رّوآيه " هآيـم فيّ بحـر آلشّوق وُ لذة هيآمك " - الصفحة 242

5boola · 01-11-2013, 07:51 PM

البارت حبايبي ( يمكن ) انزله آخر الليل نفس كل مره ،. بأكد عليكم ع المغرب

كلام الكاتبة فتويتر
__DEFINE_LIKE_SHARE__

«ضَحِيًة حِبُيًبُيً ..}● · 01-11-2013, 08:00 PM

.

.

.

البارت الـ 30 . .

يوم الجمعه بالتحديد بعد صلاه الجمعه . . !

الاجتماع في بيتنا . . صارت الجمعه نجتمع فيها يا في بيتنا او في بيت يدي ! قبل كنا كل جمعه في بيت حد . . لكن من 3 اسابيع صار الحال جذيييه . . يمكن لان بيتنا لاصق يدار في يداار في بيت يدي ويكون اسهل لـ يدي انه يروح مع يدوه . . لان بيت عمي سعيد وحمد وخالد مجابلين بيتنا و بيت يدي . . اما بيت يدي وبيتنا يدار ب يدار . . ف الكل يبا راحه يدوه ويديه وووو تعودو ع هالوضع . . .!

المهم . .ّ !! اليوم اخر يوم لي اكون فيه بنت . . !! من باجر بكون حرمه خلاص . . . !! اليوم اخر ليله ابات فيها في بيتنا . .!! لا لا مش اخر ليله . . اقصد ببتعد عن البيت مؤقت بروح شهر العسل وبرد . . لاني مستحيل اخلي اميه بروحها فالبيت . .وها شرط من شروووووطي ان وليد يعيش معايه في البيت . . طبعا اول شهرين من الزواج بنسكن في بيت عمي سعيد ! مثل ما قلتلكم قبل عمي سعيد طلع من البيت وعايش في بيت يدي وطليقته اوردي طلعت من البيت . . عمي سعيد قال مايصير من بدايه زواجكم تسيرون تعيشون مع حد . . لازم تكونون روحكم وتبتدون تتعودوون ع بعض و وليد ما قصر غير لي الاثاث الي في الطابق الي فوق كللللله ورتبلي اياه وانا الصراحه كنت استحي اتامر واقول شو ابا ف خليته يسوي ك شي ع راحته وانصدمت لما شفت الاثاث والطابق الي فوق كله ابيض واسود . . صح ان الابيض فخامه والاسود افخم لكن انا بنت تعودت ع الالوان وفجججججاه ابيض واسود ! حسيت اني كبرت لوول لكن المهم عنننننندي اني ما ببتعد ع امي . .

سكرت القران . . خلصت قرايه سورة كهف . .

ع طول طلعت برع عشان اعرف سالفه الزغاااريط . . شفت البنات حوالين شماني ويضمونها ويحظنونها ويصارخون . . .

انا اطالعها وفاجه عيني ع وسعهن : حاااااامل . .

شماني تبتسم بحيا . .

انا سرت صوبها : حححححححححححححياااااااااااتتتتتتتتتتتتتتتتتي . .

وتميت احظنها من قلب وسحبناها حجرتي عشان تخبرنا تفاصيل كيف عرفت ومتى وشـ كانت رده فعل مروان . .!!!

>

<

>

شماني ترجع وتصيح . .

مروان واقف عند باب الحمام ويطالعها ومتعذب ما يعرف شو يسوي . .

شماني تغسل ويهها : تعبت مروان . .

سار صوبها مروان وطلعها وقعدها ع السرير وتم ساكت ما يرمس . .

شماني تطالعه : بستوي بخير .. يمكن معدتي تعورني . . قلتلك انا ما اتحمل اكل من جيليز ..

مروان : كله مني . . انا اسف . . " يمسح ع راسها " والله ماكنت ادري انج بتتعبين جيه . .

ميره ادق الباب : مررررروان . . شمممما غدا . .

مروان : دشي ميرة . .

ميره تدش : يالله غدددددا . . " تطالع شما " شفيج . . ويهج مصفر . .

ميره يتها اللووعه مره ثانيه وسارت ترجع . .

ميره : امممممااايا . . أماايا تعاااااااالي ششششوي . .

وركضت طلعت برع وردت يت مع حرمت عمي حمد . .

حرمت عمي : شششششو فيها شو تحسس . .

مروان : هاي حالتها من امس فليل . . من كلنا من المطعم وهي تعبانه . .

ميره : ليش ما ودييييتها المستشفى شو تتريا . .

حرمت عمي : ميره ومروان اطلعو برع شوي . .

وطلعت حرمت عمي وياهم سارت يابت شغله وردت لـ شما . .

حرمت عمي تطالع شما : سوي تحليل وخبريني النتيجه ..

شماني : لا ماظن . . انا . .

حرمت عمي : انتي جربي . . يالله

وبعد 5 دقايق طلعت ميره منصدمه وتطالع حرمت عمي : عموه كلامج صح . . " تصيح " انا حااامل . .

حرمت عمي تحظظظظظظنها وتزاعق : مرررروان . . يا مروووووان . .

مروان يبطل الباب ويدخل : ها امايا شصاير . . . شفيج . .

ميره تبتسم وتطالع مروان : بااااااااين الكتاب من عنوانه ما فهمت يعني

مروان : لا . . شوه فهموني . .

حرمت عمي : يالله ميره خلينا نطلع وخل حرمته تخبره . . " تطالع مروان " بس بعد ودها المستشفى عقب ما تعرف . .

وطلعو ..

مروان ساير صوب شماني الي شاقه الحلج ودموعها تنزل . .

مروان : شوو تكلمي . . شو الي يصيحج . .

شماني تحط ايدها ع بطنها : بيـينا بيـبي . .

مروان يطالع شماني : بينا بيبي . .

شماني تهز راسها . .

مروان : أنتي حامل !!!!!!!!

شماني تهز راسها ب هيه . .

مروان : قولي والله . . شماني ها مش وقت مصخره

شماني : انا متى تمصخرت مرررروان . .

مروان : لالا ما اصدق . . انزين شو الدليل . .

شماني تسحب ايده وتحطها ع بطنها : مررروااان انا من عرفت وانا احس فيه . . مادري كيف . .

مروان يبتسم : والله انا احس فيه . .

جان يحظظظظظظنها بالقو : فدييت ام حممممد . .

>

<

>

انا قطعت عليها رمستها وشهقت : نعمممم . . ام حممممد . . !!! انا ام حمد . .

شماني حاطه ايدها ع قلبها : خوفتيني . .

رقوي : انتي عرسي اول فكينا عقب قولي ام حمد ولا ام بطيخ . .

انا اضرب رقوي ع راسها بخفيف . .

شماني : مادري هو يبا ع اسم عمي . .

انا : مايصير حمدكم يييوصل قبل حمممممدي . . انا بغيت اكون ام حمد الاولى افف . .

ميره : ماشاء الله كلكم تحبون ابوي هالكثر

انا ابتسم : هيه وايد صراححه . .

رقوي تبتسم : انزين عقب شصار كككككملي . .

ميروه : ااندوكم انتو الياهل الي شاده حيلها ويانا ع الخط . .

عنود ادق الباب ويدخل صقوري . .

انا : فدييييييتتتتتتتتته . . تعاااال تعاااااااال . .

ويعفد فوقي وجان انسدح ع السرير ورافعتنه : حبييييييييييبي عمري الولد . .شحاااااالك

صقوري يبتسم : كاااااااكام . .

انا : بسسس بس كااااكام

صقوري : ششششبس

انا : ههههههههه فديييتتتت هالشششبس من لسانك . . جبس جبس اسمه حبيبي . .

صقوري : ححححبييييييبي . .

انا : فديييييييتك انا " ابوسه ف كل مكان " انته حبيييييبي . .

صقوري يضحك : انتتتته حبيبي . .

عنود تسلم ع شماني : مبرووووك ع الي سمعته . . عاد كنت بي اباركلج بس قالتلي عموه انج ويا مروان ف مادخلت عليكم . .

شماني تبتسم : الله يبارك فيج حبيبتي . .

عنود : سرتي المستشفى ولا ؟

شماني تطالعنا : هيه سرت واكدولي الحمل واني داشه فالشهر الثاني . .

اتا ابتسم : الحمدلله حبيبتي تستاهلين كل خير . . لكن من الحين ببدا ادعي ان بنت مابا حمد غير ولدي . .

شماني : هههههههههههه . .

يندق الباب : يالله كدددددددااااااا . .

كانت الشغاله . .

عنود : مهور وميروه خلكم اهني فوق .. بخلي الخدامات يييبون لكم الغدا الحين فالصاله . . تعال صقوووري يالله بناكل نم نم

الولد يقوم يسير وياها . .

ميره : لا والللللله . . ليشش ان شاء الله . .

شيخه : حبيبتي كل وحده فيكم ريلها ماشايف خير . . وكل شوي بيطلون عليكم . . وبعدين شوفو ويهكم تخررررررعون . . من متى مش سايرات الصالون

انا : ههههههههه جب يالجذابه انا وهي مسويات ليزر البارحه . . بنسير نصبغ شعرنا عقب الغدا . .

شيخه : أي لووووون

انا : بصبغه بني فااااتح . . وميروه بتصبغه اسود مزرق . .

رقوي : الللله كشخه متى اعرسسسس واصبغ شعري . .

انا ابتسم : اصبغي الحين . . انا صبغته اشقر قبل ما عرس شو فيها . .

رقوي : حبيبتي انتي دلوعه امج . . انا اميه بتفتحلي سجل اجرامي

انا : هههههههه يحليلج . .

وراحو عنننا . .

ميره تنسدح ع السرير . . : مهور متخيله ان خلاص . .!!!

انا انسدح حذالها ونطالع السقف : بعدني ماحس اني بعرس

ميره : انا ابعععععد احس السالفه جذب . . " تطالعني " امسات يهالو ونضارب فالمدرسه ونسوي مشششاكل متى كبرنا وبنعرس "

انا : هيه والله . . " اطالعها " خل عنج هالموضوع . . تصالحتي ويا ميود . .

ميره : ماكلمته من هاك اليوم . .

انا اشهق : اي يوم . .

ميره : يوم يا لين بيتكم وقال كلام . .

انا : حسبي الله على عدوج من شهر . .

ميره : شهر ويوم . .

انا : ميروه تخبلتي . .باجر العرس . .

ميره : انزين شسوي . . هو كل ما ازعل متعود يراضييني ويتصل .. هالمره مطنش

انا : مييره هالمره غير . . هالمره انتي قلتي له ماتحس زواجنا غلط !!! هالمره هو حط عينه ف عينج وقالج شكلج ما تبيني . . شكلج مش مقتنعه ب زواجنا . . المفروض ما كنتي تسكتين كل هالمممممده . . حرام عليج انتي وايد قاسيه مع مايد والله . .

ميره : انزين خلاص بدقله الحين

انا : لاا ادقيله لاني انا قلتلج . . دقيلللللله لانج مقتعه ولانه من داخلج تنين

ميره : وانا من داخلي ابا لكن كرامتي

انا : اي كرااااااامه انتي غلطانه

ميره : انزين انا سالته سسسؤؤؤؤؤال

انا : انزين سالتيه لكن خليتيه مجروح من سؤااالج وايد . .

ميره : خلاص مهووور بدقله اسكتي . .

ومسكت تلفونها ودقتله لكن مارد . .

ميره : ششششفتي الحيوان خل يحمد ربه بعد ادقله ونزلت كرامتي

انا : لا حول ولا قوه الا بالله بعد قالت كرامتي . . ميره ها ولد عمج قبل لا يكون ريلج وتهمه كرامتج اكثر منج حطي هالشي ف بالج عدل . . وبعدين حزه غدا وتلاقينه يتغدا وتعرفين الكبار بياكلونه لو رد ع الفووووووون وهو ياكل . .

شوي ورن فونها . .

انا : شفتي . . رغم انه بينهزب لكن دقلج . . رددددددي . .

ميره ترد وتوقف عند جامه حجرتي وتطالع تحت . . : الو . .

مايد : . .

ميره : . .

مايد : الو . .

لاحظت من ايدين ميره انها ترجف . . : شش . . شحالك

مايد : بخير وانتي شحالج عساج طيبه . .

ميره : مش طيبه . .

مايد : . .

ميره : اقولك انا مش طيبه وانت ساكت ؟ شكلك فرحان لاني جيه

مايد : . .

ميره : اوكي اووكي انا الغلطانه لاني دقيت . .

وبندت فويهه

انا اصارخ عليها : يعني زدتي الطين بللللللله . .

ميره : حيوان اكلللللمه وساكت واقوله اني مش بخير وهو ساكت

انا : ميره ها معناته انه مجروووووووح وايد منننننج . .انتي تزيدين كل شي الحين

ميره : اوووووه خ يولي . . ما يباني خل يطلقني . .

انا اطالعها : نعم ؟

ميره : الي سمعتيه . .

انا : ميره دخيلج اطلعي برع مش طايقه اشوفج والله . . اول مره اشوف انسان غلطان ويزيد غلطه ومصر ع الغلط اكثر . .

ميره طلعت من حجرتي وسكرت الباب بقوة . .

انا : سبحان الله . . الحب يطلع على بذره . .

ميره تبطل الباب : سمعتج . . وبعدين انا مش شراتهم لا تشبهيني ف تجاربج الفاشله ويا سيف . .

انا اطالعها . .

ميره ردت تطلع وسكرت الباب . . .

انا تنهدت وقمت قفلت باب حجرتي ورديت طحت ومسكت الفون وتميت اقرا البيسيات لين دقت الخدامه الباب وقالت انه الغدا محطوط وقلتلها مابا شي . . تميت اقرا واقرا وعقب غيرت الصوره . . ومن غيرت الصوره سوالي وليد بنق . .

انا ( هلااا )

وليد ( مليون ولا يسدن . . شحالج ؟ )

انا ( بخير الله يعافيك وانت شحالك

وليد ( مشتآق لذيج العيون . . وينج ؟ ماشفتج ويالبنات ؟؟ )

انا ( اوامر عليا )

وليد ( 5 ايام ماشفتج . . ماشتقتيلي )

انا تفشلت ماعرفت شقوله جان احطله فيس مستحي ..

وليد ( اويه )

انا ( شفيييك )

وعقب مارد علي . . تميت اسويله بنق بنق بنق لكن مارد . . وعقب فتره بسيطه

وليد ( هلا )

انا ( وين رحت . . شو السالفه ؟ ليش اويه )

وليد ( ميروه معصبه يايه وسحبها مايد بعيد )

انا ( اححححلف )

وليد ( واللله )

انا ( اوبس )

وليد ( ليش شصاير )

انا ( سوالف مخابيل ماعليك . . )

وليد قرا كلامي بس ما رد . . تميت مال 10 دقايق عقب رديت رمسته

انا ( اييييه )

وليد ( ابوووي )

انا ( ليش ما تسولف ويايه . . ملانه تامه روحي فالغرفه )

وليد ( اصعدلج ؟ )

انا ( يا زززززفت )

وليد ( ههههههههههه )

انا حطيت له فيس معصب . .

وليد ( وحشتيني والله . . .ابا اشوفج ياخي )

انا ( بتشوفني باجر )

وليد ( والله مش قادر اتريا )

انا ( ههههههههه )

وليد ( بشوفج عروس . . وبالفستان الابيض منو قدي )

انا ( احممممم )

وليد ( بتكونين احلى عروس فالدنيا كلها )

انا ( اعرف )

وليد ( انتي مش ويه حد يمدح . . تدرين ولا ؟ )

انا ( هههههههههه جب اوكيه )

وليد ( اوكيه )

انا ( وليييييييد )

وليد ( عيوووووونه )

انا ( سووووووولف ويايه لا تخليني روحي والله ملاااااانه وايد )

وليد ( قلتلج بصعدلج فوق بونسج )

انا ( وبعدييييين )

وليد ( زين خلاص خلاص اوف . . صبري شوي بضرب هالهرم )

انا ( امنوه ؟ )

وليد ( اخووووووج )

انا ( اخوووووك بعد )

وليد ( داش وييايه ف نص المحادثة يقرا )

انا ( ششششهاب شحالك . . تشوفني ؟ )

وليد ( ههههههههههه حححححححححححلوه )

انا ( ههههههههههههههه )

وبعد قراه لكن ما رد علي . .

انا ( اوكي اوكي خلك بزي انزين )

وفجججججججاه من فون وليد ( انا شهاب )

انا ( اميه بسم الله من وين طلعت )

شهاب ( من الفون )

انا ( هاهاهاها مايضحك )

شهاب ( وش ذي . . من قال اضحكي . . )

انا ( ليش شال فون وليد )

شهاب ( ههههههههه عمي خالد قالي اسحب فونه . . هالي مافيه رجوله قاعد ف مجلس كله رجاجيل ويهز ب ذا التلفون هههههههههههههههههههههه )

انا ( هههههههههههههههههههههههههههههههههههههههههههههههههه هه )

شهاب ( وانا خذته وطالع بروح اجيب دله شاهي خلصت الموجوده عندنا )

انا ( ملااااااااااانه شهاااااااب تامه روحي )

شهاب ( افففففففففففففففففففففففففففففف . . يت يت ذي البلوى )

انا ( ههههههههه حرام عليك كله ولا رقوي )

عقبها ما قرا كلامي ولا رد علي . .

عنود ادق الباب : مهووور ؟

انا : ادخلي . .

عنود : انا كلمت الي بتصبغ لج انتي وميروه وقالت بتمر البيت . .

انا : لييييييييش . . كنت ابا اططططلع ملانه . .

عنود : جب جب ترا الحنايه وصلت ف كيف بتطلعين وماشي وقت ف قلتلها تي . . . .

انا : أوووووو نسيت الحنا . . وينها .؟

عنود هكي فالصاله تترياج . .

انا : مايصير اتحنى تحت ما باخذ راحتي

عنود : لالا هكي فوق تترياج فهالصاله ..

انا : اوكي . . ببدل ملابسي بلبس كت . .

عنود : لا مش كت . . البسي شي بدون كم . .

وتميت ادور فالكبت لين حصلت . . وعقبها طلعت . . سلمت ع الحنايه وخبرتها اني ابا كلاسيك ومرتب وانا اوردي اعرف الحنايه هاي واعرف انها تووووب . .

وصيت عنود ان محد يصعد فوق ابد غيرها هي وميروه واعرفهم اصلا كلهم ما بيون الا وحده مينونه لازم تي ..

رقوي : مهرووووووو . . بديتي فالحنا

انا ابتسمت . . : هييييه بديييت واحين خلصصصت . .

رقوي : كششششخه . . روعه روعه وقسسسسم

انا : عيونج حبيبتي . .

بدت الحنايه ف ريولي الحين . .

انا : متى بتي حنايتكم ؟

رقوي : الحين قلت حق الحريم يقولون حق الشباب يطلعون لان بتكون يمعه صالون . . وكلهم راحو اولهم شهاب هههههههههههههههههههههههههههههههه

انا : هههههههههه حليله اتعقد من اخر مره مسكين .

رقوي تبتسم . .

انا : وبعدين شو مسويه فيه ؟

رقوي : انا ؟ ما سويت شي ليش

انا : لما شفتيه قبل ساعه ونص تقريبا

رقوي : كان يرمسج انتي فالبي بي !!!!!!!!!!!

انا : هييييه

رقوي : احلللللللللفي

انا : والله ليششششششش

رقوي تيلس وتحط ايدها ع قلبها : حبييييييييبي والله ظلمته . .

انا فاجه عيني : نعم . .

>

<

>

رقوي : عن تددعم اليدار وانت ما تشوف .. ارحم ايدك من البي بي . .

شهاب : وش تبين انتي وش تبين . . شعليج

رقوي : ترمس امنوووووووه . . وبعدين ها مش فونك . . ليكون عندك فونين . . فون حق البيت وفون حق السوالف . .معروفه هالحركات

شهاب : وخري عن طريجي بروح المطبخ . .

رقوي : ليش تروح . . تتهرب ؟؟؟ يالجببببببببااااااااااان ماعندك شجاعه تقول . .

شهاب يطالعها وعاقد حياتها : والله لو مش بنت

رقوي : هي هي شو بتسسسسوي . . بتضربني

شهاب : انا الحين عرفت سبب وئد البنات .. . اكيد كانو وايد مثلج ايام الجاهلية

رقوي : ايام الجاهليه يدفنون البنت اول ما تنولد انزين

شهاب : اكيد من عيونهم يبان الشر مثلج . .

رقوي : انت لا تغير السالفه تتحراني بنسى . .

شهاب : وش ذي البليه ياربي . .

رقوي : هيه هيه انا بلييييه . .يالله قول ترمس منو

شهاب : ماااااني قايل وخري عن طرييجي لا اكسر الدله ع راسج

رقوي : الدله فاضيه

شهاب يتجدم ورفع الدله

رقوي : اييييييييه . .

شهاب : فاضيه يعني ما تعور ؟

رقوي : انزين قول لي ليش عندك تلفونين وترمس منو كنت ومندمج وتمشي

شهاب : ماااالج علاقه

رقوي : انزين ابا اعرررررررف . . بيذبحني الفضضضضول . .شوفني شوفني بموت والله ابا اعرف . .

شهاب يبتسم : موتي اكثر . .

رقوي : انت ليش جي تسوي فيني

شهاب : انا .!!! انتي الي تين عندي . .

رقوي : انزين اي عندك عشان تسفل فيني ؟

شهاب : لا تين عندي بالمرررره

رقوي : لهالدرجه وجودي يضايقك . .

شهاب : جدا

رقوي : عاااااادي عادي حسبالك بززززعل . . " اطلع لسانها " اصلا انا ما اتاثر قلبي قوي . .

شهاب يتنهد : وخري عن طريجي . .

رقوي : قلتلك اول قول لي ليش عندك تلفونين وكنت تكلم منو وبخوز

شهاب مشى ودزها ع طرف وراح عنها . .

رقوي تصارخ : اصلا انت جبان . . لو انت ريااااااااال جاااااااان ما شردت . . يالجبان . . ويييييو جباااااااان . .

شهاب مسولها طاف ويكمل مشي . ..

رقوي : اسمممع ترى اليوم شي يمعه صالون ف احترم نفسك وروح هههههههههههههههههههههههههههههههههههههه عشان ما يشلون عنك السياره مره ثانية والتلفونين . .

شهاب صد وعطاها النظره القويه وعقب راح عنها . .

ركضت وراه وسارت المطبخ . .

شهاب : شتيبن لاحقتنني لين اهني شتبين .

رقوي : انت ع شو شايف نفسسسسسك

شهاب : لين متى بتساليني هالسؤال . .

رقوي : لين ما اموت

شهاب يطالعها . .

رقوي : يعني ليش ما تكون شرات عيال عمي

شهاب : انا مش شرات حد .. ولا تقارنيني بحد

رقوي : انزين كون شراااااااااااات وليد ع الاقل

شهاب يطالعها : عاجبج وليد روحيله . .

رقوي : اييييه شو هالكلام شو عايبني بعد

شهاب : تمدحينه ! روحيله . .

رقوي : ماااااااباااااااه

شهاب : زين وخري عن حياتي ممكن

رقوي : وخري عن حياتي وخري عن طريجي . . كله وخري وخري . .

شهاب : انتي ما وراج دراسه .. روحي بيتكم درسي . .

رقوي : نحن ف اجازه كلنا الحين انزين . .

شهاب يطالعها بنص عين وشل الدله وطلع . .ولحقته رقوي

رقوي : ما بتقولي

شهاب يجابلها ومعصب بس يطالعها . .

رقوي تنفخ ع ويهه من بعيد : جبريييييت حشى .. بروووووح خلاصصصصصصصص

شهاب بعده ع نفس الوضعيه . .

رقوي : قلتلك بروووووووووح

شهاب يطالعها . .

رقوي زاغت : اميييه .. خلاص والله برووووووح

وعطته ظهرها ومشت عنه

>

<

>

انا : ههههههههههههه والله انج مش صاحيه . .

رقوي : بس ارتحتتتتتت انه يرمسج . . باقي اعرف ليش عنده تلفونين

انا ابتسم : تلفون وليد هذا

رقوي تطالعني بصدمه : قولي احلللللف

انا ابتسم : احللللللف

رقوي يايه تحظني

انا من بعيد : لالالالا بتخربين حناااااايا

رقوي اطرشلي بوسه من بعيد : احبببببببببج . . " يرن تلفونها " هكي يت الحنايه مالتنا امواح امواحححححححح للابد . .

وراحت . .

انا ابتسمت . . وتامه اشوف الحنايه وهي تحني ريولي وتتفنن . . عقبها بنص ساعه يت ميره . .

ميره تطالعني : ما خلصتي . . .

انا اطالعها : لا . .

ميره تقعد يمي : انا اسفه . . ادري انا استوي حقيره مرات . .

انا :زين يوم تعرفين

ميره تطالعني : حليت كل شي . .

انا : شسويتي . . ؟!

>

<

>

ميره بعصبيه : مايد ممكن اكلمك شويه . .

وليد يطالع ميره : ميروه قصري حسج لو حد من الكبار ولا اخوانج يا شافج والله يسفل فيج وانتي يايه بقوة عين . .

ميره : لاني ادري وشفتكم من فوق انكم طلعتو ف ييييت بسرعه . .

وليد رد دش داخل . .

مايد سحبها وسارو صوب ميلس الحريم الي برى . . كان فاضي لانه كلهم داخل . .

ميره تهد ايده : لا تلممممممسني . .

مايد يطالعني : شفيج بعد . . شسويتلج الحين . . انتي ليش كل شي مش عايبنج . .

ميره : ميود انت تباني ولا لاء . .

مايد يطالعها : انا ؟ تساليني انا ؟ تعرفين الجواب . . سالي نفسج هالسؤال . .

ميره : هيه مايد انا ارتاحلك وايد واباااااااك . . هذا جوابي . .

مايد يطالعها . .

ميره : انا كان فيني خوف الزواج . . وخوف من كل شي فجاه . . علاقتي فيك كانت مجرد علاقه بنت لـ بنت ! وفجاه اكتشفت انك ميود و ولد عمي وتميت مقهوره منك لان كل الاسرارررررر عرفتها وعرفت كل شي عني مما خلاني اكون وحده ضعيفه جدامك ف كنت اعصب عليك ع اي شي اباك تنسى لكن اعرف ها مش حل . .

مايد : وليش انسى . . الي قلتيه انا استانست اني عرفته . . حبج لـ ولد عمي كان عفوي و بريء وما صار بينكم نصيب . . واسرارج الباقيه لي الشرف اني عرفتها . .

ميره تقاطعه : اعرف . . هالشي خلاني انسانه واضحه جدامك وانت تعرف عني كل شي وصرت قريب . . وحبيت شخصيتك وحبيت تقربي منك . . لكن بعد شي فيني تم مقهور لانك قصيت علي وبعدين انا طبعي جيه. . " تطالعه " اعرف ان طبعي جي . . مهور قبل شوي قالت الحب يطلع ع بذره . .تقصد اني وايد دنيئه نفس سيف . . نفس الي سواه سيف فيها وذلاها وتبلى عليها وسوالها مشاكل وقص عليها ف حبه 21 سنه . . لا انا مش جي . . انا مابا اكون جيه . . بس يمكن العرج . . لكن والله انا مابي اكون جي . .

مايد يبتسم : اذا مهره تحملتج . . انا ما بتحملج ؟

ميره : ما بتتحملني جان تحملتني الحين عيل

مايد : متحملنج والدليل اني ما اتصلت فيج وقلتلج انا ماباج وبكنسل العرس

ميره تطالعه . .

مايد : انا كنت اباج تين وترمسين وتقوليلي كل هالكلام الي انا كنت محتاج اعرفه . .

ميره : وشو استفدت . .

مايد : استفدت وايد . . عرفت انتي ليش تتصرفين بهالطريقه ويايه . .

ميره تطالعه : انا مابا اتصرف وياك جيه . .

مايد يحط ايده ع ويهها : والله ؟

ميره : والله

مايد : يعني تحبين تعامليني بحنان

ميره تنزل ايده : جببب . . " نزلت دمعتها "

مايد : افااااا . . افا بنت عمي وانا حي تنزل دموعج . .

تقرب منها : ليش ليش هالدموع . .

ميره : لاني اكره عمري ع الي اسويه . . انا ما اتعمد اسوي كل هذا . . انا عنيده و وايد عنيده وهالشي الي يسوي كل ها . .

مايد يبتسم : هههههههه وانا راااضي بهالعناد . . " يرمس بحنان " وبلين هالعناد شرايج ؟

ميره تبتسم ..

مايد تقرب وباس راسها : فديتج . .

ميره تبتعد عنه : بس خللللك بعيد يالله لا تستغل الفرصه وتتقرب مني

مايد : هههههههههه " يقرص خدها "

ميره : بقولك شي وبروح . . .

مايد يبتسم : قولي . .

ميره : ترا انا . .

مايد يطالعها .

ميره ترجع ع ورى مستعده انها تشرد : احبك ..

واول ما يت تنسحب وتركض مسكها من ايدها . .

ميره تفششششششششلت . . : ايييييييه هدني خلني ارووووووح بتحنى

مايد يطالع بحنان ويبتسم : ما يصير ماا ارد عليج انزين ..

ميره تطالعه وترجف . .

مايد : وانا اموت ! . . . اموووت . . اموووووت فيج .. " يبتسم "

ورخى ايدها وهيه تمت تطالعه شوي وعقب ركضت وطلعت من الميلس . .

>

<

>

انا ابتسم : والله عفيه عليج . . زين الي سويتيه يا ميروه والله زين . .

ميره : كله بفضلج . . ما اطلع من يزاتج . .

انا : افا عليج حاظرة . .

ميره : مهرو انتي زعلانه لاني خربت عليج عرسج وبغيت اعرس واسير شهر العسل وياج . .

انا : لا طببببعا شو هالكلام . . لو ما ابا جان مارضيت

ميره : مهور السبب الاول الي خلاني ابا هالشي لان انا وانتي وايد ربع والكل يرمس من ايام السكول عن قربنا لبعض وبغيت الكل يرمس ان نحن الخوات بنعرس بنفس اليوم . .

انا ابتسم : اعرف . . والسبب الثاني ؟

ميره : اني انا اخاف اخوره فالسفر واضارب ويا مايد ونوصل لمشاكل مالها اول ولا اخر . . لكن بوجودج وبنصايحج بكون عاقل . . وببغلس عليج وبفضفضلج . .

انا : ههههههه حبيبتي والله . .

ميره : الكل استفاد من قعدتج وعشرتج الطويله عند يدي . . مانعرف شو نسوي بدونج

انا ابتسم : لا تكبرين راسي . .

ميره : راسج روحه كبير

انا : هههههههه كلبه . .

وخلصت الحنايه مني . .

انا : وااااااه يحرق . .

وتميت اطالع ريولي . . جد الحين حسيت اني عروس . . كل شي خبال ف خبال . ." تميت اطالع روحي وجي احس اني كبرت خلاص . . وبودع العزوبيه "

بدت الحنايه ف ميره . . عقبها يت اميه عندنا وتمت تصيح وعقبها عطتني نصايح زوجيه شكثثثرها وعقب ما خلصت ميره حننننا ايدها وريولها . .

انا قمت بمساعده اختي عنود وغسلت الحنا . . وتمت عنود تصلي ع النبي علي وتمسح علي وتذكر الله . .

صليت عقبها العصر . . لاني ماكنت اروم اصلي وانا حاطه الحنا . . عقبها بشوي اذن المغرب وصليت المغرب بعد . . وبعدها يت الي بتصبغ الشعر وصبغتلي شعري نفس ما ابا . . وعقب ما خليته فتتتتره . . اتصلت حق رقوي عشان تيب لي الحرمه الي يالسه تصبغ حواجب البنات تحت عشان تصبغ لي حواجبي بني ع لون شعري . . . وعقب ما سبحت وشفت عمري . . حسيت اني ارجف من فوق لين تحت . . شعور ثاااااااااااااااااااني . . جي تميت ارجففففف .. احس كل شي غييييير فيني . . انا وحده يديده صصصصصصصرت . .

قعدت ع السررررير وقربت ايدي ع ويهي وتميت اصيح . . احس بخوف بارتباك ب شعور ماعرف اوصفه . .ونقزت فجاه لما شفت تلفوني يرن والرقم غريب ف مارديت . . عقب دقايق وصلني مسج . . " انا شما . . ردي علي "

قريت المسج لكن مارديت لاني احسني تعبانه ومابروم ارمسها وماباها تعرف من صوتي اني صايحه . . صليت العشا ولبست بجامتي الورديه ولاني بردانه لبست كم طوووويل وفوقه جاكيت . . عقبها فجيت شعري وتميت اسحيه بهدوء . .

ردت اتصلت ورديت عليييييها . .

انا : هلا ششماني . . .

: . .

انا : الوووو . .

: ..

انا : الووووه ؟

سيف : ليش صوتج متغير . . . كنتي صايحه ؟

انا سكت مره وحده . . يايه ابند فويهه

سيف : لحظه لا تبندييين دخيلج سمعيني . .

انا : اخلص شعندك . .

سيف : ليش كنتي تصيحن . .

انا : مالك خص لا تدخل فيني مره ثانيه ولو سمحت لا ترد تتصل . .

سيف بصوت مخنوق جنه قاعد يصيح : لا تتزوجين . .

انا سكت مره وحده . . لما شفت صوته جيه انصدمت ماقدرت ارمس . .

سيف : لا تتزوجينه . .

انا : اتمنى ها اخر يوم تتصل فيه . . لا تتصل فيني مره ثانيه ابدا . .

سيف : انا احبج . .

انا : . .

سيف : قسسسم بالله احبج . . وندمان . . ندمان بنت عمي ع كل شي

انا : ما يفيد ندمك

سيف : انا ضيعتج بايدي . . والله بايدي ضيعتج وابيج ترديلي لو ابوس ريلج ببوس

انا : محشوم . . لكن الي بيني وبينك ماضي وانتهى . . . " نزلت دمعتي " انا اخترت حياتي خلاص .. لا تخربها علي اكثثر . .

سيف يصيييح : لاتتزوجينه . .

سكرت فويهه . . وعلى طول اتصلت ف وليد . .

شهاب : الوو . .

انا : شهاب . .وين . . . وين وليد

شهاب : شفيييج مهووور . .

وليد : شششفيها ؟؟؟ عططططططني التلفون . . الوووه ؟

انا ساكته وتنزل دموعي . .

وليد : الووووو . . شفيييييج . . وخر شهاب

شهاب : انت قوم روح بعييييد

وليد : الوو . . تسمعيني

انا : هيه

وليد : لاتخرعيني شصاير . .

انا : خايفه

وليد : من شو خايفه . .

انا : خايفه سيف يخرب حياتي معاك بعد مره

وليد : ليش . . ليش هالكلام

انا : اتصل فيني

وليد : اتصل فيج !ّ

انا : هيه

وليد : متى

انا : قبل شوي . .

وليد : شقال . .

انا: قالي لا تتزوجينه . .

وليد : استغفففففففففر اللللللللللللللللله . .

انا : ........

وليد : شوي وبدقلج . .

انا : وليد شـ بتسسسوي . .

وليد بند فويهي . .

تميت متوتره وخايفه ماعرف شو بيسوي . .

عقب فتره سمعت صوت عنود وهي تدق علي الباب . .

عنود : مهور انتي روحج . ؟

انا سرت صوب الباب بفتحه : هيه انا روحي شصاير . .

وبطلت الباب وشفته بويهي وحاط غتره ع عينه واناااااا انصصصصصدمت . .

عنود : وليد 5 دقااااااااايق . .

وليد صاد صوبها : اوكيه اوكيه . .

وسكر وليد الباب وقفله . .

انا تامه اطالعه ومنصدمه . .

انا : انت شتسوي اهني . .

وليد يطالعني ويتحسس مكاني ويمسك جتفي بقوه : عمرج لا تخافين وانا موجود . . لا سيف ولا ابوه ولا عششششره من امثالهم يهزون شعره من راسج . . محد يقدر يضرنا خلاص . .

يتحسس جسمي ويرفع ايده لين خدودي ويرص ع ويهي : انتي من باجر بتكونين في ايدي انا وانا الي بحميج منهم كلهم . . مد بيقدر يمسج ولا يضرج ابببببدا . .

انا ابتسمت ونزلت دمعتي . . كلامه وايد حلو . . قوت الكلام والثقه والنبره كلها عطتني باور وعطتني الراحه الفظييييييييييييييعه الي كنت محتاجتنها . . وايد حسيت براحه ما تنوصف . .

وليد : تسمعيني . .

انا تقربت منه وحظنته بقوة .. وهو ما اتكلم ابد . . كان يمسح ع راسي وتلمس شعري ولاحظ اني فالتنه وتم يمسح عليه . . وعقبها باس راسي وابتعد . .

وليد : عنود ما رضت ادخلني الا جيه وانا عطيتها وعد اني ما شوفج بس اكلمج . . وعطيتها كلمه ان بس خمس دقايق ولازم اروح مع اني مابا اودرج دقيقه . . " يبوس ايدي " ولا افارج احظانج . .

انا ابتسمت : . .

وليد : عيني عورتني والله انها راصه بالقو . . سويلي درب اتاكدي محد برع . . زين ان الكل راح بيته . . انا جااازفت ترا يوم ييييت . .

انا راقبت الدرب وشفت عنود قاعده ع الغنفه . .

عنود : ها خلاص ؟ تشوف الساعه . . زين ع الوقت . .

وليد طلع . .

عنود : اصصصصصصبر ما تفج شي . .

وليد يبتسم ويطالع صوبي : بدقلج بعد شوي . .

وانا سكرت عقبها الباب . .

ابتسمت من قلب . . وليد غير . . تصرفاته غييييير وافكاره وتهوره . . كل شي فيه غير . .

سمعت صوت عنود ترمس فون وبطلتلها الباب جان تدخل ..

عنود : ها حبيبي معاك لحظه خل اقعد . .

عبدالله : والله انج تعبانه بسج يالله ردي . .

عنود : عبدالله حبيبي ماقدر اخليها . .

انا اطالعها : رووووحي ارتاحي والله عادي

عنود : لالالا والله ما اروح . . اليوم برقد وياها .. اعرف هالشعور عدل . .

عبدالله : انزين وانا . .

عنود : انت بتحظن صقوري وبتسمون بالرحمن وبترقدون ..

عبدالله : تتوقعين بقدر ارقد يعني . .

عنود : ماعليه حبيبي بس اليوم . .

عبدالله : من اسبوع انتي ع هالحاله مشغوله عني . .

انا ابتسم وارمس بصوت واطي : كله بسبتي . .

عنود : انزين حياتي اختي الوحيده وبقره ما تعرف شي وكله مهمله وانا الي اراكضلها

انا بصوت عالي : سامحني ولد عمي باجر بتفتك مني تراك . .

عبدالله : ماااااا اسامحج يالظالمه يا مفرقه شملين . .

انا : هههههههههههههههه حرام علييييييك

عنود تبتسم : يالله سير تعشى انت وصقر . .

عبدالله : دقيلي قبل لا ترقدين . .

عنود : من عيوني حبيبي . .فمان الله

عبدالله : الله يرعاج . .

وبندت . .

عنود تطالعني : ليكون شافج ..

انا : لا حليله حشى . . " ابتسمت " كيف رضيتي يدش عليه ..

عنود : غمضني اشوفه يقولي والله ضروري والله لازم عقب قالي انج داقتله وصايحه جان اوافق . .

انا : هههههههه حبيبتي انتي . .

عنود : شو النفسيه . .

انا اراويها ايدي : شوفيني كيف ارجف . .

عنود تطالعني : الله يحفظج يا اختيه بتكونين ملكه باجر . .

انا اطالعها : ان شاء الله . .

عنود : يالله قومي خل نتعشا . . محد فالبيت مول الا امايا . . وانا بقفل البيبان خلاص . .

انا : اوكيه ..

ونزلنا سوى وتمينا نتعشى . .كلت وايييييد لاني مش ماكله ولا شي اليوم لا ريوق ولا غدا وكنت جد ميته يوع . . وعقبها سوينا مناحه انا واميه وعنود وتمينا نصيح وينصحوني مليون نصييييييحه لين تعبنا ورقدنا كلنا مع بعض ف حجره امايا . .

.

.

.

__DEFINE_LIKE_SHARE__

«ضَحِيًة حِبُيًبُيً ..}● · 01-11-2013, 08:03 PM

السلام عليكم ورحمه الله وبركآته

شحالكم عساكم بخيير ؟
نزلت لكم البارت . . عباره عن 20 صفحه بالضبط . . ( البارت الروتيني )
هالمره ما زدت لكم صفحتين ولا صفحه زياده لاني مشغوله . .

الاسبوع الياي بيكون عندي امتحانات الفاينل ف ما بنزل بارت . .
بنزل الويكند الي بعده ان شاء الله . .
وعشان تعرفون التفاصيل ومتى بنزل كلموني عـ تويتر اي وقت وبرد ع قدر المستطاآع . .

دعواااتكم لي بالتوفيق لاني جد مواجهة صعوبة حيل وضغط . .
اشوفكم ع خييير باذن الله . .

__DEFINE_LIKE_SHARE__

» ھہُدنيّ حبْيبيَ . . · 01-11-2013, 08:05 PM

مَرحبآ مليونَ ضحيه . .
قبلْ آي شيّ ، الله يوفجج ف
إكزاماتِجْ ، وتييبينَ النتيجه
الطيبه و ترفعين رآسهآ إبهـآ . .
تسلم آيد آيد آيدجَ على هالبارتَ الحلوَ
شرات كآتبته . . ماحسيت آنه
قصير و من 20 صفحه بالعكسَ
آحداثه وآيّده و ما تحسسنا بقصْرَه

ف البدآيه ميروهَ و ميودَ ؛
الله يهنيهُم . .
و زين آلليْ سوته ميروهَ
جي ف آلبدآيه قهههرتنيَ والله
آونه كرآمتيَ , حماره ما تعرف شيّ
الله يخلي لهآ مهورْ شوه بتسويَ بدونهآ
بَسْ آخر شيَ ، حبتتتتتتتتتتينَ
جي كبرت ف عينيَ ، والله زين آلليْ سوته
الله يوفجهم يَ ربْ ،

مروآن و شمآ ؛
ههههههه وآه عصافيرْ الحُب
بيصيرونَ هذا " وآلديّن "
ههههههههههه لآ ما صدقْ
كبروآ العيّالْ , الله يهنيهم ياربَ
و يوفجهُم إن شاء الله
و من آلحينه يتربى بعزهم . .

عنود و عبدالله ؛
هذيلآ عاد كككناريْ . .
جيَ حلوينَ ، عسل عسل على القلْب
الله يهنيهُم . .

رقويَ و شهآب ؛
رقويوه مَ ملتْ ؟
وآيد يجآفيهآ شهابوه . .

يعني خلاصْ آحس ههههه
جيْ وآيد صدق وآ آ آ آ آيدَ
تروح له ب ريلهآ و هو بجيَ
آبد ما بيعطيهآ ويّه . .
الله يهديهآ ،

سيفَ ؛
هذآ حيوآن و لآ حيوآن ؟
اليوم حس على دمه ولد اللذينَ
21 سنه جدآم عينكك ، ماحسيت بقيمتهآ
إلا يومَ صارت لـ غيركككَ . .
خل يفيدكك الندم مالت عليككّ . .

مهورَ و وليدَ ؛
حبايبَ آلبي هذيلا و خآصه وليدَ
ي عمري آناه هههههههه . .
مادريْ شقول جيَ مستعيّله واللهيَ . .
وليدْ جنننننننتل مانْ ياخيَ
وين بتحصل مثله مهورَ
الله يوفجهم . .

و ف آلنهايه آحب آقولَ ،
شُكراً من كل قلْبي يَ ضحويَ
على هالبارتَ الجميل الجميلْ وآ آ آ آ آيّد
و نترياجَ ف البارت آلليْ بعده . .
و دُمتيّ بود ححبَ ، ،

__DEFINE_LIKE_SHARE__

عشقي الفتك الاحمر · 01-11-2013, 08:43 PM

مشكوره حبيبتي بارت ولا اروع
ويعطيج العافيه
وربي يوفقج ف امتحاناتج __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خادمة "تذبح" طفلة مخدومها بحفر الباطن	محروم.كوم	منتدى أخبار المواقع والمنتديات العربية والأجنبية	1	04-16-2013 02:04 AM
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف))	محروم.كوم	منتدى أخبار المواقع والمنتديات العربية والأجنبية	0	01-20-2012 04:10 PM
بلاك بيري تورش 9860 فل تتش مع بن ممير """"""""""""""""""""""	محروم.كوم	منتدى أخبار المواقع والمنتديات العربية والأجنبية	0	10-28-2011 11:00 AM
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM