|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا ![]() | رقم المشاركة : [ 1571 ] |
عضو ذهبي | ![]() . . البارت ال 39 انا بعدني منصعقه . . طلقققققني ؟؟؟ طللللللقني وليييييد . .لييييييييش . . ليش عقب ما قلتله احبببببك طلقننننني ليييييش . . ليش عقب ما لمسني يطلقنننننني لييييييش . . ليش عقب ما تعلقت فيه وقمت ما اشووووووف غيره ف حياتي طلقني ليييييش لييييش ليييييييششششششش . . اندق الباب علي وقمت مفزووووووعه وانا بس اقول لييييييش . . وليد : افتحي الباب . . مهره . . بعدني ما استوعبت وسرت فتحت الباب . . شفته جدامي وحظني على طول . . وليد : كلميني . . طلعي الي ف خاطرج . .لا تدسييين شي عني . . خليني اشوفج انا ارجع ع ورى : شووه . . كيف . . انته . . وليد يطالعني : شوه . . شو الي خوفج . . شوه فيج كلميني . . ليش مفزووووعه انا : انت بعدك بعددددددك " تنزل دموعي " بعدك . . . وليد يطالعني باستغراب انا : انت ما طلقتني . . وليد : اطططططلقج !! ليشش اطلقج !!!! غمضت عيني وانا ارجف . . شلني وليد وطيحني على السرير . . شرررربني مااااي بارد وخلاني انسسسسدح ولحفني عدل وطلع يزقر اميه . . غمضت عيني بعدها ومافتحتها الا على اييد اميه تمسسح على راسي وتقرا قران . . وعيت على صوتها وهي تشهق من الصياح . . انا : اميه ليش تصييحين . . انا مافيني شي . . اميه : انتي شو ياج يا اميه ليش طحتي . . انا اطالع وليد الي كان قاعد ع الكرسي وبس يطالعني بتركيز . . : بس خوف يمكن . . خوف اميه : بعيد الشر عنج يا اميه . . بعيد الشرررر عنج . . " تطالع وليد " اهني ارقدو اليوم قلبي ما بيطمن . . وليد :ان شاء الله . . الي تامرين فيه . . اميه تقوم : تبين ايييبلج عشا . . انا : لالا ماشتهي وليد : انا بييبلها اميه عقب لاتحاتين . . اميه : امانه وليد لا تقفل الباب انا قلبي ما بيطمن كل شوي بدخل . . وليد : من عيوني قام وليد معاها وباسس راسها وطلع وياها شوي وعقبها رجع . . وليد يقعد ع السرير صوبي ويمسك ايدي : ما بتقوليلي . . انا اطالعه : وليد . . وليد يطالعني : عيوون وليد . . انا : ابااا . . وليد : اسمعج . .قولي الي تبينه انا : ابا اقولك وايد اشياء . . وااايد . . وليد يطالعني . . انا : انا اخااف . . اخااف يي اليوم الي تفهمني فيه غلط وتتركني . . وليد انا ماعندي حد . . وليد : ليش اتركج . .ليش تحطين جيه ف بااااالج . . انا : اخاف تفهمني غلط . . وماتصدقني اخااف تتهور وتطلقني . . وليد : انتي حلمتي ب شي . . خبرته الحلم بالتفصيل . . وليد يطالعني ويمسح ع شعري : لاتحاتين . . كابووووسس . . انا بعدني لاصق فيج. . انا : وليد ذكريات سيف وايده . . لو اعددها لك من اليوم لين باجر ما بخلص . . احيانا من دون ما ابي تطري علي ذكريات . .احيانا مواقف تذكرني ب كلام صار بيني وبينه وانا والله ما ودي اتذكر لكن الشي ما اتحكم فيه . . مابي هالشي حتى يعتبر خيانه علشان جذيه اقولك . . مابيك تسمع من اي حد غيري هالكلام . . وليد يمسك ايديني بقوه ويقرب راسه صوبي ويرمس بصوت واطي : انا لما خذتج . . رضيت ب كل شي فيج . . ماضيج . . حبج لـ واحد غيري . . عذابج وذكرياتج وكل شي . .قبلت فيج ب كل شي عندج ولا اعترضت . . ولا نضارب لسبب عشان سيف او عشان اني فهمت غلط لا تلوميني . . انا رياال . . حتى لو فاهم حتى لو مستوعب كل شي بعد انا ريال . . الشي مش بايدي . . وانا اسسسف لو حسستج ب يوم ب احساس اني اظلمج . . ب احساس اني فاهمتج غلط . . ها اخر شي ابيه والله . . ابتسمت . . وليد : فديييييت هالويه . . فديييييت هالويه التعبان " يبتسم " اخاف ابوسج امج تدخل علينا انا ابتسمت اكثر : جبببب . . وليد يبتسم : لا تحاتين شي وانا معاج . . وايدي بايدج . .سمعتي ؟ انا : ان شاء الله . . اميه تصارخ . . : ولييييييييد ألحححححححححححححححححقني . . وليد قام وطلع يرررركضضض وانا قمت وراه بسسسسسرعه . . مع اني تعبانه وميته تعب واحس بخمول وكل شي لكن قمممممت . . اسودت الدنيا بعيني من صرااااخ اميه . . رحنا الصاااااله جفنا عنود مغمى عليها والدم متلطش من يبهتها لين ذقنها . . وعنود الصغيره طايحه ع الارض ومتيبسه صياااااااح . . وصقوري كاااان خايف و واقف عند باب البيت ما دخل . . شغالتنا خايفه وتصيح : انا بطل باااااب . . هيييا يمششششي شويا بعدييين طيييح . . هذا بنيييه صغيييره يطييييح انا اشهق : وااااااااااااي . . بسم الللللللللللللللللله . . ششششششششليت عنود الصغيره ويلست اشوفها لو متعوره لو فيها شي . . كانت بس تصارخ من الصيااااح لكن الحمدلله مايبين انها متعوره ف مكاااان . . يمكن لان عنود حاااطتنها ب قمااطين ثجااااااااال ولافه عليها . . اميه تدق عنود ع ويهها : امممممممميه عنووووود .. " تطالع وليد " قووووووم خل نوديها المستشفى عن تموت بنتي بين اييييييدي . . دخل شهاب وجااف الموقف . . : شصااااااااااير . . شفييييييييها شلها على طول وفر السويج على وليد : روووووووح شغل السيااااااره عطيييت عنود الصغيره حق الخدامه ورحت صوب صقوري وانا ارجف : تعال حبيبي تعال . . امييه يت وهي لابسه عباتها وتمشي بسرعه بتطلع . . انا : امييييه انا بروووح وليد : قعدي مع اليهااااال . . وطلعو كلهم . . انا امسح ع ويهه : ماما مافيها شي بس طاااحت . . صقوري : يدييه ذررب ماااامااااه انا اشهق : يديييه ضرب مااااماه ؟ صقوري يهز راسه ب هيه . . انا :وين باباااا صقوري : ماااما تتتتلع راااسها دمممم انا احظنه : شو مسوي فيها ي عمي شمسوي فيييييييييييي اختتتتتتتتتي . . شليت عن الخدامه عنود الصغيره وتميت خلاص ميته محاتاه . . رحت لبست لي جلابيه ولبست شيله لاني اعرف الحين كل ساعه بيدش . . مسكت تلفوني اتصلت ف وليد . . انا : شصاار وليد : قامت انا احط ايدي ع قلبي : الحمممممدلله . . مارمست ما قالت شي ؟ يندق الجرس . . وليد : بس تصيح . . انا طلعت من الغرفه . . امج وشهاب داخل . . انا : صقور يقول ان عمي حمد . . وليد : هيه سمعتها تطري اسمه وتصيح . . انا : شو مسوي فيها . . شووووو مسوووووووووي فيها حسبي الله ونعم الوكيل . . ليش قاعد يسوي فينا جيييه ليييييييييش . . عبدالله يدخل : عنود ويييييين . . ويييينها ركض الولد صوب ابوه وحظن ريوله وتم يصييييح . . انا وقفت : شصار عبدالله شصاار . . عبدالله يصارخ : ووووووويننننننننننننننها . . انا : ودوها المستشفى عبدالله يطالعني بصدمه : المستشفى . . وطلع على طول وصقوري يلحقه ويصييييح . . جان يدزه عبدالله بقوه ويصارخ عليه عبدالله يصارخ : رووووووووووووووووح دااااخل . . انا قلبي اتقطع ع ووووووووووووولدي لكن ماقدر اقولللللله شي . . بروحه الي فيه مكفيه . . طلع عبدالله وسرت صوب الولد شليته . .والله اني خفت عليه وهو صغير يشوف كل هالااشياء . . دم ووووضرب وصرااااخ . . تميت على هالحال ع اعصاااابي ما قادره اتحمل . . شوي ويت ميره . . مع ان الساعه 12 الا ربع . . اكيد مايد ما يدرررررري . . انا : ميروه شو مسسسستوي . . ميره ترمس فون : هيه خلاص انا عند مهور . . يالله . . باي . . خلاص مايد . . بااااي انا : شسالفه خبرينييييي ميره تيلس وتحط ايدها ع بطنها . . : حسبي الله عليج يا نوره . . حسبي الله عليج . .طلقها سيف . . انا اشهق : شوووووووووو . . ميره : الله ياااااخذها ويفكنا منهههها مادري من وين طلعت لنا . . انا : أرمسي مييييروه دخيلج . . ميره : الله يسلمج انا قايله مايد عنده مناوبه يومين وانا سايره اباااات بيت ابوي . ويالسين انا وعنود وهي طبت قعدت ويانا ف الصاله . . شوي وعنود حطت ايدها ع بطن نوره ليش ما تتخبل هاااايييج وادززززز ايد عنود بقوه . . > < > عنود : شفيج نوره نوره تصارخ : اخر مره تسوين هالحررررركه . . ما اسمحلج عنود : نوره هدي انزين ليش معصبه انا شسويت كنت بتهيس بطنج مش معقوله انتي مووووول مافيج بطن وع قولتج بدشين الرابع . . ولا حتى باااااين فيج شي نوره : وليش تتهيسينه اصصصصلااااا . . انتي مااااااااالج خصصص لو ان شاء الله ماطلع لي بطن . . ميره : نوره بلاج . . ليش منفعله هالقد . .!! عنود تطالع ميره : لانها مش حامل . . ميره تطالع نوره : نوروه صدددق . ! نوره بعصبيه : عنود لا اتخليني اطلع سواااااالفج كللللللللها لعمي . . واقوله انتي واختج شو تقووووووولون عنه . . ميره عاقده حياتها : نوره خلاص هدي عممرررج . . بلا هالحركات كلها . . عنود تبتسم : احين انتي تسوين كل ها لاني زخيتج . . بتحلفين انج حامل ؟ والفقير ولد عمي متعشم فيج بس عشان الياهل !! سيف يدخل : بلاها اصواتكم عاااااليه . . ميره تطالع سيف . . عنود ساكته ونوره بخوف تطالع عنود . . سيف عاقد حياته: شوه فيكم !!! عنود تطالع سيف : اسمحلي ولد عمي . . لكن حرمتك مش حامل وتقص عليك . . سيف يطالع نوره بصدمه : شو هالكلام الي اسمعه . . ؟. نوره بخوف ترجف . . سيف : صدق هالكلام ولا لاءءءءءءء !! نوره تنزل دموعها . . سيف يمسكها من جتفها بقوه : اتكككككككككلمي . . نوره : كنت حاااامل وطاااح سيف مصدوم يطالعها بصدمه ميره : نوره ماقادره اصدقج والله . . عنود : الياهل ما يطيح مني والدرب وانتي مثل البخت لا تعبتي ولا شي ! خلج صااااادقه لو مرررررره لووووو مرررررره بسسس لا تيلسين تجذبين ع راس ولد عمي وهو مثل المعماي يصدددددقج ب كل شي تقولينه !! نوره تطالعه وتصيح . . سيف عطاها طراق طيحها ع الارض : انتي ماااااالج عيشه ويايه اهني ااااببببببد . : طاااااالق طاااااالق طااااااااااااااااااااااااااالق . . نوره تصيح : سيييييف لاااااااااااااااا . . انت ما سمعتتتتتتتني ليش تصدقهم . . سيف هدها ع الارررررض وطلع من البيت . . شوي ودخل عمي حمد . . عمي حمد : السلام عليكم . . " شاف نوره ع الارض وتصيح " شفيج ابوي . . شو مسوييين في بنت الناس . . نوره تركض صوب عمي حمد وتحظنه : عمي انا كنت ابي اكسسب سيف . . ابيه يحبني وابي انسيه حبه الجديم . . جذبت عليه وقلتله اني حااامل بس عشان ما يبتعد وما يطلقني عشان اكسسسسبه وما يشوف غيري . . انا ماااااا غلطت . . حاااالي حال اي حرممممممه تبا تكسسسسب زوجهااااااا . . عنود الغيره ذبحتها يمكن اختها وازتنها عششان يفرقون بيني وبيييننننننننه . . خبرتتتته اني مش حااامل وطلقني على طول " تصيح بصوت عالي " طللللقني بالثلاااااااث عمي حمد يا بكل عنف عند عنود وشلها من راسسسسها وتم يدقها ب عمود الصاله بقوووووووو . . عنود تصيح : عممممي انا بنت اخووووك . . ليش تسوي فيني جييييي ليييييش . . انا اخاف على ولد عمي اخااااف عليييييه من وحده تكيد له بشششر وماتنفعه عمي يضربها طراااااقات ويتم يدق براسسسها : شلي عيالج وطلعي برااااااا . . ببببببببرااااا . .مالكم مكان يا عيال عبدالله ف بيتي . . ماااااالكم مممممكااااان . . ميره : ابووووووييييه . . وين اطلعها ف هاللييييييييل خااااااف ررربك . . شل عمي عنود الصغيره الي كانت ف سريرها الصغير مطيحه فالصاله وحطاها ف حظن عنود ومسك الولد بقوووه الي كان ع طرف واقف بخوووووف . . دخل مع سيف ومع الصرااخ تم بس واقف يطالع ولاصق فالستاره . . سحبه بقوه وطلعهم برررررا . . > < > ميره : وماخلاني اطلع . . قالي ما تلحقينها . . واتريييت لين دخل غرفته طلعت من البيت . . اتصلت لمايد قلتله تم ويايه ع الخط لين اوصل . . شليت عنود الصغيره لانها رقدت وحطيتها ف حجره اميه وبطلت عليها الباب . . وشليت الولد بعد من ع الارض كان يلعب بالايباد لين رقد و وديته الحجره . . ورجعت عند ميره وحطيت راسي ع ريلها وغمضت عيني . . عقت الشيله عن راسي وتمت تلعب ب شعري . . ميره : ماعرف ليش ابويه يسوي فيكم جيه . . ليتني اعرف السب . . انا : بعرفه . . واليوم بعرفه . . ميره : كيييييف انا : ماعرف لكن ما بيعدي اليوم الا وانا عارفه ليش عمي يسوي فينا احنا بس جيه . . ليش بس عيال عبدالله الي يكرهم وما يحبهم . . ميره : تعرفين لما سيف رجع شقالي . . انا اطالعها : شقال . . > < سيف يبتسم : حوبتي ف بنت عمي طلعت فييني ي ميره . . ميره تطالعه . . سيف : عشمتها بالحب ونوره عشمتني بالحب . . انا يمكن قصيت على مهره وخدعتها ف امور وهالحيّه خدعتني . . انا كنت ماسك مهره بطريقه ومابا اخسرها . . وهي كانت تبا تقبضني ب طريقتها . . ميره : الله يمهل ولا يهمل . . مع انك اخويه وما ابالك الشر لكنن سيف : لكني استاهل ادري . . استاهل كل الي يصيرلي والله " يبتسم " حسبي الله ونعم الوكيل . . وبعدني ميره ما خذت يزايه . . ميره : كيف يعني سيف : احس الله بيخسف فيني اكثر واكثر لاني ضريتها وايد ميره : توووب . . ارجع ل الله وتوووب . . كفر عن اغلاطك . . سيف : تبت . . وربي تبت . . وتقربت لربي اكثر من ماكنت . . لكن شي داخل ما اقدر اوصفه . . . > < > ميره : تعرفين مهور لما يرمس ويايه . . ادري ما يحق لي اقول هالكلام لكن والله من يرمس ويايه انا ااقاطعها : تحسين اني انا الي ارمس . . ميره : هييييييه . . والله هيه . . نفس الكلمات نفس المصطلحات نفس الاسلوب . . يعني ماعرف . . احس انتي وسيف كنتو غيير . . انا : الله ما كتب لي اخوج . . وانا سعيده الحين مع وليد . . واذا عن كل شي سواه من صوبي انا مسامحتنه . . دام اني مرتاحه مع وليد وهو كاف خيره وشره . . الله يسامح ويغفر عن كل شي سواه فيني . . ميره تبتسم . . انا : عيل شماني ماطلعت ؟ ميره : لا شموه حتى لو سمعت صراخ وتكسير ودنيا . . لو مروان محد ما بتظهر لو شو ما صار . . انا : ليش مروان وينه ميره : ما صار يرد البيت بدري مهوووور . . اميه خبرتني انه كله يرد متاخر من عقب ما عقت شموه . . احيانا يصطلب اظن يوم شماني تتشكاله وعقب يعوض بداله للفير . . انا : لا حول ولا قوه الا بالله . . منو مرتاح فينا يختي منو . . تعرفين لما قطعها مروان عقب ما عقت ولا قرب صوبها تذكرين ميره : هييييه انا : فالعزبه من كثر ما كانت هي مول مش حاسه بعمرها تخيلي طلعت من الغرفه كاشفه وقعدت برا كاششفه . . ميره : احححححححلفي انا : وربي . . حتى انصدمت . . كانت مش ف حاسيتها مول . . شموه ترا مش من النوع الي يرمس وايد من النوع الي يكبت وتبلع وايد اشياء وتقول شي بسيط بس . . ميره : ادريبها . . وما تفتح قلبها الا حقج . . لو تفتح قلبها لنا كلنا بترتاح والله . . انا : هيي طبعها جي . . واصلا ماكانت بتصير ويايه قو لين ما عاشت عندي لما سافر عمي خالد يعالج حرمته . . يرن فون ميره . . ميره : هلا مايد . . مايد : شحالج . . ميره : الحمدلله بخير . . مايد :شخبار الوضع عندكم . . ميره : على حطت ايدك نتريا حد يتصل فينا يطمنا . . مايد : رقدي عندهم لا تردين اهناك . . ميره : تقول يعني مايد : هيه ميره : خلاص تمام مايد : اووه من وين طالعه الشمس اليوم . . ميره : نفس ما تطلع كل يوم مايد : لا ماظن . . تسمعين الرمسه اشوف ميره : لان عند مهور ف عادي عندي ارقد وياها لو ف كهف مايد : بس عشان مهور ي حيوانه يعني ميره : هيييه مايد : يالله ماعليه المهم سمعتي كلامي . . ميره : هههههههه . . تعشيت ؟ مايد : الحمدلله وانتي ميره : هييه ماكله قبل لا يصير كل شي . . الحمدلله مزرت بطني مايد : شخبار ولدي . . ميره تحط ايدها ع بطنها : الحمدلله . . رن فوني وعلى طول رديت . . انا : وينكم . . وليد : استوت سالفه . . الدكتور يقول لازم شرطه وماعرف شو اونه ها تعدي وحد ضاربنها يبين انها مش طايحه . .الحين شهاب وعبدالله يرمسون واحد بنشوف جان بيسكر عالموضوع انا : يعني بعدكم . . وليد : هيه والله شكلنا . . انا : انزين شخبارها هي . . وليد : ماقدر اقولج بس دام امج ساكته اكيد انها احسن . . وبعدين مضرروبه الفقيره لازم بتتويع . . انا : يا ويل حالي عليج ي اختي . . وليد : شخبارج انتي ؟ انا : الحمدلله وليد : تامه بروحج ؟؟ انا : لاميره يتني . . وليد : زين ما سوت . . كنت احااتيج اتمين روحج وبردلج . . بس شهاب يراكض وانا ما اقدر اخلي امج واختج لازم اتم اتريا يمكن يحتاجون شي . . انا : قاعد برع وليد : هيه . .فالانتظار . . انزين وينها ميروه عنج قوليلها انج ما كلتي خ تسويلج اكل . . انا : ميرو شو تعرف تطبخ ي حسره . .ك2 وليد : خ تسويلج بيض وطماط . . مالها غرااام . . انا : وانت وين ذاااايقنه ؟ وليد : هاااه انا : ميروه . . ميره : هااااه . . لحظه مايد . . بلاج انا : وليد وين ذايق بيض وطماطج . . ميره : ههههههههه هاييييل حمير في بيت يدي لما يشوفوني فالمطبخ ع طول سووويييلنا اكل سوووويلنا اكل وانا ماعرف الا بيض طماط . . انا : ايووووا . . يا حيك عيل تحب بيض طماط ميروه هاه . . ميره : تغاااااارين انا : منوووو . . انا ااغاااار . . ماشي شغله . . ميره : بلاك انته الثاني . . هااااك اليوم والله بروحك كللللت . . !! شسوييلك يوم تنسى . . وليد : اضاربو هههههههههههههههههه انا : شكلهم هههههههه . وليد : عيل ما تغارين . . وماشي شغله هاه . . لحظه لحظه . . ي لبيييييه . . شهالزين انا قعدت : تستهبل صح . . يبين انك تستهبل وليد : هاه ؟ هيه هيه استهبل . . انا : احححححلف وليد : شفيج استهبل . . انا قمت عن ميره وامشي بسير حجره اميه اطمن ع اليهال : احححححلف اقولك وليد : شو فيج انتي ما تغارين شحقه تبيني احلف . . انا: بترمس ولا والله بعصصصصب . وليد : يالله حبي بخليج الحين انا بعصبيه : قسم بالله لو سكرررررت وليد بنبره حنان ويهمس : احببببج . . انا سكت . . وليد : احبج يلي ماتعترفين بغيرتج . . احبج . . انا ابتسمت غصب . . وليد : هههههههههههههههه . . مينونه انتي اشوف غيرج ؟ انا : مايندرابكم يالريييايييل وليد : قد الكلام انا : لالا مش قده وليد : تبينيي اخليج تندمين عليه انا : جب جب اوكيه . . وليد : وينها عنج عيل ميروه ماسمعلها حس انا : انت داقلي عشان تسمع حسها صح ؟ ويت بعطيها الفون وليد : هههههههههه حبيبي بلاج قاعد اسال . . فديييت كلمه حبيبي من ع لسانك شحلاتها . . جي خلتني اشق الحلج وما اتكلم . . وليد : الووو . . ويايه ؟ انا : هيييه . . وليد يتثاوب . . : هذو شهاب يتصل . . خلاص بخليج ! كليلج بيض طماط انزين انا : ججججب . . تحمل ع روحك وليد : من عيوني . . وسكر عني . . بعدها رحت المطبخ سويت لي اكل خفيف لي ولـميروه . . قعدنا ناكل ونسولف لين ما اذن الفير . . نشينا صلينا وعطيتها ملابسي ودخلنا حجره امي ورقدنا سوى . . نشينا على صياح عنود الصغيره . . اكيد يوعانه . .زين ان عنود حاطه ف حجرتها حليب واغراض بسيطه . . قمت سويتلها حليب وشربتها . . انتبهت للوقت كان 8 الصبح . . وللحين ما رجعو . . لحفت الصغاريه وماقدرت ارجع انام الا بصعوبه . . فتحت عيني على ايد اميه على ويهي . . انا : ماما حبيبتي . . قمت بستها ع راسها وحظنتها . . : شخبار عنووووود اميه : الحمدلله اهون . . اميه كانت وايد جاااده . . اميه : نشي صلي الظهر وتعالي الصاله . . انا : ان شاء الله قمت وطلعت من غرفتها . . سرت حجرتي بدلت وصليت وعقبها مريت غرفه عنود ما لقيت حد فيها شكلها عنود تحت . . نزلت وقعدنا كلنا فالصاله . . انا وعنود وشهاب كان توه راد من الدوام . . انا مسكت ايدها : حبييييييبتي شخبارج . . كانو لافين ع راسها هالشي الابيض . . .كان شكلها ييييقطع القلب . . عنود مسكت ايدي بقوه : الحمدلله . . لاتحاتين . . " تمت تطالع اميه " اميه : انا قلت هالسالفه بتتسكر من سنين لكن عمكم ما يبا يسكرها . . ويعذبني فيها كل يووم اكثر واكثر . . يعرف انكم نقطه ضعفي . . يبا يعورني انا : شسالفه اميييه . . عنود : اميه . .ليكون . . اميه : عمكم كان يبا ياخذني قبل لا ابوكم ياخذني . . شهاب : حسيت . . انا اطالع اميه بصدمه : شووووووو . . اميه تطالعني : سالفتج مع سيف و وليد . . نفس سالفتي مع ابوج وعمج . . جنه الزمن يعيد لي كل شي استوا . . انا : فهميييييينا . . اميه : انا كنت احب عمكم حب وحمد كان يحبني . . الله شاهد ان انزرع فيني الحب من دون ما اشوفه بس من كثر ما يطرون اخواني الله يرحمهم عنه . . كانو يحبون حمد ودوم يمدحونه جدااامي . .كنت دوووم اراقبه واشوفه لما يي يزورهم ومره زخني وانا اشوفه من الدريشه ومن عقبها قام يطرشلي مكاتيب ورسايل . . كنت اقراها وما ارد . . عنود : مستحيل . . اميه : لين ابوي الله يرحمه ياني وقالي انه وافق على خطبتي لعبدالله .. اخوه . . انا : خذتي ابويه غصب !! اميه : خذت ابوكم غصب . . عندنا البنت قبل مالها كلمه .. ابوها وافق خلاص ماتفج حلجها ولا تقول حرف وااااااحد . . عنود : عمي حمد ليش ما تححرررررك عيل حزتها ليش ما سوا شي ليش يعق اللوم عليييييج اميه : يعق اللوم عليه لاني مارفضت . . لانه عيب يقول حق اخوه الي خطب انا الي ف خاطري البنت وانا الي اباها . . وبعدين حمد كان طيب . . كان غيرر . . انا : بعدييين اميه : حمد كفى خيره شره عني ولا قرب صوبي ولا سمعت عنه الا انه عرس عقب ما عرست ب شوي . . وفجاه من حملت قام يسويلي المشاكل ويشوش عبدالله علي ويشوش حرمته الي ما تدانيني . . عنود : عشان جي عموه ام عبدالله ماتي بيتنا اميه : كانت تي تعق علي كلام وتغثثثثثني . . تقولي صوني بيتج وريلج . . وانا والله من تزوجت ابوووووكم صاينته وحاطتنه ف عيييييني . . وعمره ما قصر فيني . . ولا خلاني احتاج اي شي . . عيشني سعااااده وعيشني ب حب وحناااااان عمري ما حلمت فيه . . ابوكم جنننننننه . . ابووووكم جنننننننننه ماقصر علي الله يرزقه الجنننننننه يارب كلنا : اممممممين . . اميه : حمد من بدا يحس اني احب عبدالله اكثر واكثر وان الكل يحسده على اهتمامي وحبي له . . بدا يزيييد كل يوم ف كل شي . . بدا يضرررني اكثثثثثر ولما يبتكم يضرررركم جداااام عيني عشان يحرق قلبي عليكم . . انا اغمض عيني : والله ماقادره اصدق ها السبب الي يخلي عمي جي يسوي فينا . . اميه : حمد كان انسان ثاني . . تغييير واااااايد واااااااايد انا اطالعها . . اميه : تشوفين يا عنود كيف الكل حاسد عبدالله ريلج عليج . . تذكريني ف نفسي يا اميييه . . " تطالعني " وانتي تشوفين خبالج وبعثرتج بين هالاثنين سيف و وليد . . انا ساعدتج تختارين الشخص الي ماتعرفينه . . الي بيسعدج . . ترا مش شرط كل شخص تعرفينه بيسعدج . . انا : حبيبتي اميييييه سرت صوبها وحظنتتتتتتها بقوه . . شهاب : لين متى عمي بيتمادى يمه . . لين متى ؟ لازم نوقفه عند حده . . اميه : حمد ما بيقدر يلمس شعره من راااااسكم عقب اليوم . . انا كنت اخاف منه . . اخاف يشوه سمعتي جداااامكم . . اخاف من حرمته تغثثثكم ب كلام جذب عني . . عنود : لا . . عموه ام عبدالله وايد زينه . . اميه : اعرف يا اميه والله اعرف . . كل واحد منا له عيوبه . . محد فينا كااامل . . وهي كانت لها عيوبها وانا سامحتها وربي شاهد . . كفايا علي اشوفها تحطج ف عيونها . . انا : وياج انتي بس زينه لانج شايله عبدالله شل . . انا ما ادانيني . . اميه : محد بيقولكم شي ولا بياذيكم . . وبيت حمد يا عنود ما بتطبينه . . انتي بتعيشين اهني عندي انا . . واذا عبدالله فكر يطلعج من عندي لساني ما يطيح ف لسانه طول ما انا حيه . . عبدالله : السلام عليكم . . شفيه عبدلله ؟ ليش ما بترمسينه عموه احنا : وعلييييكم السلام اميه : لو فكرت اتشلها من عندي عبدالله : انا ما بامنها ف مكان ثاني غير اهني . . بين ايديج . . يتقرب صوب امي ويبوس راسها : سامحيني انا مش ريال . . ماقدرت احميها . . اميه : لا تقوووول هالكلام . . ادريبك لو موجود ما بتخليها تنضرب انا : مش بس تنضرب . . يطردووونها فالليالي برع البيت . . عنود : مهرررره خلاص عبدالله : ححححححقها . . اقل عن حقها . . اختها وقلبها محروق عليج . . عنود : انت مالك ذنب حبيبي . . شهاب يبتسم : والله اختي ماشي مثلها ي عبدالله . . عبدالله يسير صوبها ويمسك ايدينها : ادري . . تعالي عشان ترتاحين شوي . . اميه تطالعني : مهره اميه ما بتسيرين الكليه . . انا : لا اميه مابروح اليوم الاستاذ مطرش ايميل ما بيحظر . . انا قمت : بسير البيت شوي بشوف وليد الحين بيرد اميه : اتغدي اول . . الحين بخليهم يحطون الغدا . . تميييت تغديت معاااهم بعدها رجعت البيت . . لكن وليد ما كان موجود . . سرت حجرتي وانسدحت ومسكت البي بي . . فتحت محادثه شماني . . > < > شماني : لين متى مروان بتم ترد متأخر . . مروان : شتبيني اسوي فالبيت ؟ تراني اقعد معاج من عقب ما ارد من الدوام شماني : ماتقعد معاي . . تتغدا وتنام . . وتنش عقبها تطلع تروح عند يدي وتبقى معاه لين المغرب . . تي البيت تبدل وترجع تطلع وما اشوفك الا حزه الفير . . مروان : ليش تترييني ؟ اتعشي ورقدي . . وبعدين شارلج ايباد . . شارلج لاب توب يديد . . عندج تلفزيون . . اتسسسلي . . شتبيني اسوي معاج 24 ساعه .. شماني : هالاشياء كلها ماتسد عن وجودك . . مروان : هاتييلي ياهل يخليني ايلس فالبيت . . شماني وصوتها مبحوح وشوي وبتصيح : ليش باييدي مروان وانا قلت لا . . مروان : ولا انا بايدي شي بعد . . شماني : بس انت تعاقبني مروان : انا ما اعاااااقبببببببج . . ليش اعاقبج . . انا بس ابا استانس واغير جو شماني : وناستك ما صارت معاي ؟ مروان : لا إله إلا الله شماني تي تجابله : صرت ماتحب تقعد معاي مروان يشوفها ثانيه وعقب يلف ويهه الصوب الثاني . . شماني : ولا تحب تشوفني . . مروان يدزها ويقوم : بسسس عاد . . شماني تمت ع الارض يالسه وتصيح بهدوء ومنزله رااااسها . . مروان : انا مقصر عليج ف شي ؟ احتجتي شي وانا ما يبته لج ؟ شماني : لا مروان : خلاص عيل لا تطلبين مني اكثر شماني : مروان انا مروان : انتي شو ؟ مابي اسمع كلمه انا صرت اككككرررررررهاأ . . تذكرني ف لما نضاااااااارب وتقوليلي مروان لاتزعلني انا حااااااااممممممل . . مروان انا حاااااامل حرام علييييييك . . مروان لاتخليني بروحي انا حاااااامممممممل . . ككككرهت كلمه انا لا تقوليييييييييييييينها . . شماني : ان شاء الله . .الي تامر فيه ولد عمي بيبصير . . مروان : خلينا نرقد . . وراي دوام > < > كانت كاتبتلي . . " مهور انا اليوم بروح بيت اهلي . . مابتم معاه . . " كتبتلها " لا تتهوووووورييييين شموه . . صدقيني فتره وبتعدي وهو الحين ف نفسيه محد عالم فيها وبعدين هو رياااال تفكيره غير عن تفكيرنا . . ماتدرين شكثر رسم احلام على هالياااااهل وتحمس . . وهاي نتيجه حماسسسه كسرته بقوه . . اذا رحتي بيت اهلج بتزيدين الطين بله . . بيعاند بيعصب بيسوي زود . . خليه على راحته . . مصيره بيردلج . . مروان ماله غنى عنج وكلنا نعرف انه مصيره بيرجع لج انتي لان ماشي مثلج " انا : حبيبتي يا شممماني . . حبيبتي والله . . بعدها فتحت محادثه شهد . . > < > شهد : حبيبي انا يكفيني اني معاك والله يكفيني ان كل شي بينا تحقق واني صرت حلالك . . لكن انا خاطري ألبس الفستاااان الابيض والله خاااطررري . . ماشي بنت تبي تنزف من بيتها لبيت ريلها بدون كوشششه بدون ناس ومعازيم راشد : حبيبي بروحج تقولين يسد ان تزوجنا . . يدوه مش رااااضيه شسوي فيها . . اخاف تلغي العرس ب كبره لو حنيت ع راسها . . انا ماصدقت بنات عمي قنعوها ولينو راسها . . شهد : بس ها من حقي . . واقل من حقي . . وبعدين اهلي بيضاايقون وااايد . . يعني لا حفله ملجه ولا حفله عرسسس . . حرام عليك . . راشد : انا ماقدر اكلمها . . ولو حاولتي تكلمين البنات وسوو شي من ورايه ويدوه سوت مشاكل والكبار سوو مشاكل ما بحارب عشانج اكثر . . خل يبين ف عينج بس شهد : انا الي ما يبين ف عيني رشود . . انااااا ؟؟ انا الي ردييييت ألف واحد عشااااانك . . انا الي تركت الطياار والسفير وتركت اهل البطررررره كلهم علشااااانكككككك راشد يقاطعها : تعاييييييريني لانج رديتيهم . . شهد : ما اعاااااااايرك حبيبي . . ما عااااش الي يعايرك . . انا بس كنت ابي اقولك انهم كلهم كانو مستعدين يسوووولي حفل اسطووووووري مش بس عرس . . وانت حتى حارمني من كوشه صغيره اهلي واهلك فيها . . راشد : انا معاااارضض ؟ ؟؟ قلتلج مش معارض لكن مافيني على صدددددعه الكبااااار . . بما انج غريييبه بيحبووووون ان العرس يكون ف بيتكم واشلج وخلاص . . شهد : انا مابا جي راشد : وانا مابكلم حد اكثر . . شهد : باي . . راشد : برايج . . باي > < > مسكت الفون ودقيتلها على طول شهود تصيح : مهووووووور انا : ههههههههههه شهود : انا اصيح وانتي تضحكين . . ليش مايييتي الكليه ؟؟؟ انا : ترا السير مطرش ايميل ما بي شهود : رد طرش انه بي انا : احلفيييي شهود : وربي . . انا : اخييه . . خلاص ما يمديني . . انزين خلينا من السير . . خبريني شوه ياكم شهود : والله مهور هاي اول مره فيها نضااااااارب جييييه واول مره يقولي برايج ويبند ف ويهي على طول . . لا ويكابر ولا اتصصصصصل . . انا : مش هين ولد عمي شهود : هييييه والله ماعليج منننننه انا : هههههههههه ماقدر اقولج اي شي عنه لاني ابدا مااااعرفه ولا اعرف طباعه .. هو انسان لا يتكلم الا بالقليييييل النادر . . شهود : مهور كلممممميييييه انا : اقولج هو الوحيد الي ما اكلمه ولا حتى اعرف اسولف معاه لا توهقيني . . شهود : انزين انا ابا عرسسسس . . ما تبون ترقصون وتلبسون فساتين ف عرسي انا : لا يا بوج مافينا نقوم ندور فستانين ونتحنى وتسريحات ودنيا مافينا ع العباله شهود : مهووووووووووووووووووووووور انا : ههههههههههههههههههههههه انزيييين شو تبيني اسويلج يا شهووود شهود : اي ششششششي رمسي يدوووووووه انا : عاد ما بغيتي الاا اتننننننننا . .! يدوه اي شي اقوله بتسوي عسكه هههههههههههههه شهود : خلي وليد يكلمها !! ماتقولين انه يمون عليها انا : اوووه . .خلاص ان شاء الله من عيوني . . شهود : فديييييتج . . وليد يدق الباب . . انا : ادخل . . خلاص حبي بخليج الحين . . شهود : يو الحبااااايب هاااااه انا : هههههههه جب جب . . فارجي وليد : ألسلام عليكم . . انا : وعليكم السسسلام . . يالله فارجي . . شهود : سلمي سلمي انا : تعرفين الكفففف ؟؟ شهود : هههههههههههههه اوكي خلاص باي . . انا ابتسم واطالع وليد : باي . . وليد : ما بتين تسلمين علي يعني . . قمت من ع السرير وسرت صوبه . . تقرب مني وحظني . . انا : شفييييك وليد : ولهت عليييج بس . . حرام ؟ انا : لا مش حرام . . وليد يحظني بقوه : اااااه فديييت هالبنت كيف احبها . . انا اجابله : شفيييك وليد يرد يحظني : ليش مافيج حنان اليوم انا احظنه : الحين فيني . . وليد : ياويل قلبك ي وليد . . انا ابتسم . . وليد يطالعني ويبوس يبهتي : شخبار حبيبي .. انا : الحمدلله طيبه . . وليد : شو صحتج . . تغديتي ؟ انا : هيه . . انته كليت؟ وليد : هيه الحمدلله كلت . . تعبااااان حدي . . انا : لازم مارقدت من المستشفى ع طول ع الدوام . . وليد : هيه والله هلكان خلاص حدي . . احين بسبح وبرقد . . انا : يالله قووم رووح . . تقرب مني باس راسي وبعدها راح . . رديت انسدج مره ثانيه ومسكت البيبي وفتحت القروب . . > < > شيخه : رقوي كلمممي يدي . . يدي يحط ايده ع راسها ويقرا عليها قران . . رقوي تبوس ايد يدي : انا بخير يديه . . يدي : لاتخافين ابويه . . كل شي صار قضاء وقدر وربج كاتبنه . . والحمدلله انتي وخواتج بخير مافيكم الا العافيه . . شيخه : الحمدلله . . شهاب يدش: السلام عليكم . . الكل ماعدا رقوي : وعليكم السلام . . يدي : شهاب ؟ شهاب يبوس راس يدي : ها ابويه يدي : وينها يدتك ماشفتها خاري؟ شهاب : يالسه تهزب البشاكير يدي : يوم بيسممونها هالعيوز بترتاح عقب . . ضحكو عليه " ماعدا رقوي " يدي : ودني شهاب الحجره خلني بطيح لين اذان العصر . . وداه شهاب وعقب رجع . . لما رجع كانت رقوي بس القاعده فالصاله . . ولما جافته راد قامت وطلعت من البيت ولحقها . . شهاب : لحظه سوتله طاف ومشت شهاب :ايييييه انتي اكلمج رقوي تصد : منو ايه شهاب : انتي . . رقوي : عندي اسم ازقرني فيه شهاب : ماحب ازقرج ب اسمج . . رقوي تمشي عنه . . شهاب : لما اكلمج اوقفي رقوي تصارخ : شووووووو تبا شوووووو تبا شهاب : ذي الي بدوسها ب بطنها . . رقوي تطالعه : ذي الي بتأكلك تببببببن . شهاب : لعنبوه من لساااااان مطووووووووله رقوي : شو تبا الحين ليش تزقرني شهاب : همزي رجولي . . رقوي : شووووووووووووووووووووو شهاب يبتسم : شخبارج رقوي تطالعه . . شهاب : ٌما بتجاوبين رقوي : مستغربه يعني من سؤالك شهاب : ليش مارحتي المدرسه رقوي : مالك خص . . شهاب : ليش ما رحتي المدرسسسه !! ثانويه عامه ذي مش لعبه رقوي : مالك خصصص انزين فييني ولا ف دراستي . . شهاب : زولي . . مشى عنها وهي مشت عنه بسرعه وطافته . . شهاب : انتي ما تستحيين رقوي تصد له : شو فيك شو تبا شهاب : شلون تتعدين ريال وتمشين جدامه رقوي : انت ما تستحي تخلي بنت عمك تمشي وراك . . شهاب : عيب البنت تمشي جدام الريال . . يا توقف لين يروح ولا تمشي وراه . . رقوي : اووووووفففففففف . . شهاب : لا تتاففين لااا رقوي تقاطعه : لا شوووو ؟ بتمد ايدك علي شهاب : امد ايدي على ياهل ؟ ماني ناقص عقل . . رقوي : انت وين فيك عقل . . شهاب : شقلتي ما سمعت رقوي : انت لا فيك عقل ولا فيك قلب ولا احساس ولا فيكشي شهاب : اييه خليت لج الاحساس والعقل رقوي مشت عنه ودخلت البيت . . واخر شي كتبته فالقروب واللله احححححححبه والوحيد الي يقدر يعدل مزززززززززززززززاجي .. !!!!!!! . . . __DEFINE_LIKE_SHARE__ |
| |
![]() |
![]() | رقم المشاركة : [ 1572 ] |
عضو ذهبي | ![]() السلام عليكم ورحمه الله وبركآته . . = ) مبرووووك عليكم ان ورى باجر دوام لوؤؤؤل . . فيني اكتئآآآب حاااد واكيد نفس شعوري كلكم . . الله يعييينا ان شاء الله ويعييين بنات الكليات اكثر شي لان ورااانا كرررررف بروجكتات وامتحانات ورا بعض . . لو قدرت بكمل الويكند الياي . . ولما ماقدرت بعطيكم خبر . . بحكم اني مابا انرص فالكتابه ابا اخلي الاولويه لـ دراستي . . ف بخبركم بتويتر . . واعذروني لو ابطيت عليكم . . لان اوردي بتكون النفسيه زززفت ف الاسابيع اليايه ومابا اضيع وقت ف الكتابه . . اشوفكم على خيير باذن الله . . اترقب تعليقاتكم = ) __DEFINE_LIKE_SHARE__ |
| |
![]() |
![]() | رقم المشاركة : [ 1573 ] |
عضو جديد | ![]() الباررررت عجججيب ,, نترييياج حبيبتي وو الله يووفقققج
__DEFINE_LIKE_SHARE__
|
| |
![]() |
![]() | رقم المشاركة : [ 1574 ] |
عضو جديد | ![]() يا سلام عدلتي المود روعه
__DEFINE_LIKE_SHARE__
|
| |
![]() |
![]() | رقم المشاركة : [ 1575 ] |
عضو جديد | ![]() الححححححححممدالله انه كان طلاق مهرة حححلم ..،،
وعنووود الله يگوون فعونهآ صراااحة ،. واخيييراً عرفنا سبب معاملت عمهم حمممد ، وششماني بععد الله يكوون فعوونهاآ قهرني مرواان وششهاااب زيين منه هدد هالوغادة إلي فيييه وفدييتج ي رقووي حليلها تحبه ،، تسسلمين حبييبتي والله يكون فعوونا جمييعاً __DEFINE_LIKE_SHARE__ |
| |
![]() |
![]() |
مواقع النشر (المفضلة) |
| |
![]() | ||||
الموضوع | كاتب الموضوع | المنتدى | مشاركات | آخر مشاركة |
خادمة "تذبح" طفلة مخدومها بحفر الباطن | محروم.كوم | منتدى أخبار المواقع والمنتديات العربية والأجنبية | 1 | 04-16-2013 02:04 AM |
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف)) | محروم.كوم | منتدى أخبار المواقع والمنتديات العربية والأجنبية | 0 | 01-20-2012 04:10 PM |
بلاك بيري تورش 9860 فل تتش مع بن ممير """""""""""""""""""""" | محروم.كوم | منتدى أخبار المواقع والمنتديات العربية والأجنبية | 0 | 10-28-2011 11:00 AM |
""""""""مطلوب لكزس lx570 الدفع كاااش """""""""" | محروم.كوم | منتدى أخبار المواقع والمنتديات العربية والأجنبية | 0 | 07-19-2010 03:50 AM |
"""""""""""""""""""""""""""فساتين زفاف راقية ومميزة """"""""""&am | محروم.كوم | منتدى أخبار المواقع والمنتديات العربية والأجنبية | 0 | 07-13-2010 12:00 AM |