رّوآيه " هآيـم فيّ بحـر آلشّوق وُ لذة هيآمك " - الصفحة 286

GENERAL.B5OOT · #1 03-15-2013, 03:26 PM

سلم علييككم . . . . !
مساءالنور...
شحالكم عساكم بخير و [COLOR="rgb(105, 105, 105)"]سهالهه [/COLOR]. . . . ؟

امممم كاتبتنا العزيززةةة ابدعتي الصراححةةة فكتاباتك و السبب الوحيد الي خلانيةةة اسجل فالمنتدى رواياتج . . . اهنيج الصحراحةةة على هالابداع و تستحقين لقب *افضل كاتبية ف الامارات* بجداااررةةة

بالنسبةةة لشخصيااتت :

مهرةةة : شخصيتهاااا وايد حلوووهه , بس تقههر يوم تدخل ف دوامات الحزن المببالغ فيها , شخصيتها فيها شوي خلل ف الثقةة , صح الي مرتتت فيةة وايد بس بعد لازم تكون قويةة عشان ماتكون صغيرة ف عيون الجميع , و اه هه ه انقهرررت يوم قريت انهااا كانت تتخيل انها تقووولللة أححبببك* اهه عششت اللحظةة بس يانية احباااط ....

وليييدددد : اهههههه احححب هالانسااااان لو يكونننن في ناس جد نفس شخصيتةة بيكوون واو هههه , انسان متفههم و اسلووبةةةةة حلو , غير عن باقي الشخصياتتت و احب طريقةة تعاملةةة مع الغير صح مرات يكون قاسي ويا مهاري بس من حقةة الصرااححةةة وايد صبرر وياهااا .....

سيف : الصراحححةة *no comment *

شمةة : احلا مافيهاا اخلاقها , انساننةة رائعةةةة الصراااححة و ياحض مراون فيها و *مراون* : احسسة هادي وايد ، بس وقت الحاجةةة مخاووي شممةةة

ميرةة : تخاذ من ططببع اخواهاا ** و تقههر مراات ماتحاول تظهر احساسها ولو لمررةةةة !!!! الله يعين مايد عليهااا

رقوووي : للحين صااااممدددةةةةةة هههههههههه حبيبتتي والله . . . . . . ! *اتمنى تكون من نصيب شهاب *

و السموحححة فدييتتج *مجرد أرااء + انقاد *
تقبلي مرورييـةةةة . . . . . .

Cant wait till next part
__DEFINE_LIKE_SHARE__

«ضَحِيًة حِبُيًبُيً ..}● · 03-15-2013, 04:00 PM

.

.

البارت الـ 35

فتحت عيني على تبطيل الستاااير . . صديت الصوب الثاني وتلحفت وغطيت عيني عن النور . . انسحب اللحاف عن ويهي وانا اققاااوم بقوه وارد اتلحفف . .

وليد: بس بس رقاااد قومي . .

انا عاقده حياتي واطالعه بنص عين . .

وليد : هلا ابووي . . " يبتسم " صباااح الخييير . .

انا : سسسسسكر الستاره وليد . .

وليد : نششي . .

انا : ولييييييد حرام عليك انا ماصدقت ان اليوم ويكند عشان ارقد وارتاح من كرف الكليه . . قلتلك اني هالاسبوع انكررررفت واااااااايد خلني ارتاح

وليد يبتسم : نشي اشوف . .

انا اصارخ : وليييييييييييد . .

وليد يتقرب مني : بتنشين ولا . .

انا دزيت ويهه : قمممت خلاص . .

سحب ايدي الي ع ويهه وباسسها من ورى . .

وليد : ازهبي يالله بنطلع . .

رفعت عيني شفت الساعه الي مجابلتني . .: الساعه 7 الصبح وين تروح . .

وليد : نشي عقب بقولج . .

انا : استغفر الله . .

قمت ودخلت تغسسلت وتميت اغسل ويهي بماي بارد عشر مرات عشان اصحصح . . طلعت بعدها وانا مش منشفه ويهي . . كان قاعد ع السرير ماسك الايفون ويلعب ساب وي . . رفع راسه طالعني . .

وليد : كم مره اقولج حطي فوطه فالحمام حق ويهج لا تطلعين جيه ويضرب المكيف ع ويهج وتمرضين . . حيوانه انتي ماتفهمين ولا شوه ؟

انا : انسى انسى . .

وليد عاقد حياته : الحين روحي حطيها . .

نش وليد وسحب الريموت وسكر المكيف . .

انا : انزين خلاص بحطها اليوم . .

وليد : الحين روحي " يطالعني بنظرة جاده " الحين قلتلج

انا سرت صوب كبتي وطلعت لي فوطه صغيره ورفعتها : هاااااه ارتحت . .

ودخلت الحمام حطيتها بطريقه مرتبه وطلعت . .

طلعت بعدها مسكت البي بي وطلعت من الغرفه بسويلي كوفي . .

فورت الماي وقعدت اقرا لاني مول ما قريت امس عن حد . .

>

<

>

ميره : وين رايح . .

مايد : بروح المسيد . .

ميره تطالعه : لا تتاخر . . صل وتعال لا اتروح عند حد . .

مايد يطالعها : شفيج . .

ميره : مااشي بس ما ابيك اطول . .

مايد : لا جد شوه فيج . . شي يعورج . . قوليلي لا تخوفيني . .

ميره : بس مابيك تغيب عن عيني وايد . .

مايد شق الحلج : متاكده

ميره تبتسم . .

مايد : فدييييييييييييييتها . . فدييتتتتتتتها انا . .

يتقرب صوبها ويبوسسس راسها . . : فديت الحمل . . فديت ولدي الي غير امه وخلا قلبها يحن علي ويرحمني . .

ميره تبتسم وتمسك ايده : يعني انا قاسيه كنت لهالدرجه . .

مايد : حتى قساج يجنن

ميره تهد ايده : عاد الجذب انا ماحبه . .

مايد : ماجذب عليج شوه فيج . . هاي الحقيقه المره " يبتسم " وين تحصلين واحد مثلي يتحملج ع مزاجج المؤرف

ميره بعصبيه : رووووح ولا ترد مابي اشوفك

مايد : افا . .كنا حلويييين . .

ميره : حتى بكلامه ينرفز . . انت مش ويه حد يدلعك رووووووح عن ويهي . .

مايد : هههههههههههههههههههه فديت روحج انا . . امزح انزين ألطف الجو

ميره : بررررع روح . .

مايد يبتسم : ما بطول . .

تقرب صوبها وباس راسها وراح . .

>

<

>

كاتبه لي : مهوووور صرت احبه اكثر والله . . ماحبه لما يروح بعييييييد ويتاخر جي اعصصصصب ومن يكون موجود احب اشوفه بس واسمعه يتكلم . . من حملت واانا احسني حابتنه وايد وراضيه عليه طول الوقت

ابتسمت وضحكت عليها وكتبتلها : الحممممممممدلله يستاااهل ولد عمي الفقير . .

>

<

>

شماني : عنود لا تمكيجيني وايد ماحب . .

عنود تحط ايدها ع ظهرها : شموه بكفخج ترا . . انا شو حطيت اصلا بس جحال . .

شماني : ماحب المكياج انزيين

عنود : لازم مروان يشوفج متغيره شويه . . لا تكونين من هالحريم الي من يحملن يهملن اعماااااااارهن . . بروحج منتفخه شويه

شماني تشهق : يعني اخسفيت

عنود : هيه شويه ههههههههههههه عشان جي عوضي تعدلي اكثر عشان ما يلاحظ . . بيدور غيرج يالغبيه . .

شماني تطالعها : ليش يدور غيري . . ما يحبني ؟

عنود : مش كل شي بالحب . . لو كل الي يحبون بيوفون جان مافي خاين فالدنيا . . الكل يحببب لكن في ألي تلتفت عينه وفي ألي من الي يشوفه عينه ما تناظر حد . .

يرن فونها . .

عنود : الوو . . هلا حبيبي . .

عبدالله : وينج . .

عنود : ف الغرفه ويا شماني . .

عبدالله : تعالي اباج شويه . .

عنود : بخلص وبيييك حبيبي . .

عبدالله : لا اطولين

عنود : ان شاء الله . .

وسكرت . .

شماني : روحي له . .

عنود : بيتريا ما بطير انا . .

وتمت تمكيجها .

عنود : عاد انا ماعرف امكيج وايد . .

شماني تطالع عمرها : لا والله جي زييين انا ماحب اكثر عن جي . .

عنود تبتسم : سيري الحين وألبسي لج شي قصير وحلو وتعطري وتزهبي واتريييه . .

شماني تبتسم : انزين . . اختاريلي لبس . .

سارت عنود واختارتلها بدله سودا قصيييره . .

شماني تحظنها : مشكووووووره عنود وايد . .

عنود تبتسم : العفو حبيبتي . .

وراحت عنود عند عبدالله . .

عبدالله يطالعها وهي تدخل : طولتي . .

عنود : شغل حريم عندنا . .

عبدالله : تعالي قعدي اباج . .

قعدت عنود . . : شوه . . خوفتني . .

صقوري يصيح ويا عند عنود . .

عنود : شوه فيك حبيبي . .

صقوري يصيح وتشله عنود وفجاه ياها عووق ونزلته . .

عبدالله : شفييييييييج . . انتي بدشين التاااااسع لا تشلينه كمم مره قايلج . .

عنود تقعد ع السرير : اخخخخ . . " تتألم وتمسك ايده وتحطه ع بطنها " شوف شو تسوي فيني بنتك . .

تم عبدالله حاط ايده وعقب ابتسم : مجرمه . . بلاها . .

عنود تبتسم : مادري . .

كانت بنت عنود ادق بالقو ع بطنها وادق وادق ماتوقف . .

عنود اتحط ايدها : بلاااج ماما . . شوه فيج . .

عبدالله تم يمسح ع بطن عنود : بس حبيبي بس . . خلي ماما

عنود تغمض عينها : تعورني والله . .

عبدالله : بننننننت . .اسمعي كلام ابوج هااااه . . " بعصبيه " بتنضربين . .

عنود تطالعه : واابويه وقفتها . . وخرر " هدت ايده "

تمت تتلمس بطنها . .

عنود : شسويت في بنتي ما تتحرك . .

عبدالله يحرك ايده ع بطنها . . : ماعليج خوفتها بس . .

صقوري يا صوب بطن عنودي وتم يضررب يضرب . .

عنود : اخخخخخ . .

عبدالله : صصصصصقور . . " مسك ايد صقور بقوه "

عنود : مش من صقور . . بنتك . . هههههه

عبدالله يطالع عنود

عنود : شكلها اليبنت تغار من الولد . . احيين عرفت من اشله اتم ادقني ومن يحط ايده اتم ادق . . هههههههه

عبدالله ابتسم : فدييييت عبالي . . سسسسبحان الله . . " عينه تبرق "

عنود : فديت ابوهم . .

عبدالله يبوس راسها : فديت الغاليه . .ـ

عنود تبتسم : فدا روحك حبيبي . . قول لي شكنت تبي تقول . .

عبدالله : اه على هالجو الحلو مابي انكد عليج . .

عنود : قوول . .

عبدالله : ابوي عرف عن البيت وسوالي سالفه . .

عنود تقاطعه : اشش خلاص انا عارفه هالشي من زمان لكن ها ما يمنع ان انت تكمل بنى . . ع الاقل حق المستقبل انا مابا اطلع من اهني خلاص اصلا تعودت ع مزاج عمي علي انا واختي والله . . لكن كمل بنى للمستقبل عششان

يرن فونه . . وتسكت عنود تطالعه . .

عبدالله : هذي خلود بنت عمي . . ألووو . . هلا بنت عمي . . شفيج . . ليش تصييييييحين شصااااااير . . خلووووود . . " يوقف برعب " تكلمي . . هاه . . رقوي . . شوه فيها ؟؟ انزيين . . اوكي . . متاااااااكده ؟؟؟ متاااااكده !!! انزين انا بيييكم بعد الحين . . لالا بييييكم . . استغفر الله . . انزين ماعليه . . مع السلامه . .

وسكر وقعد وحطا ايده ع قلبه : طيحت قلبي . .

عنود تطالعه : شصاير . .

عبدالله : محد فالبيت عندهم ورقوي اغمى عليها كانت تباني اي اوديها . . لكن دخل عمي توا وبندت بيشلها . .

عنود تطالعه . .

عبدالله يطالعها : بلاج . .

عنود تبتسم : خفت عليها . .

عبدالله : ها . . " ارتبك " شو تقولين انتي . .

عنود : ما نسيت حبك لخلود صح . .

عبدالله : عنود انتي استخفيتي . .

عنود تبتسم : عبدالله بوصيك وصايه . .

