|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا11-22-2012, 09:31 PM | رقم المشاركة : [ 966 ] |
عضو جديد | آـنـشـوفــــج بــآكــر عـلى خـــيـر وـبـــتـوفـــيـ ـق ............$
__DEFINE_LIKE_SHARE__
|
| |
11-23-2012, 10:36 AM | رقم المشاركة : [ 967 ] |
عضو جديد | حبيييت البارتاتت عجيييبه واليوم نبي بارت __DEFINE_LIKE_SHARE__ |
| |
11-23-2012, 04:23 PM | رقم المشاركة : [ 968 ] |
عضو ذهبي | .
__DEFINE_LIKE_SHARE__
. . البارت الـ 24 فتحت عيني ع رنه التلفون المزعجه وبكل عصبية رديت . . انا : الووووو . . وليد : تستهبلين انتي للحين راقده !!!!!!!! انا اتثاوب . . وليد : مهور قسسم بالله بدخل عليج الحجره وبمطج من قفتج . . انا بصوت تعبان : شفيك وليد . . وليد بحنان : مافيني شي . . بترقدين ؟ انا ابتسم : ههههه توك تتحرطم " اثاوب واحاول افتح عيني " وليد : انتي تتعمدين تخبلين فيني تراج . . انا انتبهت للوقت الي جدام عيني وشهقت . . وليد : حسيتي يعني انا : ولييييييييييييييييد وليد : انا مالي خص مشكلتج انتي الي ماتنشين . . فريت الفون وقمت بسرعه دخلت الحمام تغسلت وبعدها بدلت ع السريع وشليت شنطه الميك اب الصغيره وتعطرت وعقب شليت شنطه الكولج وظهرت . . رديت ادخل حجرتي مره ثانية لاني نسيت ألبس نعالي . . ما لقيت جدامي الا الكعب الاسود لبسته بسرعه وشليت فوني الي فريته عالسرير ولقيته عالخط بعده . . انا اركض : الوو . . وليد : لا والله ؟ انا : انت كل يوم جيييه ما بتبند يعني . . وبتم ع الخط ف كل مره اتاخر فيها وليد : اخاف تاخذج غفوه . . لكن اشوفج مشتطه فالحجره فاطمن واحس اني معاج . . انا طلعت جفت شهاب ف ويهي بيطلع . . رقوي ادش وتبطل باب البيت فويهي : بسسسسم الله انا : انا الي لازم اقوووووول بسم الله خرعتيني . . رقوي تطالع شهاب وتبتسم : صببببباح الخخخخير . . شهاب : صباااااح عوار الراس والشوفه الي تيب الصداااع انا : هههههههههههه شهاب اميه وين . . شهاب : راقده بعدها وليد : يالله اتحررررركي ماشي وققققققت بطلت الكعب وعطيت فوني حق شهاب شهاب يطالعني انا : ويت . . ورحت اركض صوب حجره اميه ! بطلت الباب بشويش ودخلت عليها حبيت راسها ورديت اظهر . . سحبت فوني بسرعه عن شهاب ولبست كعبي وظهرت وانا اسمع رقوي تتحرطم ع شهاب بس ما مداني اسمع لاني مستعيله . . ركبت السياره وجفت الساعه 8 بالضضضضضضبط . . انا ابتسم : خلاص . . متاخره متاخره يعني لين اوصل بيحطلي ابسنت بعد مش ليت . . ف تجدم شويه بسم ع يديييييه . . وليد يطالني : انزين ماشي صباح الخير ؟ انا اطالعه ولقيته يطالعني عين بعين ومبتسم . . وليد ينزل السماعه البيضا من اذنه : وما بتسكرين الفون . . بتمين معايه ومع الخط بعد ؟ انا شفت الفون وسكرت . . وليد يطالعني : صباح الخيير . . " يبتسم ابتسامه عريضه " انا : ههههه صباح النور . . احس اتفشلت وجيه ف ماعرفت شسوي . . وليد يجدم السياره : يالله . . ونزل ونزلت وراه . . وليد يصد يطالعني : انا والله كنت مؤدب قبل ما اتاخر ع الدوام . . انتي بتضيعيني . . مارديت عليه ودشينا . . يدوه تهلل وترحب : وليييييد . . وليد يبتسم : هلا يدو . . " يبوس راسها " انا عقبه سلمت بس طبعا ما سوتلي سالفه شرات ما سوتله .. انا : يديه وييييينه . . يديه : انا اهني ابويه تعالي . . ودخلت عليه الحجره كان ماسك المسباح ف ايده ويستغفر . . بست راسه وجتفه وايده . . انا : شحالك ابويه يديه : بخير اميه انتي شخبارج . . كيف اصبحتي انا : الحمدلله يديه يحط ايدي ع ويهي . . وشعر ينبي وقف . . انا غمضت عيني وتم يتهيس ويهي . . يدي يبتسم : ويهج بشوش شرا صوتج . . الله يبشرج ويعيشج ايام حلوه انا يتني الغبنه : حبيبي يدي . . وبست راسه وشمييييت ريحته . . فديت ريحته . . وليد : مهوووووور بتتاخرين . . السلام عليكم يديه . . يسير صوب يديه ويبوس راسه . . يدي يمسك ايده : هالله هالله ف بنتي . . وليد يبتسم : ف عيوووني . " يطالعني " كل يوم نفس الوصايا . . أنا : يعلني ما خلا منك يالغالي . . يدي : ي الله ابويه سيري عن تتاخريين وليد يسحبني من جتفي وانا هديته : انزيييييين . . ورديت بست راسه : دعواااااتك ابويه وسمعته يدعيلي بس ما كملت الدعوه لاني مشيت بسرعه . . ركبت السياره و وليد بعده لان يدوه يالسه تعطيه اكل حق الدوام وتوصيه ياكل . . ضربت هرنات وعقبها طلع وياشرلي ان جب . . ركب السياره ورن تلفوني . . انا : الووو . . حصوه : مهور انتي وينننننج . . " ترمس بصوت واطي " السير حطلج ابسنت . . انا : احلفي . . زين قلتي لي عشان ما احضر اول كلاس وليد يطالعني : مع نفسج . . انا ورايه دوام حصوه سكرت فويهي . . انا عرفت ان اكيد السير زخها ف بندت . . نزلت الجامه الجداميه ويلست اتعدل واتجحل وحطيت لي روج وردي فاتح وبلاشر . . طلعت من هاند باقي 4 حلقات حق 4 خبقات الي ف اذني . . ولبست فالاذنين . . كان وليد مثل كل يوم . . يركز فالسواقه شوي وشوي يطالعني . . اول الايام كنت اتحرطم اما الحين تعودت لان حتى لو تحرطمت ما يسويلي سالفه . . وقفنا عند الاشاره وانا خلصت كل شي . . باقي ساعتي . . المره الي طافت بطلتها لاني كنت مضايجه منها وخليتها ف سيارته بس ماعرف وين . . قعدت ادور وانبش وليد : شـ ادورين بعد شـ اتنبشين . . انا : ساعتي . . وليد تقرب وبطلت السده الجداميه وطلعها وعطاني . . : كم مره اقولج شلي اغراضج لا تودرين شي اهني . . كم مره مفشلتني لما حد يركب ويايه انا ما رديت عليه ولبست ساعتي . . وليد : شو جدولج اليوم . . انا اطالعه : اول كلاس اوردي راح عليه . . بحظر ثاني كلاس الي انا اصلا مداومه عشانه علي امتحان وعقب بريك ساعه وعقب اخر كلاسين عاديين بس لازم احظر عشان الغياب . . وليد : عيل كيف بتسيرين الصالون . . انا : لا ما بنسير الصالون هي بتينا البيت . . وبنات عمي كلهم بيجتمعون عندنا يعني لا تفكر تي بيتنا اليوم . . وليد يطالعني وعاقد حياته : الكل يعرف لا . . انا : هيه وليد يشوف الشارع ويسوق : انا اقصد عيال عمي الشباب عرفو ان تجمع الصالون ف بيتكم ؟ انا : هيه اكييييد بنات عمي بيخبرونهم ومستحيل يدشون البيت علينا يعرفون كيف تجمع الصالون . . تجمع الصالون شي مشهور عندنا فالعايله . . وبالنسبه لنا عآآآآآآآآر لو حد غريب دش البيت . . لان البنات يكونون ماخذات رااااااااحتهم بالقو . . الفساتين مفروره ف كل مكان . . وكل وحده تحوط بلبس معين ومريح عشان عقب تقدر تلبس فستانها بدون ما تخترب التسريحه . . ومحد من بنات العاااايله كلها يلبس شيله ولا لبس ستييير باختصآر . . ف اي واحد من شباب العايله يفكر بس يكون موجود ف الحوش حتى ف هاليوم تسسسسسسستوي مصيييييييييييييييييييييبه . . اعمامي كلهم يجتمعون عند يدي ويتسفل فالشششخص وغير الهزاب ممكن تنشل عنه السياره وعقاب مادري من وين يطلعونه !! المهم انه ما ينررررحم . . وليد : انزين . . " يطالع ايدي " ليش ما تحنيتي . . انا : ترا امس كنت ادرس للامتحان ما مداني . . وليد : ماتبين تتحنين . . انا : اليوم العرس كيف اتحنى بيكون لونه برتقالي مش حلو . . وليد يطالعني : انزين مش شرط حق العرس . . انا اطالعه : عيل حق شو . . وليد يبتسم : حقي . . انا بلعت ريجي . . يعلك العافيه ياوليد كيف تقفطني وتحررررررررررررررررررررجني . . انا بدون ما احس : هاهاها . . ما يضحك وليد يبتسم وبركن السياره ف الكولج . . : بمرج من اخلص دوام . . انا : لا انت بتخلص عقبي بساعه ما اروم اتريا ساعه . . شهاب بيشلني . . وليد : خبرتيه ؟ انا : لا بدقله عقب فالبريك . . وليد : دقيلي اكديلي . . انا : انزين . . ونزلت من السياره . . وليد : ركزي فالامتحححان . . وطمنيني عقب ما تخلصينه .. انا : انزييييين . . وشليت اغراضي ونزلت من السياره ومشيت بسرعه مع ان كان صعب المشي بسرعه بالكعب وسرت الكلاس . . طبعا مثل ماتوقعت حطالي ابسنت . . ومن بعد كلاسه الاول امتحنت فالكلاس الثاني واحسني حليت عدل الحمدلله . . طرشتله مسج كتبتله " فججججججرت الامتحان " رد علي " بنشوف التفجير ف النتايج . . انا رمست شهاب وبيمرج " انا ابتسمت . . ما ينسى شي !! طلعت من الكلاس ف وقت البريك سرت اشتريت لي كابتشينو وانا اتذكر ذاك اليوم . . قبل شهر وشويه . . لما كنت فالعممممره واخر موقف صارلي معاه . .!!! > < > وليد بانفعال ويطالعني : انت تعرفيييييييييييييين شكثر انا خفت عليج اليوم . . تعرفين كيف كنت منهار ونفسيتي تتتتتتتتتتعبت . . . كنت مثل المينون ما ارتحت وانا ادور ادوووووووووووووووووووور متخبل ولا قادر استوعب انج ضعتي . . ومتحمل وصابر وعندي امل اني انا الي برجعج بين ايدي وبهزبج وبعاتبج لانج ما كنتي وياهم ولانج ما شليتي فونج واششششوفج راجعه مع منو . . مع الانسان الي كسرني . . الي كسسسسسسسرج وضيعج . .الي حطم حلم كنا بنعيشه انا وانتي وبنكون سعيدين . . راجعه معااااااااااااااااااااااه ولا كأنه شي بينكم صصصصصصار لدرجه اني حطيت ف بالي انج تمثلين علي خوفج بسسسسسسس لانج جازتني وماتبيني في حياتج . . افكار سودا توديني وتيبني وماقدرت ارجع الفندق وكنت ياي ع امل اوصل معاج لحل ونتفاهم وفوق هذا كله اعتذر منج لاني قلتلج كم كلمه تزعلج لكن ارجع اشوفج واقفه معاااااااه . . يشرحلج ويقولج مشاعره التافهة وتسمعين له . . شتترين مني يا مهره شـ تترين !!!!!!!!!!!!! آآآههه بسسس . . " يصد عينه عني " خلينا نرجع الفندق انا : خلنننننننننا نتكلم . . عطني مجال ارد عليك وليد : ما احس اني ابا اتكلم ف شي دخيييلج اعفييييني انا واصل للاخييييييييير من كل شي يصير ومتحمل وصاااااابر عشانج . . بس بقولج شي واحد . . " يطالعني عين بعين وبنره عذاآآب" ترا احنا بعدنا ع البر . . لو تحسسين ان خلاص قلبج ما بيملكه الا سيف . . اتركيني . . " يبتسم " وماراح ازعل منج . . لكن ماراح ارضى اتمين معايه دقيقه وحده وقلبج فيه ذره حنين له . . " يتنهد " وبنفس الوقت سمعييييني . . " يطالعني بنظرات تعب وعتاب " لو حابه تبتعدين . . عطيين خبر . . عشان اهيأ نفسي . . لكن لا تعلقيني مهور . . مابرضى انج تعلقيني اكثر . . ترا انا بعد تعبت وايد واايد والله بكل قوه عندي جابلته وكنت قريبه منننه . . احس بالضعف والالللللللم والحسسسسره ع الكلام الي اسمعه ماعرف شقول لكن بنفس الوقت ما راح اسكت واخليه . . لازم اتكلم لازم يسمعني لازم يعرف كل ششششي . . ماراح اعذب اكثر شخص حاول يطلعني من همي ويسعدني . . انا : وليييد . . " اطالعه بتركيييز وارمس من خاطري واحرك عيني على عيونه الهنتين " انا عارفه انك عانيت عشاني وايد . . وتحمممملت عشاني وايد وسويت اشياء يمكن غيرك ما يسويها لاتتحرا هالشي غاااااايب عن بالي مسسسستحيل . . مستحيل يغيب عن بالي ابببببدا . . انت سويت شي كبير طول ما انا حيييييه ما راح انساه ابد . . وليد يقاطعني ويمسكني من جتفي بقوه : انسي . . انا ما سويت الا سويته عشان اكبر بعينجج . . انا سويت لاني . . " يطالعني عين بعين " لاننني احبج . . لأأني شآآآآآريج . . لاني آبآآج حرمتتتتي واباج شريكه حياتي . . مستعد اتحمل واتحدى كل شي عشااانج . . وانا عارف الي صارلج ماكان بررغبتج ف باي حق انا اقسى عليج اكثر من الي صارلج . . تاكدي الي سويته عشانننني انا ابيج مش عشان اتمين معاي مجبوره وتردين لي الجمميل لاااااااا . . انا ماباج اتمين ويايه عشان إلي سويته اباااااج اتمينننننن معاااايه لاااانج انا اقاطعه : لاني اباا اتم معاك وليد يطالعني . . انا : انا اببيي اتم معااااااك . . مابيك تبتعد عني ولا لحظه . . مشاعري واحساسيسي دخيلك لا تعاتبني عليها . . مش شويه العشره والسنين الي كانت مع هالشخص . . لكننننن . . انا ما حنيت له . . مادري شلي خلاني اوووقف واسمع له لكن ما حنيييييت له . . ما راح احن لشخص اذاننننني وايد . . جرحني وايد . . نزل دموعي ليالي وفوق هذا كله ضيعني . . انا ماراح اسمح لقلبي حتى لو قلبي بغاه تاكد من هالشششي . . مستحيل علاقتي بسيف ترجع مستحيل . . الي بيني وبينه انتهى من اللحظه الي صد عني فيها وتزوج نورة . . من اللحظه الي كان يتجاهل فيها عيوني ويطالعها . . من اللحظه الي نسى فيها اننننننني كنت احببببببه واموت ف ترابه واني بنت عممممه و و و وليد يطالعني بقوة عين ويمسك جتفي بايدينه الهنتين . : لا تتكلمين عن مشششاعرج لـ واحد غيري وانتي تشوفيني . . انا اطالعه : مشاعري له الي خلتني اوقف واسمع بس بحكم العشره . . لكن مشاعر اني ارجع له وحنيت له وممكن يكون في امل لا . . سيف طاح من عيني وماصرت اعرف شخصيته ولا اعرفه ولا ادري اذا كان صادق او جذاب او يمثل لي مسرحيه يديده بدور المسكين . . كيف تبيني اروح لانسان انا ماعرف طينته ولا اعرف قلبه اسود ولا ابيض . . الي بيني وبينه انننننننتهى وليد انتتتتهى . . وليد يطالعني . . انا : وانا ما مثلت عليك والله العظيم " دموعي تنزل " انا جد اخاف منه وجد ذكراه تطب علي ف نومي وكوابيس اتذكر ذيج الليله . . هالشي انا مابيه ولا ابي احس فيه لكن جد زرع فيني الخووف . . وليد حظننننني . . : اششششش . . اي مشاعر واي احساسيس واي كلام يقدر يوصف الي احس فيه .!!! ماشي . . ولا شي يقدر يوصف الحظنه هذي . .بالرغم من رجفتي الواضحه لكنه ما هدني . . رص علي باقوى شي عنده . . انا ودموعي تنزل : انت قلتلي ب ثقه انك بتخلي قلبي ينبض باسمك . . وليد : وبعدني عند كلمتي . . ماراح اتخلى عنج ابد . . وقلبج ما بينبض الا لوليد . . جابلني ومسح دموعي . . وليد : بسج وانتي ترجفين . . انا بلعت ريجي . . وليد يمسح دموعي: وبسج صياح . . انا الغبي الي فهمت غلط . . بس " يبتسم " زين اني فهمت غلط . . انا اطالعه ولا ارادي ابتسمت . . وليد : عشان اسمع هالكلام الي يبرد الخاطر وعشان احظى بهالحظن . . " يقرص خدي" > > > 8 ومن بعد هاليوم . . تمينا يوم زياده وبعدها رجعنا البلاد . . واول شي سواه وليد انه زار يدتي وحظنها . . الله صفى قلبه من عقب روحتنا للعمره وسامحها وطبعا اوووووب يدتي سوت لنا هاييج العزيمه الي ما تنتسي . . ! قطعت الذكرى بنت جبت علي عصييير وانا شهقت . . البنت : سووووووري . . انا اطالع عباتي الي خاست . . البنت تنظفني ب كلينكس : سوووووري سوري والله سوري . . . انا اطالعها : لا حبيبتي عادي . . . البنت : اسمحيلي ما جفتتتتتج .. انا ابتسم : لا عادي عادي حصل خير . . البنت : تعالي نروح الحمام بنظفج . . ومسكت ايدي وسحبتني للحمام . . وقعدت انظف عمري وقعدت تنظفني . . البنت عقب ما نظفتني وكل شي : جد اسمحيلي . . انا : لا عادي افا عليج خلاص ما صار شي . . البنت تسلم : انا شهد . . انا ابتسم واسلم : وانا مهره . . شهد : ادري اعرفج من بعيد اشوف ربعج يزقرونج دوم . . ابتسمت لها ماقلتلها شي . . حسيت ان في شي غريب؟ لكن مادري ماعرف ماعرف ! شهد : شرايج اتضيفيني ع البي بي . . انا : اكيييييد . . وعطيتها كودي وضافتني وقبلتها وعقب رحت عنها . . كملت كلاساتي الباقيه وعقبها ظهرت وكان شهاب يترياني وركبت السياره . . انا : السلام عليكم . . شهاب بعصيبه : شوفي . . ذي الهبله تخلصيني منههههههههها اليوووووووم . . انا صديت ورى جفت رقوي قاعده . . رقوي : ها شوووو بلااااااااه . . كفايا مييييييلسني ورى وحالف لو ما يلست ورى ما بيشلني من السكول انا : شششفيك . . شهاب يحرك السياره : مهره انا فالدووووووام . . تتصل فيني عششر مرات تعال خذني تعال خذني اباا ارجع البيت . . ليش ما تتصل ف مايد ولا راشد ولا اخوانها الي بالرضاعه سيف ومروااااان وعبدالله يعني خللللللصصصو عشان تزعجني انا . . !!!! انا اطالع رقوي ورقوي تطالعني . . رقوي : كله يعصصصصصصب شهاب يطالعها من الجامه : اعقد قايل ماريد اسمع لج حس ولا والللللله انا اطالعه : خلاص خلاص بتسسسسكت رقوي : ما بسكت شو بتسسسسسوي . . انا اطالع رقوي : رقوووووووووي شهاب وقف السياره ع ينب : خل تنزل . . انا : شهاب اذكر الله شهاب : خل تنزززززززززل رقوي : ما بنزززززززل شهاب يطالعني ومعصب جد : قوليلها تنزل ما ابيها معاي فالسياره رقوي اطلع لسانها : ما بنززززل ما بنززززل شو بتسوي يعني شهاب نزل من السياره وراح ورى بيبطل عليها الباب لكنها قفلته ع طول وتمت تضحك . . انا : رقوي خلاص وربي معصصصصب بلا استههههبال . . رقوي : طااااااف لا تسوين له سالفه . . انا : خلينا نوصل البيت بسلامممممممه ورانا عرسسس رقوووووي نبا نروح نريح ونتعدل شهاب رد ركب بس مخلي باب سيارته مفتوح : قوليلها تنزل . . انا : شهاب عشاني اذكر الله . . شهاب: لا إله إلا الله . . خلللللللللييها تنزززززززل . . يرن فون شهاب ورد وعلى طول عطا رقوي الفون . . رقوي : امنوووووه ؟؟ الووووووو . . عقب شهقت . . رقوي : انزين امايا ترا انا دقيتلهم محد رد علي . . انزين ابا ارد البيت بسرعه هو دوامه جريب . . . وعقب تمت ساكته وحرك شهاب السياره وكان مسرع . . وكانت طول الوقت ساكته لان شكلها حرمت عمي قاعده تسفل فيها . . رقوي : ان شاء الله . . .انزين . . وفرت الفوووووون جدام وطاح عند ريولي . . وشهاب كان ياي ينفجر لكني قلتله : خلاص خلاص . .. اهدى . سكتت رقوي لين وصلنا البيت . . ومن عقب ما بركن . رقوي : خواف جبان . . لو ريال ما بتخبر اممممي . . وبطلت الباب بتنزل ورد وراها بطل الباب بسرعه وسااار صووووبها ومسك جتفها بقوة ورجع ايدها ع ورى شهاب : شـ قلتتتتتتتي انا سرت صوبهم : شهاااااااااااااااااب ودرررررها رقوي : آآآآي آآآآآآي . . تستقوى ع بنتتتتتتتتت هااااه . . هاي رجووووووولتك شهاب يرص اقوى ورقوي تصارخ انا : ششششهاب بتفضضضضضضضحنا خلاااااصصصصصصص شهاب دززززها ع السياره واندق راسها بالباب وتألمت . . رقوي سكتت مره وحده وكانت حاطه ايدها ع راسها . . انا : رقوووي شفيج رقوي ساكته بس حاطه ايدها ع راسها وتتألم . . انا : تعورتي . . " اطالع شهاب بـ لؤم " زززززززين جي . . شهاب كان يطالعها وحسيته تلووووووووم مووووووت . . انا : رقوي وخري ايدج انزين خليني اشوفج شهاب خلاص حسيته جد ارتبك لانه ماتوقع تتعور !! شهاب: يابنت وخري خليها تشوفج . . رقوي تطالعه : ويييييييييييو . . ما صارلي شي . . شهاب يغمض عينه . . وركضضضت رقوي هي وشنطتها سايره بيتهم . . رقوي تصارخ : مهور دقيييييلي يوم بيجتمعون وراحت . . انا اطالع شهاب وفيني ضحكه . . شهاب: لا تضحكين لاني والله مش قادر اتحمل . . انا : ياهل ياهل ماعليك منها ههههههههههههههههههه شهاب : مههههههههاري !!!!!!!!!!! انا : خلاص خلاص ما بضحك . . شهاب يتنهد : دخلي يالله يوعان حدي . . انا : هههههههه . . شهاب : وربي انتي الي بتنضربين الحين . . انا : اييييه . . بخبر عليك وليد هااا . . شهاب يبتسم : ايييييه هييين . . تستقوين ب وليد الحين هاه .. انا ابتسم . . شهاب : زين بنجوف . . احنا نمشي بندخل داخل وصل وليد بالسياره وبركنها ف بيت يدي . . للتذكير ترى من بعد سالفه وليد وام وليد وعمي خالد " ابوه " وشهاب ومن بعد طلاق عمي خالد وحرمته . . حرمه عمي تمت عايشه ف الطابق الي فوق وعمي خالد اول الايام تم يرقد ف بيت يدي و وليد بعد ما يتم فالبيت . . كله ف بيت يدي عنده اوردي غرفه اهناك . . عقبها عمي خالد رجع البيت وصارت رمسه وكلام كيف يعيشون مطلقين بنفس البيت وطلعت حرمه عمي خالد " ام وليد " . . عمي خالد خذالها بيت صغير جريب منا لكن مش وايد . . وبعدها هو رجع البيت لكن وليد تم عايش ف بيت يدي ونادرا ما يرجع بيتهم ! شهاب يعيد لي الحركه الي سواه ف رقوي . . مسك ايدي ورجعها ع ورى . . وجد عورني . . انا : شهااااااااااااااااااااب شفيبك جلبت علي . . آآآآآييي هددني . . وليد نزل من السياره ويطالعنا . . شهاب: بنشوف الي تستحمين فيه شـ بيسوي . . انا : شهااااااااابو يالخااااايس انا اختتتتك . . . شهاب يرص اقوى . . انا : ااااااااااي وربي يعووووووووور .. وسحبني شهاب لين حوش بيتنا . . وليد : انت شعننندك . . ويمسك شهاب بطريقه حرييييييييييفه ويلف ايده كلها ع رقبته : شعنننندك اقولك . . شهاب: ههههههههههه يالهرم . . انا : شهابببببببب هدددددددني انا ماعرف وليد شقاعد يسوي بالضبط ماقدر اجوف عدل لكن اظن رص عليه اقوى شهاب: آآخخخخ . . هد بهددد انا : ولييييييييييييد وليد يرص عليه : هددددددددددددددهاااااااااا شهاب : يالعياااااااااااره وليييييد وليييييد هااااا . . وليد : ههههههههه هدها يا حيوان والله بتنددددددق قوووو . . شهاب: قلتلك هددد بهددد شهاب يرص علي جان اصرخ اكثر انا : اااااااااااااااي بتتتتتتتتتجلع ايييييييييييييدي قسسسسسسسم هدددننني وليد زغده ورجعه ع ورى اقوى مما خلا شهاب يهدننننني انا : يا حيووووووووان يا شهاااااب انا شوووووو سويييييييت .. تميت حاطه ايدي اليسرى ع جتفي اليمين . . وليد يضارب وياه مال سوالف : شعندك انت شعنننندك شهاب: اخو يضارب ويا اختتته شتبي انتتتتتت وليد : اقووووووولك . . بدفنك اهني هاااااا انا : ههههههههههه . . حسيت روحي جي استانست واستحيت . . وليد هده واطالعني يوم ضحكت وابتسسم ويا عندي شهاب يطالعني : انزين مهور . . تراج معاي بنفس البيت طول الوقت . . وليد يطالعه : رححح رححح لم ويهك . . شهاب يي صوب وليد اونه بيضارب . . وليد : ههههههه روح ياريال راسي يعورني شهاب : اييه اتحرا . . وليد يمشي بيروح : تعال تعال شعندك شعننننندك انا امسك ايد وليد : ههههههههههههه خلاااااااااااصصصصصصصص شهاب يبتسم ودش البيت . . عقبها هديت وليد . . وليد يطالعني : عووورج . . ؟ انا حاطه ايدي ع جتفي : شوي . . وليد الحيوان حطا ايده نفس المكان الي انا حاطه ايدي ونزل ايدي وتم يضغط ع المكان بقوة وليد : اهني ؟ انا : اااااييي .. وليد يبتسم ويهمزني بشويش . . : دواه عندي الهرم عقب . . انا ابتسمت . . وليد : بترقدين . . ؟ انا : لا ما يمديني ارقد . . يادوب بصلي وبتغدى وعقب بنجتمع . . وليد : لو قلتلج شي بتسوينه ؟ انا اطالعه : شوو . . وليد : ممممم . . انا : شو . . وليد وخر ايده عن جتفي . . وليد : تعالي نقعد اهني . . ياشر ع المريحانه .. راح قعد وقعدت حذاله وبينا مسافه بسيطه . . وليد يطالعني انا : قووووول خرعتني . . وليد : بتترين مروان لين ينزل ويشل شما وبتروحين .! انا : هيه . . قلتلك انا ناوية اسوي جي هاك اليوم! نسيت وليد : ما نسيت بس . . انا اطالعه اتريا يكمل . . وليد : ليش ما اتمين لين نهاية العرس انا اطالعه : نعم . . وليد :لين تنزل نورة وينزل سيف يشلها . . انا : ليش . . وليد : لو قلتلج تمي بتمين انا : ليش تبيني اتم وليد يطالعني عين بعين : بيعورج الموقف لو شفتيه انا اطالعه وتغيرت ملامحي للصدمه . . وليد : جاوبيني . . انا : وليد شهالسؤال البايخ وليد : جاوبيني ليش ما تبين . . انا : قلتللللللك قبل انا مابي اشووووفه ولا ابي اشوفها . . وليد: واذا انا قلتلج تمي . . انا اطالعه : انزين ليش تبيني اتتتتتتتم . . وليد يطالعني ولاحظ اني تنرفزت . . كان ياي يقرص خدي لكني دزيت ايده قبل لا يحطها علي . . وليد : انتي ع الدقه تعصبين صح . . انا : ليش تبيني اتم جاوب . . وليد : عشانج . . انا اطالعه . . وليد : والله عششانج . . انا : فهمني كيف عشاني . . وليد : عشان تفتكين من كل شي . . انا : بس انا ما ابي . .مش عشان شي انا اكره اشوفه واكره اشوفها وليد : اولا عشان عمي حمد . . الي لو وصلته الرمسه انج رحتي تعرفين الكلام الي بيطلع انا : خله يقول براااااااااااايه ما يهمني وليد : ولا يهمني انا . . بس انا ماباه يأذيج . . ولا يتكلم ولا يحششرج حتى لو شويه ويصدع براسج . . شاري راحتج انا !!! مابي الكلام ورى كلام يضايقج حتى لو شوي انا اتنهد . . وليد : افتكي من الموقف ومن الرمسه . . وبعدين . . انا اطالعه وليد : مابي حد فالعايله بحط ف باله ويفكر ان مهره طلعت عقب ما انزف مروان وشما بس لانها بعدها تحب سيف وماتقدر تجوفه لغيرها . . هالكلام بينقال لو رحتي وانا ماريد اي واحد يفكر هالتفكير ويحطه ف باله . . ابيج تشوفين وتضحكين وتصفقين و ولا على بالج وفوق ها كله . . انا اطالعه باندماج . . وليد : تسلمين عليه وهو معاها مع البنااات يوم بيروحون . . انا : وليد وليد : عشان يوصله انج نهيتيه وما يهمج . . انا اصد الصوب الثاني . . وليد : انتي ترومين تسوينها . . انا : وليد ليش تصعب علي الامور وليد : انا ما اصعب عليج شي . . انا قاعد اريحج من امور وايده انتي بنفسج مش حاسه . . والي بتسوينه بيكون له تاثير ثاني لوايد اشخاص . . انا : . . وليد : بتسوين الي قلته ؟ انا اطالعه .. وليد يبتسم : بتسوين صح انا : انزين . . وليد يبتسم : عفيه ع بنتي الشاطره " يحط ايده ع راسي " انا : . . وليد : جوفي . . انا اطالعه . . وليد : انا ساكت عنج ترى . . انا : ساكت عن شو . . وليد : عن الشيله الي ما تفارجج وانتي ويايه . . انا ابتسمت . . وليد : اليوم عقب العرس انا الي باخذج . . انا اطالعه ومبتسمه : انزين . . وليد يبتسم : وانا اول واحد بشوف كشختج . . انا ابتسم اكثر : هههه انزين . . وليد : شو بتلبسين اي لون . . انا : بنفسج وليد يبتسم : ابوي العيناوي . . ميره تدخل بيتنا : اوووووووهوووووووو " تصد تطالعنا " بسسسسم الله . . مايد وراها : يعني ما ينعرف لج صصصصصراحه " وصد واطالنا " وليد : يو الي يصدعون بالراس . . وانا روحه راسي يعورني انا : دش معايه اتغدى وعقب بعطيك بندول . . مايد : اييه انتي وين يدش معاج . . تجمع صالون عندكم . . انا : انزييين عقب ساعتين بيوون اصلا الي مال الصالون ويا ويهك . . ميره : خليه يولي ها خبله مايعرف وين الله حاطنه مايد يطالع وليد : يعني شوف كيد النساااا . . كانت تترياني اوصل من الدوام وانا اشوفها وتام فالسياره وملاحظ انها كل شوي تفتح البااااااب توايج علي ميره : يعني لازم اواااااايج علييييييييك . . مايد : تطالعين سيااااارتي توايجين على منو يعني ميره : كنت بشوف لو الطريج خالي عشان اي عند مهووووور . . . مايد : تشوفين الطريج خالي ذاك الصوب الي فيه سيارتي وبيت عمي الله يرحمه الصوب الثاني . . اي مينون بيصدقج وليد يرفع ايده : انا اصدقها . . مايد : انت خلك ساكت . . انا ابتسمت . . ميره : ذذذبحني ذذذبحني . . عمري ما شفت زواج بالغصصصصب عمممممري . . ياخي انا مابا اتزوج انت ليش ما تفهم . . مايد : بنت عمي اعتقد انتي عارفه الموضوع . . اهي بنفسها يت لين عندي ميره ترفسه : ايييييييييييييه . . وليد اهني وليد يطالعني : وين يت عنده ليكون دخلت عليه الحجره . . ! مايد : هههههههههههههههههههههههههههههههههههههههه ميره : لااااا طببببببببببببببببببعا شووووووووووووو مسسسسسستحيل . . " تطالعني " انا : هههههه لا يقصد سارتله وقالتله انها موافقه .. ميره : انا ما قلت اني موااااافققه مايد : بس انا قلتلج لو ييييتي معناااته انج موافقققققه . . ميره : ولد عمي يصير زواج الغصب ؟؟ وليد : يصير ميره : ترا ريلج حيوان واللله . . شوي يوقف ويايه وشويه وياه . . انا ابتسسم . . وليد : لاوالله ؟ تقولج ريلج حيوان وتضحكين ؟ عبدالله وعنود وصقوري دشو . . عبدالله : السلام عليكم . . ماشاء الله فالظهر قاعدين برا الكل : عليكم السلام . . . وليد : الجو عجيب . . الجو كان طرررر .. ولا جنه الظهر ! جنه المغرب من الغيييم ماشاء الله . . انا : الولللللللللللللد . . صقوري يربع صوبي : مهااااليييي انا : عيوووووووووووووووووووووووووووووووني قلبببببي . . وشليته حطيته فحظني . . وليد يطالعني : لاتغيرين السالفه انا اطالعه : شفيك .. عنود : يو ولا بعدهم ؟؟ ميره : لا بعدهم وليد : شو الي شفيك . . تقول ريلج حيوان وانتي ضحكتي انا : ميروه لو سمحتي لا تقولين حق وليد حيوان مره ثانية . . " اطالعته " جي زين وليد ابتسم : اتحرى . . . مايد يرمس بشويش عشان عبدالله ما يسمع : شوفي شوفي وتعلمي . . عبدالله : عنود انتي شعندج من عز الظهر اهني . . " يطالع مايد " وانت . . مايد : هاه وليد : انا زقرته اباه ف سالفه . . عبدالله : زيين . . " يطالع عنود بنص عين " تسترتي . . يقصد تتحجب عدل لان قصتها كانت ظاهره . . وتحجبت وهي تتحرطم بشويش . . عنود : خلاص حبيبي روح . . لاحظت وليد ابتسم بس ما علقت . . عبدالله : لو ضايقج صقر ولا تعبتي دقيلي بشله . . اانا : الولد بيتم عندي ولا بيضايق امه ولا شي . . عبدالله يبتسم : هههههه . . " يطالع عنود " تبين شي . . عنود : تعال ادخل اتغدا الحين بيحطون الغدا . . انا اقوم : هيه عبدالله ادخل احين بيحطون الغدا . . عبدالله : مش يوعااان برقد مدوخ . . عنود : يالله بتاكل شوي عقب بترقد عبدالله : باكل العصر يوم بقوم . . عنود : الحين بتاكل يالله اشوف . . ادريبك العصر متلوع وما تبا الا دله القهوة . . مايد : يا ريااااااال ممنو قدك . . رووووووح والقلب داعيلك . . والله بنت عمي انتي جننننه . . وليد يبتسم : هيه والله . . محظوظ محظووووظ ولد عمي .. عبدالله اتشقق : شو نسوي بعد . . عنود : هههههه لا تسوي شي يالله ادخل وكل . . عبدالله : انتي تامرين .. كم عنود عندي . . ودش عبدالله وعنود . . وصقوري يوم شاف امه وابوه بيدشون خاز عني وركض صوبهم . . مايد : انا بتغدا عندكم بعد . . انا : حياك ولد عمي ميره : انتي ايييييه شو حياك . . بييلس يلوع بحبببببببببدنا . . انا : لا تسويلها سالفه ادخل ادخل ودخل مايد وهو يبتسم ودخلت وراه ميره : ميوووووود انت لازم تاكل يعني ؟ بتموت لو ماكلت مايد : هيه بموت لو ماكلت بمووت . . ميره : اعنبوه حياتك كلها صصصصراط ف صراط . . شوف كرششتك كيف غاديه مايد : انا زين مني فيني بطن تقولين كرششششه . . وتمو يتحرطمون ع هالموال لين دشو داخل . . . وليد يطالعني : انا اطالعه : شفيك . . وليد : ما بتعزميني اتغدا . . انا : قلتلك قبلهم اتغدا وعقب بعطيك بندول عشان يخف راسك . . وليد : ماباكل . . انا : ليش . . وليد : بس جيه ما باكل . . انا : لازم تاكل عشان تروم تاخذ البنادول ويسوي مفعوله وليد : باخذ بندول من دون ما اكل . . تميت اطالعه مارديت . . وليد يطالعني . . انا قمت .. وليد قبض صبعي السبابه . . صديت صوبه . . وليد : ما ترومين تاخذين طبايع اختج ؟ " يبتسم " شحلات حبيبي يوم تطلع جدام الخلق . . انا احين عرفت ليش هو ابتسم مساع . . وليد : قعدي شوي . . رجعت اقعد حذاله . .وتم مثل ما هو ماسك صبعي وبعدها بدقايق حطا راسه ع جتفي . . حسيت باحراج فظييييييييع لكن سكت . . تم يلعب بصبعي وتمينا ع هالحال مال خمس دقايق . . انا : قوم يالله عشان تاكل . . ما بتاخذ البندول بدون اكل وليد خوز راسه عني وهد صبعي وحطا ايده ع راسه . . شكله وايد يعوره . . غمضني . . انا : يالله نش . . قام وليد ودخلنا داخل . . رحت عنهم فوق تغسلت وصليت . . كنت بسبح لان احس ريحه العصير شوي تامه لكن قلت عقب الغدا الحين يوعااانه . . رجعت نزلت وبسسسست اميه ويلست حذالها ع الطاوله هي على يميني و وليد ع يساري . . كنت كل شوي الاحظه لو ياكل او ولا . . احس اني احاتيه . . ومن بعد ما خف صحنه على طول زدته عيش وابتسم . .!! يمكن استانس لاني ملاحظه . . عقب الاكل رحت يبتله بندول وماي دافي وعطيته . . وليد يطالعني : تسلمين لي بنت عمي . . انا : فيه الشفا ياربي . . وليد يقوم : عيل انا بروح بيت يدي برقد شوي . . انا : لما تقوم طرشلي مسج طمني عن راسك زين ؟ وليد يبتسم : ان شاء الله . . وانتي تحملي ع روحج انا : ان شاء الله ميره : ياللللللللله رييييايييييل بدون مطروووووود برع برععع برررررررع . . عنود : صبري خل يخلص ريلي . . كممل . . ميره : انتي لو خليتي الرياييل يالسين بيتمون ياكلون لين باجر لازم توقفينهم . . مايد : هب عليييج . . اميه ابتسمت : بالعافيه عليكم انا : يالله رووح الحين بيوصلون . . وليد ابتسم وعقبها طلع وراح . . الله يشفيييييلك راسك يارب . . عقبها طلعو الرياييل وعقب ربع ساعه وصلوو بنات عممممي كلهم البيت وبدت الحفله والربشه والرقيص . . . يو عقبها بنات الصالون كان عددهم 4 . . اثنين مكياج واثنين يسوون تسريحه . . انا قلتلهم ابا اكون اخر وحده لاني ابا اتسبح وعقبها ابا اغفل شوي اريح . . زين انه ياذن العصر بدري . . الساعه 3 ونص عقب ما خلصت صلاه العصر رقدت وعقب ساعتين قمت ع رنه الفون . . كان فيديو كول من شماني . . انا ع طول رديت . . شماني تطالعني : مهوووور شرايج فيني . . انا : فدييييييييييييييت العروووووووووس . . ماااااااااااشاء الله شمممماني ماشاء الله قمممممر قممممر . . شماني : مهور صدق ؟ انا : والله انج تخبببببببلين مووووت . . جد جد حبيييييتها وايد . . اول مره اشوفها بمكياج فففففففل . . وجي الشدو الاسود الي مرسوم ع العين مغيرنها وايد وايد ومع الروج العنابي الفاقع طالعه مممملاك . . حتى التسريحه مع اني ماشفتها عدل بس شعرها الملموم ع فوق وايد عيبني بالذات لفته مع الطرحه . . حرمت عمي خالد تطالعني : اقولها ما تصصصدقني . . انا : الله حتى انتي حرمة عمي ماشاء الله عليج غاااااويه حرمه عمي خالد : هههههه حبيبتي يا مهره . . انتي راقده ؟؟؟ انا : هييييه ما حسيت بالوقت ولا حد من البنات يا وعااااني . . يالله برايكم خالووووه بشوفكم فالصاااله .. وبندت عنهم نشيت صليت المغرررب وعقبها نزلت تحت . . انا : يالحمير ليش محد واعاني . . شيخه : ترا احين بيخلصون رقوي وكنت بي بواعيج . . يلست اشوفهم كلهم . . البنات كلهم كانو يجننون صرآآآحححه . . مكياج وتسريحه جد حبيتهم وحبيت تعديلهم . . بدت الضجه والبنات يلبسن الفساتين ويدورن . . وانا بعدني الفقيره ب بجامتي .. لين الزوبعه العوده الي صارت لما شهاب فتح باب حجرته المجابله الصاله الي احنا مسوين فيها اليوله !! شهاب يتثاوب : شهالحشره مهور . . البنات قامن يصارخن ويربعنننننننن حوالين البنات وينخششششن ف كل مكان . . انا اشهق : شششششششهاب دشششششش داااااااااخل . . !!!!!!!!!! شهاب مصدووووووم كان مثل الصنم واقف ما يعرف شو يسوي . . الغلط مننننننننني . . هو وصل من الدوام رقد ومحد واعاه ع الغدا واصلا هو ما يعرف عن تجمع الصالون ولا حد مخبرررررنه شو يعني . . رقوي : هديني هديني خلاص بس جي اوكي . . سارت صوب شهاب وتبتسم : شرايك فيني . . شهاب كان مصدوم ويطالعها وما يتكلم . . رقوي فستانها اخضر غااااامج ومتعدله باسود واخضر وبرتقالي . . ماكان دفش وايد وخاصه ان رقوي ياهل ونحن مانشوفها بجحال حتى !! ف كان تغيييير كبيييييييير جد جد جد جد . . شهاب يطالعها : انتي ما تستحين ع ويهج ومافيج ادب . . انا سرت صوب شهاب ودزيته: دشششش الحجره لا تظهر . . لو وصل عمومي الخبر بيجتلوووونك . . شهاب: كيف تبيني اتم اهني طلعييييني . . مابا اتم اهني . . انا : اففففف . . وطلعت من الحجره وشفت الصاله مول ما يصير اخشش كل شي وكل هاليوله . . شليته غترته وسكرت عينه عدل وشليت غتره ثانيه ورديت حطيتها ف عينه للتاكيد . . وسحبته لين ببببببرا البيت و وصلنا الحوش . . وبطلت عنه كل شي . . شهاب: ردي غتري مكانها بسرعه هاييل يداد . . انا : والله متفيج . . انت حات عمرك ماتدري شو بيصير لك شهاب: انزين ماكنت ادري انا : سير سير عند وليد خل يدسك احسن . . وسكرت الباب ورديت داخل فريت غتره فالحجره وعقب سرت عند الي تمكيج وبدت فيني . . قلتلها اني ابا الاسود وايد ف عيني وسوت شرات ما طلبت منها . . رسمت عيني بالاسود من فوق وتحت ودمجته بالنفسجي الغامج الي شرا لون فستاني . . حطت لي روج وردي عذآآب وكبرت شفاتي . . رسمت حواجبي وطولتهم لي اكثر . . وخليتها تحدد حبة الخال الموجود جريبه من شفاتي باللألاينر عشان تبين عدل . . اما التسريحه سوت شعري كله كيرلي وعقب لمته ع فوق مع حلقة كريستال يلمع بالفصوص . . . فستاني كان بسيط . . بنفسج مرتب ع الجسم مع حزام كريستال بطريقه تجنن وظهر مفتوح . . من بعد ما خلصت انا سرت ادور اميه ما حصلتها قالولي انها سارت ويا يدتي الصاله بدري و ويا باقي الحريم . . حاسبت مال الصاالون ومن عقب ما رااحت . . خليت الخدامات الي يلبقون لنا فحم عشان نتبخر . . ولقيت اميه اوردي مزهبه صينية العطوور والدهن عود والبنات تسسسبحن فيه . . وسرت تسبحت فيه شراتهم . . كنت ابا الفت الانتباه باي طريقه . . بس عشان اقول وابين للناس جوفوني انا سعيده ومرتاحه باختياري مع وليد . . وكل الي كان يرمس عني لما يشوفني يسكت ولا يبطل حلجه بحرف . . شيخه متعامله مع محل يايب لنا اكسسوارات اشكال والوان وطبعا بنات عمي ما قصرن اشترررررن بما فيه الكفااااايه واحس الحرمه الي يايه من المحل استانست عليه هههههههه ربحناهم ف يوم واحد بحكم ان الاكسسوارات فصوص وغاليه حيل! بالذات رقوي وربعها . . لانها زاقره ربعها يتعدلون ويانا انا ما خذت من عندهم . . لاني كنت مزهبتلي ذهب ابيض انيق وايد . . لبسته ولبست ساعتي ورديت تعطرت مره ثانية وحسيتني خلاص زاااهبه . . اذن العشا الساعه 7 ونص . . من بعد صلاة العشا عميمه نورة كانت فالسياره ادق هرنات . . طبعا كل مره ماتحب تتعدل ويانا ع الحشره الي نسويها . . كانت يايه من الصالون وتتريانا . . ركبو معاها خلود وشيخه وانا اتصل ف وليد ما يرد علي ف ركبت وياهم بعد وكنا مترصصين حيل . . عبدالله فالسياره الثانيه ركبت معاه عنود اختي وميره . . تمو فالبيت رقوي وربعها لان ماتقدر تركب ربعها ويا عبدالله . . ف عميمه نورة قالتلها بتوصلنا احنا اول الصاله وعقب بترد تششلها هي وياهم . . وصلنا الصاله ع الساعه 8 الا ربع . . الصاله كانت بعدها شوي ناس فيها . . انا رحت عند شماني ع طول فوق . . اول ما دخلت عليها تخبلت وقعدت اسمي واصلي ع النبي من حلاها . . كانت ترمس مروان ف الفون وحاطه سبيكر لان ماتروم تحط الفون فاذنها عشان ما يخيس البودره والبلاشر . . مروان : شماني حياتي انا مهيئنج البارحه واليوم ولا جنننني قايل شي شماني تطالعني : انزين خاايفه شو اسوي مروان . . مهوووووور مروان : مهور يت .!! شماني : هيه . . مروان عطيها الفون . . انا شليت الفون : هلا مروان مروان : بنت عمي دخيلج طلبتج . . من الصبح تترجاني اقنعج . . انا : ف شو مروان : انتي نزليها . . انا : اننننننننا !!!!!! مروان : دخيلج بنت عمي . . انا اطالع شماني . . شماني : اميه مافيها شده تمشي ويايه مع الفستان وخواتي ما يبون وانا اصلا اباج انتي لما اشوفج معاااايه بحس بالراحه مروان: لاتردين العروس . . انا مادري جي احترت ماعرفت شقول . . . شماني : الله يخليج . . انا : انزين مروان : يعلننننني فداج بنت عمي . . انا : هيه هيه يالمصلللحه . . هههههه يالله انزين برايك . . مروان : لحظه اوصفيلي اياها اول انا : عقب بتجوفها يالله فارج . . وبندت عنه . . انا مسكت تلفوني احاتي وليد . . دقيت له مره ومرتين وثلاث مايرد . . جان اتصل ف شهاب . . شهاب: ياوخيتي يييتي ف وقتج . . عمومج شلو عني السياره انا : هههههههههه مش وقته عقب خبرني . . جفت وليد ؟ شهاب: اييه انا معاه فالغرفه . . انا : عيل جي ما يرد عليّه . . شهاب: راقد . . اواعيه حق الصلاه كل شوي يصلي ويرد يرقد . . انا : انزين خلاص اوكي . . وليد : هااااات . . الوو . . انا : انت ووينك الله يهديك . . وليد : اطلع برررع . . شهاب : انت الي قوم اطلع برع وليد :ششششهاب ااااطللللع شهاب: ماني طاااالع . . وليد : بدققققك دق وربي شهاب: انت الي تبي تتكلم اطلع انا : خلاص انزين شو تبابه يطلللع خله برايه . . وليد : اتريا خل ارجع والله بدافن وياك . . وطلع وليد من الحجره : الو . . انا : هلا . . وليد : سووري والله راسي من كثر ما يعورني كنت بس ابا ارقد ما انش انا : لا افا عليك ولد عمي . . شخبار راسك الحين . .؟ وليد : زين الحمدلله اهون . . وينج . . ؟ انا : فالصاااله . . وليد : منو ششلج انا : عميمه نورة . . وليد : صخه عيل عندج ما اسمع حس . . انا : لاني مع شما فوق . . وليد : ما ناويه تنزلين . . انا : تبيني انا الي انزلها . . وليد : لاااااه ؟. انا : هيه . . . وليد : وليش انا : مرتبكه وتعرف هي وايد وياي وتثق بكلامي وتعتمد عليّه وجيه . . وليد : بينظرونج الناس . . انا : انت ما جفتني . . ألوع بالجبد محد بينظرني وليد : ههه ماصدق . تخبرت من وراج اصلا . . انا : توك راقد متى تخبرت وليد : تخبرت قلبي . . يقولي انج ملاك . . انا ماعرفت شقول احرجني الكلب . . وليد : انزين . . انا : انزيييين . . وليد : أرمسي قولي . .. انا : شقول . . وليد :بتنزلينها عيل هاه انا : هيه . . وليد : متى ؟ انا : الساعه 10 ونص اظن هي بتنزل .. وليد : وشو بتسوين طول هالوقت وياها . . انا بقعد انصحها وبيون الكبار بعد الحريم وبينصحون . . وليد : هيه اقعدي اسمعي انتي بعد النصايح . . انا : لاوالله وليد : هيييه . . اسمعي النصايح الزوجيه حق عرسنا . . انا متتتتتتتتتتتتتتت .. افففففففف ماحب يوم يحرجني اموت فشله وماعرف ارد وينبلع لساني . . وليد : ويايه ؟ انا : جب . . وليد : ههههه فديتها . . انا : انزين خلاص انا منخشه ع طرف واشوفها تطالعني اكيد تبيني اكلمها . . وليد : بتقعدين وياها تراج وبتخيسين معاها كم ساعه . . خلج ويايه توني الا مرمسنج . . " يتثاوب " اميه صعدت فوق وتطالعني : اميه مهره ؟ ليش جذه ظهرج مفتوووح الله يهديج . . وين الشال . . انا ماقلتلج تغطي لا تطلعين جيه . . وليد : ايوا . . هالششغل مهروه هاه . . انا : امييييه يوم واحد ما يضر وليد : وين الشال انا بييبه . . انا : شو تيييييبه انت بعد . . اميه : عقب تعاليلي فليل قوليلي جسمي حبب راسي يعورني جسمي يعورني ماروم امشي . . وليد : شهالكلام مهروه . . ليش متفصصصخه انا : شو متفصصخه انت بعد ايييييه . . الظهر شوي مفتووووح . . وليد : شوي ؟ انا : يعني اكثر عن شوي بشوي وليد : ايووا . . بدا شغل الاستهبال انا : خلاص وليد يالله بروووووح الحين بكلمك عقب . . وليد : لحظظظظه . . انا : هاه وليد : ياويلج مني والله ماعليه لو سمعت بس عقب العرس صارلج شي . . انا : الله الحااااافظ ما بيصيرلي شي وليد : انزين خلي عموه ترقييج سمعتي انا : ان شاء الله . . وليد : انا بي بشلج عقب العرس . . انا : انزيييين . . وليد : ديري بالج . . انا : خلاص وليد . . وليد : يالله زين . . مع السلامه انا : مع السلامه وليد : اقوول .. انا : هااااه . . وليد : خلي الكل يتكلم ويقول ياحظ وليد . . انا سكتتتتتتت ماعرفت شقووووووله . . وليد : هههههههه يالله فمان الله الغاليه . . وبندت عنه وقعدت اجوف عمري واقتنعت بروحي . . تمنيت وليد يجوفني ويقولي رايه عشان اكون واثقه من نفسي اكثر . . تمييييت مبتسمه وايد وفي بالي مكالمته . . حبيتها حيل . . كنت ابي انزل واشوف الربشه فالعرس لكن شماني مول ما رضت اني افارجها وقلت خلاص اريح بتم معاها عشان الناس كلها تشوفني بعد مره وحده وانا فوق وانزلها .. !! . . . . السلام عليكم ورحمه الله وبركآته متاكده حيل ان البارت بيعيبكم وآآآيد = ) ! حبيته يكون خفيف بدون هم وحبيتكم تضحكون وتعيشون الجو بما ان كان مزاجي رآيق حبيتكم تروقون ويآيه . . اترقب رآيكم وانتقادكم وتوقعاتكم . . ولقائنا الويكند الياي بأذن الله . . . بحاله الي حآب يتوآصل مبآآآششره معآيه . . اكاونتي ع تويتر ارد ع الجميع = ) ! katbt_uae وبعدني اقولكم الي يضييع مكان البارتات يدخل صفحتتي فالمنتدى وياخذ الرابط بكل سهوله والله يتقبل صيآآمكم يلي صآآيمييين . . وحبيت اخبركم اني نجححت الحمدلله ف كل المواد ودرجآتي حلوه بعد . . تسسلمون لي ع وقفتكم ويآيه ف كل وقت . . اششوفكم ع خيير . . ! فمان الله . . |
| |
11-23-2012, 04:23 PM | رقم المشاركة : [ 969 ] |
عضو جديد | واخيرا ضحوي حدرتي نتريا البارت غلايهه __DEFINE_LIKE_SHARE__ |
| |
11-23-2012, 04:28 PM | رقم المشاركة : [ 970 ] |
عضو ذهبي | السلام عليكم ورحمه الله وبركآته متاكده حيل ان البارت بيعيبكم وآآآيد = ) ! حبيته يكون خفيف بدون هم وحبيتكم تضحكون وتعيشون الجو بما ان كان مزاجي رآيق حبيتكم تروقون ويآيه . . اترقب رآيكم وانتقادكم وتوقعاتكم . . ولقائنا الويكند الياي بأذن الله . . . بحاله الي حآب يتوآصل مبآآآششره معآيه . . اكاونتي ع تويتر ارد ع الجميع = ) ! katbt_uae وبعدني اقولكم الي يضييع مكان البارتات يدخل صفحتتي فالمنتدى وياخذ الرابط بكل سهوله والله يتقبل صيآآمكم يلي صآآيمييين . . وحبيت اخبركم اني نجححت الحمدلله ف كل المواد ودرجآتي حلوه بعد . . تسسلمون لي ع وقفتكم ويآيه ف كل وقت . . اششوفكم ع خيير . . ! فمان الله . . __DEFINE_LIKE_SHARE__ |
| |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
خادمة "تذبح" طفلة مخدومها بحفر الباطن | محروم.كوم | منتدى أخبار المواقع والمنتديات العربية والأجنبية | 1 | 04-16-2013 02:04 AM |
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف)) | محروم.كوم | منتدى أخبار المواقع والمنتديات العربية والأجنبية | 0 | 01-20-2012 04:10 PM |
بلاك بيري تورش 9860 فل تتش مع بن ممير """""""""""""""""""""" | محروم.كوم | منتدى أخبار المواقع والمنتديات العربية والأجنبية | 0 | 10-28-2011 11:00 AM |
""""""""مطلوب لكزس lx570 الدفع كاااش """""""""" | محروم.كوم | منتدى أخبار المواقع والمنتديات العربية والأجنبية | 0 | 07-19-2010 03:50 AM |
"""""""""""""""""""""""""""فساتين زفاف راقية ومميزة """"""""""&am | محروم.كوم | منتدى أخبار المواقع والمنتديات العربية والأجنبية | 0 | 07-13-2010 12:00 AM |