|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
الا بذكر الله تطمئن القلوب لااله الاالله عدد كل شي ياالغالين مشكلتي مع القطاوه ازليه وهذي صايره لي قبل تكرمون حقه الزباله السالفه الي قبل ذي اليوم يا حبايبنا ابغى اعلمكم بقصه حاصلة لي صدقوني انها صدق في يوم من الايام وكان ليلة خميس وديت عيالي عند جدتهم ورحت انا عندي شغل ورجعت الساعه 2 الصباح وخذتهم ورجعنا للبيت يعني مصبحين على الخميس طبعا كل واحد يحاول قدر المستطاع انه عند حرمته وعياله يكون هو الاسد والعيال يقتدون بابوهم بالشجاعة والاقدام والمرجله وصلنا البيت ووقفت السياره برا علشان ابا اروح اجيب غرض من بنده للبيت المهم .. فتحت الباب والحاشيه يمشون وراي طبعا ابوهم في المقدمه وصكوا الباب ودخلنا يوم انتصفت في الحوش ولا ذاك القطو اللي كبر ابليس ولو ماشفت بليس والله العظيم اني صادق انا شفته والا ماشفته والله العظيم انه يشمخ على الجدار حق البيت باغي ياصل السطح واجيك راجع وباسرع مايمكن والعائله الكريمه وراي يصارخون بابا وقف بابا وقف اللي يصيح واللي طاح تقول لغم وانفجر فينا وانا عاض شماغي ورافع ثوبي ولا وقفت الا وانا قاطع الشارع هالحين بعضهم مايدري وش السالفه شافوا الابو يركض ويصارخ واصابهم الرعب الله لايلومهم بصراحه وهم وراي ستر الله ماجاء سيارات وصدمتنا واول واحد ياصل سور البيت حق جيرانا اللي قطع الشارع انا كن المسئله سباق هههههههه ويجون ونصف عند جدار الجيران اللي مقابل بيتنا كنا صافين للصلاه اللي يصيح واللي يشاهق واللي يتعبر ما علمتكم امهم جتها ام الركب من يوم طلعت مع الباب ولاعاد تقوا ولاتكلم ولا تمشي وتشر لي انا يابعلها تبيني اجي ..دوري غيرها اجي والله مارحت لها ياجماعه هالحين مايدرون وش السالفه وانا مغير يالله ابلع ريقي وافح يالله اقدر اتنفس وما اقدر اتكلم من الروعه والتعب من متى ماركضت من سنين ويتكلمون عيالي وشو ياابوي وشو وانا اشر لهم اقول اصبرو شوي خلوني ارد النفس وشفيك يابوي شايف حرامي وومي براسي بالنفي اقول لا وشو اجل قلت وانا اشر على الحوش قطو شايف قطو كبر الثور في الحوش وقمت وفتحت باب مدخل السياره وانا قطع الشارع بالريموت ونجلس ساعه او اكثر ماطاع يطلع وفي الاخير يجي يمشي اقصى سرعه ويطلع ويروح جهة المره وقامت تصارخ وهي جالسه ما قوت تقوم هذي ام الركب يسمونها بس صراحه معادلي هيبه ولا عاد لي وجه والا جيت اسولف عن منول وايام الشباب والشجاعه وانا سوينا وانا فعلنا تصدقون حول مايجون كل عيالي بصوت واحد دور غيرها يابوي هذاك اول ياالاسد لاني منول اذا خافوا من شي او من ظلماء اسوي نفسي واقول هالحين تخافون ومعكم اسد وصرت معاد اجيب طاري امور فيها شقاوه او فيها شي من الشجاعه ابد وكل مابغيت اقول شي قالوا هذاك اول يالاسد صدق معادلي هيبه والسبه قطو فضحني ربي ولا فيه ابو يسوي كذا بعياله تصدقون حتى المره هالحين اذا وديتها لمشوار وضايقني احد بالسياره اذا قلت له اخرعني الله لا يعافي العدو وانا معصب تقوم المره وتشرلي بيدها تقول على هونك على هونك لا يطق فيك عرق يالقوي ثم ودي تنشق الارض وتبلعني بصر احه معادلي بعد هذي الحادثه اي وجه مار حقي وما جاني وثبر يثبرني بعد هههههههه __DEFINE_LIKE_SHARE__ |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سحاب نجد - راعي شقراء - وسالفه النومه بالحالي في البر والجني | محروم.كوم | منتدى أخبار المواقع والمنتديات العربية والأجنبية | 0 | 08-12-2012 06:10 AM |
سحاب نجد - راعي شقراء - وسالفه الشايب الي معزوم | محروم.كوم | منتدى أخبار المواقع والمنتديات العربية والأجنبية | 0 | 08-10-2012 04:50 PM |
سحاب نجد - راعي شقراء - وسالفه راعي الكحه ولسان الثور | محروم.كوم | منتدى أخبار المواقع والمنتديات العربية والأجنبية | 0 | 08-10-2012 03:50 PM |
قصه حاصله ل سحاب نجد راعي شقراء | محروم.كوم | منتدى أخبار المواقع والمنتديات العربية والأجنبية | 0 | 08-02-2012 03:50 AM |
سحاب نجد راعي شقراء جاكم ظيف | محروم.كوم | منتدى أخبار المواقع والمنتديات العربية والأجنبية | 0 | 08-01-2012 08:50 PM |