عبدالله :مابا اسمع شي خلاص . . " وقف "

مسكت ايده : امانه . . لو صارلي شي ف الولاده . . محد يربي بنتي غير امي واختي وخلود . . ترا ما برتاح وبطمن الا عند هالثلاث

عبدالله بعصبيه يهد ايدها : شو هالكلام الماصخ . .

عنود : انا اعرف اني كنت عائق عن زواجك ب خلود . . واعرف الحب الي بينكم كبير لكن حبها لي خلاها تساعدني وتصبرني ولا غدرت فيني

عبدالله يطالعها ما يتكلم ..

عنود : انا جد اسفه لاني خربت

عبدالله : والله ان ما سكتي لاعطيج كففف يا عنود

عنود : انا محللتنك و وربي من قلبي لو صار فيني شي تاخذها . .

عبدالله عطاها كفففف خفيف . .

عنود تطالعه : انا اتكلم اقول . . هاي حياه دنيا وممات

عبدالله يقومها ويرص ع جتفها بقوه : انا مابا حد . . انتي مليتي حياتي ونسيت كل شي مابا حد ثاني . .

عنود تنزل دمعتها : تحبها وايد عبدالله . . بعدك تحببببها . .

عبدالله : تبين كففف ثاني . .

عنود : بان خوفك عليها . . اول مره اجوفك جيه جدامي . .

عبدالله : لانها بنت عمي . . واي وحده من بنات عمي بدقلي بخاف عليها اكثر . . انا احبج انتي بس . . انتي ف قلبي بس . . انا وعدتج ابدي صفحه يديده معاااج ونجرب كل شي يديد . . توقعت انه فتره لاني توني بعرفج وبحبج وبفتح قلبي لج وبمل لكن والله اني حبيتج من قلبي . . والله اني احبج ولا مليت لحظه من حبج . . انتي جوهره تعرفين شو جوهره . . الكل يحسدني عليييج . . الكل يتمنى وحده مثلج . . تدلل وتدلع وتهتم . . ماتعرفين شكثر استانس لما الكل يحسدني عليج . . لما الكل يقول يا بختك فيها . . وانا والله اقول يابختي فيج . . يابختي . . " يبتسم " ماتعرفين قيمتج عندي يالحماره . . تعالي تعالي بقولج شي . . !

Cut

>

<

>

طبعا ساااااالفه رقوي الحماره عرفتها من القروب انها مسويه مقلب وسوت عمرها غشياااانه بس عشان تلفت نظر شهاب الي ما سال عنها من يومين . . !!!

>

<

>

رقوي : خالوه انا ييييت اونسج لانج روحج ومهروه مافيها خير ما قامت تيج

اميه : هههههههههههه حبيبتي هذ بيتج اي وقت . . لو تعيشين عندي انا بستانس " تبتسم"

رقوي تشققت : يعني انتي تحيبني

اميه : هيه احبج ليش ما احبج . . منو مايحب رقوي

شهاب يدخل : انا !! وما احب اشوفها في بيتنا كل ما ارد ! . . انتي ماااعندج بيت

اميه : بس يا شهاب بسس خلها هي يايه حقي . .

شهاب : هييه هيه . .

وسار صوب المطبخ . .

اميه ابتسمت: انا بسير ارقد اميه . . ايلسي اهني لا تروحين . . شوفي تلفزيون ومخليه الشغاله تسويلج كيك . . ايلسي كليها وخذي دله قهوه وعدلي راسج

رقوي : ان شاء الله " تبتسم "

من راحت امي ترقد الظهر . . سارت رقوي صوب المطبخ . .

رقوي : شو تسوي شو تبا انا بسويلك . .

شهاب : مشكوره مابا منج شي " يطالعها " وبعدين . .

رقوي : شوووووو

شهاب : ماشي

رقوي : شو شو قوووول

شهاب مطنشنها

رقوي : قووووووول اكلمك . .

شهاب طاففففف

رقوي :ايييييييه انت . .

شهاب يطالعها : ايه منو

رقوي :ايه انا انا

شهاب رد يطنشها وتام يدور شي فالثلاجه . .

رقوي : شو تبا انا بطلع لكككككك

شهاب يقوم : شتبين انتي . . روحي بيتكم

رقوي : كله روحي رووووحي روووووحي . . برووووووح بروووووح

شهاب : روووووحي

رقوي : انزين برووووح الحيين بروح

شهاب : انزين اوكيه يالله مع السلامه

رقوي : برووووح اقولك

شهاب : انزيييين يالله . . ياربي وش ذي البليه . .

رقوي تمشي بتروح وترجع : مااااااابروح اصلا امك قالتلي اتم مسوتلي كيكه . .

شهاب : خذي الكيكه وكليها في بيتكم . .

رقوي : شهاااااااااب

شهاب : وش تبين تراج صدعتي بي

رقوي تبتسم . .

شهاب : هبله انتي هبله . . ياربي اول مره اشوف حد ينهزب ويبتسم . . مافيج دم انتي ابد

رقوي : مافيني دم مافيني " اطلع لسانها " وييو . .

شهاب يطالعها بدون ملامح . .

رقوي : اصصصلا مالت اوكيه . .

شهاب : اوكيه اوكيه " يهز راسه " يالله روحي

وطلع صحن من الثلاجه . .

رقوي تسحب الصحن بقوه : شوووووو ها بشششششوف

وطاااااح الصحن . .

شهاب يطالع السلطه الي ع الارض بعد ما انكسر الصحن . .

رقوي زاغت وتطالعه بخوف : ترا الا سلطه عادي الحين بسويلك واحد ثاني . .

شهاب : اقسم بالله . .بعد لين 3 اذا ما غبتي عن عيني لا تلوميني ع اي شي بسويه

رقوي : اوكيه يالله عد . . واااااااحد . . اثنييييييينه . . ثلااااااااااااثاااااااااااااااه

ولما تحرررررك شهاب ركضضضضضضت رقوي . .

وهو وقف ما لحقها . .

شوي ورجعت : ياللللله ابا اجوف شو بتسسسسوي يعني . . تتحرا انا خفت منك يعني . .!!

شهاب شل قوطي كلينكس بيفره عليها لكنها ركضت وطلعت . .

شهاب بعصبيه : ان كنتي عند الباب وطلعت وشفتج والله لامد ايدي . .

رقوي : هيه انا عند الباب يالله تعال مد ايدك . .

طلع شهاب بكل غيض بس يت الخدامه . . وتمت تطالعهم اثنينهم كانو جي متيبسين بدون حركه . . وراحت عنهم المطبخ تطلع الكيكه من الفرن . .

