البارت الـ 34

فتحت عيني وانا احس بألم برقبتي . . لكني تجلبت متجاهله الالم . . بعدها ب ثواني . .

عمي سعيد : مهره . . عميييه ؟

انا افتح عيني بصعوبه : هاه . .

رديت اسكر وافتح لقيت عمي سعيد يطالعني . .

انا اشهق . .

عمي سعيد : بسم الله عليج عميه شو فيج . . ليش راقده فالصاله

انا اطالع حوالي : اي صاله . .

شوي شوي بديت اتذكر . . انا رقدت ع ريله البارحه . . معقوله ما قمت . . شفت اني متلحفه لكني راقده بدون مخده عشان جي يمكن احس بالم فالرقبه . .

انا : ماعرف عمي . .

عمي سعيد يبتسم : وينه ريلج . .

انا قمت وانا متغطيه باللحاف وبست راسه : ماعرف ..

عمي سعيد : ههههههه قومي ابويه بياذن الظهر . .

انا اشهق : الظهرررر . .

عمي سعيد : هيه . .

وليد يدخل . . كان برع . . وكان كاشخ . .

عمي سعيد : انت وين تهيت ومخلي حرمتك راقده فالصاله . . ليكون مزعلنها ؟؟

وليد يبتسم : وانا اقدر ازعلها ؟ امس نسولف وخذتها نومه وما بغيت اواعيها لانها تعبانه ماراقده . .

عمي سعيد : هيه . . زين زين . . " يبتسم " انا ياي ببدل وبطلع

وليد ابتسم وراح عمي . .

انا اطالع وليد : ليش ماواعيتني . .

وليد : لانج مش راقده من يومين . . كيف اواعيج . .

انا شفت عمري راقده بعباه . . " اطالعه " وين شيلتي . .

وليد : وين بتروحين . .

انا : بروح بيتنا بعد وين . . ببدل بتغسل بصلي . .

وليد : هذا بيتج . .

اانا اطالعه . .

وليد يبتسم : هذا بيتج وهاكي بيت امج . .

لقيت شيلتي ع طرف الغنفه . . عدلت شعري ورفعته وعقبها لبست شيلتي وطلعت . .

بعدني مش مستوعبه . . ومخي داير . . طلعت سرت البيت وماشفت حد فالصاله . . دخلت حجرتي ع طول وسبحت وعقبها لبست لي مخور وتزينت وتعطرت وصليت فرضي وعقبها نزلت . .

شهاب يبتسم : صباح الي ماقدرت تقاوم وسارت عند ريلها . .

انا غمضت عيني بفشله : جججججججب . .

شهاب : هههههههههه ما ياج نوم اهني هاه . .

انا : شهاب جب ما يضحك . .

اميه تدخل وهيه ماسكه المدخن . . سرت صوبها حبيت راسها وشليت عنها المدخن وتميت ادخن وادخن شيلتي . .

اميه : وينه وليد . .

انا : هاه . . في البيت . .

اميه : بتسيرون اهناك خلاص ؟

انا : لالا . . انا قايلتله بعيش اهني . .

اميه : يا اميه طيعي شور ريلج . . لو يباج اهناك سيري . .

انا : أمايا انا كان شرطي اني اسكن اهني

شهاب : بس مهما كان ما بيريحه . .

اانا : انا ما بهد امي . .

شهاب : انا مش مالي عينج

انا : حتى لو . . ماقدر . .

دشت رقوي : السلام عليييكم . .

شهاب يتنهد . . اطالعته وابتسمت . .

انا واميه : عليكم السلام والرحمه . .

رقوي : شحاااالكم " تطالع شهاب "

شهاب : كنا بخير

اميه ابتسمت . . : يالله عشان مانتاخر . .

لان اليمعه اليوم بتكون في عمي حمد . .

انا : يالله رقوي . . شحقه ما سبقتينا " اغمزلها "

رقوي : كيييييفي . . ليكون البيت مكتوب باسمج . .

اميه : البيت بيتج رقوي حبيبتي . .

رقوي : فديتج عمووووه

شهاب بصوت واطي انا سمعته : هيه دهان سير . .

انا : هههههههههههههههههههههههههههههههههههه

مشينا كلنا مع بعض بعدها طالعين بنسير صوب بيت عمي حمد . .

دخلنا وقعدنا ف ميلس الحريم انا ورقوي . . شوي ودشت ميره . .

ميره : السلام عليكم . . " تطالعني " مهور تعالي شوي ابيج . .

دشت عقبها شماني وخلود وشيخه الميلس . . سلمت عليهم عقب سرت صوب ميره . .

دخلنا حجرتها وسكرت الباب وقفلته . .

ميره تطالعني وعيني تبرق : مهور ألحقيني

انا حطيت ايدي ع قلبي : شو خوفتيني . .

ميره تراويني تست الحمل : انا حامل . .

انا اشهق : احححححلفي . . " حظنتها " حياتي مبروووووووك . .

ميره تطالعني وتوخرني : مبروك ع شوووه . . انا مابا هاليااااهل

انا : نعم ؟ شو ما تبينننننه استغفري ربج . .

ميره : مهور توا الناااس انا توني راده من شهر عسل . . مش فايجه حق عوار راس وياهل . .

انا : ميري احمدي ربج غيييييرج يتمنى ياااهل

ميره : الحمدلله ماقلنا شي لكن انا مابا هالياهل

انا : ميروووو

ميره : دبريني ابا اعقه . .

انا مصدومه : ميييييييييييييييرووووه . .

ميره تصارخ : ما بخبر مايد . . مستحيل اقوله وبعق هالياااااااهل وهو ما يدري . . دبريلي حبوب اي شي . .

يندق الباب بقوه . .

انا اطالع الباب . . سارت ميره صوبه وفتحته . .

مايد دخل وسكر الباب بقوه : نعممممم ؟ بتعقيييييين . . انتي حااااامل وما قلتي لي وفوق هذاااااا تبين تعقين الياااهل . .

مايد سار صوب ميره وطلع الفون من جيبها ورفعه راواها . .

مايد : شوفي انتي داقه حق منو . . الله رايد اني اسمع . . دقيتي لي وانتي ماتدرييين وسمعت كل شي . .

ميره منصدمه وتطالعني . .

انا كنت يايه اطلع بس مايد وقفني . .

مايد : خللللللج . . " يطالعني عين بعين " خلللج . .

انا اطالعه : هد بالك بن عمي . . كل شي ينحل . .

مايد : ينححححل ؟؟؟؟ " يصارخ " ينحححل ؟

تقرب صوب ميره بكل قووووه وووووعطاها طرااااااق بالقوووو طيحها ع السرير . .

ميره بصدمه توقف وتطالعه : تضرررررربني . . تضربني ميوووود . .

مايد : واكسسر رااااسسسج . .

ميره تصارخ : تخخخخخسي . . لا انت ولا عشششره من امثالك . .

مايد سار صوووووبها بيمد ايده لكني جابلته ..

انا : ولد عمي ما تنحل الامور بالضرب . . ولاتنسى انها . . .

مايد يقاطعني : حاااامل ؟ انا بطيح الجنين الي هي ما تباه . . انا بطيحه بايدي . .

وسار صوبها وتم يضرررربها ضررررب . . وهي تصاااااارخ وتصييييح ومنهااااره . .

كنت احاول اووووخره لكن موووووووول ماقدررررت . . الحمدلله ان الكل فالميلسسس ولا حد داااااااخل الفله ولا جان الكل سسسسمع . .

انا : مااااااااااااايد خلاصص بتموتتتتتتتتتتتتها . .

اغمى على ميره . .

انا ادق ويهها : مييييييره . . ميرؤوووووو نشششي . . " اطالع مايد " ارتحت الحين اررررررتحت . .

مايد : هييييييه ارتحت . . وهي خل ترتااااااح . . اكيد الي ف بطنها مااااات . .

وبطل الباااب وطلع من الغرفه . .

انا ماعرفت شششششسسسسوي مول . . كنت مرتبببببكه . . حاولت اهدى واستغفر ومسكت تلفون ميره وتميت ادور ع رقم الدكتوره الي دوم تمرنا ااذا ماكنا نروم نسير المستشفى . . اتصلت فييييها وترجيييتها تي بسسسسسرعه وتتصل فيني اول ما توصل . . طوووول هالوقت كنت قافله الباب واحاول اواعي ميره بدون فايده . . لين ما يبت لها ماي وتميت ارشششه ع ويهها بعدها فتحت عينها . . وحزتها اتصلت فيني الدكتوره وقلتلها تي من الباب الي ورى . . وطلعت لها ودخلتها بسهوله من غير ما اي حد يشوووووف . .

انا : طمنيني دكتووووووره . . .

الدكتوره : مافيهاش حاقه . . الحمدلله كول شي كويس . .

انا : الجنين بخيير . .

الدكتوره :اااااه الحمدلله مافيش حاقه ما تتخضيش . .

وتمت تتفلسف ع رااااااسي وتقرقر وتخبرني كيف لازم نحافظ ع نفسيتها وان ميره عصبيه وايد لازم ما نخليها توصل لهالمرحله لانها معرضه للضغط . . وشكثثثثثر رمست وماااطاعت تفج عن راسي لين اندق الباب . .

سرت صوب الباب وفتحته . .

عنود : شصايييررر " شافت الدكتوره " حق شو زاقرييينها " تطالع ميره منسدحه ع السرير . . شووووو فيها مياري . .

وسارت صوبها ب كل خوف . .

انا : مشكوره دكتووووره . . " صديت صوب عنود وغمزتلها تسير تحاسبها لاني ما يايبه شي معايه "

طلعت عنود دقايق وعقبها ردت . .

عنود : شساااااااالفه خبريني . .

وخبرتها . .

عنود : الله يهديييج يا ميروه . . الله يهديج . . ما ينلام مايد اي حد مكان بيتخبل بيقول ليش ما تتتبااا منه عيال . . متزوجتنه لعبان يعني . . استغفر الله .. " تمسك ظهرها "

اانا : انتي روحج مش ناقصه ريحي روحج . .

ميره تصيح . .

سرت صوبها انا وعنود وتمينا نهديها

ميره : ليش ما ماااااات ليييش . .

انا : يا ميره استغفري ربج . .

عنود بعصبيه : يوم بيموت تتحرين روحج بتستانسين ؟ وربي بتننوحين عليييييه . .

ميره تصارخ : اطلعو خلوني برووووحي اطللللللعو عني . .

اول ما طلعنا شفنا مايد عند الباب . . على طول كانت عينه علي . .

مايد : شو . .

اانا اطالعه : الحمدلله بخير مافيها شي . .

مايد يطالعني ومش ها الي يترياه . . : و ألي ف بطنها . .

انا اطالعته : روح داخل بتعرف منها . .

مايد : خبرررريني . .

عنود : ماياااه شي الحمدلله . .

مايد يغمض عينه : اللهم لك الحمد . .

ابتسمت عقبها وروحت انا وعنود عنه . . وشفناه يدخل لها . .

مشينا بنروح الميلس وجابلت سيف وحرمته وهي شابكه ايده وتبتسم . .

اول ما شااافني وحط عينه ف عيني وخر ايده عنها بهدوء . . اطالعته نوره وتلاشت ابتسامتها وصدت صوبي وهي تطالعني باحتقار . .

حزتها ياا صقوري صوبي وهو يركضض . .

صقوري : كااالوووووه . . مهااااااليييي . .

انا نزلت له : حيااااااتي انتتتت عمممممري . .

شليته ووقفت ومن رفعت راسي شفته يطالعني ويبتسم . .

عنود : بسير اساعدهم يحطون الغدا . .

كملت مشيتي وططنشت هالاثنين بروح الميلس . .

عطيتهم ظهري ومشيت . .

سيف : بنت عمي . .

سويت عمري ما اسمعه وكملت مشي . .

نوره : ع الاقل احترمي ان في شخص يزقرج . .

صديت بكل قهر واطالعتها : ما اتريا منج تعلميني الاحترام . . علمي روحج

عمي حمد يصارخ : مهرررره ّ!!!!!!!!!!

انا صديت اطالعته . .

انا : هلا عمي . . " سرت صوبه ببوس راسه لكنه دززززني بقوه "

انا نزلت الولد الي انصدم وركضض بعيد . .

عمي حمد يصارخ : اطلعي برررررا . .

سيف :ابوووويه !!!

نوره تصيييح : كله تهيني عمي كله تهيني . .

سيف يدز نوره : دخلي حجررررتج . .

نوره : آآآآآي سييييييف تضربني عشاااانها . .

عمي بكل غيض : اطلعي برررررررررا . . كل ما تييييين تسويييييلنا مشاكل . . لا تدششششششين بيتي مره ثااااااانيه . .

انا اطالعه ومنذهله منه . . يااااا الله يا عمي . . انا بنت اخوك . . اانا الي من دمك مش هي . . . ماقدرت اقوله هالكلام لان الكلام مع عمي حمد ضااايع . .

عمي حمد : بعدج تترييين . . !!!!!!!!

سيف يزاعق : ابووووووووووووووووويه خلاااااااص . .

مروان : شصاير . .

عمي حمد : اطلعي برررررررع . .

انا ماعرف ليش ريولي منشله ماقادره اتحرك وربي . .

مروان : بنت عمي مااااااااا تطلع من البيت . . ما عاش الي يطردها . .

عمي حمد فاج عينه : ماعاااااش ؟؟؟ انا عشششششت وبطرررردها . . شعندكككك مرواااان . . شعنننندك . !!!!!

مروان يزاعق : بنت عمي ما تططططططططلع من البييييييييت . .

انا اصد صوب مروان : خلاص . . خلاص مروان . .

مشيت بطلع . . مسكني مروان من ايدي . .

مروان ماااسكني بقوه من جتفي : ما بتطلع بنت عمي وانا حي . .

انا : مروان دخيلك . . بلا مشاكل اكثثثر . .

عمي حمد يسير صوب مروان ويعطيف كفففف . .

عمي حمد : اننننننت تمشي كلاااااااامك علي . . انتتتتتتت . .

ما بغيت اكمل الموقف . . ركضضضضت وطلعت برع . .

كنت ارجف من فوقي لتحتي . . دشيت بيتنا ع طول وركضت حجرتي وقفلت الباب . .

ليش عمي ليش . . لين متى بتم تسوي فييييني جييييه لين متى . .

مسحت دموع القهر الي نزلت . . دقايق واندق الباب . .

سرت صوب الباب وبطلته . .

شهاب يطالعني : انتي بخير . .

انا اطالعه جنه مافيه شي : هيه ليش . .

شهاب : لااااا تمثثثثثلين وتسوين روحج عادي . . الكل عرف الي صار . .

انا اطالعه : الكل عرف ؟ انا لازم انحرج بين الكل لازززززززم . .

قعدت ع السرير وصديت ويهي الصوب الثاني . .

اميه دخلت : مهره اميه ؟

انا اطالعتها : امايا . .

اميه : ماعليج من عمج . . لا تقهرين عمرج عليه

انا : تعبت امايا مننننننننه تعبت . . لين متى بيتم يسوي فيني جيه لين متى ..

شهاب : الكل طلع من اهناك . .

انا اطالعه بصدمه : شوووو . .

شهاب : يدي لما عرف الي صار قال يحرم عليه يدش هالبيت مره ثانيه . . وقال هاي اخر يمعه تكون في ببيته . . اليمعات اليايه كله بتكون في بيت يدي . .

وليد يدق الباب : السلام عليكم . .

الكل : عليييكم السسسلام . .

شهاب : يالله امايا تزهبي . . " يطالعني " لبسي عباتج بنتغدا برع . .

امايا : لا انا بسير عند يدتكم . . بساعدها بتسوي غدا الحين . .

شهاب يطالعني : نشي ياللله . .انا بروح اخبر الباقي يزهبون . . " يا صوبي قرص خدي " محد يزعل اختيه . .

وابتسم وطلع هو وامايا . .

وليد سكر الباب ودش قعد حذالي ع السرير . .

ما طالعته .. لاني ماعرف انا بعدني زعلانه منه ولا اصلا . .

وليد : صوبنا . .


انا ما اطالعته . .

وليد حرك ويهي بس انا نزلت ايده . .

وليد : شدعوووه . . .

قمت وقفت ومسك اصابعي : ردي مكانج . .

انا : وليد مالي خلق .

وقف وجابلني . : تكلمي . .

انا صديت ويهي الصوب الثاني . .

وليد : مش متحمله تشوفيني بعد . .

انا ما رفعت راسي ولا اطالعته . .

وليد : قاااعد اكلمج . . ِ!!

انا ماطالعته اببببببببد . .

وليد : زين خلج جيه مش مشكله . .

كان ياي بيطلع وعقب صد اطالعني وبعدها رد طلع . .

عقبها ب شوي دق شهاب الباب . .

انا : شهاب مااااااااالي خاطر للاكل دخيلك خلني ف حالي . .

شهاب دش : امشششي بسرعه ..

انا : شهاب قسم بالله واصله فيني لين اهني " أاشر ع خشمي "

رقوي : خلها تولي لااااه هاي الدلوعه . . يعني كلنا متعودين ع عمي حمد هالسخيييييييييييييف خليه يولي والله ماعندج ساااالفه تكدرين روحج عشانه

شهاب : استحي ع ويهج لا تقولين حق عمج سخيف . .

رقوي : ما تشوفه كيف قهر بنت عمي . .

شهاب ياي يرد عليها بس انا زاعقت : دخيلكم اطلعو برع .. برررع بررررع . .

هم كانو واقفين عند الباب . . سرت صوبه وسكرته وقفلته . . جد مالي خلق اي ششششششششششششششي .. الي فيني كافيني . . كفايا الاهانات الي محلتنها مش متفيجه لأي سخافه جدامي . .

تمو يدقون الباب وانا مطنشه . . بدلت ملابسي ولبست لي برمود فضفاااض اسود مع قميص اسود ساده كت وسكرت الليتات وتلحفت ورقدددددت . .

فتحت عيني على اذان العصر . . مسكت البي بي تميت اشوف الصور الي حاطينها فالقروب ما علقت ع اي شي وسرت توضيت وصليت العصر ومسكت لي قران تميت اقرا . .

بعدها حسيت بيوع فظيع لكن ما اريد اطلع من الغرفه والله . . دقيت ع الخدامه قلتلها تسويلي اكل خفيف . . شوي واندق الباب . . سرت فتحته حسبالي الخدامه لكن طلع وليد . .

وليد يطالعني : صح النوم . .

انا اتنهدت ويايه اعطيه ظهري لكنه مسكني من جتفي بقوه . .

جابلني وهو ماسك جتفي وبعدها قفطت ع اللبس الي لابستنه لكن حاولت اسوي روحي عادي . .

وليد : بلا عناد . . يالله بدلي عشان نروحلهم . . هم رايحين البحر كلهم ويتريونج . .

اانا : مالي خاطر . .

وليد يمسك ويهي بايدينه الهنتين يخليني اطالعه : شوفيني . . شفيج علي . . شو مضايقنج مني . . انا اتأسفت لج مليون مره . . بررت لج موقفي . .

انا اقاطعه : انا مش زعلانه منك . . " اطالعه " زعلانه من نفسي . . .‘زعلانه ع الي يصير لي من كل صوب . . ومن كل شخص . .

وليد : انا معاج . . ايدي بايدج . . مابرضا حد يجرحج . . الي يجرحج ويمسج ب سوء تراه يمسني .

انا : . . .

وليد تقرب مني وحظنني : بسج دلع . . بسج . .

تم حاظنني لين يت الشغاله ولما شاافتنا صرخت . .

الشغاله تصارخ : اووووووه مدااااااام سسسسسسسوري سوووووري . .

انا و وليد متنا ضحككككككك . .

انزين يا حماره رووووحي سوي روحج ما شفتي ترا احنا ما لاحظناج . . ليش تحرجينا وتحرجين رووووووحج . .

وليد يبتعد عني ويطالعها : ههههههههههه روحي هالاكل كله انتي كليه . . انا بودي مدام مطعم . .

الشغاله تبتسم ومستانسه : زيييين باباه زييييين . .

وراحت . .

وليد يبتسملي ويقرص خدي : فديت هالابتسامه . . ما بغيتي . . !!!!

انا ادز ايده : كم مره قلتلك لا تقرصني ما احب القررررررص . .

وليد يتقرب مني : عيل شو تحبين . .

انا ادزه ع ورا : ايييييه عن المصاخه . .

وليد فاج عينه : مصاااااخه . . !!!!!!!!

انا : ههههههههههه قوم عنييي عاااااااد . .

وليد يسكر الباب ويقفله . .

انا بصوت عالي : وليييييييييد عاااااااااااااد . .

وليد يبتسم : عيون وليد . . قلب وليد . .رووووووووح وليد انتي . . .

انا : ههههههههههههههههه انزين انزين " ابتسم " شكرا يالله لا تفشلني وافتح الباب . .

وليد يتقرب ويبتسم ب خبث . .

انا : ولييييييد ههههههههههههههههههههههههههههههههه

وليد : انزين ليش تضحكين . .

المشكله ما يدري اني اضحك لاني ميته احراج . .

وليد : يالله قولي ليش تصحكين . .

انا ابتسم : بس انته اتضحك . .

وليد : لاه ؟ انا اضحك هاه . .

انا ابتسم باحراج اكثر : يالله اطلع خلني ابدل . . والله ميته يوع

وليد يبسم وقرص خدي ع خفيف : يالله . . . قبل لا تبدلين تعالي ببوسج . .

انا : هههههههههه جب جب . .

سسسسسحبني صوبه ومسك ويهي . . وباس يبهتي بقوه وبعدها ابتسم . .

وليد : لا تضضايجين من الي صار . . عمي حمد وراه شي ومصيرنا نعرفه . . لاتخلينه يغير ابتسامتج . . واذا انا كنت سبب بعد . . انا ااسف . .

انا ابتسمت له . .

باسني ع خدي بعدها وطلع . .

وانا حسيت برااحه الحمدلله . . سرت صوب ملابس العرس وطلعت لي سكيني احمر وتميت ع القميص الاسود الكت . . تعدلت شوي وحطيت مكياج خفيييف . . رشيت عطر رشششه وحده بسس قبل لا ألبس عباتي . . وبعدها لبست لي عباه مفتوحه تطريز خفيف بالاسود ع الاطراااف . . مع كعب اسود وشليت معاي نعال " الله يعزكم " خفييييف للبحر . .

وليد يدق الباب : يالله حبيبي . .

سرت فجيت الباب وانا مبتسمه . .

وليد يتبسم : فدييت . .

كان لابس له برمود تركواااز مع قميص ابيض وجاكيت خفيييف . . وحااط مثل العاده كاب ع راسه . .

شليت هاند باقي مع فوناتي والنعال للبحر حطيته ف جيس وخليته فالسياره . . لان بنروح ناكل اول . .

اول ما وصلنا المطعم وبعد ماطلبنا الاكل . .

وليد : ابا افاتحج بموضوع . .

انا اطالعه : قووول . .

وليد : شرايج . . ممممم . . شوفي فالبدايه انا بعدني عند كلامي .! وما غييرت رايي .. حطي هالشي ف بالج عدل ! الي بقولج اياه مجرد اقتراااح لا غير . .

انا : ششو قول انزين . .

وليد : بما ان بيتنا خالي . .

انا اقاطعه : وليييد انت عارف رايي فهالموضوع

وليد : انزين انتي بس سمعيني . . " يبتسم " سمعيني بس . .

انا اطالعه : كمل . .

وليد : بما ان بيتنا خالي وابوي اصلا عايش في بيت يدي يا دوب ييي البيت يبدل ويطلع . . شرايج تشلين كل اغراضج . . ما بقول كل ! يعني اغلب الاشياء البيت اهناك . . واتمييين طوووووووول الوقت عند امج إلا حزه الليل . . حزه الرقاد ! نجتمع اهني . .

انا اطالعه : ماقدر . . ماقدر اخلي امي . .

وليد : انا بعد ما ابي اخلي امي . . تراها امي مثل ماهي امج . . لكن شهاب معاها . . واصلا حزه الرقاد انتي ما تروحين لها . . وانا بكون معاج في غرفتج ف بعد مستحيل تروحين لها . . ف شو فرقت . . البيت مجابلنكم لا غير . . ودقت حصى بتينها اي وقت . . حتى لو تبين انا بيييبج اي وقت . . وانا ما قلتلج تعالي بنعيش اهني سوى !! انا اقولج خلي بيتج يكون ذاك . . وهذا يتم بيت امج . . وبعدين . . ماتبين خصوصيه ؟ اكيد مرات محتاجه تاخذين راحتج و . . ماعرف انا هذا رايي . .

انا اطالعه مبتسمه : موافقه . .

وليد يطالعني : هاه . .

انا : موافقه !

وليد : بهالسرعه . .

انا : دام بس حزه الليل . . ليش لا ؟ وبعدين صح . . اكيد اني بحتاج الخصوصيه . . ومهما كان " ابتسمت " موافقه . . وان شاء الله اليوم اول ما ارد بزهب اغراضي . . اوردي الزهبه موجوده وبعدها ف شنط . .

وليد : حلوو . .

انا : لكن من احين اقولك . . ما بهد امي ترى

وليد : والله انا مابيج تهدينها اصلا . .

ابتسمت له ..

وليد يبتسم : خلج دوم جيه . .

انا اطالعه : شو جي ؟

وليد يبتسم : ما تعارضيني . .

انا : لاااااااا والله . . لا تصدق روحك وايد . . اقتراحك كان زين لا غيير

وليد يبتسم . .

بعدها مسك ايدي : لابستنه . ." ابتسم ابتسامه عريضه " حلو ع ايدج . .

يقصد الدبله طبعا . .

وليد : لا تفصخينه ابدا سمعتي . .

انا : ان شاء الله . .

وليد باس ايدي . .

عقبها وصل الاكل . . وتميت اكل بيووووووووووع وحتى وليد كلا من قلب لانه بعد مش ماكل عدل . . عقبها سمعنا اذان المغرب . . طلعنا سرنا مسيد قريب وصلينا المغرب ومن عقبها ركبت السياره متوجهين البحر للاهل . .

مسكت فوني يتني فكره واتصلت عليها . .

انا : مرحبا .

شهود : حيااااااااتي فديت هالحس وحشتييييني والله و وحشوني البنااات . . شخباركم . .

انا : جببببب . . بخبرج لما اشوفج تعالي البحححر . . الحيييييين . . البحر الي كل مره اقولج عنه . . يالله الحين من دون كلام . . قولي للدريول وتعالي . .

شهود : شساااااالفه

انا : باااي . .وان ما يييتي لا تلومين الا نفسج . . باي . .

وسكرت عنها . .

وليد يطالعني : شهود ؟

انا : هيه . .

وليد : شو فراسج . .

انا ابتسم : بتعرف بعدين . .

وليد يرن فونه . .

انا : منو . .

وليد : مادري رقم غريب . .

انا : لا ترد . .

وليد : بشوف منو

انا : قلتتتتتلك لا ترد . .

وليد يطالعني : بلاج انا مش مسيف ارقام الكل . .

اناا اطالعه . .

رد وليد : الووو . . هلا ؟ منووو ؟ لا ها مش فون احمد . . مغلطه . . مع السلامه . .

انا اطالعه : حلو والله . . حلووو . .

صديت الصوب الثاني . .

وليد يمسك ايدي : هههههه . . والله مش مسيف ارقام الشباب

انا اهد ايده . .

وليد يرد يمسك ايدي : حبيبي عاد . .

انا هديت ايده . .

وليد : انزين عطيني ويه خليني اشوووووفج . .

وصلنا البحر وبطلت الباب نزلت عقب استوعبت اني ما شليت النعال وماقدر امشي ع الشاطي ب كعب . .

لما ييت ارجع شفته نازل من السياره ويطالعني . .سرت صوب باب السياره شفته مسكر .

انا : بطل السياره . .

وليد يا صوبي وجابلني . . انا كنت متسانده ع الباب . .

انا : وخرررر . . بطل السياااااااره . .

وليد : ههههههههههههههه . .

انا اطالعه وبعصبيه : شو الي يضحك الحين . . مستانس لانك سمعت صوت بنت . .

وليد يبتسم :لا . . مستاااانس ع الي يغاااارون . .

انا حطيت ايدي ع صدره كنت بضربه لكنه مسك ايدي وسحبني صوبه . .

وليد : شوووه ؟ شووووو . . ؟ شوه عندج . .

انا منحرجه : وخرررر عن حد يشوفنا . .

وليد : شعلي منهم .. كلميني . . قولي انج تغارين . .

انا اطالعه : اغار ع شوووووو . .

وليد : تغارين علي . . "يبتسم "

انا : روح رووووووح طيييييير ها الي ناقص . .

وليد يحط ايده ع ويهي : بتحلفين . .

انا اوخر ايده : مااااااابا النعال البسسسسه انته . .

وفجيت الكعب وشليته ومشيت

وليد : ههههههههههههههههههه تعالي . .

انا طنشته وكملت مشي . . تميت ادور يمين يساااار لين لمحت رقوي . .

سرت صوبهم كانو فارشين حصيييير وفي اجباس وحلويات وعصااااااير . .

شليت لي اورنامين وقعدت ع الحصير . . كانت عميمه نوره طايحه ع ريل شيخه . . وشيخه تهمز راسها . .

انا : شفيج عميمه . .

عميمه نوره : استرخي . .

انا ابتسمت . .

شيخه : مهور جنه وليدد يزقرج . .

انا : طااااف سوي عمرج ما تسمعينه ..

شوي ورن فوني . . شهد قالتلي انها وصلت . .

سرت صوبها وسلمت عليها وخذيتها بالاحظان . .

كتبت فالقروب ان لازم الكل يجتمع صووبي . . وبعد 5 دقايق كل البنات يووو عندي . . وصراخ وحظن لان من فتره ماقعدنا مع شهووووود . .

انا : خلود دقي لاخوج بسرعه . .

شهود ترتجف : مهور شو تسوين عن حد يشوفنا . .

انا : خلود يالله شو تترييييييين . .

رقوي : خلوووووود دقي يالله . . وناسه حماسسسسس . .

شيخه : شو فراسج مهور خبرينا . .

انا : صبرو . .

دقت خلود وعطتني الفون . .

انا : ولد عمي انت وين . .

راشد : موجود . .

انا : وين انزين ما اشوفك . . " تميت اتصدد شفته ع البحر قاعد ع طرف وروحه " شفتك شفتك . .

كان الدنيا شوي بدت تظلللللم . . في انارات خفيفه بسسس . .

انا : كاني رافعه ايدي شفتني

راشد : هيه . . شفيج ؟

انا : تعال شوي ضروري . .

راشد : انتي من معاج . . اشوف وايد

انا : تعال وبس . .

راشد سكر عني ومشى وتمينا نشوفه وهو يمشي . . عيني ع شهود كانت ترجفففف . .

مسكت ايدها وابتسمت . . شوي وو وصل راشد صوبنا . .

راشد : هلا بنات عمي بغيتن شي . .

وحطا عينه ف عينها . . تم يطالعها بشوق بـ لهفه . . ماوخر عينه عليها ابد . . حتى شكله نسى ان نحن موجودين . . شهود كانت تطالعه وتبلع ريجها وشوي وتنزل راسه . .

رقوي : احط لكم لحن حزيييييين ؟ ونصييييح

ضحكو عليها . .

انا : انا بس يبتكم عشان اسالكم انتو الاثنين . . مستعدين تسوون كل شي عشان اتمون مع بعض . .؟

راشد بسرعه جاوب : مستعد ب موتي . .

شهود بصوت خفيف : بعيد الشر . .

انا : راشد انا بشل شهود الحين وبنقعدها ويا امك . . وكلنا بنمدحها وبنرمس كيف نحن نحبها ونباااااااااها وياها . . وماحاسين انها غريبه عنا وحاسين انها من دمنا وفينا . .

راشد : بسس

خلود : مافي بس . . فكره حلوه . . خل نحاول شو ورانا . .

شيخه : صح . . دامك تباها كلنا بنسااااعدك . .

رقوي : يالله فوووووقه على امي . .

انا ابتسمت :خلنا نحاول . .

راشد يبتسم وحط عينه ف عين شهود وابتسم . . : حطو بالكم عليها . .

انا ابتسمت : لاتحاتي . .

ومشينا عنه ومخلين شهود ف النصص . . سحبناااااها وقعدناها صوب الحصير وين الحريم قاعدين ويقصون فواكه . . عرفنااااهم ع شهود وعطييييناهم من الزييييين . . كل وحده فينا تمدددددددح وتقوووووول الاكو والمااااااكو . .

عميمه نوره تبتسم : والله يا شهد شكلهم البنات عاشقينج عشششق . .

شهد تبتسم . .

حرمت عمي خالد " ام راشد " تبتسم : ماشاء الله عليج يا اميه . . ما ناقصنج شي . .

انا : خالوه . . ترا راشد خاطره فيها من قلبه . .

حرمت عمي تنزل راسها : انا ما بايدي شي . .

انا : بيدج خالوه والله بيدج . .

اميه : ترا صعب يا ام راشد تلاقين لج بنت الحلال الي االكل يحبها . . وشوفي ماشاء الله ع البنات . . حاطينها ف وسطهم وشوي بيشلونها ف حظنهم . . حابينها كلهم ولا وحده فيهم عايفتنها . . ولو وحده فيهم شافت فيها عيب جان ردوها وعابوها .. لكن شايفين فيها كل زييين . . وانا لو راشد مش فخاطره البنت جان والله خذت شهد ل شهاب . .

رقوي شهقت : شوووووووو . .

كلنا ضحكنا . .

حرمت عمي خالد تبتسم : ف هاي صدقتي يا ام عنود . . صعبه ألاقي بنت حلال كل البنات يحبونها . . وماشاء الله عليها جنها بنت عمهم ولا غريبه عليهم . . " تبتسم " انا برمس بو راشد وان شاء الله خير . .

كلنا صرخنا واستاااانسنا وسرنا صوبها حظنااااااها . . وطرشت رقوي تخبر اخوها وتبشره . . اكييييد ما بتشيله الدنيا من الفرحه .. بعدها خبرت شهود تروح عشان ما تنقدها حرمت عمي وتقول تيلس فاللليالي وتشوف الغرب مافيناااااا . .

وسوت الي قلته وراحت . .اوردي الدريول كان يتريااها . .

مسكت الفون وفتحت القروب ما شفت ميروه للحين كاتبه شي . . فتحت محادثتها شفتها كاتبتلي لما دخل عليها الظهر شقالها . .

>

<

>

مايد : الحمدلله ع السلامه . .

ميره تصد ويهها الصوب الثاني : اطلع برع مابي اشوفك . .

مايد تقرب منها وباس راسها . .

ميره تصيح : الحين عقب شوووو . عقب ما ضربتني . . كنت بتذبح الي ف بطني . .

مايد : انتي ما تبينه . .

ميره :بس لما ضربتنننننننني وكنت بخسسسره خفففففففت " تصيح " خفت يروح مني . . بس ما بغيت اقول ولا ابين جداااام حد . .

مايد : صدق . .

ميره تمسح دموعها . .

مايد : انزين لا تصيحين خلاص انا حمار . .

ميره :وحيوان بعد . . صار عادي عندك تضربنننني . .

مايد : لا مش عادي ولا بيكون عادي . . لكن انتي كلبه وتقهرين . .

ميره تحط ايدها ع بطنها . . : الحمدلله انه قوي وتحمل . .

مايد يبتسم ويحط ايده ع بطنها : ياويلي . . الحمدلله . . ميرووه .. بيننا يااااااهل . .

ميره تبتسم : هييييه . .

مايد يبتسم : بتصيرين ام يا حماره . .

ميره : حتى انت بتصير ابووووووو يا حماااار . .

مايد : احلى ام واحلى حمااره اصلااا

ميره تبتسم . .

مايد : بخليهم يييبون لنا الغدا اهني . . من اليوم ورايح تدللين وتامرين " يبتسم "

>

<

>



سوبت لها بنق كتبت لها ليش ما يت البحر لكنها ما ردت علي . . شكلها مشغوله ويا حبيب القلب . . بعدها دقيت ل عنود . .

انا : الوووو . .

عنود : لا مهور . .


انا : وينج ليش ما يييتي . . ليش ما يبتي الولد يغير جو . .

عنود : مهور الي فيني مكفيني . .

انا : ليش شو بلاااج . .

عنود : عبدالله يكلم غيري . . يكككككككلم غييييييري . .

انا : يا عنود لين متى بتم الفكره براسج . . عبدالله تغير ويحبج وايد . . مستحيل يسويها . .

عنود : مكالمااااته مهور تزيد كل يوم . . كل يوم تزيد مكااالمااااته . . اقوله احلف ما تسوي شي من وراي ما يحلللللف . .

انا : بسس

عبدالله : ترمسين فون . . ؟

عنود : ارمس ولا ما ارمس . . بشو تفرق ؟

شكلها عنود فرت الفون متعمده عشان اسمع . .

عبدالله : شفيج علي يا حبي . . شسويت انا غلط . .

عنود : انا اعرف انك ترمس غيري والله اعرف . .

عبدالله : استغفر الله . . خلاص عنود . . تبين تعرفين ارمس منو من وراج . . خذي فوني فتششششيه شوفي كل شي . .

عنود : عقب ما مسحت الارقام واتفقت عليهم ما يدقون ؟

عبدالله : حبيبي حرام عليج شو هالتهم كلها . .

سمعت صوت شكله ينبش فالسدات . .

عنود : شو هذا ؟

عبدالله : ها المهندس الي اكلمه من وراج . .

عنود : مهندس !!!

عبدالله : ابنيلج بيت . . عشان نطلع من اهني وترتاحين . . عشااان اختج ما تنهان كل مره تي اهني فيها . . وانا ادري انج تتعبين مرات ماترومين تروحين بيت امج لكن تجبرين روحج بس عشان ما تخلين مهره تي اهني . . بغيت افرحج . . بغيت اسوي شي وااااحد ف حياتي يفرحج ويريحج . . خاطري اسويلج مفاااااجاااااه تستانسين عليهاااا وانا اعرف انج بتستاااانسين علييييها . .

عنود : . ..

عبدالله : انا قلبي يدق لج انتتتي . . شله اكلم غييييرج يالخبله . . انتي من حملتي الحمال الثاني وفيج بنت وانتي متخبله . . شو هالافكار السودا . . زين جي خربت المفاجاه ؟؟

عنود : تتحراني هبله بصدق كلاااااامك ؟؟؟ مهندس كله ترمس فـ الليالي وكله ترمسه فالسياااااااره . .

عبدالله : حبيبي والله انه يدقلي مسكين طول الوقت وانا فالدوام تعرفيني ما ارد ع حد يادوب ادقلج اطمن عليج . . وارد العصر ابوي يكرفني ولا انشغل ويالشباب وبعدين مابا حد يسمعني عشان ما يووصلج الا مننني . .

عنود : وليششش هاك اليوم يوميييييين مارقدت عندي ولا يييت البيت حتى

عبدالله : انتي شفتي كيف كننننننتي ؟؟؟ شفتي كيف لابقه وتصارخين وتتنرفزين لما تشوفيني وتعصبين علي طول الوقت . . وبعدين تبين تعرفين انا وين كنت ؟ دقي لاخوج شهاب بيخبرج . . انا كنت ارقد في بيت يدي وشهاب شافني وخبرته انج رايغتني وتشكين فيني . . ولو ما بتصدقين اخوج اسالي يدوه تعررفينها ما تجذب . .

انا : عشان جيه يدوه جالبه علي . .

عبدالله يبتسم : لانج مرقدتني ف صالتهممممم . .

عنود : حبيبي . . عمري حياتي . . انا اسسفه حبيبي والله اسسسسسفه . .

عبدالله : الحين حبيبي حياتي ؟؟ اسبوع ونص وانتي تسفلين فيني . .

عنود : حبيبي والله . . الله ياااخذني يارب . .

عبدالله : قصصص لسسساااااانج يا حيوانه لا تقولين هالكلام . .

بعدها ابتسمت وسكرت الفون . . مش لازم اسمع باقي المكالمه . . المهم انهم تصافو ولله الحمممممممد . .

فجيت محادثه شماني كنت بسالها ليش ما يت لكني سمعت حس البنات وهم يزقرون باسمها . . شكلها توها يايه . .

سرت صوبها وابتسمت . .

شماني تطالعني وتحظني وتصيح . .

انا : حياتي شماني شفيج . .

شماني : حرام ليش سوا فيج جيه عمييه ؟؟

انا : هههههه حبيبتي انتي فدييييت الي دموعها ع عينها . . عادي فديتج والله عادي وانا نسيت الموضوع خلاص . .

اجابلها وامسح دموعها : فديت بنت عمي والله . . انا قويه ما اتاثر حبيبتي ابد . .

شماني تطالعني : بنت عمي لا تزعلين ع عمي ولا تدعين عليه مهما كان يبقى عمنا . .

انا ابتسم : اعرف . .

شماني : ولا تقطعينه وكوني الاحسن لانج انتي الصغيره لازم تكونين مطيعه مهما كان ز .

انا ابتسم : ماعليج مني . . انتي خبريني " حطيت ايدي ع بطنها " شخبار البيبي . .

شماني تبتسم : الحمدلله. .

مروان يا صوبي . . : بنت عمي

انا اطالعه وابتسم : هلا ولد عمي . .

مروان : السموحه ع الي صار . . يا كثر ما استسمح منج والله . .

انا : افا عليك ولد عمي امررره السالفه منتهيه والله . .

مروان يبتسم : قويه بنت عمي قويه من يومج . . هاي يلسه يدي وتربيته . .

انا ابتسمت : تسلملي والله . .

مروان يطالع شماني : بلاج تصيحين . .

انا ابتسم : ماتعرفها ؟ هاي بنت عمي الحسااااسه الي دمعتها ع عينها ع طول . .

مروان يبتسم : بتعلميني فيها . . تاج راسي هاي تاج راسي " يبتسم "

انا : ياويل حاليييي . . .

وليد يا صوبي : شعندج مخربه عليهم خليهم بروحهم

انا طنشته . .

مروان : اووووووب زعلانين هههههههههههههههههههههههه . .

رقوي تصارخ : شهاااااااااب . .

حرمت عمي خالد تعصب : رقوي وعثره . . استحي ع ويهج .

رقوي : يماااه شفيج علي . . تراه هو يقهر ارمسه ما يرد علي . .

حرمت عمي خالد : خلي الرياااااال ف حاله وتعالي اهني يلسي حذالي . .

انا + مروان : ههههههههههههههههههههههههههههههههههههههههههههه

وليد : هههههههههههههههههههههههههههه يابت لعمرها . .

شفنا شهاب من بعيد كان يطالعها وميود ضحكته . .

وليد : تعالي انتي تعالي ابااج ف سالفه

مروان : روح روح ما بتسويلك سالفه . . والله مش هينه بنت عمي بعد تعرفين تزعلين وتتغلين . .

وليد : اووه ها ولا شي . . خل ابلييسها هادي . .

انا اطالعته بنظره . .

مروان : روووووووووووح يا ريااااااال . . رووووووح لا تدفنك اهني . . ماتعرف ماخذ منو انت . .

انا ابتسم : ما يضحك مروان انزيين

صديت صوب شماني لقيتها لاصقه ف مروان بطريقه عشان ما ينشاف ويهها لـ وليد . .

وليد شلني . .

انا : ايييييييييييه . .

وليد : عيل ازقرج اكلمج مسوتلي طاف واضحكين هالبببغل عليّه . .

مشا وليد فيني بعيد عنهم . .

انا : نززززززلني ايييييه والله فششششششله . .

وليد يمشي بعيد : ظلام منو بيشوووف ؟ يعني الحين اعقج فالبحر والله محد دراابج . .

انا : هه ما ترووووم ماتروم . .

وليد : ما اروووم ؟؟

تم شاااالني ودخل البحررررر . .

انا اصارخ : يمممممممماااااااااااه

وليد : هههههههههههههههههه تروعتي هاه . . امج ولا تدري بج . . والله صارخي من اليوم لين باجر .

انا : وليد ي حمممممماااااااااااار . .

وليد : اعققققققققج . . ؟ اعققققققج .؟ عطيني سبب واحد يخليني ما اعقج الحين . .

انا : ولييييييييييييييد عااااااد . .

وليد : قلتلج عطييييييني شي واحد ما يخلييييييني اعققققققج . . هاااه . .

انا بلعت ريجي وبصوت خفيف : احبك . .

وليد : . .

انا : . .

شوي و وليد نزلني لكن بطريقه خلاني اوقف فيها . . تخيست عباتي من تحت طبعا بالمااااااي لين تحت الركب بشوي . .

وليد يطالعني : شـ قلتي . .

انا ابتسمت وصديت ويهي عنه . .

وليد يمسك ويهي بايدينه الهنتين : شقلتتتي سمعيييييني . .

انا ابتسم بحيا : احبك . .

وليد : تحبيني . . " علامه ذهول " تحبيني . . . احبك !! حقي انا ؟؟!!!!

يصد يمين يسار ورى . . بعدها رد يطالعني : شقلتي . .

انا حطيت ايدي داخل جاكيته وخليت ايدي تحظن ظهره وانا بعدني مجابلتنه . .

انا : احبببك وليد . . انت خليتني احبك . .

وليد يطالعني وتمتلي عينه . . : اتحبيني . . اتحبيني بنت عمي . . " يبتسم " والله تحبيني . . . ؟؟؟

انا : هيه . . " ابتسم "

وليد يغمض عيييينه ويحظني بقوه : فدييييييت روحج . فديتج . . فديت التراب الي تمشين عيلها . . واخيرا نطقتي واخيرا . .!!!!



قمت من سرحاااني ع تكرار جمله وليد . .

وليد يصارخ : يا العنزززززززز انا اهدد . . عطيني شي وااااااحد يخليني ما اعققققج . .

سرحت ف دقايق . . مادري . . اجرب . . اووو . . بكون متسرعه . . او انا مش واثقه من مشاعري لكن . .

طشششششششششششششششش

عقني ..

انا ع طول قمت واشهق : يا حقييييييييييييييييييييير . .

وليد يبتسم . . عطاني الظهر بيمشي بيطلع من البحر . .

انا : وليد لا ترووووح اخاف روحي . .

وليد يمشي : جب جب ما تمشي علي هالحركات . .

انا : وليد لا تروح اخااااااااااااااففف . .

بغيت اوقف لكن حسيت ب هبوط ف رديت يلست ع الماي . .


======== يتبع ======