم أوه الشييييييييخه فطوم...الي من رقدت تمت تشخر ههههه ..لطوف: هلا والله هلا هههههههههه مهروه: طايح نصها..لا ترمسونها.. تمن يضحكن..عقب تمت فطوم اطالع لطوف ...تباها تقوم..لكنها غبيه ما فهمت.. عقب زاعقت : قووووووووووومي صدق كبشه.. لطوف: ههههههههههههههههههههههههههه وقامن تمن يمشن يمشن ولا درن بعمارهن إلا واصلات مكان الحادث المؤلم فطوم: اف قهر كنا مستانسات لو لا هالخشبه اللعينه ههههه تباً لها لطوف:بايعتنها صدق.... إنتي حمدي ربج يت على جيه وإلا كنتي بتروحين مب إلا في عينها.. خشمها بعد فطوم: لطوف لطوف.. شوفي شووووووووووووووووفي.... هاذا الي ياب الكلينكس جناااااااااااااااااااااااااااااااان يا ربيه كم بعيش..مشالله ماشلله ... لطوف: فطوم حبيبتي خلينا نروح ما نبا مشاكل نفس المره الماضيه... فطوم: أي مشاكل خلج مكانج بس بنطالع وبنسير وبعدين نحن مب يالسين في حلاله.. لطوف: أنا ما يخصني تراني إن صار شي بقول كل شي.. فطوم: صدق نذله هههههه اوكي أوكي خليها عليه.. هي خاربه خاربه ههههههه تمن يطالعن عقب تعبن من الوقفه وراحن يردن البيت...والغبيات..ما إنتبهن لصوتهن الي يوصل الشارع..إنه كان واضح... وسمع سوالفهن كلها عنه... وعقب تم يرقبهن يطالعنه ولا اطالعن بس عقب لطوف قالت: اوه فطوم العقل زينه وطيتيه هناك بسير اييبها.. فطوم: تريي بااأي وياج...وتمن يتمشن ...ولقن الولد يالس هناك وشال الوطيه يطالعها..وتلثمن وأول ما شافهن وطاها على الرمل وقال السموحه منكن... فطوم اتشجعت وقالت: لا بالحل مشكور يا فلان ..وهاذا إلا من طيب أصلك.. : أسميه..حمد... لطوف: سعد من يابك يا حمد....يالله اسمحلنا نحن انترخص.. فطوم ماكانت تعرف ليش ادخلت هالغبيه ياربيييييييي يا رحامت ويهه...والله يا راويج يالهبلا وتم حمد يطالع فطوم وقالها: ..ما تشوفين شر إنشالله فطوم: الشر بعيد عنك وتواليك....... حمد صياح المنصوري 25سنه بختصار..إنسان حساس...وحنون بدرجه فضيعه...انسان رومنسي صوته ولا أروع...يحب البحر...ويحب الشعر...ونفسه جانعه من البنات.....ودايماً قنوع بالي يحكمه القدر عليه...ويهه يستحي الواحد يجابله من رحامته...لكنه ما يهتم أبداً بشكله لأنه عارف عمره...وما يهمه راي حد فيه...وأهم شي عنده في الدنيا أبوه وأمه...لأنه وحيدهم.....ولا عندهم غيره.. وهن رايحات ...حمد يلس يتطالع البحر و شل هالبيتين الي ين على باله بصوت عاالي.. قفيت واقفت الروح من بعدك...يامن بزله صابني دا غلاك لامن رجاك ولا من حد حدك..انت يالي تخليت واعطيتنا مقفاك فطوم تمت تسمع هالكلام قامت تخف ريلها في المشي.وقفت وشافته يرقبها اتطالعه لكنها صدت وكملت المشي... لطوف : فطوم ... هوب كأنه ؟؟؟ ... فطوم : اتصدقين أوووووووووووول مره أحس اني مهمه ياااي لطوف: مثقلج حدري قدامي لا أعطيج على اصطارج الحينه فطوم: هههههههههههههههههههههههههه حمد كان يالس يتفكر فيهن...البارحه ما غفت عينه ..كان يفكر..شو الي يابهن هني..ولكنه عرف إنهن يايات من عند العزبه الي حذاليهم...يوم شاف سيايييرهم موقفه قدام البيت وكان متصل بربيعه سعيد الي هو (أخو فطوم)....وعزمه سعيد على العشا عندهم..وحمد وافق....وكان يعرف أنه هالبنيه من هل سعيد..ومات فيها وعودها ومنطوقها وحتى شلت طرفها..... وعقب الغدا قامن الأمهات يتمشن هن ويا البنات..لطوف وفطوم ومهرووه وحمدووه...وتمن يتمشن الأمهات قدام...والبنات مأخراات ورا...ومرو على عزبة حمد...لكنها كانت فاظيه..وكملو مشي...وهن يسولفن...وفي طريج الرده...البنات والأمهات يسمعن.... أربع على يمنى البدر فوق..وأربع على يسراه يني.. شمسان لا سابق ومسبوق..مثل المها وإلا الدمني.. وتخطف من وراهم بورش كايين...وفيها واحد شعره الين كتوفه لابس نظاره جنااااااااااااااااااااااااااااان...وابيضاااني خشمه سله سيف...... يلتفت له الي ما يبا يلتفت وقف عند الأمهات وسلم.....والبنات تغشن وعرف فطوم بينهن من لفت يدها أم فطوم: الله يحفظك الشبابك يا وليديه..لا تسرع.. حمد: لا توصين اميه...تبوني اوصلكو... أم فطوم: لا وليديه العزبه قريبه إلا فرت حصاه...الله يحفظك حمد: يالله عيل مالـله وخلا السياره تمشي شوي شوي... و طول على الأغنيه.. لي شوفهن يشفا من العوق..دعج اللواحض يسحرني.. امعزلات الخصر مسروق..الحيب من ردفه إعزلني... فيه الفريد الحسن مرموق..سيد المها يوم أحضرني يردن على الشلال من فوق..روس الرواسي ينهلني.. هاذا الهوى يا فاهم الذوق..توه الصبا واصغار سني يدعن ثجيل العقل مطفوق..ظاع الدليل وتوهني في جوه الأهدا ولا هود...كل المشاعر شاغلني.. أمسيت نومي عايف الموق..خذني هواهن وأسحرني عقب تم عرض بالسياره شوي..وروح....... أم فطوم: الله يحفظكم الشبابكم.. أم لطوف: يابوج الله يحفظهم من هالسيايير... فطوم: لطوف هاذا.................. مهروه: منوه هاذا لطوف انتبهت: ماشي هاذا يوم كنا سايرين المستشفى شفناه في الشيشه فطوم: هيه صح صح... هوه هووووووه بعينه بعد *وتبتسم حمدوه: اشوفكن مستهمات منه شو عندكن *وهي اطالعهن بعين فطوم: وانتي شو لج...اتقول بغبغاء تتريا أي خروّوفَه عشان تواشي.. أم لطوف: يالله بناتي خفن ريلكن...بنلحق على ابوكن...قبل لا يحدر البحر ويوصلون البيت... والمفاجأه..................... السياره الي توهم شايفينها موقفه عندهم..... يلست فطوم على التراب وهي امبهته... حمده: بلاج فطووم.. فطوم: هاه لالا سيرو تعالي لطوف شويه.. فطوم:...لطووووووووووووووووف رحت فيها اليوووم اليووم بتعلق من رقبتيه لطوف: فقتج لا تعلين صوتج لا حد من خواتج يسمعنا فطوم: يا وييييييييييليييي قوليلي شو اسوي.. بيخبر سعيد وحاضر لطوف: قومي قومي انشوف شو السالفه قومي فزي... فطوم قامت .. كانو الأهل كلهو يالسين في الصاله...وحمده ومهرووه في الغرفه.... طلع حمد من داخل...وشافهن مقبلات...ووخا بطل سيارته شل تلفونه كان ناسنه..وتم يقرقع بالشرايط ووطا شريط حذالي السياره واطالعها..وراح داخل.....طبعاً الغبيات ما لاحظن انه حط شريط...سارن ويلسن في الغرفه..ويلسن يتصاصرن عن حمده ومهرووه.. وفي الميلس. كان حمد يسولف ويا سعيد عن الخيل والدوام...... وحاظر يالس على طرف عاطنهم ظهره ويالس يكتب في دفتر....أما الشياب فكانو يسولفون في صوب... وفي غرفت البنات فطوم: لطوف لطوف..سيري اتسمعي دخيلج باموت.. لطوف: اففففففف منج اقذيتيني...صبري فطوم: بسرعه لطوف سارت وهي ماره حذا السياره شافت الشريط...و اطالعت يمين ويسار عن حد يشوفها وشلته...حطته في مخباها...وهي يايه صوب الباب تبا تتسمع إلا والباب ينفج.. وتبطل عيونها لطوف... سعيد وهو مستغرب وقف وتم يطالع مبهت فيها.. لطوف خطفت تربع...ويت عند فطوم وهي زايغه... فطوم: هاه قولي قولي..شو فيج لطوف: فطووووووووم سعييييييييييد فطوم وهي خايفه: ظربج لطوف: لالالالالالالالا فطوم مبوزه: سبني بيضربني اكيد لطوف: لالالالالالالالالالا فطوم: عيل لطوف خايفه: بطل الباب وانا يايه ابا اتسمع وشافني فطوم تظرب عمرها: يا ويلي رحتي فيها يا فطوم لطوف: يالسباله اخوج عرف اني يالسه اتسمعهم فطوم وهي تضحك من الصدمه: رحتي في عينها عيل يا لطوف لطوف: غبيه انا في شو وانتي في شو..مسكي برايج بسير عند اميه اففففففف فطوم: شو هاذا وقته شرايط لطوف: يالهبلا هاذا مال حمد لقيته عند سيارته فطوم وهي مبطله عيونها: قولي وااااااااااااااااااااااالله لطوف مغيضه: اففففففف منج .. وقامت .. فطوم يلست اطالع الشريط...مكتوب عليه اهداء خاص.. فطوم: يا ويلي ...أنا في شو وإنت في شو.. حمدوه: مهرووه بلاها هاي ترمس عمرها مهروه: خليها خليها تحلم بفتى ليوا..هههههههههههه فطوم انتبهت يوم قالن ليوا..واطالعتهن بعين ما يبن عقبها... وعقب قامن يظحكن.. يت فطوم حطت الشريط في المسجل مالها... جتني ...وشافتها عيون حايره...ذا شعاع الشمس أو هاذا سلاها.. فطوم صكرت الشريط وتمت اطالع المسجل... فطوم تبا تستوعب..: .....لالا ... وعقب جدمت الشريط...شوي...شغلته البارحه مريت في احدى الفصول.. صيف وشتا...ناظرتها...قلبي يقول هذي العيون إلى متى... حبيبتي يا زينها عيونك على هالليل... يا حبيبتي يا زينها عيونك لما إلتفت أشوووفها.. حاظر: يا عيني يا عيييييييييني..ومن متى تسمعين عبدو... فطوم صكرته بسرعه ... فطوم: والله كيفي اسمع الي اباه عاده.. حاضر: أخبرج خبري اميه انه حمد راعي ليوا بيتعشا عندنا عقب ما نرد من البحر.. فطوم: منوه حمد حاضر: طالع تستهبل بعد... وياي يبا يدزها قامت... فطوم: هاهاها انزين انزين بخبرها فطوم: أميه بن منصور بيتعشا ويانا... أم فطوم: أي ...منصوري... فطوم: هاذا الي ياي عندنا الي سيارته بورش كايين أم فطوم: شو سكينه بعد.. لطوف: ههههههههههههههههههههههه أم لطوف: صه..اقطعي فطوم: هههههههههههههههههه لطوف: انسير انسير دامهم بيسيرون البحر.. فطوم: قومي..يالله حمده: أنا باي وياكم تريوووني.. فطوم: أفففففففف لزقت جونسون أم فطوم: عيب...شلنها وياكو وين بسيرن انتن..حليلها خويوووتج.. فطوم: قووووومي وسلاّاال انشالله حمده: خلاص مابا مابا فطوم: يكون أحسن لطوف: حرام عليج قومي حمده.. حمده: لالا برايكم سيرو...انا باتم ويا مهروووه.. و طلعن برا...فطوم راحت يابت المسجل الصغير وطلعت ويابت الشريط..خشته في مخباها وهن يالسات حذالي الطراد... شغلت فطوم المسجل وسمعت لطوف...أغاني محمد عبدو... ولكن آخر أغنيه كان صوت الي يغني غير...جنااااااااااان... لو كلفتني المحبه من عمري ما قد بقي..لا باح سري..ولاني من هجركم بشتكي.. حسبي من الود نظره أعرف بها مخرجي...وأعلل الروح فيها وأقول يمكن تجي.. ياليتني من البدايه ما شفت خده الندي..إنته السبب يا فؤادي ويا عين لي تعشقي.. لو كلفتني المحبه من عمري ما قد بقي لا باح سري ولاني من هجركم بشتكي.. فطوم: هوه هوه..هاذا هوه..نفس الأغنيه الي سمعناها تذكرين لطوف: هيه صدقج.. والله ... فطوم: هاذم يو ..وبويه وبوج..قومي قبل لا حد يشوفنا ثوري.. يلسن يتخرطفن... سعيد معلي صوته ويطالعهن: فطيم...دخلي داخل انتي وربيعتج..مابا اشوفكن هني يالسات... فطوم بصوت واطي تتحرطم..: اونك عاد اتسوي عمرك ريال علينا لطوف: هاهاههااهااهااي... وتمت فطوم+لطوف يمشن الين ما ركبو الطراد..ويلسن حذالي الدعن ..تمت فطوم اطالع الطراد.. لطوف: ...صدق انه منصوووري...يا حزني ليته يضوى حد منا...... فطوم رفعت يدها وقالت : انشالله يا ربي لطوف: هه بيخلي المنصوريات الي لسانهن يقطر عسل وبياخذج انتي المقلوعه.. فطوم: وليش انشالله انا شو ناقصني حلاه وإلا أصل حبيبتي أنا بنت حمد المزرووعي وده ومناه ياخذ طرف منيه.....إنتي ما سمعتي ابويه العود شو قال عنيه.. مزروعيه ورده نديه ...بنت مزروع دايمه على الكيف والطوع لطوف: سكتي سكتي ..طحتي من عيني صراحه هههههههههههههه فطوم: شدرات انتي..حدج برووغه ههههههههههه........هممم.تعرفين لطوف...ما اريد أين...بس والله والله انه دخل خاطريه.. لكن أنا أحط أهليه قبل كل شي...ومستحيل أسوي شي يخليني أنزل أهليه القاع...فديتك ياحمد المزرووعي يا بووووووووووووويه يا حوبي كم أحبك والله ههههههههههههههههه لطوف: ههههههههههههه أشكرج ...هيه صح فطووم...اخبرج...شي بس وعديني ما تقولينه لحد فطوم: أفا عليج انا بير مغطااي... لطوف: سمعي سمعي... لااااااااااحظت هوب أكيده بس لالالالالاحظت فطوم: قوووولي فكينا لطوف: لاحظت اخوج سعيد وايد يطالع صراحه..ما أعرف انا فاهمتنه غلط أو لا بس صراحه يوم يلسنا كلنا في الصاله ايتمعنا يلس يطالعني كل ما اصد القاه يطالعني... فطوم يالسه تفكر...وفجأه قالت..: تحلمين حبيبتي اخويه سعيد هوب مال هالحركات..اصلن لو يبا يحب كانت أقرب له بنت اليران... لطوف: ليش شو السالفه فطوم: سمعي...بنت يرانا مسمايه عليج هههههه نفس اسمج...بس فرق السما والأرض هي أحلا ههههههه لطوف: مالت عليج.. أون بير مغطاي أشوفج قمتي تخورينها... فطوم: هههههههههههه...المهم...كانت دايماً تيي تتخرطف بيتنا...عشان بس اشششششوف سعيد...وهو ما كان معطنها ويه...ولا حتى يدريبها...بعدين انا كلمته في موضوعها...وقالي بلغيها لا إطب بيتنا مره ثانيه وبس... لطوف: وليييييييش... فطوم: هوه قالي أنها اتسوي هالحركات بالعمد يعني بالمختصر ما عجبته ولا يواطنها لطوف: اهااا...... ههههه فطوم: اتعرفين انه البنات يلحقنه حتى البيت...يدقن يقولن موجود سعيد...تفاقدن لطوف: خيبه لو اخويه عادي يجتله ابويه فطوم: لا حبيبتي هاذا على قولت أميه( البجر)...ولازم نسمع كلامه هههههههههههههههههههه امحق فطوم: تعرفين شو يحب...يحب الخيل..عنده ثلاثه...واحد مسمنه الياسي....ويموت فيه..دايماً في المزرعه أو عند ربعه... ما نشوفه في الإسبوع إلا يوم اليمعه...لأنه خوالي ايوون يتغدوون عندنا.....وووو شو بعد... لطوف: بس بس احس عمري حبيته ..هههههههههه فطوم: ههههههههه غبيه.....تراه عصبي وايد وايد...يعني كلمته هي الي تمشي...بس والله طيب طيب صراحه...يعني شفتي يوم هوه مودني المستشفى ...نسى السالفه وتم يضحك...واشترا حلاوه بعد...هههههههه لطوف: فطوم.. فقتج ...هههههههههههههههه طلعت أم فطوم وتمت تزقرهن... أم فطوم: بنااات...تعالن يااي... تعالن يااي فطوم: قومي خراريف يديده عندهن... لطوف: ههههههههه ويوم دخلت فطوم ولطوف... أم فطوم: تعالي بنيووتي...عدلي التلفزيون مدريبه شياه.. فطوم: وهاي السالفه الخطيره الي تبونا فيها أم فطوم: هيه شعندكن انتن ...كل من زقرناكن قمتن تتأففن. بتتحرمنها السيره... وفي الطراد... سعيد يالس يفكر ليش كانت عند الباب لطوف..وشو كانت اسوي اصلن... أبو فطوم: سعيد... انقفض عطني يدك... سعيد: انشلله ابويه.. حمد: حاضر...انتو كم واحد في البيت حاضر: أنا وسعيد..والرضايع...ليش.. حمد: لا بس أقول ماعندكم يهال.. حاضر: لا والله اميه قالت التوبه ما تييب غيري هههههه حمد: هههههههههههههههههههههه كان حمد يالس يسأل بالعمد...يريد يتأكد إنه الي شافها اخت سعيد... وردو من البحر..الشباب والشبيبه..وكان المغرب كده هضل عليهم.. ودخل حاضر...هود هود... أم لطوف: هدا هدا...محد غريب ... حاضر يا وحب راس امه...:فديتج الغاليه... سعيد عند الباب: اميه أم فطوم: يا لبيه سعيد: تعالي عني فداج بغيتج في سالفه.. أم فطوم: انشالله...هيد عليه شويه وطلعت أم فطوم خاري..تبا تعرف شو بلاه ولدها.. سعيد: أميه شي مطرح زياده... أم فطوم: لا وليدي يمكن عند البنات بندبره بس شو تباه.. سعيد: أنا عازم ربيعي حمد يبات عندنا الليله أم فطوم: ما يهمك الحينه بطرش فطوم وإلا إختها اييبنه ويحطنه.. أم فطوم: فطومه...قومي بنتي انتي ولطيفه...شلن مطرح من ماليلكن واتياوزن بواحد اخوج يبا ربيعه يبات عنده....قومي بنتي ... فطوم فرحانه واطالع لطوف: هاه انشالله انشالله الحينه ... لطوف: قومي بساعدج.... وفي الغرفه... فطوم: لطوف بعطيه مالي..هاهاهااي...شو رايج...بعطره صبري لطوف: صدق متعبله إلا مطرح هوه... وتدخل مهاري... مهاري: شو اسوووووووووووون... لطوف: ماشي يالسين انتشاور.. مهاري: إذا على المطرح أنا وديت واحد حق سعيد.. فطوم: كيف كيف....شو وديتي..ومنوه طلب منج اتودينه.. مهاري: سعيد قاليه...اوووووووووه تبا اظارب هاي وطلعت مهاري.. فطوم: وظاعت الخطه الجميله.. لطوف+ فطوم يلسن : هههههههههههههههههههههههههههههههه فطوم: تعرفين انا بسوي شي...تعالي معاي.. لطوف: شو بسووين...؟؟ فطوم:إنتي تعالي وبتفهمين..... سارت فطوم عند حاضر... فطوم: حاضر حبيبي ممكن سويك النكاال...هاهاها اقصد سيارتك.. حاضر: بتلقينه في الغرفه..بس يمكن هناك حمد...دقي قبل لا تحدرين فطوم: انزين... لطوف: لالا انا ما بدخل.. فطوم: انتي شو فيج خوافه انزين تمي هني... لطوف: بترياج عند الكرااج.. عند السياره اوكي.. فطوم ما عطتها ويه وسارت.. فطوم دقت الباب دقت الباب..محد يرد...اكيد محد.. وفجت الباب...دخلت ادور السويك..على التسريحه ولا لقته يلست تنبش بين الكنادير... ولقت دفتر...يشابه دفترها فطوم: ماعليك يالصراااق حضووور... وبطلت الدفتر على الصفحه الي محطوط عليها القلم... ليت ذا ناظري ما يغيب عنك لحظه....وليت لا غبت صورتك تنطبع في بالي.. أخاف أغمض عيني وتسبقني بلمضه...تغيب ولا ألحق أفتحها إلا انت من خيالي.. فطوم: صدق إنك هواوي..وهي تضحك.. دخل حمد وهو يتكلم... حمد: سعيد ماريت التلفون..ياربيه مدريبه وين يختفي..حد شافي عليه.. ..واطالع لقى فطوم يالسه ماسكه الدفتر...وفرته وشلت بعمرها وطلعت بسرعه.. حمد أول ما شافها عرفها...يا ربيه يا جمالها أنا أشهد أنها مزروعيه بنت مزرووعي..يا جمال ما شلته غيرها...ويا رحامه في ويهها...عني فدا الدعج الكحال... حمد تم يطالع الباب والي فرته...سار وشل الدفتر...قرا البيتين...وابتسم....خذ الورقه......و سار صوب سيارته حطها على الطبلون ... شغل الليت و يلس يطالع الي مكتوب.. حمد:هاذا خطها...هههههههه......... حمد تم يطالع الباب والي فرته.. شل الدفتر...قرا البيتين......خذ الورقه......و سار صوب سيارته حطها على الطبلون ... شغل الليت و يلس يطالع الي مكتوب. حمد:.هاذا خطها...هههههههه..... فطوم الهبلا سارت ونست إنه لطوف يالسه تترياها عند الكراج... لطوف تمت اطالع من هاذا الي بطل ليت السياره..ويايه تريد تقترب وانتبهت إنه حمد.. .فلت..من ورا الغرف.. فطوم..أول ما وصلت الصاله..إذكرت إنه لطوف هناك...طلعت ادورها..ولطوف كانت سايره غرفة البنات...ولا شافن بعض... خطفت تمشى ادور لطوف بين السياير... وشوي انه ضربت في شي...وطاحت مكانها... فطوم تحرته حد من خوانها...:غبي ما اشوف...عورتلي يديه رفعت راسها اطالع من فيهم... حمد وهو مبهت: أنا آسف ما شفتج.. فطوم حطت يدها على ثمها وبطلت عيونها...... هني حس حمد الأرض تاكله..ما عرف شو يسوي.. حمد شاف سعيد ياي صوب السيارات...قام ومط فطوم من يدها وربع بها الين ورا الغرفه... فطوم مب عارفه شو يصير..كان ماسكنها من يدها ويمطها.. ..عقب...وقف واطالعها ما قدر يتكلم ...لف عطاها مقفاه.. وتكلم..وهي ماسكه يدها وتدمع حمد:أنا آسف على الي صار وبعد آسف لأنيه عاطنج مقفايه ...لا تبكين قطعتي قلبيه... ما سويت كذي إلا من خوفي عليت ايشوفج سعيد ويفهمج غلط....وقبل لا أروح....مشكوره على البيتين...... وراح دون لا يطالعها... فطوم اساندت على اليدار..ويلست تستوعب شو صار الها..... فطوم: آسف..والبيتين...أي بيتين.....قراهن.. الي كتبهن حاضر ......ويلست اتصيح.... عقب شوي..صكتت.....وسارت تمشى وهي منصدمه من كل شي... دخلت عند هلها في الصاله...وهو مبين عليها إنها صايحه.. أم فطوم: رب ما شر ...شو غادي عليج بنتي...... فطوم: لالا ما شي شوي العدسات يعورني اميه.. مهاري: هيه هيه باين فطوم: إنتي جب لا إلتج كف..أردج بلادج مهروه: هوب أبعد عن بلادج .... حمدوه: بس بس ..مهروه جب .. مهروه: يا ربي انتو الي يعيش عندكو تمحون شخصيته..صدق انكم معقدين أم فطوم سمعتها وطاحتبها: عقـــــــــــــب.... منوه معقد... مهروه:لالا كنت أمزح..ههههههههههههه لطوف يت ويلست حذاها.. لطوف: فطوم شو فيج...ويهج متغير 180 درجه.. فطوم: ماشي ماشي... لطوف: متأكده.. فطوم: هيه متأكده.... وفي غرفت الشباب سعيد: انت وين اختفيت يالس ادور عليك من غرفه لين غرفه حمد: كنت اتمشى شوي.....وإلا الضيوف بعد تحجزون عليهو.. ضاحي: ههههههههههه سويت لي سالفه الرضيعه...كل ما أنقول نبا انسير البحر اتنط مابا ومابا..هههههههههه سعيد: ...اونها أكبر خواتها واتسوي جيه..و لي أصغر منها ما يسون علومها... ويدخل أبو فطوم: .....إقطعها مره ما نبالكم رمسه يوم إلا هاي رمستكو...اسميها ما عينت خير منكم..هكيها متعوره يعلكم فداها *حمد فهم إنه الي يعنونها هي نفسها الي في باله....لكن ما عرف اسمها.. أبو لطوف: بو سعيد... حطو العشا أنا تعبان يابويه باسير اوطي راسي جان بييني رقاد.. انتو ما تخلصون من هالهذربان. أبو فطوم: يالله يالله..قايم..... وعقب العشا.....الأمهات سارن يرقدن..ومهروه وحمدوه رقدن... وفطوم ولطوف يالسات يسولفن.. فطوم:وهاذي هيه السالفه.. لطوف: ههههههههههههههههههههههه...يا بختج.. فطوم: على شو... لطوف: هههههههههههههههههههههههه ماشي ماشي.. وفي غرفت الشباب.. حمد يالس يفكر بالي سواه...غلط وإلا صح...وعقب قام سعيد:ها وين.. حمد: ما ببطي... سعيد:على هواك.. طلع حمد صوب السياره.....وبطل السده طلع الورقه..ويلس يقراها مرتين ثلاث أربع... وطلع قلم ويلس يكتب...وهو في السياره... خذاه الوقت وهو يالس يفكر شو يكتب..والكراج كان ينشاف منه كل شي على البحر...يعني الي بيطلع من الحجر وإلا الميلس يقدر يشوفه.. حمد خلص واطالع قدامه ..لقا بنتين طالعات من حجرة البنات يتخاتلن وفي يدهن شيلهن قام وصكر ليت السياره ويلس يطالعهن.... .اتشيلن وهن ما يدرن إنه يطالعهن.. وحده منهن هي عرفها من يدها...حط يده على السكان وتم يطالعها وهو سارح... .فطوم: وين المسجل عندج.. لطوف: هيه هيه..... فطوم: اخبرج لا اسوين صوت مافينا حد يشوفنا وإلا يسمعنا...يكفي الي صار.. لطوف: اصدقين صدمتيني..ما كنت اعرف إنه كذي بيصير...يالله ما أتخيل إنيه أنا الي صاير لي هالموقف.. فطوم وهي تضحك: هاهاهاهااي...يليتج شفتيه يا ربيه...سبحان لي خلقه ما خلق شبيهه ثاني...اتقول بنيه من جماله.....ماخذ ومخلي من هل الغربيه... لطوف: ههههههه .. وفي حجره الشباب... سعيد: أبطى حمد وين سار..قم حاضر حاضر وهو مندمج في التلفزيون: هااااااااااااااااه.. سعيد: قم شوفه. حاضر: وليش ما اسير انت..وبعدين حمد هوب نونوه وإتخاف عليه سعيد:..عنده تلفونه حاضر:هيه فكنا حمد كان يطالع فطوم ...وصاح التلفون.... حمد ما عرف شو يسوي...قام يدوره يبا يصكته ولا لقاه كان طايح تحت السيت... ...فطوم إنتبهت إنه شي صوت...اطالعت صوب السياير لكن محد كان موجود.. حمد كان منزل راسه يدور التلفون وحطاه سايلنت.... حمد بصوت واطي: مرحبا. سعيد: هاه وينك أنا برقد. حمد: ارقد ارقد... جاد أبطي شويه.. سعيد: خلاص تمام.. حمد: مرحب.. وصكر... حمد: اففففف .. ...اطالع قدامه ولا لقاهن ... وين سارن... قرب البحر.. فطوم: ههههههههههههههههه مالت عليج نكته مثل ويهج.. لطوف: عندج أحلا عنها قولي.. فطوم: همممممممم سمعي...يقولج عيوز...سارت لدكتور مصري.وقالتله دختوور...أنا لو آكل أدنات الدون..يعورني بطني...قالها الدكتور...طيب يا شيخه ما تاكليش أدنات الدون ده..كولي أي حاجه تانيه وخلصينا.......ههههههههه لطوف:هههههههههههههههههه سخيفه... حمد نزل من السياره وتم يمشي صوب البحر....شافهن يالسات على السيف... ومشى صوبهن...وهن ولا يدرن بالدنيا... فطوم كانت راقده في ثبان لطوف..مثل الياهل.. فطوم: ههههههه لطوف لطوف..جد جد..شو رايج بالمنصوري... لطوف: ههههه بعيد عن خشمج..ماباقي إلا هالأشكال.. فطوم: جب جب خلينا نسمع الإهداء ... تعرفين يوم أسمع صوته أحس إنه قريب مني..وأذكر كل شي صار..والله أستحي.. أول مره أحس حد مهتم فيه..لو من بعيد هههههه وشوي. حمد سمع رمستهن كلها.......وضحك..... حمد: أحم..السلام عليكم.. فطوم قامت بسرعه واطالعت وراها...ولطوف صكرت المسجل واتغشت.. فطوم عرفته وولفت وبويها..... فطوم بصوت واطي وهي ماسكه لطوف..: يا وييييييييلي.. حمد: سلمت..وإلا محد فيكو يحق يرد السلام.. فطوم+لطوف: وعليكم السلام والرحمه... حمد: شو اسوون هني..هوب برد عليكو.. فطوم+لطوف قامن يبن العزبه............ حمد: مسموح في درب قاصده وساعيه......مسموح واسمحلي إن بدر منيه عوف لارضيت بردا الحظ مارضى ليييييه!!!ولا تحملت فرقاك وانت معجل الوقوف أنشدك بن راعي السمحه وغاليه... وادعه بالسلام لا بالحروف ورووف عقب وقفت واطالعته.وقالت: يعذرني صاحب القصيد وقاريه....الخوف بعد ربي ثم بعده مابي خوف خوفي أصير في الثرا منه و فيه....يثير الطلق بساعه علي مابها معطوف لا انت ولا غيرك أمشي وياه وأحاذيه..عزتي هليه مقدر ايازي زينهم بالعوف لطوف مبهته من الي قالته فطوم.....وحمد منحرج من كلامها..ما عرف كيف يرد عليها... مشت فطوم وهي تذكر كلامه وقلبها متقطع حتى من ردها...بس قالت في خاطرها:..أحسن شو يتحرى عمره...أنا بنت الياسي ما أنزلهم القاع لو شو ما يكون.. يوم كدها فطوم دخلت الغرفه... لطوف: فطوم فطوم.. لطوف: شو سويتي ..ليش كيه قلتيله.. فطوم: احسن ليس منوه يتحرى عمره قتلج اهليه ما ارخصبهم حد... لطوف: صدقج.. فطوم: تعالي نرقد ...هههههه اصدقين ما اعرف كيف طلع الكلام حتى مني..ههههههه لطوف: غبيه... ..*وحدرن يرقدن.. أما حمد كان يالس على السيف... حمد: هههههه...عني فداها يا ربيه...يا حظك يا سعيد في اختك..بنت ذييييب...... الجمعه الصبح الساعه 11. كان الكل يالس خاري ما عدا الشواب سايرين البحر... حاضر وسعيد وحمد يالسين وياهو بس بعيد شويه عنهم... فطوم أول ما بطلت الباب..وهي تتثاوب شافتهم وصكرت الباب على طول.. مهروه: هاهاهاهاهاهاهاا حمده: قفطت... لطوف:ههههههه أم فطوم: فطوم...فاطمه...تعالي بنتي تعالي أم لطوف: تعالي محد غريب هاذا إلا أخوج..تعالي.. حمد ...قام يرقب الباب. يتبطل..وعقب لف بويهه عن حد منهم يلاحظ فطوم تشيلت وبطلت الباب ... فطوم: ...صباح الخير... أم فطوم: صباح النور...تعالي بنتي كلي لج لقمه... فطوم كانت تحاول ما اطالع صوب قوم حمد...ولكنها يوم يلست اطالعت صوبهم وطاحت عينها في عينه......كان شكله جنان...لابس حمدانيه حمرا..يبين شعره تحتها...وهو أبببببببيض مثل الثلج..لابس الختم جنااان عليه أم لطوف: أسمع بو ضاحي *أبو لطوف*...يقول بنرد عقب الغدا انشالله أم فطوم: ...والله ما أدريبه حمد ...يريد يروح عقب صلاة المغرب.. لطوف: اففف قهر بنسير.. فطوم: ما عليج أنا برمس أمج.. فطوم: خالتيه خلي لطوف اتم ويانا نحن بنردها.. أم لطوف: والله يا بنيتي شورها عند ابوها.. لطوف: ما بيطيع إلا إذا إنتي قلتيله.. أم لطوف: برمسه قدامج.. لطوف: أوكي.. مهروه: تعرفين الحمد الله الحمد الله ابويه هوب كذي... فطوم: اكرمينا بسكوتج...يوم إتكلم ...كلامها مثل ويها.. وعقب نص ساعه.. يو الشياب.. وثارو الشباب يبون يسيرون يصلون اليمعه...هبابهم يوصلون.. سعيد :الوالده نحن سايرين.. أم فطوم: الله يحفظكم... وكلهم ركبو في سيارة حاضر ما عدا سعيد ..ركب ويا حمد وقبل لا يركب السياره... سعيد: مهرووه تعالي تعالي.. فطوم يلست تتسمع.... سعيد: شي تبون بارد. مهروه: هيه هيه خذ كرتون فتمين سي..وخذ حلاوه وايد..وخذ بطاطا.. سعيد (ناقمنها): بس...سيري سيري.. فطوم تزاعق: سعيد...خذلي لبان.... سعيد لبسها...وركب السياره.. فطوم:..والله ليشوف.. قامت خذت تلفون امها..واتصلتبه... سعيد: مرحب .. فطوم: هلا... سعيد: خير.. فطوم وهي تحايله: حبيبي سعيد خذلي لبان انزين سعيد: انشالله لبان بس ما طلبتي كم هبلا عندنا حمد انتبه انه سعيد..يالس يكلم فطوم... فطوم: يالله لا تسرعوون.. سعيد: انشالله مع السلامه.. فطوم: باي ..فطوم: شفتن ما اييييبهم غير اللواته.. مهروه: ههههه أقص إيدي إن يابلج.. فطوم: كم بتعطيني إذا يابلي.. مهروه:همممممممممم... عشر... فطوم: اتفقنا.... لطوف: هههههه فطوم: والله بشتريبهن من الدكان يوم بنرد..ههههه..قومي لطوف ما بتدخلين حريت .. لطوف: إنتي توج يايه وحريتي..أنا من الصبح هنيه ولا آنسته الحر.. فطوم: اف منج قومي.. أم فطوم: هاه بنتي وين.... فطوم: أميه حرينا..حر...بنسير داخل شويه أم فطوم: هيه برايكن... ويقومن يدخلن داخل الغرفه...وتقفل الباب فطوم... وفي سيارة حمد.. حمد: الإسبوع الياي وين انشالله سعيد: ما أدريبه الوالد..أسمعه طابت له اليلسه هني.. حمد: هيه أبركله.. سعيد: ياخي أنا الإسبوع الياي هوب ياي.. حمد: ليش... سعيد: ياخي هلاك..أنا أريد أرتاح في العطله..يجبرووني آي وياهم.. حمد: أحسلك من الهياته..ويلسه في ستار بكس.. سعيد: تراك إلا مثلي..شي غير.. حمد:..أفا عليك...الشاهد الله إنيه أكثرالوقت في البيت يغير إن ظاقت بي الدنيا أسير المول أيلس في الكوفي...شوي.. سعيد: ياخي ماشي شغله...مليت من كل شي.. حمد: الله يعينك يا بو عسكوور الين الحينه ما عرست اموت واعرف منوه هاي الي بتتضواك وانت مشوب.. سعيد: ............ ويلس يفكر بالي قاله حمد..عن العرس... وعند الشيشه... حمد: خذلهم شو يبون داقيلك.... سعيد: لبان ايصكر حلوجهن عسى.... حمد: خله عنك أنا بشتريه..... سعيد: أنا عيل بروح السياره خذ عصاير وهالسوالف.. حمد: فالك طيب بو عسكور.. سعيد: فالك ما يخيب ...يالله لا تبطي.. حمد سار وحط من كل نوع لبان..وحط عصاير وايد وحط بطاطا وحلاوه ومكسرات...مزر 5 أكياس وطلع بهن... ..وحط الأغراض ورا.... سعيد: شو تبابها الحلاوه هالكثر... حمد: ما عليه خلهم يعقوون في رووسهم ..ههههههه سعيد: ههههههههههههههههههههه...... حمد كان وايد وايد يفكر في فطوم وكلامها وعلى طول الطريق يسمعون ميحد..... فكرك معي دومه موجود طيفك معي يا حلو الأرهاف.. فعصمتني عن جملت الخود وأنسيتني كل ما طاف.. ويوم وصلو... نزل سعيد من السياره وشل الأغراض وراحبهن داخل...حمد بطل الباب ماله..ونزل ريله بس تم داخل يطالع تلفونه...واصلتنه مسج....يلس يقرا.. (( أقولج حصووه لا تبطين عليه تراني أترياج اوكي)) حمد تم مستغرب من المسج..والكل سار داخل...... وداخل الميلس.. فطوم شلت الحلاوه ...ولقته يايب أنواع وأشكال... فطوم: هاه شفتي يابلي كل أنواع اللبان غياض فيج بس....خرخشي مخباج.. مهروه: يوم بنرد بوظبي هني ما عندي.. فطوم: الكل شاهد.. لطوف: هههههههههههههه... وقامت فطوم حطت الغدا ويا لطوف ..ومهروه.... فطوم: سعيد مشكور على الحلاوه هههههه .أول مررررررره سعيد: هوب أنا الي شارنها راعي الكايين فطوم فرحت...: هي صح وينه.. سعيد: ما أدريبه يعابل تلفونه في السياره الحين بايي.. حمد: الو : مرحبا حمد: مرحبتين الساع منوه وياي.. : انته منوه.. انته الي متصل حمد: مع السلامه.. مع السلامه : أنا ميثه.. حمد: ميثه من.. ميثه: عمتك.. حمد: تعممن ظلوعج شرق وغرب ويصكر في ويهها.. حمد: ماباقي إلا هالأشكال.. ميثه طرشت مسج.. (( عيب عليك اصكر في ويه بنات العرب..كنت مطرشتلك مسج بالغلط)) حمد كتب .. (( بنات العرب يحشمن عمارهن ويتركن هالخرابيط عنهن..ولو انتي بنت عرب على قولتج ما رضيتيها على نفسج ترمسين الغريب وإتطاولين عليه ...يالله.... لا عاد أشوف رقمج في تلفونيه وإلا بشوفين شي تكرهينه...الخلا)) ويغلق تلفونه ونزل من السياره.... ميثه: يا ربيه عنبوها نفس تخلي الواحد كذي.. يعني قتلك مغلطه ...حصه: عشان غير المره يوم اتطرشين مسج اتبطلين عيونج زين على الرقم..ما اتقومين اطرشين حق خلق الله.. ميثه: وأنا عاد إلا أييب راسه ....عناد حصه: شو راسه وريله بعد...وين يالسين نحن في المشرحه.... ميثه: اف غلق تلفوونه...يتحراني ميته عليه... حصه: كل شي باين من عنوانه ميثه: شو تقصدين...انزين انزين الأيام بتثبتلج منوه بيركض ورا الثاني.. *ميثه عمرها 17 سنه..حبوبه وطيوووبه ودايماً تحس بإحساس الغير..وبس فيها شي مخرب عليها..إنها وايد اتصيح....يعني بس لو حد اطالعها بعين تنقع من الصياح..وهي النصفانيه بين اخوانها عندي اخت اكبر عنها ومعرسه وولد اصغر منها اسمه سعيد *حصه ..17 سنه بعد .بنت اليران ...الي على نياتها..كلمه توديها وكلمه تيبها..تقول حق الدنيا سيري وأنا أسير وياج.....حبوبه وايد وايد. ولأنه ما عندها ربيعات دايماً ويا ميثه.....أمها وأبوها ما يخلونها اسير إلا عند ميثوه...لأنهم يعرفونهم وبينهم نسب ..بني عمهم......ودايماً كلامها موزون...ولا تعق كلمه إلا تعرف الرد عليها..هي الرابعه والأصغر بين أخوانها كلهم أولاد إلا هي بنيه فيهم..يعني البزيا... ...وفي الميلس حمد دخل دون لا يهود وفطوم يالسه تتمصخر وتضحك على سعيد.. سعيد رفع يده: حوووووه...شعندك.. هني حمد انتبه إنه فطوم موجوده....وطلع... فطوم طلعت متلثمه وبسرعه فطوم كان في بالها سالفت التلفون...وماتت من الفضول تريد تعرف شو كان يسوي في تلفونه......راحت عند الحريم..الي كانن متيمعات في حجرة البنات... لطوف: يت يت... فطوم وهي مستغربه..: ليش تتريوني.. مهروه: ما خلونا ناكل ..ذبحتينا ..كنت باموت من اليوع.. فطوم: الساع ما ادري منوه انتي السموحه منج الملكه فكتوريا.. أم فطوم:..بتخبركن ما تعوركن اثاميكن من هالنجيره..لي من أصبحتن وانتن اتدابغن أم لطوف:*بكل برود* ...بنات ويتصافن.. وفي بيت ميثووه .. ميثه: حصوه قيلي عندنا باسير المول اليوم بتشرا حق عرس بن عميه ...أنا برمس امج حصه: لالا ما فيه ...جوي طاقع اليوم ميثه: اوهووووووووووووووووووووووووووو حصه: طفرتيني تراج.. ميثه سوت نفس الهنود يوم يتوسلون..: حصووووه بليييييز..العني بليييس حصه: ههههههه انزين خلاص رمسيها ميثه :أوكي.دقايق بحول تحت برمسها..وبالمره بكلم اميه ما شفتها من يومين ما ادريبها وين هايته..ههههه اكيد في العين...وإلا مظاربه ويا ابويه حصه: اترياج... .العزبه عقب الغدا حمد بطل تلفونه... حمد: انا شكلي بقطع هالبطاقه... حاضر: عطني اياها.. حمد: واصله..مره ما طلبت. سعيد: ليش.. حمد: ياخي وحده اليوم مطرشه مسج تستهبل وعقب اتصلتبها يلست تقولي عمتك وما اعرف كيف...طبيته في ويهها.. سعيد: أجديت في ويهها..ما اييبهن غير جيه..بنات هالوطر حاضر:..ورفقه لا أخليها مصخره حمد مسح أرقام أهله وفجها قدامه وفرها له.. حمد: ما تغلا عليك ... حاضر: ههههه أدري سعيد: هاه متى بتويه صوب بوظبي... حمد: والله .. أنا لزيمكم.. بو فطوم: فيك الخير يا بو شهاب بو لطوف: يالله نحن انترخص عيل.. بو فطوم: وين تو الناس..قيلو انزين.. بو لطوف: تسلم ما تقصر...أنا مخبر الحريم يزهبن عمارهن..عندي أشغال في بوظبي... بو فطوم: مرحب مرحب من سرت الين ييت.. بو فطوم قام ويا بو لطوف... لطوف: فطوم فطوم بنروووووووح ... فطوم: وابوج وافق اتمين... لطوف: لالالالا فطوم: يا حزني وباتم بروحي.. لطوف: قهر.. فطوم: أبداً أبداً ما طاع لطوف: ما اعرف اميه رمسته وقالها بترد ويانا وهي حرمة زينه... يعني ما بيلس.. وركبت السياره أم لطوف وأبوها...... لطوف توها يايه..كانت توادع فطوم..ويتصايحن.. ..فطوم وصلت لطوف الين السياره.. فطوم: ابوويه طلبتك.. بو لطوف: تم الساع فطوم: تخلي لطيفه بنتك ويانا..نحن بانيبها الين البيت عقب المغرب بو لطوف ما رد في كلمته: تم الساع ...لطيفه..حولي بنتي.. لطيفه وهي بتموت من الفرحه: هييييييييييييه فديتك ابويه يعلنيه ما أخلا منك يا ربيه أم لطوف: غدي حرمه... لطوف: لا توصين .....بنتج.. وراحو أهل لطوف وهي مب مصدقه الين ما طلعو من باب العزبه... فطوم: شلي شلي قشج هههههه رابطه قشها في شاذر إتقول سيلانيه ههههههه لطوف: هههههههههههههه... فطوم راحت صوب مهروه وحمدوه وأمها تخبرهم أنه لطوف بتم وياهم الين المغرب... مهروه: انزين هاذيه الدعنه..ههههههههههه حمده وهي تدز مهروه..: ههههه تمزح تمزح لطوف: ادريبها لسانها اطول منها فطوم: لطوف لطوف عندي شريط فاضي..تعالي بنسجل فيه مهروه: أنا أنا اريد حمده: ما عندكن سالفه أم فطوم: مهروه حمدوه...قومن ساعدني...المغرب ما يواحيلي احط الأغراض في السياير..قومن عطني يدكن.. حمده+ مهروه: انشاللله.. فطوم: يالله قومي أم السعف والليف... لطوف: ههههههههههههه... ويلسن يسجلن ... وفي الميلس... حمد: هاه بو سعيد...شو هباتك..الإسبوع الياي.. بو فطوم: انشالله البحر.. حمد: غايته..... بو فطوم: مره ما أعذركم يا غير معزومين عندنا.. حمد ما صدق من الله...: تم الساع... حاضر يرن تلفونه.. حاضر بصوت عالي : الوووووووووووووووووووووه مصر...عاوزين الصعيد الله يخليك حمد: هاهاهاهاههاههاهاا سعيد مب فاهم شو السالفه يلس صاكت.. حاضر: الووووووووووووووووه حط سبيك... طوووط طوووط... حاضر: طبته في الويه حاضر+ حمد: كع كع كع كع كع كع سعيد: بلاكم... 0 0 0 0 0 0 :::::::::::::::::cut::::::::::::::::::: وهني عاد كان يخلص الجزء وتريونيه عاد انشالله بالجزء اللي بعد وانشالله انيه ماببطي عليكم بس عاده لا تبخلون علية بالردود .... __DEFINE_LIKE_SHARE__ |
|
| |
| |
|
04-25-2008, 11:19 PM
| رقم المشاركة : [ 10 ] | |
| عضو دائم  | ياحيها بنت الخاله
يسلموووو ع البارت __DEFINE_LIKE_SHARE__ | |
| ||
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| قوارب المزروعي | محروم.كوم | منتدى أخبار المواقع والمنتديات العربية والأجنبية | 0 | 02-28-2010 02:50 PM |
| المزروعي قد وصل | المزروعي | تراحيب وتهاني | 11 | 02-11-2008 01:20 PM |
| شوقي المزروعي | ولد الاوغاني | نغمــات للهــواتف | 29 | 01-20-2008 09:26 PM |
الساعة الآن 11:19 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227