رقوي : بتاكل كيك . .

شهاب طنشها وراح عنها . . وهي تمت مع الخدامه . .

رقوي : بابا شهاب سوي كلام تلفون مع بنيه ؟ انتي ما يسمع ؟؟

الخدامه : بابااا شهاب مافي سوي سمايل حق بنيه مافي سوي كلام حق بنيه بابا شهاب كلوووو داخول دوام وسوي كلام ماما مهره وماما عنود . .

رقوي : فدييييييييته " تبتسم" ذيييييب ذيييييييب . .

شلت الصحن عقب ما قصتلها الخدامه وحطتلها ف صحن . . ولما يايه تطلع من المطبخ شافته . . ماااااااااتت انهارت . . يعني سمعها .! قفططططططططت قفطططططططت حسسسسسسسسسست انها خلاص لووووووح . .

تم يطالعها وفجاه ابتسم . . اما هي استوت لا تسمع لا تتكلم لا ترى . . شلت بصحنها وطلعت بهدوء من البيت من غير ما تسوي اي شي ثاني . . !! الصرااااااحه عقب ما قريت تميت اضحك علييييييها من قلبببببببببي . .

>

>

>

من بعد هالقرايه كلها قلت اكييييد وليد يترياني ومعصصصصصصصصب . . دخلت الحجره شفته منسسسسدح ومندمج يللللللعب ولا حاااااس ب شي . . حمدت ربي و مديت له كوفي . .

انا : اشرب . .

حطيت له ع الطاوله بس هو يلعب ومندمج . .

فجيت كبتي ما كان لي خاطر اتفنن بعدني مدوخه من الرقاد. . . طلعت لي سكيني بني وقميص اورنج من ديزاينات برمووود . . دورت لي عباه مسكره من عبي العرس وتذكرت اني خلصتهم كلهم . . ف الكليه كنت كل يوم البس وحده يديده . . طلعت لي وحده مرتبه وطلعتها برع . .

انا : اطللع بلبس . .

وليد يرن فونه ومشى بيطلع وانا جابلته . .

وليد يطالعني . .

انا : رد . .

وليد يبتسم ويراويني : رقم غريب . .

انا سحبت الفون : هاااات بررررد

وليد يرد يسحب الفون : هاااتي بيطلع ريال تبيني اجتلج . .

انا : احييييين تحط سبيكر . .

وليد يبتسم : جب . . يالله خلصي . .

ويتعداني ويمشي . . رديت لحقته وجابلته : الحين رد جداااااامي قلتلك . .

وليد : ههههههههه شوه فيج . . سكرو سكرو ارتحتي . .

انا اطالعه وسررت صوب الملابس الي طلعتها وفريتها ع الارض . . : ماااا بطلع . .

وليد يصد يطالعني بصدمه : شوه فيج . .

انا : ماااا بطلع خلاص . .

وليد : يالله عاد عن هالحركات . .

انا : ما بطللللللللع قلتلك والله ما اطلع . .

وليد : يالله عااد بنت عمي " يتقرب مني "

انا : لاااا تقرب صوبي وليد انا ارمس جد . .

وليد يبتسم : كل هاي غيره . . انزين ارمسي قولي اغار . .

انا بعصبيه : ما ااغاار ليش اغااااااااااااار . .

يييت بطلع من الحجره مسكني من جتفي : تعالي وين رايحه

انا : هددددددني . .

خذتلي شاال لاني لابسه بجاامه كت وقصيره شوي وبردت . . شليته وطلعت من الحجره . .

تميت ارص ع ايدي بقوه . . بس يا مهوووور . . اهدي .. خذي نفس عميق . . بلاج متوتره شفيج ما يستاااهل الشي . .

تميت جيه اواسي روحي بهدوء واحاول ابين اني عادي . . انزين كان يروووووووووووووووووووووووووووووووووووم يحط سبيكر وخلاص شو بيستوي عليه افففففففففففففففففففففف . .

يا صوبي وهو مبتسم وابتسامته ترفع ضغطي اكثر واكثثثثثثثثثر . .

وليد مبتسم : يالله عاد لا اتمين جيه . .

انا اطالعه : وخر عني شفيك انا مالي مزاج الحين وابا اتم روحي . .

وليد : انزين ليش فهميني ليش . . لانج غيرانه ؟

انا اقوم : لا تتتتتتقولي غيرانه

وليد : هههههههههههه

يلسني غصصب ويلس حذالي . .

انا صديت ويهي الصوب الثاني : سخافه صراحه . .

رن تلفون البيت وقمت بروح صوبه جان يمسك ايدي ويسحبني يحطني ع صدره . . فاجئني الحمااار . .

انا : وخررر . .

وليد يبوس يبهتي : احبج . . احببج يالخبله . .

انا حطيت عيني ف عينه . .

وليد : وربي . . وألي خلقني " يبتسم " احبج حب محد حبه فالدنيا . .

بلعت ريجي ورن تلفون البيت مره ثانيه . .

انا قمت : يمكن شي صاير . .

سرت صوبه وشليته : الووو . .

عميمه نوره : مممممممهره

انا ساكته من صوتها خفت . . هالصوت وهالنبره ذكرتني ف شي مابي اذكره . .

عميمه تصارخ : مههههههههههره وين وليييييد !!!!!!!

اانا ماتحرك . .

وليد : منو . . " يطالعني " شسالفه

قام من مكانه وشل الفون . . : الوووو . .

مادري شـ قالتله عميمه . .

وليد : وينكم الحين . . يالله يايييين . .

انا اطالعه بخوف اترياه يرمس . .

وليد يطالعني : شو قالتلج . .

انا اطالعه بخوف

وليد يطالعني بارتباك : لبسي خ نروح . .

تميت اطالعه ماتحرك من مكاني

انا ارجف : يدي . . . شفيه . . ؟

وليد : ماعرف تعب عليهم . . يااااالله تحرررركي

ودخل عني الحجره . . تميت ثثواني وقمت دخلت الحجره بدلت عالسريع وطلعت . .

ركبت السياره واحنا ساكتين. . حسيت الدرب طويل اطول شي ف حياتي . . وصلنا المستشفى . . نزلنا واحنا متوترين حيييل . . اتصل ف وليد ف شهاب وخبره وين بالضبط وسرنا المكان ع طول . .

انا اول ما جفت يدوه اتصيح تيبس قلبي . . تميت اطالع نظرات الكل كانت ما تبشر ف خير . .

انا اطالعهم اتريا حد يرمس لكن الكل يصييييييح ويطالعوني ويردون يصيحون اكثر . . تميت اتصدد ادور وليد اباه يخبرني شسالفه ابا اعرف يدي شفيه . . لساني متشلل . . احس مشيتي صعبه ماقدر امشي . . ماقدر اعبر ماقدر اسوي شي اصلااااااا !!!! تامه واقفه مثل الغبيه واتلفت عليهم واحد واحد اتريا حد يرمس . .

يا وجابلني وعينه ف عيني . .

سيف : في غيبوبه . .

انا ماقدرت اسمع الباقي لاني من قوه الصدمه ما قدرت اتحمل وطحت . . ما اغمى علي . . لكن طحت ع الارض تميت احاول ايود عمري لكن ماقدرت . .

مسكني سيف وتم يحاول يقومني . . وتيمعو البنات عندي ويصارخون وعصب عليهم عمي خالد وعمي حمد وحلفو ان لو طلع له حس بيردونه البيت . .

سيف : وينه وليد عنج . . ليش مخلنج روحج . .

انا اطالع سيف بعد ما قومني و وداني بعيد عن البنات ويلسني ع الكرسي . .

اانا : شوه فيه . . ليشش . .

سيف كان قاعد ع الارض ومجابلني . : ريال كبيير وعنده مشاكل وايده وانتي روحج تعرفين محد كثر يدي يتحمل المرض ويتفائل انه يبكون احسن من قبل . .

انا اقاطعه : خبرررررني شفيه

سيف : فشل فالكليه . . الكليه ما تشتغل وما اطلع السوايل من الجسم . . فالماي اتجمع فالرئه

انا شهقت وارتجف من فوقي لتحتي . .

سيف يتصدد . . : وينه رييييلج ويننننننننننه عنج . .

إلا يدي . . إلا يدي . . لااااا ماقدر . . انا اموت ولا يدي يموت . . مستحيل مابا مابا . . مابا اتخيل مجرد تخيييييييييييييل ان يدي يروح من عيني . . يدي يدي !!! تعرفون شو يعني يدي . . يدي نظر عيني قلبي روووووووووحي . . يدي هاا قدوتي وسبب عيشي . . يدي ابوووووي وصديقي وكل شي ف حياتي . . يدي السند الي بوجوده ماخاااااااااااااااااف من شششششششي . . يدي حظنه الدااااافي وايدينه . . كلااااامه . . لالالا . . مااااابا

وقفت وانا ارجف: بجوووفه . .

سيف مسكني من جتفي ويلسني : ما ينفع الحين

انا اصارخ : بشووووووفه اقولك بششششوفه . .

يا شهاب صوبي : مهره . .

انا : ودني عند يدي الحين . . اقولك الحين بدش عنده . .!!!!!!

شهاب يطالع سيف . .

انا ااصارخ : وخرررررررررررررو عن طريجي . .

سيف مسكني من ايديني الهنتين بقوه وخلاني اجابله . .

سيف : خلاااص . . " فتح عينه ع وسعهن " خلاااص لا تصارخين . . بوديج . .

انا : الحيييييين . .

سيف : الحين بوديييييج . .

شهاب يا صوبي ومسكني من جتفي : تعالي عندي انا بوديج . .

انا مغمضه عيني : بروح بروحي . .

حاولت اهد ايد سيف لكن ايده كانت قويه . .

سيف بعصبيه : قلتلج انا الي بدخلج عنده . . واذا سويتي جيه والله ما ادخلج . .

انا هزيت راسي ب الموافقه ع طول ..

راح سيف عني وانا تميت واقفه ويا شهاب وماسكه عمري واتريا . . دقاااايق مررررت وطول سيف وانا خلااااص فقدت اعصاااااابي . . اول ما ييييت بوقف بروح يا سيف . .

سيف : امشي . .

مشيت معاه على طول لين بوابه مسكره مكتوب فيها العنايه المركزه . . وما يدخلها الا شخص واحد . .

سيف : اذكري الله وحطي ف بالج انه يسمعج . . لا تصيحين جدامه تتعبينه . .

انا ماسمعت الباقي ودخلت . . لبست لبس ازرق عطوني اياه وحطيت الغطا ع الويه ودخلت عنده . . كنت واقفه عند الباب وريلي ترجف ماقدر . .

كنت واقفه عند الباب اطالعه . . ابا ابطل الباب لكن ماقدر . . لين يت النيرس وبطلت لي الباب وراحت . .

مشيت خطوات ثجيله . . خطوات تعذب . . احس السرير بعيد وانه بعيد بعيد بعيد عني وايد . .

من شفته ماتحملت . . طحت ع الارض ومسكتت ايده . .

انا : يددددددي . . يددددددي حبيبي . .

مسكت ايده وحطييتها ع ويهي . . : يدي قووووووم . .

نزلت دموعي . .

انا : يدي ما تخليني . . ماتخليني روحي . . انااا . . انا مهرتك . . مهرررتك حبيبتك . . انا بنتتتتتك . . انا الي رفيقتك . . انا الي ما كنت احب افارقك .. " اشهق " يدييييييي تسمعني . . . يدي لا ترووووح عني . . الا انت يدي لا تروح . .

قومت روحي و وقفت وتميت اطالعه . . لااااااا . . يدي الي يحس فيني من مشياتي وعلى طول يزقرني . . يدي الي ممن نصخي يفهمني ويسمعننننننني . . يدي جداااامي لكن . . لكنننننننننن . .

حطيت راسي ع السرير بين ايديه وتميت اصييييييييييييييييييح . . اصيييييح بعذااااااااااااااااب . . اصييييييح بحرررررررقه . . ماباااااااه يرووووووووح عني قسسسسم بالله مابا . . يدي حبيبي نظر عيني روحي . . تميت اشهق واشهق واصيح بانهيااااارررر . . دشو النيرسات عندي حاولو يطلعوني لكن ما طلعت . . ماقدرت اطلع كنت بس شابكه ايدي في ايد الغاااااااالي . . في ايد تااااج راسي . .

دخل عندي وهو يطالعني . .

سيف : قومي . .

انا اصيح : يدي ما يسمعني . . ما يرد علي . .

سيف عينه تبرق وبتنزل دمعته : قومي الله يخليج . .

قومني غصب وخلاني اوقف . . تميت اضربه ع صدره بقوه : خلنننننني . . الله يخليك خلنننني . . ابووووووس رييييييييلك خلننننننننننننني . .

انا اشهق وماسكه جتفه : سيف تعرف اذا يدي راح عني بنتحر . . ما بعيش يوم بدونه ما بعيشششش انا . .

سيف : قولي لا إله إلا الله . .

انا : منو بيداافع عني انا منووووووو . . منو يبحميني من الدنياااا كلها . . منو بيسمعنننننننننننننننني . . منو عيني بتشوفه ومن شوفته برتااااااح . . لمنو بشكي سيف لممممممنو . . يدي هو الي يسمعني بس يدي . . حتى وليد مايعرف الي يعرفه يدي . . يدي بسسسسسس

سيف : ادري . . والله العظيم ادري . . لكن الي تسوينه غلط . . ييدي الحين يمكن يسمعج . . انتي تعذبينه . . تخلينه يتعب اكثر . .

انا : خل يعرررررررررررف كيف انا ماسوا بدونه . . خل يقوووووووووم . .

سيف : بيقوم . . يباج تدعيله . . يحتاج لدعائج عشان يقوم بالسلامه . .

مسحت دموعي وهديت سيف . . تميت اخذ شهيق وزفير . . بعدها رحت صوب يدي وقعدت ع الكرسي ومسكت ايده . . مسكت ايده وغمضت عيني . .

ياااااا الله . . يااااااارب . . هذا اكثر انسان احبه فالدنيا والله العظيم . . ابوي ماحبيته كثر ما حبيت يدي . . اول ريال ف حياتي اموت ف تراب ريله والله ببوس تراب ريله . . ياااااااارب ترا انا ماعندي حد فالدنيا . . انا الكل يلجأ لي بس انا ما ألجأ إلا له هوووووو . . مالي فهالدنيا غييييييره يفهمني . . غييييييييره يحس فيني . . هو الي رباااااني . . هو الي ينصحننننننننني . . هو الي يمسسسسح دموعي . . هو الي ما يرضى حد يقووووووووووولي حرررررررررررررف . . هو الي مهره عنده شي والدنيا كلها شي . . هو الي يحس في ضحكتي اذا كااااانت من ورى قلبي يحسسسسسس فيها . . ااخخخخخخخخخخخخخخخخخخخخ ياربي ماقدر اعيش بدونه والله ماقدر . . ياااااارب طلبتك . . . يااااااارب طلبتك لا تحرمني منه وطول لي ف عمره وشافه . . ياااااااارب يدي عانى ف حياته وايد . . يدي عاااااانى من العمى اكثر من عشر سنين . . يدي عاااانى من عجز المشيي اكثر من 14 سننننننه ومع كل الي صارله متفااائل وصاااابر وعنده امل انه بيمشي وبيششششوف وبيعيش حياه سعيده . . يارب بقدر الصبر والتحمل والمعااااااااااااناه الي عاااااااشها شاااافه لنا يارب . . ياااااارب رجيتك لا تخليني افقده ف يوم . .

سيف يقومني : دخيلج امشي . .

انا اطالع سيف : هو الي كان يسمعني لما اشكيله منك هوووووووو . . هو الي كل يوم ينسسسسسسسى وارد اعيد له مره ومرتين وثلاااااث كيف انا احبك وكيف انا ما اقدر اعيش بدونك . . هو الي علمني كيف ابتعد عنك واعطي نفسي فرصصصصصصصه واعيش حياه ثانيه . . انا ماعرف اسوي شي بدونه والله ماااااااااعرف اسوي شي بدونه

سيف : لا تعذبيني اكثر يرحم والدينج . . لا تعذبيني . .

تنزل دموعه وعطاني ظهره . .

انا مسكت ايد يدي وتميت ادعي واصيح وادعي واصييييح . .

سيف : يالله عاد قوومي خلاص . .

مسحت دموعي ونشيت . . اااخ يا يدي انا الي طول عمري ما صيح جدام اي حد . . صارت دموعي بسبتك تنزل جدام الكل . . الله لا يراويني فيك مكروه يارب . . !!!!!

قمت ومشيت خطوتين وبعدها ماعرف شصار ابدا . .!!!

فتحت عيني ع مسحه راس اميه وهي تصيح . .

انا اطالعها بتعب . . شسالفه . . انا كنت احلم .؟ يعني يدي بخييير . .

انا : يدي . .

عنود تي صوبي : حبيبتي اختيه . . شو تحسين الحين . .

انا : يدي وين . .

عنود : بعده . .

انا اصيح بصوت عالي : يعني بعده ما قاااااام . .ماااااااااااا قاااااام . . " ادق راسي بقوه " يعني كل هذا مش حلللللللللللم . . مش كااااابوسسسس . .

اميه تنزل ايدي ومش قادره علي : بسسسس اميه حرام عليج نفسسسسج والله حرام عليج نفسج . .

اميه : اتصلتي ف وليييييد !!!!!! وييييييينه هالكثثثثر وينه . .

عنود : مايرد علي مول ما يرد . . وشهاب قال انه ويا يدوه فالبيت لان يدوه متخبله اهناك وف حاله وما تبا حتى تي المستشفى . . ومحد يروملها الا وليد . .

اميه تصيح : حتى بنتي محد يروملها الا ولييييد . .

عنود تطالع اميه وتنزل دموعها وانا بس اطالعهم واصيح واضرب عمري وابطل المغذي الي حطولي اياه . .

طلعت عنود شوي وردت ومعاها سيف . .

سيف طلع زقر النيرس ورد معاها . . كانو ياييبن ابره . .

انا اصارخ : لا ترقدووووووووووووووووووني . . " اطالع سيف عين بعين " لا تلوم الا نفسسسسسسسسسسك لو حاااااولت . .

سيف يطالع اميه وعنود : رووحوووو . . روحو شوي . .

اميه تصيح وتطالعني : ماحيدج يا اميه ضعيفه جيه ماحيدج . .

عنود : تعالي اميه تعااااالي . .

وسحبتها وطلعو برع . .

سيف يكلم النيرس : ركبي لها المغذي . .

انا اصارخ : مااااااتركب لي ششششششي . .

سيف يا صوبي بعصبيه وفاتح عينه بتهديد : والله ما اخليج تشوفين يدي لو هالمغذي ما خلص والله . .

انا سكت و وقفت من الحركه . .

سيف : ركبي لها . .

ويت صوب ايدي وركبت لي المغذي . .

وشفته يكلمها ماعرف شو يقولها و حسيت ب نغزه ابره ثانيه لكن ماكنت اقدر افكر ولا اعرف شسالفه ورقدت . . . !!

: بنت عمي . . " يدق جتفي " بنت عمي . .

انا افتح عيني بتعب . .

سيف يبتسم : يدي قام . .

انا اشهق : قول والله . .

سيف يبتسم وعينه تبرق : والله . .

انا اطالع المغذي جفته مخلص وبطلته . . : ودني . . الحين ودني . .

سيف كان بيساعدني اقوم . .

وليد : وخر ايدك عنها . .

سيف هدني ع طول واطالع وليد . .

انا ما اطالعت ولا واحد فيهم كنت خلاص بس ابا اجوف يدي . . عدلت شيلتي عدل بس ومشيت شوي . . ولما يايه امشي اكثر حسيت بدوخه وكنت بطيح . . تقرب وليد بيمسسسكني قبل لا اطيح ع الارض لكن ايد سيف كانت اقرب . . اخر شي شفته عينه وبعد رديت طحت ع ايدينه ....

ماعرف شفيني . . ليش قاعده اطيح كل شوي . . ليششش ماشي توااااااااازن . . من الصدمه من اني هاليوم بكبره من صباحه لين الليل ما ذقت شي غير ابر ومغذيات ماااعرررررف ماعرف لكن ابد ماشي توازن ولا فيني طاقه . . كنت ابي اكلم وليد . . اقوله ودني لكن اختفى عن عيني . .

انا : ودني . . ودني بشوف يدي بس عقب . . .

سيف : بس انتي ماتقدرين الحين بنت عمي . . شوفي روحج ماترومين تمشين . .

انا : ودني . . عادي ودني . . ابا اشششوف يدي . . الله يييخليك . .

سيف تم يطالعني شوي وبعدها راح . . دخل وليد ومعاه كرسي متحرك . .

انا اطالع وليد عينه مش ع خبري لكن كل همي الحين يدي . .

ركبت ع الكرسي بمساعدته وبدون ما يقول شي . . ولما سحبني وطلعنا لين الباب يا سيف وتم يطالعنا . .

وليد : ودها . . خ تشوف يدي . .

ومشى عني . . ع طول صديت صوبه اطالعه وهو يقفي ويمشي بعيد . . كنت بزقرررره بقوله ليش جي سويييييت . . انت الي طول الوقت محد عننننننني انا الي ف قلبي عتااااب عليك . . لكن بمجرد ما قادني سيف فكرت ف يدي وقطعت افكاري . .

دخلنا عند يدي وعيني بس تشوفه برغم الزحمه الي عنده . .

الكل قاام ويطالعني لاني على كرسي . .

وسعو لي عشان اقدر اشوفه . . مسكت ايده وحطيتها ع ويهي . .

يديه : مهره ابويه

انا ساكته ومغطيه ايده ع ويهي واصيح . . مابي حد يشوف . . وهو لما شاف وحس بدموعي ع ايده تم سااااكت ولا سوا شي ولا قال اي شي . .

عمي سعيد : خلوووهاا ويا يدها حبيبه يدها هذي . . خلوها شويه

ويا عمي وربت ع جتفي . .

وطلعو اظن كلهم لان ماسمعت حس حد . .

يدي : انا بخير ابويه ليش تصيحين . .

انا : خفت . . خفت عليك واااااايد . .

يدي : ههههههه انا ما ينخاف عليّه . . قوي يدج . . والحين بستوي احسن واحسن بعد . .

انا اصيح واحظنه : لااااا تتعب مره ثانيه يديه الله يخلييييييك . . انا مالي غيرك فالدنيا والله العظيم . .

يديه يحط ايده ع ظهري : انتي مهره بنت عبدالله . . انتي الغاااليه بنت الغاااالي . . بنت المرحوم الي بس اررفع صبعي يلبي لي . . شبيهة عبدالله بكل صفاتج شبيهة عبدالله . . الله يرحم ابوج ويغمد روحه الجنه . .

خزت عنه وعيني تدمع . .

انا : انا احبببببك والله العظيم وماحب اشوفك تتعب يديه . . الله يخليك اهتم بنفسسك . .

يدي : انا متحمل ابويه . . ربج كاتب يصيرلي كل هذا . . لا تحاتييين اانا بخيير . .

انا اتنهد : الحمدلله يارب . .

سيف يتقرب من ورايييه . .

يدي : منو اهني . .

سيف يبوس راس يدي : الحمدلله عالسلامه ابويه . .

يدي : سيف . . ولد حمد " يبتسم " الله يسلمك ابويه . .

انا صديت ورى ما شفت حد . .

يدي : يدتكم وين راحت زقروها . .

سيف : انا بسير ازقرها . .

وطلع سيف وانا تميت حاظنه ايييد يدي . .

دخلت يدوه مع وليد . . رفعت راسي شفت وليد متجاهلني تماما ولا جني موجوده . .

وليد : بس عاد يدوه شوفي يدي بخير . . ودرج عنج الدلع. .

يدي : وليد ابويه

وليد : ها يديه امررر فديتك . . .

يدي : شل مهره ودها البيت . .

وليد : ان شاء الله ابويه من العين تامر . .

انا ماسكه ايد يدي بقوه : ما بخلييييييييييييييييك ولا دقيقه . . ما بخليك انا . .

يدي يمسح ع رااسي : روحي ابويه . . روحي ارتاااحي تعالي لي خلاف . . ولييد ؟؟

وليد : ها ابويه . . " يطالعني " يالله يدوه بتم معاه . .

تدخل عميمه : وليد بتروح ؟

وليد : بودي مهره وبرجع لكم . .

عميمه : البنات راحو وحتى اعمامك . . ماعندنا ريال اهني لا تبطي . .

سيف يدخل : انا اهني عميمه ما بروح . .

عميمه : هييه زين حبيبي ادخل دااخل تعال . .

دخل سيف . .

وليد : انا بوصلها وبرجعلكم . .

عميمه ابتسمت وقادني وليد بالكرسي رجعني الغرفه ولا كلمني . . سار كلمهم عشان يطلعوني ب مسؤوليته . . رجعلي كنت قاعده ع السرير اترياه . .

اول ما ياني قمت ولا قالي شي ومشيت معاه بتعب وكنت ارص ع روحي مع اني مول ما اقدر امشي لين ركبت السياره . .

طول ما هو يسوق ما يتكلم ولا ينطق معايه بـ ولا حرف وانا حس بالتعب ماكنت اقدر اكلمه . . وقف صوب كافتيريا وطلب اكل واترييينا الاكل وعقبها رجعنا . . توقعت بيوديني بيتي . . الي هو بيت عمي سعيد لكن نزلني عند بيت اميه . .

ماحبيت اقوله اني ابا ارجع بيتي لان اغلب اغراضي اهناك وصرت ارتااح اكثر لان البنات ما يطبون علي ولا ييوني وانا جد اليوم مابا حد من البنات يكون عندي ولا ابا اسمع شي ولا ابا حد يحاتيني ويهتم . . نزلت من السياره ومجرد مانزلت حرك شوي شوي . .

من شفته مشى . . تحركت من بيتنا بسير بيتي . . مشيت شوي وكنت خلاص ماحس بريلي ولا احس بعمري . . احس الدنيا بعد تلف تلف فييييني ماعرف كيف مشيت و وصلت الحوي ومن وصلت الحوي خلصت طاقتي وطحت . . كنت ابا ازقر الخدامه بس الوقت متاخر واكيد هي راقده . . تميت ع الارض قاعده ومغمضه ششوي بس وحسيت ب صوت . .

قومني . . : ليش ييييتي اهني . . انا بتم اهناك اذا صارلج شي منو بيعرف . .

انا : ابا اتم اهني . .

وليد بعصبيه : لو انتي ما نسيتي العشا جان انا مارديت وتميت فالمستشفى لين بالباجر . . بتمين جي طاااايحه لين باجر ؟؟؟ ما تفكرين انتي ما تفكرين . .

انا اصد اطالعه بتعب : لا تعصب عليّ . .

وليد قومني وقادني وهو ماسكني من جتفي لين دخلنا داخل صعدني لين الغرفه . .

يابلي الاكل وفتح لي السندويجه وما عارضته . . قلت لازم اكل عشان يكون عندي طاقه . . ف كلت عدل الحمدلله . . كان قاعد بعيد عني يشوفني بس . .

قمت شليت لي بجامه عقب ما خلصت وسرت الحمام تغسسلت وبدلت . . بعدها رديت اقعد تحت عند الباب . . لميت ايديني ع وييهي وتميت اصيح . . اصيح بدون صوت . . وانا اذكر الي صار في يدي . . جد اثر فيني وااايد . . قعدت اصييييح مده طويله وبعدها قومت روحي وطلعت . . ما شفته فالغرفه . . اكيد شايل علي وايد بعد إلي شافه مع سيف لكن ابي اوضحله ابي اقوله اني انا كنت تعبانه وهو كان محد عني . . وان الكل كان يدوره عشان يتم معايه لكنه مش موجود . . اكيد شي ف راسه اكيد . .

سرت صوب السرير وانسدحت وتلحفت وقعدت افكر وافكر وافكر . . وفزيت بقوه ع صوت تكسيير . .

قمت من الخرعه بسررررعه وطلعت . .

شفت وليد يكسسر المزهريات اليداد . . هالمزهريات انا شارتنهم من قلللللبي ومتفننه فيهم لما كنت انسق الطابق الي فوق . . انصصصدمت . . هو يعرف شكثر انا حابتنهم وشكثر تعبت عليهم . . تميت اطالعه ومصدومه . .

وليد يصارخ ومن دون ما يطالعني : روحيييله . . انا ماباااااج . . روحييييييييييله . .

انا مصدومه واطالعه . .

وليد يكسسسسسر اخر مزهرية تمت بكل قوه ويعقها ع الارررررض . . : تعبت وانا اتحملج تعبتتتتتتت . . تعبت اقول مشاعرها بتتغيير . ." يصارخ " الي ف قلبج له ما بيتغير ف يوم . . ما بيتتتتتتغييير . .

انا اطالعه ومصدوووووووووووووووووومه . .

تقرب مني بكل وحشيه رفع ايده بيضربني كف وانا ع طول مسكت ويهي خفففففت . . رجعت ع ورى ودخل الزجاج ف ريلي لكن حتى ما حسييييت فيه ولا حسيت ان ريولي قاعده تنزف . .

وليد يطالعني : شسوي . . شتبيني اسسوي اكثر " تنزل دموعه " تعبتيني مهره . . تعبتييني وايد والله . . انا خلاص ماقدر . . ما خليتي لي كرامه . . والله ما خليتي لي كرامه . . لا ابوه من حببببببببب . . لا ابوه من عذاب عشته وتحملته لاجل هالحب . . خلاص . . ماباج . . ما اباااااج . . روحي له . . روحي اختاري طريقج معاه . . يمكن هو بتعذيبه لج تحبينه اكثر " يبتسم وتنزل دموعه " انا مافيني حيل خلااااص . . مافيني حيل انكسر اكثر . . انتي كسرتي كل شي حلو فيني . . كل شي انتي كسرتيه . .

__DEFINE_LIKE_SHARE__

«ضَحِيًة حِبُيًبُيً ..}● · 03-15-2013, 04:01 PM

.
.
.

السسلام عليكم ورحمه الله وبركآته ..

مشششكورين ع الكلام الجمييل دايمآ .. اقراه دوم وانا مبتسمه ههههههه

الله لا يحرمني منكم . . !

اترقب رآآيكم فهالبآآرت . . = )

اشوفكم على خييير باذن الله الويكند الياي . .
فمان الله . .

__DEFINE_LIKE_SHARE__

عشقي الفتك الاحمر · 03-15-2013, 04:26 PM

فدييتج تسلمين ع الباااارت __DEFINE_LIKE_SHARE__

شموخ ال علي · 03-15-2013, 04:30 PM

البااارت وااااايد حلو !!
اتوقع وليد ومهره بيتمون فتره طويله متزاعلين بعدين بيتصالحون

اما اليد اووووه الله يقومه بالسلامه خخخ

اما سيف هذا ابا ادوس بطنه الله ياخذه ويفكنا من شره افففف يقهرر

شكرا وايد على البارت ونترياج الويكند الياي
شموخ ال علي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خادمة "تذبح" طفلة مخدومها بحفر الباطن	محروم.كوم	منتدى أخبار المواقع والمنتديات العربية والأجنبية	1	04-16-2013 02:04 AM
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف))	محروم.كوم	منتدى أخبار المواقع والمنتديات العربية والأجنبية	0	01-20-2012 04:10 PM
بلاك بيري تورش 9860 فل تتش مع بن ممير """"""""""""""""""""""	محروم.كوم	منتدى أخبار المواقع والمنتديات العربية والأجنبية	0	10-28-2011 11:00 AM
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM