رّوآيه " هآيـم فيّ بحـر آلشّوق وُ لذة هيآمك " - الصفحة 294

غلآ روحهه · #1 03-21-2013, 11:02 PM

متتى تنزلين الباررت لاني اندمجت وما كملتي الروايهه وانا اترياها من ممده __DEFINE_LIKE_SHARE__

A7bkbmzaji · 03-22-2013, 12:28 AM

اخذي راحتج اختييه ..متى ما بغيتي نزلييه بنتريااج وماعلييج من حد ...

وماشاءالله علييج مبدعه اختييه .. __DEFINE_LIKE_SHARE__

«ضَحِيًة حِبُيًبُيً ..}● · 03-22-2013, 06:39 PM

.

.

البارت الـ 36

انا مصدومه من كلامه واطالعه بصدمه : وليد ليشش تحسسني اني . ..

وليد يقاطعني : مهره روحي بيت امج اليوم . .

انا اطالعه بصدمه اكثر : اروح بيت امي . .

وليد من دون ما يطالعني : الحين روحي . .

ابتسمت بعذاب وانا بعدني مصدومه : تبيني اروح وليد . .

وليد يصارخ : رووووووووووووووووووووووحي . . لا ترجعين . . " يطالعني عين بعين " انا مابيج . . تسمعين شو يعني ما ابيج . . !!!! تفهمين معنااااها ؟؟؟ مابيييج . .

تميت اطالعه من دون ما اقول شي . .

وليد يتقرب مني : رووووحي . . طلعي من هالبيت . .

انا اطالعه وما قول ولا شي . .

وليد شل بعمره وطلع من البيت . . وانا تميت مكاني واقفه . . تميت واقفه احاول استوعب الي صار والي قاله . . تميت على هالحاااال لين تعبت من الوقفه ورجعت ورا وتساندت ع اليدار . . تميت قاعده ولامه روحي . . اطلع ؟ ارووح ؟ معقوله خلاصصصص . . الي بيني وبينه انتهى !...... وليد عاااافني تعب مني ما يباني . . بس انا شو الي سويته . . انا ماتعمدت الي صار وربي ماتعمدت شششششي . .

رصيت ع روحي وقمت ولبست شيلتي وعباتي وشليت بعمري وطلعت . . تميت واقفه مده طويييييييييله عند باب الحوش مارمت اطلع لكن رصيت ع روحي وطلعت . .

دخلت بيتنا ب مفتاحي الي عندي . . مشيت شوي شوي عشان محد يحس فيني ودخلت حجرتي . . الليتات كانت شبه مسكره يعني الكل نايم . .

انسدحت ع سريري وتامه افكر بلي صار . . مستغربه من دموعي الي تنزل . . معقوله دموعي ما جفففففت . .ما تعبت . . مش كافي علي من كل صووووب احصل شي متى برتااااح بس مليت زهققققققت . . تميت افكككككككر وافككككككككر وافككككر وتعبت من التفكير وماقدرت اتحمل اتم اكثر . .

شليت بعمري وطلعت من البيت و بطلعتي شفت شهاب . .

شهاب عاقد حياته : انتي وين رايحه . . ولا من وين يايه . .

انا : برد بيتي . .

شهاب يبتسم : صرتي ماتعرفين ترقدين اهني يعني . .

انا اطالعه بتعب وابتسم . .

شهاب : شي صاير بينج وبين وليد ؟

انا ابتسم له : لا تحاااتي . . اختك قويه تتحمل الازمات

شهاب يبتسم : في شي اقدر اساعد فيه ؟؟

اانا : هيه . . توصلني بس فهالليل لين ما ادخل البيت . .

شهاب يبتسم : من عيوني . .

وطلعنا سوى . . تم يمشي ويايه لين دخلت البيت . .

شهاب : سيارته اهني . . مساعه ماكان موجود . .

انا : تعال ادخل . .

شهاب يبتسم : لا بروح ارقد . . كان يوم صعب . .

انا : وايد . .

شهاب : تصبحين ع خير . . يالله سكري الباب . .

انا : وانته من اهله

وابتسمت له ودخلت وسكرت الباب . .

دشيت البيت كان وليد فالصاله الي تحت وقاعد ع الارض ومتساند ع الغنفه . .

رفع راسه يطالعني بغرابه . .

وليد : ليش رجعتي . .

انا : ماقدر اخليك . .

وليد يطالعني . .

انا : والله ماقدر اخليك . . حتى لو اتم اهني متعذبه معاك اهون من اني اكون بعيده عنك . .

وليد نزل راسه . .

تقربت صوبه وقعدت حذاله : تبي تعذبني . . تبي تتنقم مني . . تبي تراااويني الويل لانك مضايق . . سو فيني كل شي تيبه . . " مسكت ايده " كل شي تبيه سوه . .

وليد يطالعني عين بعين . .

انا بعد تردد كبيرر وارتباك ملحوط حطيت ايدي ع ويهه ومن لمست ويهه غمض عينه . .

تميت حاطه ايدي ماوخرررتها . . ماعرف شو لازم اقول بس كل الي قاعده اقوله واسويه طالع من خاااطري . .

لما يييت انزل ايدي مسكها وخلاها ع ويهه وتم راص على ايدي . .

وليد بعده مغمض : شسوي معااج . . شسوي . . ماقادر املكج ولا قادر اخليج تحبيني . .

انا : من قالك ما اااااحبك . .

وليد فج عينه . .

انا بلعت ريجي وصديت ويهي الصوب الثاني . .

وليد : تحبينه هو . . تبينه هو . .

انا : وليد عييييب تقول جيه والله عيييييب . .

وليد يطالعني : نظراتج له مختلفه عن نظراتج لي . .

نزلت ايدي عنه وقمت . .

وليد : روحي . . رووحي . . لا اتمين اهني معاي . .

انا : ما بروح مكان . . بتم اهني . . مكاني معااك انت مش مع حد ثاني . .

وصعدت فوق ورحت حجرتي . . بدلت عباتي ومسكت فوني اتصلت ب عميمه . .

سيف : الوو . .

انا ارتبكت : عميمه وين . .

سيف : راقده . .

انا : شخبار يدي . .

سيف : الحمدلله استقرت حالته . .

انا : الحمدلله . .

سيف : انتي شخبارج الحين . .

انا : الحمدلله . . يالله مع السلامه انا ببند . .

خفت . . خفت ان وليد يدخل بهاللحظه نفس كل مره . . كل الي سويته بندت فويه سيف . . مابي يصير شي ثاااني والله . . مابي مشاكلي تزيد وعذابي يزيد و وليد بعد يتعب اكثر واكثر . .

ماعرفت كيف اتصرف مع وليد . . حاولت انسدح ارقد بس ماقدرت . . قلبي مش مطاوعني اخليه فالصاله بهالحاله . .

نزلت له تحت شفته بعده ع نفس الوضعيه ماتحرك . .

سرت صوب المطبخ الي داخل وسويتله عصير ليمون بالنعناع وحطيت ثلج عشان يبرد ع قلبه . .

سرت صوبه وقعدت بنفس المكان حذاله . . ع ييمينه . .

مديت له العصير . .

شله وليد عني وتم ماسكنه ثواني وبعدها فرااه ع يساره بكل قوه ع السراميك وانكسسسر القلاص واتلطش العصير ف كل مكان . .

تميت اطالعه ب ذهول . .

وليد : لا تحاولين تخليني اهدى . . إلي شفته بعيني ما يخليني اهدا . .

ماسويتله شي تميت قاعده وهو بس ع هالحاله سرحان ويفكر . .

قمت بعدها ونظفت الي مصبوب . . وشليت المكسور ونظفت كل شي . .

ورحت المطبخ سويتله عصير ثاني . .

سرت صوبه وعطيته . . وحسيته انصدم لما شافني يايبه واحد ثاني . .

وليد : واذا كسرته . .

انا : بييبلك ثالث ورابع وخامس . .

وليد يطالعني : وليش بتسوين جيه . .

خليت العصير ع الطاوله الصغيره الي مجابلتنا ورديت قعدت حذاله ومسكت ايده . .

انا : لاني اباك تهدى .. وماتفكر ب افكار غلط . . كم فرصه يتني عشان اروح له بس انا ما ابيه . . متى بتفهم . .

وليد يطالعني بكل شريه ويحط ايدينه الهنتين ع ويهي ويرص ع ويهي . . : شفتي نفسسسسسسج كيف كنتي لما كان موجووووووود . . نسيتي الي حوااااليج ومعتمده علييييييييييه . .النظره هاي تذببببببببببببببح . . النظره هاي تموتنننني . . تذكرني بحبج له . .حبج وجنونج وعشششششقج الي الكل كان يعرفه . . مهما سوووى سيييييييف مهره ما تشششششششششششوف غيره . . مهما ذذذذذلها وتعبها واهاااااانها بتبقى تطالعه بهالنظررررررررررررررره . . الي فيج صوبه ما ماااااات . . كيف تبيني اهدا وانا شفت نظرتج بعييييييني كييييييييييييف . .

تقربت صوبه وحظنته . . حظنته بقوه . .

انا : مابي حد غيرك افهم . . بس ابيك انت . . والله مابي غيييييرك . .

تميت حاظنته وهو صاااادني ولا رفع ايده حظني . . رصيت عليه بقوه . .

انا : انا ماشوف سيف . . انت الي اشوفك بس . .

جابلته . . : انت الي في حياتي . . متى بتقتنع متى . .

وليد نزل وحطا راسه ع ريلي . . : انا تعبان . . تعباان وايد قسم بالله . .

انا : سلامتك من التعب . . مابي اشوفك جيه والله ماقدر . .

وليد : تعبت وانا احاول اتحمل واصبر . . ما بقى فيني حيل . . والله بنت عمي ماعاد بي حيل . .

انا حطيت ايدي ع راسه وتميت ألعب ب شعره وامسح ع ويهه . . وبايدي الثانيه ماسكه ايده بقوه . . وعلى هالحال . . لين رقد ع ريلي . .

تميت معاااه ولا غمضت لي عين . . تامه اطالعه وافكر . . افكر بـ كل الي مرينا فيه سوى . . كل الي عشناه سوى . . الشي الي يخليه يكبر بعييني شي واحد . . انه رغم كل شي صار فييييييني ما تخلا عني ولا ترك ايدي . . رغم كل الاشياء الي تخلي اي ريال يهد البنت . . هالانسان مسكني ورص علي وطلعني من كل شي . . ونادر ما احصل واحد مثل وليد .

فتح عينه على صوت اذان الفير . . لان بيت عمي سعيد . . او بالاحرى بيتي . . حذال المسيد مررره ف الاذان صوته يدخل بقوه . .

وليد اول ما فتح عينه شافني منزله راسي واطالعه . .

وليد رفع ايده ولمس ويهي . . : هاي انتي صدق ولا انا احلم . .

انا ابتسمت : صدق . .

وليد يغمض عينه ويرد يفتحها : انا احلم . . مستحيل عقب كل الي قلته حق مهره اتم موجوده . . اي حد مكانها بيروح . .

انا : بس انا اهني . .

وليد : انا قاعد احلم " يبتسم " واحلى حلم . .

ورد غمض عينه . . ورد يناام لين ما قامو الصلاه وسمع المؤذن يقيم للصلاه فتح عينه . .

وليد يطالعني وبعده مندهش . . بعدها قام وتم يطالعني . .

وليد يحط ايده ع ويهي : بنت عمي . .

انا ابتسم : آممر . .

وليد : انا راقد . . راااقد ع ريلج . .!

انا : هيه . .

وليد : مارقدتي . . تعبتي . . ! انا اسف . .

انا : أ ششش . .قووم صل الحين . .

وليد : سامحيييني . " يطالع اليبت ويتثاوب "

انا : قوم صل . .

وليد : ان شاء الله . .

وقام وشل بعمره وطلع من البيت . . وانا قمت وصعدت فوق وتوضيت وصليت بعد . .دعيت ربي ان يريحني ويريحه ويطلعنا من هالهم الي احنا فيه . . !

بعدها تميت ع السياده وقعدت استغفر لين رجع وشافني وقعد ع السرير . .

قمت بعدها ورديت السياده مكانها ولما صديت شفته يطالعني . .

وليد يمد ايده : تعالي اهني . .

ابتسمت له بتعب وسرت قعدت حذاله . . سحبني بحنااان وحظني وباس يبهتي . .

وليد : تعبتج وايد . .

انا مغمضه عيني : انا الي تعبتك . .

وليد : فديتج . . تعبانه .؟

انا اطالعه : مسطله وايد . .

وليد : يالله طيحي ريحي . .

انا : وانت ؟

وليد : معاج " يبتسم " ما بفارقج . .

ابتسمت له . .

وحطينا راسنا ورقدناااااا رقاد عميييييييييييييييييق . . .!!!

على الساعه 12 الظهر . .

قمت ولقيته بعد راقد . .

انا : وليد . .

وليد يتجلب . .

انا ادق جتفه بخفيف : يالله قوم بياذن الظهر . .

قمت قبله وسرت تغسسسلت وبدلت ملابسي لبست لي مخوره لاني بروح بيتنا . . اقصد بيت امي . .!

تجحلت وتزينت شوي . ., وبعدها سرت صوبه . .

انا : وليييد . . يالله قووووم . .

وليد فتح عينه بتعب : خليني انام ما شبعت . . . وين بتروحين . .

انا : بيت اميه ..

وليد : يالله روحي . . " سحب ايدي وباسها " انا تعبان خليني ارقد اكثر . .

انا : انزين . .

رد غمض عينه وانا قمت ولبست شيلتي وطلعت .. بطلعي عمي سعيد دخل . . وشق الابتسامه لما شافني . .

عمي سعيد : فديت هالويه . .

انا : ههههه فديت روحك عمي . .

غمي سعيد : مخرب عليكم والله ادري . . خلاص بشل قششاري

انا : والله يا عمي ان شليت شي اني لازعل عليك وارد بيت امي وما ارقد ليله اهني . . ترا الا انت ساكن تحت وانا فوق شكبره وسااادني والله . . وكم تسوى شوفتك الصبح . . والله اموت ع هالشوفه . .

عمي سعيد : ياااالله يا زين ما تخييرت يا وليد . .

انا ابتسمت . .

عمي سعيد يحظني : فديتج ابويه . . وين بتسيرين . .

انا : عند اميه عمييي . .

عمي سعيد : هيه زين مري ع يدج وصل بعد

انا منصدمه : والللللله

عمي سعيد يبتسم : هيه . .

انا : اوككككيه . .

ومن الفرحه ركضضضضت بروح صوبه . . اول ما وصلت شفت عميمه لابسه عباتها ومرتبشه ..

انا : شفيج . .

عميمه : عنود اختج بتربي . . قومي روحيلها . .

انا : عنننننود . . بتررربي

عميمه : هييه . .

انا منصدمه : بسيير ألبس عباتي وبي لا تروحون بدوني . .

عميمه : بسرعه . ..

سرت بيت امي كان اقرب ولبست عباتي اهناك بسرعه وطلعت سايره صوب بيت عمي حمد لكن ماقدرت ادخل وانا اتذكر كلام عمي وهو طاردني وما يباني ادش اهني مره ثانيه . .

مروان كان ياي من المسيد وشافني : ليش واقفه برع . . ليكون عشان كلام ابويه

انا : لاا . . بس . .

مروان : عيل والله انج ما دخلتي عشان كلام ابويه " بعصبيه " انتي مافيج مخ شوه . .

طلع عبدالله وهو متوتر ومرتبك : مهره . .

انا اطالعه . .

عبدالله : تعالي ساعديها ماقدر اسوي شي . .

من غير تفكير دخلت على طول صوب غرففه عنود . . ساعدتها لبستها عباتها وشليت الشنطه الصغيره الي شفتها ع طرف ع طول عرفت انها مرتبه حق الولاده . .

ركبنا السياره وانا قلبي متقطع على صوت اختيه وهيه تصيح وتتألم . .

انا : عبداللللللله يالله . .

عبدالله يسرع اسسسسسرع ما عنده . .

انا ماسكه ايدها : شوي بس حبيبتي . .

مسكت فوني ودقيت لوليد لكن مايرد . . طرشتله مسج " انا فالمستشفى ويا عنود ياها العوق " . .

اول ما وصلنا المستشفى على طول دخلووووووها غرفه الولاده . .تمينا نتريا ع اعصاااااااابنا . . ساااااعه .. سااعتين ثلاثثثث . . 4 سااااعات وعنود بعدها ما طلعت . .

عبدالله يقوم بعصبيه : شوه هالكككككككككككثثثثثثثرررر . .

اميه يت : بعدها ما ربت . .

انا : لاااا . .

اميه : خل يدخلوني بشوفها . .

زقرنا النيرس وماطاعو يدخلون اميه . .

عقبها بشوي طلعت النيرس وقالت ان لازم قيصيريه . .

عبدالله منصدم : ليش قيصيريه . . ليييش . .

انا : عبدالله اذكر الله . .

عبدالله سار وكلم الدكاتره و وقع ع القيصريه . .

شهاب يا صوبي : بعدها . .

انا : هيه بعدها . .

شهاب : بالعاده يطوولون

انا : ع حسب . . ف صقووري طولت بعد ..

بعدها ب نص ساعه دشو البناااات . .

ميره : شخبااااار عنود . .

انا : بعدها . .

شيخه : حبييييييييبتي . . الله يسهل عليها يااااارب . .

تمينا كلنا قاعدين سوى وندعيييييييلها . .

فجاه شفنا عبدالله يصيح . .

انا بخوف سرت صوبه . .

عبدالله : دخيلج خليني . .

شهاب : بن عمي اذكر الله . .

عبدالله : ماتعرفون شي . .

انا : شوه صاير عبدالله شو الي مانعرفه . .

عبدالله : من دخلت التاسع وهي تطري الموووت وتوصي . . والله ان صار فيها شي ما تم عايش والللللله ..

وليد : مهور . .

انا صديت وميوده روحي مابا انهار . . متاثره بكلام عبدالله : انت وينك من الصبح . .

وليد : وينها . . ما ربت . .

انا : بعدها

وليد : عبدالله شفييييك . . اذكر الله وانا اخوك . .

طلعت اميه وهي تبتسم : ربت . .

عبدالله سار صوب اميه بكل خوف ودموع تنزل : شخباااارها . .

اميه : بخييير الحمدلله بخييييييير

عبدالله نزل ع الارض وسسسسسجد .. كلنا تاثرنا . .

اميه تبتسم : سير اذن على اذنه . .

سار عبدالله داخل واحنا تمينا نتحمد الله ونتريا يطلعونها . .

تمينا نتريا مده عقب نقلوها الغرفه وسرنا كلنا هجووووووووووم . .

انا : حبيييييييييييييييييييبتي اختتتتتتتتتتتتي . . الحمدلللللله ع السسسسلامه . .

عنود تبتسم بتعب : الله يسلمج عقبالج . . " تطالعنا كلنا " وين بنتي ما شفتها للحين . .

اميه : عبدالله وياهاا . . شوي وبييبون لج اياها تشوفينها . .

غمضت عينها عنود وابتسمت . .

عميمه نوره : يالله بنات بسرعه ع البيت . . نصكم يرد ويا شهاب ونصكم يرد وياي . .

شيخه : انا برد وياااج عميمه . .

عميمه تطالعني : يالله مهره ردي ويا اخوج . .

خلود تبند الفون : رقوي بتتخبل تبا حد يييبها . .

شهاب يطالعها : خليها لا تيبونها اهني بتسوي حشره خل عنود ترتاح . .

خلود : كلكم روحو انا ما بخليها . .

اميه : لا اميه روحي انا بتم وياها

خلود : لالالا والله ما اخليها دقيقه . .

انا : انا بسير اشوف عبدالله والبيبي . . روح شهاب انا برد ويا وليد . .

طلعت عنهم وسرت صوب اليهاااال . . تميت اشوفهم ومبتسسسسسسمه . . حباااااااايبي يدشون القلب . . تميت سرحانه فيهم وابتسسسسم . . ما حسيت بالشخص الي يا من ورايه وحظني . .

وليد : يجننون صح . .

ابتسمت بحيا وباحراج : وايد . .

وليد يهمس فاذني : عقبالنا . .

ابتسمت : ان شاء الله . .

وليد يجابلني : تبين بيبي . .

انا مستححححححححححححححيه ماعرف شقوله . .

وليد يبتسم ويقرص خدي . . : عبدالله شل بنته سار يسميها . . تعرفين شو سماها ؟

انا : شوووو . .

وليد يبتسم : عنود

انا اطالعه : هاه . .

وليد : مينون صح . .

انا ابتسمت : مينون . .

وليد : انا بعد لو يبتي بنت بسميها مهره من غلاتج

انا : لالالا مابا . . ماشي شغل . .

وليد يبتسم بحنان : انتي احملي اول عقب يصير خير . .

بلعت ريجي وابتسمت : انزين ودني بجوف بنت اختي . .

وليد ابتسم . .

و ردينا الغرفه . . انا بطلت الباب بشويش ودخلت . . شفت خلود شاله البيبي وتبوسه وعبدالله معااها ماسك صبع بنته . . ولما صديت شفت عنود تطالعهم باندماج وسرحانه وع ويهها ابتسامه باهته . .

انا كحيت . . صدو صوبي ولما صديت صوب عنود شفت سوت عمرها مغمضه .. واااااااااااااااااااايد انصصصصصصصدمت من حركتها . . شو فراسها هالحماره ش تفكر فيه . .

سرت صوبهم وشليت الياهل وابتسمت . .

انا : حياااااااتي . . فديييييييييييت بنتي انااااا . .فديتها الصغيروووووووووونه

خلود تبتسم : تشبه عنووووووووووود وايد تشبه عنود

انا : هيييييييييه بشكل فظيييييييييييع والله . . حيااتي اناااااا مع ان مافيها ملامح ههههههههههه لكن تاخذ من عنود ماعرف كيف . . " اطالعت عبدالله " بوديها عند وليد بيشوفها . .

عبدالله ابتسم : لا تتاخرين . .

طلعت فيها كان وليد عند الباب . .

وليد فاج عينه : يااااااا الله مصصصصصغرررررها . . هههههههههه

انا ابتسمت : هيييييه هههههههه . . شلها . .

وليد : لالالا ماقدر . . خليها ف ايدج . .

انا : ششلها انزين شوووووي . .

وليد : لاااا اقولج ماقدر . . اخاف " يبتسم ويلعب بخدودها " ياااربيه محلا البنات . . هاتييلي كله بنات مابا اولاد . .

انا ابتسمت و وخيت وتميت ابوسسها واشمها : عسسل . .

وليد تقرب مني وباسني ع خدي : الله يرزقنا . .

نوره : السلام عليكم . .

انا رفعت راسي شفتها هي و سيف واقفين ..

نوره تبتسم بوناسه : الله يعطيكم ..

وليد : ان شاء الله . .

انا شفت سيف كانت عينه علي . .

نوره : شخبار عنود

انا : الحمدلله . .

نوره تحط ايدها ع بطنها : الله يسهل علي يارب . .

سيف يطالع نوره جنه معصب انها قالت . .

وليد اطالعني . .

ليش نظراتهم جيه ! معقوله يفكرون اني ممكن ازعل . . كيييييفهم شو يخصني انا . .

سيف يطالعني : خليني اشوفها . .

مديت ايدي عطيت االبنوته حق وليد و وليد عطاها حق سيف . .

وليد : نمشي ولا بتمين . .

انا : لأا بروح . . خلود تامه اهني واكيد اميه بتردلها . . انا بيييبها عقب . . عشان ترقد تريح . .

تعمدت اقول جيه عشان نوره تسمع وماتطول . .

وليد : يالله مشينا عيل . .

وطلعت معاه وحطيت عيني ف عين سيف الي كان شال عنود الصغيره ويطالعني . .

رجعنا البيت . . سرت بيت امي و وليد معايه . .

شهاب : ييييييتي ف وقتتتتج

انا : بلاك . .

رقوي بعصيبه : ليش يعني انا الوحيده محد وداااااااااااني . . ليييييييش

وليد : اخييه الحين هاي منو بيسكتها . .

انا ابتسمت : انا بوديج حبيبتي بعدين

رقوي : ابا الحييييين الحيييين

شهاب بعصبيه : قالت بتوديج بعدين خلاص . .

رقوي : الحيييييييييين ابا ارووووووووح

وليد : راقده الحين تعبانه مسكينه

رقوي : مالي خص كلكم شفتو الياهل وانا ماشفتتتتتتت ماااااااااااااابا الحين تودوني

شهاب : افففففف . . مهره شوفيلج حل وفكيني من هالحشره

رقوي تطالعه : انا حششششششره . .

شهاب : روحي بيتكم رووووحي

رقوي تصارخ : مابرووووح ودوووني اول ودوووووووني . . مايد مشغول ويا ميروه من حملت ما شففففففففت ويهه . . وراشد كله محبوس ف الحجره ما يطلللللللللع . . مروان وشماني توا طلعو بيرووووووحون لها وما خذذذذوني بعد . . وسيف ونوره ماحبهم ما بركب وياهم . .

انا ابتسمت : ههههههههه انزين بوديج خلااااااص . . بوديج عقب قلتلج . .

رقوي : الحين بياذن العشششا متى بتوديني متى . .

شهاب بعصبيه : محد بيوديج روحي بيتكم رووووووحي

وليد يبتسم وانسدح ع الغنفه وشغل التلفزيون . .

شهاب قام وسكر التلفزيون . .

وليد : بلااااااك

شهاب : قوم بنروح المسيد

وليد : ما اذن بعده

شهاب بنرفزه : قووووووم اقولك . .

وليد : ما بنش شو عندك . .

شهاب : بتندق وربي

وليد يقوم ويدز شهاب : يالله اشوف دق دقققق

انا : اييييه عن المصاخه بلاكم . .

شهاب يدق وليد ع صدره ويرجعه ورى . . وليد عصب ورجعه ع ورى اكثثثثر

ويدااااززون . .

رقوي تطالعهم : بلاهم شو ياهم . .

وليد : شوه عندك ششششششوووووووه . .

شهاب : مااااااعندي شي انت ششششششعندك . .

انا سرت صوبهم : ايييييييييييه بلاااااااااكم خلاااااص اذذذذذكرو الللللللله .

اميه يت : شوه فيهم بلاهم . .

رقوي : يتضااااااااربون عموه ألحقييييييهم . .

طلع شهاب من البيت . .

انا اطالع وليد : شوه فيك عليه

وليد عاقد حياته : هو الي ياي يضارب شعندج تكلميني انا . .

انا : انزين انت ليش محمق الحين خلاص اهدى . .

يييت بلحق شهاب بس مسكني وليد : ما تطلعين . .

انا : بسير اشوفه

وليد يعطيني النظره التهديديه : قلتلج ماتطلعين . .

انا : انزين انزين !!

رقوي قامت وطلعت . .

انا : تعالي رقوي دخيلج انتي بالذات لا تروحين

رقوي : بسمع كلامج يعني انا . .

وماسوتلي سالفه وراحت . .

اميه : قوم ابويه وليد صل العشا . . قوم واذكر ربك . .

وليد : ان شاء الله اميه . .

قام وليد وما قالي شي وطلع ع طول . .

انا : بسم الله عليهم مادري شو ياهم . .

اميه تيلس وتطالعني : حرمت عمج خالد رمستني . .

انا : رمستج عن شو . .

اميه : رقوي ولد خالها خطبها . .

انا اشهق : شوه . .

اميه : قالتلي لو شهاب ف خاطره البنت خل يرمس بنرده . . قلتلها بشوف شهاب وبخبرج ولما رمسته طار وقالي خ تروح وخل تتزوج انا شو يخصني فيها . .

انا : رقوي تدري

اميه : ماظن ماتشوفينها عاديه اكيد ماتعرف . .

انا : وخبرتي حرمت عمي . .

اميه : لا قلت بخبرج عشان ترمسينه . .

انا : هيه زين ما سويتي . . بسير اشوفه جان برع . .

اول ماطلعت شفتهم فالحوي يضاربون . .

رقوي : شوووووه فيك ليش تصارخ انت ليش كله جيه مزاجك خاااااااايس

انا : شهاب شوه فيك حبيبي هد عمرك . . " اشوف رقوي " خليه شوي برمسه

رقوي : مااابروووووح انا برمسه

شهاب بعصبيه : روووووووحي رووووووحي . . ماخبرتج امج ؟ ما قالتلج ؟

انا : رقوي رووووووحي

رقوي : لحظه لحظه . . تخبرني عن شووو . .

شهاب : وش ذي البليه ياربي . . مهره يرحم امج قوليلها تروح

انا بعصبيه : رقوي روووووحي

رقوي تصارخ : لا تعصبين علي انتي بعد .. ابي اعرف شسالفه الحين

شهاب : ولد خاااااالج يبيييج . .وانا قلت لامج انج مش ف خاطري وما ابيييج وحللتج تروحين واصلا انا مش محيرنج ولا ابيج ولا حاطنج ف راسي . .ف روحي تزوجيييييه مابي اشوف ويهج على راسي كل يوم

رقوي تشهق : ولد خالي خاطبني . . يخسسسي ما ابيه

شهاب بتهديد يتقرب منها : لو كنتي تحلمين وحاطه ف بالج اني ممكن اتقدملج ف انتي غلطانه . . انتي ابد مش ف بالي وانا ماافكر فيج كـ زوجه ابدددددا . .

وطلع من البيت . .

رقوي تطالعني وتصيح : كيف قوم اميه يسووون جيه . .ليش يبيعوني برخيص ويقولون له جان تباها خذها . . ليش يفششلوني ليش . .

انا سرت صوبها : حبيبتي امج مش جي قصدها لكن امج توفر عليها سوالف ابوج . . تعرفينه بيقول الاولى عيال عمها . .

رقوي تصيح : انا صح اعق عمري عليه لكن لاني احبه واباه يحبني لكن مش معناته اميه تفرني هالفررررره . . وبعدين انا مابا ولد خالي والله ما اخذه وبسير الحين بسويلهم مششششكله والله ما يقدرون علي

وطلعت من البيت . .

وانا اعرف ومتاكده انهم ما يرومون على رقوي . . ومستحيل هي بالذات تنجبر . . راسها يابس وعنيده وما تفرق معاها اي شي وبتسوي الي هي تباه وبس . .

رديت البيت وصليت العشا . . وقعدت اتعشا ويا اميه انا وهيه بروحنا . . وعقب سرت فركت ريولها ودلعتها شوي لاني حسيت روحي هاملتنها . .

بعدها مسكت الفون وقريت وانا مبتسمه لاني بالفعل اعرف ان هذا الي بيصير . .

شيخه كانت كاتبه ان رقوي اضاااااربت ويا امها وعمي وقالتلهم انها مابتتزوج وحلفت انها بتم عانس ولا تتزوج ولد خالها . . وعقب ما سوت العرس عمي قالها بزوااااااالج وانا مالي خص فيج . .

ابتسمت .: والله انج مش هينه ي رقوي . . قو . .

فجيت عيني وانا اقرا التكمله . .

شيخه كاتبه : عندي لكم بشااااااااااااااااااااااااااااااااااارررررررررره . .

ما قريت التكمله لان شهود دقتلي . .

شهود تصيح : مهووووووووووووورررررررررررررررر

انا : شووووو شوووو . . ليش تصيجين شوه فيج . .

شهود تشهق ما ترمس

انا : شهود طيحتي قلبي دخيلج انطقي . .

شهود : عمج كلم ابوووووووووي الباااااااااااارحه وابووووووووي كلمني اليوووووووووم عن رااااااااشششد . . بصييييييييييييح مش مصصصصصصصصصصصصصدقه . .

انا قمت من الفرحه : احلللللللفيييييييييي قوووووووووولي والله . .

شوي ودخلووو ميره وشيخه ويصاااااارخوووووووون وكلهم صوبي وحظننننننا بعضضضض ويصارخون باسسسسم شهود . .

انا : حيااااااااااااتي ششششششششششششششششششهود واخييييييرا . .

حطيناها سبيكر وتامين نصارخ ومتخبلين ونضحك . .

انا : شووووو قال راشد شو سوى . .

شيخه : قولي شو ماااااااا سسسسسسسسوى . . راشد اخويه عايشه وياه ف نفس البيت عمري ما سمعته يصااارخ ويعلي صووووووته . . اليوم صارخ صااااارخ هههههههههههههههههههههههههههههه

شهود تضحك : ههههههههههههههههههه حبييييييييييييبي . .

انا : ههههههههههههههههههههه فدييييييييييييييييتكم والله الحمدلله يااااااااااارب الحمدللللله . ..

وعلى هالخبال وياهم والربشششه . . هدينا عقب واحنا ناكل خفايف . .

ميره : اووووووووه نسسسسسيت . . هاتي هاتي البوووكسسس . . احنا داشين ب بوكس ونسيته . .

انا : بكسسس شو . .

شيخه : صصور العرس . .

انا : احلفيييييي !! وصصصصصلن . .!!!

شيخه : هييييييه . . ألبومج عطيناه وليد وداه البيت . .

فتحت ألبوم ميره وقعدنا نشوف صورها هي ومايد

انا ابتسم : ياويلي عليك يا ولد عمي غااااوي . . احلى عنج

ميره : يخسسسسي والله انا احلى عنه

انا : جب جب شوفي خشمه ماشاء الله سيييييف . .

شيخه : هيه طالع علي

انا : جب انتي هههههههههههه

ميره : هالصوره حبيتها

انا : اللللللللله . . روووووووووووح ع الحركه

كان مايد نازل ع الارض وهي قاعده ع الغنفه وهو ماسك ايدها ويبوسها ومغمض عينه . .

انا : ميروه كنتي طر والله . .

شيخه : هيييييه ماشاء الله . . حتى انتي مهور والله كنتي مسكته . . هاتي ألبومج عقب نبا نشوووووووفه . . !!

انا : انزيييين اكيييييييد . .

عقب ما شفنا الالبوم . . شغلنا السي دي وشفت العرسسسس . . لاني ما شفت ميروه فالعرس وهي تنزل وجي . . ف شفففففت كل شي وتمينا نعلق ونضحك . .

وعلى هالحااااال كنا مستاااانسين ع الوضع حدنننننا . . من زمااااااان ما قعدنا سوى وسهرنا . .

دخلت علينا شماني هي وكرشتها الي بدت تظهر شوي . .

انا : فديت هالكرشششه

شماني : ههههههههه حبيبتي . .

قعدت حذالي . . : شخبارج . .

شماني : الحمدلله . . " تبتسم "

شيخه ماسكه ايد شماني : شموه شهالخاااااااتم الغاوي . .

شماني بحيا : توه لبسته بعد . .

ميره : مالت على ميود مادري متى اخر مره اشترالي فيها هديه . .

انا :توج عرووووس مسكين ومفلس عليج وعلى عرسج وشهر عسسسسلج شو تبين بعد

ميره : جب جب . . بعد الواخد يبا صراحه ما يشبع . . حتى لو ورده تفرح ترى . .

انا ابتسمت : شو المناسسسبه . . ليش لبسج خاتم . .

>

<

>

شماني تبتسم بحيا : شو مناسببه الهديه . .

مروان يبتسم : مناسبه حبج لي وحبي لج . .مناسبه انج بتيبين لي قمر يشيل اسمي . . بمناسبه اني محظوظ فيج . . بمناسبه انج اغلى واحلى بنت ف حياتي . . . وبمناسبه اني ارفع ضغطج واقهرج مرات . .بمناسبه كل شي حلو . . قربي قربي بقولج شي . .

Cut

>

<

>

احنا نصصصفق : عاااااااشششششت

شماني : هههههههههههههههههه بس عااااااااد . .

وعلى هالسسسسوالف والضحك . . اندق الباب . .

على طول شماني يايه تركض بتنخش جان اطيح بقوه ع الدري الصغير ع بطنها ..

ركضنا صوبها برررررررعب . .

انا ادقها ع ويهها : شمممممممماني . . شمممممممموه . .

دخل مروان : شو فيها . . " يطالعني برعب " بلاها . .

انا : كانت يايه تركض تتحرا غريب بيدخل . .

شلها مروان على طوووووووووووووول . .

انا : لحظه بسسسسترها . .

عدلت شيلتها وسسسترتها وسرنا صوب السياره ع طول . .

شفت وليد برع مجابل بيت امي . . يعني في بيتي قاعد برع ويا شهاب . . وانصدمو لما سمعو البنات يصارخن . .

سرت صوب وليد وانا ارجف . .

وليد : شوووه اتكلمي خوفتيني . .

انا :خل نلحق مروان الحين . .

بطل وليد السياره ع طول وركبت معاه واحنا نلحقه . . تميت ارجف وانا اخبره الي صار وهو ماسك ايدي بقوه . .

وليد : هدي عمرج . .

انا ارجف وغمضت عيني : ياااااارب ستتتتترك يااااااارب . .

وصلنا المستشفى ودخلو شماني . . يت امها بعدنا بشوي وكانت تصيح من قلب . .

انا : هدي روحي عموه . . ماعليها ششر ان شاء الله . .

ميره تصيح : والله من عيوني . . عيني ما قالت ما شاء الله على الدلع الي هي محصلتنه . .

انا اتنهد : ميروه لا تزيدين الطين بله . . انتي روحج حااامل لا تسوين جي ف روحج مش زين . .

صديت اطالع مروان . . كان قااااعد وسااااااااااااااااااااكت مول ما يقول شي . . بس يدق بريوله ع الخفيف ومنزل راسه . . .

تمينا نتريا ماحسينا بالوقت من التوتر . . يا الله سترك . . هاليومين كله فالمستششششفى . . البارحه على يدي . . واليوم على عنود وشماني . . يارب احفظلي عايلتي ولا تحرمني من حد فيهم يااااارب . .

طلعت الدكتوره وهي تسال عن زوج شماني . .

عمي خالد : انا ابوها شوه فيها تكلمي . .

الدكتوره : الجنين مات . .

مروان يطالع الدكتوره وما عنده اي رده فعل .. .

وليد يطالع مروان بعد . .

عمي خالد : لا حول ولا قوه الا بالله العلي العظيم

حرمت عمي خالد : وووووووبنتي . .بننننتي

الدكتوره : عندها نزيف واااااايد لكن ان شاء الله بيوقف . . ادعولها . .

وراحت . .

صديت صوب مروان ابا اسير اواسيه اكلمه لكنه طلع على طول وما شفت ويهه . .

حرمت عمي وايد عصبت كيف يخليها مثل هالحاله لكن عمي قالها انه ما ينلام . . !

تمينا قاعدين فتتتتتتره ..عقب يت خلود وخبروها وتمت تصيح . .

سرت صوب غرفه عنود لان ف نفس المستشفى . .

دقيت الباب ودخلت . .

عبدالله : شوفي اختج . . تعالي سمعيها شو تقول . .

عنود : هالشي بيني وبينك ماله داعي ادخل اختي فالموضوع . .

انا : شفيكم . . شسالفه . .

عبدالله بعصبيه : تعرفين شو تقووووول . . الله كتبلي عمممممر وما مت . . وابا افرح فيك انت وخلود . .

انا ماستغربت من الشي لان نظرتها وانا دخلت مساعه ولما سوت روحها نايمه فسرتلي كل شي . .

عنود : عبدالله لا ادخل مهره فالموضوع

عبدالله تنزل دموعه : الله ياخذني وترتاحين مني . . لهالدرجه شايفتني عبء عليج . .

عنود تقوم وتقعد وبعدها تألمت بالقوووووووو . .

انا سرت صوبها : طيييييحي ارتاحي انتي مسويه عمليه . . " اطالع عبدالله " عبدالله عاااد . . مش وقت هالرمسه . .

طلع عبدالله وانا ساعدتها تطيح ولحقته ع طول . .

عبدالله كان قاعد ع الكراسي الي عند الباب ومتكور ع روحه ويصيح بهدوء . .

انا : ولد عمي . . " قلبي يعورني عليه وايد والله "

مسح دموعه ما خلاني اشوف و وقف . .

انا جابلته : نفسيه الحرمه يوم تربي تصير جيه . .

عبدالله استغرب ويطالعني باهتمام. .

انا ابتسمت : لا تاخذ بكلامها . . ترا نفسيت المربيه جيه . . ماتعرف شو تقول ونفسيتها تكون تعباااااااانه تفكر افكار غلط وتعطي قراررررررررات غلط وتسوي كل شي غلط . . وعلى فكره مادري عنود خبرتك ولا لاء . " ابتسمت" لما اميه ربت في عنود وابويه الله يرحمه دخل عليها اول ما شاف اميه قالتله طلقني انا ماباك . . بس جي فججججاه . . هههههههههههههه

عبدالله : احلفي

انا : وررررربي يا ولد عمي وربي

عبدالله : بس هي قبل لا تربي بعد

انا : صدقني هي ماتحس بروحها وافكارها بكبرها غلط . . خل تخلص الاربعين وها ويهي جان ما تغيرت وردت عنود الي تموت وتحيا ف عبدالله وماتشوف غيره ولا تخليه يلتفت لغيرها . .

عبدالله يبتسم : الله يسمع منج يارب . . الله يسمع منج . . ريحتيني والله ريحتيني . .

ابتسمت له . .

عبدالله : احين بقدر اتحملها لين الاربعين بعطيها طراق يادبها . .

انا : ههههههههههههههههه هيه طراقين واحد منك و واحد مني

عبدالله يبتسم : والله يا بنت عمي اني احبها . . والله العظيم ماشوف غيرها . . هاي روحي ام عيالي . . ام عنود وام صقر . .

انا ابتسمت له : ادري . . كل شي باين والله ولد عمي . .

عبدالله : الله يجبر بخاطرج ويريحج مثل ما ريحتيني . . عااااد لا تقولين حق حد عن الي شفتيه

يقصد دموعه !

انا : هههههههههه افا عليك ستر وغطا . .

ابتسمت له وخليته يدخل لها مره ثانيه . . وانا خليتهم روحهم ورجعت لشماني . . وطمنونا الحمدلله ان النزيف وقف وانها بتكون بخير لكن لازم اتم فالمستشفى . .

وطبعا لا حس ولا خبر لمروان ابد . .

وليد : امشي نروح البيت

انا : لا بتم اهني

وليد : لا ماا اتمين اهني . . احين الساعه 1 ونص ردي ريحي وباجر بالصبح بييبج . .

انا : ماابا

وليد يقومني غصب : يالله اجوف . .

عمي خالد : وليد بطريقك ود البنات . .

تمو يعاشون ويعصبون يقولون لا لكن عمي ما خلاهم . .

ردينا كلنا البيت . . وصلناهم ونزلت سرت بيتي ع طول . .

بدلت ملابسي وانا افكر بلي صار . .

وليد يطالعني : بشو تفكرين . .

انا : كل شي صار فجاه .. عنود ياها العوق فجاه . . شماني طاحت فجاه . . كل شي فجاه . .

وليد : ربج . .

انا : كنت فرحانه يدي رجع بروح اشوفه . . تفاجئت ان عنود ياها العوق . . رديت البيت فرحانه مع البنات ونصارخ علشان راشد وشهد . . فرحنا اكثر ب شوفت شماني وفجاه طاحت . . " حطيت ايدي ع راسي " كيف جيه كل شي بسرعه ورا بعض . .

وليد تقرب مني : اششششش . . لا تفكرين ب شي حبيبي . .

وخر ايدي عن راسي . .

وليد : انتي بس محتاجه ترتاحين وتاخذين طاااقه . . وكل شي بالباجر بيكون احسن . .

" باس يبهتي "

وليد : تعالي نشوف ألبوم العرس " يبتسم " ادري مش وقته بس ابي اشوفه معاج . .

قمت معاه وقعدنا ع الارض . .

فتح الالبوم . . كنا قاعدين حذال بعض . . نطالع ونبتسم . .

وليد : فديييت هالعيون . . فديت حرمتي . . فديت هالجمااال . .

ابتسمت . .

وليد : هلا ابوووووووي . .

انا : ههههههههههههههههه يا حمممممار جب . .

الصوره كانت جد محرجه . . كنت لافه ايدي الهنتين ع رقبته ومجابلتنه واطالع عيونه وهو منزل راسه وحاظن خصري ويطالع عيوني ويبتسم . .

وليد : افف . . ع القلب الصوره هذي وربي . . " يبتسم " موت غرام . .

ابتسمت ما علقت وتمينا نبدل الصور . . كل الصور حلووووه . . طالعين فيها غيير . . يعني في مشاعر في احاسيس فالصوووور جد . . اخر صوره كانت هو واقف وراي وحاظنني من ورى وانا ماسكه ايدينه الهنتين الي جدامي . .

وليد يبتسم :طول عمري بكون وراج وحامي ظهرج من كل شي . . ودوم بخلي ايدج متكيه على ايدي . . ما تلجأ لغيري . .

ابتسمت له وتقربت منه بحنان وبست خده : الله لا يحرمني منك

وليد غمض عينه وبعدها تنهد : ولا يحرمني منج يالغاليه . . " ابتسملي "

بعدها سكر الالبوم وطلع السي دي . .

وليد : بنشوفه سوا بعد . .

انا : لا ما بتشوفه في حريم ظاهرات . .

وليد يطالعني : انزين بشوف لما انزل انا بس . .

انا : لا اكيد حريم ظاهرات . . ما يصير . .

وليد : افف منج . . يالله زين قومي اشوف عشان ترقدين . .

انا اطالعه : انت وين بتروح . . !!

وليد : بنسير انا وشهاب بندور مروان . .

انا : اتصل فيني طمني انزين

وليد : ما بتصل فييييج واطمني وارقدي براحه اشوف يالله . .

انا : وليد والله ماقدر ارقد جيي وربي . .

وليد يبتسم : انا برقدج . . تعالي . .

انا : ماابا اناااام . .

وليد : قربي اشششوف

سحبني صوبببببه وخلاني اطيح ع صدره . . تم يدقق ع جتفي ويمسح ع ظهري وشعري . . كل ما ابي اتكلم اقوله شي يسكتني على طول ولا يخليني انطق بحرف لين غمضت عيني ورقدت بسااااابع نومه . .!

.

.

.

__DEFINE_LIKE_SHARE__

«ضَحِيًة حِبُيًبُيً ..}● · 03-22-2013, 06:40 PM

السلام عليكم ورحمه الله وبركآآآته

تم تنزيل البآرت بسلامه = ) . .!!

احسسس وايد اكششنات ورى بعض فهالبارت لوووول . .

اترقب رايكم نفس كل مره وانتقاداااتكم بصدر مفتوووووح . . !

واششوفكم على خير باذن الله الويكند الياي

تحيآتي . .
ضحيهـ
__DEFINE_LIKE_SHARE__

مالك حبي · 03-22-2013, 06:40 PM

فديتج يالغلا اول من يرد على البارت بقرا وبرد عليج __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خادمة "تذبح" طفلة مخدومها بحفر الباطن	محروم.كوم	منتدى أخبار المواقع والمنتديات العربية والأجنبية	1	04-16-2013 02:04 AM
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف))	محروم.كوم	منتدى أخبار المواقع والمنتديات العربية والأجنبية	0	01-20-2012 04:10 PM
بلاك بيري تورش 9860 فل تتش مع بن ممير """"""""""""""""""""""	محروم.كوم	منتدى أخبار المواقع والمنتديات العربية والأجنبية	0	10-28-2011 11:00 AM
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM