رّوآيه " هآيـم فيّ بحـر آلشّوق وُ لذة هيآمك " - الصفحة 272

«ضَحِيًة حِبُيًبُيً ..}● · 02-23-2013, 12:46 PM

[align=right]

.

البارت الـ 33

بعد 3 ايآآآآم ف اسطنبوول والحواطه فيها ف اشهر الاماكن تقريبآ . . رحنا بعدها منطقة طرابزون وتمينا فيها 4 ليآآآلي بالضبط . . زرنا فيها مغاره جال وهي اكبر مغاره في تركيا . . وزرنا هضبه الثلج . . وزرنا قريه اوزونجول و الشلالات الي صوب قلعه طرابزون ورجعنا عقب هالاربع ليالي لـ اسنطبول عشان نروح اخر منطقه وهي بورصه . . بحكم ان ماشي مطار يودي من طرابزون لين بورصه . . وطبعا ف بورصه ما خلينا سوق شعبي ما سرناااااه وركبنا التلفريك وسسرنا صوب الشلالات والاماكن الطبيعيه الي تجننن . . وختمنااااها في المركز التجاري المشهور زفر بلازا . . وعقب الشششششوبنق الي يرد الروووووح رجعنا الفندق . .

ميره : ماااااااابا ارد البلاااااد . .

مايد يطالعها : افا عليج ما بنرجع . .

وليد يبتسم يطالعني . .

انا : انا لازم اررد . . بيبدا الكورس اليديد . .

ميره : مهور خل نتم إلا اسسسبوع ما يضر

انا : لالا حبيبتي الا دراستي . .

وليد : ماعليه متى ما تبا بيييبها . .

مايد : خف عليننننا بن عمي

وليد يبتسم . . كنا فالمطعم نتريا العشا . .

رن تلفوني . .

انا : الو . .

يدي : السلام عليكم . .

انا : هلاااا بهالحسسس . . هلا بالغاالي . . هلا ب يدي حبييييييييبي . . وعليكم السلام ورحمه الله . .

يدي : شحاااالج اميه مهره ..

انا : بخييير ابويه بخير يسرك الحال انته شحالك شخبارك شو صحتك عساك بخير

مايد : سلمممي عليه

ميره : لا تسكرين انا برمسه . .

يدي : بخييير ابويه بخيير انا . . يدتج تقول انتو باجر رادين ان شاء الله هاااه ؟؟

انا : هيييه ابويه ان شاء الله باجر احنا فالبلاد . .

يدي : بتنوررر الدااااار . .

انا : منووووره فيك ابويه . . هكي ميره تباك . .

عطيتها الفون . .

وليد يمسك ايدي : بعد ما لبستي الدبله !.

انا اطالعه : اووووه . . والله كنت اتوضا ونسيتها عند المغسله . .

وليد يطالعني وعقب صد عني . .

انا : وليد والله . . . .

وليد يقاطعني ويطالعني باصرار : اششش خلاص . .

ميره : ان شاء الله يدي . . وهم يسلمون عليك بعد . . مع السلامه . .

عطتني الفون . .

وصل العشا وعقبها قعدنا نتعشا ونسولف . .

ميره غصت . .

وليد : صحه صحه بنت عمي . .

مايد مسك الكوب وجبلها ماي ولما ياي يشربها انججججب عليها كلللللله . . هو اتحراها هي مسكته ف رخااا ايده لكن هي اصلا بس حطت صبعها مامسكته ف زلللق من ايد مايد وانجب عليهها . .

ميره تشششششهق . .

انا شهقت بعد . .

ميره : ميوووووووووود ي الحيوووووووووووووان . .

مايد يشل الكلينكس ويحطه ع جاكيتها ( لان لابسه جاكيت طويل ) بينشف بينشف . .

ميره بعصبيه : شو بينششف تباني امووووووت برد . . قوووم ردنننني الغرفه . .

مايد: انزين بنتعشا وبنروح . .

ميره : ماااااابا قلتلك الحين بنروووووح . . ولا تم وبروح رووووحي ..

مايد : قعدي قلتلج بنتعشا وبنروح . .

ميره يايه تتحررررك وتروح لكن مسكها بقوووووه من جتفها ويلسسسسها غصب مما خلا ميره تستغرب وانا و وليد تمينا نحاول نتجنب النطر ونسوي عمرنا ما نشوف . . ميره انصدمت وتمت تطالعه ب نظرات . .

مايد : قلتلج اقعدي عقب العشا بتروحين . .

ميره تبلع غيضها وحست باحراج . .

مايد تم ياكل واحنا تمينا ناكل . .

كان منطششششششششنها تطنيش نهائي . . مع انه يشوفها وملاحظ انها معصبه وما تاااكل شي لكن ابد ما سوالها سالفه وتم ياكل ع راااااحته . . من حقه يادبها شويه ههههههه . . عقب ما خلصصص قام . .

مايد : امشي . . " يطالعنا " بالعافيه عليكم . . بنسبقكم احن . .

وليد : ربي حافظنك بن عمي . .

وقامت ميره بعدها ومشت من غير ما تقول شي . .

انا : بل كلاها الفقيره . .

وليد يطالعني : تستاهل ما تشوفين تصرفاتها . .

انا : انزين يعني اتم جي تموت برد وهو يييلس ياكل بكل برود . .

وليد : ماعليه خل تقوله باسلوب عدل مش تعصب ف الريال . .انا لو انتي جي سويتي بعطيج طراق بيلسسج . .

انا : لاااااااا والله . .

وليد : هيه بعد شو . .

انا : انزيييين وليد انزيييين . .

وليد يبتسم : بس ادريبج ما تسوينها . .

انا : طااااع الثقه بسسسس . .

وليد يبتسم : جربتج . . لما اعصب ما تزيديني . . عكس بنت عمج تزيد الواحد وتعصب . . لا تتعلمين منها خلج مثل ما اانتي ز .

انا ماقلتله شي وتميت اكل . .

وليد يقرص جتفي : ومره ثانيه الخاتم لو انشل من صبعج ما برحمج ز

انا : آآآي . .

نزلت ايده . .

انا : لا تقررررصني . .

وليد : جب يالله جب . .

انا فاجه حلجي : وليييييد تقولي جب . . انا انا . .

وليد : هيه . .

انا : افا . . خلاص بنرد البلاد خلص الدلع يعني . .

وليد شرق . . انا ادحنه بقوه : بسم الله عليك . .

وليد يبتسم : تنتقمين صح . .

انا ابتسم: لا ماستحي ع ويهي لو سويتها . .

وليد : هيه زين .. . " يبتسم " خلصتي . .

انا : هيه الحمدلله . .

قام وليد ولما طلب الحساب قالهم ان مايد دافع . . قمنا عقب وقعدنا نتمشى حوالين الفندق . .

وليد يطالعني : دقتلي اميه اليوم . . شرهانه لاني مادقيتلها ولا طمنتها ولا رمستها . . وقالت تبا ترمسج قلتلها انج بعيد عني . .

انا : ليش ما عطيتني اياها . . احين شو بتقول عني . .

وليد : خليها تقول الي تقوله

انا : وليد مش ع امك عيب . .

وليد : الي سوته ف شهاب ما بنساه

انا : وكاهو شهاب عايش احسن عيشه الحمدلله والمسامح كريم . . وربك يسامح ويغفر ف كيف وانت انسان . . لا تسوي جيه مش زين . .

وليد : يصير خير . . " يطالعني ويدخل قصتي الظاهره بـ صبعه " . .

مسكته من جتفه وحطيت راسي عليه وتمينا نمشي وندور واحنا ساكتين

شوي وتم يعطس وليد . . وقفت وشفته . .

عدلت له فصم الجاكيت وسكرتها لين فوق . . وعدلت الشال الي محطوط ع رقبته علشان يدفييييه عدل . . طلعت من هاند باقي القفاز الي هو فصخه . .

وليد : ماااااابا قفااااز . .

انا : بتلبسسسسس . . هات ايدك

وليد يطالعني : مابي قلتلج . .

انا : هااات . .

وليد : ماااااااحبه

انا : ليششش ماتحبببببه . .

وليد : لاني ماحب بدفا ونعومه ايدج ..

انا قفطت ماعرفت شقول غير : هاهاهاها ما يضحك . .

وليد يقرص خدي : دخليه ما بلبسه . . وبعدين انتي مش لابسه وتقوليلي ألبس ؟

انا : انا مش عيوز ابرد شراااااتك . .

وليد : انا العيووووز مهور الحين . . اقولج انتي شكثر لابسه . .

يتقرب صوبي ويبطل الجاكيت . . بس اول فصمتين . .

وليد : هااا الجاااكيت الاول الطويل . . وها الجااااكيت الثاني الخفيف . . وهاا شوه ؟ هييييه ها قميصصصصج الثالث . . وهاااا بدي . . لابسسسسسه بدي بعد يالظالمه احس المفروض تعرقين الحين

انا : ههههههههههههههه

وليد : البدي الرااااااابع . . وشو ها . .

انا دزيييييته : اييييييه . .

وليد بخبث يضحك : ههههههههههههههههههههههههههه

انا : محد قاااااالك ع الاقل انا استر عمري عشان ما ابرد واستمتع فالجو . .

وليد يبتسم : المهم انتي مدفيه ها يكفيني . . وبعدين كل يوم تخليني ألبس 5 و4 اليوم محد قالج ما تزهبين لي . .

انا : انزين كنت اسسبح وتحريتك بتترياني لين اخلص واطلع لك . .

وليد : لا عاد مارمت اترياج . .

انا : عيل هاي غلطططتك مش غلطتي

وليد : لا غلطتج لانج ما تهتمين فيني . .

انا اشهق : الحين انا ما اهتم فييييك وليدوه . .

وليد يقرصني : لاتقولين وليدوه

انا : عييييييل شو اقول . .

وليد يبتسم : قولي حبيبي . .

انا باحراج : جب جب . .

وليد يبتسم . .

بعدها رديت امسكه من جفته وحاطه راسي عليه وسااااكتين ما نقول شي لين حسيت ب تعب ب ريولي . .

انا : خلاص خل نرد . . ريلي عورتني . .

وليد : عيووز . . يوم اقولج عيوز مووووول ما تصدقين

انا دزيته : لا تقووووولي عيووووز . .

وليد يبتسم : تعالي . . لا تروحين بعيد عني . .

انا : احين بيني ويبنك شعره صار بعيد . .

وليد يبتسم : تعالي . .

انا صديت راسي الصوب الثاني . .

وليد يسحبني من ايدي ويحظني من خصري . . : لما اقولج تعالي لا تصدين بعيد . .

ابتسمت وانا مستحيه بس ما قلت شي سويت عمري عادي . .

لمحت عيني على بنت خليجيه مجابلتنا بس ماكنت متاكده شو تسوي لاني لابسه عدسات واحسس العدسات مضببه بعيني . . بس الاكيد الاكيييييييد انها تطالع وليد وتسويله حركات انا متاكده من هالشي . . !!!!!!!!!

صديت صوب وليد شفته مبتسم . .

انا : والله حلو صراحه . . " دزيت اييده الي ع خصري " بخلييييلك الجو ع راحتك . . عشان جي تقولي خل نرجع ؟ اكيد كنت تفكر تخليني اهناك وترجع اهني تضبط امورك . .

وليد مستغرب : انتي عن شو ترمسين . .

انا : لا تمثل لي دووووووووووووووور البريء اوكيه . .

وليد : حبيبي والله مش فاهم . .

انا تلعثمت لما قالي حبيبي ف قفطت ماعرف شو اقول . .

مسكني من ايدي وجابلني وحطا ايده ع ويهي : شفيج . .

انا نزلت ايده بسرعه وصديت صوب البنت الي كانت مبتسمه وشااااااااااقه الحلج وهو يطالعها وتددلع وتسسسسسسسوي حركات مياعه الله يلوع جبدها . .

وليد : ههههههههه . .

انا : تضحك وليد بعد ؟ تضحك . . ااووووكي . .

عطيته ظهري وكنت يايه امشي لكنه يا وحظنننني بسرعه من ورى مما خلاني خلاص انصدم واموت . .

وليد يبوس خدي وهو حاظنني . . : انتي مينونه انا اطاالع غيرج ؟ مينونه ؟؟؟

انا : هدددني . .

وليد : ههههههه . .

انا بصوت عالي : وليد لا تضضضضضضضضضضضضحك . .

وليد : هههههه ان شاء الله خلاص ماراح اضحك . . " باس خدي " فديييتهم اناا . .

انا جابلته وهو ماسك ايدي اليمين وباسها : شو ابا فيها حبيبي . . انتي تغنين عن الكل . .

انا عقدت حياتي وصديت الصوب الثاني : مايندرا هيه من متى واقفه وتسويلك حركات . .

وليد : هههههههههههههههه خل تولي شو ابا فيها

انا بعصبيه : لا تضضضضضحك . .

وليد متفاااااااجأ : ياويلي . . ياويل حالي انا . . يغااارون !!!!!!!!

انا عاقده حياتي : اغاااااار ؟ ها الي ناقص انا ابد مافيني طبع الغيييييييييره . .

وليد : هييييييه " يبتسم" صح . .

انا : شفيييييك لا تششششكك بكلاممممممممي . .

وليد : ان شاء الله ان شاء الله هدي بس انتي . .

صديت اطالعت البنت شفتها تتقرب منا كل شوي . .

انا بعصبيه : تعالي اهني بعد حيااااج . . في مكان لو تبين تين . .

وليد قابض ضحكته ودق راسي ع الخفيف : انتي اييه . .ايييييه . . اييييه . . " دق راسي بصبعه " عن الخباااااال . . اتخبلتي . .

انا : جججججججب خوووووز عني . .

وهديته ومشيت وفجاه وقفت ولما صديت وشفته واقف ويعابل ف الفون اخخخخخخ استلبسني شيطااااااااااااااان . . سرررررت صوبه ع طول وسسسسسحبت الفون . .

وليد يطالعني : امج تتصصل وبندت فويهها بالغلط . .

انا اطالعه : اكيد عشان تسيف رقمها ؟ عطتك الررقم صح ؟. " ابتسمت وفريت الفون عليه وهو ما قبضه ف طاااح الفون . . "

مشيت عنه ولحققققني بسرعه ومسكني من جتفي وخلاني اجابله . .

وليد : انتي من صدقج ترمسين . .

انا اطالعه بكل غيض ودي أكللللللللللللله من كثر ما انا بنفجر . .

وليد : لا جد . .تتحرينني باخذ رقم هاي الي انا ما شفت فيها شي اصلا . . ولا انتبهت لها ولا عطيتها ربع من اهتمااامي . . حتى عيني مانظرتها الا لما اشرتي عليها . . انتي مينونه .!! " يدق راسي " في اهننني قووووطي صصصصح . .

انا صديت الصوب الثاني . .

وليد يبتسم ويحسبني صووووووبه ويخليني مجابلتنه و وايد قرييييييبه منه . . : يالمينونه انا ماشوف غيييرج . عيني ما تنظر الا عيونج . .

انا اطالعه عين ب عين . .

وليد : والله عيني ما تنظر الا عيونج . . " يبتسم " فديت عيونج . .

انا رديت صديت . . سحبني بهدوء وحظظني . . : فدييييييتهم انا فديتهم . . فديت اي يغاااارون . .

انا ضربته بايدي بكل قوه ع ظهره : لا تقووووووول يغاروووون انا ما اغار . .

وليد خاز عني وجابلني : يعني ما تغارين

اانا : لاااااا . .

وليد عطاني ظهره بيمشي صوب البنت : عيل انا شحققققققه فوت البنت

انا ع طول سرت وراه ومسكته من جتفه : ياحييييييييوان . .

وليد ابتسم بنصر وطالعني : شوه شعنننندج . .

انا خلاص الكلمه واقفتلي فالبلعوم لكن ما قلت شي . .

وليد : قووووولي قولي انج تغارين قولي . .

انا نزلت شليت فونه الطايح لانه لحقني وما شلاه . . وركبته وقمت . .

انا : يالله خلننننا نرجع . .

وليد مسكني من جتفي ويبتسم : اشوف اشوف . . هههههههههههه فديت هالويه انا . . الغيره باينه من هالعيون اصلا . .

انا : جب جب انزين . . . " وابتسمت . "

شبكنا ايادينا بقوه بعدها و رجعنا الفندق وهو راح يسبح ع طول . . كنت احس اني متردده وايد لكن بهالفتره كلها حسيت اني بديت اتعود عليه وبديت اتقبله . . تلبست وتزينت وفي بالي ان اليوم هو اليوم الموعود . . اليوم بقوي نفسي وبنسى الي صارلي . . حسيت اني وايد مستعده . . خاصه مع حنان وليد وتصرفاته معايه . .

بعد ما خلص سبوح طلع وجافني متعدله ومترتبه . . ابتسملي بحنان . .

وليد : شهالزييين . . كل ها حقي انا ؟

انا ابتسمت بحيا واحس خلاص مستحيه مووووووووووووت . .

وليد قرب صوبي وقومني وخلاني اجابله : متاكده . . ؟ تحسين انج . . . مستعده !

انا بلعت ريجي واطالعته وعطيته ابتسامه عشان اطمنه . .

“ cut “

وليد ابتعد عنننني وهو متجزززززززز . . ابتعد عني وهو يطالعني ب اشمئزززاز . .

وليد يصارخ : ماااااااقدر . . ماقدر ألمسسسسسج . . كيف ريال غيري لمسج قبل كيييييف . .

وسار صوب المنظره وكسسسسسسرها بايدها ب كل قوه . .

وليد : الحححححححححححححححححقير السااااااااااافل . . الحححححححححققيير . . كيف يلممممممسسسسسسسسسج كييييييييييف . . انااااا ماققققدر مووووول ماقققققدر . . اتخخخخخخخيله جدااااام عينييييييي . . كيف لممممس حرممممتي . . كيف لمس عررررضضضضضضضي وشرفي . . كيف الحقييير . . الحقققققققيييييييير

قعد يكسسسسسسر كل شي جدااااامه بدون توقف . .

انا كنت مذهوله . . بسسسس مذهوله . . تعرفون شعور الشخص المتعقد من لمسة التراب ؟ ألي لما يشوف الرمل يحس بالخوووووف والرعب ويحس انه لو داسه بيموت . . يحس ان بس لو ريله وطت علييييييه بينهااار . . !!!! لان مره من المرات وهو حي وهو يتنفس حد دفننننننه ب هالرمل . . كان يشوف ب عينننننننننننننه الرمل وهو ينجب عليه ويخنقه وما يخليه يتنفس . . تعرفون شعور الرمل والترااااااب تندفنون فييييه وانتو حيييين . . يضيييييج الرمل ع النفسس ويزغدكم ويخنننننننقكم لين ما تموتون ؟ هالشعور الي يحس فيه هالشخص وتعقد من الرمل بعدها . . وبعد فترررره . . شخص مسك بايده وقعد يعلمه يمشي عليه . . يعلمه وهو ماسسسسك ايده كل يوممم . . وحاظننه كل يوم . . ويهديه ويخبره ان كل شي بخيير وان الرمل ما راح يضره مره ثانيه ابدا دامه معاه . . زرع فيه الامل بهالشي . . دامه معاه ما راح يصيبه شي وان الرمل بعمره ماكان سبب لضر او سبب لخوف . . . وف ليله مظلمه . . لما قرر الشخص يطلع بروحه ويفرح الشخص الي علمه ويدوس الرمل وهوووو ماااااسك ايد الشخص الي ساعده . .!!! ماااصار الشي . . ابد ما صار . . لان هالشخص شاف الي ساعده بعينننننننه وهو يتتتفل ع الرمل وهو جاااز منه . . !!! طلع يبا يمممممشي متوقع انه بيحصل فرررررحه . . لكن حصصصل صدمه واستغراب . . ليش ؟ ليش الي قالي ان الرمل مايضر قاااااعد يتفل عليه ويدوسه بعنف وهو جاز منه ليش . . الششششخص متوقع ان بعد ما يمشي ع الرمل مع هالشخص خلاص . . كل شي بيتغييييير .. الخوف بيخوز . . الفرح للطرفين ان واحد فيهم تعدى ع ازمه كانت ممكن تكون طول العمر لكن . . خذلان ؟ خيبه امل ؟ صصدمه . . ؟؟ لما انت جاااااز وكاااره ليش علمتنننني عليه . . !! ليش سااااعدتني . . ليش مسكت ايدي وماتخليت عنننننننني . . ليششش عطيتني امل ان ممكن الفرحه بتكون لما انا امشي واتعدا هالازمه . . ليش . . !

هذا شعوري . . انا ما احس اني ابا اصيح هالمره . . ما احس اني حزينه ع ألي سواه وليد . . احس من دااااخلي فيني دهششششه . . فيني ذهووووووول . . فيني . .فيني اشياء وايد ماعرف اوصفها . . جززني ف عمري . . حسسني كيف انا وحده مهما سوييت ابقى فيني عيييييب . . حتى لو ماكان لي ذنب لكن فيني عيب . . حالي نفس حال الشخص الي اندفن وهو ماله ذنب . . ولما قرر يمشي ع الرمل انصدم فالشخص الي علمه . .

انا كنت اطالع وليد واشوفه جدام عيني وهو يكسر كل شي جدامه وهو يسب ويدعي ع الي كان السبب . . كان حتى ما يقدر يحط عينه ف عينه ولا يقدر يطالعني . . حاله وليد ما توصف . . مش كل مره اقولكم ما ألومه ؟ من حقه ؟ هالمره بعد ما ألومه . . ألوم نفسي . . ألوم نفسسسسسسسسي الحقيره الي رضت تفتح صفحه يديده وظنت ف يوم ان الشي الي صارلها مع شخص يحبها بيصبح ولا شي . . ألوم نفسسي القذره الي تشوهت بغلط مش منننننني وقاعده اتعاقب عليه كل يووووووم ف حياتي وكل ما ابا اكون سعيده بس لاني ظننننننيت وحطيت ف بالي ان في صفحه يديده وصفحه حلوه بتطوي الشي الغلط الي مريت فيه . .

اول ما طلع وليد من الغرفه رحت وقفلت الباب . . ما تم فيني امل خلاص . . الي بيني وبين وليد شي اتحدد . . احنا ما ننفع لبعض . . اندددددمجنا ونحس ان نحن سعيدين مع بعض لكن . . نحن ما ننفع نكون مع بعض ابدا . . ابببببدا . . !!!!

وتميت على تفكيري بيني وبين نفسي ف هالحاله لين وقت الفير . . صليت وبعدها رحت انام وعيني ماقدرت تغمض اببببدا . . بس طايحه وكنت عارفه اني ما بقدر ارقد . . كيف برقد ؟ كيف بذوق النوم ؟ . . رحت بطلت قفل الباب لاني عارفه ان في اي وقت وليد بيدخل يبا يلبس او يبا شي وانا ماقدر انش واشوفه ابدا . . ف فتحت الباب وتلحفت غطيت راسي كله . . تميت ع هالحال لين الظهر . . لين دق الباب . .

تم يدق الباب وانا ما اتكلم ولا قلتله شي . . بعدها فتح الباب بروحه . .

تقرب صوبي وانا عارفه انه قريب . . شال اللحاف عن راسي وقعد ع السرير . . حط عينه ف عيييييني وعيني كانت قويه ما شلتها عنه . .

وليد نزل راسه وما تكلم . . وانا بعدني اطالعه اترياه يقول حرف واحد بس . .

بعد سكوت بسيط . .

وليد : قومي زهبي عشان نروح المطار . .

حطيت عيني ف عينه ورفع عينه وطالعني . . وكنت متاكده انه فهم نظرتي الي تقوله "بس ؟ ها الي قدرت تقوله ؟؟ "

قام بعدها وقعد يرتب ويحط اغراضه فالشنطه وانا قمت وبدلت وصليت الظهر والعصر جمع وقصر وبعدها قعدت ارتب اغراضي . . باب الغرفه كان مفتوح وهو فالصاله وكل ما اصد اشوفه يطالعني . . سكرت باب الغرفه وخلصت لميت كل شي . . لبست عباتي الساده المسكره مع سكارف قوتشي الحرير . . وماحطيت ولا اي شي ف ويهي . .بس بودره تخفي التعب والهاللات . . دق الباب .

وليد : جاهزه ؟

انا ماتكلمت وشليت هاندباقي وتلفوني وطلعت . .

وهو دخل ورايه وشل الشنط وحطاهم عند الباب . . وعقب شلاه العامل ونزلنا لين الرسبشن ولا واحد فينا قول شي . . تلاقينا مع ميره ومايد وانا سرت صوب ميره الي كانت وارمه وشافتني وانا وارمه ولا تكلمنا ولا قلنا شي بعد بس وقفنا سوى . . ركبنا عقبها التاكسي وتوجهنا للمطار . .

لما وصلنا المطار قعدنا وراحو مايد و وليد يطلبون اكل . . لكن ما مدانا ناكل ابد لان زقرو ع الطياره ورحنا صوبها . .

انا : ميره عادي اقعد وياج . . عادي مايد يقعد مع وليد ؟

وليد سمعني واطالعني . .

ميره : والله جان زين بتسوين خييير . . قعدي . .

قعدت حذالها . . هيه ع الجامه وانا حذالها . . وجدامنا قعدو مايد و وليد . .

سمعت مايد يقول لوليد .

مايد : مضاربين ؟

وليد : اانتو مضاربين ؟

مايد : متى ما كنا مضاربين اصلا ؟

وليد اتنهد وصد اطالعني وتجاهلت نظراته وبعدها رد يطالع جدام . .

ميره : شفيج . . شصاير . شكله شي مش زين ؟

انا : ميره مابي اتكلم اببببدا . .

ميره : خبريني مهور شصاير . . احس شي جايد . .

انا ابتسمت : وايد جايد . . " اطالعتها " ماحس اني انا و وليد بنكمل وبا بعض . .

حسيت ان وليد سمع لانه دق ايده ع السيت الي جدامه بكل قوه . .حتى الي قاعد جدامه عصصصصصب . .

ميره : شهالكلام شصاااااااااااااير . . لا تخوفيني . .

طارت الطياره . . غمضت عيني . . : سكتي ميره انا مش راقده خليني ارتاح . .

حطيت راسي ع جتفها وتميت مغمضه مع اني عارفه ومتاكده اني ما بذوق الرقاد لكن احس بتعب فظيع . .

كانو وليد ومايد كل شوي يطرشون المضيفه صوبنا وهيه يايبه اكل بس ولا وحده فينا كلت ولا شربت شي لييين ما هبطت الطياره . .

طلع وليد وصد صوبي : امشي . .

وقفت وقمت ولحقته وبعدها مايد وميره كانو ورانا . .

نزلنا سوى لكن سرعان ما اختفى من عيني لانه سار صوب الاجراءات والحمدلله ما طولنا . . رن تلفون وليد . .

وليد : الوو . . هلا شهاب . . الله يسسسلمك حبيبي . . هيه هيه بس نتريا الشنط . . انت ويا منو ياي ؟ خلاصصص تمام . . مع السلامه . .

شلينا عقبها الشنط وتحركنا لين ما طلعنا . . شهاب ومروان وعميمه نوره و عمي سعيد كانو يتريونا . .

انا على طول سرت صوب عمي سعيد وبست راسه وهو حظني . . وحس ان فيني شي لاني شفته يطالع وليد بعصبيه يقوله شفيها . .

سرت صوب عميمه وسلمت عليها : ليش متعبه روحج عميمه . .

عميمه : اعوووووضكم لاني ما يييت العرس . . لا تعب ولا شي حبيبتي . . الحمدلله عالسلامه

ميره : عمييييييمه حبيبتي . .

عميمه تسلم عليها : مممممميرانه . .

انا ابتسمت : مروان شحالك . .

مروان : بخير بنت عمي . . الحمدلله ع سلاااامتكم . .

انا : ربي يسسسلمك . . " اطالعت شهاب وحظظظظظظنته بقوه " اخخخخي . ."بالفصحـى "

شهاب : اووووخخخختي .. " يعيب علي "

انا : هههههههه . .

شهاب : الحمدلله ع السلامه يا الواارمه . ." يطالعني " شفيييييج . . " يطالع وليد " شمسوي في اختتتتي . .

وليد يبتسم ويتخاشم ويا شهاب : دلوعه . .

انا اطالعت وليد بنظره وعقبها تجاهلته . .

شلو عن وليد ومايد الشنط . .

انا و وليد وشهاب ركبنا مع عمي سعيد . . ومروان وعميمه نوره وميره ومايد ركبو سوى . .

عمي : شو السفره .؟ عسى استانستو . . " يصد يطالعني " شو مسوي في بنتنا ؟

شهاب كان يسوق ويطالعني من الجامه لاني قاعده وراه : مزعلنج ؟ انا براويه اول ما نوصل . .

وليد يطالعني . .

انا ابتسم : مافيني شي عمي بس تعبانه مارقدت البارحه وتعب الطياره مخلي مزاجي معفوس . .

شهاب يطالعني . .

عمي سعيد يطالع وليد ومش مصدقني بس يسوي عمره مصدق : هيه صح تعب تعب . . يالله بتردين بترقدين عند اميمتج بحظنها

انا ابتسمت : هيييه فديييتها . .

شهاب : يااالله كيف تذكرج ف كل مكان وتصيح صبح وليل . .

انا : حبيييبتي امي . .

على هالسوالف البسيطه وصلنا البيت . .

على طوووول ركضت داااخل صوب امي الي كانت عند الباب تترياني . .

حظنننننننننننننننتها بكل قوووووووووه . . تميت احظنها وغرفتها دموووع . . كنت قابضه عمري طول الدررررررررب وطول ذاك اليوم لكن ماقدرت اطلع شي . . كانت خانقتني العبررررررره ولا ريحت نفسي بالصياح حتى . . شكثر كنت قاببببببضه ومتحمله

امي مستغربه : شفيج اميييه مهره شصاير . .

انا : ماصاير شي امايا بس مشتاقتلج . .

امي : هاي مش دموووع الشوق ابد . .

انا مسحت دموعي : لا تحاتين حبيبتي بس متولهة عليج وااااايد . .

دخل بعدها وليد وشهاب وانا ع طول صعدت فوق سرت حجرتي . .

البنات يصاااارخن : سبراااااااااااايزززززززززززززززز . .

انا : يا حياااااااااااتي كلللللللللكم ..

ويو صوووووووبي وعطييييناه حظظظظظظظن جماعي وصرراااااااااااخ وتبوسسسس . .

انا : شخباااااااااااااركم وحشششششتوني والله . .

رقوي : والله مكااااااااااانج خالي مهووووووووووووووور

انا : حبيبتي والله . . " اطالعهم " خبرووووووني شخبااااركم شو يديدكككككككم . . !!!! سمعوني مشتاقه لسوالفكم مليت من قرايتها . .

>

<

>

رقوي : ويييين بتروح . .

شهاب : شتبين انتي . . شلج وين رايح

رقوي : اصلا دام عمي سعيد وياك عرفت بتروحون تيبون مهور . .

شهاب : مش قاااايلج شي روحي عن ويهي . .

رقوي تصارخ : ايييييييه

شهاب بعصبيه : من ايييه ؟؟؟

رقوي : انتتتتت انتتتتتت

شهاب يمشي وهي ترجع ع ورى : مننننن ؟

رقوي : انتتتتتتت حسبااااااااالك اخااااااااف . .

شهاب بكل غيض سوالها بكس لكن ما ضربها . .

رقوي : اصلا اعررف انك ماتروم ويييييو ماتروم تضربننننني . .

شهاب : ي صبببببببببببببر الاررررررض . .

رقوي : الارض صااااااابره دامك انت واقف عليها . . كيف متحمله واحد شراتك كيف . .

شهاب يطالعها ويسويلها كشش بايدها : روووحي روحي . . روحي بيتكم

رقوي : انت اييييييه " تصارخ " ليش تسويلي كشششششش

شهاب : انتي على صغرج وعلى صغر حجمج هالصوت المؤذي من وين يطلع

رقوي تبتسم : فددددددديتني . .

شهاب : ولا شفتني الفدى . .

رقوي : ججججججججب جب ششششفت . .

شهاب : روححححي " يسويلها كشش " يالله رووووحي . .

رقوي شلت دبه مسافي فيها شووووي وجبببببته عليه : انا مش ذباااااابه تسويلي كششش

شهاب شهق ولما ياي يرد عليها ما لحق لانها شدرت . .

>

<

>

شيخه : هههههههههههههههههههههههههههههههه مستحححححححححيل

شماني : ههههههههههههههههههههه

انا : هههههههههههههههههههههههههههههه رقوي انتي للابد . .

دخلت عنود ومع صقوري . .

اناا ع طول سرت صوبها : اخخخخخختي حبيبتي . .

وصقوري متعلق ف ريولي . .

انا : حححححححححياتي الوللللللللللللللللللد عممممممري

صقوووري : مهااااااااالي

انا : عيوووووووووووني قلبييييييي روحي . .

جان ابوسسسس خدوده بكل قوه . . وابوسه واعضضضضه واشششمه . . فديت ريحته الغالي . .

قمت : عنودي شخبااااارج حبيبتي . .

عنودي من ويهها فيها شي . : بخير

انا عاقده حياتي : ويهج ما يدل ان بخير . .

عنودي تقعد : لا بخير لا تحاتين . .

خلود : بنات روحو اطاعو ميره اكيد تتريااااااكم . .

شماني : هيه حرام بتزعل يالله نروح . .

رقوي : مهور بنأذييييييج باجر . . ارتاحي اليوم سمعتي

انا : تعالي تعالي اي وقت . .

رقوي : اصلا انا بي من دون ما تقولين . .

وراحت وراحو البنات وتمينا انا وخلود وعنود . . حتى الولد شلوه البنات . .

خلود : قووووليلها . .

انا : قولي امبين ان فيج شي

عنود : دخيلكم خلاص انا مابا ارمس . .

خلود : شاكه ف عبدالله . .

انا : شووووو . .شاكه فيه !!

خلود : تقول من 4 ايام وهو كله يطلع برع فليل ويرمس فون ويطول وكذا مره تروح تدوره تلاقيه فالسياره يرمس ولما يشوفها يبند ع طول . .

انا : انزين قلتي له شي . .

خلود : قااااالتله . .

عنود : طبعا قلتله مارمت اتحمممممل . . يعني من سافرتي انتي انا تامه اهني في بيت اميه . . فجاه اقوم ما القاه . . والله اني اطلع برع البيت عشان ادووووووووره . . انا روحي حرمه فيني روحين ماروم اتحمل . .

>

<

>

عنود تصارخ : انزين لو ف فونك مافيه شي عطططططني اشوفه

عبدالله : حبيبي ليش قاعده ترمسيني بهالاسلوب . . ليش شاكه فيني . . شو الي يخليج تشكين فيني . .

تلفون عبدالله يرن . .

عنود تصارخ : ردددددددددد . .

عبداالله يراويها الرقم : بو سالم . .بو سااااااالم . .

عنود : يوم انه بو سااااااالم حططططططه سبيكر ورد . .

عبدالله يطالعها : عنود لا تفتحين علينا باب . .

عنود تصارخ : قلتلك حط سبيييييييييييييييييييييييييييييكر . .

عبدالله رد وحطا سبيكر . .

>

<

>

انا : انزين ؟؟؟

عنود : طلع صوت بو سالم ربيعه صح . .

انا : عيل شفتي انج ظالمتنه

عنود تصارخ : مش ظالمتنه هالمممممره بس صادفت وطلع واحد بس هالمره . .

خلود تتنهد . .

انا : شسوا عبدالله بعدين . .

خلود : من يومين ما يا البيت . .

عنود : حبيبتي يبااااااها من الله عشان يقدر ياخذ راحتتتته عدل .

انا : ياعنود استهدي بالله

عنود تحط ايدها ع بطنها : لا إله إلا الله . . خلاص خلج مني مش وقته انتي روحج عروس وتوج يايه . . " وحتى دبلتج ما لابستنها "

انا اتنهدت : انا بخير والحمدلله اموري طيبه . .

خلود : ما يبين . .

انا : لا صدقيني كل شي تمام الا شي واحد . .

عنود تطالعني : الي هوو . . ؟

انا اطالعهم : انا بعدني بنت . .

شهقن البنااااااات . . . ادري المفروض ما كنت اتكلم لكن انا محتاجه حد يفهمني ويعلمني شسوي فهالموقف . . لكن ما قلتلهم ان السبب سيف قلتلهم اني انا وايد اخاف ومتردده وعقيت ع روحي اللوم . . وطبعا ندمت اني رمست لان عطوني من النصايح الي ماتخلص لين ياااااني صداااااع وطردتهم برع . .

عقبها بدلت ملابسي وتغسلت وصليت فرضي . .

حسيت اني ميته شووووووق لـ يدي وابا اطلع اشوفه خلاص ماقدر . . حتى لو هو راقد بروح اشششششوفه وببوس ايده . .

لبست عباتي وشيلتي وطلعت . . ما انتبهت للساعه كم . . لكن اظن 12 وربع او 12 ونص . .

طلعت من بيتنا بهدوء عشان محد يحس فيني . .

ومشيت رايحه صوب بيت يدي . . ولمحني وانا امشي لانه توه ياي من برع . .

سيف من بعيد : الحمدلله ع السلاامه . .

لما سمعت صوته وقفت .. شرااااار طلع منننننني شرااااار . . كل معاااااناه عانيتها فالسسسسسسفر وكل ألممممم . . وكل شي حلووووو اخترب ف لحظته كااااااان هالحقيييييييير السبببببببب . . هالحيوان الي بكل برود يرمسني ولا جنه ضرررررررررني وكسسسسسسسسسرني . .

رحت صوبه ع طول وهو لما شافني امشي صوبه مشا صووووبي وجابلني . .

سيف : مهره . . .

من وصلتله تمييييت اضرررررربه بقوووووه . . اضرررررربه واضررررررربه واضررررررربه . .

سيف ساااااااكت ما يسوي شي مخلنننني اضرررررربه . .

تميت اضررررربه بكل قوه بكل ألم بكل قهر ودموع نززززززززززلت فيني . .

انا : ححححححححقير حيوااااااان اكرررررررررررررررهكككككككك . . انت السببببببببب ف كل ألم انا اعيشششششششششه . . انت حتى وانت بعييييييييد ماخليتني سعيييييده ماخليييييييييييييييييتني ارتااااااااح . . انت حقييييييييييييييير حقييييييييييييير . . ضيعت كل شييييييييييي حلووووووووو . . حرمتني من السسسسسسسسعاده ومن الفررررررررررررررررررحه . . حرمممممممتني من كل شي حلو كنت بعيششششششششششه . . اكرهكككككككككككككك . .

وانا اضربه تعبت ونزلت ع الارض . . نزلت ع الارض متعمده لاني مابيه يشوف دموعي . . سيف عمررررررره ما شاف دمعه نزلت من عيوني . . ولا بخليه يشوف دموعي وانكساري . .

نزل يبا يرفعننننننننني لكن وليد الي كان فـ سيارته فاجئئئئئئنا احنا الاثنين وهو نازل . .

ولييييد : وخررررر عنها . . وخررررررررر . .

سيف ماكان يشوف ويهي بس يشوف راسي منحاي والشيله مفتوحه ونازله ع ويهي ف ما لمحني . . . . همسلي : انا اسف . . قسم بالله ندمت ع كل لحظه تعبتج فيها .. . لاتتحريني مرتاح . . وربي ماذوق الراحه وربي . . انتي كنتي الراحه بنت عمي . . انتي كنتي الشمعه الي منوره حياتي وانطفت . .

وليد وصل وبعدها قام سيف . . و وليد لما شافه عطاااااه بكسسسسس . . بكسسسسس ورا بكسسسسسس . . سيف ابد ما كان يقاوم ولا يتكلم ولا يقول شي . .

وماعرف كيف سيف راح لاني مارفعت راسي . . قمت على ايدين وليد وهي ترفعني ع فوق . .

انا بكل ألم ودموعي مغرقه ويهي : اضربني . .

وليد : . . .

انا : اضربني وقول اني انا احبه واني انا طلعت ف نص الليل عشان اشوفه .. سوها . . ادريبك ها تفكيرك . .

وليد : حششى . .

وقفني ومسح دموعي . .

سحبني من ايدي بكل قوه ومشاني معاه لين بيتهم . . بيت عمي سعيد . .

دخل قبلي الصاله وشغل الليتات وانا قعدت ع الغنفه . . حاطه ايدي ع ويهي بكل ألم . .

وليد : انا سمعت كل شي . .

انا بدون ما اتحرك : يعني لو ما سمعت شي كنت بتشك فيني . .

وليد : ماراح اشك فيج . . ولا تلوميني ان شكيت . .

انا اقاطعه : عمري ما لمتك في شي عممري . .

يا صوبي وليد وقعد ع الطاوله المحطوطه ف نص الغنفه . .

وليد كان يحاول ينزل ايدي بس انا ما نزلتها . .

انا : وخر عننني مابا اشوفك . .

وليد : خلينا نتكلم . . ما صارتلنا الفرصه نتكلم . . مابررت لج موقفي . .

انا : قلتلك . .انا ما لمتك ع شي ولا بلومك ع شي اببببدا . . ف خلني ف حالي . .

وليد : . .

انا : وحتى لو تبا تطلقني الحين ما بقول شي ولا بعارض . .

وليد : شوووووو . . اطلققققققققج .!!!

نزل ايدي عن ويهي بككككككل قوه . . تم يطالع ملامح ويهي الذبلاننننه . . الدموع والهالات بحكم اني ما ذقت النوم اببببببببببببدا من صار الشي بيني وبينه ..

مسح دموعي وتم قابض ويهي : لا تعيدين هالكلمه مره ثثانيه . . ان سمعتج قلتييييها . . انا بايدي بقطع وريدج قطع . .

انا صديت راسي عنه : خلني ف حالي . . ماقدر اشوفك . .

وليد تم يطالعني ما حرك راسه . . : انا اسسف ع الي سويته . .

انا اصارخ واطالعه : قلتلك انا ما ألوووووووومك ع ششششششي .. ولا لمتك ع ششششششششي . . " تنزل دموعي " وهالشي الي يذبح " بصوت كله ألم وصوت متقطع " هالششي الي ذابحني اني ماقدر ألومك . . ولا اقدر اعق عليك الغلط واخليك مذذذذنب عشان ارتااااح . . الي يعورني " غمضت عيني بكل قوه وقعدت دموعي تنزل " اني انا بعد مالي ذنب . . مالي ذنب اتحمل واشوف واعاني . .

تقرررررب مني بكل حنيه وقعد حذالي وحظني . . خلاني اصيح ف حظنه بانكسار . .بألم . . بتعبببببب . . خلاني اصصصصيح وانوح . . ياااااا الله كيف هالانسان صار شي كبير في حياتي . . ماعرف متى بيفهم انه شي كبيييييير . . مش اي حد اقدر اصيح جدامه . . وهو مش بس اصيح . . انوووووح .. ليته يفهم كيف هالشي كبييييير بالنسبه لي . .

وليد : مثل ما قلتي . . انتي مالج ذنب . . وانا مالي ذنب . . وهالشي صدقيني . . " يرفع راسي ب صبعه " شوفيني . . شووووفيني . .

حطيت عيني ف عينه ..

وليد يبتسم بحنان : هالشي بنتغلب عليه انا وانتي مثل ما تغلبنا على كثير اشياء سوا . .

انا نزلت راسي . .

وليد رفع راسي مره ثانيه : وراسج لا تنحينه جدام اي مخلوق . . لا عاش سيف الي ينزل راسج وانا حي . . وانا حي راسج بيتم مرفووووع . . وانتي مافيج عيب . . انتي الكل يتمنا يكون ظفرررج . . وظفرج الصغير بعد . .

مسحت دموعي . .

وليد : احنا تغلبنا ع اشياء كبيره . . وصدقيني بنتغلب على هذي . . وبنكسر عيون كل شخص ما يشوف ان احنا نناسب بعض . .

انا سكت مارديت عليه . .تميت اسمعه وهو يتكلم . . .

قربني صوبه وخلاني اطيح ع ريله . .

قعد يمسح ع شعري ويمسح ع ويهي . .

وليد : انتي احلى شي فالدنيا . . انتي احلى شي صارلي . . والي يصيرلنا يقربنا من بعض اكثر واكثر . . انا وانتي مالنا الا بعض . . ولا حد قادر يفرقنا . . دامني حي . . انتي بتبقين لي للاابد . . وبتبقين قربي للابد . . حطي هالشي فراسج ولا تشيلينه نهائيا . .

وانا بعد هالكلام كله . . غمضت عيني . . اسمعه يتكلم ويتكلم ويتكلم . . واخر شي سمعته " ترا انا احبج وماقدر بدونج " وبعدها غطيت ف نومي . . !

.

.

.

[/align] __DEFINE_LIKE_SHARE__

«ضَحِيًة حِبُيًبُيً ..}● · 02-23-2013, 12:47 PM

.
.
.

السلام عليكم ورحمه الله وبركآته . .

شخباركم شعلومكم عساكم مرتاحين ؟

في البدايه اشكركم مثل كل مره على تشجيعكم لي . .

وعلى كلامكم الي يفرحني . . وانا اقرا كل تعليق ترى . .

وانتبه لكل انتقاد وكلام . .

وصدقوني كل شي تقولوونه يفرحني . . !

راح اتريا تعليقاتكم بفارغ الصببر . . ان كان اهني او بتويتر . .

وان شاء االله لنا لقاء الويكند الياي ااذا الله احيانا . . .

تقبلو تحياتي الحاره للجميع . . .

ضحيهـ . . ّ

__DEFINE_LIKE_SHARE__

merowh_11 · 02-23-2013, 12:49 PM

watiiiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiinnnnnng __DEFINE_LIKE_SHARE__

forza alain · 02-23-2013, 01:18 PM

باااااااااارت رووووووووووعهع
ضحووووووي خبلتي فيني
واللللللله جد جد فنتك
ومهور ووليد من ظهر
من مشكله حدرو مشكله ليش ><
حراام ضحووووي موتي سيف وابوه ومرته فكه من
شيفتهم والله يقهر سييف هو سبب
مشاكل مهور ووليد م خلاهم يتهنون بشهر

عسلهم ضحوي موتييييييييييي
وتسلميييييييييين ع بارت
والله جنااااااااااااااااااااان __DEFINE_LIKE_SHARE__

S3ad · 02-23-2013, 01:27 PM

رووووووعه الروايه ...... شكرا .....نتريا البارت الياي بأحر من الجمر __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خادمة "تذبح" طفلة مخدومها بحفر الباطن	محروم.كوم	منتدى أخبار المواقع والمنتديات العربية والأجنبية	1	04-16-2013 02:04 AM
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف))	محروم.كوم	منتدى أخبار المواقع والمنتديات العربية والأجنبية	0	01-20-2012 04:10 PM
بلاك بيري تورش 9860 فل تتش مع بن ممير """"""""""""""""""""""	محروم.كوم	منتدى أخبار المواقع والمنتديات العربية والأجنبية	0	10-28-2011 11:00 AM
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM