رّوآيه " هآيـم فيّ بحـر آلشّوق وُ لذة هيآمك " - الصفحة 301

«ضَحِيًة حِبُيًبُيً ..}● · 03-30-2013, 06:53 PM

.

.

البارت الـ 37 . .

قمت من بدري لان اليوم الجمعه . . الغدا بيكون فالعزبه . . الكل ساااير العزبه ومن العزبه الريايييل بيطلعون بيروحون المسيد . . الا انا و وليد متاخريييين . . وطبعا انا الي ماخرتنه . .

انا انزل تحت ابخره . .

وليد يشوف الساعه : باقي ربع ساااااعه وبيخطب الامام . .

انا : شي وقت بتلحق . . هكو المسيد الا دقيقه . . فهالربع ساعه بتكون فالمسيد

قمت ورافعه المدخن ويايه وابخرر غترته . .

وليد يحظني ويقربني صوبه جان اشهق

انا : تسسسسستبهل بحرقك . .

وليد يبتسم : مابحترق لا تحاتين .

رفعت راسي اطالعه : هدني خلني ابخرك عدل . .

وليد يبتسم . .

انا : ولييييد

وليد : عيونه " يبتسم " نصخ وليد . .

انا ابتسسمت بحيا : تسلملي عيونك . . وخر خلني ابخرك غترتك . .

ابتسم وهدني . . قعدت ابخر غترته وهو بس يطااااالعني ويبتسم . . يخليني استحي يعني اوووووففف . .

انا اطالعه : ما قلتلك هاك اليوم علمني علشان انا اغترك !! ليش ما تعلمني . .

وليد يطالعني : ما طلبتي . .

يبطل غترته والعقال . .

انا اشهق : مش الحييييييين . . روحك متاااخر . .

وليد يبتسم: ما يباله . . حطي الغتره اول جيييه . .

انا : ويت ويت انا بحط " ابتسم "

عقب حطيت الغتره بترتيب . .

وليد عدلي اهني من جدامي وحطي العقال

سويت ألي قاله عقب عدلت العقال . .

وليد : واهني بس يبالج تجسفين من جدام تشوفين كيف . .

انا : هيييييه ..

سويتله وانا ابتسم . .

انا : ما يباله . . اتحريت شي

وليد : خلاص يعني المره اليايه انتي بتغترتيني ؟

انا : هيه خلاص . . علمني كيف اعصمك بعد وخلاص ماله داعي تسوي شي

وليد يبتسم : مكاره تعرف اني ما ألبس كنادير اصلا ولا اتغتر واتعصم وايد

انا : هههههههه . .

سرت صوب الدهن عود . . وحطيت له . . وحطيت صوب خشمه . .

وحطيت صوب ظهر ايده هو يحب يحط اهني . . !

عطرته من عطووووري خليت ريحته جننننه . .!

وليد : الله لا يحرمني من هالدلال كله . .

انا اطالعه : يالله انت جاهز الحين . .

وليد يتقرب مني ويبوسني على يبهتي . . : يالله خلصي انتي امورج . .

انا : انزييين . .

رد باسسني على خدي وطلع . .

سرت شفت عمري فالجامه . . كنت لابسه تيشيرت بس ولامه شعري ب قباضه صغييييييره ف شعري كله متبعثر وطايح شوي بس منه ملموم . .

سرت صوب ملابسي طلعت لي مغربيه مخصره بس عقب قلت ما باخذ راحتي فالعزبه . .

ف بدلتها بمخوره بنيه وذهبية . . فديت امايااااا كل فتره تروح تخور لي ولا انا مول ما اسوي شي . . يبالي اروح السسوق اتسسوق . .

لبست ملابسي وتمكيجت وتبخرت وحطيت لي من الدهن العود . . ولبست لي ذهب احمر وساعه شانيل . . عقب رحت قريت لي سورة الكهف وصليت فرضي وتسسننت وقعدت استغفر . .

انتبهت للساعه قلبي طاح ف بطني . . كملت ساعه ونص و وليد للحين ما رد . . بسم الله علييييه ..

نزلت تحت وشعري مفلووول ما لميته . . شفته قاعد يشوف تلفزيون . .

انا : تسسسستهبل . .

وليد يطالعني : لييش . . شفيج . .

انا رديت صعدت فوق . .

وليد : تعااااالي بلاج . .

انا اعطيه ظهري وامشي : جججججب . . طيحت قلبي . .

وليد يزاعق : انزييين تعالي ههههههه

انا : بخلصصص ما خلصت . .

من صعدت و وصلت شفته ورايه : بلااااج . .

انا من دون ما اطالعه سرت صوب الجامه : مااااشي جببب . .

وليد يبتسم ويسحبني يخليني اجابله : والله تقولين . . من شو خفتي

انا : تراك طولت من شو بخاف . .

يرن فون وليد . . : هلا شهاااب . .

يحطه سبيكر . .

شهاب : يعني يالـ **** ما بتي شووووو

انا انصصصصصصصصدمت . . ششششششت . . شهاب مستحيل يسب يقول جي . .

وليد : هههههههههههههههههههههه يالهرم حاطنك سسبيكر . .

شلا وليد السبيكر على طوووووووول . .

معقوله جي سوالف هالرياااايييييل مستحييييييييل . . الا شهاب لالالالا . .

وليد : هيه هيه حبيبي وتاج راسي سمعت . . .

انا احط ايدي ع ويهي : واي ويهي . .

وليد : هههههههههههههههههههههههه انت ماعندك ون تو يا ريال . . انزين شسوي هاي اختك ما خلصصصصت . .

انا : خلاااااص خلصصصصت . .

فتحت الكتب ادور عباه مناسبه . . وحصلت لي وحده وطلعتها . .

وليد :يالله ان شاء الله مسافه الدرب و واصلين . . تمااام حبيبي . مع السلامه . .

وليد : شخبار الشعر المفلول . .

انا : احين بلمه

وليد : هيه اتحرا . .

انا " احين بيقول جملته المعتاده . . شعرج مش جنه قصران ؟ الحين الحين "

وليد : تعااالي . .

انا ابتسم . .

وليد : شعرج مش جنه قصرااان

انا : بيوووووصل لين الركبببب وين قصرااااان

وليد : صللللي عالنبي . .

انا : اللهم صلي على محمد

وليد يبتسم : فديييت هالشعر . . خيل خيل . .

انا ابتسمت . .

وليد سحب شعري : قعدي انا بلمه لج . .

قعدت مجابل التواليت ورفع شعري بالطريقه الي انا دوم اسويها . . من كثر ما يبحلق فيني وانا اتعدل حفظ كيف ألم شعري . . رتبه لي ورفعه كله وهو يدوره بطريقه مرتبه . . وحطا القباضات الصغيره الي احطها . .

انا من بعده تميت ارتب اكثر وعقب عطرت عباتي وشيلتي . . : خلاص انا جهزت . .

وليد :ي الله بيموتون يوع حبيبي . . بيتخبلون والله . .

انا : خلاص خلصت حبي . .

بلعت ريجي . . وربي طلعت بالغلط . .

وليد : شووه . . شو قلتي . .

انا : يالله خلاااااص خلصصصصت . .

وليد يجابلني : شو قلتي شو قلتي . .

انا : شووووووه وليد خلاص عاد . . لا تركزززززز

وليد يطالعني عين بعين : امانه شو قلتي . .

انا ارفع راسي اطالعه : حبي . . ححححبي

وليد بعين تسحرر : حبج . . انا حبج . . !!

انا ابتسمت بحيا وصديت وييهي الصوب الثاني . .

وليد : طالعيني . . " يبتسم بحب " طالعيني عاد . .

انا : وليييد

وليد : اششش . . جاوبيني . . انا حبج ؟

انا اطالعه وبحيا واااااااااااضح : هيه . .

وليد بنظره جد وتركيز : تحبيني . .

انا بلعت ريجي . .

وليد : تحبيني . . " يحط صبعه على ذقني ويهمس " جاوبيني ..

انا بصوت متقطع .. : هـ . . .يـ . . . ه

وليد : هيه شو ؟ هيييه شو " يرفع راسي بايدينه الهنتين " . . هيه شو . . !!

انا اطالعه ووبصوت خافت : احبــــــك . .

صديت ويهي الصوب الثااااااااااااني على طوووووول . . بموووتتتتتتتتتتتت ويهي يحرقني . . احرااااااااج الششششششششي . .

مارمت اشوف رده فعله والله ماقدررررررر . . احس بمووووت . .

وليد مسك فونه على طووووول ويتكلم : هلا شهاب . . تغدو . . لا تغدو . . بنيكم العصر او المغرب . . هيه . . اوكيه مع السلامه . .

انا اطالعه باسسستغراب . .

وليد يبتسم . . تقرب مني . . و و و .!

Cut !!!

بعد سآعتين . . كنت قاعده فالصاله تحت وارجف بهدوووء . . ماعرف شـ افكر فيه . . !

انرسمت لويهي ابتسامه احراج لما شفته ياي صوبي وشال الغدا الي يايبنه من برع . .

وليد يبتسم : يالله تعالي نتغدا . .

سرت صوبه وساعدته حطيت الاكل على الطاوله . .

قعدنا مجابلين بعض وبدينا ناكل . . كنت مستحيه لدرجه اني ماقدر ارفع عيني من صحني . .

قمت عنه على طووووووووول وسرت الحمام . . ٌقفلت على روحي الباب وسرت صوب الجامه اطالع عمري احاول اهديني . .

خلاص مهره . . خلاااص . . انتي الحين زوجه وليد رسمي . . انتي الحين صدق حرمته . .

ابتسمت بحيا . . تميت شابكه اصابعي باحراج . . احس براحه من داخلي لاني تجاوزت ازمه كبيييييره . . ولان وليد تجاااااوز ازمه اكبببر . . الحين نقدر نكمل حياتنا صح . . الحين نقدر نكون احلى زوجييييين فالدنيا . .

اندق الباب . .

انا ارتجفت اكثر . .

وليد : انتي بخير . .

عدلت شعري المنششول بطريقه مرتبه . . وغسلت ايدي وطلعت . .

وليد : فيج شي . .

انا اطالعه بتردد كبير : لا . .

وليد : خبريني . . شاركيني . .

انا : ماعندي شي اقوله . .

وليد : مضايجه مني . .

انا : لااا ليش اضايج منك . . " ابتسمت "

وليد : لاتحيريني . . ندمانه على

انا اقاطعه : لا يروح بالك بعيد .. انا بس . . حسيت اني طبيعيه الحين " ابتسمت " الحين رديت طبيعيه . .

وليد يبتسم . .

انا تقربت منه وحظنته : مابي شي فالدنيا يغيرك علي . .

وليد : مافي شي فالدنيا بيغيرني عليج . .

انا : ولا ابيك تبعد . . الحين بالذات مابيك تبعد . .

وليد يبعدني ويجابلني : ليش الحين بالذات

انا : من بعد اعترافي لك تبي تروح بهالسهوله عني . . تباني اجتلك . .

وليد يبتسم : قوليها مره ثانيه . .

انا : قوم خل نتغدا . .

وليد : قولي اول مره ثانيه . . خليني اسمعها منج . .

انا باحراج : احبك . .

وليد يغمض عينه : فدييييت روحج . . فديت قلبج " يطالعني " فديت نصخج . . فديت قلبي انا . .

انا ابتسمت : جب . . قوم ناكل . .

وليد : هههههه . . تستحييين مني . .

انا : خلاص وليد لا تبدا . .

وليد : قولي خلاص حبيبي لا تبدا . .

انا ابتسم : هاها . .

وليد : قولي . . انا من البدايه قلتلج بعلمج كيف تحبيني . . وكيف اخليج تحبيني . .

انا مثل الهبله بس اتبوووووسسسم . .

وليد : قوليي خلاص حبيبي عاد . .

انا : خلااااااصصصصصصصصص . . حرام عليك والله بموت حيا

وليد : هههههههههههههه

باسني على خدي : فديت روحج . .

مسكني من ايدي ورحنا صوب الاكل . . كلينا واحنا جد نحس باحساس ثاني . .

خلصنا اكل عقبها شليناه سوا وديناه المطبخ لان الخدامه طرشناها العزبه تعاااون اهناك . .

من عقبها . . تقرب مني وشلني . .

انا : يااااااحمار خررررررعتني . . نزلني . .

وليد : مابنزلج . .

مشى فيني وطلعني برع صوب الحديقه . .

عاد حديقه بيت عمي سعيد اقصد احم بيتي . . روووووووووووووعه . . كله اعششششاب و ورررررد وزرااااااعه يعني حتى الحشيش جيه اخضر غامج رهيييييييب . . عمي سعيد وااااااااايد معتني فالزرع بنفسسه يسوي كل شي ويتبع كل شي . .

وليد : اعققققج . .

اانا : ايييييه مش زين لا تعقني . .

وليد : وليش ان شاء الله . .

انا : انا بنننننت ما يستوي تعاملني بقسوه ههههههههههه

وليد : فديييييييييت البننننننت . .

نزلني بهدوء لكن شعري علق ف ساااعته . . ف لما بغيت افج عنه تألمت

انا : آآآآآآآآييييي . . ششششعري اآآآي . .

كنت مجابلتنه وشعري شااابك بالساعه . .

وليد : اف اف اف . . صبري صبري . .

انا : آآآآي لاااااا تتحرك . .

وليد : اسسسسف اسف . . صبري بفج الساعه . . تم يحاول يبطلها . .

انا : قصصصصصها اكسرها خلاص ماققققدر حرام عليك والله يعووووورني . .

مادري كيف حديده الساعه علقت ف شعري من فووق !! ف يعور وايد والله . .

وليد عقب محاولاااات عده فجج شعري . .

انا حاطه ايدي : والله حمار انت وسااااااااعتك فوقك . .

دخلت داخل وانا جد معصصصبه . .

وليد : انزين انا شو يخصني . . ها شعرج الي علق

انا بعصبيه : قلتلك بقصصصصه برحمه شوي وايد طويل . .

وليد : تبيني اقص راسج

انا : خلاص اسكت عني لا ترمسني والله مش بالعتنك

وليد : والله ما تقصينه والله لو شو ماسويتي ماتقصينه . . حتى لو زعلتي وعصبتي ومديتي بوزج شبرين

انا : ااسسسسسكت عني لا ترمسني

وليد يقعد حذالي : خلاصص عاد . .

انا متنرفزه : انزين خلاص بس اسكت عني . . يالله قوم خل نسير العزبه . .

نشيت قبله وبدلت . . طلعت لي اي شي جي جدامي لبسته ع السريع ولبست عباه مسكره . . ترتبت شوي ودخل علي . .

كان لابس برمود ابيض مع قميص ابيض ويا كرفته . . عدل شعره وشل كابه والسويج والبوك . .

وليد : امشي يالمعصبه . . امشي . .

لما ييينا بنطلع اذن المغرب . . ف ما طلعنا . . صليت المغرب اول واتريييته لين يرد من المسيد عقبها طلعت . .

شليت فوناتي وهاند باقي وركبت السياره وشغل هو الاذاعه وتمينا ساكتين وانا فتحت القروب وتميت اقرا الي كاتبينه البنات . .

طبعا شماني من بعد سالفه الياهل الي طاح طلعت من القروب . . وصايره كل سوالفنا فالقروب عنها هي ومروان . . من استوت السالفه وما رد مروان المستشفى . . ردت شماني عقبها ب كم يوم بيت ابوها . . مروان كان مختفي عن البيت ومارد ابدا . . ولما رد قعد في بيت عمي حمد ! ولا شل شماني من بيت عمي خالد ! والكل انصدم والكل نققققققده لكن بدون فايده . . كملو الحين 3 اسابع ونصصص على هالحاله ! للحين مروان ما يرمس ششماني ولا يعرف اي شي عنها . .

شيخه كانت كاتبه ان مروان ياي وشماني للحين ما جافته ومتغييييييير ما يرمس اي حد . .

وليد مسك ايدي وباسها . . : لاتبوزين . .

انا : جب . .

وليد : يالله عاد .. انا احب شعرج ماباه ينقص . " يطالعني " ما بتتحملينه عشاني

انا : شكثر اتحمل ماتروم تشوف كيف اعاني منه ..

وليد : انزين لعيوني . . تراني اعاونج فيه . . اسحييلج اياه وألمه لج عشان ما تتحرطمين . .

انا : وليش بس بعد

وليد : لين وين تبين تقصينه

انا : ع الاقل نص ظهرررررري

وليد : انسسسسسسي انسي . . تبيني اموت . . تحجبي عقب لا تراويني ويهج مابا اجوفج

انا ابتسمت لا ارادي

وليد : والللللله بعد شو . . واحد من الشباب يالس وياي . . نص ظهري اونه

انا : حرام عليك بنات العايله كلهم شعورهن قصيره

وليد : شعلي منهم هالصبييييان . .

انا : الكلام وياك ضايع . .

وصلنا العزبه . . دخل السياره داخل ونزلنا . .

انا : خل نروح صوب الخيل . . ابا اجوف

وفجاه سكت . .

وليد يطالعني : تبين تشوفين المهره الي مسمنها سيف عليج . . ادري انج تحبينها وادري ان كان بينكم صصصصله . .

انا سكت . .

وليد يبتسم وماسك ايدي : خل نشوفها سوى . .

دخلنا صوب الاسطبل و مشينا صوب الخيل لكن جفناها محد . .

وليد : اكيد مع سيف . .

انا : هيه يمكن . .

وليد يمسك خدي : ترى عادي . . استانست لانج قلتي لي . . هالشي يدل انه صار عادي عندج . .

ابتسمت له . .

عقبها طلعنا . . وبطلعتنا شفنا رقوي قاعده روحها وتصيح . .

انا : اويه بلااااها . .

وليد : روحيلها وانا بروح ألعن صير الي مخلنها تصيح ماشي غيره . .

رحت صوبها . .

انا : رقوي شفييييج . .

رقوي قامت وحظنتني على طول

انا : فدييييتج حبي . . شو بلااااااج . . ارمسي شصاااار . .

>

<

>

رقوي : شوه فيك انا قلت لامي وابوي اني مستحيل اخذ ولد خالي وابوي قالي بزوالج كيفج انا مالي خص فيج

شهاب : وليش تقوليله انج ما تبينه

رقوي : شهاب لا تستعبط

شهاب : انتي ليش ما تفهمين اني انا ما ابا اتزوجج !!

رقوي تطالعه : لهالدرجه تكرهني

شهاب : مافكر فيج كزوجه . . انتي ياهل وانا اكبر عنج ب عشر مادري 11 سنه . .

رقوي : بس انت بعدك صغييير مش معناته انك شيبه انزين

شهاب : بس انا مابا وحده مثلج . . مابا وحده ياهل . . ليش تصدقين كلامهم يوم يقولون لج ماعليج من شهاب واكيد شي ف خاطره من صوبج واكيد يغار و يزعل علشانج . . ليش تصدقين كلامهم . . هاايييل يرمسون من مخهم الفاشل . . كلهم يتقوقعون والله اي واحد جي معناته يفكر فيج . . انتي مش على بااالي افهمي . . روحي شوفي حياتج . . انا لو اباج جان قلتلج لا تتزوجين ولد خالج جان لما قلتي لي انج رفضضضتي استانس وماحن على راسج لكن قاعد احن على راسج اقولج روحيله تزوجيه . . مالج امل !!!!

رقوي تصيح : أنت حيواااااااااان . . ماتستاااهلني

شهاب : ما استاهلج ف روحي عند غيري

رقوي : انت كيف جي مافيك قللللللب . . كيف .. كيف انت ولد عمممممممممي

شهاب : بالغللللط ولد عمج . . بالغلللللط . . عمج خذا امي وتبرررررا منا . . يعني لو ما غلط عمج جان ماشفتي ويهي . .

رقوي : قاسسسسسسي انت قاااااااااسي

شهاب : شتبين ف واحد قااااسي شتبيييين

رقوي : قلبي اختاااااااار مش اناااا . . انت حيواااااااااان ما تستحق

شهاب : وانتي غبيه لانج تترين واحد مثلي ما يفكر فيج ولا حاطنج ف باااااااله

رقوي : ليتك ماااااااادخلللللللللت حياتنا

شهاب : ليييييتني مادخلت هالكلام اقوله مليون مره وكل يوم من بديتي تلصقين فيني

رقوي : خلاص اسسسسسسسسسكت اكرهك اكرررررررهك . .

>

<

>

رقوي : قلبببببببببه حجرررررررر ما يحسسسسسس كسرني

انا : حبيبتي والله . . ماعرف شقولج والله ماعرف . .

رقوي تخوز عني : خليني مهور . . خليني مابا ارمس مع حد . .

انا : اهدي . . ابيج تهدين الحين

رقوي تصارخ : مابي اهدا . .

شهاب : شعندهااااااا هاي شعندها تصاااااارخ وتصيح

وليد : شهاب بسسسسك عااااااد . .

رقوي : شو بتا حرام اصيييييح . . حد قالك اصيح عشانك ماشي شغل . . انت الوحيد فالدنيا يعني . .

انا : رقوووي حيااتي اهدي . .

شهاب : خليها توووووولي وروحي عنها . . ماتشوفينها تقولج مش انا السبب شحقه ها ياي ويهاااازب

وليد : شهاب شو فيك ليش تتصرف بهالطريقه ياخويه ..

شهاب : هي اطلعني عن طووووووووووووري . . شوفتها اطلعني من طوري

رقوي تتجدم : احسسسسسن احسن شوفني شووووووفني هااا اطلع من طورك . .

انا و وليد ابتسمنا غصب . .

انا : والله تذكروني ب مايد وميره قبل الزواج . . بس اذكرو الله

شهاب بعصبيه: لا تعشيمنها وتقوليلها اني اتصرف وياها جي قبل الزواج . . لان ابدا هي مش في بالي تعبت وانا اقولكم هالكلام . .

وليد : خليييييهم تعالي نروح

شهاب راح قبلنا . . : ولا بقعد ثانيه وياها . .

رقوي : لا تقعععععععععععد نفاااااااااااااااد . .ماباك اهني اصلا . .

ردت صاحت

وليد : يا بنت عمي ههههههههههه ماعليج منه ها مش صاحي . .

انا : رقوي حطي نفسج مكانه . . . شهاب انحرم من كل شي . . انحرم من وجود ابو . .من وجود ام . . انحرم من عااااااااايله . . ما عاش الحب ولا عاش الحنان ولا شاف شي فالدنيا يخليه يبتسم . . وفجاه حصل عاايله وفجاه حصصصل ام واختييييين واخووووو . . وحصل يد ويده يموتون فيه وعايله تشرفت فيه . . و وحده فجاه حبته . . يعني كل شي فوق بعضه يخليه ما يستوعب . . في شي فيه يخاف انه يخسر كل شي . . .علشان حي هو يرفض هالحب . . يرفض يخاف . .

رقوي وااااااااايد حسيتها تاثرت بكلامي مسحت دموعها على طول وخازت عني . .

وليد يبتسم : فديتج . . درر ..

انا ابتسم : حافظ علي عيل . .

وليد : فعيوني حاطنج وين احطج اكثر . .

انا ابتسم: قلبك بعد شو

وليد : انتي اوردي مستحله قلبي . .

عميمه نوره من ورانا : خفو علينا

انا تفشششششلت : ههههههههههههههه

سرت صوبها سلمت عليها وبستها وسلم عليها وليد وعقب مشينا وياها سايرين صوب الباقي . .

سرت صوب اميه اول شي وسلمت عليها وعقب سرت صوب يدوه كانت تطالعني من فوق لين تحت . .

يدوه : شعندج ما خليتي وليد ييييينا ع الغدا . . انا مسوتله فريد ع الغدا

وليد يطالع: انا كنت شوي مصدع يدوه ما رمت اطلع

يدوه : انت مصدع و لا هالسوسه . .

انا : حرااااام عليج يدوه ليش جي تكرهيني . .ههههههه " اطالع اميه " وين عنود . .

اميه : بعدها ما طلعت من الاربعين ما خلييييتها تي . . قلت حق عبدالله يييبها شوي فليل . .

انا : الولد عيل وين . .

عميمه : يلعب ويا عيالي اهناك ماتشوفينهم ؟ " تاشرلي

انا : هيييييه فديته بسير اشوفه . . " صديت يمين يسار "

تحريت وليد كان واقف بس شكله سار صوب الرييياييل . . قلت ببوس الولد اول شي وبحظنه عقب بدخل بشوف البنات . .

على مشيتي شفت سيف يدخل العزبه مع الخيل . .

تميت اطالعه عين بعين . . شوي وتجدمت نورة . .

نورة تطالعني : ابتعدي عن ريلي لا تحاولين تلفتين نظره

انا : نعم ؟ انا ألفت نظر ريلج هههههههه مسكينه انتي

نوره : شلتيه من بالج

انا : شالتنه من زمان . .

نوره : هه ما يبين انج تحبين وليد . .

انا : مش لازم يبين ف عينج . .

نوره : شوفي انا مش بنت عمه لكن ابوي حمد يموت ويحيا فيني

انا ابتسم : تبقين دخيييييله . .

نوره : انا دخييييييييله . !!!! انتي قد هالكلمه

انا : خوفتيني شو بتسوين . . ؟ دخيله ونص

نوره فجاه طاااحت . . انا انصدمت . .

نزلت تحت وتميت ادزها ع خفيف . . : نوره . . " اضرب ويهها "

سيف يا صوبي ونزل من الخيل بسرعه : شوفيها . . شو قلتيلها . .

انا عاقده حياتي : شو قلتلها ؟ شووووو بقولها يعني

سيف : ماتعرفين انها حااامل !!! ليش تضايقينها

انا بعصبيه : شو بقووووووووووووولها يعني بشو بضايقها

يت عميمه نوره ويدوه . .

عميمه : بلاااااها شو استواااااالها . .

انا : شدراني فجاه جي طاحت !!!!!!

تمو يضربون ع ويهها ويشربونها ماي عقب نشت . .

سيف كان حاطنها على صدره ويشربها ماي . . شي ف داخلي انقرص بالحيل . . مش غيره ولا حب . . لكن ماعرف شو هالقرصه الي بغضضضتها وعلى طول قمت . .

انقهرت لما يدوه اطالعتي بعصبيه

يدوه : شو سويتي فالبنت

انا : شو بسوي فيها يدوووووووه شو بسوي فيهااا . .

نوره تمسك ايد سيف : تقولي انا دخيله . .

انا فجيت عيني على وسعهن . .

سيف يطالعني . .

نوره : انا دخييييييله ومقهوره مني لاني خذت الحب من اهلك الي هي ماخذته . .

انا ماقدرت اكمل المسرحيه الباااااايخه هاي وقمت عنهم على طول . . مع اني كنت اسمع اسمي واسمع مادري شو يقولون عني لكن مشششيت وصديتهم وسرت عند وليد بسرعه . . ابيه يسمع مني انا هالمره قبل ما يتفاج ـأ . . ابيه يعرف مني قبل ما يوزون راسه ويقصون عليه . .

شفته قاعد مع عيال عمي . .

انا : السلام عليكم

الكل :عليكم السلام . .

وليد : جوفو ما تستغني عني . . على طول يت تطمن علي وتشوفني

انا : تعال شوي ابيك . .

وليد جافني جاده على طول قام . .

وليد : شصااير شفيج . . .

انا خبرته كل الي صار بالتفصصصصصصيل . .

انا : انا يييتك اقولك عشان تثق فيني هالمره وماتصدقها نفس المره الي طافت الي صارت فالعزبه . .

وليد : بعده الموضوع الجديم حاز ف خاطرج . . ما نسيتيه

انا : كيف انسى ألم واهانه وجرح كبير عشته . . كيف انسى اني بغيتك تصدقني انت بس لكن ما صدقتني . . ماعلينا . . ها مش مووضوعنا . . انا بس بغيتك تسمعها مني . .

وليد تقرب مني وحظني . . ما حشم ان عياال عمي يطاعون . . حظني بقوه . .

وليد : انا اسف على هاك اليوم . . وايد اسف . . اسف من قلبي . .

انا : ليتنا ما ييينا اهني . . كل مره تصير مشكله وتطيح على راسي . .

وليد : مش هالمره حبيبي . . مش هالمره . . تاكل تبن هالنوره هي والي تحتمي فيه . .

مشى ويايه وليد سايرين صوبهم وانا منصدمه

انا : ليش ترجعني لهم . .

وليد : عشان يعرفون انج ما سويتي شي . .

اول ما وصلنا عميمه بعصبيه : ما راعيتي ان الحرمه حامل . . ماشفتي شصار لـ شما تبين تخلين المصيبه مصيبتين علينا . .

وليد : عميمه لو سسسسسسمحتي . . " يبتسم " كلمي حرمتي باسلوب من دون ما ترفعين صوتج عليها او تتهمينها تراني ما اسمح لج . . ولا بسمح لج لا انتي ولا غيرج . .

عميمه منصدمه : وليد انا عمتك

وليد : عمتي على عيني وراسي . . وولو حرمتي غلطت بسكت ولا بنطق بشي . . لكن انا ظلمتها مره . . " سيف يطالع وليد ويطالعني " ما بظلمها مره ثانيه . . انا واثق فيها واعرف من الي غلط . . واعتقد كللللللللكم ف داخلكم تعرفون من الي غلط . . من دون ما نوضح . .

سيف يتنهد ويطالع نوره وبصوت واطي انا سمعته : فشلتينا . . والله فشلتينا . .

وقام وراح . . وعميمه اطالعتني وراحت . .

يدوه : انا مره ثانيه ما بدخل . . تجتلون بعضكم نفااااد . .

وراحت . .

وليد يطالعني ويحط ايده فوق الشيله على اذني : ماعليج منهم كلهم . .

انا ابتسمت . .

وليد : روحي عند البنات وسيري اطمني على شما ورقوي . . ولا تفكرين ب شي وانا وموجود . .

ابتسمت له من قلب : الله لا يحرمني وجودك . .

وليد باسني على راسي وبعدها راح . .

وانا تجدمت بعدها وسرت صوب البنات ..

ميره : مهووووور من متى انتي اهني . .

انا : قبل نص ساعه . .

سلمت عليهم وخبرتهم الي صار مع نوره وكلهم فولو وعصبو الا شماني كانت بعييييد مش ويانا . .

سرت صوبها ومسكتها من ايدها : قومي ابا اكلمج . .

كان الحزن مرسوم على عيننننها . .

طلعت وياي وانصدمت لانها بس تحجبت عدل لكن ما غطت ويهها . .

مشينا بعيد وطرشت مسج لوليد خبرته ييب مروان . .

انا : انتي المصليه المسميه الي تعرفين ان كل شي قضاء وقدر ليش هالحزن حبيبتي ليش

شماني : لاني اعيش الالم بروحي . . الشخص الي لازم يوقف وياي ويمسك بايدي ويخلينا نعبر الشي سوا تخلى عني . . هد ايدي . .

انا قلبي عورني موووووووووووووت ماقدرت اعبرررررررلها وربي سكت . . تميت اطالع الالم فعينها والانكسسسسسار والدموع الي تنزل . .

مروان : بنت عمي ؟ وليد قالي اي ضروري شصاير . .

تم يطالعني عقب انتبه للي قاعده ويايه . .

عطاني الظهر بيمشي على طول

شماني : لاتروووح . . " بصوت يخنق " لاتروح . .

وقف مروان . .

انا : لا تروح ولد عمي . . اوقف . .

تم واقف وعاطنا الظهر . .

شماني : انا شذنبي . . شالغلط الي سويته . . ليش . . . ليش تصدني . . ليش تجافيني وتقسى. . . ليش تبتعد عني . . انا مالي ذنب . .

مشا مروان . .

شما تصيح : لاترووح . .

رد وقف . .

انا : ولد عمي . . اذكر الله وتعال . .

شما : خليه يحللني لو ما يباني . .

مروان صد وتم يطالعها . .

شما تنزل دموعها : انا طلعت من قلبه خلاص . . لو انا باقيه ف قلبه ما بيصدني ولا بيجافيني . .

مروان : سكتيها . . لا ترمس . .

شما : ما يبا يسمع صوتي حتى

مروان : اسسسسسسسسسسكتي

شما : ما يبيني . .

مروان يصد ويطالعها : قلتلج اسكتي . .

شما تطالعه وتنزل دموعها : شـ غلطتي . . شـ سويت . .

مروان : ما حافظتي عليييه . .ما حاااااااافظتي . .

انا : ولد عمي الي صار ربي كاتبنه

مروان : والنعممممم بالله بس هي ما كانت مهتمه . . لو مهتمه ما بيصير الي صاااار

شما تنزل راسها . .

مروان : لو يهمج هالياهل جااان ما رككككككضتي جان خفتي عليه وبشويش . .

شما : صح كلامه . .

انا : مرواااان . . كلااااامك بكبره غللللللط . . بنت عمي ستير وكانت تبا تتستر . .

مروان : ماتروم وهي تمشي شوي شوي . . لازم ترررررركض لاااااااازم . . ذبحت ولدي . .

شماني تصيح بهدوء . .

مروان : هي الي ذبحته . .

انا : هي تتألم اككككككككثر عنك

مروان : مااا بتتالم ربع الالم الي انا اتالمه . .

انا : تتألم اككككككثر وضضضضعف الي انت تحسسسسسه . . تتألم لانها خسسسسسرت روح ف بطنها عاااااشت 5 شهوووووور . . رووح عاااشت ف بطنهااا تعرف شو يعني عاااشت فيييييها . . روووح حسسسست فيها واستشعرتهااا . . وفوق ها كله تحمممممممملت خسارتها وصبرررررررت والحييين شوو . . ريلها يجافيها ويعق عليها اللوم وصادنها صصصصصصد ولا وقف معاها ف هالمحنه . . ! منو الي ألمه اكبر منو

مروان ساكت . .

شما : لا تعقين اللوم عليه . . ماله ذنب . .

مروان تدمع عينه ويي صوبنا . . : قومي . .

شما منزله راسها ودموعها تطيح ع التراااااب . . واااااي قلبي كيف معصور عليها . .

مروان : قوووووووومي اقولج . .

شما ما ترد عليه وبس تصيح . .

مروان يقعد ع ركبه ويجابلها ويرفع راسها ويمسح دموعها : بس صياح بس . .

شما : . .

مروان : صياحج ما بيرد الي راح . . لا تصيحين . .

مسح دموعها . .

مروان هدها وصد الصوب الثاني . .

شماني تبتسم : مش متحمل يجوفني . .

مروان بعصبيه : مش متحمل . .

شماني : اعرف . . باين . .

تنزل دموعها ورا بعض . .

انا : مروان . .

مروان يغمض عينه وتنزل دموعه : وربي مش بايدي . . انا فرحت للي في بطنها فرحه ما تنوصف . . كنت ارسم احلام وياها كل يوم . . شو بسميه شو بسويله كيف بعيشه . . اجتل روحي ف الدوام اجتل روحي من كل صوب ابا اسسسسعده قبل لا ايي واوفره كل الي ما يحلم فيييييه . . وبسهوله بسبت اهمااالها راح

انا : مش بسبت اهمااااااااالها افهممممممم . .

مروان يقوم بيروح . .

شماني ماسكه كندورته وتصيييييييييح . .

انا ماتحملت . . ماعرف شو اسوي لكن خلاص مش قادره اتحمل اشوف الموقف . .

انا بعصبيه : حراااااااام عليك ولد عمممممي حرام . . والله ربي ما يرضى الي انت تسويه . . انت ما تؤمن بالله . . ماتؤمن ان كل شي مكتووووووووووووووووووب . .

مروان عاطني الظهر : انتي سمعتي شقالت الدكتوره . . ؟ احتمال ضعيف ان ترد تحمل مره ثانيه . .

انا : احتمال ضعييييييييف . . ضعيف .!! ما قالت انها ما تروم تحمل . . قالت احتمال ضعيف !!!!!! فكر فهالكلمه الف مره . . وفكر ان الطب اطووور وكل شي اطور وفوق كل ها قدره قااااادر تقدر تغيييير كل ششششي . .

شماني : لو رحت عني الحين . لا ترجع مره ثانيه . .

انا انصدمت واطالعها . .

مروان صد ويطالعها : شو قصدج . .

شماني : تخليت عني3 اسابيع ولا سالت عني . . لو رحت الحين . . مابيك ترجع بعد . .

انا : شممممما . .

مروان : ماتبيني . .

شماني : ما بيكون عندي ثقه فيك مره ثانيه . . كله بفكر انك بتم تتخلى عني بالمواقف الصعبه . .

انا اطالعه . .

مروان يتنهد . .

انا : انت ف موقف وايد صعب . . لا تخلي مشاعرك تخليك تتصرف تصرف تندم عليه طول عمرك ولد عمي . .

مروان ينزل : انا ماعيش بدون هالانسانه . . مستحيل اخليها تروح عني . . مستحيل . .

ابتسمت . . : كل شي له حل . . وبترومون تحلون وتمشون وتكملون حياتكم . . كل شي له حل لو كنتو ماسكين اياديكم ف بعض وماتخليتو عن بعض . . .

قمت بعدها على طول . . وخليتهم روحهم . . علشان ما يستجرأ مروان ويقوم . . وعلشان يراضيها ويجبر بخاطرها عقب هالـ 3 اسابيع وشوي . .!!!

مايد : بنت عمي . .

انا : هلا ولد عمي . .

مايد : زقري ميره من داخل . .

انا : ان شاء الله . .

شفت راشد ولد عمي يرمس فون . .

انا : ولد عمي " ابتسمت ابتسامه مكر "

راشد : هههههههههه . .

انا : ههههههههههههههههههههههههه ..

يحليلك يا ولد عمي من وافقو على الخطبه والابتسامه ما تفارق عينه . . الله يهنيك ويا شهد يارب . . !

دخلت داخل : ميروووه . . ميود يباج . .

ميره : خليه يولي . .

انا اطالعها : استغفر الله .. بلاكم انتو

شيخه : هاي معانده اخوي اليوم بطووووووله . . ولا طلعت له ولا تغدت . .

انا : ليش عااااد

ميره : قلتله مشتهيه كنتاااكي ما رضا اونه مش زين . . انزين انا مشتهتنه ابا اكله !!!

انا : هههههههههههههههه احين ها سبب . . مالت عليج قومي طلعي له . .

اذن العشا . .

انا : يالله سيري له قبل ما يروح المسيد حرام عليج . . والله سبب بايخ ترى . .

ميره : انزين ابا ادلل عليه . .

انا : ها دلال احينه . . امحق دلال .

خلود : هههههههههههههه علميهم مهور علميهم . .

انا ابتسم : انا شدراني فالدلال . .

شيخه :انتي ! مكااااااره من ويهج ههههههههههههههههه

انا : هههههههههههه حماره . .

دشت عنود : السلام علييييكم . .

كلنا قمنا صوبها بسرعه بس عشان نشل عنود الصغيره . .

انا : عطيييييييييني اياها

شيخه : مهوررررر وربي انا ما شفتها من ثلاث ايام

انا : انزين انا بعد ما رحت بيت امي من 3 اياااااام هااااتيها . .

عنود : ياااااربيه خوزو انزين خلوني امر .

شلتها شيخه قبلي عقب سلمت على عنود . .

عنود عطتني جاكيت : مهور لبسي صقوري ما طاع يلبس والجو باااارد . .

شليته عنها وطلعت . .

انا : السلام عليكم بو عنود

عبدالله يبتسم : هلا والله . .يا حلاتها منج بنت عمي

انا : ههههههههههه ادري ادري . .

عبدالله : شخبااارج شو علومج . .

انا : بخير ربي يعافيك . .

عبدالله : وينه ريلج عيل . .

ميره طلعت : اخويه شخبارك . .

عبدالله : بخييير اختيه . . " يطالعني " مش جنه شايفنها الصبح في البيت . .

انا : هههههههههه ماعليه تطمن على حالك . .

ميره : وينه ميود مهروو !!!!

انا : كان اهني واقف والله . .

عبدالله : سار المسيد . .

ميره : يعني لما طلعت . .

انا : جب جب من متى اقولج روحي ويترياج وبعدين سار يصلي . .

عبدالله : انا بروح بعد . . ميروه اعتدلي ولا والله اصمج بطراق . . عن الدلع الزايد ! مايد وايد متحملنج ترى . .

ميره : ليش جي كلكم تقولون لي ! ترا انا بعد متحملتنه

انا : يامكرج مادري شو متحمله . .

وليد يسحبني من خصري : متحملين شو . .

انا انحررررررررررررجت وعلى طول جفت ميره الي بطلت حلجها . .

انا : اييييه خوز . .

ميره : اييه خوووز هااااه . . ها الدلال الي تقولين عنه

انا فاجه عيني بصدمه : انتي حيوانه . .

وليد يبتسم : اي دلال . . عن شو ترمس . .

انا : ماعليك منها هاي خبله . . هدني والله عن حد يجووووووف . .

وليد : كله عن حد يجوف كله حد يجوف . . ريلج ريلج انا خل يجوفون . .

يدوه بعصبيه يت : ريلها في بيتكم مش جدام الناس قله الادب

ع طول هدني وليد . .

ميره ماتت ضحك : هههههههههههههههههههههههه دواااااااااااك . .

انا : ههههههههههههه . . جب جب . . ما يخصج ف ريلي . .

وليد : عقب ما ضحكتي ما يخصج ف ريلي ؟ حيوانه

انا ابتسم واعدل له القميص والكرفته : يالله روح صل . .

وليد : ان شاء الله . .

وراح . .

سرت عقب ادور الولد من مكان لمكان . . وعقب سمعت صوته . .

صقوري : عميييييييه ثيييييف بتل كاااااااكااااام

سيف : بسك بسك . . شوف حلجك كله كاكام ..

صقوري : بتتتل بتتتتتل واااهد وااااااااااااهد

سيف : ماشي لا . . هاااات هات . . .

وشله عنه

صقوري يصيح : هاااااااااته . . " شافني " مهاااااااالي . . كاااالووووه

سيف صد يطالعني . .

انا انزل له : عيون خالوه . .

صقوري : كاااااكااااااام . . كااااااكام مالي

انا : تعال بغسسسل ويهك كله وصخ كله رمل . . .

صقوري : كاااااااااكام

انا : اششش اول نتغسسل بعدين نلبس ملابس حلوووووه وبعدين تلبس جاكيت بعدين مهالي تعطيك كااااكام انزيييين

صقوري يهز راسه ب هيه . .

كنت يايه امشي . .

سيف : لحظه

انا : ماعندي كلام وياك

سيف : انا اسف . .

انا : لا تتاسف لي حتى ..

سيف : انا خفت على الي ف بطنها . . مهما كان تراه ولدي الي فيها . .

انا : قلتلك لااااا تبرر لي شي مايهمني اعرف . .

سيف : نظرتج ل وليد اختلفت . .

انا اطالعه . .

سيف : تغيرت نظرتج له . . " ابتسم " واضح الشي . .

انا ابتسمت : الحمدلله انه واضح . .

سيف : اعترفتي له بحبج . .

انا : اعترفت . .

سيف ابتسم : من قلبج . .

انا : أكيد من قلبي . .

سيف : متاكده . .

انا : فوق ماتتصور . .!

سيف : عيل ليش نظرتيني لما كانت نوره ع صدري . .

انا انصدمت ان لاحظني . .

سيف : شي فيج تجاهي ما مات . .

انا : كل شي تجاهك مات . . !

سيف يبتسم : صدقيني ما بيموت . . الحب الي حبييتيني اياه 21 سنه ما بيخوز بهالسهوله .. وانا واثق " يبتسم "

تجاهلته وشليت الولد ومشيت . . وطول ما انا امشي اقول . . كلامك مش بالي ولا بحطه ف بالي ابببببببببدا يا سيف . . !

.
.
.

__DEFINE_LIKE_SHARE__

«ضَحِيًة حِبُيًبُيً ..}● · 03-30-2013, 06:53 PM

السلام عليكم ورحمه الله وبركآإته . .

شخبآإركم . . !

اتمنى البارت يكون خفيف وحلو عليكم . . .ّ

احس وايد فيه مشآإعر جيآشه . . و كل موقف وكل شخصيه وحدث كان ينبع من قلبي واحساسيسي . !.

تاثرت اليوم بالكتابه وايد ماعرف ليش بس جيه كنت كل ما اكتب شي احس قلبي ينعصر . .

اتمنى البارت يكون خفيف وحلو عليكم . .

وبما انها اجازه ! استانسو وغيرو جو وعيشو كل دقيقه بفرح ـه .!

والي يطالبوني اكتب بارتين وغيره لانه اجازه . . اعذروني انا بعد اجازه

وابا اسسستمتع واسترخي فيها هالاسبوعين . . , واريح مخي واصابيعي هههه . .

اشوفكم على خير باذن الله الويكند اليياي . .

واترقب رآإيكم بحمآإس ان كان بتويتر او اهنيه . .

فمان الكريم . .

__DEFINE_LIKE_SHARE__

3aysha17 · 03-30-2013, 07:37 PM

ااااهه , كم بارت بااقي و تخلص الرواايييه
اتجنن تسسلميين يالكاتبه ع هالرواييه
والله ابددددداااع ما شاء الله عليجج

خلصصيي الروااييه تعبت نفسييااا اباا اقراا وايد ما فيني صبر اتريا كل ويكند
__DEFINE_LIKE_SHARE__

راقيه باسلوبيْ}~ · 03-30-2013, 07:41 PM

تسلميييين ع الباااااارتتت __DEFINE_LIKE_SHARE__

روحي بلقااكك · 03-30-2013, 07:47 PM

السلأامم عليكمم شحالج الغلا
م عرف شقولج بس البارت جنان
كسرت خاطري ششماا >< الحمدلله مروان رجع لها
مهور فدييتها م تقصر الله يخليها ل وليد
شهاب >< حرام الي يسويه ف رقويي
رقوي حياتي وربي كسرت خاطري فدييتها
نورره حماره كرييها والله شهل انسانه غبيهه وحده

البارت خبال انتظظر البارت الياي احر من اليمر __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خادمة "تذبح" طفلة مخدومها بحفر الباطن	محروم.كوم	منتدى أخبار المواقع والمنتديات العربية والأجنبية	1	04-16-2013 02:04 AM
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف))	محروم.كوم	منتدى أخبار المواقع والمنتديات العربية والأجنبية	0	01-20-2012 04:10 PM
بلاك بيري تورش 9860 فل تتش مع بن ممير """"""""""""""""""""""	محروم.كوم	منتدى أخبار المواقع والمنتديات العربية والأجنبية	0	10-28-2011 11:00 AM
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM