رّوآيه " هآيـم فيّ بحـر آلشّوق وُ لذة هيآمك " - الصفحة 362

noofi88 · 08-18-2013, 12:42 AM

متى بتنزليه حبيبتي __DEFINE_LIKE_SHARE__

روح الخيال 97 · 08-18-2013, 04:10 AM

‏"@katbt_uae: ان شاءالله باجر اقدر اكتب واكمل البارت وبنزله لكم . . ودي اكتب أكثر اليوم لان فيني الهام لكن الدكتور قايل لي من احس ب عوق لازم انسدح __DEFINE_LIKE_SHARE__

«ضَحِيًة حِبُيًبُيً ..}● · 08-18-2013, 09:26 AM

.

.

.

البارت الـ 45

اصعب رمضان مري علي هالرمضان . . كان اول رمضان اعيشه بدون يدي . . كان صعب علي حيل ويموت حيل خاصه ان نحن ف رمضان دايما فطورنا في بيت الغالي يدي الله يرحمه . . وفوق هذا صعب لاني كنت اربي ولد مش ولدي واحاول اخلي الكل يتقبله خاصه انه الكل كان يطالعه بنظره شفقه وانا كنت ارفض هالشي واحارب عشان ماشوف النظره هاي ف عيونهم لـ حمد . . ولد وليد . . يدوه اكثر وحده تقبلته او بالاحرى من عقبي احس هي الوحيده الي اقدر أمن عليها حمد واخليه عندها بدون ما اخاف ولا احاتي وخاصه ان حمودي حتى تعلق فيها وهالشي وايد مريحني لانه لاصق فيني بشكل مش طبيعي واذا كان يصيح ما يسكت الا لو شافني . . حتى امي حبت حمد وااايد لكن امي وايد شرهت ع وليد وزعلت عليه حييل وتمت فترررره لين رضت وكلمته ورضت ب حمد . . بخصوص بنات عمي بعدهم شوي شوي قامو ياخذون ويعطون معااه لكن ادري الحب بعده ما انزرع . .

لكن حمد حبيبي تعود علي وايد . . صار يصبح ويمسي وهو كل بين احظاني . . يمكن فقدانه لامه وهالشي حيل كبير خلاه يتلصق فيني ويخاف يتلصق ف غيري . . تقبل وليد بصعوبه وتقبل وليد لكنه ماتقبله التقبل الكبير الي تكون بين علاقه الولد وابوه . . خاصه يمكن لان وليد بعده مش مستوعب ولا قادر ولا يعرف بالاحرى كيف يعطيه ويعوضه . . بس مشاعري لهالولد صادقه . . صرت مارضى عليه وعيني ترقبه طول الوقت واخاف اذا غاب عن عيني دقيقه . . ّ !

العيد مر على العايله صعب حيل . . محد فينا كشخ ولا حد فينا فرح للعيد بسبت غياب ابو العايله الله يرحمه ويغفرله . . اكتفينا بتبريكات وابتسامات . . لكن محد كشخ فينا و لاحد حس بطعم الفرحه . .

انا اطالع عيونه واسكر فصم قميصه من دون ما شوفهم . .

وليد مبتسم : حبي . .

انا : همم . .

وليد يطالع قميصه : شوفي مهببه الدنيا انتي . .

انتبهت للقميص شفت اني مطوفه كم زر ورافعه زر ومخربطه . .

انا ابتسم ورديت ابطل . . من بطلت ازرار القميص كلها جان يحظني بقوه وسكر علي القميص بايده . .

وليد : ياريت يصير جييه . .

تميت حاظنته بقوه . .

وليد : حبي عاااد . .

انا : اول مره بتتركني جي . .

وليد : برجعلج ان شاء الله . .

نزلت دمعتي . .

وليد يحاول يبعدني لكن ارص عليه . .

حمود يدق الباب ومن دقته البسيطه عرفته . . انا معلمتنه كيف يدق فديته . .

خزت عن وليد وصديت صوب الباب اطالعه حمودي وهو يدش . .

وليد يمسك ايدي : طالعيني . .

انا ابتعدت عن وليد ورحت صوب حمودي : شو حبيبي . . شو تبا . .

حمود : ابا اكلم مااااماه . . سويلها تلفون . .

انا : ليش حبيبي شو فيك . .

حمود : بسسس

انا : ان شاء الله . .

مسكت تلفوني ودقيت لامه وعطيته الفون وطاح ع سريري وقعد يكلمها . .

ما قلتلكم عن امه . . وليد حجزلها ف ألمانيا تتعالج والحمدلله تستجوب للعلاج وصحتها وايد بدت تتحسن . .

قعدت اسمع المكالمه من دون ما اشوفه عشان اطمن انه مافيه شي . . والحمدلله بس جي يسولف ويا امه مافي شي . .

وليد كان يعابل ف شنطته . . انتبهت له وقمت . .

وليد يطالعني : حطيتي لي مكينه الحلاقه

انا : هيه . .

وليد : انزين ما بتكملين " يطالع فصمه "

قمت صوبه وسكرت فصمه هالمره عدل . .

وليد : ماوصيج ع روحج . . كلي عدل شوفي روحج كيف صايره من قلله الاكل . .

انا : ماعليك مني انت اهم شي دير بالك ولا تفوت وجبه وحده سمعتت

وليد : شو ماعليك مني بعد . . علي ونصص . . " يرفع راسي بصبعه " بدقلج كل وقت . .

انا : انزين . .

وليد : لا ترقدين اهني بروحج . . روحي تمي في بيت امج اهناك تتسليبن ويا عنود وصقور وعنود . .

انا : ان شاء الله . .

وليد يبتسم : شهر بس ورادلج . . " يقرص خدي "

انا اطالعه وابتسم غصب . .

صديت صوب حمودي كان يلعب بالايفون . .

وليد يحط ايده ع بطني : انتبهي ع الي اهني . . بيصادف موعد مراجعتج وانا محد . . خلي شهاب يوديج مش تنسين . .

انا : ان شاء الله . .

" يشوف ساعته "

وليد : يالله بروح أسلم ع يدوه عشان ألحق اروح المطار . .

تلفونه يرن . .

وليد : ها اكيد شهاب . .

سرت صوب تلفونه وشفت شهاب الي يدق ورديت . .

انا : هلا شهاب . .

شهاب : شهالصوت الحزين ههههههههه

انا : جب . .

شهاب : وينه ريلج . . يالله بطينا . .

انا : يالله شوي بس

شهاب : اترياه عند يدوه قوليله

انا : ان شاء الله . .

وسكرت عنه ورحت صوب وليد كان يتعطر ويلبس ساعته ولبس كابه . .

تم يشوف عمره ف الجامه وحطا ايده ف جيبه ونزل راسه . . ابتسمت وانا اشوفه . . دايما لما يندمج ولما يبا يتذكر شي او يفكر لا ارادي يسوي حركته المعتاده بدون ما يحس . .

تم جي فتره لين سرت صوبه وجابلته ف رفع راسه وطلع ايده . .

انا : لا تحاتي ما نسيت شي . . كل شي موجود . .

وليد يطالعني : قلبي معاج . .

تقرب مني وباس يبهتي بقوه وتم فتره عقب بسرعه سار صوب حمودي وباس راسه وشل شنطته وطلع . .

ادري انه ما كان يباني اشوف دموعه . . تنهدت ب ضيج ويلست ع السرير وحاطه ايدي ع بطني . . مع اني دشيت الشهر السادس بس للحين ما يبين علي ابدا اني حامل ولا طلع بطني شرات باقي الحوامل الا شي بسيط . .

انا : راح ابوج ريومه . . " غمضت عيني وتمت تنزل دموعي بسكات "

تقرب مني وهو يمسح دمعتي بايدينه الصغيره . .

حمودي : ماما ليش تصيحين . .

انا اطالعه : حبيبي انته " حظنته " . . عشان بابا سافر . .

حمودي : سافر عند ماماه ؟

انا اطالعه : هاه . . لا . . سافر عنده شغل . .

حمودي : ليش ماسار عند ماما . . ماما بروحها . .

تميت اطالعه . .

حمودي : انا ابا اشوف ماماه . .

انا : ان شاء الله ماما بتستوي زينه وبتي اهني وبتشوفها وبتيلس وياها وايد انزين . .

حمودي : لا تصيحيين . .

انا :حبيبي . . ما اصيح . . " مسحت دموعي " خلاص جوف . .

حمودي يبتسم . . : نرووح عند صقووري

انا : تبا تروح عند صقوري . .

حمودي يهز راسه ب هيه . .

انا : يالله قوم خل نبدل ملابسك اول بعديين . .

ورحت حجرته الصغيره . . وطلعت ملابسه وقعدت ألبسه واكشخه واعطره . . وبدون ما احس دموعي تنزل . . فراق وليد صعب علي . . قاعده ااحاول اكابر بس مش قادره . .

عقب ما لبسته . . لبست عباتي لاني لابسه جلابيه قصيره وماقدر ابدل . .

طلعنا لين الحوش ولما يييت ابطل الباب دشت علي ام وليد . .

انا بصدمه : بسم الله . .

ام وليد تشوفني من فوق لين تحت .

انا : خالووووه . . شحاالج . .

تقربت ببوس راسها لكنها دزتني . .

انا منصدمه اطالعها . .

ام وليد : توه وليد ما مداه سافر اظن حتى ما طار وانتي بديتي لعووبج . .

انا اطالعها باستغراب ! شسالفه بلاها . .

انا : شفيج خالوه . .

ام وليد : انتي تتحريني انا راضيييه عليج ؟ ولا راضيه عن زواجج ب ولدي ؟ هتي ولعبتي خرابيطج مع ولد عمج سيف ولما مليتي علقتي قلب ولدي فيج . .

انا انصدمت من كلامها . . هاي بلاها غابت غابت واحين راده بقوه يايه حق المشاكل . . انا بروحي مش ناقصتنها ولا ناقصه غيرها . .

ام وليد تطالع حمودي : ها ولده . . هه اكيد معيشتنه ب مرر . .

انا : خالوه انا من عرست وخذت وليد انتي مازررتينا ولا ييتي وما سلمتي حتى علي وداشه تعقين علي كلام فجاه ليش . . شسويت . . شلي شفتيه مني . . الولد انا الي رضيت فييه ودخلته بيتي قبل وليد

ام وليد : بيتتتتتتتتتتتج ؟؟؟ ههههههههههههه بيت منوو ؟؟؟ قصدج بيت ولدي وبيتي

انا اطالعها . .

ام وليد : سااايره تشوفين ولد عمج ؟؟؟

انا اغمض عيني بعصبيه : استغفر الله . .

ام وليد : روحي روحي لمكان ماكنتي بتروحين . . حسابج لما تردين . .

طلعت من البيت وانا ماسكه ايد حمود وسرت بيتنا . .

اول ما دشيت ركض الولد وحظن حمودي وحمودي يحظنه . .

انا ابتسم : ما بتبوسني . .

صقوري : محححححااااري

انا : ههههههه عيون محاارري

صقوري : بنلعببببب بررررررع

انا : فالحوي بس انزيين

صقوري وحمودي ركضو طلعو . .

انا زقرت الخدامه وخليتها تطلع وياهم برا . .

دشيت داخل ماجفت حد فالبيت . .

انا : اميييه . . " ازاعق " اماايا . .

دخلت حجرتها شفتها تصلي . . انسدحت ع سريرها ومسكت تلفوني شفته مطرشلي مسج " احبج , سامحيني ماتحمل هاللحظات " . .

طرشتله مسج " الله يردك لي بالسلامه . . مكانك خالي من الحين "

" بتمر الايام بسرعه وبردلج "

" ما بتمر بسرعه بتكون صعبه علي "

" عديني موجود يمج وحواليج "

" وانت عدني شابكه بايدك وين ما تروح "

" فديت ام ريم "

ابتسمت ومارديت عليه . .

ماما : اميه . .

انا : ها ماما . .

سرت صوبها وبست راسها . .

اميه : صليتي حبيبتي . .

انا : هيه فالبيت . .

اميه : راح وليد ؟

انا : هيه . .

اميه : الله يرجعه بالسلامه ان شاء الله . .

انا : اميييين يارب امين . . وين عنود عيل ؟

اميه : طالعين هي وعبدالله يودون عنود الصغيره المستشفى عشان الحساسيه . .

انا : هيه فديتها . .

بدلت عباتي وانسدحت ع سريرها . .

انا : اميه برقد احس روحي تعبانه . . وعيني ع صلاه العشا . . وتحملي من حمود الله يخليج

اميه : زين ماماتي . .

وسكرت علي الليت وطلعت . .

تميت استغفر بصوت مسموع عشان مافكر وماخلي مخي يفكر . . قعدت استغفر لين رقدت . . .

عنود دشت علي : مهوور . . " تمسح ع راسي "

انا افتح عيني بصعوبه : هاه . .

عنود تطالعني : تعالي شوي برا . .

انا : ليش . . شسالفه

قمت وطلعت وانا اسمع صوت حمود ميت من الصياح . .

انا سرت صوبه وشفت ايده بكبرهااا دم وشوي صوب يبهته وريوله . .

انا اشهق :شوووووووو فيييييه . .

امييه : الشغاله تقول طاح من ع السيكل . .

انا احظنه : بس حبيبي بس . .

عبدالله : هود هود . .

طنشته وانا اطالع عنود : خل عبدالله يوديني وياه المستششفى . .

عنود : يالله قومي البسي . .

دخلت حجره امي لبست عباتي بسرعه ورديت طلعت وانا شاله حمود . .

اميه : مش زييين يا اممممميه هدييييه انتي حامل ما يستوي تشلينه . .

من شليته وقف صياح . .

عنود : مهور مش زيين لج نزلييييه . . مافيه شي تعور بسييييط . .

عبدالله : هاتيه انا بششله

انا : خلووووه خلوووووه خلااااص . . يالله عبدالله الله يخليك بسررررررعه . .

ركبت معاه ورحنا المستشفى ولفو له ايده ب لف وحطوله لصق ف راسه . . ومافيه اي شي الدكتور قال بس شروخ بسيطه جدا . .

من رجعت من المستشفى ما رحت بيت امي . . رحت بيتي ع طول . .

من دخلت شفت ام وليد فالصاله يالسه تشوف تلفزيون ومن شافت حمود شهقت ويت يسرعه . .

ام وليد : بلااااااااااااااه . . شووووووووو فييييييييه . .

انا : طاح من السيكل

ام وليد : حسسسسسسسسسسسسبي الله علييييييييييييج حسبي الله علييييييييج . . من ساااااافر وليد توه اول يوم جسحتتتتتتتتيي الولد . .

انا اطالعها منصدمه مستغربه منها ليش تدعي عليه بلاها هاي تخبلت ع حسابي . . حشمت عمري وسكتتتتتت ما قلتلها شي . .

حمود يخوز عنها ويتلصق فيني . .

ام وليد : تعال حبيبي انا يدوووه . .

حمود يخش راسه ف عباتي صوب ريولي . .

ام وليد : ع الي تسوووووينه فيه يالمجرمه يحبج ولاصق فيج حرام عليج

انا بعصبيه واضحه : خالوه لو انا مأذتــــنه جاااااان م تعلق فيني دقيييييقه مثل ما تشوفينه الحييين

ام وليد : امه محد وابوه محد لازم انتي بتكونين له الاقرب . .

انا : لا حول ولا قوه الا بالله العلي العظيم

ام وليد تصارخ : تعصبين علي انتي اونج . . انتي ويهج لازم يكون ف الارض وانتي تكلمييييني كفاياا شلج ولدي من اللوث الي كنتي فيه ورفعج . .

انا انصدمت وتميت اطالعها بصدمه . . : اي لوث ترمسين عنه احترمي نفسج . .

ام وليد تعطيني طراق بقوه : انا تقوليلي احترمي نفسج ي حيواااانه يلي مش متربيه . . ( ادزززززني ع ورا ) اطلعيييي برا برررررررررع . . لا تين اهني ليييين ييي ولدي . . بررررع

انا امسك بطني: انا حاااااامل . . لا ادزيني بهالطريقه

ام وليد : وتراااددييني وبقوات عيين . . امفففف ع هالتربيه الوصخه . . تففففف والله تفففف . . اطلعي بررررررررع . .

بطلت الباب وسحبت حمودي بقوه صوبها جان يصيح . .

حمودي : مااااااباااا . .

ام وليد : ها ما يتأمن معااااج بيتم معاي . .

حمود يدزها : ماااااااابااااا . . مااااااااماه . .

مسكت حمودي من ايده الي ما تعوره . . : وليد مأمنه عندي انا ما أمنه عند حد ثاني . . تبين تشبعين ف البيت اشبعي فيه لكن حمود ما تمسين شعره من راسه . .

وسحبته بشويش وطلعنا برع . . وسكرت الباب بقوه وهي تسب وتدعي علي . .

حسبي الله ونعم الوكيل . . جني جد ناقصه مشاكل الحين . .

تميت ف الحوش ويا حمودي الي يحظني ويصيح . . انا جد اخاف انه يتعقد . . انزرع فيه خوف مش طبيعي . . امه تركته فجاه وفجاه دخل ف حياه شخصين ما يعرفهم . . بالقو اتقبلوه اهلي وكان شي غريب عليه من بعد ما كان وحيييد 5 سنين وبس مع امه ولا خالط المجتمع . . كل شي يخوفه كل شي . . عشان جي ماباه يسمع صراخ ولا يشوف مشاكل ولا يعاني . . قسم بالله صرت اموت فييييييه مارضى عليه . . مول ما يهون علي . . مع ان الفتره الي عاش فيها معاي وجيزه لكن قلبي ميت فيه . . انا الي بسبت حمالي اقاوم واداوم واروح الكليه لكن اذا هو تعبان ولو شي بسيط ما اخليه واطنش الكليه بكبرها . .

سيف يدش الحوي : بنت عمي . .

انا اطالعه . .

سيف : شصاير . . من الي كانت تصارخ ؟ انا راد من المسيد واسمع صراااخ صوبكككم

انا عيني ع حمودي : محد . . ماشي . .

سيف: شصاير بنت عمي تكلمي . .

ام وليد بطلت الباب : ههههههههههههههههههه وتقوليلي وليد مأمنج ؟ على طول اتصلتي فيييييه وفزعلج ؟؟ والله ما اخلى الموضوع يعدي ع خير والحين بتصل ف وليد

غمضت عيني بغيض . . ولما فتختها شفت سيف مطلع تلفونه ويتصل ومد التلفون وسار لين ام وليد . .

سيف : اندووووووج . . كلمييييييه . . قوليله . . ياالله رمسيه ولا تبيني انا ارمسه

ام وليد تمت تطالعه وعقب سكرت الباب ف ويهه .

سيف يطالعني ورد يا صوبي : بلاها هاي . . ليكون مطلعتنج برا

انا : لا . . روحي طلعت

سيف يطالعني : جذابه والله . . مطلعتنج عيل . .

انا اطالعه : سيف دخيلك مابا حد يعرف بالموضوع بكبره . . مابا حد يعرف ان ام وليد رجعت وموجوده ف البيت . .

سيف يطالعني وعاقد حياته : ليش ان شاء الله . .

حمودي : مااامااا . . يعور . .

انا : حبيبي انته . . ـ تعال بنسير عند يدوه . .

سيف يمشي معاي : ليش تسكتين عنها . . ليش ما تبين حد يعرف ويوقفها عند حدها

انا :مهما كان سيف تبقى ام ريلي وعيب . .

سيف : شو الي عييييب . . " يجابلني " كلميني قاعد اكلمج . .

انا : سيف دخيلك . . الي فيني كافيني والله . .

سيف : اذا انتي ماترومين تواجهينها وراج ريااييل . . عمي سعيد لو درا والله يشرشحهاااا من مكاااااانها

انا : وعشان جي ماباه يدري ولا ابا حد يدري . . صدقني بتشره علي اكثر وبتكرهني اكثر ومافيني انا ع الصدعه والمشاكل والله سيف مافيني . . اول الغالي رحمه الله عليه يصبرني ويخليني اتحمل ويهون علي كل شي لكن الحين انا ماقدر اتحمل لو شعره ع ويهي والله ماتحمل شي . . تبا تريحني ؟؟؟ بس سو الي اقوله . . انا ماهامتني هي وبيت امي موجود واصلا وليد قالي اني ماقعد فالبيت واروح اتم في بيت امي . . ف خل السالفه تمر لين يرد وليد دخيييييييلك . .

سيف يطالعني : بسكت عن الموضوع بشرط . .

انا اطالعه : شو . .

سيف : انج تخبريني لو أذتج ولو سوت اي شي . .

انا : ان شاء الله . .

سيف : وعد . . تعرفين شو معناه الوعد . .

انا : ان شاء الله سيف خلاص . .

ومشينا كملنا رحنا بيت يدي الله يرحمه . .

كانت عميمه نوره قاعده فالحوش ويا يدوه . . حمودي ركض صوب يدوه وحظنها . .

عميمه : اوه اوه مهره وسيف يايين مع بعض

انا ابتسمت : السلام عليكم . .

سيف : السلاام عليكم . .

عميمه + يدوه : وعليكم السلام والرحمه

عميمه تبتسم : من زماااااان ما شفتكم داشين مع بعض . .

ابتسمت بتعب . .

يدوه : بلااااااه شو مستوي في ايده ويهه . .

عميمه نوره : فديت روحه خبرتني عنود طاح من ع السيكل ومتعور .

يدوه : ياااااالله فديييته بسم الله عليييييييه . .

انا : عميمه انا بروح اصلي العشا ما صليت دخيلج عميمه دخيلج

عميمه نوره تقاطعني : والله ما بقوم عنه لين تردين وبشوفه لا تحاتين حبيبتي روحي صلي

انا : الله يخليج عميمه دقيقه لا تغفلين عنه

عميمه تبتسم : روحي يا اميه روحي صلي شكثر تحاتين

رحت عنها صليت العشا وحسيت بدوره ف قعدت شوي . . طلعت بعدها وعيني نظرت الصاله وبالضبط ع مكان الغالي الله يرحمه . . ها الوقت يكون مصلي العشا ومخلص ومجابل التلفزيون ويا يدوه يسمع من دون لا يشوف . . واحيانا يغفل بدون ما يحس . .

ابتسمت وكنت يايه اروح صوب حجرته لكن شفت سيف دش الصاله ف تراجعت . .ادري لو دخلت الحجره بنهار ومابسكت . .

قعدنا عقب كلنا فالحوش وتعشيت عند يدوه . .

يدوه : وصل وليد . .؟

انا : لا يدوه بعده . . 11 ساعه تقريبا ف الطياره . .

يدوه : لا ترقدين فالبيت بروحج اميه . . ارقدي عند امج ولا عندي . .

انا : هيه برقد عندج اليوم ماقدر امشي خلاص ظهري يعورني . .

تصددت جان اشوف سيف كان يطالعني . .

ابتسمت ابتسامه بارده بعدها قام . . باس راس يدوه : يالله تصبحون ع خير . .

وطلع بعدها . .

دشينا االصاله بعدها وشغلنا التلفزيون وحاطين طبعا رسوم حق يدوه . . احلى شي يضحكني ان يدوه تحط رسوم حق حمود وادس الريموت عشان لو حد بغا يبدل تقولهم ضايع هههههههههههههههه وانا زخيتها مره وهي اتحط الرسوم وتدسه بين المخدات فالصاله عدالها . .

يندق الباب . .

ميره : السلام عليييييكم . . " شاله ولدها خلودي "

شماني : السلام عليكم . .

انا وعميمه ويدوه : عليكم السلام والرحمه . .

دشو ميره وشماني وعقبها ب ثواني دخلو شيخه وخلود ورقوي وشهود . .

انا ابتسمت . . عرفت سيف خبر ميره عشان ميره تخبر الكل ويون . .

ميره تطالعني : هيه هيه الي مر ف بالج صح . .

انا : هههههههههههههههههه . .

رقوي : شوووو الي ف بالها . .

عميمه نوره : خلاااص مهور دام يووج البنات انا بروح ارقد . .

انا ابتسم : نوم العوافي عميمه . .

وراحت عميمه . .

يدوه : حمودي قوم حبيبي خل نرقد . . بترقد وياي .؟

حمودي يهز راسه ب هيه . .

انا : صبري يدوه بنش أغسله وألبسه . .

يدوه : يلسي يلسي . . فيني حيل انا . . والله ما تنشين جييي عيوز قالولج

انا ابتسم . .

وراحت يدوه الحجره . . وطبعا عنده ملابس ف حجرتها لكن انا المصيبه كيف برقد وماعندي شي وماقدر اطرش حد من البنات ييب لي لبس . .

عميمه شوي وطلعت : مهور . .

انا : ها عميمه . .

عميمه : خليتلج ف الحجره كم تيشرت بيون قياسج وسااع . . دبري روحج فيهم اليوم مبين عليج التعب لا تروحين البيت تيبين لج شي وانا ما بقفل باب حجرتي لوتبين شي تعالي دشي رقادي ثجيل ما احس . . كريم لوشن اي شي انزين حبيبتي

انا ابتسمت : فديتج عمووووه . . الله يخليج لي . .

ميره : انا برقد اهني شكلي اليوم بشوف عميمه كيف بداريني

عميمه : جب جب خل ندلعها حليلها ريلها محد

ودخلت حجرتها . .

رقوي : مهووور . .

انا : هاه . .

رقوي : هاتي فونج شوي . .

عطيتها . .

رقوي ادق . . : الووو . . لحظه لحظه . . مهور وين الريموووووت . .

انا ابتسمت : دوريه روحج . .

رقوي : ريموت يدوه كله ضايع . . شيخو انتي حذال التلفزيون قصري شوي . . ما اسمع

رقوي كانت حذالي جان اشل سماعه وحده حطيتها ف اذني وهي سماعه . .

رقوي بصوت واطي : شو تبين

انا : جب يوم بتعرسون ما بسمع احين لا . .

شهاب : الوووو !!!!!!!!

رقوي : هااااه بلاك تصارخ

شهاب : شتبين . . اتحرا اختيه لو انتي جان مارديت عليج

رقوي : جب جب انزييين . . وينك انته ؟ ع اساس بتسير المطار وبترد . . ؟؟

شهاب : ليش مطار ابوج لاصق حذالنا ؟

انا : ههههههههههههههههههههههههههههه

رقوي : باي . .

شهاب : باي

رقوي : لا والللللله

شهاب : هههههههههههههههه

رقوي : يالللللللله رد بسرعه

شهاب : اطييير يعني اطيير . . كاني فالدرب

رقوي : خذ لك عشاا وانت راجع . . وهاتلي عشا يوعانه " تطالع البنات " تبون شي . . لا مايبون . .

انا : حيوانه ما ردو اصلا

رقوي تحط ايدها ع حلجي . .

شهاب : شتبين . .

رقوي : ماكدونالدز . .

شهاب : ان شاء الله . . .

رقوي: صدق بتيب لي . .

شهاب : لاني يوعان بييب ولا ماكنت بمر

انا ابتسم وبصوت واطي : جذاب ترا ما يحب ماك . .

رقوي ابتسمت : اححححححححلفي . .

شهاب : شو ؟

رقوي : ها . . لا ما شي . . انزيين هاتلي اثنين . .

شهاب : ان شاء الله ان شاء الله . . يلا بندي . .

رقوي : انزين شهاب

شهاب : امري . .

رقوي : . .

انا ابتسمت لانها استحت . .

شهاب : شتبين يالنشبه يالصدعه ي الياهل

رقوي : والله انت ما تستحي اصلا

شهاب : بعد انتي بالكلام الزين تسكتين وبالشين لسانج شطوله شسويلج بعد

رقوي : خلاص خلاص لا تيب لي شي مابا منك شي

شهاب : وفرتي . . يالله قلبي ويهج

رقوي : جلبي جلبي مش قلبي

شهاب : عاد انا كيفي قلبي جلبي الي اريده بقوله

رقوي: الي اباه بقوله

شهاب : وش ذي . . وش تبين انتي بكلامي انا حرر

رقوي : انزين لا تيب لي خلاص مابا شي

شهاب : اوكيه قلتلج ما نيب جايبلج شي

انا : وفديت لهجته انا ههههههه عسل

رقوي : باي

شهاب : باي . .

وسكرت . .

رقوي : والله اخوج جاف وياي ترى . .

انا : ههههههههههههههه زين يسوي فيج . .

شهود يت صوبنا : شـ تحشون . .

انا : شعندها طبعا هاي غيير سيره شهاب . .

ميره : افففف ما بغا يرقد ماشاء الله عليه صياح صياح . . وابوه مووووووول ما يسوي شي

شهود تشهق : ي قاسيه حرام عليييييييج . . والله ي مهور ان مايد 24 ساعه متحمل من ولده وشالنه حتى فالليل لما اسهر و خلود وشيخه فالصاله يطلع وهو شالنه وهي راقده . . اليوم بسس متحمله منه لان مايد مريض وماتبا يعاديه . .

شيخه : احسن هاييل الحريم ولا بلاش . .

خلود : ي حيوانه ها اخوج . . مأذيه اخوج

ميره : وانا بنت عمها انزيين

شيخه : ما يخصه اخوي ولا مش اخوي الرياييل يستاهلون خل يعانون شوي كله ع راس الحريم

انا ابتسم : تعجبيني انتي ترى . .

رقوي : وااااااه فديت شهاب انا بشتري راحته بسويله كل شي . . حتى يوم راسه يبحججه انا بحجج بداله . .

شماني تبتسم : ههههههههه . .

انا : شماني شصار ف الموعد البارحه ما قلتي لنا . .

شماني تبتسم : الحمدلله مكمله العلاج صح والدكتوره وايد وايد شاطره و وايد عاطتني امل . . " تطالع شهود " والله ي شهد ف كل صلاه ادعيلج لانج وديتيني لها . . وحاسه اني بحمل جرييب حاسه . .

الكل : يااااارب ان شاء الله يارب . .

شماني يرن تلفونها . . : الو . . هلا مروان . . هييه . . برا ؟ خلاص ان شاء الله . . يالله بنات انا بروووح . . سوري مهاري كنت ابي ارقد وياكم اهني بس مروان ما طاع . .

ميره : طبعا لازم يرقد ف حظنها ههههههههههههههه

شماني : ايييييه يا ماصخه . .

ضحكنا عليها . .

شماني : يالله تصبحون ع خيير . .

انا والبنات : وانتي من اهله . .

ميره : رقوي تعالي شلي خلود عني وديه الحجره . .

رقوي : ماروم . .

خلود : هاتيه انا بوديه . .

وشلته وسارت . .

شماني تدخل : مهوور . . مروان يبا يسلم عليج . .

نشيت و وقفت عند باب الصاله ما طلعت لاني مارمت البس عباتي . .

انا : هلا ولد عمي . .

مروان : بنت عمي السلام عليج

انا : وعليك السلام والرحمه

مروان : شخبارج . . شو الفراق هين ولا ؟

انا : ههههه الحمدلله ع كل حال . .

مروان : بنت عمي لو شي قاصرنج ولا محتايه شي حتى لو بنص الليل دقي والله لا يردج الا لسانج . .

انا : ماعليك قصوور . .

مروان : صدق والله لا تترددين ترا ريلج موصنا عليج وقايلنا ودوها لو القمر لو تبا

انا : هههههههه . . ماتقصر ولد عمي . .

شماني : صدق مهاري لا تستحيين . . اي شي تبينه دقي . .

انا : تسلمون الله يخليكم لي يارب .

مروان : خلاص عيل وداعه الله وتصبحين على خير . .

انا : وانت من اهله الله يحفظكم يارب . .

ودخلت بعدها داخل و حطيت راسي ع ريل ميره تمت تلعب بشعري . . من سالفه مروان ويا البنت هايييج وانا متغيره عليه . . ادريبه انه ملاحظ اني متغيره ومش شرات قبل ابتسم له واخذ واعطي . . كان من اخوان سيف هو اقرب واحد ودوم يفزعلي ف كل شي . . وياما وقف وياي ضد ابوووه . . عمي حمد , لكن بعد مادري مش بايدي . . ان شاء الله مع الايام اكيد اني بقدر ارد شرات قبل وانسى . . لاني شفت دموع شماني وانهيارها وشفت كيف بنت هاديه تحولت لحظه لوحش . . يمكن عسب جي . . لكن صدق احين احسن عن قبل يعني . . اول ما استوت السالفه كنت ارد عليه ب سلام واروح . . مع الايام قمت ما احسسه لانه نظراته وندمه باينه عليه ف عسب جي . . المهم ماعلينا . .

رقوي : واخيرا حصلت الريموت . .

وطولت وقعدت تبدل وحطت لنا فلم . .

قعدنا نشوفه . .

شهود تحط مخده حذالي وترمس بصوت واطي والباقي مندمجين بالصوت العالي للتلفزيون : مهور . .

انا : هاااه . .

شهود تطالع بطني : شو شعورج وانتي حامل . .

صح نسيت اقولكم شهود حملت وعقت مسكينه . . فجاه حست بعوق ولما راحت قالولها ان الي ف بطنها طاح . . كان بعده مكمل شهر ونص تقريبا . .

انا : مممممم تبين الصدق ؟ ما احس اني حامل هههههههههههه

شهود : احين فالسادس مادري السابع ماشاء الله وماتحسين . .

انا : هيه والله شهود بعدني . . احس انا الخبله المينونه ام لسان ويني وين العرس ؟ ويني وين الزواج ؟ ويني وين الحمل ؟ متى كبرت ياخي جي فجاه وعرست وحملت . . احس حياتي كلها مرت ب دقيقه والله شهود . .

شهود تبتسم : هيه والله . .

انا : ليش تسالين . . تبين تحملين . .

شهود : تبين الصدق . . لا . .

انا : ادري باين عليج . .

شهود : ابا اتهنى ويا راشد . . بعدني ماشبعت منه . .

انا مبتسمه : شو حياتج ويا راشد . . كيف اوضاعكم ؟ احس رشود بلييييييد ما يسوي شي ولا رومانسي ولا عنده حركات ههههههههههههههههههه . .

شهود : هو من ناحيه بلييد فيه من البلاده شوي . . لكن رومانسي ماعليج وعنده حركات " تبتسم " حركات غاويه بعد . .

انا : والله ؟ ما يبين يختي ههههههههههههههههه . .

شهود : مرره من المرآآآت كنت ف بيت اهلي تامه جان يتصل فيني فليل وقالي البس عباتي واطلع له . . كنت ببات عندهم . .

انا باندماج ومبتسمه : انزين . . كملي . .

>

<

>

شهد طلعت من البيت وشافته واقف ومتساند ع الباب الجدامي الي هي بتقعد فيه . .

شهد : بسم الله عليك . . فيك شي حبيبي . .

راشد تم يطالعها وابتسم وحظنها من دون لا يقول شي . .

>

<

>

انا : لحظه لحظه . . قبل لا تكملين . . كيف حظنج . . " فاجه حلجي "

شهد : ههههههههههههه جي فجاااه اول ما ييت صوبه وسالته فيك شي ابتسم ومسك ايدي وحظني . .

انا فاجه حلجي : ماصدق ولد عمي هالجبان البريئ

شهد ميته ضحك : ههههههههههههههههههههههههههه

انا : ككمممملي . .

>

<

>

شهد تحظنه بقوه : شو فيك . .

راشد : بس مشتاق . . مايحق لي ؟

شهد : ههههههه اشتقتلي . .

راشد : موت . .

شهد : ياويييلي انا . .

راشد يجابلها : انا بخطفج . .

شهد تطالعه . .

راشد : ياي عشان اخطفج ترى .. ركبي السياره . .

شهد تبتسم وركبت السياره . . وفنص الدرب : وين مودني ؟

كان ماسك ايدها وهو يسوق . . : مكان . .

شهد : وين انزيين . .

راشد : بتعرفين من نوصل . .

شهد تشهق : شحقه فندق . .

>

<

>

انا اقاطعها : يا مكرررررج . . يعني شحقه فندق ان شاء الله

شهد : ي حيوانه ههههههههههههه يعني هو لازم بيجابلني بيسولف وياي بياخذ بيعطي وانا كنت يايه من بيت اهلي جلحاا ملحاا يعني قلت بيعطيني ولا بيقولي شي وبيروح ماتوقعت بيخطفني ع قولته

>

<

>

راشد يطالعها بخبث : شحقه فندق يعني ؟

شهد بارتباك : هاا . .

راشد : ههههههههههههههههههههههههههه . . نزلي . .

نزلت بعدها وتم قابضنها من خصرها . . وكان حاااااجز ومخلص لان البطاقه ف جيبه مما زاد استغراب شهود . .

اول ما وصلو الغرفه . .

راشد : سكري عيونج . .

شهد : ليش . .

راشد : سكري عيونج . .

شهد سكرت عيونها . .

بطل الباب بعدها حطا ايده ع عينها وتم يمشيها لين داخل . .

راشد : والله ماتفجين عينج . . لحظه

شهد : مابفج واللله ..

راشد بطل العصامه وحطاها ف عيونها ورصاها بقوه . .

شهد : بل بل شحقه كل ها . .

راشد : قلتلج هاي عمليه خطف !!

شهد : ههههههههههه فدييييت الي خاطفني . . احلى عمليه خطف هذي . .

راشد : تمي واقفه اهني لا تتحركين . .

شهد : انزين . .

راح عنها شوي ورجع . .

شهد : بفتح عيني خلاااااااص تعبت ..

راشد : يالله شلي الغتره وفجي عيني . .

شهد شلته ومن بطلت عينها . .

راشد : هابي بيرث دي توووو يو . . هاااابي بيرررررث دي تو يوووووو . .

كان ماسك كيكه عووووووده وعليها شموع . . ويغني بصوت حنون وخافت

راشد : هابي بيرررث دي توووووو يو شهوووووود . . هابي بيرث دي تو يوووووو . .

شهد تبرق عينها : حبيبي والله . .

راشد : طفي الشموع يالله . .

شهد طفتهم . .

وطا الكيكه بعدها وشغل اللبت الخافت . .

تقربت ومشت وشافت السرير عليه ورد منثور مخطوط عليه احبج . . وفنص الورد باقه و هديه مغلفه . .

راشد يبتسم : عسى كل ايامج تكون بقربي والله لا يذوقني يوم انتي مش فيه . .

شهود تتقرب وتقعد حذاله وتحط راسها ع جتفه : اميييييييين يارب . . امممممين

راشد : كنت ميت ع قربج وربي ما شفتج عمري ب نظره غير نظره زوجتي وتمنيتج انتي من بد كل بنات العايله الي كانو حوالي . . شكثر كنت اصلي ليل ونهار . . شكثر كنت ادعي ربي ماتكونين الا انتي حلالي وبس . . شكثر مرت علي ايام وانا اقول مستحيل على عادات العايله وتقاليدها مستحيل يرضون مستحيل حد يرضى لكن الحمدلله . . صرتي بقربي وصرتي محبوبه والكل يحبج ورضى فيج . . شكثر محظوظ . . لين اليوم وانا اسجد شكر واقول الحمدلله ع احلى نعمه واحلى قدر ربطني فيج . .

رفع راسها وتم يطالع عيونها : انا احبج وايد . . " يبتسم "

“ cut”

>

<

>

انا اطالعها بصدمه : مستحيل كل ها يطلع من رشود . .

شهد : ههههههههه والله اكثر عن جي مهور . . مغرقني دلع ودلال . . مغرقني هداايا واهتمام . . يسويلي كل شي ما احلم فيه حتى . . صح فالبدايه وايد كنت شايله عليه عشان العرس الي كنت اباه وماسوالي اياه لكن قاعد يعوضني باشياء عمري ما حلمت فيها . .

انا : الحمدلله يارب " ابتسم " فرحتيني . . الله يديم سعادتكم يارب . .

شهد : مهور انا وايد احبه . . " تدمع " اخاف افقده ف يوم وايد اخاف . .

انا : بسم الله عليج وعليه . . ما بتفقدون بعض ان شاء الله وبتمون سوى طول العمر قولي يارب . .

شهد تبتسم وعينها ادمع : يارب . .

كلامها وايد ريحني . . خلاني افكر ف وليد . . وشكثر مشتاقتله . . شكثر كان يدللني مش بس كان شكثر بعده يدللني ويسويلي كل شي ابيه . . لكنه مرات يتحيون يعني ههههههه لكن بعد . . ما يخلي شي ف خاطري . . اذكر ف بدايه حملي واعيته من الرقاد ع الساعه 2 ونص فليل تقريبا . .

>

<

>

وليد : شوه فيج . . فيج دوخه ؟ تبين ترجعين ؟؟

انا : لا . . ابا كنتاكي . .

وليد : شوو . . " يتثاوب " تبين كتناكي الحين انتي صاحيه . .

انا : اقولك ابا كنتاكي وليد الحين يوعانه . .

وليد : انزين قومي بسويلج شي خفيف تاكلينه

انا : لا . . ابا كنتاكي والحيييين . .

وليد : بارك الله فيج الساعه بتي 3 الحين . .

انا : انزين انا ابا ف خاطري اقولك . . !!!

وليد : ان شاء الله ان شاء الله . .

قام : الله يهديج بس . . الله يهدييج . .

وسار بدل ملابسه وطلع . . يعني انا مش حيوانه وماكنت اسوي هالحركات قبل ما احمل هههههههههههه لكن ماعرف يوم حملت احس جي اي شي اباه لو ما يابلي اياه بموت بعصب بذبحه . . حتى عقبها قلبي يعورني ع الي اسويه فيه ومرااات اقول برايه يستاهل هههههههههههه . .

المهم بعد نص ساعه بالكثير يا وليد . . وانا كنت راقده . .

وليد : مهور . .

انا بتعب : شو . .

وليد : يبتلج كنتاكي . .

انا : مابا . .

وليد : نعم ؟ ماتبين شو ؟ قووووومي كلي اشوف " بعصبيه خفيفه " نشي

انا : قلتلك مابا خلاص . . وايد تاخرت

وليد :شو تاخرت ي دوب رحت يبتلج ع طول ما مداني اتاخر . .

انا : تاخرررررت خلاص مااااابا افففففف . .

وليد : انتي من صدقج ولا تتمصخرين . . مقومتني و وراي دوام وساير اييبلج والحين ما تبين . .

انا : بتذلني يعني عشان نشيت يبتلي شي . .

وليد : ما اذلج حبيبي ما اذلج . . بس . .

انا : لا بس ولا شي خلاص قلتلك مابا يعني مابا . . وطف الليت خلني انام . .

وليد : اخر كلام . .

انا : وليييد

وليد : ان شاء الله . . من عيوني . . انا الحيوان وانا الي استاهل . .

>

<

>

ابتسمت وضحكت ع عمري . . وايد كنت اسويله هالحركه لكنه ما يقول شي . . يمكن لاني حامل ؟ يبالي اجرب عقب ما اربي اشوفه بيسويلي سالفه ولا . .

بعد ساعه تقريبا . . اندق باب الصاله

شهاب : هود هود . .

رقوي تشهق : لا ادش اتريا . .

شهاب : ما بدخل . . وين اختي ؟ خل تي تشل اغراض . .

رقوي : انا بي مهور راقده

انا اطالعها بصدمه . .

رقوي تبوس الهوا : الله يخليج . .

ابتسمت وسكت ودشت داخل لبست شيله وطلعت له عند الباب . .

رقوي تشهق : يبتلي مااااااك . .

شهاب : قلتي يوعانه . .

رقوي : انزين بس عقب قلتلك مابا وقلتلي ما بتيب لي . .

شهاب : آآ . . انا كنت يوعان وابا اكل قلت بيييب لج صدقه . .

رقوي : ههههههههههههههههههههههههههههه احم اصلا كنت تفكر فيني عشان جي يبتلي وبعدين انا اعرف انك ما تحب ماكدونالدز . .

شهاب : . .

يتني ضحكه كان خاطري اشوف ويهه . .

رقوي : روح ارقد اكيد تعبان . .

شهاب : اييه رايح الحين حد قالج بقعد . . يالله باي

رقوي : ماشي تصبحين ع خير ماشي بالعافيه

شهاب : كلي كلي بس فكينا . .

فجاه اختفى حسهم ! شكله راح ولحقته . .

كل واحد فينا منسدح ف بقعه وانا بعدني منسدحه ع ريل ميرووه . .

انا : ميروه فونج حاطتنه ع هالهزاز

ميره : هيه . .

انا : يرن . .

انتبهت له ميره . . : الوو . .

مايد : الو . .

انا : بل قصري ع الصوت . .

ميره حطت سبيكر : عناد . .

الباقي كانو ملتهين بس اانا وياها . .

ميره : هلا مايد . .

مايد بصوت حنين : حبيبي . .

ميره : . . .

رفعت عيني اشوفها تغيرت ملامحهااا . . جي استحت هههههههههه . .

مايد : حبيبي ؟

ميره : هلا . .

مايد : مارقدتي . .

ميره : لا تامه ويالبنات

مايد يعطس ويكح . .

ميره : يرحمك الله . .

مايد : يهديني ويهديج الله

ميره : ليش مارقدت للحين ّ! مودرتنك وكنت خلاص بترقد

مايد : من رحتي طار رقادي . .

ميره : لا والله

مايد : والله . . مستوحشنج وانتي تتحركين كل شوي ومستوحش حشره خلودي . .

ميره : احسن حس بقيمتي شوي

مايد : حاس . .

ميره : حاول ترقد جوف حسك كيف . .

مايد : مابتردين . .

انا اطالعها . .

ميره : لا مابهد مهاري اليوم . .

انا افج عيني ع وسعهن : يا مكرج . .

مايد : عندها البنات ماعليها خووف . .

ميره : لالا . . انا غيييير عندها . .

مايد : وانا انزين . .

ميره : انت شفيك

مايد : ما ارقد يعني . . مش قادر انام اقولج . .

ميره : سم بالرحمن واقرا المعوذات وبتقدر ترقد . .

مايد يكح وبصوت مبحوح : ماكاسر خاطرج

ميره : هههههههههههههههه فديت هالصوت والله . .

مايد : هههههه

ميره : لا ما تكسر الخاطر . .

مايد : يالله عاد من صدقج ما بتردين . .

ميره : يالله ميود بند قاعده اشوف فلم . .

مايد : انزين . . احبج

ميره شلت السبيكر ع طول . .

انا : ههههههههههه . .

ميره : وانا بعد . .

مسكت تلفوني وصلني مسج . .

" وصلت المطار " . .

ع طول قمت من ع ريلها وطلعت الحوش ودقيت له . .

وليد : الوو

انا : الوو . .

وليد : انتي ليش واعيه للحين !!!!

انا : الحمدلله ع السلامه . .

وليد : الله يسلمج . . ليش مارقدتي

انا : ماياني نوم . .

وليد : تستهبلين للحيين . . !!!

انا : وليد . .

وليد : عيون وليد . . روح وقلب وليد

انا : . .

وليد قعد يرمس . . اظن يخلص اجراءات السفر . . ماسكرت تميت ع الخط . .

وليد : الوو . .

انا : معاك . .

وليد : شو كنتي بتقولين . .

انا : ماشي

وليد : قولي يالله

انا : ماااشي جب . .

وليد بصوت حنون : اشتقتيلي ؟

اااااااه والله مشتاقتلك مووووووووت موووووت . .

انا : لا . .

وليد : من قلبج

انا : جب . . بتروح الفندق الحين . ؟

وليد : هيه . . خلاص خليني شوي باخذلي رقم من اهني وبفعل خدمه البي بي وبرمسج لان ربع الدوام يايين صوبي . . زين؟

انا : مابا . .

وليد : ماباخذ راحتي فالرمسه . .

انا : عادي تم ساكت . . بس تم ع الخط

وليد : ههههههههه . . من صدقج؟

انا : هيه

وليد : لهالدرجه مهور . . " بخبث " وحالج . .

انا : هيه هيه . .

وليد : خلاص تمي لين تشبعين مني سكري . . لا اطولين انا الي بدفع فاتورتج . .

انا ابتسمت . .

وعقب ألتهى عني تم يرمس ربيعه . . تميت ع الخط فتره اسمع سوالفهم وابتسم . . وسكرت بعدها . .

الله يحفظك ويرجعك بالسلامه يارب . .

فتحت بعدها القروب شفت رقوي كاتبه . .

رقوي : اصصصصبر شهاب . .

شهاب : شتبين . .

رقوي : وصلني البيت . .

شهاب : ما بتقعدين معاهم

رقوي : لا خلاص كلهم سارو يرقدون انا بروحي كنت تامه . .

شهاب : عن الجذب سمعت حس

رقوي : هيه كانو بيروحون يرقدون شفيك

شهاب : زين امشي

ومشت معاه . .

شهاب : هاتي الكيس . . " يقصد كيس ماك "

رقوي : مش ثجيل . .

شهاب : هاتي هاتي

رقوي : عاادي قلتلك مش ثجيل

شهاب : كيفج . .

رقوي : ياحمار لازم بهالمواقف تي وتشل الكيس عني ع طول حتى لو عارضت

شهاب يبتسم . . : لاه ؟

رقوي : كم بعلم فيك اوف . .

شهاب شل عنها الكيس وتعمد يمسك ايدها ويالكيس ورفعها . .

رقوي تمت تطالعه بصدمه وجي اتشقق لسانها

شهاب بابتسامه خبث : شفيج ؟ ينبلع لسانج اشوف . .

هد ايدها وشل الكيس وكمل مشي . .

رقوي تمت تمشي ع البطيء . .

شهاب : امممممشي يالله . .

رقوي تطالعه : شهاب متى نملج

شهاب : عقب ما تتخرجين وتيبين نسبه حلوه

رقوي : بتخررج احين جريب باقي اقل عن شهرين . . خل نملج الحين

شهاب : لالالا . . خلج ب دراستج ماريد يقولون لي بعدين انت اثرت ع نسبتها . .

رقوي : افففففففف

شهاب يدق راسها ع الخفيف . . : يالله دشي . .

رقوي تطالعه وتبتسم : تصبح ع خير . .

شهاب يبادلها الابتسامه ب ابتسامه عريضه : وانتي من اهل الخير . .

دشت داخل شوي . .

شهاب : يال مهب صاحييه

رقوي : هاااه

شهاب : واكلج . .

رقوي : اوه نسيت . .

يت صوبه وهي تطالعه ومبتسمه . .

شهاب يبتسم : شفيج تتبوسمين ؟

رقوي : مستاااانسه حرام ؟؟؟

شهاب : مهب حرام . . يعله مديم " يبتسم "

رقوي : اويه شهااااب . .

شهاب : شفيج

رقوي تبتسم : انت وايد تغيرت . .

شهاب : ان شاء الله للاسوء ؟

رقوي : هيه هييييه للاسوء . .

شهاب : الحمدلله . .

رقوي تطالعه . .

شهاب : يالله دخلي . .

رقوي : هههههههه قول قول

شهاب : شقول . .

رقوي : ادري ما تباني ادش . .

شهاب تم يطالعها وابتسم . . : من قال . .

رقوي : بااااين من عيونك اصلا . .

شهاب : دخلي يالياهل دخلي . .

رقوي : انزيين . .

شهاب يطالعها . .

رقوي : بتم واقف لين متى يالله روح . .

شهاب : شتبين انتي روحي يالله دشي . .

رقوي : ياريتنا كنا مالجين ف هاللحظه . .

شهاب : ليه

رقوي : كنت . . . " تمت تطالع عيونه " بحظنك . .

شهاب تم يطالعها . .

رقوي تحس قلبها بينفجر بيطلع من مكانه . . ارتبكت وبلعت ريجها : تصبح ع خير باي . .

وركضت دشت داخل . .

ابتسمت من قلب . . حبيبي اخوي . . والله رقوي قدرت تيب راسه . . ان شاء الله افرح فيه يارب . .

تميت شويه وبعدها دخلت داخل وابتسمت . . فديت بنات عمي والله كل وحده راقده بصوب فالصاله . . قومتهم عشان يصلون الفجر وبعدها كل وحده راحت بيتها وانا دخلت الحجره وبدلت وصليت ورقدت لين الساعه 10 الصبح تقريبا على رنه الفون . .

بصوت تعب : الو . .

وليد : حي هالصوت . .

انا ابتسم : حي من قالها . .

وليد : كيف رقدتي بدوني ؟ انا ماقدرت اغمض عيني . .

انا : رقدت وارتحت فالرقده بعد . .

وليد : هيييه والله زين . . ريحتيني . .

انا : صدق مارقدت ؟

وليد : ما يمديني ارقد احين بنروح الاجتماع . .

انا : يعني مش عشاني . .

وليد : لا . .

انا : زييين زين . .

وليد : حمودي راقد ؟

انا : اظني . .

وليد : اظني ؟

انا : راقدين عند يدوه .. وهو معاها راقد

وليد :ايواه . . وريومه . . ؟

انا احط ايدي ع بطني : زينه . .

وليد : فديتها اكيد اشتاقت لابوها يلعوزها الصبح . .

انا ابتسمت .: هههه . .

وليد : يالله زين تحملي ع روحج . .

انا : ان شاء الله . .

وليد : اجوفج ع خير

انا : الله يحفظك يارب . .

وسكرت عنه ونشيت تغسلت ولبست عباتي . .

طلعت الصاله شفت يدوه تريق حمودي . .

حمودي يا ربع صوبي وحظني . .

انا : حبيبي انت . . ناميت زين؟

حمودي يهز راسه ب هيه . .

تقربت من يدوه وبست راسها . .

يدوه : وين بتسيرين من الصبح . .

انا : بسير اسبح يدوه وبسبح حمودي وبنبدل . .

يدوه : ايلسي عندي لين يرد وليد . . ع الاقل حمود يتسلى كل شوي حد داش وحد طالع . . ف بيت امج ماشي الا صقوري والبنات يمرونج . . هني عيال نوره يونسونه وصقور بييه العصر احسن له . .

انا : ان شاء الله . . بزهب اغراضي واغراضه وبني ع الغدا . .

يدوه : زين امي . .

طلعنا بعدها وسرت بيتي . . حمدت ربي اني ماجابلت ام وليد . . صعدت فوق وتسبحت وسبحت حمودي وكشخته ولبسته . . تميت اطالع روحي فالجامه . . بعدها الهالات ع عيوني . . احس ملامح التعب والارهاق ماخازت عني من توفى يدي الله يرحمه . . مسكت الجحال بتجحل بس ماقدرت ف نزلته . .اكتفيت اني تعطرت ولبست ساعتي وخواتمي الذهب . . ونشيت زهبت شنطتي وحطيت فيها الاغراض الي بحتاجها لمده شهر ورتبت شنطه حمود وزهبت كل شي . . وبعدها ما رمت ارفع الشنطه حسيتها ثجيله . . ما هانت علي بشكارتي لانها مسكينه روحها سلق مافيها حيل . . طلعتها من الحجره شوي شوي حطيتها عند الباب بس . . بخلي شهاب بعدها يمرني ويشلها . . لكن كيف شهاب يدش بيعرف ان ام وليد اهني وانا مافيني اخليه يجابلها كفايا الي سوته فيه قبل . . ترددت ماعرفت شو اسوي . . جان اتصل ف وليد . .

انا : الوو . .

وليد يرمس بجديه شكله حد معاه : هلا . . في شي ؟

انا : ولد عمي يدوه قالتلي اقعد معاها انا وحمود لين ترد

وليد : زين احسن وايد احسن . .

انا : رتبت اغراضنا عشان ما اروح وارجع كل يوم ع البيت لكن ماقدر اشل الشنطه

وليد : لالا تشل شي ياويلك . . اتصل ف شهاب . .

انا ماقدر اقوله انه امه اهني وصعب اخلي شهاب يتلاقى ويا امه . . ماعرفت شقول . .

وليد : الوو . .

انا : شهاب محد فالدوام وماظن حد من شباب العايله بعد اهني كلهم مداومين وانا ابا انقل الشنطه الحين واروح واقفل البيبان ماقدر اتريا لين يردون . . سيف ولد عمي بس ع خبري انه اجازه واناا اتلوم اتصل فيه واقوله يمر يشل اغراضي فشله . .

وليد : خلاص انا بكلمه . .

انا : فظيحه شو بتقوله تعال شل شنطه حرمتي . .

وليد : لا ما بقول جي . . بقول بنت عمك محتايه الفزعه ومتلومه . .

انا : مادري الي تشوفه . .

وليد : خلاص خلني الحين بكلمه وبرد عليك خبر . . !

انا : انزيين . .

وليد : مع السلامه . .

وسكرت عنه . . بعدها ب شوي اتصل وليد . .

انا : الوو . .

وليد : هلا . . الحين ياي يقول . .

انا : اخيييه فشششله شو قال

وليد : ماعليك ماقال شي بعد انت مجبور شو بتسوي . .

انا : انزيين

وليد : يالله شي فالخاطر انا قريب الحين وبوصل الاجتماع

انا : لا تسكر . .

وليد : هاه ؟

انا : لا تسسكر تم معاي ع الخط لين يروح سيف . .

وليد : انت تتحراني

انا اقاطعه : ادري مش ششاك فيني . . لكن انا اباك اتم ع الخط . .

وليد : مش مشكله . .

الشغاله : ماامااا . .

انا : هاا انا اهني . .

الشغاله : باب سيف يييجي . .

انا : خليه يي فوق . .

الشغاله سارت تقوله وعقبها ردت وياه وصعدت وياه . .

اظن هو قالها . . استانست من هالشي وايد و وايد ارتحت انه فكر بهالطريقه . .

سيف : السلام عليكم . .

انا : عليكم السلام ورحمه الله . .

سيف : صباحج خير بنت عمي

انا : صباحك نور . . عاد اسمحلي . . عبلت عليك . .

سيف : افا عليج لا عباله ولا شي . . وبعدين متعنيه متصله حق الريال ف اخر الدنيا . . جان خبرتييني على طول . .

انا ابتسمت ب احراج . . شل الشنطه بعدها . .

سيف : بيت امج صح . .

انا : لا عند يددوه . .

سيف : تمام تمام . . يالله عيل تامرين ع شي ثاني . .

انا : مايامر عليك عدو . .

سيف : فمان الله . .

ونزل ونزلت معاه الشغاله . .

وليد بصوت واطي يادوب ينسمع : فديتج . .

انا : شو . .

وليد : ماشي . .

انا سمعتها بس بغيته يعيد وبغيت اعرف ليش تفداني اصلا . .

وليد : حايه اماره ثانيه . .

انا : هيه تم وياي بعد ع الخط لين اروح عند يدوه وعقب خلاص ما بأذيك . .

وليد : ههههههههه ان شاء الله من العين . .

انا : حمودي يالله حبيبي . .

وليد : بس حمود . .

انا : جب . .

حمودي : ماااااماه

انا : عيون ماما . .

حمودي : وين بابا . .

انا : تبا ترمسه تلفون ؟

حمود يهز راسسه ب لا . .

انا : ما يبا يرمسك . .

حمود : هرم . .

انا : ههههههههههههههه . .

مسكت ايده وحطيت التلفون ميوت خفت امه تطلع لنا فجاه ويسمع وليد حسها لكن الحمدلله مالها حسس شكلها بعدها راقده . . طلعت عقبها لين وصلت بيت يدي الله يرحمه . .

انا : خلاص حبيبي وصلت . .

وليد : ماسمع ؟ شو شو ؟

انا ابتسم : وصلت اقوول

وليد : وقبلها

انا : ماقلت شي . .

وليد : ماعليه ترتوب . .

انا : يا حلاتك وانت ترمس جي . . انا ماخذه راحتي وانت محاصر

وليد : ههههههههه ماعليه ماعليه . . تذكرها . .

اانا : هههههههههه يالله زين تحمل ع روحك . .

وليد بصوت واطي : احبج ي حماره . .

انا : وانا احبك . .

وليد : اووووووفففف يا ريال

انا : ههههههههههههههههههههههه

وليد : ههههههههههههه يالله عيل فمان الله

انا : الله يحفظك يارب . .

ابتسمت بعدها ودشيت بيت يدي الله يرحمه و يغفر له يارب . .

.

.

.

__DEFINE_LIKE_SHARE__

«ضَحِيًة حِبُيًبُيً ..}● · 08-18-2013, 09:27 AM

.
.
.

السلام عليكم ورحمه الله وبركآته . .

عوده بعد انقطآآع كبيييير . . .

شخبآركم ؟
اكيد اشتقتولي مثل ما اشتقتلكم حيييييييييييل . .

عسى الله يتقبل منكم الصيام والعباده + مباركن عيدكم متاخر وايد ادري . . . .

الاغلب يعرف اني تاخرت عشآن المرض الي مرضته واني ماقدر امشي هالفتره . . عسى الله يعديها ع خير . .

ماعررف شقولكم . .
كتبت لكم البارت وان شاء الله يعيبكم . . امس كملت ساعه وشوي بس اكتب . . اما اليوم نشيت من 5 الصبح ماقدرت اقاوم الكتابه وقعدت اكتب . . كنت اريح واكتب واطلع كل طاقتي ههههههه . .

ان شاء الله يكون البارت جمييل وخفيف عليكم . .اترقب رآيكم + انتقادكم . .

اشوفكم على خير الويكند الياي باذن الله > ان شاء الله اتحسن واقدر اكتب . .

فمان الله . . = )

__DEFINE_LIKE_SHARE__

دآهيه · 08-18-2013, 10:55 AM

.
.
تسلمييييين حبيبتي ع البارت الكشخه<3

.
. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خادمة "تذبح" طفلة مخدومها بحفر الباطن	محروم.كوم	منتدى أخبار المواقع والمنتديات العربية والأجنبية	1	04-16-2013 02:04 AM
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف))	محروم.كوم	منتدى أخبار المواقع والمنتديات العربية والأجنبية	0	01-20-2012 04:10 PM
بلاك بيري تورش 9860 فل تتش مع بن ممير """"""""""""""""""""""	محروم.كوم	منتدى أخبار المواقع والمنتديات العربية والأجنبية	0	10-28-2011 11:00 AM
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM