رّوآيه " هآيـم فيّ بحـر آلشّوق وُ لذة هيآمك " - الصفحة 22

زهرة الجلاس · 07-05-2012, 06:26 PM

مشـكورهـ ع البـارت الصـراحهـ ابداع
الله يعيـن مهـرهـ
نتريا البـارت اليــاي
__DEFINE_LIKE_SHARE__

بـ سكآتي أذلك ~ · 07-05-2012, 06:31 PM

^.

السلام عليكم والرحمة ..

في البداية شلونج خية إن شاء الله طيبة
اممم آنه أحب أقرا حقج واايد ,
ما شاء الله عندج أسلوب حلوو في الكتابة وإن كان فيه عندي ملاحظات طفيفة XD ,

يعني راح أعطيج ملاحظاتي في الرواية اللي تكتينها الحين ( هآيم في بحر الشوق ولذة هيامك ) لاني أتابعها معاج ..

- حبيت أن الراوي هو مثله الشخصية اللي يتكلم عنها الموقف مثلا :
أغلب مواقف مهرة ..

- حلو أن تخلينا نكره شخصية سيف وبعدين تدريجياً نحبها أو ممكن أن نغير وجهة نظرنا فيه .

- عنوان القصة حبيييييته حسيته قريب من قلبي واايد .

- تعدد الشخصيات شي حلوو وخصوصا يعني اللي لاحظته عدد الشخصيات في هاي القصة واايد .. سواءا كانت رئيسية ولا فرعية .

- طول البارتات حلو ولو آنه أوقات أحسها قصيرة:|
يعني من كثر ما آنه متحمسة أقرأ أحسه قصير ههههه

- أممم تمنيت لو أنج استخدمتي أسلوب الغموض ولو شووية
حق تشوفين تحليل اللي يتابعونج .

- بعد كشفتي عن شخصيات الأبطال أو الهيرو مثل ما نقول بسرعة .. أبدا ما كان فيه مجال أن المتابع يحلل ويكتشف .

- الشي اللي انتظره واللي ما أتوقع تكشفين عنه اللحين هو سبب كره العم حمد حق عايلة مهرة أو أبوها .

- ولو أن عندي بعد تعليق على أسامي الشخصيات الا أني متيقنة أن هاي الأسماء تعني لج عشان جيه ما تغيريها

- أغلب الظن أن شخصية وليد راح تكون مثل ما اتوقع ^^"

أكثر الشخصيات اللي أعجبتني :
هي شخصية اليد
حبييييته شخصيته وايد حلوة .

تعليقي على بعض الشخصيات

مهرة : عندها شخصية قويه ولو أنها تضعف أحيانا جدام سيف , تحب سيف وتدافع عن حبها .. جرئية يمكن في بعض المواقف .

سيف : آنه من أول بارت وهو كاسر خاطري
آنه ما أجوفه ضعيف ولا جبان الشي الوحيد اللي هو يبيه رضا أبوه ولو على حساب سعادته وحبه << أتوقع تكون له بصمة قوية في البارت الياي

اليد : حسيته قريب من الكل ولو أنه كفيف الا أنه يشووف كل اللي يصير يمه , الدواء حق كل الشخصيات حبه حق مهرة شي حلوو

ووبس

وفي النهاية أبي أقول لج شغلة ترى آنه مو كاتبة ولا أستاذة ولو أني لي بعض الكتابات يعني
بس مجرد رأي .. لا هو هجوم ولا تعدي
أي وبعد ترى آنه تعبت على ما لقيت المنتدى اللي أنتي تكتبين فيه حق أوصل لج و أقول لج رايي ولو أني كنت أكتب رأيي على أمل أنه يوصل لج لكن

والسموحة الشيخة إذا طولت عليج

بـ سكآتي أذلك <<

.^
__DEFINE_LIKE_SHARE__

meshon · 07-05-2012, 07:53 PM

الروااايه ما عليها كلام الصرااااحه

اسلوبج ف الكتابه اكثر من كلمة روعة
كل شخصيه اروع من الثانية
لدرجه كل ما تنزلين بارت ودي اقرا وما اخلص من البارت
احس عمري كأني معاهم اضحك واصيح واحزن معاهم ,<<عيشتيني ف جوهم
واصلي ف الكتابة حبيبتي والله يوفقج واسلوبج ف هالرواية وااااايد حلو الصراااحه
واسمحيلي على القصور لاني ما ارد على كل بارت بس تأكدي انه كل بارت احلى عن الثاني __DEFINE_LIKE_SHARE__

ڪڸي ٳ ﭼﺴﭑﺱ · 07-05-2012, 09:53 PM

ضحــوي روآيتــج آبدآآآآآآآآآآآآآآآآآعععع

مهــرة : حبيتهــآ لــآكن فبعــض آلــآحيــآن تقهــرني بتصـرفـآتهــآ

سيــف : صح كســر خـآطري فهـ آلبــآرت بس بعــد مآيقــول يبــآرضـآ ابــوه .. ومـآيقــول آذا مـآ سمــع كلمــة ايــوه مـآبيتــوفق لــآ يـآخـذهــآ عيـــل لــآنه آبــوه مــب رآضــي لــآني صــدق متلخبطــة من كلــآمة قبــل كلــآمه غيــر وآلحيــن غيــر بس بعــدني آحسس بقهــر منه لــآنه بعــد مــآيثقق بمهــور كل مــآشـــآفهــآ مــع حدآســآء آلظن وظلمهــآ واذا مآكــآنت فالعلــآقة آلزوجية آو آي علــآقة ثقــة مـآبتكون نــآجحة وبعــدين مـآكل اللــي يحبــون يآخـذون بعض يمكن اللــه مب كاتب لهم يآخـذون بعض لــآن آبوه بعــد مــب رآضي لــآنه يكرههآ ويكرهه آبــوهآ ويمكــن خيــرة محــد يـدري عشــآن مـآيظلمهـــآ عمهــآ زيــآدة يــوم بتــآخـذ ولــدهه لــآنه روحهه قآل آنهه مــآيحبهــآ

عنــود : كــآسرة خـآطري آبــآهآ تطلق ومــآ تطلق .. آبــآهآ تطلــق لــآن عبــداللــه مــآ يستــآهلهــآ ومـآبــآ تطلــق عسبت ولدهــم المسكيــن يمكــن ينظلــم ويظيــع بسبــة هـ آلطلـــآق

عبــدآللــه : قلنــآ حب وآعشــق بس حــرمتــك آمم عيــآلك علــى آلــآقل عــآملهــآ شــرآ آلنــآس

وليــد : مـآعــرف ليــش كــرهوه آلــأعضــآء هـو صــح آنــه وقـحح لــكن بدى يســوي لمهــور آشيــآء سيــف مــآســـوآهــآ ولــآ يقــدر يســويهــآ لــأنــه آبــوهه مــب رآضــي آفضــل آنــه يـآخـذها لــآنه بيسعــدها وبينسيهــآ كل آلجــروح وآلمعــآنآه آللــي عــآنتهــآ وبيغيــر شخصيتهــآ بعــد هيه تقــدر تغيــر شخصيتهــآ بس حبهــآ لسيــف وآقف فطريجهــآ

ميــرة : مـآعيبتنــي يــوم آنهــآ تحبهه خطبهــآ مــرتيـن ومــآرضــت آلحيــن مـآتبــآ لــه آلخيــر ومــآتبــآه يآخـذآللــي يحبهــآ ميــرة آنــآنيـــة وهي تعــرف آللــي عــآنه من حبــه آلــآول وآلحيـن يــوم نســى حبــه آلــآول وحب وحــدهه ثــآنيــة تبــآ تجــرحهه وتبــآهه لهــآ

آلعمــة نــورة : قــآهــرتني محسستني آنهــآ تعــرف كــل شــي .. مآكــل حب يكــون نــآجح وآنـآ آقــول آفضــل لهــآ تآخـذ غيــر سيــف لــآنه آبــوه مب رآضي ومــآ رآح يتــوفق وآن خـذآهآ شضمنــه آبــوهه مـآيســويلهــآ شي وهــو مـآبيعــآرض لــآنه مـآقدر يحميهــآ من آبــوه قبــل آلزوآج بيقــدر يحميهــآ منه بعـد لـآ طبعــآ فآلــآحسن تفــك عمــرهآ من آلمشــآكل وتــآخـذ وليــد آو غيــره

بصــرآحة آتحمسسسست لــروآيــة آتمنــى تنزليــن آلبـــآرت بآقــر وقــد وفــرصة __DEFINE_LIKE_SHARE__

«ضَحِيًة حِبُيًبُيً ..}● · 07-05-2012, 11:12 PM

.

.

.

البارت السابع

ابتسمت بحسره وكملت مشي . . نزلت دمعتي على حالي الي ماعرف لـ وين . . احس خلاص مابا ريال في حياتي . . ابا اعيش حياتي ويا امايا و مع يدي ويدتي وبس . . مابي زوج ولا ابا حب ولا ابا حد . . خل اتم عانس اخير لي . .

وليد : ايه ..

صديت يمين جفته ومسحت دمعتي . . ليش هالمخلوق دموع يجوف دموعي . .

وليد يطالعني : تصيحين هاه . .

انا : لا . .

وليد يطالعني : مالي حق اجرحج . .ومالي حق بالكلام الي قلته . .اعذريني وحقج علي

انا : ادري انك تقصد حرف حرف . .

وليد : أقصد ولا ماقصد . .ماكان لي حق اجرحج . . " يبتسم " ييت اقولج هالكلام بس . . وان كانت دمعتج بسبتي ترا بدعي ع روحي . .

وراح . .

دخلت بيتنا وشفت امايا ترمسني باستعيال : مهور وين كنتي . . قومي زهبي الغرف الي تحت . .

اانا : ليش . .

اميه : عيال عمج خالد بيون عندنا بيرقدون اهني . .

انا : ليييش يون . .

اميه تطالعني : محد يعرف لاتخبرين حد . .

انا : شو خبريني تعرفيني ما اخبر حد . .

اميه : حرمت عمج خالد احتمال فيها ورم

انا بصدمه : شووووووووو . .

اميه : ع طول عمج حجز لـ تاييلند وبيسيرون يسوون فحوصات ومايبون حد يعرف . . وقالو حق عيال عمج انهم بيفحصون فحص كامل بدون سبب . .

انا : حليلها حرمت عمي خالد ان شاء الله ماعليها شر . .

اميه : زهبي غرفه حق شما وشيخه وخلود . . وغرفه حق مايد وراشد . .

انا : بالعاده لو حد بيسافر يسيرون بيت يدي ليش هالمره بيون بيتنا . .

اميه تبتسم : الاولاد ما يبون

انا : هههههههههههه عشان يدوه . .

اميه : هيه

انا : بتقومهم من 5 الفير وما بتخليهم برع ع كيفهم هههههههههه . .

اميه تبتسم : وعشان شما . . تعرفينها تتلوم وماتكشف وماتاخذ راحتها لان بيت يدج عيال عمج كله يتيمعون فالليالي فالميلس وفجاه يدشون ويطلعون ع راحتهم . . يالله بسج ضحك سيري رتبي ويالبشاكير بيون ع الغدا . .

انا : ان شاء الله

ورحت عنها قعدت اعاون وارتب وعقبها بخرت الغرف . . اميه قالتلي زهبي غرفتين بس انا زهبت 3 غرف احتياط يمكن حد فيهم يبا غرفه روحه . . ومن خلصت صعدت فوق سبحت ولبست وكشخت ووصلني مسج . .

مسكت تلفوني وشفته مطرش " ترا انا مالي غيرج فالدنيا . . لاتتخلين عني "

تنهدت بضيج ومسحت المسج . . ولا انا يا سيف لي غيرك فالدنيا . .

الباب يندق بطريقه هاديه . . على طول عرفت هالدقه منو وابتسمت وبطلت لها الباب . .

شما : السلام عليكم . .

ابتسمت : وعليكم السلام ورحمه الله وبركاته . . دشي حبيبتي . .

دخلت شما وفصخت النقاب والغشوه . .

انا قعدت اتجحل واطالعها من الجامه : تعرفين اني عرفت انج انتي الي داقه

شما بصوت هادي : كيف . .

انا : اعرف . . الرقه هاي كلها تطلع منج انتي بس وهالدقه الخفيفه . . وماتقولين " اعيب على ميروه " فجي البااااااااب ياسوووووووووودا . .

شما : هههههههههههه . . ميروه

انا : هيه ههههههه . .

شما تبتسم : بنكلف عليكم . .

انا اطالعها : اي تكليييييييف . . والله بتملون علي البيت . . مسكينه انا وحيده . . اميه مجابله العزبه وانا كله فالبيت روحي ماتتصورين كيف اضيج والله . .

شما : ماتينا . . مع ان بيوتنا كلها لاصقه في بعض . .

انا: اتلوم . . انتو المفروض توني بيتنا خالي مافيه حد . .

شما تبتسم : مهور ابا ارقد عندج مابا ارقد ويا خلود تحت . .

انا اطالعتها : افا عليج حبيبتي . . الحجره حجرتج ارقدي اهني ولو تبين انا بنزل تحت

شما : لالالا . . انا اقصد ابا اشاركج الغرفه واسهر معاج " تبتسم بحيا " ابا اتونس وياج اذا ما يضايقج

انا ابتسم : والله تحسسيني ترمسين ماهر مش مهره . . خذي راحتج بنت عمي مابينا ولو . . وارقدي معايه لي الششرف ارقد ويا الشيخه شما . .

شما تبتسم . .

يندق الباب مره ثانيه . .

انا : دشششي خلود . .

ميره : بتبطلين الباب ولا شو يالسوووووووووووووودا . .

انا : الباب مفتووووووح هههههههههههههه دشي دشي اعنبوه . . ابيض عنها وتزقرني بالسودا

ميره تدخل : شممووووووووووه " وتتحاظن وياها . "

انا :الله يالمكر مش جنه امس جايفتنها . .

ميره تبتسم : جب اوكي . .المفروض انا مارمسج . .

انا فجيت عيني ع وسعهن عسبت ماتخربها بالرمسه وتقول شي جدام شما . .

ميره تفتح كبتي : ابا شيله بيت . .

انا : تفتح وتدور وعقب تسألني . .

فصخت ميره عباتها وشيلتها وفرتهم ع سريري وطلعت لها شيله . .

شما تبتسم : اشمعنى انتو استويتي ويا بعض وايد ..

ميره : والله انا ابركن عندها متى مادق فراسي اييها انتي تستحين ماتين صوبنا . . مع ان خلود اختج قبل لا تعرس عنود بعد كانت مطيحه اهني . .

شما تنزل راسها : وايد استحي ماعرف ليش . .

انا عقب ما خلصت كشخه وتعطرت يبت لي كرسي وجابلتها وشما مستغربه . .

شما : شفيج

انا : في ناس متخبلين على هالحيا

شما بخوف : ناس منو . .

ميره : بلاج قلنا ناس ما قلنا شبح عشان تخافين . .

انا : ميروه انطبي . .

شما : شو السالفه . .

انا : تذكرين مروان ولد عمي . .

شما تغطي ويهها بايديها : لا ترمسسسسسسين لاتكملين

انا : ههههههههههههههه بو الدعمات الي كله يدعمج

شما تطالعني : مهور يتعمد ؟

انا : لا حليله مايتعمد بس ربج عاد . .

شما : والله هاك اليوم تميت اصيح يوم كااااامل ..

ميره : هههههههههههه والخيبه . .

انا : ألمهم اسمعي . . تراه يباج وشارنج . .

شما تطالعني وتبلع ريجها : انا ماعرف . .

ميره تطالعها : شو ماتعرفين . . قولي هي ولا لاء . .

شما : انا اصلا ماجفته في حياتي

ميره : ندري يابوج انتي ماتحطين عينج فعين حد . .

شما تطالعها : أستحي ترى ..

انا : تراه متخبل عليج وجد يباج . .

شما : بس ماجافني

انا : جاف سترج وقالي هاي الي ادش وتطلع ومحد يدريبها كيف شكلها وكيف صوتها اباها . .

شما تطالع ميروه : اوافق يعني

انا ابتسم : مروان خوووووش ريال . .

ميره :صح يرفع الضغط مرات بس احسه فنان وله اسلوب خاص معاج . .

شما تبتسم : صدق . .

انا : هيه صدق . .

شما : انزين يوم بيردون امايا وابويه خل يخطبني " تبتسم بحيا وتخش ويهها فالمخده "

انا وميره نصفق : رووووووووووووووووح . . ههههههههههههههههههههههه

شما تستحي : ايه بس عاد اسكتو . .

ميره : خلود روحها تحت يالله خلونا ننزل . .

شما : مهور بسير ارتب اغراضي فالحجره تحت لكن بشاركج الغرفه انزين

ميره : بديت اغار . .لا تخلوني اي اهني

انا بحماس : هييييييييييه ميروه تعالي الله يخليج . .

ميره : يعني انا طول الوقت وياج بس فليل اروح ارقد . .

انا : بعد غييير . . تمي عندي الله يخليج . .

ميره تمد ايدها : بوسي ايدي . .

انا : سيري ولي انزين . .

ميره : هههههههههههه بجوف بجوف . .

شما تبتسم : يالله بسبقكم . . " تصد "مهور ماشي ريال صح اطلع جي عادي

انا : هيه حبيبتي خذي راحتج حتى لو بدون شيله ماشي حد اهني

شما :لا ماقدر ما ظمن . .

وطلعت . .

ميره تطالعني : ها مسوده الويه ام الرياييل . .

انا اطالعها وفاجه عيني : يالخايسه يالوفحه ماتقصدين . .

ميره : جب صوتج مابا وماتنزل اسمعه . .

انا ابتسم : من صدقج زعلتي مني البارحه

ميره : هيه . . بس يوم نشيت نسيت الزعل وقلت ادري انج مينونه ف سيفوه ومستحيل وليدوه يشل قلبج جان اقتنع . . وبالذات يوم جفت سيفوه من الصبح طالع ويوم سالته قالي بيرمسج . . خبريني شو صار . .

وخبرتها الي صار بالتفصيل بس ما خبرتها كلام وليد . .

ميره : والله ماعرف شقولج يامهور . . بس هو جد يعاني من ابوي وايد . . وعلى فكره حالج اهون عن اختج . . ع الاقل سيف كلنا نعرف انه يحبج ويباج وشارنج لكن عبدالله معذب عنود صدق والله وكلنا نعرف انه ما يباها وانها ثجيله ع قلبه . .

انا مبوزه : فديت اختيه والله . .

ميره : والله انا دوم ادافع عنها حتى عبود كم مره بغا يفلعني . .

انا اتنهد . . : الله يعدل الحال يارب

ميره : أمين . .

انا : انزين ميروه اباج تخبريني شي . .

ميره تطالعني : شـوه اخبرج . .

انا : اخاف ماتقوليلي . .

ميره : بقولج قولي بس انتي . .

انا : شسالفه وليد و شيخه

ميره بصدمه : انتي شدراج . .

انا : امس يوم كان عندنا خبرني بس ماخبرني شوه الي بينهم . .

ميره : ماقدر اقولج مهور بعد هو موصني ماخبر حد

انا : الله يخليج خبريني بموت من الفضول . .

ميره عاقده حياتها : اجوفج بديتي تهتمين وتبين تعرفين . .

انا : ماييييييخصه لااااااه . . بس فضول . . يالله عاد خبريني ما بطري شي انا . .

ميره : انزيييييين انزين . . هممم . .

.

.

.

وليد : يالله عاد شواخ

شيخه : مااااااابا . .

وليد : يالله عاد مستكثره علي كلمه احبك . . " يبتسم " يعني باين حبج ياخي اعترفي وقوليلي . .

شيخه تدلع : انزين انت تعرف حق شو اقول

وليد : تحرميني منها انزين ابا اسمعها منج . .

شيخه تصد : هذا مروان ياي ازقره . .

وليد : احين انا اكلمج وتقوليلي مروان . .

مروان : انتو شو تسوون اهني " يصد يمين يسار " ببدون محرم يالهروم . .

شيخه تبتسم وتقوم : مانسوي شي . . تعال اقعد معانا . .

مروان يبتسم : قاعد حد قالج بقوم . .

شيخه تبتسم وتصب له شاي وتمدله . .

مروان : مابا مشكوره . .

شيخه : احين انا تعنيت صبيت لك وتقول لي مابي . .

وليد : يالله دام مدتلك خذه عنها . .

شيخه عطته وانجب الشاي بدون قصد على ثياب مروان . .

شيخه تشهق : اسسسسسسسفه . .

مروان يصارخ : اخخخخخخ حااار . .

كان يتالم صدق . .

قامت شيخه تربع ويابتله ماي بارد وقعدت تنظف وتنظف ملابسه

مروان بعصبيه : وخري عنيييييي

وليد : انت بلاك ترمسها جيه احمد ربك بعد

مروان يرجف ويغمض عينه بقوه : ايدي . .

وليد قام بروعه وشاف ايدي محمره بشكل كبير . .

شيخه سارت ويابتله عسل وحطته على ايده وهي تصيح وتنزل دمعه دمعه . .

.

.

.

ميره : وليد كان يطالع الموقف وبيموت . . يحس ان في شي غريب بس ما علق وسكت عن الموقف يتحرا انه مجرد تانيب ضمير لانها حرقته . . وعلى فكره مروان للحين ايده فيها علامه الحرق . . وودوه المستشفى عقب . . لان الشاي كان حار وتوا مسواي . . المهم وليد عدا الموقف ها وماعاتبها عليه مع ان ع قولته قلبه كان محروق على اهتمامها الزايد وعلى مسكتها لايده ولاصابعه ولدموعها الي كانت اطيح جدام عينه . . المهم كثرت المواقف بين شيخه ووليد وكانو وايد يحاول يشوفها وكان مثل ماتقولين عاق عمره عليها بالقو . . مع انه يشوف مواقفها واهتمامها لمروان الزايد . . وتقربها لـ وليد كان بس بسبت مروان . . مثل ماتعرفين ايام قبل كانو يدرسون بنفس الكليه وكله ويابعض ومروان كان صعب لقت وليد فرفوش وسهل لها اكثر عشان تتقرب لمروان . .

ميره وهي تقول الكلام ذكرتني بعمري كيف انا لو شو ما يسويلي سيف عاقه عمري عليه . . وفهمت وعرفت نغزات وليد كانت لـ شو تلمح . . على طول عرفت انه ما كان يقولي الكلام عبث الا لانه عاش نفس الشعور . .

ميره : يوم كان مروان يظهر فالصوره كنت انا اي مثلا صوبهم بدافع الفضول وكنت جد استغرب من جلسات شيخه ووليد لكن ماكنت اعلق وشكيت وكلمت وليد فالموضوع . . وقلتله لا تستفرد فيها لو حد عرف بيسوون لك سالفه لكنه كان عميان مهور .. حسيته ميته فيها ماكان يحس ولا يستوعب الكلام الي حد يقولها ااياه . . مع انها كريهة ع فكره مادري شو حب فيها . . فرق بينها وبين خلود وشما وايد غير عنهم . . المهم مررررررره يدوه طرشتلي للميلس الي كانو قاعدين فيه عشان اييبلها الريموت وانصدمت يوم سمعت مروان كشفهم . .

.

.

.

مروان : انتو بعد منخشين اهني . . والله لو اخبر يدوه بتلعنكم قسم بالله ههههههه . . لحظه . .انتو ليكون تحبون بعض . .

ميره تدخل : لا شوووو يحبون بعض انت الثاني . .

شيخه توقف : خسسسي . . انا ماتنزل احب واحد شرات وليد . . هههههه اصلا مش ستايلي ولا احب واحد شراته لاتحط هالافكار فراسك . . مول مول مول مافكر فيه كـ ريال اصلا هههههههههههه احنا بس نقعد نسولف لا تفهم غلط مروان . . وليد مجرد واحد اقضي وقت معاه من الملل وجيه

مروان يطالعها باهتمام : بل بل " يطالع وليد " عقب ها كله ليش قاعد وياها انته . .

وليد يطالعها : تمزحين , .؟

شيخه : اويه وليد ليكون حاط في بالك اني احبك ولا شي . . ترا انت شرات اخويه انا مول مافكر فيك " تطالع مروان وتبتسم " صدق عمرررره وايد هههههه

مروان يطالعها بنص عين : فارجي فارجي . .

شيخه : مروان ليش انت ترمسني دون بهالاسلوب " مبوزه " ترا ازعل . .

مروان يطالع وليد : ابن عمي بتظهر ولا . .

وليد يطالع شيخه : خرا على الساعه الي كنتي فيها بنت عمي . .

وطلع . .

.

.

.

ميره : عور قلبي يامهور قسم بالله عور قلبي . . يمكن انا اقولها لج باسلوب عادي لكن حزتها كان الموقف حااار ويعور القلب . . ماشفتي نظره عيونه وصدمته وهي تقول انه ولا شي وانه ماتعتبره ريال وواحد تقضي وقت وياه . . جرررررحته جرحت كبرياءه . .

انا بصدمه : مستحيل ماصدق . .

ميره : صدقي انا بروحي ماكنت بصدق لكني جفت الموقف بعيوني . . وعقبها لحقته وليتني مالحقته . .

انا : ليش . .

.

.

.

ميره تركض : وليد لحظه ..

وليد يصد : شو تبين ليش تلحقيني كل شوي شو تبييييييين " يصارخ " وخري عني مالي ويه اشوف حد . . خلتني تراب عندها وداااااااست علي . . تقربت مني عشان مرواااان بس " تنزل دمعته " انزين لو تحبينه لمحي لي من زمان . . وضحي لي لاتخليني غبي . . " يحط ايده ع عينه ويمسح دموعه " عشمتني وقصت علي . . " يبتسم باستهزاء " صح ما قالتلي بلسانها احبك بس كانت توهمني بالحب وتبين لي انها تحبني الحقيره . .

ميره تسير صوبه : ماتسوى دموعك ياوليد . . والله ما تسوا دموعك خلها تولي

وليد : خل تولي . . خل تولي

وركب السياره وخلا الباب مبطل وكان يدق ايده ع السكان الف مرره بكل قوه ويصارخ

وليد : حقييييييييييييييييييره . . قسم بالله حقيره . .

.

.

.

ميره : ع فكره هالسالفه من زمان اكثر من 3 مادري 4 سنين . . وعقبها بكمن سنه شيخوه تأسفت له وقالت انها كانت طايشه وعطته من هالكلام . .

انا اطالعتها بتمعن : مسكين ياوليد . .

ميره : حتى عقب قالي يمكن هذا حب طيش وملل لانه شرا ماتعرفين وحيد لا اخوان ولا شي . .

انا :يحليله .. همني . .

ميره : اااااااااه وتلوميني يوم احبه .. شفت مشاعره الحقيقه مهور كلها . . حبيت كل مشاعره والله

انا ابتسم : تعرفين احنا مساكين . .

ميره : ليش . .

انا : كل واحد فينا له قصه وله هم كبير وكل واحد فينا يحس ان همه اكبر شي فالدنيا

ميره : طبيعي ها حال الانسان . .

انا : لو تقدملج المره الثالثه بوافقين

ميره : اكيد بوافق انا ميته فيه واتريا يخطبني . . وشرات ما يقولون الثالثه ثابته . . انا رفضته لانه خطبني عقب ما فنقشت السالفه ويا شيخوه وحسيت انه يبا يتهرب بالزواج ما بغيت اظلم نفسي بعد . . والمره الثانيه رد خطبني بعد تهرب ويمكن كان خايف اني اخبر حد وعقبها يوم وعدته اني ما بطري لحد شي سكت عن موضوع الخطبه " بوزت " يييقهر هالوليد ..

انا مبتسمه: هالكثر عايبنج . .

ميره تبتسم : فوق ماتتصورين . .احب طوووله وعرضه وابتسامته . . واحب الغمازه الي على اليمين واي يوم يبتسم وتطلع ماتدرين شو يصير فيني . .احب ستايل شعره واحلى شي احبه " توقف وتقلده " يوم يحط ايده الهنتين في جيبه ومنزل الكاب ع ويهه ومنزل راسه . . انا من بعيد اغني يا نظرتن قنصت قلبي

انا : ههههههههههههههههههههه . .

ميره مبتسمه : ااااااااااه عليه . . " بجديه " بعدين مهور لا تلومينه على حبه . . يمكن تشوفين حبه لـ شيخه طفولي او ماله معنى . .انا فكرت نفس تفكيرج قبل لكن . .

انا اطالعها باهتمام : لكن شو

ميره : وليد عاش وحيد . تعرفين عمي وحرمته روحهم كبار فـ كان كله بس يقعد معاهم ماكانت له طلعات وروحات ويييات . . انتي شوفي حالج من عرست عنود كيف صرتي . . مع انج عشتي معاها تقريبا فوق الـ 15 سنه وانا كنت معاج وماليه عليج البيت وبعد بنات عمي لكن شوفي يوم عرست مع اني انا بعدني اييج وبنات عمي يونج مره لكنج تحسين بوحده وتموتين ضيج وتحسين بكآبه وكله مضايجه صح ولا لاء . . هذا حال وليد من 25 سنه . . هالشي وايد معورني . . وانتي تعرفينه ماكان يحتك في حد وتعرفينه عمي " ابوه " ايام قبل كان متعقد ما كان يخلي شباب العايله يرابعون حد غريب . . كان كله يقول انتو اخوان وعيال عم وسركم واحد لا يطلع عند غريب وكان يضارب لو شافهم ما يطلعون ويا بعض وو وليد كان يضايق ويتفشل مايقدر يقول حق ربعه هالرمسه وكان كله يقعد فالبيت ما يطلع مول . . وطلعت شيخه في حياته حتى لو كانت نزوه لكن طلعته من الي فيه شوي خلته يحب يعصب يحصل شي يشغل باله . . مع انه فرفوش ويالكل لكن قلبه وحيد ماعليج مننه . .

انا اتنهد بضيج : بس اسكتي مابا اسمع زياده

ميره مبوزه : يغمضني . .

انا :أخافج تشفقين عليج ماتحبينه

ميره تطالعني : لا مهور انا اشرحلج وضعه بس عشان ما تظنين فيه غلط . . إلي مريحني ان عمي " ابوه " فج راسه وقام يخليه يطلع ويحوط ويرد ع كيف كيفه . . قولي شي احسن من لاشي . . شي يهون عليه بعد . .

خلود ادق الباب : ادش ؟

ميره : دششي

انا : حجرتج ولا حجرتي . .

خلود تدخل : السلام عليكم . .

انا قمت وسلمت عليها وعقبها ميره . .

خلود : شفتج مانزلتي تستقبلين ضيوفج قلنا بنيج . .

انا : اسمحيلي والله " ابتسم" تعرفينها ميرو ماتصخ . . وبعدين انتو مش ضيوف البيت بيتكم . .

خلود تبتسم : ليش متعنيه ومزهبتلنا غرف كنا بنشاركم الغرف عادي . .

انا : حبيبتي والله تعرفيني اموت واشاركم الحجر . . احب الولفه وبرايه خلي الاغراض اهناك وخلنا كلنا نرقد فمكان وااحد . . بس انا ابا راحتكم . .

ميره تطالع خلود : اونها عاد حرمه بيت وحركات . .

خلود : هيه حسيت هههههههههههههههه

انا : مالت عليكم مسوتلكم قدر . .

خلود : يالله نزلو بنتغدا . . الحين حطوه . .

انا : يالله . .

وخذتلي شيله وتحجبت ونزلنا كلنا . .

مايد : ها العرووس . .

انا ابتسم : هيه عروس من 21 سنه وللحين ماعرست . .

راشد : من كثر ماتبين العرس وين بتعرسين . .

خلود : ههههههههه كل وحده ماتبا العرس تعرس اول وحده ..

وضحكنا وقعدنا كلنا ناكل سوى . .كانت اللمه وايد حلوه وانا بصراحه كنت محتاجه هاللمه لاني مابي افكر بـ ولا شي . . محتاجه حشره وجو يشغلني عن التفكير . .

عقب ما خلصنا غدا تيمعنا كلنا فالصاله وقعدنا نشوف مسلسل اجنبي رعب وجد اندمجنا وكنا نصرخ سوى ونضحك سوى ونخوف بعض ومستانسين . .

على المغرب خلص الفلم وبدينا نتشتت . . جزء منا راحو بيت يدي وجزء الحجر . . ميروه راحت بيتهم الزفته وانا تميت قاعده ويا ميود نبدل فالقنوات . .

رن تلفوني وكان صوب مايد وانا كنت سرحانه ومطنشه . .

مايد : ميـره السودا .؟ هاي ميروه بنت عمي ولا ربيعتج . .

انا : ميروه بنت عمي هات التلفون . .

مايد : صبري صبري بنسويلها مقلب . .

ويشل رقمها ويسجله ف تلفونه . .

انا : ميوووووود الله يخس ابليسك . .

مايد : صبري خل نستهبل عليها . .

انا : شو بتسوي . .

مايد يبتسم ويتصل فيها ويغير صوته يخليه صوت وحده وانا منصدمه من قدرته .. كيف قدر يغير صوته . . حطاها سبيكر . .

مايد : الووو ..

ميره : منو انتي . .

مايد : اناا . . اناا احلام ..

ميره : احلام ؟ اي احلام ؟ ماعرفج باي

مايد بدلع : صبببببري . .

ميره : شووووووووووه . .

مايد يسوي روحه يصيح :

ميره : بلاج بسم الله شو فيج . .

مايد : امي امي . . ماتت

ميره : مااااااااتت . . حبيبتي والله . . الله يرحمها يارب . . كيف ماتت

مايد : حادث سياره " يسوي روحه يصيح ويشهق وانا مبطله عيني "

ميره : لا تصيحين عورتي قلبي والله بصيح وياج " وميره الهبله تصيح "

مايد بيموت ضحك وفر التلفون بعيد وخش ويهه بالمخده وتم يضحك ويضحك بصوت مش مسموع . .

ميره : الوو الوو . .

مايد : الووو . .

ميره : بسج صياح حبيبتي لا تصيحين هاي حكمه ربج . .

مايد : انتي فاطمه ؟

ميره : لا مش فاطمه انتي مخربطه فالرقم

مايد : اويه سوووري اتحرا فاطمه ربيعتي . .

ميره : لا عادي فديتج . .

مايد: انا وحيده امي وابوي ماعندي حد . . ابوي ماخذ على امي وامي يوم عرفت طلعت من البيت ومسرعه ودعمت وماتت .. وانا كل ما اذكر قلبي يعورني واتصل ف ربيعتي فاطمه " صوته استوا رجولي شويه "

ميره : اويه بلاج

مايد يحط الفون سايلنت ويضحك : ههههههههههههههههههههههههه شت بتزخني

ورد اتميع : بلعوني يعورني . .

ميره : فديتج ها حال الدنيا . . ترحمي لها وعليج بالصدقه . .

مايد : ان شاء الله . . مشكوره ارتحت يوم كلمتج . .

ميره : افا علييج حبيبتي . .

مايد : عادي نكون ربع .. لو يضايقج قولي

ميره : لا لا عادي فديتج افا عليج . .

مايد : محتاج حد يكون وياي

ميره : محتاج

مايد : محتااجه محتاااجه . . ماتسمعيني صوتي ترا مبحوح . .

ميره : ماعندج بنات عم ولا حد . .

مايد : لا ماعندي . .

ميره :متى ماتحسين روحج ضايقه كلميني افا عليج . .

مايد : مشششششكوره . .

ميره تدخل بيتنا : يالله فديتج بخليج . .

انا فاجه عيني ومصدومه واطالع مايد الي على طول بند فويهها وسوا عمره طبيعي . .

ميره : الو ؟ الوو ؟ وين سارت . .

انا اطالع ميره : بلاج . .

ميره : مسكينه طحت على وحده عورت قلبي يا مهور . . متصله فيني تنوح ذاكره امها متوفيه . .

انا : وحليلها . .

مايد :عطيني رقمها برمسها بهون عليها . .

ميره : استح ع ويهك يا قليل الادب . .

مايد : عيل لاتودرينها حرام . .

انا فاجه عيني اطالع مايد . .

مايد : صدق مهور بلاج تطالعيني . . يعني حرام واكيد البنت مالها حد ولا مابتتصل فيج ميره

ميره : هيه صح . . قالتلي ماعندها حد ومادري شو . . وصوتها بروحه يعور القلب مبحوح وجي تغمض

مايد : اذا بتودرينها عطيني رقمها انا برمسها . .

ميره : بلاك انت مشتط ع رقمها قلتلك برمسها خلاص

مايد : هيه هوني عليها . . مسكينه تمي طرشيلها مسجات واسالي عنها . .

ميره تطالعني : بلاه متحمس اكثر عني . .

انا : هاه . . مادري . .

مايد : ترا غمضتني . . يعني تخيلو اماكنكن بدالها . .

انا وميره : الله يحففففففففففظ امهاتنا . .

مايد : امين بس انا اقول يعني . .

ميره بطرشلها مسج . . " عسى ماشر ليش بندتي فجاه "

وصل المسج لتلفون مايد الي مات . . لكن من حسن حظه ان ميروه ما انتبهت وانا الي انتبهت . .

حول فونه سايلنت وطرشلها . .

ميره : هكي طرشت . .

" سوري ابوي دش علي ومايخليني ارمس فالفون . . خلينا نتواصل بمسجات عادي ؟"

( هيه عادي افا عليج . . )

" شو تسوين "

( ماشي يالسه بروحي وانتي ؟؟ )

مايد يبضحك وهو يقرا المسج : اااااااااه عالخرط . .

انا خلاص قلت الحين ميروه بتزخه بتزخه لكن يوم ميروه تزيد عندها التناحه تستوي اغبى مخلوقات الله

" انا بعد يالسه بروحي . .احس القدر جمعنا مع بعض "

( فديتج والله . . انا بعد احس ارتحتلج )

" شو اسمج "

( ميره وانتي ؟ )

لاحظت ان مايد يتحيس ويفكر ويلف يمين ويسار . .وعقب جافني وابتسم

" مها "

( عاشت الاسامي )

" تسلميييييين حبيبتي "

انا كنت اسوي حركات لـ مايد عشان يصطلب ويوقف لكنه مول ما سوالي اعتبار . .

( تعرفين ولد عمي السخيف شو يقول )

سرت صوب مايد ابا اهدده السخيف على طول يطالعني ويرمس بصوت واطي

مايد : الحيوانه تقول عني سخيف . .

انا : وبعدين وياك . . بتقولها ولا انا اقولها

مايد : مهور خليني اتسلى انزين بعترفلها والله بعديين . . خليني الحين اضحك ملل وسيارتي فالكراج متملل مول ولا ما بجابل ويوهكم . .

ميره تصد تطالعنا : شعندكم تترمسون بصوت واطي . .

وصلها مسج " شو يقول ولد عمج السخيف "

التهت بالتلفون . .

انا : لا اطولها سمعت

مايد : لا تحاتين شو بسوي فيها يعني ترانا نستهبل ع بعض . . هي روحها بتضحك عقب يوم بتعرف

انا : انزين . .

مايد : ياويلج والله ماتعترفين حلفت

انا : انزين ما بعترف اف منك . .

( يقول يبا رقمج اونه هههههه تخيلي خايس قليل ادب )

مايد يطالعها بنص عين . .

" اوييييييييييه لا مستحيل صج صج قليل ادب "

( ماعليج امني فييني مابعطيه مستحيل )

" عطيه بس لو كان حلو "

ميره تضحك : هههههههههههههههههههههههههه مسكينه والله هالبنيه . . مالت ماشافت الشيفه

مايد بقهر : شيفه منو . .

ميره : هااه . . محد . .

مايد : لا قولي شيفه منو . .

ميره : انت شو يخصك انا والبنت نسولف . .

طرشت مسج ( الله لا يراويج . . لو شفتيه من الزيغه اسبوع ماترقدين )

مايد بقهر : عدااااااااااااال . .

انا تامه اطالع ميره . . معقوله هالغبيه للحين ماحست ان في شي غلط . .لكن لانها ملتهية بشكل كبير وتضحك ومستمتعه ماتدري شو المووضوع تتحراني انا اهذرب وياه . .

هزيت راسي يمين ويسار ونشيت عنهم . .

افكاري بعدها مشوشه ومتخربطه . . مع اني ضحكت وايد واستانست معاهم بس احس بحرقه بقلبي ماقدر اوصفها . .احس بشعور ابا اطلعه يمكن ارتاح . . احس بكبته . . دخلت في حياتي ياوليد بطريقه قويه . . اووووووووف احنا ليش جي البنات نتأثر بكل شي يصير . . ليت قلبي شرات عمي حمد " ابتسمت " امحق قلب . . والله لو قلبي شراته جان مرتاحه اوف اوف اوف . . خوزو عن بالي سيف و وليد مابا افكر فـ ولا واحد فيييييييييييييييييييييييييييييييييكم . .

.

.
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خادمة "تذبح" طفلة مخدومها بحفر الباطن	محروم.كوم	منتدى أخبار المواقع والمنتديات العربية والأجنبية	1	04-16-2013 02:04 AM
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف))	محروم.كوم	منتدى أخبار المواقع والمنتديات العربية والأجنبية	0	01-20-2012 04:10 PM
بلاك بيري تورش 9860 فل تتش مع بن ممير """"""""""""""""""""""	محروم.كوم	منتدى أخبار المواقع والمنتديات العربية والأجنبية	0	10-28-2011 11:00 AM
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM