رّوآيه " هآيـم فيّ بحـر آلشّوق وُ لذة هيآمك " - الصفحة 342

عذوبهه · 06-20-2013, 06:20 PM

الكاتبة تقولكم ان البارت بيكون يوم السبت ان شاء الله __DEFINE_LIKE_SHARE__

«ضَحِيًة حِبُيًبُيً ..}● · 06-22-2013, 02:20 AM

.

.

.

البارت الـ 42

انا : رقوووووووي قررررري ماشووووف وراااا ياحيوانه

رقوي تقعد : اوووووه سوري . .

شيخه : مهور ما تلاحظييين انج تمشين 80 . .!!

انا : شيخوووو انا اول مره اسوق سياره فوريل احس بريك السياره ثجيييل وبعدني ماقدر اتحكم . . ف اتريي شوي لين اخذ ع السياره . .

خلود : خلاااص لا تخبلون فيها خ نووووووصصصل سالميييين . .

رقوي : والله مسسسسسسسسسسسستاااااااانسه . . ما بغو يخلونا نطلع بنات برووووووووحنا انجججججججااااااااااااز والله انججججججججااااااز . .

انا : ههههههههههههههههه حسيت . .

ميره : اقوووووولكم ما بنطول انا مخليه خلود ولديه عند اميه عن ياذيها . .

انا : جب جب انا مخلصه امتحانات اليوم عقب نفسسسسسيتي الزفته الي عشتهاااا خليني اعيشش حياتي خليني انسى الدنيا . . .

رقوق تصفق : عاااااشششششت بنت عممممممممي . .

شماني : رقوي صمختي اذني . .

انا : ميروه تبين ننزلج دامنا جريب ؟

ميره : لالا شو تنززززززززلوووووووني . .

خلود : عنود تتصل . . " حطتها سبيكر " هلا عنننودي . .

عنود : يالخااااينات اكرهكم . .

انا : فدييييت اختي . . نرد نششلج ؟

رقوي : هيه بنرد ماورانا شي

شيخه : بنتعفصصصص شو ها ماشي مكان . .

عنود : جب جب اصلا مابا اي وياككم انا طالعه ويا حبيبي ورايحه دبي . .

انا : والولد ليكون وياج

عنود : هيه عيالي كلهم وياي . .

انا : اففففففف عنود جان خليتيه من امتحنت ماجفته . .

عنود : ههههههههههه بتجوفينه حبيبتي يالله استانسو وعن السرعه . .

وسكررت . .

مرينا عاشووووق وكلنا خذذذذنا العااادي الي بس فراوله وفانييييلا . .

رقوي : صبروووووو والله محد ياكل خل اصور واحط فالانستقرام . .

وصورت والكل تم يصور بعد . .

انا : وين نرووح . .

شيخه : البحرررر البحرررر . .

شماني : بعدنا الدنياا نهاررر مافينا الناس تشوفنا . .

انا : هييييه بنروح عقب صلاه المغررب احسسن الدنيا ظلام وماننشاف . .

وليد اتصل فيني . .

انا مديت تلفوني حق ميروه لانها قاعده جدام حذالي . . : ردي عليه قوليله اسوق ماروم ارمس . .

ميره : الوو " دقت سبيكر "

وليد : هلا حبيبي وينكم

ميره باحرررررررررراج : اويييييييييييييه وليد انا ميره . .

انا : ماعليه يا وليد

وليد : هههههههههههههههه مساامحه بنت عمي . .

ميره : حرمتك تسوق ماتروم ترمس . .

وليد : حطي التلفون فاذنها . .

شلت السبيكر وحطته ع اذني . .

شيخه : حق شو هالكلافه اندوج سمااااااعات . .

ركبت سمااعات وحطيت ف اذني : هلا وليد . .

وليد : وينكم . . ؟

انا : تونا ماخذين عاشوق واحيين جريييب بنشل شهود من بيت امها وعقب بنفترر صوب شارع الامارات ناكل خفايف لين ما ياذن المغرب بنصلي فالمسيد وبنسير صوب الكورنيش . . وعقبب ماعرف يمكن نروح المول نتسوق بعدهم ماقرروو . .

وليد : ناقصنج شي تبين شي . .

انا : لا ماتقصر . .

وليد : صدق ماتبين امر اييبلج شي . .

انا ابتسم : صدق . .

وليد : استاانسي زين . .

انا : ان شاء الله . .

وليد : احبج . . اامممممواحححح . .

انا : هههههههههه ي حماار . .انت وين عيل ؟

وليد : بعدني ف ميلس يدي قاعدين نلعب بليستيشن . . رااشنا سيفوه رشش قسم بالله

انا : ههههههههههههههههههههههههههههه

وليد : هاا يا دوري ؟ يالله حبيبي برمسج عقب . . طمنيني وردي يوم ادق

انا : ان شاء الله . .

وسكر عني . .

ميره : لا تقولين بعدهم ف الميلس

انا : هيه بعدهم . .

ميره : انا اقول ميود مول مادق ولا درابي . . هههههههههههههههههه

شيخه : حبيبتي يوم يلعبون خلاص والله ينسووون كل شي . .

شهود تتصل وردت عليها ميره . .

ميره : هاا جاهزه ؟ نحن قريب بيتكم . . هيييه . . يالله طلعييي . .

دقيييت هرنااات وشوي وطلعت شهود وعفدت ورا ويا رقوي . .

شهود : ياحيواانات انا يمكن حاامل وتعقوني ورا . .

ميره : جب جب يالله عن الدلع . . اليوم انسسسسي انج معرسسه

رن تلفوني . .

شيخه : مااااااشاء الله فرع اتصاااالات اهني . .

انا : هههههههههههههههه حيوانه . . معشوقه الجماهير انا . .

رديت وحطيت السماعه : هلا شهاب . . " اطالع رقوي من الجامه " رقوي قعدي لا تنطيين ماشوف السياييير ورى . . " اصلا مانطت بس اجيس نبيض شهاب "

شهاب : هاي خبيل ولا شو تنطط فالسياره

انا : شدراني فيها . .

شهاب : ياااهل ليش مودينها معاكم . .

انا : هههههههههههههه بنت عمي ملزومه فيها شسوي

رقوي تصارخ : اييييييه لا تحشون فيني

شهاب : وش ذا الصوت المزعج . .

انا : هيه هييه " ارمس بصوت واطي " بتقولي انك ماداق تطمن ع الحب

شهاب : اي حب اي خرابيط . . يعني خطبتها خلاص احبها ؟ انا تزوجتها عادات وتفاليد انزين مش عن حب هاي فهميها هاالشي

انا : هههههههههههههههههه حسابك عندي بعدين ع هالكلام

شهاب : واصلا خطبتها نحدي لو تذكريييين لما كنا ف البر ف لا يكبر راسهاا

انا : انزين خلاص غسلت البنيه

رقوي : شو يقوووووووول عني . . لو ريااااااااااااااااااال جاااااااان رمس جدامي . .

شهاب : امفف عليها ذي جان ماقصيت لها ركبها قبل لسانها

انا : ههههههههههههههههههههههههه وااااااااااااااه . .

شهاب : ههههههههههههههههه خلاص تونسو ولو احتجتو شي كلموني . . وديرو بالكم خلكم ثقال وقد الثقه

انا : لا توصي فديتك

شهاب : ما يبالكم توصاايه . . . الرب حافظ

وسكرت عنه

خذنا خفاايف من الدكاااااان وحلويات واجباسسسس وتمينا ندندن فالسياره ومرتبشين وضحك وسوالف . . عقبها رحنا مسيد الشيخ زايد لانه جريب من الكورنيش . . وصليناا المغرب وعقبها رحنا الكورنيش . .

ميره : مع ان الجوووو حررررر لكن الهواااا

انا : منعششش

شيخه : وااااايد . .

رقوي : متى بي ويا شهاااااااااب اهني متى . .

انا : تعععععععااااااااالي صحححح خبررررررينا شصاااااار . .

مثل ما تعرفون ان عمي خالد رفض شهاب بسبب ان عمره اكبر عن رقوي ب عشر سنين ورقوي حلفت ان لو ما خذته ما بتاخذ حد .. !

>

<

>

عمي خالد : لا إله الا الله ..

رقوي : محممممممممد رسول الله . . يبااااااااه انا ابااااااااه حرام عليك . . زوجنييي

حرمت عمي خالد : انا ماصدق ان هذي بنتي اخت شما . .

عمي خالد : وربي فرق السما والارض بينهم وبين شماني . . فديت شما والله . .

رقوي : يممماه اذا ما دقيتو حق عمي سعيد تخبرونه والله بدقله روحيييييي حلفت . .

>

<

>

شيخه : هههههههههههههههههههههههههههههههه فلعهااا بابااااا ب قوطي كلينكسسسس

كلنا نضحك . .

رقوي : المهم انه اتصصصصل فيه وردو عليه الموافقه وااااااااااااااااخيييرا والله . .

انا : هيه والله ما بغيتو حشى . .

رقوي : هو ما بغى مش انا . .

لاحظت ان شماني فجاه مشت عنا وتكمل سيده . .

انا ودرتهم ولحقتهااا وهي تمشي وفجاه وقفت . .

انا اطالعها : بلاج . .

شماني تنزل الغشوه : هذا مش مروان؟

انا اطالع وين ما هي تطالع وانصصصصصصصصصصصصعققققققققت . . انصصصصصصصصصصصصصصصصصصعقت لمااااااااا جففففته مع وحده قاعديين ع الكراسي وياكلون ايسكريم ويضحكون من قلب . .

انا : الحححححيييييييييوان الحقيييييييييررررررررر

شماني مسكت ايدي ورجعتني وياها وررررى .. ورا بحيث ابتعدنا عنهم . . مسكت فونهاا وانا اطالعها جان تتصل فيه . .

تمت تشوفه وهو فجاه وقف ضحك ويحط صبعه على حلج البنت الي وياه ويقولها اشش . .

شماني تبتسم بحرقه : الوو . .

مروان : هلا . .

شماني : وينك حبي مادقيت تطمن علي . .

مروان : ادريبك ويالربع ما بغيت أذيك . . عشان تستانس وتاخذ راحتك شوي

شماني : ليش ترمسني جي ؟ حد معاك ؟

مروان : هيه ربيعي بو حاامد . .

شماني تغمض عينها وتنزل دموعها . . : شو تسوي معاه

البنت حطت راسها ع جتفه . .

مروان : نسسولف شو بنسوي . . يالله برمسك خلاف . .

وسكرر . .

انا : حححححححححححيوان والله حيوان . .

شما تبتسم وتمسح دموعها : يالله نرد للبنات . .

انا : بتخلينه !!!!!

شما تطالعني : قلتلج قبل هو مش فرقانه معاه . . بيطلقني وبيعيش حياته انا الي بتعذب مهور . . لاني احبه بتعذب . . خليني اتم معاه لين اعوفه . . ماشي الا هالحل خلاص . . " تبتسم " اجزز منه . . والله بديت اجز منه . .

انا اطالعها . .

شماني تبتسم : عاااادي عادي لا تحاتيني . . يالله نردلهم . .

قلبي اننننننننننعصصصصصصصصصررررررررررررررر حده وردينا سوا . . كان الكل مستانس ويضحك الا انا و شماني كنا ب جو ثاني . .

>

<

>

ميره : ميووووووووود وعثرررررره تعثرك قوووووم . . ماتسمع ولدك يصيح قووووم سكته خلاص تعبتتتتتت ..

مايد : ارضعه ؟ اعطيه حليييب ؟؟؟

ميره : ماااا يبا حلييب شاااااارب لكن جي حيوووونه فيه . .تخبلت خلاص ابا ارقد . .

مايد قام وشل خلووود الصغير وطلع فيه برا . .

>

<

>

شهد : وعققققب . .

ميره : كانت الساعه 2 يمكن . . لين ما اذن الفييير ورن المنبه ما يا ولا حسيت فيه . .

خلود : انا لما نشيت اواعي امايا وابويه للصلاه اشوفهم اثنينهم راقدين فالصاله

شهود : حححححححححياتتتتتي . . يا مجرمممممه . .

رقوي : يستااهل اخوي زين تسوين فيه . .

ميره :تعبت ابا ارقد . .

شيخه : تحمد ربها ع اخويه له بارض ولا باقي الرياايييل مابيسوون سالفه

انا اطالع شماني كانت كل شوي تتصدد تطالع المكان وترد تنزل راسها . .

رن تلفوني . .

انا : الوو . .

وليد : وينكم ؟

انا : ع الكورنيش ليش . .

وليد : تعالو المستشفى . .

انا شهقت : ليش . . شصاير . .

وليد : يدي تعب . .

انا : شووووووو . . يدي شفيييييييه . .

الكل يطالعني ويصارخ : يددددددددي شفيه رمسي مهووووور . .

وليد : مافييييه شي تعب نفس كل مرررررره لكن تعالو يالله

سكرررت عنه وركبنا السياااااره بسررعه . . وع اسرررررررع شي مع اني مش متعوده ع السيااااااره الفوريل بعدني لكن كنت ادوسسس بدون ما احس . .

وصلنا المستشفى ومانعرف وين نروح متشتتين وعقب شيخه دقت ف ماعرف منو وقالو ان يدي ف العناااايه . .

انا اطالع وليد : شصاااااااار . . شفيييييييه . .

وليد يطالعني : فجاه طاح . .

عميمه تصيح : كان ياكل فجاه عق الصحن وتعب . . يادوب ودرته بزقر الاولاد فالميلس لما ردينا كان مغمي عليه . .

انا اطالع وليد : يدي ف العنايه ليش . . ليش فالعنايه . .

البنااااات كان يصارخن ويصيحن . . وانا كنت ماجوف شي خلاص . . قعدت ع الارض من قوه الصدمه . . لالالالا هاي طيحه من طيحات يدي . . بيرد عادي مافيه شي . . كل مره يتعب ويرد الحمممممممدلله احسسن من قبل . . مافيه شي . .

قعدت اخذ شهيق زفيييير وع هالحال نتريا لين يا الدكتور وتم يرمسس بس والله اني ما ركززززززززززت ولا ادري شو يقووووووول بس اشوف شفاته تتحرك . . ولا افهم اي شي

كل الي لقطته انه لازم شفط ماي ولازم يشفطون الماي من جسمه لانه مغطي ع الرئه وما بتخليه يتنفس . . !

على هالحال تميييينا . . اسبوع كااااااااااااااااااااااامل على هالحال . . من البيت للمستشفى ومن المستشفى للبيت . . يدي عذبوووه وهم كل شوي يشفطوووووون منه ويشفطوووووووون منه . . راااح جسم يدي العريض وهيبته . . كل شي رااااااح . . يدي انقرض . . صار هييييكل . . صار مثل هالشياااب الي خلاص يتنومون بالمستشفى ومالهم اي رجا ولا لهم اي امل وبس بمليون واييير معلقييين فيهم . . كان شكله يكسسسسسسسسر الخاطر . .

انا : السلام عليكم ابويه . .

يدي يطاعني ومايقدر يتكلم لان حاطين ف حلجه مثل انبوب ماعرف لشو هالانبوب . . المهم تم يرمس يقول شي بس

انا مافهمت شو قال تميت اطالعه وقلبي يعورني . . : ها ابويه شو تبا امرني . .

يدي يادوب يفتح عينه وكان متكور ف طيحته . . شكل ومنظر عمري ما تمنيت اشوفه . .

يدي : سل . . مي على اميه و و . . .و سلمي ع اخوي محم . . د واخوي علي ..

انا اطالعه وفاجه عيني ع وسعهن وتنزل دموعي : الله يرحمهم . . يدي . .اخواانك عمي محمد وعمي علي متوفيين . .

يدي يطالعني : انتي منو . .

قمت على طول وطلعت من الغرفه . . وبطلعتي شفت وليد وحظنته وتميت اصيح . . اشششششهق . . كااااانت المره الاولى ف حياتي الي اصيح فيها جدام البناااااات وجدااام الكل . . انا بنظرررهم دوم القويه الي ماتنزل دموعي لكن قسم بالله فوق طاقتي . . يدي نقطه ضعفي ابدا ماتحححححححمل . .

انا اشهق : يدي خلاصص . . خرّف وليد . . خرّف . .

والكل من عقبي تم يصيييييح على الوضع وعلى حال يدي . .

وليد : ادعيله . . أدعي الله يبشرنا فيه ويردلنا مثل قبل . . " يمسح دموعي وعقب يمسح دموعه " يدي قوي . . يدي الي يعلمنا القوه ما بيضعف صدقيني بيرد احسن من قبل . .

سيف : وليد ودها البيت . .

وليد : يالله خ نسلم عليه ونررد . . يالله حبيبي . .

دشينا عنده مره ثانيه . . كانت يدوه وعمي سعيد قاعدين عنده . .

عمي سعيد يبتسم ويطاعني : مافيه الا العافيه بيقوم ابويه ماعليه شر .. ياما طاح بطيحات اقوى عن جي . .

يدوه قاعده ع السرير عند يدي . .

يدي يطلع شي من جيبه الي ع صدره . . كان يطلع شي ويلمسه كأن في شي ماسكنه لكن هو بالاساس مش ماسك شي . .

يدي : اندووج . .

يدوه : شو ها . . " تمسك ايده وتشوف انها فاضيه لكن تسايره "

يدي : هاي بيزات خشيها حق مهره . .

اااااااااااااااااااه . . ااااااه وألف آآآآآآه . . مااااااااقدررررررت رحت صوبه وحظنته وتميت اصييييييييييح . . اصيييييح واصييييييييح واشششهق ب تعب . .

حسيت بايده ع ظهري تربت علي . . ويييين ايدك العريضه الي احس فيها . . جنه ريششششششششه والله جنه ريششششه ع ايدي من خفتها . . عذبو يدي شفطو منه هلكوووووه والله هلكوه . .

عمي سعيد يقومني : قومي ابويه قومي . .

بالغصب سحبوني وركبوني السياره . . ومن ركبت السياره اغمى علي . .

فتحت عيني ع ايد اختي عنود الي تمسح ع راسي ودموعها تنزل ع ويهي . .

انا اطالعها : يدي شو استوا فيه

عنود :والله ما استوا فيه شي . . يدي بخيير . .

اميه تصيح . .

عنود سارت عند اميه وقومتها : تعالي امي خليها شوي ويا وليد . .

طلعو سوى وانا صديت صوب وليد اطالعه بكل تعب . . : هات القران . .

وليد يطالعني : ليش

انا : هاااااات القرااااان . .

ياب القران المحطوط ع الطاوله ويا عندي . .

انا : حط ايدك احلف ان يدي بخير . . بسرعه

وليد : والله العظيم يدي بخير والله ..

انا تنهدت براحه . . : قوم سوو اجراءات الخروج خل اطلع .

وليد : خ يخلص المغذي حبيبي . .

انا : شقالو . . اكيد فيني ارهاق واجهاد وقله اكل نفس كل مره . .

وليد يطالعني وقعد ع السرير ومسك ايدي : هيه . . وبعد في شي ثاني . .

انا : شي ثاني شو ؟

وليد يحط ايده ع بطني ويبتسم . .

انا اطالعه : شوو . .

وليد يبتسم

انا اطالعه : انا حامل . .

وليد يبتسم : حامل . .

انا اطالعه بصدمه : كيف انا حااااامل . . انا ققققققلتلك

وليد : اششششششش . . اهدي . . اهدي . .

انا : مااااااااابا هالياااااهل مابااااه . .

وليد : سمعيني .. خليني اكلمج . .

انا اطالعه واصيح : ماااااابا هاليااااهل وليد مااااااااااابا . .

وليد تقرب مني وحظني وتميت اصيح . . والله انا تعبانه من الخااااطررررررررر . .

وليد : مش صح عقب رمضان بتبدين الكورس الاخيير . .

انا امسح دموعي . .

وليد : انتي بتتخرجين وبتكونين فالشهر السادس . . حسسبتها لج . . كنتي تحااااتين هالشي ترا انج تربين وانتي ما خلصتي دراسسه .. انتي بتربين عقب ماتخلصين . . وتعب الحمال وشغلج وبروجكتاتج وربي بسويها كلها عنج ما بخليج تسوين اي شي . . حتى دراستج انا بدرسج . . انا بفهمج . . هالكورس كله خليه علي واعتمدي فيه علي . .

انا اطالعه وماتكلم . .

وليد يبتسم : اتفقنا . .

تنهدت . .

وليد : اعتبرها خلاص . .انج راضيه فيه . . " يبتسم ويحط ايده ع بطني "

انا اطالعه وابتسم بتعب : انت مستانس . .

وليد : ميت مييييييييييييييييت ميييييييييييت وناسسسسسسسسسه وربي . . واخييييييييييرااااااااااا . انتي حاااااااااامل انننننننتي . . تعرفين شكثر كنت اتريا ي حيوانه . .تعرفييييين شكثررررررر صاااااابر واتريا هاليوووووووم الي امسك فيه بطنج واعرف انج حااااااامل . .

ابتسمت : الحمدلله . .

ماكنت حاسه بالفرحه . . ولا كنت حاسه بعدم الرضا . . مع اني وايد كنت معارضه فكره الحمممممل ومعارضه الشي بقوووه بعد !!!! وقلت مستحيل وألف مستحييييييييل بعععععععععععد احمل وانا ادرس . . لكن بعد ماستوا الشي مادري . . حسيت بالضيج اول شي لكن يمكن من فرحه وليد . . فرحته وهو يتكلم وهو يبرر لي خلتني انسى المعارضه كلها وف داخلي طمانينه فجاه . . ويمكن موضوع يدي واييد شاغل بالي ف بعدني ما احس اني احسس !!

وليد يمسح ع راسي : وبنفرح ف يدي ويقوملنا بالسلامه ان شاء الله وبتكتمل فرحتنا . .

انا ابتسم : ان شاء الله . . اميه جيه كانت تصيح؟

وليد : مسكينه اميه لو ظفرج ينقص بتصيح . .

ابتسمت : خ يدشون تامين برا . .

وليد تقرب مني وباسني ع راسي . . وباسني ع يبهتي بقوه . .

انا اطالعه . .

وليد يبتسم : احبج . .

انا ابتسمت . . : كل ها عشان حامل . .

وليد : انا احبج لو حامل ولا بدون . . لكن لانج حامل حابنج اكثر . .

انا بتعب ابتسمت . .

عقبها طلع وزقر عنود و اميه وتمينا لين خلص المغذي وعقب رديت البيت . . نزلت بيت امي لان وليد راح يخلص كذا شغله لعميمه . .

مادري ليش فجاه اول ماوصلت حسيت قلبي نغزني وعلى طول يت ف بالي شماني جان ادقلها ومن اول رنه ردت وكانت تصيح . .

انا : شفيييييييج شصاير . . لاتخرعيني . .

شماني : مهاري . .

انا : رمسسسي

شماني : ترومييين تسوقين . .

انا مع اني تعباااانه حيييل : هييه اروم . . ليش . .

شماني : ابيج توديني مكان . .

انا : مكان وين . .

شماني : انا بقولج ترومين ولا . .

انا : هيه انا لابسه عباتي توني راده من عند يدي زاهبه لكن سكري برمس وليد بجوف وين سويج السياره الثانيه . .

وسكرت عنها . .

انا : الو . .

وليد : شو فيج ؟ فيج شي .!!!!!!!!

انا : لا حبيبي مافيني شي . .

وليد: فديييت حبيبي انا . . فديت الكلمه من لسانج . .

انا : وليد . . وين سويج السياره

وليد : ليش ؟ وين تبين تروحين انتي تعبانه حبيبي اقعدي انا برد بوديج . .

انا : ماقدر . . شماني منهاره ماعرف شفيها تقولي ابيج توديني مكان . .

وليد : عسى ماشر

انا : والله ماعرف . .

شماني دشت الصاله . .

انا شوي تحركت بعيد : بسرعه كاهي دشت . .ماعرف شصاير . .

وليد : انتي تعبانه انزين وين ترومين تسيرين مكان الله يهديج توج راده من المستشفى . .

انا : وين حاطنه قول . . " اطالع شماني " اتريي شوي . .

وليد : السويج مال السياره الثانيه عندي اهني . . لكن السبير بتحصلينه ف غرفه ابويه دشيها وبتحصلينه فالسده . .

انا : يالله زين . .

وليد : حبي

انا اقاطعه : بطمنك كل ما اقدر لا تحاتي . .

وليد : دخيلج . .

انا : ان شاء الله . .

وسكرت عنه وسرت بيتي ودخلت غرفه عمي وشليت السويج وركبنا . .

انا : شصاير . .

شماني : روحي انتي اطلعي من الفريج وسيري صوب ******

انا : ليش خوفتيني ارمسي حرام عليج . .

شماني : تخيلي ربج يوم بيكششششف عبده . . ناسي تلفونه الثاني ورن والمتصل

انا اقاطعها : منو . .

شماني : كنتاكي . .

انا : كنتاكي !!!

شماني : مروان طالب اكل فالششششقه ويااااااها ويااااااااهااااااااااااااااا . .

