| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
|
#1
02-29-2008, 03:43 PM
| |||
| |||
| السلام عليكم أخوانية أخواتية الأعضاء حبيت أنقل لكم اليوم قصة عيبتني في أحد المنتديات وانشالله انها تنال أعجابكم بنــــــــــــــــــــــــــت المزروعـــــــــــــــــــــــــــــــــــــي الجزء الأول فطوم: أميه أميه...قولي حق ابويه...مانبا انسير ..اففف ملينا كل اسبوع بحر..حشى اصطبغنا.... أم فطوم: ما يخصني ..هكوه ابوج وعندج اياه...أنا مالي خص.. فطوم: عثره شو هالحاله...أنا جمالي بيروح والسبه انتوا... أبو فطوم: كأني سمعت طاري الجمال...!! فطوم وترفع يدها تدعي..: .. الله يسامح الي كان السبب واخترب جمالي من البحر..استويت كركميه...اتقول هنديه...ياااااربببببي اتسامحه أبو فطوم طالعها بعين ... فطوم: أبويه قول تم.. أبو فطوم: جاني اروم عليه تم الساع.. فطوم: أبويه مابا أسير البحر ...ملل.. أبو فطوم: ومنوه بييلس يحرسج في البيت..انشالله فطوم: أبويه حمدوه ما تبا اسير..شلو مهروووه أم السمج وياكو...وبعدين أخواني ما بيسيرون لا تخاف ما بياكلني الهوهو... أبو فطوم: بتمشينا إلا بشورج يالدقمه ... أم فطوم: برايها فكنا منها... هالعوفه ما أدري على منوه طالعه ...يقولون مشابهتنج..حشى عليه ما كنت أراد على أبويه... .......لحظة سكوووووووووت... . ولكن الظاهر أن فطوم اقنعت أهلها أنها ما تسير.. عائلة ((حمد بن سعيد )).....خلوني أخبركم منوه فيها بالترتيب...من الأكبر الين الأصغر... *سعيد...32 أكبرهم..الي مسوي عمره عنتر زمانه ...مب معرس..ولكنه دايماً هايت محد يشوفه في البيت إلا إذا صاير شي خطير أو قاله ابوه تعال..ولا تحلاله الجريده إلا في المول.. وفي ستاربكس.. *حاضر...20 الي مغروور بجماله ...ولكنه طيب وحبوووب وطبعه مثل اليهال..يعني كل تصرفاته عفويه.. ويحب فطوم وايد وايد...لأانها الي كبرة تقريباً وتفكيرها نفس تفكيره تقريباً ودايماً هم الثنينه ويا بعض..من هم صغار....وكل واحد يفهم الثاني..يعني مثل التوأم...حتى في الشكل...سبحان الله..نسخه عن بعض...بس الفرق شعر اخته فطوم طويل.. *فطوم19 أكبر وحده في البنات..تحب المغامرات...ولا تحب الروتين موتها وحياتها الأغاني...و فاشله دراسياً...يعني الحينه ثالث ثنوي مكرر......ولكنها مهما تكبر اتم ياهل..وعقلها صغير..وتصرفاتها كلها تصرفات يهال..هههههه بالفطره...... *حمدووه 14 سنه.. مهروه 13 سنه خوات فطوم الي دايماً ظرابه مع اختهن...(بنات آخر زمن...قواايا) ولا أنسى الأبوين الكريمين... هذاك اليوم...سار أبو فطوم...وأمها... ومهرووه البحر... راحو الأربعاء...وكالعاده ردو باليمعه... ما كان شي يديد ... طبعاً الروتين الي تكرهه فطوم.... بالأسبوع الياي...يوم الأربعاء في المدرسه...فطوم أطالع أبلة العربي في خاطرها تعلقها فوق وتنطحها بقرونها االي طلعتلها اياها من الدرس البايخ... الأبله: فطمه... انتي سرحانه فييين... فطوم : هوب سرحانه ولا شي..يالسه أفكر.. الأبله: دا هوه كلوه زي بعظوه... فطووم: لاء شي فرق... البنات كلهن:هههههههههههه الأبله: على الإداره...موش عاوزاكي في الحصه... فطوم قامت معصبه وإتعايب على الأبله..:..هو زي إلتوه.. .البنات: ههههههههههه وفي الإداره...متعودين على شكل فطوم في الإداره...يعني هوب شي غريب.. الإخصائيه: هلا والله شرفتينا بنت فلان .. فطوم إبتسمت: أبا ورقه... الإخصائية: المديره تترياج.. فطوم: افا عليها...*وطلعت المدير: ليش يا فاطمه..إنتي بنت عرب وكل الناس تعرفكم..ما كان في داعي تقللين من قدرج عند أي معلمه... فطوم::: والله هي الي بدت..عيل آقوللها في فرق بين التفكير والسرحه..اتقوليه كلو زي بعضوه...وبعد ليش اتم اتهزبني قدام البنات وتعلي صوتها..باقي تعطيني كف...... المديره: فاطمه إنتي لو ماشافتج غلطانه ما علت صوتها... فطوم: على هواج ...*وتضحك بإستهزاء.. المديره:..خذي ورقه من الإخصائيه... فطوم: انزييين.. ..وردت فطوم الصف..ولاحد قالها شي..لأنها بنت فلان ......الواسطه فوق القانون هههههههههه الساعه 02.10 الظهر دق الجرس...وردت البيت ..يايبنها اخوها المتوهج حاضر...والكل يرابع فطوم لأنه أخوها ولد فلان المزروعي حلو وعنده رنج عاكس وحاطلها زوايد كل يوم نظاره يديده على لون سيارته......لكنها ما تقوله هالشي عشانه (ما يزداد)...وفي السياره..فطوم طاقع جوها... حاضر: بلاج مبوزه..حشى.. فطوم: بس كيفي...مليت من هالروتين.... حاضر: هه عيل أنتي لو تدرين أنه الحينه بانسير البحر شو بتسوين فطوم : في ذمتك... حاضر:هههههههههه أدري أدري..شو بتقولين.. فطوم: حاضر دخيلك قولهم مابا اسير دخيلك انا بروحي ملانه من ويوههم بعدني اسير انحكر هناك بين اربع يدران ولا احلا شي يحرقوني بالشمس.. حاضر: هوب بشوري ...اتعرفين انه ابويه عازم ربيعه الرميثي.. وباين حريم وغصبن عني وعنج بنسير..... فطوم: ......................... ويلسو ساكتين الين ما وصلو البيت فطوم أول ما وصلت البيت ما سلمت حتى على طول مرت من حذاليهم مبوزه وقالت مابا غدا...وراحت تسبح.. أبو فطوم: بلاها هاي أم كشه...يالسه تنفخ اتقول حنيش... حاضر وهو يضحك( ههههههههههههههههه) : جيه ما تعرفها بنتك ما تبا اسير البحر.. أبو فطوم: ييييييهااا...يا أم الزلوف.. ورفجتك يا إنها اسير وهي حماره بعد.. الكل تم يضحك... وفطوم طلعت من السبوح يالسه اتمشط...وتلعن وتشعن... وشوي دخلت امها أم فطوم: ها فطيم...يالله زهبي عمرج تراهن خواتج بيركبن السياره يالله دهديه بنتي.. فطوم:................... أم فطوم: بنتي هوب زين جيه اسوين ... عيب عليج اتخالفين شور هلج.. فطوم وهي اتدمع من القهر: حشى انتو كل ما اقولكم شي لازم اسوون العكس غصبن عني حشى هوب عيشه عقب سكتت وقالت: بذلف ارتحتو... أم فطوم تغاظت عن الكلام وقالت: يالله يالله بنتي..لا تحيرين علينا... فطوم حطت أغراضها على أساس انهم يباتون لنها تعرف ابوها ما يسير سيره إلا يبات فيها.. ركبت فطوم حاضر ومهروه والخدامه معاهم والأغراض في سياره.. وسعيد في سياره... برووحه لأنه ما يحب الإزعاج أبو فطوم وأم فطوم في سياره وياهم حمده.. في سيارة قوم فطوم.. الخدامه يالسه تخورط على مهروه فطوم :أفففففففففف مليت حط أي شريط أخي العزيز... حاضر: لا اتمين مبوزه...مصيرج تبتسمين هاهاهاها فطوم : ههااااااااااااي بايخه سخيف... وحط شريط فيه مقاطع أغاني( منوعات)... لا تتصل فيه كفايه خلاص ماحبك ولا أبغيك ماعادلي يا زين حايه أبداً ولالي خص أنا فيك فطوم:حَضوووري عيد عيد حلوه هاي حاضر: أي وحده...صبري فطوم: هاذي هيه منوه يغنيها حاضر: هاي شله اصبري عندي اياها كامله...وهو حاط السيديهات في السده يقول حق فطووم مسكي شويه السكان ومسكته و يالس ينبش بين السيديهات...... حاضر: هاذوه لقيته... ضرب بيده على ايد فطووم وهي ماسكه السكان.. حاضر بصوت عالي..وتنلف السياره..: فطوووووم .. فطوم: مالت عليك خوفتني.. حاضر: ههههههههههههههههههه خفتي.. فطوم وهي معصبه : غبي.. حط حاضر السي دي وتمو يسمعون ... في سياره سعيد ...كان الجو طاقع يعني عايف عمره من السيره بس ما يقدر يعارض ابوه واتصل به ربيعه حمد راعي الغربيه.. حمد: مرحبا.. سعيد: مرحبتين الغالي.. حمد: مرحب لا هان يا ربيه...وينك سعيد: في رديم.. حمد: هيه..أنا من يومين عيل في رديم... سعيد: لا والله... حمد: هيه والله.. سعيد: اقرب صوبنا.. حمد: قريييب..ويايه الربع .. سعيد: يغير تقرب عندنا.. حمد: انشالله خير...يوم بيروحون باييكم....لحظه شوي.. سعيد: شو عندك ... .. حمد: الغالي..مشغول شوي.. سعيد: برايك..عيل.. حمد: حياك.... وفي سيارة الأب العزيز ..يالسين الشواب يتغايضوون.. أول شي حمده قالت لبوها إنها تبا كمبيوتر يديد....لنه الأولي كلهم طايحيبه اخوانها.. فقالت أمها: شو اسوين انتي به اشوفكم تفعصون به... حمده: لا أميه هاذي يسمونها كتابه به..يعني انتي يوم تفعصين عليه ينكتب حروف بدال لا تخطينها بيدج.. أم فطوم: والله إييني شووور أتعلم عليه وباتم افعص عليه وافعص من الغيض يوم بتغيض عليك يا حمد..(أبو فطوم) أبو فطوم: أنتي فعصي عليه بيدج الين ما تعيين...أنا بتعلم عليه وبكتب بصبيعات ريوليه وبطييييييير عنج ... هههههههههههههههههههههههههههههههههههههههههههههههههه ه تمت حمده اتصيح من الضحك على ابوها وامها... وأخيراً وصلو رديم.. ونزلو الأغراض حطوهن داخل البيت...الي سار صوب السياايير.. والي سار يعدل غرفته... أم فطوم وبوها يالسين خاري .. أم فطوم: متى هزرك بيون قوم حارب ..؟؟ أبو فطوم: والله عيال حلال قومي هاذم هاه...إزقري إعيالج.... ويطلع سعيد وحاضر... أبو فطوم: مرحبا بن ضاحي مرحبا الساع...قرب قرب.... حارب: مرحب لا هان...يعنيه افداك...وشحالك... أبو فطوم: بخير يعلك في خير.......أم سعيد...جربي بالحرمات.. يا مرحبا يا مرحبا .. أم فطوم راحت وبلغت فطوم ومهروه وحمدوه يكحلن عينهن ويحطن شيلهن على روسهن واين ايسلمن على الحرمه وبنتها... يت فطوم وتمت ساعه قدام المنظره يالسه اطالع عمرها ..وأخيراً تمن يدازن هي وخواتها الين ما طلعن.. وسلمن وتمن صاكتااات كلهن..وعقب سولفن الحريم وتمن البنات صاكتات... كانت يايه بنيه وحده اسمها لطيفه ويا أمها وقالت: انتي اعرفج صح...اسمج فاطمه....كنا في نفس المدرسه.. وتعرفت عليهن.. ... تمو يسولفون عقب المغرب بشويه الكل يوعان...سوو عشا..والكل تعشى..وقررو إنه الحريم يرقدن بروحهن في غرفه..والبنات في غرفه.. أما الشياب في الميلس ..والشباب في غرفه.. عقب الساعه 9 ونص...تمت فطوم تتجلب ما ياها رقاد لأنها متعوده ترقد على امارات(FM)...وعقب فجت الباب وطلعت برا شافتها لطوف بعد الي ما ياها رقاد وطلعت وراها... لطوف: إنتي ما رقدتي... فطوم: هاه...إنتي بعد .. ويلسن على الدجه الي على ويه الباب .. لطوف: أنا ما إييني رقاد هالحزه لازم اتكون الساعه 12 عشان ارقد هاذا روتيني الي متعوده عليه... فطوم: أنا بلا FMما أقدر انخمد لازم أقند شوي هههههه لطوف: ههههههههه انزين ليش ما يشتغل هاذا؟؟؟ فطوم: لأنه أختي العزيزه مهرووه تحب الهدووء ولا ترقد إذا شي حشره.. لطوف: يا حليلها هههههههه فطوم: كنت اصيح عليهم مابا اسير مابا اسير يابوني غصب.. لطوف: ليش؟؟ فطوم: ملل يعني تخيلي انتي تيين هني تبين تستانسين تيلسين تنجعمين بين أربع يدران ولا تكلمين إلا عمرج لنهم كلهم يسيرون من الصبح الين فليل ينصبون ليخ ويحدقون وما أعرف شو...والله فراغه...الله ميسر عليكم وسوق السمج ما يقصر ..لالالالا ما يبونها الراحه لطوف يالسه تضحك ههههههههههههههههه لطوف: فطوم والله لو أنا منج ...بفرح وبضحك لأنه عايلتيه جذيه.. فطوم: ليش؟؟؟ لطوف: أنتو يا حيكم والله نحن نتحرمها السيرات والييات هالمره غصب يينا أخواني كلهم مب طايعين أون ناس غرب..إلا ربيع ابوج يعني ما يصير تروحون انتو حريم وما أعرف شو... تمينا ملزمين انسير البحر أنا وأميه..الين ما وافقو... بس محد طاع يسير غير ابويه فطوم: ههههههههههههههههه إيووز نتبادل هههههههه لطوف: يالييييييت...اقولج تعالي نتمشى شويه على البحر ... فطوم: لالالالا والله ليقص راسي سعيد ..ويعلقنيه في القراج..كف رايح وكف ياي.... لطوف: هههههههههههههههههههههههههههههههههههه عقب ما أقنعت لطوف فطووم أنهن يسيرن البحر شويه يتمشن على السيف. وتمت فطوم تخبر لطووف خراريفها في المدرسه وتقولها عن حياتها ويومياتها الي تصيحها من الروتين الزايد.. لطووف: والله إنج سوالف يا فطووم...اضحكين الواحد لو ما يبا يضحك...ما توقعتج كذيه صراحه...كنت اتحراج غير غير... حتى كل البنات اذكر في المدرسه كانن يطالعنج على انج بنت البدوووع مغرووره بجمالج وأصلج ودلووعة أهلج وما اعرف شو طلعتي حبوبه..وما في خاطرج شي.. فطوم: لا إتمين تمدحين تراني ببطر..هههههههههههههه لطوف: والله من حقج جمال ودلال ولا ناقصنج.شي فطوم: بس بس ..تراج وايد ترمسين عني هههههه لطوف: هههههههههههههههههههههه فطوم: لطوف ما تسمعين صوت؟؟؟ لطوف: هيه بس كأنه أغاني فطوم: هيه أغاني...تعالي تعالي نشوف لطوف: لالا مافينا فطوم: ما أدري منوه من الصبح يحايلني يباني أسير وياه البحر ... قووووووووووووووومي خلي عنج هاللواته..*وتمطها من يدها وهن يالسات يمشن يقتربن من الصوت... يشوفون ثلاث سيايير...موقفات عند شاليه يشابه مالهم بس الفرق إنه مالهم كرفانات أما هاذا مبناي.. على البحر بس روووووعه...........و شي 3 شباب قاعدين واحد يدق عود ويغني والثاني صاكت...والثالث يسمعه ومتعذب..... أهاآهااهااااا اهااااااا... أهاآهااهااااا اهااااااا... ياليتنتي من البدايه ما شفت خده الندي إنته السبب يا فؤادي ويا عين لي تعشقي.. لو كلفتني المحبه من عمري ما قد بقي.. لا باح سري ولاني من هجركم بشتكي.. كانت فطوم ولطوف واقفات على احطبه حذالي الدعن مال العزبه.. فطووم: ياااااااوييييييييييلي عاش عاش لطوف: وضرس مالت عليج بيسمعنا صه فطوم: بس صوته حلو الــــــلــــــه لا شلك لطووف: هي والله جنان.. : شباب سمعو سمعو هاذي... أهمه لو كذب الي ماهمه... ووووووووووووووووو فجأه انكسرت الحطبه..الي واقفات عليها ههههههههههههههههههههههههههههههههههههههههههه طاااااااااااااااااخ... . . . . . . ::::::::::::::::::::::::::::::::: اتمنى ان بدايت القصة تكون عيبتكم ... واتريا رايكم على القصة عسب انزل تكملتها ...,, والسموحة منكم...  |
![+[ حكومة قلبي ]+ غير متواجد حالياً](s3ody-ma7room/statusicon/user_offline.gif.pagespeed.ce.3CwHcZn7oj.gif)
|
02-29-2008, 04:08 PM
| رقم المشاركة : [ 2 ] | |
| عضو ماسي  |  السلام عليكم ورحمة الله وبركاته تسلمين اختي غزووني على القصه الغاويه نتري الجزء الثاني يعطيج العافيه __DEFINE_LIKE_SHARE__ | |
| ||
| |
|
02-29-2008, 04:15 PM
| رقم المشاركة : [ 3 ] | |||||||||||||||||||||
| عضو ماسي ![الصورة الرمزية +[ حكومة قلبي ]+](files/customavatar/avatar729_2.gif){kind=avatar} |
ان شالله اذا جفنا ردود بكمل __DEFINE_LIKE_SHARE__ | |||||||||||||||||||||
|
| ||||||||||||||||||||||
| | ||||||||||||||||||||||
|
02-29-2008, 09:57 PM
| رقم المشاركة : [ 4 ] |
| عضو ماسي | تدخلون وتظهرون .. ماشي ردود ؟؟ __DEFINE_LIKE_SHARE__ |
|
| |
| |
|
03-06-2008, 10:32 AM
| رقم المشاركة : [ 5 ] |
| عضو جديد | نتريا التكمله
__DEFINE_LIKE_SHARE__
|
|
| |
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| قوارب المزروعي | محروم.كوم | منتدى أخبار المواقع والمنتديات العربية والأجنبية | 0 | 02-28-2010 02:50 PM |
| المزروعي قد وصل | المزروعي | تراحيب وتهاني | 11 | 02-11-2008 01:20 PM |
| شوقي المزروعي | ولد الاوغاني | نغمــات للهــواتف | 29 | 01-20-2008 09:26 PM |
الساعة الآن 11:53 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227