روآية آنتظر كلمة آحبگ !! - الصفحة 30

Ro7 8lby#! · 08-07-2012, 08:20 PM

الجزء 120 :

سلامة: عيوني شوشو شوفيج؟.

شمسة: ماماتي بطني يعورني.

سلامة: اوديج المستشفى.

شمسة: لا.

سلامة: عيل شوتبين.

شمسة: ضربي عواشي.

سلامة: حليلهاعواشي.

شمسة: ليش تضربني على بطني.

واندق الباب.

سلامة: لحظة.

فتحت الباب وكان خليفة.

خليفة: السلام عليكم.

سلامة: وعليكم السلام ورحمة الله وبركاته.

خليفة: يا سلاااااام شو هاي الحلاه كلها هذا كله للحريم؟.

سلامة تبتسم: لا متعدلة لك مب للحريم.

وقفت شمسة على الشبرية: باباتي شوفني؟.

خليفة: يا إلهي من هذه الفتاةالجميلة؟.

شمسة تضحك: هاهاهاهاها اناابنتك.

خليفة: انتِ ابنتي لا أصدق هذا انكِ رائعةالجمال.

شمسة: شكراً ياأبي.

خليفة: إلى أين سوف تذهبين ياحلوتي؟.

شمسة: بروح إلى العرس.

خليفة: هاهاهاهاهاهاها ما يقولون بروح.

شمسة: شويقولون؟.

خليفة: يقولون سأذهب.

شمسة: اوكي سأذهب إلى العرس

خليفة: عرس من؟.

شمسة: ممم عمتي موزة.

خليفة: وهل ستأخذيني معكِ؟.

شمسة: بالطبع سآخذك معي.

خليفة: تعالي عطي أبوج بوسة كبيرة.

شمسة تقربت عداله: تباهاكبيرة.

خليفة: هيه.

باسته وشلها خليفة فوق.

شمسة تضحك: هاهاهاهاهاها باباتي بطيح.

خليفة يبتسم: ما بطيحين , تبين تروحين فوق أكثر.

شمسة: لا لانزلني.

ضحك خليفة ونزلها:سليم؟.

سلامة: نعم.

خليفة: أشوف شعرج؟.

لفت سلامة: هااه شوف.

خليفة: لا بطليه أريد أشوف لين وين قصيتيه.

سلامة: ماقصيته.

خليفة: ما صدق لازم أشوفه قبل.

سلامة: عقب براويك الحين رافعتنه.

خليفة: الحين أريدأشوفه.

سلامة: حرام عليك انا ما صدقت أرفعه , إذا فتحته الحين ما بروم ارفعه مرة ثانية.

خليفة: أنا برفعلج إياه.

سلامة: ما بفتحه بعد العرس براويك إياه.

خليفة: أنا ما عندي صبر.

تقرب عدالها.

سلامة: لا خليفة , والله ماقصيته.

خليفة: ما صدق لازم أشوف.

فتح خليفةشعرها

سلامة: حرام عليك.

خليفة يطالع شعرها: ايوه شاطرة ماقصيتيه.

سلامة: تراني قتلك اني ما قصيته الحين تعال انت ارفعه.

خليفة يبتسم: ما عندي مانع.

سلامة: أنا برفعه بس الله يسامحك صارلي نص ساعةاحاول أرفعه وبلمح البصر أنت خربته.

ضحك خليفة ورن تلفون سلامة , مريم متصله تقولها تستعيل عشان يروحن الخيمة.

وعلى الساعة 8,30 .

دخل سيف عند موزة فالميلس.

سيف: هلا العروس , عادي اتصوروياج؟.

موزة ابتسمت:عادي.

وقف سيف عدالها يتصور وتم يطفر باللي تصور لين ماراغته برع.

سيف: ما عليج مسودة الويه انا تروغيني برع.

موزة: هاهاهاهاهاهاها سيف عاد بس تراك ذليتها خلهاتخلص تراها عذبتني.

ودخل ابوها مع خوانها وتصورو وياها وعقب طلعو وعلى الساعة تسع وربع دخل سيف مرة ثانية.

سيف: احم احم.

المصورة من شافته تأففت.

موزة:هاهاهاهاهاهاهاهاها.

سيف: هاي صدق ماتستحي.

المصورة: سير أنت شو يريد ليش ارجع مرةثانية؟.

سيف: وانتي شعليج.

المصورة: سير أنت شويقول؟.

سيف: أقولج المعرس بيدخل.

المصورة:شو؟.

سيف: هاي ما تفهم اقولج المعرس بيدخل زوجها .

المصورة: الحين هويدخل؟.

سيف: هيه الحين.

المصورة: اوكي خلي هو ايجي داخل وانت روح برع.

سيف: اتسمعينها مرة ثانية تقولي طلع برع يوم أقولج إنها ما تستحي ما تصدقيني.

موزة: ما عليك منها أنت اقعدوياي.

سيف: بروح أقول لغانم يدخل.

موزة بخوف: وأنت مابترد؟.

سيف: برجع.

موزة: وين سلامة ومريم.

سيف: فالخيمة , الحين خليفة رايح اييبهن.

طلع سيف و بعد خمس دقايق دخل غانم مع بوعبدالله وسيف.

غانم: السلام عليكم.

وردت المصورة السلام وابتسامة عريضة على ويها , وأماموزة قاعدة و منزلة راسها بخوف و حست حد يقعد عدالها و حط ايده ع جتفها اتروعت ورفعت عيونها اطالع منو و شافت أبوها يبتسملها وارتاحت.

بوعبدالله: موزة قومي سلمي عريلج.

وقفت موزة وتقرب غانم عدالها وحبها ع راسها و وقف عدالها.

غانم بصوت هادي: مبروك موزة.

موزة بصوت واطي هي نفسها ما سمعته: الله يبارك فيك.

وطلعو بوعبدالله وسيف , و موزة طاح قلبها فريولها ,غانم حس إنها متروعة وتم يطفر باللي تصور عشان يضحكها بس بدون فايدة وأغلب الصور هي مبتعدة عنه وكل ما تقربها اللي تصور تبتعد عنه المهم مر كل شي على خير وتصورو و بعد ساعة دخل سيف.

سيف يبتسم: شو خلصتو وإلابعدكم.

غانم: خلصنا.

سيف: يعني عادي أرز بويهي واتصوروياكم.

غانم ضحك: هاهاهاهاها هيه عادي.

سيف: يلا موزان تعالي بتصوروياكم.

موزة ما تسمع سيف قاعدة بعيد عنهم و منزلة راسها ,لف غانم يطالعها ورد يطالع سيف.

راح سيف عندها: موزان – رفعت راسها – بتصور وياكم عادي؟.

موزة: عادي.

مسكها سيف:يلا.

مشت وياه وسيف يحسها ترتجف: الموزشوفيج؟.

موزة: ماشي.

سيف:متأكدة؟.

موزة: هيه.

وقفو,, سيف: يلا غانم تعال , منو قدي أول واحد يتصورمع المعاريس.

تقرب غانم عدالهم ومسك ايدها وهي نزلت راسها.

المصورة: لا ارفع راسج.

سيف: موزان لا تخربين الصورة رفعي راسج.

وبعد ما صورتهم سيف وغانم غلسوا بالمصورة وموزة ردت تقعد بعيد وانتبهو سيف وغانم عليها , شافوها تصيح بصمت ,
وغانم طالع سيف وسيف فهم طلع هو و اللي تصور وخلوهم بروحهم , وقف غانم فترة يطالعها وعقب راح يقعدعدالها.

غانم بهدوء: موزةشوفيج؟.

موزة: ..............

غانم: أنا ضايقتج بشي؟.

موزة هزت راسها إن لا.

غانم: عيل ليش تصيحين؟.

موزة بصوت واطي:مادري.

غانم: ندمانة لانج وافقتي؟.

موزة:....................

سكت غانم ولف يطالع جدامه مب عارف شو يقول بس انصدم سمع موزة تصيح ولف عليها وشافها مغطية ويها بكفوفها وتصيح بحرقة ,
غانم ما تحرك ولاقال شي خلاها تصيح شوي عشان ترتاح , وموزة السبب الي يصيحها احساسها بالذنب واحساسها إنها بتظلم غانم وياها ,
وبعد فترة تم غانم يهدي موزة و يرمسها وبعد ما هدت طلع عنها و دخلن سلامة و مريم و أسما و أم موزة و أم محمد وأم عبدالله يتصورن وياها.

وعلى الساعة عشر ونص خالد قاعد مع أحمد ومحمد وجاسم وربعهم يسولفون , ورن تلفونه وشاف الرقم وابتعد عنهم.

خالد: الو.

سلامة: هلا خالد شحالك؟.

خالد: الحمدلله بخير.

سلامة: وين أنت؟.

خالد: موجود.

سلامة: أدريبك موجود بس وين بالضبط؟.

خالد: قريب من بيت خالتي.

سلامة: زين عيل أباك تييب عيالي من الخيمة,ممكن؟.

خالد: ممكن , بس كيف بدخل الخيمة والحريم داخل والله بنعولهن بيفرني.

سلامة: لا لا تخاف شمسة بنت عموه بطلعهم لك.

خالد: اوكي الحين بروحلهم.

سلامة: مشكور الغالي بتعبك وياي.

خالد: لا عادي بدفعين. __DEFINE_LIKE_SHARE__

Ro7 8lby#! · 08-07-2012, 08:24 PM

(( النهاية ))

سلامة تضحك: هاهاهاهاها حطه فالحساب انزين.

خالد: ولا يهمج حسابج لين الحين واصل مليون.

سلامة: إن شاء الله يوم بربح المليون بعطيك إياهن.

خالد: عيل بترياهن بعرسبهن إن شاءالله.

سلامة: لا عيل بتعرس قريب.

خالد:هاهاهاهاهاهاهاهاهاهاها.

سلامة: أنت بترد أمي البيت.

خالد: عيل أنا شو ميلسني عدال بيت خالتي إلا إني اتريا أمي.

سلامة: انزين يلا ييب عيالي لأن أمي تبا ترجع البيت.

خالد: اوكي مع السلامة.

سلامة: الله وياك.

راح خالد عند ربعه وقالهم ان بيروح ركب سيارته وراح صوب الخيمة وقف سيارته ونزل , و قف جدام الباب.

شمسة: وين وين وين داخل , جيه تفكره بيتك.

لف خالد صوبها وابتسم: ما كنت بدخل.

شمسة: على بالي بعد.

خالد بجرأة: وانتي وين ظاهرة؟.

شمسة: أنا ما كنت بظهراترياك.

خالد: على بالي بعد.

ضحكت شمسة وخالد نزل عيونه.

خالد: ممم وين سيف وشوشو؟.

شمسة: الحين بييبهم شوشو عند أمي و سيف الحريم معذباتنه دقايق الحين بيي.

ردت شمسة داخل وخالد يطالعها لين ما اختفت عن أنظاره نزل راسه واذكر إن صارله خمس وإلا ست سنين ما رمسها
أو تغايظ وياها كان دايما يسلم ويروح إذا شافها , أما هي كانت دايما تستفزه ولين الحين بس ما كان يسويلها سالفة
ومب عشان شي بس لأن يستحي منها.

وردت شمسة مع عيال سلامة.

خالد يبتسم: شوفيها شوشو؟.

شمسة: أريد أن أنام.

خالد: محلا اللغة الفصحى منج تعالي عيوني.

شلها خالد: سيف يلانروح.

سيف: يلابسرعة.

شمسة: شوشو إلى اللقاء.

شمسة حاطة راسها على جتف خالد: إلى اللقاء أراكِ قريباً.

خالد: عموه داخل؟.

شمسة: هيه.

خالد: منو بيردكم البيت؟.

شمسة: الحين أبوي بيي.

خالد: اوكي مع السلامة.

شمسة: الله وياكم.

لفت بترجع داخل.

خالد: شمسة.

لفت شمسة باستغراب أول مرة يكلمها:نعم.

خالد بحراج: أدري إن ما يخصني بس يكون أحسن من اطلعين مرة ثانية تتغشين.

شمسة ابتسمت: إن شاءالله.

وردت داخل بدون ما تقول شي ثاني , هي فرحت من خاطرهايعني هو مهتم , هي دايما تتغشى من تطلع بس ما حبت تقوله ,
واصلا هي ما طلعت برع الاجدام الباب وبعد محد يقدر يشوفها , هي فرحانه لان من زمان مارمس وياها.

خالد شل عيال أخته و هو مرتاح على باله بتعصب وإلابتقوله إن ما يخصه ما توقعها تبتسم وتقول إن شاء الله ,
ركبو السيارة و سيف خذ كلينكس و مسح ويهه.

خالد: سواف شوفيك من ركبنا وأنت تمسح ويهك.

سيف: ما تشوف الحريم شقايل خلن ويهي خيسنه صدق مايستحن جيه أنا ريال عيب يبوسني.

خالد :هاهاهاهاهاهاهاهاهاهاهاهاهاهاهاها.

سيف: شوشورقدت.

خالد: ما عليه وصلنا البيت يلاننزل.

نزلو وخالد شل شمسة واتصل بسلامة.

خالد: تعالي بنتج رقدت.

سلامة: فديتها يلا يايتنك.

طلعت سلامة : سيف حبيبي يلا روح البيت بدل ثيابك عشان ترقد.

سيف: بروح وياج.

سلامة شلت بنتها عن خالد.

خالد: سلامة لا تشلينها بنتج ثجيلة و انتي حامل مب زين.

سلامة: حرام عليك مب ثجيلة.

وطلع خليفة.

خليفة: مرحباخالد.

خالد: مرحبتين. سلم عليه.

خليفة: هاتي عنج كم مرة قايلج لا تشلينها ماترومينها؟؟ شلها خليفة.

خالد: وين أمي؟

سلامة: داخل بزقرهاالحين.

ام محمد: أنا ظهرت يلا – ركبت ام محمد السيارة –ابويه خالد اصبر شوي حرمة عمك بتروح ويانا.

خالد: إن شاء الله , إلا أبويه وينه؟.

ام محمد: أبوك تعبان ماقدر يقعد وراح البيت يرقد.

خالد: فديت أبويه.

وبعد عشر دقايق طلعت سيارة غانم ويت ام غانم تركب مع خالد , ما طاعت تركب مع غانم و ظهرو رايحين البيت
وعلى طول الطريج خالد يحاتي ابوه يعرف ماشي تعابنه الا تفكيره بمحمد الله يرحمه وخاصة فهذي الأيام ,
خالد حاول طول هذي السبع سنوات اللي مرن يعوض على أهله بس ما قدر هو غير و محمد الله يرحمه غيروزاد تعب أبوه بعد ما فضى البيت ,
سلامة عرست وبعدها بثلاث سنوات روضة و محد تم فالبيت غيره إلا وبعد هو ما يرجع البيت إلا الأربعاء و الخميس و الجمعة فليل يروح
,وهوالحين يحاول بكل الطرق إنهم يحولونه العين عشان يكون طول الأسبوع عند أهله .

وصل بيت عمه ونزل حرمة عمه وراحو البيت و حصل وبومحمد راقد , سلم على أمه وراح حجرته يرقد ,
اتسبح وانسدح على الشبرية يفكر و يذكرأيام قبل.

خالد: صدق إن البيت صار هادي وكئيب بدرجة رهيبة وقبل كنت تسمع الحشرة لين الساعة
وحده فليل وإلا اربع الفير أما الحين من الساعة سبع المغرب يكون البيت بلا صوت.

تنهد خالد وغمض عيونه وقرأ المعوذات وآية الكرسي واستغفر ربه و رقد.

وعلى الساعة 2فليل.

سلامة مب قادرة ترقد تفكر بموزة و بنفسها وبغانم وبمحمد الله يرحمه وكل الأيام اللي راحت وكل الأحداث اللي صارتلها
,لفت وشافت خليفة راقد قامت وطلعت من الحجرة وراحت حجرة ولدها وباسته ع راسه وغطته وطلعت بهدوء
وردت الحجرة مرة ثانية بس دخلت الحجرة اللي ملاصقة لحجرتهم وشافت بنتها راقدة بطمأنينةابتسمت بحنان
وباستها ع راسها وغطتها زين وطلعت , وقعدت على الشبرية وقامت مرةثانية شربت ماي.

خليفة بهدوء:شوفيج؟.

سلامة: مب راقد؟.

قعد خليفة: كيف ارقد وانتي مب رايمه ترقدين و شوفيج شو شاغل بالج؟.

قعدت سلامة عداله:ماشي.

خليفة:متأكدة؟.

سلامة: هيه.

سكتو انسدح خليفة مرة ثانية وسلامة تفكر بخليفة اللي صبر عليها وتحملها بكل عيوبها وحسناتها ابتسمت.

سلامة:خليفة؟.

خليفة:ممممم.

سلامة بهدوء:أحبك.

قام خليفة:شو؟.

سلامة تضحك: هاهاهاهاأحبك.

خليفة ابتسم بعذوبة : أخيراً يا سلامة أخيراً قلتيها , من متى وأنا اترياج تقولينها أخيراً , وأنا بعد أحبج موت.

و ضحكت سلامة.

( النهاية )

{ تنتظر كلمة أحبك شايفك مشغول فيها كل شي بوقته حلو ليش مستعجل عليها بكره هي اللي تجيك
و تمر كل لحظة عليك انت بس طولي بالك كل شي بوقته حلو ... في ثواني في دقايق في شهر وإلا سنة القلوب هي اللي تحكم
ما هو أنت أو أنا ينولد حبك وحبي وأعشقك ياروح قلبي أنت بس طولي بالك كل شي بوقته حلو ...
خلنا نفهم بعضنا قبل ما نهوى نظيع ما بعد برد الشتاء إلا نسمات الربيع و
وعدك كلمة أحبك منها ما يمل قلبك أنت بس طولي بالك كل شي بوقته حلو .. } . __DEFINE_LIKE_SHARE__

Ro7 8lby#! · 08-07-2012, 08:34 PM

مرحبا

انا نقلت هذي الروايه

لانها احلى روايه قريتها

يمكن ف اللي يقول انها مب حلوه وايد

بس انا عيبتني انها ما حذتها وايد للخيال

و الشي اللي نحن ما نقدر نعيشه

ان نهاية الناس اللي نحبهم هو:

المووووت#!

الله يطول باعمار اليميع

راح أتريا ردودكم

^_^ __DEFINE_LIKE_SHARE__

برستيجي · 08-11-2012, 02:59 AM

الصراااحه انا عيبتني هالرواية و قريتها فوووق 5 مرااات او اكثر و تسلمين ع القصه __DEFINE_LIKE_SHARE__

Ro7 8lby#! · 08-11-2012, 06:06 AM

المشاركة الأصلية كتبت بواسطة برستيجي

الصراااحه انا عيبتني هالرواية و قريتها فوووق 5 مرااات او اكثر و تسلمين ع القصه

الله يسلمج و يسلم غاليج و مغليج يالغاليه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
موسيقى " هي دي هي " للعندليب عبد الحليم حافظ : روءية و ابداع عمار الشريعي !	محروم.كوم	منتدى أخبار المواقع والمنتديات العربية والأجنبية	0	06-10-2012 08:10 PM
الافراج عن منتظر الزيدي	محروم.كوم	منتدى أخبار المواقع والمنتديات العربية والأجنبية	0	09-16-2009 08:10 AM
أشتريه ولا أنتظر ؟؟؟	محروم.كوم	منتدى أخبار المواقع والمنتديات العربية والأجنبية	0	09-06-2009 07:30 PM
مطلوب برمجة سكربت روليت و قمار	محروم.كوم	منتدى أخبار المواقع والمنتديات العربية والأجنبية	0	04-21-2009 06:21 AM
روآية \|\| بدونك كـل حياتي ولا "شــــي"! \|\| " سعوديه روعه ورومنسيه وجريئه "	روح الفارسه	قصص و روايات	7	01-17-2009 08:25 PM