انا : شدراج وياها يمكن ويا ربعه ف شقه ربيعه . .

شماني تصارخ : قالي باسم بو حاامد وهم يدقون ع فون بو حاامد ما يرد ف اتصلو ع الرقم الثاني المسجل بنفس الشقه وهو رقم رييييييييلي . . رقم مروان . .

انا اطالعها كيف منهاره وتصارخ . . كانت مش شماني الي اعرفها والله كاااااانت انسانه ثانيه . . انسانه فايره . . انسانه تعبببببببت وزهقت من خيانات واحد حيوان مثل مروان . .

وصلنا العماره وهي عندها العنوااااان بالضبط . . واحنا نازلين ، ضرررررررربني الخوف ححححححدي . . دقت الجرس مره ومرتين محد فتح . . والمره الثالثه . . مثل ما كنا متوقعين . .

مروان الي فتح الباب . .

انا اطالع شماني كانت تطالعه ودموعها غرقت عيونها . .

مروان انصصصصصصصصصصدم ومنذذذذذهل ومن صدمته كل شي بان وعرفنا ان في ان فالموضوع . . لو كان برريء جان نطق جان عصب جان طلعها بسرعه وقالها رياييل اهني . . لكن رده فعله وصدمته اثبتت كل شي . .

شماني بغت تدخل ومروان منعها وانا لين اخر لحظه حاطه امل ان فاهمين غلط وظلمناه . .

مروان : شو يايبنج اهنييي انتتتتتي

شماني تهد ايده بقوه : هدددددددددني . .

ودخلت ودخلت وراها . . وكانت وحده حقيييره وسافله لابسه لبس حقييييير . . ومن شافتنا وقفت . .

شماني تطالع مروان : هذي بو حامد مروان . . هذي . .

مروان يطالعها ومنصدم مايتحرك . .

شماني : حسبااااااااالك انا غبيييييييييييييييييه مااااااااااعرف . . " تكسرررر كل شي موجود ع الطاااااااوله "

تسير صوبه وتضرررررررربه ضررررررررب . . كفففففففففف ورا كففففف على ضرررررررب وهو ابد بدون رده فعل

شماني تصيح وتصارخ : انا اعرف من زماااااااااااااااااااان . . والله اعرف من زمااااااااان . . كانت تكتبلك ع الواتسااااااااب ف الليل وانا الي اقراااااا كل شي . . كنت اروح اسبح ولما اطلع ماتحس فني واسمع سوووووااااالفك معااها ويا وقاااحتك ي حقيييييير يا سااااااافل ( كانت اول مره تسبه ) ماتستاهل احتراااااامي . .حششششمتك وسكت وتحملت خيانتك مع انك يالوصخ ترمسها جداااااامي وصوتها يسري واسمع ولكن اطنشش واقول ماعليه بيتغير ونزوووووووه . . " تضربه بقوه وتصيح " شششششفتك معااااااااها فالكورنيشششش . .

مروان فتح عينه ع وسسسسعهن وتم مذهول . .

شماني : دقييييييتتتتتتتلك يالحيواااااااااان يالحقير ااسالك وييينك وتقولي برمممممسسسك عقب انا مع بو حاااااامد وهيييي تحط راسسسسسسها ع صدررررررك " تضرب صدره بقوه " يالنجسسسسسسس يالوصصصصصصصصصصصصخ . . هذي الي بدييييتها علي يا مروان هذذذذذي . . هذيييي الـ ************ وانا الصااااااااينه العفيفه الي اخاااااااااااف ربي تركتنننننننني . .

مروان تنزل دموعه : شما . .

شما تضررررربه وتصارخ : لا تطرررري اسمي . . اسمي عفيييييييييييف لا توصخه بلساااااانك . . " تصيح " ذبحت كل شي فيني . . ذبحت برااااااائتي . . ذبحت احساسسسسي . . ذبحت روحي الطيبه . . جلبتني من بنت حنووووووووونه ماترفع حسها ل ظلها ل وحده وحشششش . . لـ وحده ماتعرف نفسسسسها . . غيرتني خليتني ماعرفنننننننننننني . . انت ما تسسسسستااااهلني وانا تحملتك وصنتك ولاخر لحظه اقول بيتغيييييييير لكن خلاااااص . . دام وصلت للشقه خلااااااااص . . وربي مالي قعده معااك . .

صدت شافت كرتون كتكات وجلكسي وكندرر واشكال وانواااع . .

شماني : تدلعهاااا بعد . . تااااااااخذذلهاااا كل شي تباااه وانا اتشفق منك على اهتماااااااام بسيييييييييط . . اتشفق منك تبتسم لي بس مابغيت منك حلاوه صغيره حتى . . شو الي شفته فيها ماشفته فيني . . العيب اني احتمال ما اييب يهال ؟ ها عذذذذذذرررررر . .

انا : هيه والله انه عذر . .

شماني تصارخ : عذذذذذذر بنت عمي يتعذذذذذذررررر عشان يخترررررب عشان يسوي اليور . . كان قابض روحه ويتريا شششششي بس عشان يضيع ويصيييييع ويسوي المنكرررر . .

مروان : سمعيني . .

شماني تصيح : شهووووووووور تعاقبني على غلط مش مني . . على غلط انا مالي اي ذنننننننننننننننب فيه . . وانا اتحممممل . . مع ان يعورني الشي اكثر منك لاني احس اني فقدت الامومه وابا حد يخفف عني لكن الي لازم يخفف عني قاعد يزيدني ألم . . " تصارخ " يزيدني خياااااااناااااااات . .

تضررررربه باقوى ماعندها . . وتقرمششه وتسويله كل شي بعنننننف . .

شماني تصارخ : طللللللللللقني . .

انا اسير صوبها : شمممما

شماني : طططططططططلققققققققني اقولك

مروان : ماراح اطلق . .

شماني : لا تسوي روحك الشششششهم الحييييين الي يحب ولا تنزل لي دموع التماسيح والندم . . ماصدقك قسسسسم بالله ماصدقك خلاااااااص . . وانا صرت قويه الحين تعرف ليش ؟ بسبت جحووووودك ونكرانك ع النعمه الي كنت فيها وانت ما تستحققققققها ودسسسست عليهااااااا وخليتها ما تسسسسسوا لين صارت بهالقوه . . وانا كنت اتريا اللحظه الي يكبر فيها جزي منك واعوووووووووووووفك عشان اقدر اطلب الطلاق وما اندم . .

مروان : سمعيني

شماني تصارخ : طلققققققققققننننننننننننننننننننننننننننني . .

انا اطالع الحيوانه الي كانت وياه كانت تطالع مروان بقوه . .

البنت : مروان طلقها شحقه خايف . . ماتشوفها كيف تسفل فيك . .

مروان : طلعي برا . .

البنت : انا اطلع ؟

مروان يصارخ : طلللللللللعي بررررررررا . .

شماني تطالعه : لالالالا والله ما تطلع من اهني . . ليش تطلع ؟ منكر بس جدامي يعني ؟؟ انا الي اطلع من اهني . . و والله ما اطلع لين انت تططططططططططططططططططلقني . . . طللللللللللللللللللللق . .

انا اسير صوبها امسكها : شماني حبي . .

شماني : خل يطلقني الححححححححين ما اتحمله خلاصصصصصص

انا اطالعه ..

مروان : ماراح اطلقج . .

وليد اتصل فيني . .

تنهدت وطلعت عند الباب . .

وليد : وينج .. !!!!

انا : ااااااه يا وليد شقولك . . مادري يصير اقولك حتى ولا . .

وليد : قولي شسالفه

انا : شماني طبت على مروان وهو عند وحده . .

وليد : انتو وين . .

انا : ف عماره *******

وليد بعصبيه : رايييييييييحين عماره روحكككككم انتو تستهبلون . . تخيلووو غلطتو ودخلتو على عيااااااااال حراااااام

شماني تبتسم وطلعت لي : طلقني . .

انا اشهق : شوووووو . .

شماني : طلقني . .

وليد : طلقققققققها . .

شماني : رديني البيت مهور . .

انا : الخين بنرد وليد

وليد : شوي شوي . . وطمنيني يوم توصلين . . انا احين راد . .

بندت عنه وسحبتها وركبنا السياره . . تمت هاااااااديه وساكته ما قالت اي شي . .

اول ما وصلنا البيت . . صديت صوبها . .

انا : خلينا ننزل نتكلم . .

جان تنفجرر صيااح . . تمت تنوووووووح . . كسرت لي قلبي . .

مسحت دموعها . . : طلقني طلقه وحده . .

تميت اطالعها كانت تهاذي تقول كلام وهي ماتعرف شتقول . . تمت ع هالحال لين شفت سياره وليد بركنت عند بيتي . .

شماني : ادري تعبتج معاي . . وليد عصب عليج صح

انا : لا حبيبتي ما عصب لا تحاتين شي . .

شماني : انا بروح اشل اغراضي وبطلع من البيت . . " تطالعني " ها اخر طلب ابيه منج . . تين وياي تساعديني ألم أغراضي . .

انا : يالله امشي . .

مشيت معاه بنروح بيت عمي حمد . . مع اني حالفه ما اطبه من عقب ماطردني لكن لازم اكفر عشان خاطر شماني . .

وليد دش البيت اظن يتحراني داخل ما انتبه اني فالسياره كنت . . اول ما دخلت بيت عمي حمد طلع فويهي سيف ورن فوني

انا بدون ماقصد : ها حبيبي . .

سيف يطالعني عين بعين . . : هاه ؟

اانا : ارمس فون

سيف : اوه اتحرا ترمسيني . .

وليد : شو تسوين في بيت عمي حمد . . تحريتج فالبيت . .

انا : بخبرك عقب . .

وليد : ياحرمه انتي تعباااااااانه روحج هللللللللللكانه . .

انا : انزين يالله ماقدر ارمس الحين . .

وسكرت عنه . .

سيف : شصاير بنت عمي . . احس بنت عمي شما شي فيها . .

انا : ماعرف شقولك ولد عمي . . اكيد بيوصلك الخبر لكن ماظن مني . .

سيف : شصاير بينهم . . شصاير ف عيال حمد عوذ بالله مش مترقعين

انا : خلني اروح لها الحين اكيد تعبانه وتصيح . .

سيف : مرخصه . .

مشيت شوي . .

سيف : مهره

انا صديت اطالعه

سيف : لا تصيحين على يدي . . بيقوم بالسلامه

انا اطالعه . .

سيف : اول مره اجوف فيها دموعج . . وايد تاثرت . . ماتهونين علي ي بنت عمي . .

انا ابتسمت ويايه امشي

سيف : بيقوم بالسلامه .. يدي قوي ويتعدى هالازمات . .

انا اطالعه : اعرف . . الله يسمع منك يااااارب

سيف يبتسم : امين . .

ومشى وانا مشيت كملت دربي سرت حجره شماني . . كانت جالبه الحجرره فوق تحت . . مكسررررره كل شي وعاقه ملابسسسه ومطرطره ثياااابه . . ما خلت له شي صاحي . .

كناديره مطروووره وبدلاااته قطعتهم بايدها . . وتفر كل شي ف الزباله الي طفحت من اغراضضضه . .

حتى عطوره من الكومدينو ششلتهم وفرتهم وكسسسسرت الجامه . . كسرت كل شي جلبته فوق تحت . .

خفت ان حرمت عمي حمد تحس فينا وتستوي مشكله مول ماعرفت شسوي . . بس الله ستتتتتر محد يانا ابد . .

ماهديتها . . خليتها تطلع كل حرتها عشان ترتاح . . مع اني اعرف مابترتاح لكن التكسير واطلع حرتها بيبريحها شوي . . بيخفف النار الي فيها . .

عقبها قعدت تطلع ثيابها وتحط فالشنطه وكل شوي تفرر لبسسس وتقول

شماني تصارخ : من فلووووسسسسسه . . مابا شي منه

وفجججاه شلت كل قمصصصان النوم وحطتهم ف كيس روحهم . .

انا : خلصتي . .

شماني : هيه

تغشت وطلعنااا . .

وصلتها هي واغراضها لين بيت عمي خالد . . طبعا رقوي كانت موجوده وانصدمت . .

اول ما وصلنا حوش بيت عمي . . جان تسير شماني صوب التنووور . . وفررررت كل الي فالكيس وكانت قمصان نوم . . و ولعت جبريت وحرقتهم . .

رقوي : شو فيها . . رمسي مهور . .

انا : خليها . . خليها يمكن ترتاح جي . .

رقوي سارت صوبها : شفيج ي اختي . . رمسي

جان تحظن شماني رقوي وتصيييييح بصوت مسموع . . بصوت عالي . .

رقوي فاجه عينها ع وسعهن ودموعها تنزل : اول مره اجوفج جي . . اول مره اجوفج جي منهاااااره شو صاييير . .

طلعت حرمت عمي من البيت وهي تسمع الصياح . . وشوي دخلو شيخه وخلود من باب الحوش كانو عند يدي . .

وكل حد ألتم عليها وانا اهني انسحبت . . اعرف ان فهالوقت العايله والخوااات هم اكثر الناس الي بيحسوووون وبيخففون . . كان ودي اكون وياها واخفف عنها لكن اعرف ان الي وياها ما بيقصرون وانا جد احس بتعب فظييييع بس اقاوم من الصبح . .

طلعت بعمري وشفته عند باب البيت يتريا ويحاتي ويطالع بيت عمي حمد . .

مشيت وسرت صوبه . .

وليد : انتي اهني . .

انا : وديت اغراضها بيت عمي . .

وليد : فديت روحج . . تعبتي والله

انا : الله يعينها مادري كيف بيغمض لها عين والله . . " تميت اطالع وليد واحسه بدا يتشوش علي " وليد احسس . . احس اني بطييح . .

وطحححححت . !!!

جني كنت اتريا اللحظه الي اشوف فيها ريلي واعق كل تعبي عليه . . نشيت ع ضربات ايده وهو يرشني ب ماي بارد . .

وليد : هاي بدايات الحمل . . بتمين كله اطيحين علي . . " يطالعني بنظرات شفقانه "

انا ابتسم بتعب : لاتحاتي

وليد تنزل دمعته : كيف ما احاتي . . " يصد ويهه الصوب الثاني "

انا امسك ايده : المفروض تقويني مش انا اقويك . .

وليد : ماراح اتحمل اجوفج جي . . خلاص عقيه . . ماباه يتعبج واشوفج غشيانه طول الوقت

انا : لاتقول جي وليد . . خلاص " حطيت ايدي ع بطني " انا رضيت فيه . . والحمدلله الله رزقني وغيري يتمنى " ف بالي مشكله شماني و وين وصلها الحمل "

وليد يمسك ايدي بقوه : فديت حبيبي انا . .

انا اطالعه : ودني الغرفه . . احس ظهري يعورني من الكنبه . . مع انها كانت مريحه قبل مادري ليش احس الحين انها مش مريحه

وليد : الحمل

انا : كل شي بتعقه ع الحمل وليد .

وليد شلني واول ما شلني ومشى فيني شوي اندق الباب . . ومن الدقه نعرف ان هاي دقه عمي سعيد . .

وليد : ادخل يبه . .

دخل عمي سعيد : اوه اووه بلاها عروستنا . .

وليد يبتسم : ماخبروك ؟

عمي سعيد : عن شو ؟

انا : اصلا محد يدري الا عنود وامي . . انا بخبر عمي نزلني . .

عمي سعيد : حامل ؟

وليد يبتسم : هييه

انا : نززززلني

عمي سعيد : لالالا والله ماتنزلها . .

يا صوبي وباس راسي . . واااااااااااااااااه افتششششششششششششلت حدي جد احراااااااج ان عمي يتعنااا لي و وليد شالني ويبوس راسي جي الموقف ماعرف كيف . .

عمي سعيد : الف الف الف مبروووووووك والله هاي الاخبار الي ترد الروح . . الحين اذبح ذبيحتيييين . . تستاهلون تستاااااهلون والله . . هيييه بتكبرووني هااه . . بتسووني يد وانا توني صغيير . .

انا بصوت واطي : نززززلني . .

وليد يبتسم : اذا انا بستوي ابو وانا بعدني يااهل

انا منحرجه خلاص

عمي سعيد : هههههههههههه . . يالله برايك ود حرمتك فوق ترتاح شوف عيونها كيف وارمه من التعب . .

وليد : ماترقد ابويه والله ماتذوق الرقاد . .

انا ادق صدره من دون لا يشوف عمي : نزززززلني . .

وليد : هااااه هااه بنززلج . .

ومن وقفت بس بعد حسيت اني فقدت توازني . . ورديت طحت !!

معقوله بيتم حمالي كله جي . . كله بيتم يغمى علي . . الله يصبببببببرني شو فيني . .

عمي سعيد : ها ابويه شو تحسين . .

انا اطالع عمي واحس اني ماشوفه عدل وكل ما افتح عيني احس اني برد اطيح جان ادر اغمض . .

فتحت عيني على دقت ايد وليد وهو يواعيني . .

انا : شفيك . .

وليد : قومي لازم تاكلين . .

انا من شفت الاكل حسيت اني برجع

انا اصد ويهي الصوب الثاني : لالالاا ماقدر . .

وليد : بسسسسسسسرعه والله بتاكلين

انا : ماااااباكل اقولك برررجع . .

جذببني الليمون والملح وع طول سحبته وتميت اكله جي بدون ما احس انه حامض وتم يوكلني بايده عيش وانا عقب كل لقمه اعصر لومي ف حلجي ف احس براحه ماحس اني برجع وتميت جي لين الحمدلله انترسسسست كرشتي . . .

وليد : بروح ايييب لج حليب . .

انا مسكت ايده : لالالا تيب لي شي الحين والله ماقدرر بعدين . . تعال بس اهني انسدح حذالي خلني احط راسي ع ايدك وارقد . . احس اني ابا اررررقد بس . .

وليد : قومي نصلي العشا وبعدين نريح يالله . .

ساعدني وقومني . . ودخل ويايه الحححمار الحمام يساعدني اتوضا وماسكني من وراي من خصري . .

انا : وليييد شفيك

وليد : اذا طحتي ؟؟ جمجمت رااااسج بتنكسر من الرخام

انا : ترا انا احس بدوخه قبل لا اطيح ف من احس فيها بطلع . .

وليد : حزتها وين ترومين تيودين روحج انتي . . توضي يالله . .

توضيت وانا مبتسمه وخلصت وعقبها طلعت ونشفني ب فوطته . .

انا : ياااالله ي وليد ف شهر العسل ما سويت جيه . .

وليد يبتسم : مبين علي وايد متونس ف الياهل ؟

انا ابتسم : وايد مبين . .

وليد : هههههههههههههههههههههه فديت حبيبي . .

ابتسمت . .

رحت عقب صليت فرضي وجبرت روحي اتسنن وتميت احمد ربي ع نعمه الحمل الي انحرمو منها وايد غيري وعانو وهم مالهم ذنب . . تميت ادعي لكل حامل الله يرزقها ب ياهل ويصبر ريياييلهم عليهم . . ودعييت لشماني الله يصبرها ويخفف عنها وان كان مروان خير لها الله يسر امورهم ويرجعون سوى . . ودعيت ل يدي وايد ومن دعيت له تميت اصيح . . حياتي بدون يدي مالها طعم وبتكون ناااااقصصصصه حيل . . ختمت دعائي ان الله يحفظ لي جنتي امي ويخليها لي . . ويحفظ لي كل عايلتي ويرزققنا الجنه وحسن الخاتمه . .

من عقب ما خلصت صلاه كان ودي امسك قران اقرا لي صفحتين مثل كل يومين . . لكن من شفت وليد دخل رديت احس اني جد محتااجه ارقد وجسمي تعباااان . .

ادللت عليه وقلتله يشلني من ع السياده ويسدحني ع السرير . . كنت اروم امشي لكن ادلل شوي ع ريلي . .

وليد شلني وقعدني ع السرير : بترقدين جي ؟ ماتبين تلبسين بجامتج ..

انا اطالعه : هاه . .

وليد يبتسم . .

سار صوب الليت وسكره وشغل الابجوره الخاااافته . . وفتح كبتي طلع لي بجامه . .

يا صوبي وماااااااعطاني مجااااال ارمسسس اصلا ولا سوالي سالفه بدل لي ع السريع وانا مبتسمه . . يا حياه الهنااا . . ياخي ما دللني جي ف شهر العسل ابدا . . شهالحمل الي جلب وليد وخلاه حنووون علي ويداريني اكثر واكثر . . فديته حبيبي والله . .

ابتسمت . .

انا : انزين كمل معروفك وعطرني . . ماتعرفني قبل لا ارقد احب اتعطرر . .

وليد : من عيووني . .

ياب لي سي اج وعطرني ع الخفيف وبعدها انسدحت . . ويا صوبي وابتسم . .

وليد : تعالي رقدي اهني . .

ويمد لي ايده . .

تقربت منه وحطيت ايدي ع ايده وانا احس بالامااان حيل والراحه . . الله يطمني على يدي ويبشرني فيه وتكمل راحتي بس . . خاطري انام مرتاحه ما انش مفزوعه من اي اتصال واحس ان شي صاير ويدي فيه شي . .

وليد : عدي من واحد لين 20 . . ابا اسمع صوتج . .

انا : ماقدر . . مافيني حيل ارمس والله . .

وليد : يالله . . عدي . .

تميت اعدد وهو حاط عينه ف عيني ويطالعني . .

انا : واااحد . . اثنيييين . . ثلااااااث " اتثاوب " . . ارربع . . خمسس . .

تقرب مني باسس يبهتي ولصقني صوبه اكثر . . : كملي

انا : ست . . سسبع . . ثمااااان . . تسسسع . ." بصوت ي دوب ينسمع " عششر . . . . . 11

وعقبها رققققدت على طووووووووول . . !

.

.

.

__DEFINE_LIKE_SHARE__

«ضَحِيًة حِبُيًبُيً ..}● · 06-22-2013, 02:21 AM

.
.
.

السسسسلام عليكم ورحمه الله وبركاآآته

شخبآآآآآآآآآآآآآآآآآآآآآركم , , اشششتقتلكم وربي

واشتقت للكتابه واشتقت لردودكم وحماااااسكم ولكل شي . .!!

طبعا اشكركم كلكم فرد فرد . . انكم تحملتوني ف فتره الامتحانات

والكل وقف وياي وشجعني . . وفدييت الي ف تويتر ما يقصرون يدعون لي ويسالون عني . .

مع اني قصرت فالتواصل ويالكثير لكن جد محد قصصرّ ويآآيه . .

المهم ابا اتناقش وياكم ف شي . .

اانا ودي انهي الروايه قبل لا يبدا رمضان . . لان مثل ماتعرفون انا ف كل شهر رمضان ما اكتب . .

لاني ماباكم تلهوون عن العباده . .

ف شو تحسسون ؟؟ خاصه اني مابا اخليكم تتريووون اكثثر واتمون تتريوون . . !

بعدني متردده ومش عارفه . . رايكم واقتراحاتكم تهمني . .

أتمنى البارت يعجبكم . . خليته متنوع وفيه كذا شي واشياء يديده . .

اترقب رااايكم ان كان ف تويتر او اهني . .

ومتابعه لكل ردودكم وكلامكم الي يحمس ويشجع . .

رابط الروايه لين اخر بارت على ملف الورد

http://www.mediafire.com/download/tb...%85%D9%83.docx

ماقدر اقولكم متى بنزل بارت ؟ لكن انا بخبر الي في تويتر اول باول متى بكتب . . وهم ما يقصرووون يوصلون لكم كل شي اول باول . .

اشكر الناقليين الي ينقلون الروايه دوم وينقلون كلامي بدون ما ينقصون حرف . .

اشووفكم على خيير . .

" ملاحظه " ~> احم ظللو
" دعواتكم لي بالنجآآح والدرجات العاليه , لاني احاتي مادتيين واخاف مانجح فيهم "

ضحيّه . . .

__DEFINE_LIKE_SHARE__

عاشقة كوريا بجنون · 06-22-2013, 02:58 AM

الباااارت يجننن ياااالبى كيف عجييييييييييييييييييييييييب
تسلم ايدج و بالتوفيق ف دراااستج
__DEFINE_LIKE_SHARE__

ﻤﺟﻧﯡﯡﻧک · 06-22-2013, 03:13 AM

تسلم ايدينج على هذا البارت الكشخه وبخصوص انج تنهينها نحن عادي عندنا نتريا لكن اذا انتي تبين تنهينها هذي روايتج اتمنى انج تسوين الي يريحج __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خادمة "تذبح" طفلة مخدومها بحفر الباطن	محروم.كوم	منتدى أخبار المواقع والمنتديات العربية والأجنبية	1	04-16-2013 02:04 AM
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف))	محروم.كوم	منتدى أخبار المواقع والمنتديات العربية والأجنبية	0	01-20-2012 04:10 PM
بلاك بيري تورش 9860 فل تتش مع بن ممير """"""""""""""""""""""	محروم.كوم	منتدى أخبار المواقع والمنتديات العربية والأجنبية	0	10-28-2011 11:00 AM
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM