رّوآيه " هآيـم فيّ بحـر آلشّوق وُ لذة هيآمك " - الصفحة 203

mazageh · #1 11-30-2012, 10:27 PM

متى البااااااااااااااااارت __DEFINE_LIKE_SHARE__

روحي بلقااكك · 11-30-2012, 10:34 PM

؟؟ممتـآآآ الباآآرت __DEFINE_LIKE_SHARE__

«ضَحِيًة حِبُيًبُيً ..}● · 11-30-2012, 10:48 PM

.

.

البارت الـ 25

الساعه تشير للعشر ونص . .

توتر شماني بدا يزيد اكثر واكثر وزاد لما يـت امها معصصبه وتقول

حرمت عمي خالد : يااااااللللللله شششماني عااااد . . الناس تتريآآ وسكرو الليتآآت يتريوووووون واحين بيبدا الشعر الي تنزلين علييييه

انا مسكت ايدها : يالله حيآتي . .

شماني تتنفس بصعوبه وتشهق وترجف . .

انا : قولي بسم الله . .

شماني : بسسم . . . اللـ . . . الللللله . .

وتبطل الباب وطلعت انا وعقبها طلعت شماني والاضاءه كلللللله عليها . . حاولت اخبي روحي شوي وما اطلع فالاضاءاه لاني كنت حيل متوتره وارجف بس احاول ما ابين . .

شما : لا تخليييييني

انا :أنا وياج ما بخليج . . أممممشي . .

ومشت شماني خطوااات صعببببه باين عليها . . كانت تمشي وترجف وباين من الباقه الي ما تثثثثبت . . قعدت ارقييييها واسمي عليها . . مشت خطواتها واحس عين الناس ما تسسسسمي . . كانت جميله حييل ربي يحفظها . . .

مششيت معاها وبديت ألاحظ عيون ناس غريبه ونظرات غريبه عرفت انهم اهل نورة واكيد عارفيني . . حاولت اجمد عمري مع اني من داخلي ميتتتتتتتتتتتتتته . .

وصصصلنا الكوشه . .تلفتت شماني شوي يمين وشوي يسار وعقبههههها قعدت . .

ماطولت ولا مشت اكثر عن مره ولا عطت الناس مجال يشبعون من شوفتها وانا ما اصريت عليها لانه مابا ازيدت توترها واباها ترتخي وتريح . .

وبالفعل اول ما وصلت الكوشه . . تيمعو بنات عمي كللللللللللللللهم وخواتها حواليها

وربشو المكان بالرقصصصصص والتصفيق وييلسون حذالها يتصصصصورون ويضحكونها وان لما حسيت انها ألتهت وياها وارتاحت جان ارتاح بعد . .

ألتهينا بالعرس وبالحريم وبالسسلام . . والكل يسال امي مهره متى عرسها متى بتعرس ؟ وانا لما ااشوف امي تسسسسكت اتضايق . . احس حتى امي مش حابه سالفه الملجه بدون عرس محدد . . انا لازم احدد موعد خلاص . . اليوم لما بي وليد يشلني راح اقوله ان شاء الله ..

يتني ميره , .

ميره : مهور

انا : هااه

ميره : هااااااااااا بيسسسسسسوي مشكله الحقيني .!!!!

انا : منو .! شسالفه ..

ميره : ميوووود

انا : ليش بلاه . .

ميره : متصل فييني شاد حيله حارق الفون بالقو رديت عقب ما اذاني . .

اانا : انزين ؟

>

<

>

مايد : سنننه ؟؟

ميره : خير مايد شعندك ؟

مايد : ليش ماتردين

ميره : لا والله . . من متى ارد انا

مايد : كنتي تردين قبل

ميره : قبل يوم كنت مها

مايد : هههههههههههههههههههه

ميره : خيير شبغيت خلصني . .

مايد : يسالج

ميره : اسال

مايد : سمعت ان شهاب كان موجود ف جمعة الصالون !

ميره : هيه

مايد : شو هيه يا حيوانه شافج ولا ؟

ميره : وانت شو يخصك . .

مايد : شو الي شو يخصني لا تستهبلين . .

ميره : شاف كل البنيات مش بس انا

مايد : احلفي انه شافج

ميره : قلتلك هو طاالع من الغرفه اكيد جافنا كلنا

مايد : انا اسال عنج انتتتتي !!

ميره : مادري

مايد : لا تستهبلين ميروه

ميره : قلتلك مادري

مايد : تبين تعصبيني

ميره : عصب شعلي منك

مايد يصارخ : ميروه

ميره : ويعوه لا تصارخ عورت اذني شو تبا انا منخشه فالحمام ابا اطلع بسير عند شموه

مايد : ارمممممممممممسي اول

ميره : انت ثور ما تفهم ؟؟؟؟ قلتلك ماعرف انا كنت ويالبنات وهو طلع وعقب تم منصدم لين ما يت مهروه وشلته ودخلته الحجره

مايد بغيض : والله براويه

ميره : مايعرف اول مره يكون معانا ومايعرف عن الجمعه ومحد مخبرنه شدراه

مايد : ادافعين عنه بعد

ميره : اقوووووووووول الصدق مسسسكين

مايد : مسكين هاااه والله براويه الهرررررررررررم

ميره : بروحه ما بيسلم من عمومممممممممي ويدي ويدوه

مايد : وانتي شو كننننتي لابسسسسه ان شاء الله

ميره : ايه انت شو تسالني هالسؤال والله ما تستحي ع ويهك

مايد يصارخ : بتجاوبين ولا

ميره : ايه لا تصارخ انا فالحمام ماروم اصارخ جب باي بروح عندهم

مايد : جربي تبندين والله وانا نازل و مروان لاسحبج جدام الناس واكفخج

ميره : لو رياآآآآآل سوها

مايد : ماعليه نتشاوف . .باي . .

>

<

>

ميره : اويه احين شو اسوووي مهورر ها يبا يضارب اي وقت عادي عنده

انا : تستاهلين محد قالج تقوليله لو ريال سوها

ميره : انزين شدراني طلعت مني جي بدون شعور

انا : عاد تحملي البدون شعور مالج الحين . .

ميره : مهور لا تستهبلين . .

تسسكرت الليتات . . .

ميره تمسك ايدي : والله لو نزل بيسويها . .

انا ابتسمت . . .: تستاهلين

اميه يت صوبي : اميه مهره . .

انا:ها امايا . .

اميه : جي ماتردين على تلفونج يتصل فيج وليد . . " تعطييني تلفونها " اندوج ها . .

انا : تلفوني فوق . . ألو

وليد : وينج ؟

انا : اهني

وليد : ماتوقفين حذال شما تسمعين

انا : ليش . .

وليد : الريايييل بيدشون الحين وياها وين تبين تخلينهم يشوفونج كاشخه . . .

انا : ههههه

وليد كان يرمس بجديه وانا كنت امشي ببسرعه بروح فوق عشان ألبس عباتي . .

وليد : ليش خفت الحشره عنج . .

انا : لاني ييت فوق البس عباتي . . " انتبهت لتلفوني شفته متصل فيني 30 مره "

انا : بل انت متصل فيني ثلاثين مره

وليد : والله يـيت لين القاعه وياهم مش مخلي مروان ينزل لين ردت علي امج وقالتلي انج مش فوق وبتوديلج الفون . .

انا : ههههههههههههههههههه افف ع عرج الغيره فالعايله . .

وليد : ها الي ناقص بعد . .

انا : ههههههههههههه

وليد : يالله بسرعه بسج ضحك . .

انا : ترا مادري من وين يت هالعبي كلها مش عارفه عباتي وين . . .

وتامه ادور وارمسه

وليد : متشفق

انا : على ؟

وليد : اباا اشوفج . .

انا استحيت وابتسمت . .

وليد : جد جد خلاص واصل حدي ابا اجوفج الحين . .

سمعت الشعر الي محطينه لـ مروان بدى معناه ان طلع لها . .

انا : ياللله بببند خلني ادور عباتي عدل و اسير اشوف . .

وليد : انزلي خليني اشوفج

انا : بتشوفني عقب العرس

وليد : الحين

انا : ولييييد

وليد : يالله ما بطول . . بشوفج وبخليج تروحين . .

انا : جب جب بعدين قلللللللللتلك . .

وليد : بتين ولا انا اي . .

انا : هههههههههه ايييه عن الخبال

وليد : انتي روحج

انا : هيه . .

وليد : باب العروس ؟

انا : هيه

وليد : بييج . .

انا : ايه وليييييييد عن الاستهبال " بديت ارجف ارتبكت "

وليد يصعد الدري . . : صاعد . .

انا سرت صوب الباب بقفله لكنه فجج الباب بسرع ـه . .

من ارتباكي طاح فون امي . .

ابتسم وليد ونزل يشل الفون وعقبها سكر الباب وقفله . . وانتبه للباب الثاني الي يودي ع الصاله مفتوح . .

وسار صوبه سكره وقفله وانا تامه عاطتنه الظهر لاني مفتششششششله حدي من الموقف ومش عارفه شسوي

وليد واقف ورايه وبصوت هادي : يالظالمه . . كل ها الظهر مفتوح وتقوليلي شوي . .

اانا خلاصصصصص رحت وطي !!!!!

جان اجاااابله بسرعه . .

وليد يبتسم : ياويل حالي . .

انا احرك عيني يمين يسار . .ماعرف شسوي !!! الموقف محررج وربي

كل الي قدرت اسويه تحركت شوي وسرت صوب العبي اوني ادور وهو تام مكانه مبتسم ويطالعني . .

والله من كثر ما ارجف اطيح العبي كل شوي . . لين ياني ومسك العبي وردها مكانها

وليد بصوت هادي : شفيج . .

انا مرتبكه : ما . . .مافيني شي

وحطيت عيني ف عينه . . !

يآآآآآآآآآربي شكككككككككككككثر كنت اتجننننننب احط عييني ف عيننننننننننننه . . مابي احرااااج . . ومن حطيت عيني ف عينه بلعت ريجي واتصنمت وهو بالمثل . . تم مركز عليه ومبتسم هالابتسامه الخايسه الي تخلي الواحد ينحرج غصصب . .

وليد بصوت حنون : حلو عليج البنفسج . .

انا بلعت ريجي ونزلت عيني : اعرف . .

وليد : هههه . .

رفع ايده ورجع الخصله الكيرلي الي ع ويهي ع ورى بطريقه خفيفه . .

وليد يبتسم : يازين الدهن العود . .

اندق الباب علينا . .

انا شهقت . .

وليد : بسم الله عليج . .

انا : يالله رؤؤؤؤؤح . .

وليد : ماقدر اروح

انا : وليد عن الاستهبال . .

وليد : وربي ماقدر . .

انا ارجف . .

وليد : سامحيني ع الحركه الي بسويها الحين . .

انا اطالعه . .

وليد : لا تتحركين . .

تقرب مني . . .

Cut

.

.

.

.

.

.

وليد يبتسم : ههههه

انا صديت الصوب الثاني . .

وليد تقرب مني مره ثانيه وهمس ف اذني : الله لا يحرمني من هالشوفه ابد . .

وبعدها باس يبهتي وطلع . .

ومن بعد ما طلع وسكر الباب

جاااان اقعد ع الكرررررسي . .احس باحراج واحس باحساس ماعرف ماعرف اوصصفه . .

حسبي الله ع ابليسسسسسسسك ياوليد . .

حطيت ايدي ع قلبي . . قلبي يدق . . يدق بخوف . .؟؟ ولا يدق لانه وصله احساس هالانسان . . قلبي يدق منحرررج ؟؟؟ ولا قلبي يدق لانه بدا يدق بحب . .

ماعرف . . اندق الباب بقوة مره ثانية وسرت صوبه بسرعه وفتحت . .

شيخه : انتي وينج ليش ماتفتحين

انا مرتبكه : ماسمعت . .

شيخه : شفيج

انا : مافيني شي . .

شيخه تضحك : فاتج فاتج . .

انا اطالعها وبالي مش وياها . .

شيخه تخبرني . .

>

<

>

نزل مروان ومشى مع مايد وراشد وعمي حمد وعمي سعيد . .

اول ما وصلو صوب شماني باسوها كلهم ع راسها وماعطو المجال لمروان الي كان مشتط ويقولهم خوووزو . . ما سووله سالفه وارتزو حذال شما وخلوه بعيد وهو كان معصب . . اتصوروو ورردو سلمو عليها وراحو . .

مروان يرمس ميره : ابا ابوسها ع راسها . .!

شيخه : خلاص فاتك ولد عمي ما يصير الحين ههههههههههههه

خلود : ههههه ايلس عدالها بس بوسها عقب . .

مروان : لا والله . . " يطالع شماني " ارتحتي ؟. كنتي خايفه اني ابوسج جدام الناس واخوانج ما قصروووو وقفو لي ع البلعوم ولا خلوني حتى اسلم ع حرمتي

ميره : تحسسني عاد

مروان : ببوسها قلتلكممم .. ابا ابوسها . .

ميره : هههههههههه ذبحتنا بوسها بعدين لما تصعدون

مروان : ابا ابوسها ع راسها من متى ادرب . . " يطالع شماني " وبعدين ليش ما غطيتي ويهج عشان اناا ارفع . . " يطالع ميره " انتي خارطه علي ؟ قلتييلي لازم ترفع شي شفاف

ميره : انزين انا شو يخصني هي ما لابسه طرحه ع الويه بس مخلتنها ع راسها

مروان يطالع شما : ليش ما حطيتي ع ويهج ؟

شما مستحيه وترجف . .

مروان : اففف انا ما حبيت الصراح ـه . . " يطالع شيخه " ارمس جد قولو حق امي برد اطلع واي بروحي . .

شما ضحكت .

مروان : ليش ما يصير يعني

شيخه : لا تفشلنا ولد عمي

مروان : واللللللللللللله تغصصت صراحه . .

عنود تي : ههههه لا تتغصص ولد عمي برايه صارت حرمتك الحين متى ما تبا بوسها جدامنا عادي احنا ما نقول شي

مروان ابتسم : والله انتي بنت عمي بلسم بلسسسسم . .

عنود تبتسم : افا عليك بس . .

مروان : انزيين بنت عمي لو ابا ابوسها الحين . .

عنود : بوسها محد يروم يقولك شي

مروان : انتي وين كنتي من زمان ياخي ها الي ابا اسمعه

شيخه : ايه عنود لا تشجعينه بيفشلنا . . شو فجاه يعني يبوسها

عنود : برايه كيفه ريلها !

مروان : هيه والله كيفي برايه

يت حرمت عمي حمد" امه " : مروان شو هالرمسه خلاص غد ريال اشوف . . بلا منكر . .

مروان يتنهد : ان شاء الله . . " يطالع شما " والله من كثر ما كنتي تتحرطمين وخايفه ما صار

شما تبتسم بحيا . .

مروان يبتسم : مبروك . .

شما ماتطالعه : الله يبارك . . .. فييك . . " ترجف وصوتها يقطع "

مروان : مبروك ياعروستي . .

شما ساكته وترجف

مروان يمسك ايدينها ويطالعها ويبتسم : ششهالحلى كله . .

شيخه : اييه

مروان : انتو اهني

خلود : هيه اهني لاصقين ف اختنا ونطالعك لا تغازل يعني

مروان : انزين انتشرو شوي خلونا . .

خلود : ع قلبك . .

مروان يطالع شيخه : شليها . .

عنود تبتسم : تعالي خلود . .

شما تطالع شيخه : وين راحت مهور

مروان : تسال عن مهور اكثر من ما تسال عني . .

شيخه : مادريبها وين اختفت . . بسير اجوفها

شما : ازقريها

مروان : لا محظور عليها تي

شما : ليش

مروان : مهددنها وليد . . لو تشوفينه كيف قافل علي باب السياره الهرم . .

شما ابتسمت . .

شيخه : هههههه بسير ادورها ..

>

<

>

انا ابتسمت : مروان مش صاحي . .

شيخه : لكن ضحكني جد لما كان يبا يحاول يبوسها باي طريقه

انا :راحت عليه . .

شيخه تطالعني : انتي ليش طولتي لين فتحتي

انا : ماسمعتج

شيخه : وليد قالج ماتنزلين واتمين فوق ؟

انا : لا كنت ادور عباتي وماحصلتها شكله حد لبسها . .

شيخه : لا محد لبسسسسها . . موجوده شفتها انا

وسارت شيخه صوب العبي : هكي مهور اول عباه . .

انا : اوييه ! تصدقين والله كنت ماسكتنها بس مادري انها عباتي . .

شيخه : هههههههههههه الي ماخذ عقلج بنت عمي . .

رن تلفوني . .

شيخه يابتلي اياه : اندوج

انا مديتلها فون امي : اندوج عطي امايا لين ما انزل

شيخه : اوكيه

وشلت فون امي ونزلت . .

انا : الو . .

وليد : حصلتي عباتج .

انا : هيه . .

وليد : لبستيها

انا : هيه . .

وليد : هههه . .

انا : . .

وليد : شفيج . .

انا ابلع ريجي ومستحيه : مافيني شي . .

وليد : لحظه شوي . . .

واسمعه يرمس ويا رييياييل وحسيته شوي تنرفز . .

وليد : الو . .

انا : هلا

وليد : سيف يتريا . . حرمته نزلت ولا . .

انا :لا . .

وليد : بعدج يعني ما جفتيها . .

انا اكلمه واتحرك طلعت من الغرفه . . : الحين انزفو مروان وشما . . اول ما يصعدون بينزلونها من الغرفه الثانية . .

وليد : ترومين ع الموقف . . مابي اجبرج . . لو ماتقدرين بشلج

انا : اروم . .

وليد : اكييد ؟

انا : اكيد . . يالله خلني انزل بسرعه لان الحين بيصعدون فوق . .

وليد : خلي الفون بايدج . .

انا : ان شاء الله . .

وليد : الله يحفظج

وسكرت عنه وتميت ف نص الدري واقفه لان صعدو . .

مروان يطالعني : ها انهزبتي صح

انا : ههههه ليش انهزب . .

مروان : مكااره

انا اطالع شماني وابوسها : مبروك بنت عمي . . الف مبروك . . " اطالع مروان " بالبركه عليك ولد عمي هالجنننّه . . دير بالك عليها

مروان : لا توصيين . .

شما : احنا بنتصور الحين ما بتين تقعدين ويانا

مروان يطالعني : طنشيها سوي عمرج ما تسمعينها

انا : هههههههههه اوكي . .

مروان يبتسم : ما بنسالج وقفتج وياها بنت عمي

انا : ولو .. بنت عمي تراها . .

شما تبتسم وتبوسني وتحظني . .

انا : ياحماره بتخربين كشختج

شما : مشكوره مهاري ع كل شي . .

انا : حبيبتي انتي انا ما سويت شي

شما : لا سويتي وايد واللله . .

انا : فديت روحج

ومن بعدها صعدو العرايس فوق. وانا نزلت واول ما نزلت لاحظت نظرات حقيره من ناس ماعرفهم؟ بل ليش جي . .

خلود تبتسم : ماعليج منهم خـ يولون بنت عمي غيرانين من حلاتج

انا : كل ها وغيره . . احس يدعون عليّه . .

خلود : برايهم لا تعورين راسج . . " تبتسم " احسني مفتشله . .

انا : ليش . . ؟

خلود : ليش ما خبرتج عنود

انا : لا . .

خلود : عنود ضاع حلقها ومتصله ف عبدالله ييـب لها حلق ثاني وتخيلي انا فالحجره الي تحت يالسه وياها نتريا عبدالله ع اساس انها تسير السياره وتيب الحلق وترد !!

انا : انزين ؟

خلود : ما يتها دوخه الا لما وصل عبدالله ودقلها قالها لا تنزلين انا بنزل بييب لج وشرحت له وين مكان الغرفه وكيف يدخلها من الباب الي برع . . كنت بطلللع لين يروح لكن قالتلي انه بيعطيها وبيروح وماله داعي اطلع عشان اتم وياها عن اطيح او يغمى عليها . . جان انخش ورى الستاره . . واصلا جدام الستاره في جامه وفي كبت صغير ف يعني مكان اوكيه انخش فيه ف سرت اتريا اهنناك . . وليتني ما اترييت ولا سمعت كلام اختج الكلبه

انا : ههههههههه ليش حمستيني قولي . .!!!!!!!!

>

<

>

عبدالله يـيبها : حبيبي شو ياج . .

عنود تطالعه : دوخه بس فديتك مافيني شي . .

عبدالله : قومي خلينا نرد البيت انتي تعبانه ماترومين ومافيج شده ع اعراس حق شو يايه

عنود : تبا عموه ( امه ) تزعل . .

عبدالله : برايها انا برمسها . . اهم شي صحتج حبيبي . .

عنود تبتسم . . : انا بخير لا تحاتيني بس دوخه . .

عبدالله : اكيد ؟؟

عنود : هيه . .

عبدالله :انزين ماشي ماي اهني شي . .

عنود : شربت . .

عبدالله : اييبلج شي تشربينه ولا تاكلينه ؟

عنود : لا باكل بروحي بعد شويه . .

عبدالله : ماتبينا نرجع . . " يبتسم بخبث " متاكده ماتبين تردين البيت . . تمي وياي وع حظني اخير لج . . بتخوز لوعتج بدال هالصدعه . .

عنود : ودي . . شو ابا غير قربك . .

عبدالله : احلفي

عنود تحط ايدها ع قلبها : واي حبيبي ما تصدقني؟

عبدالله بصوت واطي : . . . ( خلود ما سمعت شقال )

عنود : هههههه بس عاد . .

عبدالله : فديتج . . قربي ببوس خشمج . .

وباسها . .

عنود تطالعه وتحط ايدها ع راسه . .

عبدالله : شو تسوين . .

عنود : ارقيك . .

عبدالله يبتسم . .

لما خلصت نفخت ع راسه . .

عبدالله : الكل حاسدني عليج . . من وين يايبه هالصفات انتي ؟

عنود تبتسم : هالصفات تطلع من حبي لك . .

عبدالله : عقب كل الي عانيته مني كيف ما راح هالحب . .

عنود : الي تسويه انت الحين تعوضني وتخليني اموت فيك اكثر واكثر واكثر . .

عبدالله يغمض عينه : يارب لا تحرمني منها ..

عنود تبوسه ع خده : ولامنك يآآآرب . .

خلود عطست . .

عنود تشهق : اويه . .

عبدالله مصدوم : منو . .

عنود : خلود اهني انا نسيت . .

عبدالله ملامحه انصدمت : احلفي . .

عنود : والله نسييييييييت . . روووح روح حسبي الله ع العدو

اميه تدخل : عنود اميييه وين مهره ؟

اميه : مادريبها اميه يمكن فوق عند شما . .

اميه : عبدالله ابويه شو تسوي اهني ؟

عبدالله : هاه . . الحين بروح . .

اميه : تعالي عنود اباج شويه . .

عنود تقوم ويساعدها عبدالله : ترومين ؟

عنود : هيه اروم . .

وطلعت عنود . .

>

<

>

انا : ههههههههههههههههههه واي على اختي مش صاحيه . .

خلود : والله يا مهور لومتني لومتني . .ويهي صغر . . تميت منحرجه موت . .كيف نست ماوحالها . .

انا : حبيبتي من هالحب تنسى الي حواليها . . لما تشوف عبدالله خلاص . . مخها يتبرمج عليه بس

خلود تبتسم : الله يهنيهم يآرب . .

انا اطالعها بنص عين : انزين انتي كيف روحتي عقب . .

خلود تطالعني . .

انا اطالعها : شفيج . .

>

<

>

عبدالله منزل راسه : بنت عمي انا مادريبج وين منخشه . . لكن مسامحه انا ماكنت ادري ان في حد اهني

خلود بحيا : مسموح ولد عمي . . ماعليك . .

عبدالله : حقج علينا . .

خلود : ماسمعت شي انا ابد سديت اذني . .

عبدالله : هههه حشيم حشيم . . تامريني ع حايه

خلود : الله وياك . .

عبدالله : والنعم فيج بنت عمي . . غير عن العرب انتي . .

تم واقف شوي وعقبها

عبدالله : الي مثلج ماكان بيتم ويا عنود دقيقه . . ولاكان بيفج حلجه وبيرمسني طول ما هو حي . .

خلود : الي فات مات ولد عمي . . واحنا كنا مراهقين وصغار وحبنا ع قده ومادخلنا فالحرام والله ماكتب لنا نصيب . .

عبدالله : الله يوفقج مع ولد الحلال. . الي اخير عني ويقدر يسعدج ..

خلود : دربك خضضر ولد عمي

عبدالله : مسامحه مره ثانيه . . عن اذنج . .

وطلع . .

>

<

>

انا اطالع خلود الي عينها امتلت بدموع فجاه . .

انا مسكت ايدها : خلوووود . .

خلود تبتسم وتمسح دموعها : لا تفهميني غلط بنت عمي . .

انا : الا انتي لو تسوين الغلط واشوفج بعيني ما اصدق . . اعرفج بنت عمي .! كبيره في عيني والله . .

خلود تمسح دموعها . .

انا : عورج قلبج . . حسيتي بشوق وحنين للحب الي كنتي تكنينه له صح ؟

خلود تطالعني : لااااا مهره لا طبعا لا . . فكرج راح وايد بعيييييييييد . . انا مش متحسفه والله . . ولا مش مشتاقه ولا حنيت . . انا فرحانه لعنود . .

انا انصدمت من ردها . . ماتوقعته !!!!! لو انا مكانها ما اظن تطلع مني هالكلمات وربي . .

خلود : عنود عانت سنيييين وانا كنت اشوف وساكته ما اقدر اسوي شي . . والحمدلله جدام عيني شفت الامور كيف تتحسن اكثر واكثر . . فرحني الشي . . عنود اختي مهور انتي تعرفين كيف احبها واموت فيها والنصيب خلاها تاخذ الي انا احبه ورصيت ع قلبي وماخسرتها ولا بينت لها مره وحده ان الي خذته كان عشقي وكان بيكون نصيبي انا لاني احبها والله . . وفرحانه لها فوق ماتتصورين . . فرحانه للتغير الكبييير الي صار بينها وبين عبدالله . . قبل لما اسمع منها قسساه وجفاه وضربه وتعامله اتالم اكثر منها والله . . اما الحين احس الارض مش شايلتني من الفرحححححه عشان جي نزلت دموعي بدون ما احس . .

اناا : فديت روحج يا بنت عمي . . فديت روحج . . والله يا خلود مالج مثيل . .

خلود : خربتي مكياجي ليش خليتيني ارمس الله يهديج " تبتسم " بروح الحمام اعدله

انا ابتسم : زين فديتج . . تعاليلي عقب بشوفج بطمن ع ويهج . .

خلود : هههههه انزين . .

شوي ومسكتني وحده وسلمت : مرحبا . .

انا اطالعها : شهود . .

وسلمت عليها . .

شهد : انتي وينج ؟ عازمتني وما تين تستقبلين وادقلج بعد ماتردين

انا كنت مطرشه بي سي وعازمه الكل ع العرس .! بس ماتوقعت انها تي . .

انا: اسمحيلي صارلي شي .. حقج علي . . وين سايره ؟ توا الناس

شهد : انا من زمان اهني بس ما جفتج لين نزلتي العروس وكنت بي بسلم عليج بس اختفيتي وتميت اترياج وايد

انا : والله حقج علي انا قليله ادب ما استحي عويهي

شهد : ههههههه لا افا عليج لا تقولين جيه . .

انا ابتسم : تعشيتي ؟

شهد : هيه العشا غاوي . . الله يهنيهم ان شاء الله وعقبالج

انا ابتسم : ان شاء الله خير . . عقبالج انتي

شهد ترفع ايدها : الله يسمع منج

انا : اوب اوب مشتطه ع العرس هاه هههههه

شهد تبتسم : منو ما يبا يعرس . .

انا : الله يوفقج يارب . .

شهد : يالله انا بروح الدريول يترياني . .

انا : زين فديتج الله وياج . .

وسارت . .

شوي يتني عنود . .

عنود : تعرفينها . .

انا باستغراب : هيه ويايه فالكليه ليش ؟

عنود : ماعرف . . بس حسيتت شي غريب . .

انا : شهالغريب . .

عنود : احس انها تعرف مروان . .

انا شهقت : شو . .!!!

عنود: نظراتها كانت طول الوقت اهناك ولاحظت حركات وتبتسم وتستحي

اانا : مستحيل . . مروان متفيج لها هالوقت .!! فكري فيها بالعقل

عنود : عيل مادري كانت تطالع حد وتضحك وتبتسم بس ماقدرت ألقط منو . .

انا استغربت . . .

عنود : البنت حبوبه انا استقبلتها وقالتلي انها ربيعتج وتعرفج وماقصرت فيها وهي الله شاهد حبابه وتدش القلب . . لكن مادري مادري يمكن هي كانت تطالع حد من البنات وانا فهمت غلط . .

انا : يمكن . .

تسكرت الليتات وفجاه حسيت قلبي انقرص . .

عنود تطالعني بتركيز : شفيج . .

انا : هاه

عنود تمسك ايدي بقوة . .

نزلت نورة وهي تبتسم . . ماحسيت فيها جمال ابدا . . يمكن لاني ااكرهها ؟؟ تعديلها بايخ وطالعه خسسفه وفستانها صح اوروبي لكن خسف خسف مش حلو . .

نزلت وتمت تمشي وتتمخطر . . ماحسيت انه فيها خوف . . احسهاا تمشي بثقه عميا . . اكرهها . . من قلبي اكرهها . .

مشت ولما وصلت للمكان الي انا فيه ابتسمت بنصر . . مادري ليش قلبي نغزني بالقو . . احس بألم من داخلي . . يمكن ع كثر ما تأذيت من الشخص الي بياخذها وع كثر ما حسنت فيه الظن وخيب ظنوني . .

تميت قاعده ف الطاوله الي قعدو فيها البنات . .

كانو مسوين يوله وصدع ـه فالبدايه عشان العروس شماني ومالهم حق اهل نورة يصعدون اما من انزفو المعاريس قعدو البنات ف الطاولات ومحد فيهم اتحرك . .

حسيت نظراتهم كلهم علي . . الكل يطالعني ويبا يشوف رده فعلي . . تميت ابتسم واحاول ابين اني عادي قد ما اقدر . .

عنود : مهور حبي لو ماتبين اتمين روحي . .

انا : لا بتم . .

وصلني مسج " شوي وبي سيف . . تغطي عدل "

رديت ع وليد ( ان شاء الله )

وليد " خلج قويه "

رديت عليه ( انا قويه اصلا )

وما رد علي . . قعدت نوره ع الكوشه . . وتيمعو معارفها وحرمت عمي حمد المكاره .!

كيفي كيفي مكاره . . تضحك ومستآنسه فيها . . حتى لو بنت اختها مادري بنت اخوها احس شوي وبتبوس ريلها . . عمرها ما سوتلي ولا عطتني اهتمام وحب ولا نظرة حتى احس فيها انها تحبني . . مالت . . استغفر الله يارب سامحني . .

ميره : اييه ارمسج

انا نقزت : شوه فيج

ميره : بلاج سرحانه ف اميه

انا : ما اطالعها اصلا

ميره : انزين انا بروح عندها سيف معصب علي يقولي ليش محد من بنات عمي تام ويا حرمتي . . مادري منو موصل له الخببر بهالسرعه !!!!!!

انا : برايج ميروه مهما كان هاي تقربلج والحين صارت حرمت اخوج ! لا تدخلين روحج بالمشاكل الي مرينا فيها . .

ميره : انزين بقولج شي بعد

انا : قولي

ميره : لما دقلي سألني عنج

انا حسيت قلبي انقرص : شقال

ميره : قال مهره يايه ولا . .

انا : شو قلتي له

ميره : سكرت فويهه اونه قطع . .

انا بلعت ريجي . .

ميره : الحين ترا بي . .

انا : انزين برايج يالله روحي . .

وراحت ميره وانا تامه اطالعها لين راحت . . عقبها بشوي حطو شعر باسم سيف . . غمضت عيني وانا في بالي شي والله ماقصدت انه يمر ف بالي لكنه مر وانعصر فوادي . .

>

<

>

انا : ههههههههههه لالالا انا بخطط وبكتب الشعر وكل شي

سيف : انتي تعبير عمرج ما كتبتيه صح كله تيني اكتب لي اكتب لي بتكتبين شعر ف عرسنا

انا : من الحب المفشششع والجميل بيطلع كلام الحب

سيف : ماقدرلج ..

انا : ولا بتقدر . .

سيف : انزين قوليلي شو بتكتيبن

انا : لا خلها لين حزتها وروحي ببدع . . بيطلع الكلام من قلبي وبيترتب ترتيب عدل

سيف : لهالدرجه تحبيني . .

انا سكت . .

سيف : قولي . .

انا : يعني اونك ما تعرف . .

سيف : اعرف . . العالم كله يعرف كيف ماتيبني انا اعرف . .

انا : . .

سيف : اصلا يضربون بحبج المثل . . وصلتج رمسه عن مروان الجمعه الي طافت شـ قال ؟

انا : لا شششقال . .

سيف : قال ابا وحده تحبني شرا حب مهره لـ سيف . . هذا وانتي ماترمسين الكل يشوف بعيونج

انا : شسوي عيني كاشفتني . . حبي مفضوح والله . .

سيف : ههههههه فديت

انا : تتفداني . .

سيف : لا . . انا قلت فديت بس ماقلت فديت منو

انا مبتسمه : متى بتقولي فديتج . . حبيبي . . احبج . .

سيف : تبين تسمعينها مني

انا : اكيد لو ماا ابا اسمعها منك ابا اسمعها من منو . .

سيف : في يوم بتكرهيني فيه ؟

انا : شو هالكلام فجاه

سيف : بي يوم من الايام بتكونين عني بعيده ؟

انا : يوم بموت

سيف : بعيد الشر عنج بنت عمي . .

انا : مستحيل حد يفرقني عنك ماراح اسمح لاي حددددددد . . انت لي . . انت مكتوب لي . . مستحيل اكرهك ومستحيل ابتعد عنننك . .

سيف : ادري . .

انا : متى نعرسسسسس

سيف : لهالدرجه وايد تبيني . .

انا : انت روحك تعرف من غير ما اقول . . يالله عاد اتحرررررررك ولا باخذ غيرك

سيف : بقص لسانج لو عدتي هالرمسسه مره ثانية . . مهره لسيف . . وسيف لمهره . . بس . .ووووو اهني ينتهي الكلام ّ! فهمتي . .

انا مبتسمه : فهمت . .

>

<

>

خطف جدام عيوني وهو فالكوشه وما لاحظني . . حسيت عيني تبرق من هالذكرى الي ماتوقعتها تمر . . ذكرياتي معاه كنت اتناساها قد ما اقدر وما افكر لكن لازم يكون في شي اقوى عني . . !!! اتنهدت وغمضت عيني وفتحتها على ايد امايا . .

امايا : اميه مهره . .

انا ماحسيت بروحي وحظنت اميه . . خذت منها القوة . . ماكنت ابا اصيح . .

رن تلفوني شفت ان وليد . . لكن ما رديت . . قلت بسوي الي فراسي وبسلم وعقب بظهر لوليد وبنهي كل ها . . مثل ما قال وليد انا محتاجه لهالموقف ومحتاجه اني اصد سيف وابين له اني قويه وبكمل حياتي بدونه وانا سعيدة . . حاولت اتجنب سلامه لها وبوسته لها وما اشوف كيف نظراته . . تميت شوي ومن شفت الناس تهلي تسلم وتروح . . قمت . . لكن ريولي ما شلتني تميت واقفه والحريم يخطفن جدامي ويتعدوني وانا ضايعه ماعرف شسوي لين عضيدتي واختي مسكت ايدي بقوة ومشتني معاها . . اطالعتها وماشفت الا ابتسامتها . .

عنود : وليد وصاني وكان حاس انج مابترومين ف اخر لحظة . .

انا اطالعها : الي اسويه صح . .

عنود : ترومين تتراجعين . . لكن بيفهم حزنج ! وبيفهم انج زعلانه وبعدج تكنين له مشاعر . . لكن بروحتج لهم بتبـينين لهم هم الاثنين انهم ولا شي وانج بتكملين حياتج سعيده مع اختيارج الي اخترتيه . .

انا ابتسمت . . ومشيت وانا قابضه ايدها ولما قربنا نوصل هدتني وسارت قبلي . .

عنود تسلم ع نورة بالايد : مبروك . .

نورة : الله يبارك فيج حياتي تسلمييين . .

عنود تطالع سيف بدون ابتسامه و بملامح جاده : مبروك . .

سيف : الله يبارك فيج . . " عينه يت علي "

انا حاولت اتصنع نظرات القوة . . هيه ماجذب عليكم . . وربي كنت ضعيفه بهاللحظه . . تعرفون كيف شعوري ؟ مثل السيف الطويـل المخشوش ع قلبي وانا قاعده اتجدم وهالسيف يطعني اكثر كل ما اتجدم ويدخل ف قلبي اقوى واقوى واحس بقوة الالم ! هذا شعوري واحساسي بهاللحظة . . برغم هالشي كنت اتصنع القوه بعيوني بس لكن ايدي الي يلحظها بيشوف شي ثاني عشان جي حاولت اخشها بالعباه . .

حطيت عيني ف عينه وعينه ما خازت عن عيني . .

نوره حتى من نظراته تمت تطالعه . . جنها تبي تقوله انا اشوفك !!!! لا تطالع مهره جي !! لكنه ابد ماعطاها اعتبآآآر . . نظراته كانت مفضوحه حيل

انا ابتسم : بالبركه ولد عمي . . " ابتسمت اكثر " الطيبون للطيبات " نعزه " الله يوفقك ان شاء الله . .

صديت ع نورة وماسلمت بالايد ولا تقربت منها وانا مكاني قلتلها : مبروك . .

نورة تمت تطالعني وتطالع سيف الي ما يوخر عينه . .

لما ييـت بعطيهم ظهري وبمشي مسك اييدي . .

سيف : لحظة . .

رجع لي شعور الخوف . . ذيج الليله . . هذي المسسسكه . . ارتعش قلبي وفزيت من الخوف وحسيت نورة فهمت الشي غلط . . فهمت الي صار ان يتني قشعريره من لمسة ايده لكن وربي الخوف الي رعشششني رعش . .

انا تميت اطالعـه : وخر ايدك عني . .

سيف : لا تروحين . .

نورة : سيف . .

سيف يطالعني ومتجاهلنها : تقدرين تكونين مكانها لو نطقتي بحرف بس الحين . .

انا اطالعه ومصدومه من كلامه . .

سيف : ارجعيلي . . بعوضج عن كل شي . .

ميره يت : سيف هدها عن حد يلاحظ . .

وشوي شوي تقربو بنات عمي عشان يغطون علينا ومحد يشوف شي . .

حرمت عمي حمد : انتي شو ياااايبنج لين اهني . . روحي حتى وانتي فالعرس بتسوين مشاااكككككل . .

ميره : اماآآآيآ !!!!!!!

سيف يطالع امه : لا ترمسينها . . لو عندج شي كلميني انا . .

انا اطالعه : هد ايييدي . .

سيف يرص باقوى . .

ميره : سيف لا تفضضضحنا . .

شيخه : ولد عمي خلاص بلا فضايح . .

نورة تطالعني بشششر ومصدومه . .

سيف : ارجعيلي . . انا خسرتج بايدي ارجعيلي انا ندمان . .

عميمه بكل قوة سحبت ايد سيف عن ايدي . .

عميمه بعصبيه : سيف احترم روحك احنا جداااام الناس لا تفشلنا وتخلي العالم كله يتكلم علينا وعلى الي يصييييييييير . .

نورة : سيف انا اهني . . قدرني

سيف يطالعني . .

انا : انا نهيتك من حياتي . . حياتي فيها وليد بس . . مافي انسان غيره

وعظيته ظهري ومشيت !!!

سمعت اسمي علسانه يزقرني .. لكنه طنششت ومشيت وقفيت . . وصوته بدا علي وبدو بنات عمي يزغرطون ويتصنعون الضحكك عشان يغطون ع صوته ومحد يلاحظ شي . . كنت ابي اخلص من كل هذآآ بسسسرعه . . قلبي يدق بقوة . . ومن ابتعدت عنهم رحت الحمام ودقيت لـ وليد الي من اول رنه رد

وليد : الو . .

انا : وينك

وليد : برع . .

انا : بييك الحين . .

وليد : يالله اترياج . .

وسكرت عنه وتغشيت وطلعت . . مشيت بسرعه لين لمحت سيارة وليد وبطلت الباب ودخلت . .

تميت متغشيه ما اتكلم . . ولا اتحرك . . مجرد ما دخلت وركبت اتصنمت . .

ماشفت من وليد ولا اي رده فعل ولا اي كلمه ولا اي حرككه ابد . . وانا تامه متغشيه ولا فصخت الغشوه وتامه دموعي تنزل بغزره . . دمعه ورا دمعه . . قلبي محروق حرق ومشاعري فايضه واحس بتعب فظيع . . من وقف السياره ف مكان ماعرف وين . . حطيت ايدي ع ويهي فوق الشيله وانهرت صياح بصوت مسموع . . تميت اصيح واصيح واصيح واصيح وما حسيت بروحي شكثر صحت !!!

.

.

.

السلام عليكم ورحمه الله وبركآته . .
ششششحالكم . .
مبروووك عليكم الرحمه يّ اهل الامارآت
الجو غرآآآآم هاليومين عسسسى الله يديم افراحنا باليوم الوطني وبالجو
وبالاجازه يآآرب وكل اهل الخلييييج ان شاء الله . .

اتمنى البارت يكون خفيف عليكم وتحبونه . .!
واترقب رآيكم وتوقعآتكم للبآرت اليآآآي . .
آشوفكم ع خير الويكيند اليآي باذن الله . .

وللتواصل مبآشره . . على تويتر = )
katbt_UAE

__DEFINE_LIKE_SHARE__

AishaBM · 11-30-2012, 10:48 PM

بإنتظارج ضحية مع بارت جمييل =)! __DEFINE_LIKE_SHARE__

«ضَحِيًة حِبُيًبُيً ..}● · 11-30-2012, 10:49 PM

.

..

تم تنزيل البآآرت
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خادمة "تذبح" طفلة مخدومها بحفر الباطن	محروم.كوم	منتدى أخبار المواقع والمنتديات العربية والأجنبية	1	04-16-2013 02:04 AM
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف))	محروم.كوم	منتدى أخبار المواقع والمنتديات العربية والأجنبية	0	01-20-2012 04:10 PM
بلاك بيري تورش 9860 فل تتش مع بن ممير """"""""""""""""""""""	محروم.كوم	منتدى أخبار المواقع والمنتديات العربية والأجنبية	0	10-28-2011 11:00 AM
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM