|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
وهذي سالفه قد حصلت لي من زمان شوفوا الشجاعه شوفوا القوه شوفوا الحكمه في التصرف في المواقف المحرجه تمعنوا بس كنت مره نايم في البر لحالي في صندوق السياره وكانت ليله بلا قمر يعني ظلام شديد وكنت متعمق في البر اقرب سفلت يمكن 15 كيلو عني وشوله مبعد والله العظيم اني مدري هل هو شعور بالنقص وبا اثبت لنفسي اني شجاع المهم فيني بلا وبس ولا وشوله اتعمق واجد في البر ونا اذرق ما خلق ربي المهم دخلني النوم ونمت نوم عميق وذكر بعد معي رادو صغير وفيه برنامج كان تذكرونه يجي الساعه 12 ونص في الليل عنوان البرنامج سكن الليل اعداد وتقديم شوشه فرحه الغامدي المهم نمت ويوم صرت في سابع نومه على قوله الناس ومظت ساعات حسيت السياره بتنقلب على جنبها من شده الاهتزاز وكنت متغطي كلي تقول احدن يخض له لبن وابعدالبطانيه عن عيوني ولا فيه راس لازق في وجهي لونه اسود كبر ابليس ولو ماشفت ابليس ومن شدة الظلام ما ترى الا اشكال اوجهام وفيه شي ما علمتكم فيه قبل ما اخر البطانيه عن عيوني سحبت المسدس وولمته يعنني قوي ويوم اخرت البطانيه وشفت ذا الاسود الي لازق بوجهي اطلقت طلقتين في الهوا واطمر بسم الله علي والاي برا الصندوق مع الجهه الاخرى كني زمبرك ما شاء الله علي مهوب كله نشاط ورياضه لا والله بس ياروح ما بعدك روح واروح جهة ابوراس والاه مبعد يجي خمسه امتار وانا مصوب المسدس واقول انسي والا جني انسي والا جني تراي ابطلق النار ولا تكلم ولا كلمه وفجأة سمعت خرير الماء وانا مصوب المسدس عليه تدرون ذا المعركه والمناورات وطلقتين في الهوا مع مين صار ت مع ناقــه وخرير الماء الي سمعته تكرمون كانت تبول واتضح لي ان السياره يوم تهتز كانت الناقه تحكك فيها والراس الاسود راسها تطل علي بصراحه يعني وش رايكم في المناورات واقول ما طاع يتكلم ليش؟؟ اشوا انها ماتكلمت كان تقول ناقه يا وليدي ناقه ثم ينغرف عقلي وبعلمكم بشي بصراحه ماينقال بس بقوله تراي سويت شي على روحي بس مهوب الكايد لا اللي اهون منه دائما تظهر الشجاعه فيني اذا احتجتها بس هاه وش رايكم مهوب اني صنديد ماانهبلت بعد ترا ما ورا مني ان عقلي معي الا هلحين __DEFINE_LIKE_SHARE__ |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سحاب نجد - راعي شقراء - وسالفه الشايب الي معزوم | محروم.كوم | منتدى أخبار المواقع والمنتديات العربية والأجنبية | 0 | 08-10-2012 04:50 PM |
سحاب نجد - راعي شقراء - وسالفه راعي الكحه ولسان الثور | محروم.كوم | منتدى أخبار المواقع والمنتديات العربية والأجنبية | 0 | 08-10-2012 03:50 PM |
قصيده سحاب نجد راعي شقراء | محروم.كوم | منتدى أخبار المواقع والمنتديات العربية والأجنبية | 0 | 08-03-2012 02:50 AM |
قصه حاصله ل سحاب نجد راعي شقراء | محروم.كوم | منتدى أخبار المواقع والمنتديات العربية والأجنبية | 0 | 08-02-2012 03:50 AM |
سحاب نجد راعي شقراء جاكم ظيف | محروم.كوم | منتدى أخبار المواقع والمنتديات العربية والأجنبية | 0 | 08-01-2012 08:50 PM |