رّوآيه " هآيـم فيّ بحـر آلشّوق وُ لذة هيآمك " - الصفحة 325

سبحانك ربي · 05-03-2013, 11:54 AM

استغفرالله !!!!! __DEFINE_LIKE_SHARE__

3eƏπ ɑ̠lмɑ̠ƗƗɑ̠ ♥ · 05-03-2013, 12:17 PM

حبآيبي الكآتبةة كآتبةة ف تويتر
آن البآرت بيكون يوم السبت لآنهآ تعبآنه من الكولج وجي
فالسبت ان شاء الله بينزل لكم البآرت =ff
__DEFINE_LIKE_SHARE__

methanosh · 05-03-2013, 06:17 PM

انزين السساعه جم بييكون البارت
حددي متشششوقه اعرف شو الاحداث الياييه
اسبوعييييييييييين واااااااايد =(( اهـــئ __DEFINE_LIKE_SHARE__

«ضَحِيًة حِبُيًبُيً ..}● · 05-03-2013, 10:59 PM

.

.

.

البارت الـ 40

يدوه : وليييييد فديتك هاااات الدله صوبنا . .

وليد : من عيوووووني يا نظر عيوووووووني انتي

يدوه تطالعني : حرمتك حاسسست بوزها

انا : واااابويه يدوه الله يسامحج لا حسته ولا شي

وليد يبتسم : فديت حرمتي . . نبض قلبي هاي . .

شيخه : خف علينا ولد عمي وياك عزاااابيه اهني . .

يدوه : هيييييي مهره خذت الغلا كلللله

انا ابتسم : يااااالله يالحسسسسسد

يدوه : انا احسدج انتتتتتي . . انا غير عند وليد

انا : ههههههههههههههه اعرف اعرف

وليد : ياااااالله يضاربن عليّه الحريييييم ي اخويه . .

شهاب : مادري وش شايفين فيك . .

اميه تبتسم : وليد شيخ

شهاب : يماه لا تبطرينه هذا روحه راسه شكبره . .

رقوي : ترا عموه الي مش محصلين حد يمدحهم دوده تجسيهم ..

شهاب يطالعها : حد دخلج ويانا فالحديث ؟

رقوي : كيفي رزززه عندك ششي

شهاب : اييييه عندي

يدي يقاطعه : شهاب شوي شوي على بنت عمك ابوي . .

شهاب : عشانك يدي . .

ابتسمت انا وكنت يايه اقوووم . . لكن وليد يا وحط راسه ع ريلي . .

وليد : راسي يعورني . . همزيه . .

انا بصوت واطي : فديت راااسك . . فيني ولا فيك . .

وليد يبتسم ويحط ايده ع راسه : فجاه خاز تصدقين . .

انا : يالعيار ههههههههههه . .

دخل راشد : السلام عليييكم . .

الكل : عليكم السلام المعرسسسسسسسس . .

انا : قوووم فضيحه احين كلهم بيوون . .

وليد يرفع عينه يطالعني وهو منسدح : شعلي منهم . .

يدي : وينكم انتو عن المسيد اليوم ؟

سيف + مايد + مروان : السسسلام علييييييكم

الكل : وعليكم السلام . .

راشد : زحمه يدييييييه سرنا مسيد ثاني . .

عمي خالد بعصبيه : طااااااااالعين متااخر للصلاه كيف ما بتتحيرون وبدشون فالزحمه . .

عمي سعيد : يعنا امايا متى بتحطين الغدا . .

كنا كللللللللللللللللنا قاعدين ف الصاااااله في بيت يدي لكن كل واحد بصصصصوب . .

سيف صد صوبي انا و وليد وبعدها غض عينه وراح قعد عند ميره . .

ميره : سيفووووو ريحه عطرك وهف خوز عني

مايد : خوز عنننننننها يا ريال احين بتزوع

وبالفعل قامت ميره تركض و وراها مايد اظن راحت ترجع و وليد وياهم ع الخط ومبتسم . .

انا : شفتك . . انت ليكون بعدك تحب ميروه !

وليد فج عينه بصدمه : انتي استخفيتي شو هالكلام . .

انا اطالعه . .

وليد يبتسم : بس اتخيلج وانتي حامل ومتقرفه مني . .

انا ابتسم : خير ان شاء الله . .

وليد يقرص خدي . .

يت يدوه عقبها : يااااااللله غددددددا . . . اليوم ذبيحه عشان ليله راشد . .

اليوم عرس رشوووود وشهووووووود واخييييييييرا . . لكن بيكون في بيتهم . . وبس احنا واهلها . . لانها الفقيره استسلمت ومافينا ع لسسسسان يدوه . . شهود خبرتني من فتره ارمسسس وليد يكلمها لكن ما فاد . . يدوه بالمره ما تبا الخلق كلهم يعرفون ان خذنا حد من غريب ! الله يا راسج ي يدوه . .

قامو كلهم وسارو صوب الميلس العود بنتغدا كلنا مع بعض . .

انا : قوووم يالله يوعانه . .

وليد غمض عينه : شوي بس شوي . .

انا : هيه الشوي مالتك اعرفها . . قوووم يالله بروح الصالون عقب ماشي وقت . .

وليد : مابوديج

انا : بروح بروحي

وليد يفتج عينه : هيه هيه لاعبه لعوبج من عطيتج سيارتي . .

ابتسم : اريح لي اروح يعني بروحي ترى . .

وليد : انا عاطنج حق الكليه تسيرين وتردين وانتي كل يوم هابتلي رايحتلي مكان . .

انا : ياااااااااالله الصالون استوا مكان . .

وليد : وين السويج اليوم تيبينه

انا : ههههههههههههههههههههههههههههههه

وليد يبتسم : فدييت . . تبتسمين تقصين عليّه يعني . .

انا : مايخصصه . . قوم يالله خلني اروووح . .

وليد : بخبرج سر . .

انا : شووووو . .

وليد : سيف يبون يخطبون له شيخه . .

انا : شوووووووو . .

وليد : لا تخبرينها بعدها ماعندها خبر . .

انا : جان ما تسلط عليها نوروه تسويلها سوى . .

وليد : خ تولي هاي وبعدين مالها دخل دام طلقها . . تبين الصدق .!

انا : كاسر خاطرك . .

وليد : وايد . .

انا : وشيخه شيخه الحريم . .

وليد : محد غيرج شيخ الحريم . .

انا : انزين قوم بموت يوع . .

يدوه تي بعصبيه : يعني ما بتتغدوون . . ماتروم تلاصق حرمتك ف بيتكم . . قوووووووووم . .

وليد : يدوه لا تصارخين حرام عليج راسي يعورني . .

يدوه : ياااالله فديتك . . من شو يعورك . . " تطالعني " شو معورله راسه بشو مضايقتنه

انا فاجه عيني . . : بشو بضايقه يدوه . .

يدوه : قوم فديتك بتتغدا عقب بعطيك بندول . .

وليد : ان شاء الله . .

قام وليد وعقبها يطالعني : قومي يالله . .

يدوه :بطييييييير حرمتك . . بتي تراها

انا : هههههههههههههه يالله يا يدوه جيه ماتحبيني انتي . .

مشينا كلنا ودخلنا الميلس . .

عمي سعيد يطالعنا : دوم هالاثنين اخر اثنين . .ان كان في بيت امها ولا جان زاقريني اتغدا وياهم . . يزقروني وهم اخر شي يون . .

يضحكون . .

انا مبتسمه : فديتك عميه . .

عمي حمد يطالعني . .

عمي سعيد بحكم الزراعه الي يهتم فيها في بيتي . . صايرررررره اقعد معااه وايد . . ومرااااات اجذب اقوله اني ماقدر اسوق واني متاخره واباه يوديني بس عشان اقعد معاه . . احبه يوم يدللني ويدلعني . . غيييييييير عنهم عمي سعيد غير . . وصايره ادش المطبخ واطبخ بس عشششانه . . مرات اقص على وليد واقوله لعيونك داشه بس يكون ف قلبي بس عشان عمي سعيد يكون موجود . . . حلوه خفة دمه وايد احب خفة الدم بالذات فالكباااار . . فرق فرق بينه وبين عمي حمد . .

قعدنا نااااكل . . ولمحت اليييييح الاحمررررررر الي جي هااااااه دش قلبي . . تميت اطالعه فتره عقب يايه اقول لـ مروان يقربه لي لكن شفت الصحن تجدم صوبي . . رفعت عيني وشفت انه سيف . . مدالي الصحن وخلاه قريب مني وما اطالعني بعدها . . صديت شفت وليد مش ملاحظ . . خذت اليح وتميت اكل بشهية . .

وليد : يدوه مره ثانيه لا تحطون بطيخ حزه غدا . . حرمتي ماااا تاكل الا يح . .

يدوه : احسنلها خل تضعف ماتشوفها مستويه درام

فجاه شهقت وتميت اكح والكل ميت ضحك . . واصلا انا اضعف وحده من بين البنااااااااات كللللللللللهم . . ولا يخضصصصصني فالمتن ولا الدرااااااام بعد . . بااالغت يدوه بالقووووووو يعني . . ههههههههههههههههههههههههههههه

انا : انزين والله ماعليه بتجوف . .

وليد : هههههههههههه امزح انزييين

انا : تمزح ع حسابي ماعليه . .

تبطل الباب وفجاه اشوفه يركض صوبي : مححححااااااررررري . . خاااااالوووووه . .

انا : واايه فديت هاللسان انا كل ما ياه يحتاس اكثثثر . . عيون محاااااري انتتتااا . . تعال

ويا صوبي ويلس ف حظني . . : واايه فديت صقوووووري وايه فديتوووو حبيبي انا . .

عبدالله : تعال عند بابااا بعطيك اكل . .

انا : يااااالله شو تبابه انا بوكله . .

عبدالله : بياذيج بنت عمي ما بيخليج تاكلين . .

وليد : هاي تتاذى من الكل الا هالولد . .

عبدالله ابتسم . .

انا : تبا سمج . . ؟

الولد يهز راسه . .

تميت اقطع له السمج واوكله . . وبعدها باااااسني الهررررم وخيس ويهي بريحه السمج بس ماعليه كل شي من الولد مقبوله . .

قام عني عقب سار عند سيف على طول . .

سيف : روح روح . . ريحتك خااااايسسه

صقوري يضحك : شششششلني . .

سيف : روووووووووح . .

انا : ولد عمي شوي شوي عليييييه . .

فجاه الكل جي يطالعني انا وسيف . . حسو ان الوضع غريييييييييب حده . .

حتى سيف اتفاجأ بس انا جد ما حسسسسيت بعمري . .

وليد عشان ينقذ الموقف وبنفس الوقت عشان يرجع الامور لمجاريها : عااااااد انته ماتعرف مهروووووه . . كله ولا حد يرد طلب حق هالبااااااندددددا مادري شو حابه فيه . .

انا : ايييييه ما يخصصصك فيه . .

ميره : كله ولا ولد اخوووووووويه . .

عبدالله : خليهم خليهم بجوف شو بي . . اذا ولدي باندا بيييب عنزه هوووو

الكل يضحك . .

صقوري : شششششششلني . .

سيف : مااااااا بشلك . . سير عند خالووووه مهره روح . .

انا :أنزيييييييين شله خلااااااااص شو بيستوي عليك الولد حلجه بيطيح وهو يترجاااك . .

سيف : تعالي شليه انتي ماباها ريحتي تخيسس . .

وليد : بتبدل ثيابك يا ريااااال

سيف : شل ولدك عبوووود . . " يطالعني " شحقه اكلتيه سمج . .

انا : مفييييد مفييييد حقه . .

بعدها الكل كان يكمل اكله طبيعي . . وانا جد ارتحت للموقف . . ماتوقعت يي اليوم الي ارد اكلم فيه سيف كانه ولد عمي مره ثانيه ولا كان شي بيني وبينه كان صاير ولا كان بينا ويجمعنا ماضي كبير ! . .

يدوه : وين رقوي ماااا كلتي شي . .

رقوي : بروح عند شماني يدوه حرام تاكل بروحها . . بسير عندها . .

يدوه : شلي صحنج وياج

حرمت عمي خالد " امها " : هييييه شليه وياج اميه . .

رقوي : باكل وياها اهناك . .

شهاب : يقولون لج شليه انزين شليه عيب تردين الكبار . .

رقوي تطالعه : انته شو يخصك . .

عمي خالد : رقييييه ! احترمي ولد عمج . .

شهاب ابتسم ابتسامه نصر . .

ميره تمسك مايد : برد ارجع . .

يدوه : شو هالوحام الخايس الي فيج . .

ابتسمت انا ولاحظت ان وليد ابتسم . .وايد متشفق ع الحمل . . الله يرزقني وافرح قلبه . .

كلينا بعدها ورحت البيت . .

اميه وعنود صايرين ما يون الجمعاات ابد . . بحكم الي سواه عمي حمد ف عنود ولما طردها . . . وطبعا هم عايشين في بيت امي الحين صارلهم فتره وامي وايد متونسه فيهم لانها اداري عنود الصغيره الي ماخذه وقتها . .

قعدت عند قوم اميه وعنود والعب ويا عنود الصغيره . . واتصل فيني وليد .

وليد : متى بتين ؟

انا : بعدني يالسه وياهم . .

وليد : يالله ردي الحين . .

انا : مابا . .

وليد : ردي الحين اقولج

انا : ماااابا شو فيك توني يايه ما شبعت منهم . .

وليد : انزين ماعليه بتروحين لهم عقب . .

انا : متى عقب عنود وامي ما بيروحون العرس . .

وليد : بلاج تعانديني ؟ ليش ما تسمعين الكلام . .

اميه : سمعي كلام ريلج اميه رووحي جان يباج . .

انا : لا والللللله . . مابا انزين اي الحين شو تبا فيني الحين يعني . .

وليد : اوكيهه اوكيهه مش مشكله . .

فريت الفون بعدها . .

اميه : عيب عليج مهره . . ليش ماتسمعين كلامه

اميه : شو يعني بشكاره انا . . تعالي الحين روحي الحين . . مابا اكبر راسه يعني وكل شي يباه يصير . . خ يوووووولي خ يوووووووولي

عنود الي كان الفون حذالها فجت عينها ع وسعهن . . ورفعت لي الفون تراويني انه بعده ع الخط . .

انا : شو يعني بخاف اذا كان بعده ع الخط ؟؟

سكرت عنود ع طول . .

اميه بعصبيه : شو فيج شو يياينج متخبله اليوم . .

انا : انا . . حرام عليج امايا انا ماسويت شي بس قلتله اتريا مابا اي الحين ما احس اني كفرت . .

انقهرررررت ونشيت وطلعت وسرتله . .

دخلت عليه الغرفه كان طايح . .

وليد : ادخلي بدون صوت ولا ترمسين لاني برقد . .

انا : انزين وين السويج بروح الصالون . .

وليد : مابتروحين مكان . .

انا : عن الاستهبال . .

وليد : سكتي خليني ارقد . .

انا : انزييييين بروووووح الصالون ماشي وققققققت . .

وليد : مابتروحين مكان !!

انا : ولييييييد يالله عاااااد عن الاستهبااااااااااااااال . .

وليد : بتسكتين ولا اضربج

انا : ولييييييييييد كلهم رااااحو الصالون حراااااام عليك . .

وليد يتلحف ويحرك راسسه الصوب الثاني ويغطي ويهه ..

قعدت ع السسرير وادقه : حرام عليك هات السويج . .

وليد : لا

انا بعصبيه : يعني شحقه ما خليتني اروح وياهم عييييييييل وقلتلي عقب روحي روحج . .

وليد : مزاج . .

انا : مش وقت استهباااالك . . انا شعري طويل ياخذ وقت لين يستشورونه ولين يسوونه

وليد : ما بتروحين العرس .

انا : شووووووووووو ما ارووووووووووووووووووووح

وليد : العرس بيستوي بدونج مش واقف عليج . .

انا : ربيعتي و ولد عمممممي كيف ما اروح . .

وليد : لا تحنين

انا : وليييييييييييد عااااااااااااد عن المصاااااخه

وليد يصد يطالعني : تتحرييني اتمصخر . . مابتروحين . .

انا : انزيييييييين ليييييييييييييييش لييييييش كل ها عشان مارديت البيت يعني لما قلت . .

وليد : اشششش خلاص خليني ارقد

انا : اسسسسسستغفر الله . .

وليد : سكري الليت . .

انا شوي وبصيح جد . .

وليد يطالعني : سكككككري الليت . .

انا : اووووفففففففف اففففففففففففف اففففففففففففففففففففففف

وليد : بعد تتأففين ؟ والله ما بتروحين . .

انا اطالعه بصدمه . .

وليد : سكري الليت . .

انا : سخييييييييييف قسسسسسسسسسم بالله سخييييييييييف . .

ونشيت طلعت من الحجره ولا سكرت الليت حتى . .

وليد يزاعق: بعد تعاندين . . زييين خيييييييير ان شاء الله . .

نزلت تحت وتميت خلاصصصصصصصص مفوووووووووووووووووووووله .. حيوااااااااااااان ليش ما يخليييييييييييييييييييني اروووووووووووووووووووح يعني . .

تميت منقهرررررررررررره حدي وانقهرت اكثر لما اشوفهم فالقروب ساااااكتين واسالهم اقولهم راووووني اشكالكم شسويتو ف عماركم لكن طاااااااااااااااااااااااااف مشششغولين لااااااهييييييييين . .

مسكت فوني وتميت ألعب فن ران والعب والعب والعبببببب ماحسيت فالوقت مووووووول لين اذن اذان المغرب . . ورن فوني حزتها . .

ميره : وينج تستهبليييييييين !!!!

انا : وليد ما خلاني . .

ميره : نعممممم ؟ ليش ان شاء الله . .

انا بعصبيه : شدرااااااااني سسسسسخيف حيوان واحد . . والله سخيف . .

ميره : شهالسخافه شو ف راسه يعني . .

انا : شدراني فيه الخابس

وليد : بعد بعد . . سبي اكثر . .

ميره : سمعج . .

انا : يعني خفت لو سمع !!! خ يولي . .

يا صوبي وشل الفون وسكر فويه ميره . .

وشل عني فوني الثاني وطلع من البيت . .

انا تميت جي مذهوووووووووووووووووووووووووووووووووله بس اطالعه وهو يمشي بيطلع . . .

وليد رد بطل الباب ودخل وانا تامه مذهوله بعدني . . : ما تطلعين من البيت . . حتى عند امج ما تروحين . .

وسكر الباب وراح . .

حقيييييييييييييييييييييييييييييييررررررررررررررررر رررررررر خلاااااااااصصصصصص وربي مفوله حدددددددددددددي . . ليش قاعد يسوي جيه بلااااااه ليش قاعد يستفزني ليش قاعد يطلعني من طوووووووووووووري . .

من القهر والغيضضضض جان اصيييح . . كيفي هبله لكن يقهر الشششششي والله . .

نشيت بعدها صليت فرضي وتسننت وتميت اقرالي قرآآن شويه . . بعدها نشيت طلعت من الحجره وسرت الحوش تميت قاعده ع المريحانه الي يدارها ب يدار بيت عمي حمد . . وسمعت صوته وهو يرمس فون . . شكله ف الحوش وقاعد فالمريحانه بعد ! يعني لو هاليدار ينكسر بيكون ظهره ب ظهري . .

سيف : هههههههههههه . . الحمدلله يا ريال بعدنا عايشين . . هيه والله . . الله كرييم . . انته شخبارك . . كيف ؟ ماشاء الله وصلك الخبر . . ما صاار نصيب . . الحمدلله ع كل حااااال . . عندك حرمه بتيوزني اياها ؟ هههههههههههههههه لا يابوك . . خل عنك . . وييين هوااااااانا وين الغنا . . ياخي انت ما تصير حرمه ؟ بتزوجك . . هههههههههههه عيل ما تشوف نفسك ياخي كل ما تكلمني تقول لي غن . . ادري صوتي طررر ادرررررري من دون ما تقول . . هههههههههههههههههه يالهرم . . اسمع اسمع . .

تم سيف يتحمحم . . : فرصه سعيده وافترقنا على خير . . كنت اتمنى تكون قسمه حياتي . . هذا نصيبي والي جنته المقادير . . تبعد وانا ابعد في سكون وسكاتي . . حاولت اداري واملك الحب لا يطير . . لكن جروحه في الصدر دامياتي . . دون سبب ماتت جميع المعاذير . . لا حولي يا حبن غدا بالشتاتي . . حبن يتيمن ذوبته التفاكير . . ماتت غصونه وانتهى بالفواتي . . والله لو يشكي الجفن بالتعاسي . . لا كان يشكي دمع جرح شفاتي . . ذكراك هذي وانتهت دون تفسير . . صارت يا ميم ماضي في ذكرياتي . . فرصه سعيده جمعتنا على خير . . خلك بقايا ساكنه ماضياتي . .

اخر مقطع لقطته وصوته بعيد . . لانه كمل غنا وهو يمشي وابتعد . . !

ابتسمت ابتسامه باهته وبعدها قمت تميت ادور فالبيت لين طفشت ودخلت داخل . . ماعندي هدف ماعندي شي اسويه مول . . مسكت لابي وقعدت اشتغل ف بروجكتاتي . . تميت اشتغل واشتغل لين ماحسيت باليوع . . انتبهت للوقت الساعه 9 ونص . . ماحسيت بروحي حتى ولا تعشيت . . لكن عااادي ما بااااكل خل اموت يووووووووع . .

نشيت صليت العشا ورديت اكمل شغلي وخلصت كل الي قدرت عليه لين الساعه 11 وربع وطفشششششششت جان اهد كل شي واقوم . . دخلت خذت لي شاور وبعدها قعدت انشف شعري واستشوره ولبست لي بجاااما طويييله عليها رسوم . .

تجحلت جحال خفيف وتعطرت وانسدحت عشان ارقد لكن ماقدرت بسبت اليوع . . وتامه اقاوم واقااااااااوم عناد ما باكل . . مادري ليش اعاند واخرتها ما اعاند الا نفسسسسسي . .

تبطل الليت . . عرفت انه يا . . كنت اسمع صوت حركته من مكان لمكان شكله قاعد يبدل ملابسه . . دخل الحمام وبعدها سكر الليت والباب وطلع . .

لما شفت انه طلع متتتتتتتتتتتتتتتتتتتتتت غصصصصصصصصصصصصصصصه اكثثثثثثثثثثثثثثثثثثثثثثثثررررررررر . . شو فيه شو ياينه ليش جي يسوي فيني . . ليكون هالويه الثاني الي يقولون عنه يطلع للريال عقب العرس . . مستحيل مابقدر اتعايش معاه جي لو يموووووووت الخايسسسسسسسسسسس . .

تميت اكابر احاول اتحمل اليوع . . شفت الوقت صارت 2 . . !!!! وانا بعدني متحمممممممممله . . ماقدرت ونششششيت . . كششت شعري شوي ع اساس يبين اني كنت راقده . .

طلعت من الحجره ونزلت جفته منسدح ع الغنفه وياكل جبس عوووود ويشوف مسرحيه طارق العلي . .

حتى ما اطااااااااالعني وانا انزل ولا سوالي اعتبار . . سرت المطبخ وسويت لي سندويجه وتفننت فيها وسويتلي عصير ليمون بالنعناع يرخي اعصابي الفايره . .

طلعت من المطبخ وصعدت فوق بروح اكل فالغرفه . . اول ما وصلت وقعدت شفته دخل . .

وليد : كلي برع . . انا برقد . .

انا كنت يايه احط اللقمه ف حلجي جان انزلها : تروم تتريا لين اخلص ما بتموت ترى . .

وليد : طلعي برع كلي . . ماابا ريحه اكل . .

انا بعصبيه غمضت عيني ورصيت ع شفايفي بقو .

وليد : ماتسمعين ؟؟ روحي كلي براااا ..

فريت الصييييييييييييييييييييييييييييينيه بكل قوه واتكسسسسسسر كل شيي فالصينيه . . وبعدها طلعت من الحجررررره بكل غييييييييييييييييييييض . .

لحقني وليد ومسك جتفي وقفني . .

انا اهد ايده : وخخخخخخخخخخخخخخخخ

وليد قابضني بقوه

انا اصارخ : هددددددددددددددني . .

وليد : نظفي الي سويتيه عقب روحي . .

انا اطالعه بصدمه . .

وليد : سمعتيني شو قلت . . ؟

هديت ايده بكل قوه ونزلت ما سويتله سالفه . .

لحقني ومسكني من جتفي : بعد بتعاندين . . تبيييييين اكثر عن جي . .

انا دموعي نزلت واصارخ : وخرررررررر عني . .

وليد ماسك جتفي بقوه : بعد بتعاندين وما بتسمعين الرمسسسه . .

انا اصارخ : كل ها عشان ما رديت البيت ما يسوا عليييييه

وليد : بعد تحسين انه شي تافه ؟ بعد تحسين انج تكسرين كلمه ريلج شي عادي ؟ " يعلي صوته " قومي نظفي الي سويتيه فوق . .

انا : مااااابنظظظظظظف شي . .

رفع وليد ايده بيضربني وانصدمت . . تميت اطالعه بذهوووووووول . . بعدها نزل ايده . .

وليد : لاتخليني امد ايدي عليج وسمعي الكلام . .

تميت اطالعه وانا ف يوفي قهررررر وحرررررررقه . .

قمت عنه وسرت خذت فوطه ومخمه . . صعدت فوق وهو واقف عند باب الحجره وحاط ايد على ايد ومايل فالوقفه يطالعني وانا انظف . . كنت اتعمددددد انظف بقوه عشان يدش الزجااااااااج ف ايدي . . وبالفعل دشششششش ف ايدي وجرحني وطلع دم وجدام عينه لكن ما سوا شي ولا اتحرك وانا ماسويت جي عشان اخليه يتحرك اصلا بس عشاني معصصصصصصصصصبه ومنقهره . . تميت انظف وانا اصييييح بهدوء . . جي دموعي تنزل و الدم ف ايدي . . نظفت كل شي عدل وشليت الصينيه ومريت جدامه وطلعت من الحجره . . رحت المطبخ عقيت كل شي حتى الصينيه مع انه ما صار فيها شي . . لكن جي من القهر كيفي ! . .

مارجعت بعدها الغرفه طلعت من الفله وقعدت ع الدريات . . بعد مده ماحسبتها كم لاني كنت اصيح وقلبي محروق . . تبطل الباب وجاف ظهري يالسه بعد عتبه الباب ب شوي فالدريات الي تنزل ع الحوش . . كنت فوق ع اول دري . . يا وقعد حذالي . . وانا قمت على طول وابتعدت ورحت صوب المريحانه وقعدت . .

لحقني وقعد حذالي مره ثانيه ولما كنت يايه اقوم مسكني بقوه . .

وليد : لا تعانديني بعد وقعدي . .

انا هديت ايده : لا تلمسني . .

يبتسم : حسيتي بالحرقه . . حسيتي بالقهر . .

انا اطالعه ودموعي مليانه ف عيني . .

وليد : مش بسج صياح . .

مسحت دموعي و وقفت و وقف ورايه ومسكني وخلاني اجابله وحظني . . حظني بقوه . .

وليد : بسسسس خلاص . .

انا : هددددددددددددني

وليد : اشششش . .

انا : هدنننننننني اقولك هددددددددني . .

الاناره كانت وايد خافته ي دوب ليتات خفيييفه حوالين البيت ونور القمر . . والهوا باآآآرد حده . .

وليد : بس خلااص اهدي . .

انا ابتعدت عنه وتامه اضرب صدره بقوه واصصصيييييح . . قهرني والله وايد و وايد عورلي قلبببببببببي . .

وليد يهمس : كنت ابي اعلمج بس درس . .

مسح دموعي بظهر ايده .: ترا قلبي يعورني اكثر عن قلبج . .

انا اطالعه وبعدها دموعي تنزل . .

وليد يمسح دموعي . . : عيب الحرمه تقول لريلها لا . .

انا : تبا تمحي شخصيتي . . تبا تعدمها . . تبا كلمتك الي تمشي بس . .

وليد : انا جيه ؟ انا جيه حبيبي ؟ انا مش جي . . شخصيتج ع راسي . . لكن لما اقولج تعالي واصر عليج انج تين . . لازم تسمعين الرمسه وتين . . تعرفين ليش اصلا انا قلتلج تعالي البيت ؟

انا اطالعه . .

وليد : انا ماخليتج تروحين الصالون وياهم لان قلت حق ميره تتصل حق وحده تيج البيت . . لاني مابيج تفلين شعرج فالصالون والكل يطالع . . خفت عليج من عيون الناس . . بغيتج تاخذين راحتج ف بيت ويسوون لج ع راحتهم . . وانتي تماطلين وما تبين تين وتعاندين وانا مصر مابا اقولج لاني اباا اشوفج بتين البيت ولا لاء . . ويييتي ! اخرتها يييتي لكن مش عشاني انا لان اكيد امج عصبت عليج لا وياريت يييتي على طول . . ربع ساعه عقب فكرتي تين لين قلت حق الخدامه تقول حق الي تعدل تروح . .

صديت ويهي الصوب الثاني . .

وليت لمس ويهي بصبعه وخلاني اشوفه . .

وليد : كنت ابيج تتعلمين بس ان الي سويتيه مش شوي . . وان لي حق ازعل واتجاهلج وامنعج تروحين اي مكان . . لاني مابا الشي يتكرر . . مابا حرمتي تردني وماتسمع كلامي لا و تترطم جدام امها واختها خ يولي . . وتسبني جدااام بنت عمها وماتفتكر انها غلطت . . شوي الي سويتيه ؟؟

انا ابلع ريجي : لا . .

تقرب مني وحظني : ماتهونين عليّه . .

انا : هنت عليك يوم كااااامل احين تقولي ماتهونين . .

وليد : لازم اعلمج . . لو انا ماعلمتج واخليج اتوبين انج تكررينها ما بكون ريال . .

انا : حيوان . .

وليد يحظني بقوه : يموت فيج الحيوان . .

عقبها ب شوي جابلني : ااشوف ايدج . . ليش تتعمدين تجرحينها . .

انا : بس جي اعاند نفسسسسسي كيفي . . حتى للحين ما كلت شي من الغدا . .

وليد : تبين تعوريلي قلبي بهالحركات . .

انا : اعور قلب نفسسسسسي . .

وليد :يالله امشي خل احط لج لصق وتاكلين لج شي

انا : مابا

وليد يبتسم : يالله . ..

انا : قلتلك مابا. . بعد شو ها لازم اسمع كلامك فيه ؟

وليد يبتسم : لا . . كابري وتغلي بيني وبينج وسوي الي تبينه . . جدام الكل لازم تكنين لي احترام وتسمعين كلامي بدون نقاش . .

انا : هدني . .

وليد يبتسم : وحشتيني على فكره . . من تزوجنا . . ها اول يوم اصدج فيه واكابر ع روحي وابعد عنج . . وقلبي يألمننني اجوفج تنجرحين وتصيحين لكن يودت روحي لاني ابا اعلمج بس . .

ما قلتله شي ومشيت عنه ودخلت داخل . . حطيت لي لصق ع الجرح لانه بدا يحرقني . .

وليد : لبسي عباتج بنطلع . .

انا : مابا اروح مكان ابا ارقد . .

وليد :بتمين تعانديني طول اليوم " يبتسم " يالله ولا بشلج . .

انا : قلتلك مابا ماااابااااا . . مابروح مكان معاك . .

وليد : يالله عاد . .

مشيت عنه لكنه حظني من ورا ورص علي بقوه . .

وليد : ما بنطول . . عشان خاطري ؟ ممكن ؟

تميت ساكته . .

باس راسي . . : يالله حبيبي . .

تنهدت وصعدت فوق سرت لبست لي بنطلون وقميص ع السريع وعباه مسكره ويادوب تعدلت تعدييل جدااااااا خفيف وطلعت . .

لما ركبت السياره عطاني تلفوناتي . .

خذتهم عنه وفتحت القروب قعدت اشششوف صورهم واقرا كل شي كاتبينه . .

>

<

>

شماني : شرايك فيني . .

مروان : حلوه . . متى تبيني اوديج ؟

شماني : بس حلوه . .

مروان : شو اقولج " يبتسم " اهم شي البنات شو بيقولون عنج

شماني : اهم شي انت . .

مروان يقرص خدها : حلوه حبي . .

شماني : مروان لين متى حرام عليك

مروان : شو فيج شما ليش صايره حنانه وزعوله وحساسه . .

شماني : انت ما تلاحظ روحك كيف متغير . . كيف كنت وكيف صرت

مروان : لا اله الا الله ! كل ها لاني ما مدحتج !!!!!!!! حلوه قممممر تخبلين تعذبين . . ارحتي ؟

شماني تطالعه . .

مروان : انا بروح اقعد فالصاله لما تجهزين زقريني عشان اوديج . .

وطلع عنها . . !

تمت تصيييييح وتصيييييح وتصييييييح . . خربت مكياجها كللللللله منن الصياح . . عقب ساعه وشوي دخل عليها . .

مروان : البنات راحو وانتي بعدج ما خلصتي . . " انصدم من الي جافه "

تقرب منها . . : ليش . . ليش تصيحين . .

شماني تصارخ ولاول مره ف حياتها تصارخ على حد ! : طللللللللقني اذا ما تباني وعايفني لاني عقييييييت ولاني يمكن ما اييييييب عيال . . طلقققققني لكن لا تعاملني جيييييي . . كنت برضا انك تعاملني جي لو من البدايه كنت جييييييييي . . لكننننننننن كنت تعاااااملني غييييييييير والحين غييييييير مابا جي انا ماااااااااااااااااابا . . انا تعبت وانا اصبببببر . . اكثر عن 4 شهووووووووووور وانا صاااااااااااااابره واقول بيتغير والكل يقولي صبري صبري صبرررررررري . . لكنك ما تبااااني خلاااااااص كل يوم ترد متاخر لين 1 ولا 2 . . وفالويكند ماشوووووووووووفك الا بعد اذان الفييييييييييير . . ماتسال عني كله تقولي ألهي روحج ألهي روووووووحج . . انا شو ذنبي يوم عقيت شو ذننننننننننبي . . " تمت ادق بطنها بقوه " ليتني مت وتم الياااااااااهل يمكن تستاااانس . .

مروان بعصبيه : ياخذني الله انا ياااااااااارب ولا ياخذج . . يا حيوانه . .

يقومها ويصارخ عليها : لا تقولين هالكلمه مره ثاننييييييية . .

شماني : شو استفيد من خوفك علي وانت ما تحبني

مروان : انا امووووووت فيج تعرفين شو اموت فيج

شماني : كل تصرفاتك تقول العكسسسسسسس كل تصرفاتك . .

مروان : اعرف . .

شماني : حلللني يوم ما تباني . .

مروان : صارت سهله بلسانج . . وايد تعيدينها . .

شماني : لاني تعععععععععبت . . انا تعببببببت

مروان : . .

شماني : تزوج علي والله راااااااااااااااضيه . . تزوج خل تيب لك عيااااااااال اذا العيال بيردن لي مروان الجديم " تصيح "

مروان يرفعها صوبه ويحظنها بقوه : انا اسسسسف . . انا حيوان والله حيوان . .

شماني : انا ما اتحمل بعدك وجفاك وصدك . . والله ما اتحمل . .

مروان : حقج علي انا غلطان . . والله انا غلطان . .

يمسح دمووعها و ووو و و و و

“ cut”

>

<

>

شت يعني حتى شماني ماراحت العرس مع ان عرس اخوها !!!! . . حسيب الله شرك يا مروان جانك حارق قلب بنت عمي ومعذبنها . . .

>

<

>

مايد : انزين شسوي يوم انتي حلوه جي . .

ميره : لازم تتحمل جمالي وتدعي الله انه يحفظني بس

مايد : تبين كف . .

ميره : هههههههههههههههههههههه

مايد : ما تصدق حد يمدحها نقققققعت مدحت عمرها . . يمكن اجامل . .

ميره : واثقه من روحي اوكيه واعرف اني حلووووووه . .

مايد يبتسم : اموت ع الوااااااثق . .

ميره : جب . . وين بتروح عقب ما توديني ؟؟

مايد : وين ما تبين . .

ميره : البيت بعد شوووووو

مايد : من عيوني اروح البيت ليش لا . .

ميره : ياااااا الله جان زين دومني حامل جان بتستوي جذه . .

مايد : اصلا انا من يومي جيه بس انتي عينج معمايه ما تشوفين . .

ميره : مررررررره . .

مايد : بتردين ويالبنات ولا انا امرج

ميره : وليش ارد وياهم وانا عندي ريل ان شاء الله ؟ طبببببعا انت بتردني . .

مايد : ترا سيف شال البنات مودنهم ردي ويا اخوج . .

ميره : تبا الفكه ماتروم تششششششل مسؤؤؤووووووليتي

مايد : من قااااال . .

ميره : بعدين سيف ماودااااااهم شهاب ودااهم . . تباني اركب ويا شهاب وانا متبرجه ومنعطره وحالتي حاله . . اوكي انا فري عادي عندي

مايد : جربتي عقال ع ويهج . .

ميره :لا . .

مايد : ما نصحج تجربين . .

ميره تبتسم : ماتون الا بالعين الحمرا

مايد : جب مابا اسمع لج حس . .

>

>

<

عنود : زهقت من يلست البيت والله . .

عبدالله : وين تبين تروحين بوديج

عنود : مابا اروح مكان مافيني حيل . . وصدعه هالاثنين . .

عبدالله : عيل انا قلت احين بتيبين لي الثالث

عنود تشهق : شووو . . انت اتخبلت

عبدالله : هيييه انا قايلج ابا 5 . .

عنود : مافيني شده ع 5 انا . . هاتهم روحك

عبدالله : مايصير اييبهم روحهم " يبتسم بخبث "

عنود تطالعه . .

عبدالله : هههههههههههههههههه . . لا ماعليج ريحي انتي احين بس 5 شهور ولا 6 شهور وعقبها حامل انتي ان شاء الله . .

عنود تبتسم : الي انت تباه اصلا بيستوي وانت تعرف . . لو فهالحمال في عذابي وألم وتعب لعيونك يهون . .

عبدالله : جنه . . تعرفين انه انتي جنه ؟

عنود : اعرف الكل يقول . .

عبدالله : وربي انتي جنه ياعنود وانا محظوظ فيج . . مادري كيف ماكنت اشوفج عدل ؟

عنود تمسك ايده : اهم شي تشوفني الحين . .

>

<

>

وليد : من تمسكين البي بي تنسيني ترا . . خاطري اعرف انتو البنات عن شو ترمسون طول الوقت . .

طنشته وكملت . .

>

<

>

دخل راشد وباس شهد وكانت مبوزه حدها . . صح انها رضت بالامر الواقع وسوت العرس ف بيت لكن بعد كانت زعلانه ويبين عليها انها مبوزه ومضايجه . . ماصااار شي يديد ف عرسهم حالهم حااااااااال اي معاريس لكنهم كانو كاتبين ان اول مره يشوفون راشد كله مبتسسسسسسسسم ومستاااااانس ويبين عليه طاير من الفرحه وجريء وعليه حركاااااات اونه ويعرف يراضي وكل شوي يمسك ايدها مش مفتكر ف حد . . و شهود متوعده لي وزعلانه حدددددددها . . والحين هم بيقضون ليلتهم في اطلانتش . . ومن بعدها بيسافرون ماليزيا شهر العسسسسل اسبوعين ونص تقريبا . .

>

<

>

كتبت لهم فالقروب : رقوووووي وينج ؟ شهاب شاااافج ولا هههههههههههههههههه . .

رقوي : كنت متغشيه وهو طول الدرب ميت يتحرش فيني وكان يبا يجوفني اصلا . .

انا : حليييييله الواثق !! شدراج ان اخوي ميت يبا يجوفج . . !!

>

<

>

شهاب : شو العرس بنات عمي . .

شيخه : ونااااسسسسه . .

خلود : كله بصووووب وراشد الي اونه خجوووووول وما يرممممس بصوب . .

شيخه : هههههههههههه مع انه اخووووووونا و ويانا فالبيت لكن والله مانسمع له حسسسس . . بالله عليك يوم يكون وياكم يرمس ؟؟

شهاب : هيه حشره

شيخه : عيل ليش ويانا ساكت . .

شهاب : ما يحب البنات . .

خلود : ما تملي عيننننننننه الا شهووووووود

شهاب : في بقره ساكته . . ومتغشيه . . فصخو غشوتها يمكن راقده

خلود + شيخه : هههههههههههههههههههههه

رقوي : قول تبا تجوفني لا تلمح . .

شهاب : شو اشوف فيج . . شيفه ما تنشافين . .

رقوي : انزين ليش ترمس ويايه ؟؟

شهاب : اطمن حيه و لا متي . .

رقوي : وشو يهمك اصلا

خلود : بس بس انتو الاثنين . .

" وصلو البيت " . .

نزلو شيخه وخلود . . ونزلت اخر شي رقوي ونزل وراها . .

كان واقف يترياهم يدشون البيت . . كلهم دخلو الا هي بعدها تك تك . .

شهاب : ادخلي يالله فكينا . .

رقوي : شو فيك الكعب عالي وبروحي تعبانه منننننه . .

شهاب : قزمه ترا يوم انج مش قد الطول لا تعابلين له .

رقوي : اوكي اوكي انا قزمه شو يعورك انته . .

وهي تمشي انكسر الكعب . .

شهاب : ههههههههههههههههههههههههههههههه

رقوي بطلت الغشوه : لاني ما جووووووووووووووف اوكي . .

شهاب تم متصنم يطالعها . .

رقوي من الصوره الي حاطتنها فالقروب ماكانت متعدله وايد . . يادوب مرسومه عينها بالاسود بشكل اثيري مع روج وردي فاااااااااااااتح . . لكن اكيد اتصنم لانه دوم يشوفها ع طبيعتها ما تحط شي ف ويهها ابددددددددا . .

رقوي تطالعه وارتبكت من جمدته بالوقفه وهو يطالعها . .

شهاب ابتسم : ماشاء الله عليج بنت عمي . .

رقوي كاتبه ( انا يقوووووووولي بنت عمي !!!!! وهو ع لسانه كله اليااااااهل واليااااااهل ) . . . .

شهاب : جد ماشاء الله عليج . . غرام . .

رقوي بلعت ريجها وعطته ظهرها ومشت بكعب مكسور وهي تعري لانها ماتعرف شتسوي ابببببببببببببدا ولا تعرف كيف تتصرف هههههههههههههههه . .

>

<

>

كتبت لها ضحكه طوووووييييييييييييييييييييييله عريييييضضضضضضضضضضه . .مع كلمه ( واخييييييييييييييييييراااااااا ) . .

وليد : اشل الفون عنج ؟

انا اطالعه : خلاص . . هديته . .

وليد : انتي اصلا مش حاسه ان السياره من 5 دقايق واقفه . . واني اطالعج . .

انا : اقرا شصار فالعرس . .

وليد : متحسفه ع عناد راسج . . ؟

انا : لا . .

وليد : بعد بتكابرين . .

انا اطالع : ليش يبتنا اهني . .

وليد : لانج مش ماكله وهالمطعم الوحيد الفاتح هالوقت . . نزلي . .

نزلت معاه . . طلب لنا عيش وسلطات ودنيا . .

ومن وصل الاكل قعد حذالي وتم يأكلني بروووووووحه كل شششششششي . . ما خلاني اكل شي بايدي . حتى الكولا هو الي يشربني . .

انا : يعني تعوض عن سواتك . .

وليد يبتسم : جب . .

بعد ما خلصنا دح واككككل ركبنا السياره . .

وليد : ف بالج نروح المكان الي في بالي . .

اعرف ف باله البحر وانا جد احب البحر وياه . .

انا : هيه . .

وليد ابتسم ومسك ايدي بقوه . .

وصلنا البحر ونزلنا . . خلينا النعله فالسياره . .

مشينا ع الشاطي قريب البحر والبحر كل شوي يلامس ريولنا . . الجو كان بررررررررررررررد فظييييييييييييييييييييييع . . مع ان دخلنا الصيف لكن اليوم جو حده بااااااارد . .

كنا نمشي وبينا مسافه بسيطه . . تمينا نمشي ونمشي . .

فجاه وقفت وجابلته . .

وليد يطالني ويبتسم . .

تقربت منه وحظيت راسي ع صدره . . : كرهتك اليوم . .

وليد يحط ايده ع راسي وايده الثانيه ع ظهري : اعرف . .

انا : وايد بعد . .

وليد : والله اعرف . .

انا: . .

وليد : انا اسف . .

انا : انا الي اسفه . .

وليد : على ؟

يجابلني يطالعني . .

تقربت منه برد احط راسي لكنه صدني وخلاني اجابله : قوليلي وانتي تطالعين عيوني . . اسفه على شو . .

انا تميت فتره اطالعه عقب نزلت راسي وقلتله : ماسمعت كلامك جدام اهلي . .

وليد يبتسم ويبوس راسي : انا بس ابيج تتعلمين ماكان قصدج آآذيج او اعور لج قلبج . . احبج ترى انا . .

انا : جب . .

وليد يبتسم ويحظظني : والله احببج . . اموت فييييييج . . اليوم كان مش حلو لانج بعيده عني ولا حسيت بقربج . .

انا : يومي كان حلوو حده . .

وليد يطالعني : صدق ؟ تبينه يتكرر . .

انا فاجه عيني ع وسعهن . .

وليد : ههههههههه بسج مكابر عيل " يبتسم " قوليلي انج اشتقتي لي . .

انا : مابا . .

وليد : يعني ما اشتقتيلي ؟

انا : امبلا . .

وليد : صدق . .

انا : هيه . .

وليد : شكثر . .

انا : كثر الكره الي شلته عليك

وليد يبتسم : اوففف . .وايد

انا ابتسمت . .

تقرب مني وهمس لي ف اذني : ما بتغيبين عن عيني ابد . . ولا تعيدين حركاتج عشان ما تشوفين صدي سمعتي ؟

بعدها باسني ع خدي و و و !

وسوالف مش لازم تعرفونهآآآ .. !

بدا بدا دق الخفوق و هز ضلعيني غلاك
و عقارب الساعة تسابقني على موعد عمر
ابششرك قبل اللقا و ابشرك و انا معاك
فيني وله كبر السما يكبر ولا عمره صغر

تعال اعبر لك عن احساسي و انا بلحظة لقاك
احساس اكبر من كلام العشق ما حسه بشر

اتنفسك عشق و غلا و اتقربك و المس يداك
كني لمست براحتي هالكون و احلام العمر
الله يسعد لي صصباح العشق لين اخر مسااك
و الله يسعد لي مسساك اللي وصل حد الفجر

تعال يا عشق انكتب بتشوف في عيني غلاك
فيني وله كبر السما كبر الصحاري والبحر
لو البلا ينقل عن الواحد انا بنقل بلاك
يااا عل عيني ما بكت مثلك على طول الدهر
قلبي يبيع الكون كله ما خسر يوم اشتراك
لو هو شرا غيرك حبيبي كل ما يربح خسر

.

.

.

__DEFINE_LIKE_SHARE__

«ضَحِيًة حِبُيًبُيً ..}● · 05-03-2013, 11:00 PM

.
.
.

السلام عليكم ورحمه الله

شحآآآلكم .!

اكيد اشتقتو للروايه اسبوعين ماقريتو شي . .

حتى انا حدي اشتقتلها والله = ) . .

فهالبارت كان مودي متقلب حده اتمنى يكون حلو ههههه كنت اكتب بدون شعور وبدون حاسيه . .

اترقب رايكم في تويتر او اهني . . متابعه دايما بصمت . .

اشكر كل الي يشجعوني من كل صوب .! واشكر كل شخص دوم يرفع من معنوياتي

اشوفكم على خير باذن الله اذا الله راد الويكند الياي . .

فمان الله . .
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خادمة "تذبح" طفلة مخدومها بحفر الباطن	محروم.كوم	منتدى أخبار المواقع والمنتديات العربية والأجنبية	1	04-16-2013 02:04 AM
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف))	محروم.كوم	منتدى أخبار المواقع والمنتديات العربية والأجنبية	0	01-20-2012 04:10 PM
بلاك بيري تورش 9860 فل تتش مع بن ممير """"""""""""""""""""""	محروم.كوم	منتدى أخبار المواقع والمنتديات العربية والأجنبية	0	10-28-2011 11:00 AM
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM