رّوآيه " هآيـم فيّ بحـر آلشّوق وُ لذة هيآمك " - الصفحة 179

H.elloghani · #1 11-09-2012, 08:50 AM

نترياج عيني ، ف انتظارج ، و بالتّوفيج 3> __DEFINE_LIKE_SHARE__

«ضَحِيًة حِبُيًبُيً ..}● · 11-09-2012, 12:26 PM

البارت الـ 22

الجمعه . .

الساعه صارت 12 وانا بعدني ع السرير . . جد متكسسره حيل . . ! من بعد العيد والاجازه ماقدرنا نسافر لان الكليه عطتني انذار اخير ع غيابي حتى مع الظروف الي انا فيها ما يصير اغيب كل هالمده . .اتضايفت وايد لان قالولي راح تعيدين الكورس وانا ابد مابي اعيد الكورس . . وصلت معاهم ع قرار نهائي اني لو نجحت ف امتحانات المد تيرم راح اكمل دراسه ولو رسبت ماراح يرضون اني اكمل . . وجتلت روحي فاجازه العيد وكنت اسأل كل حد من ربعي وماقصرو وياي . . والحمدلله عدا اسبوع المد تيرم على خير . . بس النتيجه بعدها ماظهرت . . حسيت اني حليت زين يعني الحل الي حليته ممكن يخليني انجح بس مايندرا عاد . . جد ابا اكمل دراسه ولا ابي اوقف . . اليوم السفر . . علشاني اتاجلت السفره وقلتلهم بعد ما اخلص نسافر . . اليوم ع الساعه 5 ان شاء الله بتنطلق العايله كلها . . ماعدا عمي حمد وحرمته وام وليد لان اصلا علاقتها ف وليد تشوشت من عقب سالفه شهاب وواوردي عمي سعيد مايقدر يكون محرمها لانها صارت طليقته . . يدي ويدوه بعد ما بيون مع اني تمنيت انهم يكونون موجودين . . لكن يدي مايروم ع السفر ويدوه ماتقدر تخليه . . ها الي اعرفه لين الحين ان كلنا بنروح مادري منو بيتعذر بعد ع اخر لحظه .!

من كثر ما الكل لاهي بالسفر هاي اول جمعه تمر حتى محد دخل علي و واعاني ولا اذاني . . قمت بصعوبه . . مشتاقه حق الولد وايد ابا اعضضضضض خده . . عنود قالت ما تبا تيبه لكني حلفتلها اني بداريه ومابخليها تنزعج ولا تضايق مول منه . . نشيييييت ودخلت خذتلي شاور وعقبها صليت وقعدت اقرى سورة الكهف . .

من بعد ما خلصت صلاه رن تلفوني . .

انا : الو . .

وليد : مساء الخير . .

انا ابتسمت و وقفت صوب الجامه اطالع عمري : مساء النور . .

وليد : وينج ماشفتج ويا البنات ؟

انا : بعدني توني مخلصه صلاه . . الحين بلبس . .

وليد : زهبتي شنطتج . .

انا : هيه امس فليل . .

وليد :زين . . جوازج عندي صح

انا : هيه . .

وليد: اظن فالسياره مخلنه . . يالله انزين لا اطولين بيحطون الغدا . .

انا : ان شاء الله . .

وليد: لما تخلصين خبريني بيـيج . .

( لان الجمعه في بيت عمي سعيد " بو وليد " )

انا : انزييين . .

وليد: يالله فمان الله

انا : فمان الكريم . .

وبندت عنه . . لبست لي مخوره سودا مع ديزاين ابيض . . ترتبت شوي وتعدلت وتعطرت ع خفيف وعقبها لبست ساعتي وشيله بيت وشليت فوني وظهرت . . لما نزلت تحت شفته قاعد ويرمس فون ويأشرلي اني ماتكلم . .

وليد : انت رتبها !! يعني واحد فينا يرقد فالشارع مثلا . . مش مشكلتي !! الحين عقب ما قبضت خردتك تقولي هالكلام . . ولا يوووم . . انزيين ؟ ماعليه مش مشكله . . خلاص . . انت الله يهديك تعصب فالواحد . . اسسسمحلي . . ماعليه . . مع السلامه

اانا اطالعه : شسالفه

وليد : ها سلامج ؟؟

انا : السلام عليكم . .

وليد : وعليكم السلام . . من اول يوم في غرفه ناقصه . . . والفندق فللل . . بتفضى غرفه ثاني يوم . .

انا : انزين بتحصل في ثاني يوم . . مش مشكله عوده

وليد : ادري بس انا الكل مرتاح ومابا هالرمسه تطلع مابا اضيق ع حد . .مثل ما طلبو الغرف رتبتها لهم وانا بدبر عمري لين اليوم الثاني . .

انا اطالعه : لا والله

وليد : لا تشغلين بالج فالموضوع الحين ويالله قلتلهم يحطون الغدا لانهم ميتين يوع وانتي وايد تاخرتي اليوم . .

تحركت وياه وطلعنا سوى .. مشينا مع بعض لين وصلت بيتتهم . . سيارته كانت برع ودخل السياره طلع منها الجوازات وعقب دخلنا سوى . .

ميلس الحريم كان ع اليمين وميلس الريياييل ع اليسار . . مشى وياي لين ميلس الحريم . .

مروان : الحبيب . . مضييع ؟ الميلس اهني

وليد يبتسم . .

مروان يا صوبنا : شحالج بنت عمي

انا اطالعه : الحمدلله . .

مروان يطالع وليد : ولد عمي . . خبرني شهاب انك اضايقت اني سمعت بوصولكم وخبرت سيف . . انا خبرته بطيب نيه كنا نرمس عن وصولكم وقلت . . ماكنت ادري انك ماتبا حد يعرف . . من ذاكك اليوم ابا استسمح منك بس ما حصلتك . .

وليد يطالعني ويرد يطالع مروان : حصل خير . .

انا اطالع مروان بانفعال : مره ثانيه ياريت ماتحشر نفسك . .

مروان انصدم مني . . اول مره اكلمه بهالاسلوب . . كل مره تعاملي معاه غير . .

مروان : لهالدرجه اتضايقتو . . اسمحيلي بنت عمي . . لو يصير راسج بحبه والله . .

وليد يطالعه : لا مايصير

مروان يطالعه : انت ع الدقه صدقت بعد

انا يايه ادخل

مروان : بنت عمي

انا اصد . .

مروان تجدم : اعرف الي بينج وبين سيف انتهى . . انا ماكان هدفي ارجعكم او اي شي . . والله بطيب نيه قلت . .

انا : مافادتني طيبت نيتك في شي . . ضيعت اشياء وايد ف حياتي ..

مروان يطالعني بصدمه . .

وليد : مهررره !

انا اطالع وليد . . : لو يصصير اقوله شضاع مني جان قلت . .

وروحت داخل . .

انجرح مني ولا ما انجرح . . زعل ولا ما زعل ما يهمني جد . . الي فيني كان هو سببه لانه تكلم وخبر سيف المجرم الحقييير . .

اول ما دخلت كانو البنات يعاونون ويرتبون الاكل . .

اميه تطالعني : وينج اميه طولتي . . واعيتج وايد ماقمتي قلت بخليج تريحين . .

انا : ماحسيت بعمري والله ..

سرت صوبها وبست راسها . . .وعقب سرت صوب راس يدوه وبستها

يدوه : امففف . . بنت تنش هالوقت . . ماتعرفين تنشين من اول الصبح وتسيرين تسوين ريوق و و

بدت يدوه عاده الحينه منو يبسكتها . . هي تتكلم وانا اهز راسي اسايرها لين يت ميروه من ورايه وحظنتي . .

ميره : بنتتتتتتتتتت عمممممي . .

وراصه على خصري بالقو : اشششتقتلج . .

انا : واي عصرتيني وخرري . .

ميره تحط راسها ع ظهري : وحشتيني

انا : هههههه اطلعي من حياتي . .

ميره : انتي ليش جيه جافيه . .

انا وخرت ايدها بهدوء وجابلتها : شعندج . . شتبين . .

ميره : مابا ششششي

انا : هيه شغل المصلحه مالج عارفتنه

ميره تحط ايدينها الهنيتن مع بعض بالطول " تترجاني " : بس ابا شنطه فندي العوده حق السفر بليز . .

انا : لا واللللللله .. عشان تخربين لي اياها شرات ما خربتي الجديمه . .

ميره : اوعدددددددج اني احافظ عليها اووووووعدج

اميه تطالعني : عيب مهره عطي بنت عمج

انا : امايا هاي ماخلت لي شي

اميه تبتسم : ماعليه كله ولا ميران . .

حرمت عمي حمد تطالعني بنص عين . . : ميره مابتتغدين ؟وراج سفر محد بيوقف لج مكان عقب

ميره : ان شاء الله " تطالعيني " ها شـ قلتي

انا : انزين انزييين خذيها

ميره تبتسم بخبث

اانا : شفيج

ميره : اصلا خذتها ورتبت اغراضي فيها وكنت ناويه احطج فالامر الوقع بس عقب شاورت البنات وقالولي اقنعيها احسن . . .

انا فاجه عيني بصدمه وغمزتلي الحيوانه وراحت يلست حذال رقوي . .

انا اطالعها : ماعليه . .

يتني شماني ومسكت ايدي : مهور . .

انا اطالعها: هلا

شماني : انتي زعلانه

انا : لا . .

شماني : والله ؟

انا اطالعها : ليش ازعل..

شماني : مروان قالي

انا اطالعها وابتسم : لا حبيبتي ليش ازعل منج . .

يدوه : انتو ما بتيلسون تاااااااااككككككككلون . . مهرووووو ماتخلين البنات ييلسسسسون

انا : يدوه انا مالي خصصصصص والله . .

جان أيلس ورقوي خازت عن ميره ولصقت فيني . .

انا اطالعها : شعندج انتي الثانيه

رقوي : اقول مهور . .

انا : هاه

رقوي : شهاب اليوم الصبح طلع وين راح ؟

انا : مادري كنت راقده

رقوي : اففففففففف ادري انج كنتي راقده . . انزين ما كلمج ما قالج وين راح

انا اطالعها : ليش . .

>

<

>

رقوي تبتسم : صباح الخيييير . .

شهاب يتأفف ويرد يدخل حجرته لانه كان طالع من الغرفه ب وزار وفانيله . . وعقبها بشوي طلع بجلابية . ..

رقوي : تعال ششششششهابو سويتلك ريوق . .

شهاب فاج عينه بصدمه : شهآبو . .!! يا شين ما قلتي . . وش ذي البليه ياربي . .

رقوي : سوييييييتلك ريوق

شهاب : ماااااا ابغي منج شي . . روحي بيتكم ..

رقوي : انت ليش وايد شايف نفسك . . على شو يعني

شهاب عاقد حياته : وانتي ع شو لاصقه وماتفارجين عن ويهي شرا الجراد . . لوح

رقوي تشهق : انا جرررررراد . . اسحبها . .

شهاب يطالعها : شهالياهل . .

رقوي تصارخ : اسسسسسحبها

شهاب رفع ايده : ناس راقدين

رقوي تشهق : بتضربني . .رفعت ايدك علي . . اليوم رفعت ايدك باجر شو بتسوي . .

شهاب : بنحرج . .بحطج فالدبه وبنساج . .

رقوي تشهق : شهاااااابو

شهاب معصب : عدلي لسسسانج . .

رقوي اطلع لسانها : شهابو شهابو . .

شهاب : استغفر الله . . خوززززززي عن ويهي والله بديت اتضايج . .

رقوي تطالعه : ليش تضايج انا شو مستولك .. هاي يزاتي مسوتلك ريوق

شهاب يطالعها ومايتكلم . .

رقوي تبتسم مثل الهبله : شوووووووو؟ معجججججججب فيني ؟

شهاب يطالعها ما يتحرك : اطلعي برع

رقوي تطالعه : هاه

شهاب : اطلعي برع . .

رقوي تيلس ع طاوله الطعام : انا مسويه اكل حق شو اطلع

شهاب : اوكي انا بطلع . .

ومشى سار حجرته شل السويج وهي لحقته ودشت الحجره وانصدم . .

شهاب تم فاج عينه يوم شافها دشت الحجره وهي ارتبكت وردت طلعت وقفت عند باااااااااااب الحجره من برع . .

رقوي : ها انا برع مش داخل . .

شهاب شل السويج والبوك وسكر باب حجرته بالقو وتعداها وراح ..

>

<

>

انا اشهق : ها كله سويتيه وما تبينه يطلع . . ما يباله هج منج .. حسيبج الله . .

رقوي : انزين انا كنت مسوتله ريوق جان كلى وراح يعني . .

عنود سارت صوب الحمام وتمت ترجع . .

اميه : مسكينه هالبنت تاكل لقمتين وترد ترجع . .

حرمت عمي حمد : دلع بنات . .

انا اطالع حرمت عمي بعين قويه . .

حرمت عمي حمد : قوات عيني بنات هالايام ينظرون الكبار بدون حيا . .

انا : والله الكبار يوم انهم مش قد الـ

اميه تسكتني : مهررررره خلاصصص . .

انا قمت : الحمدلله شبعت . .

وسرت الحمام عند عنود وشفتها ترجع وتميت واقفه وماسكه بطنها وهي ترجع اكثر . .

انا : حبيبتي اختي . .

عنود تغسل ويهها بماي بارد : تعبت . .

انا : حبيبتي فديت روحج

عنود تطالعني : روحي كلي

انا : لا مابا . . تعالي بوديج البيت . .

عنود : شلي صقاري . . بمشي روحي اروم . .

انا سرت عنها وشليت الولد وكان يصيح ما يبا يروح . . قاعد ياكل بطيخ ومخيس الدنيا ومستانس عليه

انا : بنرررررروح البيت انا بعطيك كااااااكام

صقوري سكت :كااااكام

انا : هيه كااكاام كبييييير

صقوري : هييي هييي

انا ابوسه : فديت وصاختك حتى . .

ومشينا طلعنا من الميلس وطلعنا من بيت عمي سعيد . . اول ما طلعنا جفت سياره سيف عند البيت . . الحقير له ويه بعد يي لين بيت وليد . . والله مافيه ادب . .

مشينا وكنت برجع بيتنا لكن عنود خذت المسار الثاني . .

انا : وين

عنود : بنروح بيتنا اول ببدل ملابسي جزيت منها . .

انا : بسبقج بيتنا

عنود : لا تعالي بلبس صقور بعد ماتجوفينه مخيس عمره ورانا سفر خل البسه من الحينه

انا ماكنت ابا ادش بيت عمي حمد . . والله ماا احب ادش بيتهم . . لاحظنا سياره غريبه صوب البيت . .

عنود : غريبه مش بالعاده حد يمر بالجمعه ؟ يعرفون ان اجتماع العايله . .

دخلنا البيت ودخلنا الصاله جفت نوره قاعده . . انصدمت . . وعنود على طول جافتني . .

نوره توقف .

عنود : السلام عليكم . .

نوره : عليكم السلام . .

عنود : اقعدي حياج . .

نوره تبتسم وتيلس . .

عنود تطالعني . .

انا :لا تفكرين اتخليني ايلس وياها لا تفكرين

عنود : عيب عاد ! ايلسي بدون ما ترمسين . . ببدل ملابسي انا وصقر وبني . .

وشلته عني وسارت . .

انقهرت ماعرفت شسوي تميت واقفه مكاني . .

نوره : تبيني اقولج حياج ؟ تفضلي ؟ اقربي ؟ بعد البيت بيكون بيتي جريب . . انتي الغريبه وانا بنتهم

انا اطالعها : الحمدلله . . فهالبيت ابا اكون غريبه طول عمري . .

نورة : ههههههه الله يرحم لما كنتي تتلصقين ف سيف . .

انا اطالعها بقوة عين وماحرك جفني

نورة : تتوقعين يوم بتاكلين فؤاد الريال وتقوليله تزوجني تزوجني ومتى واباك واترياك بيتخبل عليج ؟ هه غبيه . .

انا ميود عمري لاني لو تكلمت بنفجر وبسفل فيها . .

نورة : وبعدين خبرني سيف عن المره الاخيره

انا بصدمه اطالعها . .

نورة : تتحرين ما بيقولي " تبتسم " سيف يخبرني كل شي . .

انا بصدمه تميت ارجف . .
،

نوره : خفتي ؟ ههههه . .

انا ماقدرت اتكلم . . الانحطاط وصل لهالدرجه فيييييييييييييييييييييييييييييييييييه . . الحيوان

نورة : لا تتصلين فيه مره ثانيه ابدا . .

انا اطالعها مش فاهمه

نورة : تتصلين فيه فالليالي يوم انا اكلمه وتقوليله ارجعلي وانا مابي وليد وانت كل شي بحياتي . .

انا : اناااا اتصل حق هالحيوااااااان . . اناا

نورة تقوم : احترمي نفسج لا تقولين حق ريلي حيوان . .لاني عرفت سوالفج قمتي تنكرين؟

انا : هه والله انج انتي الغبيه فالموضوع . . روحي جوفيه يكلم منو . . اخر شي اسويه اني ادق حق واحد خسيس مثله . .

نورة : خسيس ؟ لانه خبر عليج وليد و وليد ضربج صار خسيس؟

انا مصدومه من المسرحيه الي مسونها سيف ومعيشنها نوره وياه . . .معقوله هذا ولد عمي . .والله هذا انسان ثاني . . انا ماحبيت واحد جيه والله ما حبيت واحد جيه . . سيف كان شيخ . . مش واطي والله مش واطي . .

سيف يدش ونوره تتميكر وتسير صوبه : حبيبي . .

سيف متجاهلنها ويطالعني عين ب عين . . وانا من جفته لا ارادي ارتجفت ورجعت ع ورى . . كنت واقفه صوب الباب . .

سيف يطالعني : انتي شو تسوين . . . اهنيه . .

نورة : حبيبي كنت يايه اودعك . . يصصير تروج وماتجوفني . .

سيف يطالعني وانا كنت خايفه وارجف . . ونزلت عيني حتى ما اطالعه . .

نورة : سواف ؟

سيف متجاهلنها . .

نورة تمسك جتفه : سيف حبيبي شفيك . .

سيف يوخر ايدها . . ويتقرب مني وانا ربعت صوب غرفه عنود . . ومادري شصار بينهم . .

دقيت الباب مثل المينونه كنت خايفه حيل . .

عنود تبطل الباب بسرعه : شفيج . . شصاااااااير . .

سكرت الباب وقفلته مره ومرتين وكنت اتاكد انه مقفول . .

عنود تطالعني : شفيج مهاري شصاير حبيبتي كلميني . .

انا تميت ارجف وارجف ماقدر اتكلم . . كنت احس برعب . . حسبي الله عليه زرع فيني خوف من شوفته بس . . ماكنت اروم ارمس ولا اقدر اقول شي . . كنت اجوف عنود ادق جتفي بقوه وتصفع ويهي وتبيني اقوم عن الباب عسب تطلع تشوف شصاير لكن ماكنت عاطتنها المجال . . كنت خايفه ولاصقه فالباب وارجف . .

عنود : الوو . . عبدالله وينك ؟ عطني وليد شوي ضروري . . الحيين ضروري . . الوو . . وليد تعال بيتنا الحين . . الحييين تعااااال

انا سكرت اذني . . كنت اسمع صراخي ف ذيج الليله . . اجرامه .. ضربه والي سواه فيني . . كنت اسد اذني مابي اسمع صوتي وانا اصارخ بخوووووووف ورعب . . ليش ششفتك ليش ذكرت ليش . .

عنود : صقوري سير بطل الباب . .

صقوري كان خايف ويتقرب مني يبا يفتح الباب بس انا ماقدر اكلمه ولا اسوي شي . . ابتعدت شوي عشان يطلع صقوري وتميت بعدني ساده اذني . . .

طلع الولد وطلعت عنود وراه وعقبها ب دقايق دخل وليد . .

وليد يطالعني برعب وتم يطالعني مايتحرك وانا ماقدرت ارفع راسي . . من حسيته دخل وحسيت بوجوده وشفت نظرات الخوف فيه نزلت دموعي . . شي فيني هدى وحسيت بالامان . . تكورت وانا قاعده وتميت اصيح بهدوء . . بعذاب . . هالشعور مؤلم مؤلم مؤؤؤؤؤؤؤؤلم . .

وليد : قومي معاي . . خلينا نطلع من اهني . .

ماقدرت اتكلم ولا ارد عليه . . تميت مكاني اصيح واطلع الي فخاطري . .

وليد مسك جفتي بشويش : يالله . .

انا دفرت ايده بسسسسسسرعه وتميت اطالعه بخوف . .

وليد : اسسف اسف . . اهدي . .

غمضت عيني ومسحت دموعي . . .

وليد : امشي معاي خلينا نطلع من اهني يالله . .

دشت عنود . . : شفيها وليد . . شصاير . . ليش يوم شافت سيف جي صار فيها . .

وليد يطالعها : الماضي الي بينيهم مش هين

عنود : بس بعد .. ردت فعلها غريبه

انا اطالع عنود : مافيني شي . . بروحي جي ماعرف شـ ياني . .

وليد : يالله قومي معاي . .

وقمت معاه . .

طلع جدامي ومشيت وراه وطلعنا سوى من البيت . . واول ماطلعت ارتحت . . ماراح ادخل اهني مره ثانيه ما راح ادخل . .

حسيت ان وليد معصب لكن ميود عمره . . .

انا اطالعه : لا توصلني البيت مابا اروح بيتنا . .

وليد يشوف الساعه : وين تبين تروحين . . عقب ساعه بنروح المطار . .

انا : عقب ساعه ردني اهني بلبس وبروح المطار لكن ما بقعد روحي وامي محد مابييي . .

وليد يطالعني : اركبي السياره . ..

وطلع من جيبه السويج وبطل سيارته وركب وركبت جداام ..

تمينا ساكتين فتره وحرك هو السياره كان يدور فالفريج ..

حسيت اني بديت اهدا بوجوده . . وعقبها بربع ساعه صديت صوبه . . كان معصب ويبين عليه لكن ما يبا يعصب علي . .

انا اطالعه : شفيك . .

وليد ماسك اعصابه ويبين : ليش رحتي بيتهم . . ليش ما قلتي لي . .

انا اطالعه : عنود كانت ترجع والولد مخيس ثيابه . . شفت سيارته ف بيت عمي ماظنيت بشوفه ماظنيت

وليد بانفعال وبصوت شوي عالي : قللللللللللتلج خبريني . .ليش ما تخبريني ليييييييييشششش . . " يدق السكان بقوه " ليش لازم تتصادفين ويا هالحيووووووووان ليشششششش . .

انا اطالعه ماعرفت شـ ارد عليه . .

وليد يتنفس ويتهد بصوت مسموع . . : اسمحيلي بنت عمي . . .ما اقصد انفعل عليج . .

انا : اسفه . . ماتوقعت

وليد يقاطعني : لو سمحتي مره ثانيه توقعي كل شي . . ومابكرر كلامي وين مابتروحين خبريني . .

انا اطالعه عين بعين : ان شاء الله . .

وليد : عايبنج توصلين للحاله هاي الي كنتي فيها عايبنج ؟!

انا اصد الصوب الثاني . .

وليد يمسك ايدي : كلميني

انا ادز ايده واصارخ : لا تلللللللللللمسني . .

وليد يطالعني . .

وانا رديت صديت الصوب الثاني ومسكت ايدينا مع بعض ورصيت عليهم . . ابا اهدى . . توترت . .

اهدي مهره . . اهدي هذا وليد . . هذا الحنون . . اهدي . .

عقب نص ساعه من السكوت رجعني البيت وبركن السياره ف بيتنا . .

وليد : روحي البسي وخل الخدامات يطلعون شنطتج وشنطت امج بحطها فالسياره .

انا ما قلتله شي وبطلت باب السياره ونزلت . .وسويت الي قاله . .

بعدها الكل ارتبش بالتجهيزات وجهزنا ولبسو الرياييل الاحرام وبعدها طلعنا . . شهاب كان يسوق بسياره وليد وحذاله قعد وليد . . وانا وامي قعدنا ورى وفجاه يت رقوي وركبت ويانا . . ومزاج شهاب فجاه اعتفس مع انها بس ابتسمت له . .

انطلقنا بالسياييير . . كلنا مجموعه كبيره ماشاء الله . . كان شهاب مشغل اذاعه القران وكلنا مركزين ونسمع وساكتين . . وليد كل شوي كان يصد ويطالعني وانا اتعمد اسوي عمري ما اجوفه . . . بعدها بساعه ونص وصلنا المطار . . . سار وليد و شهاب ومروان وراشد يخلصون الاجراءات . . وسيف ومايد و عبدالله وناصر كانو واقفين مع عمي سعيد ويوصيهم ويكلمهم وينصح . .

ميره كانت ع راسي ترمس وترمس وترمس عقب يا مايد صوبنا وميره انصدمت

ميره : انت ايه شو تبا . .

انا ابتسمت . .

مايد: مهور قوليلها اني ابا اتزوجها وخـ توافق . .

ميره : وييييييييع . . ردينا ع نفس الموضوع . . انا ماباك انت ليش ماتفهم

مايد: تبيني ياخي غصبن عليج .!!!!!

ميره : وين تصير هاي زواج غصب . .

مايد: انتي تبيني بس ماتعرفين من داخلج انج تبيني . .

انا ابتسمت ..

مايد يطالعني : صح بنت عمي ؟

انا : مادريبكم سيرو بعيد بروحه راسي يعورني . .

يا وليد ويايبلي كوب ومدالي اياه وتميت اطالعه . .

وليد : كابتشينو . .

ابتسمت وشليته عنه ..

ميره تحط ايدها ع خصرها : واحنا عيال البطه السودا ؟

وليد: الحين بيبونه الباقي . . كلكم تحبون الكرك هي ماتحبه . . يبتلها كوفي . .

وسار ..

ميره تطالعني : منو قدج . .

مايد: تبين تدلعين ويكون لج معامله خاصه

ميره تطالعه : هيه بس منك لا . .

مايد: انتي حق شو يايه ويانا . .ردي البيت ردي ماشي سفر

انا : خلاص سيرو اضاربو بعيد ولا بالكوفي بحرقكم فيه . .

مايد: تسويها بنت عمي . .

صديت شفت شماني قاعده ويا عمي خالد وحرمته و شيخه وخلود وعنود قمت ورحت صوبهم . .

وبست راس عمي وراس حرمته . .

عمي خالد يبتسم ويمسك ايدي : ايدج بارده عمي . .

انا : مادري عميه . .

عمي : عن تمرضين ؟

انا : لا ماعليك انا قوية ما امرض . .

شما كانت متغطيه من فوقها ل تحتها . . نقاب وفوق النقاب شال وقفازات . . سرت صوبها قعدت ومسكت ايدينها

انا : دفيني . .

تمت ادفيني وتحرك ايدينها وشوي ويا مروان ويايب كرك و وزعه ع الكل . .

مروان يقعد ع الارض عشان يوازينا واحنا قاعدين ع الكراسي

مروان : شتبين ف حرمتي لاصقه فيها . . وياي ماتلصق جيه

شماني : مروووووان . .

مروان يبتسم . . : فديت هالصوت . . فديت هالبنت

شماني تقرص ايدي من الحيا . .

انا : آآآي . . انا شوه ذنبي ..

مروان : هههههههه . . . " يطالعني" زعلانه بنت عمي

انا اطالعه واتنهد : لا ولد عمي . . .كل شي مكتوب . .

مروان : ماعرف الي صار شو بسبتي .. . لكن انا اسف . .

انا اطالعه : ماعليك . .

تمينا نشرب ونسولف شوي وعقبها نشيت عنهم وسرت عند امي حطيت راسي ع جتفها لين زقرونا عشان نركب الطياره . . ركبنا كلنا . .

انا كنت حذال اميه . . جدامي وليد وشهاب و وراي عنود وعبدالله . . وع ييميني عمي خالد وحرمته و وراهم شما وشيخه . . و ماقدرت اشوف ترتيب الباقي لاني حاسه بتعب وتامه مغمضه .. ما واعيت الا لما قالولي الميقات . . من ركبت الطياره ما لاحظت ان وليد كان يصد صوبي الا لما قالتلي اميه اني لما كنت راقده كل شوي يصد ويططالعني . .

وصلنا بالسلامه . . الحمدلله الطياره كانت خفيفه محد فينا تعب . . الطيار كان حيل متمكن ماحسينا بالصعود والنزول . . نزلنا كلنا مع بعض وركبنا الباص وصلنا لين المطار . . . وبعدها سارو الرياييل بعد يخللصون الاجراءات وركبنا السياره الي بتوصلنا لمكه . . وليد وشهاب كانو يلبون فالسياره بصوت مسموع واحنا نلبي بدون صوت عشان السواق ريال غريب . . عقب ساعه وشوي وصلنا الفندق . . نزلنا اغراضنا وتغسلنا وتوضينا ورحنا الحرم . . كنا ماخذين سويتات . . سويت كامل لـ عمي خالد وحرمته وعياله . . وسويت كامل لـ عيال عمي حمد وسويت لعمي سعيد وعياله و عميمه نوره وياهم و سويت لي انا وشهاب وامي وكان وليد طالب له غرفه روحه اعرف بس عشان ما يضايقني انا وانا اخذ راحتي لكن الغرفه ما بتكون متوفره اليوم . وامي حلفت انه ييتم ويانا وعصبت لما عرفت انه ما اختار يكون ويانا . . وبيتشارك الغرفه ويا شهاب . .

عمي خالد وعمي سعيد تمو يوصون الريايييل . . مروان قبض بيمينه شماني وبيساره ميره . . مايد بـ يمينه خلود وبيساره شيخه . . عبدالله تكفل ف عنود بس لانه بيكون شال الولد بعد . . عميمه نوره كانت مع عمي خالد وعمي سعيد وحريمهم وبما انها ما يابت عيالها ف ماكنت تتحمل من حد وتمت مع الكبار بس . . شهاب و وليد يضاربون على اميه بس اميه اخر شي قالت لوليد يتحمل مني وهي بتم ويا شهاب . .

اتفقنا ان نمشي كلنا سوى لكن لو حصل وافترقنا ماعلينا خوف لان كل حد فينا ويا ريال واتفقنا عقب ما انخلص كل واحد يسير الفندق وعقب ما نجتمع كلنا يروحون الرياييل يطلبون عشا . .

الجو كان برد خفيف . . انا و وليد كنا قراب من بعض وايد وكان كل شوي حد يدزني عليه بقوه . .

وليد يطالعني : عادي تمسكين ايدي ؟ اخاف اضيعين . .

بتردد عميق مسكت ايده وقبضني بقوه واعتمرنا . . كنت اغمض عيني وادعي بضمير ومن قلب . . كنت اصيح على وايد امور غلط سويتها ف حياتي . . كنت اصيح بندم بتعب . . ادعي ربي ان يرزقني الجننننننننه ويحسن خاتمتي . . يآآرب ريحني من الكابوس الي اعيشه بسبت سيف . . ريحني من هالهم الكبير . . انا ادري ان كل شي مكتووووووب وان انت كتبت لي اكون ضحيه لواحد مثله بس يارب انا تعبت وماقادره اتحممممممممل . . ريحني من هالعذاب . . . ريحني وخلني انساه وابدا صفحه يديده نظيفه مع وليد . . يآآرب . .

ما بعد ما خلصنا الطواف صديت ل وليد وجفته يصيح بضمير ويدعي بصوت مسموع ان الله يسامحه لان شرب ولجأ للغلط . . كان يدعي من قلب وبعدها سمعت اسمي لكن ما سمعت صوته . .

خلصنا الطواف وبعدين رحنا صلينا صوب مقام ابراهيم ركعتين . . وبعدها ياب لي وليد ماي زمزم وقعدنا نشرب . .

وليد : تعبانه . .

انا اطالعه : لا . . وانت ؟

وليد يبتسم : لا . .

سرنا بعدها الصفا والمروه وكان ما يقدر يهرول ويخليني روحي فكان يمشي بس مشيات سريعه . . ومن بعد ما خلصنا خلاني واقفه ع طرف وسار صوب التحليقه وقص شعره شويه واول ما يا ابتسمت لاني عرفت انه ما بيتقرع وبيقص شعره شوي بس . .

انا ابتسمت : ماقصيته يعني . .

وليد يبتسم : احب شعري بهالطول

انا : حسيت

وليد : هههههه . . يالله خلينا نرجع عشان انتي بعد يحللون لج شعرج . . قولي حق امايه شويه بس هاه! ولا انا الي بقصه اخر شي . . عن تزلق ايدهم

انا : ههه ما بتزلق لا تحاتي . .

وليد : مايصير انا اقصه يعني ؟

انا اطالعه . .

وليد : بس بقصه شوي . .

انا : ازين

وليد ابتسم . .

ومشينا ومسك ايدي بقوه بنروح الفندق . . اول مادخلنا ماجفنا حد ف سويتنا . . يعني امايا وشهاب بعدهم . . سرت طلعت من شنطتي مقص وطلعت الصاله كان يترياني . .

بطلت الشيله وفجيت القباضه ونزل شعري مره وحده . .

وليد يطالع : اللهم صل وسلم ع سيدنا محمد " يبتسم " ياحظي بهالشعر بس . .

انا كنت متوتره والكلام الي قاله وترني فجاه حسيت انه حس ع عمره ويمع شعري بطريقه عدله . . وبعدين قص منهم شوي . .

وليد يتنهد : الحين ارتحت . .

ابتسمت وابتسم . .

وليد : انا بروح اسبح . .

انا : وانا بعد . .

وليد : خلصي وبعدها بنروح نتعشا بعيد عن حشرتهم . .

انا : ليش . . بطمن ع اميه

وليد : بيدقون علينا .. انا موزعلهم ارقام السعوديه وعاطنهم رقمي . .

انا اطالعه

وليد : ماتبين"؟ الجو حلووو ترى . .

انا اطالعه : انزين اوكيه . .

وليد يبتسم . . وسار وانا سرت سبحت .. احس براحه كبييييييييييييييييره . . راحه ماتنوصف . . صح بعدني خايفه شوي لكن هم هم هم فيني وانزاح واااااااايد . .

خلصت سبوح ولبست لي شي مريح ولبست عباه يديده غير الي اعتمرت فيها . . تجحلت بس وتحجبت وبعدها طلعت شفت وليد فالصاله يلعب بالفون . . كان لابس كندوره ومتعصم . . ابتسمت ع شكله . . نادرا ما اجوفه ب كندوره . .

وليد يطالعني : بس اليوم ! هاي الوحيده يايبنها . .

انا ابتسمت : انزين ما قلت شي

وليد : نظراتج تقول . . جاهزه؟

انا : هيه .

وليد : يالله مشينا . .

اول ما طلعنا انا وهو . . مدالي ايده وترددت . .

وليد : حطي ايدج اهني . .

ياشر ع جتفه . .

اريح لي اقبض جتفه وامسك الكندوره ولا امسك ايده !

ومسكته ومشينا . . طلعت امايا وشهاب فويهنا واستحيت يايه اسحب ايدي واميه ابتسمت لكن وليد رص علي بجتفه عسب ماحرك ايدي ..

امايا : الله يتقبل منا ومنكم يارب

وليد : اميييين . .

تجدمت وبعدني ماسكتنه وبست راس اميه . .

شهاب كان يبين عليه التعب . .

اميه : مسكين تعبته ويايه

شهاب يبوس راسها : انتي امي مجبور فيج شو هالكلام الله يهديج . .

اميه : الله يخليك يارب ويحفظك وينولك الي في بالك

انا + وليد : امين . .

شهاب : وين رايحين

وليد : بنتعشى عنكم . .

اميه : هيه زين سيرو

شهاب يبتسم ويطالع وليد : كاشخ بالكندوره هاه ! فالدوله ما تلبس . . برا تلبس ؟ عكس الناس انته

وليد يبتسم ويطالعني : لاتسمعين كلامه

انا واميه : هههههههه ..

اميه : يالله سيرو فديتكم . .

وسرنا عنهم . .

وليد يطالعني ومبتسم : مرتاحه ؟

انا اطالعه : الحمدلله

وليد : يعله دوم . .

ابتسمت ما قلتله شي . .

لما نزلنا تحت جفنا ميره ومايد كانو واقفين عند الفندق وميره معصبه . . يعني هاييل واصلين قبلنا ! لان مايد ماكان لابس الاحرام . .

صقوري وعنود وعبدالله ماشين بيدخلون الفندق

ميره : وين رايحين . .

وليد : نتمشى .

انا هديت وليد : فديت الولد التعباااان . . تعال حبيبي . .

سوالي طاف وتعلق ف ريل ابوه

عبدالله : تعبان مدوخ فيه رقاد . .

انا : تعاال بعطيك كاكااام . .

صقوري يا دوب يفتح عينه : كااكام ؟

كلنا ضحكنا عليه . .

انا : تعال . .

ونزلت له عالارض وحظنته بقوه و و ليد كان يطالعني ومبتسم . .

عنود حاطه ايدها ع ظهرها : يالله مهور بنسير نرقد تعبانه وايد . .

عبدالله يطالعها : اشلج . .

مايد يصفق : اوووووب بنت عمي

عنود تضربه ع جتفه : استح

عبدالله : ليش فيها شي . .

وليد يبتسم : لا مافيها شي بس ياريال اخاف وانت تشلها يطيح الاحرام توهقنا

كلنا ضحكنا . .

صقوري : مهاالي

انا : عيوووووني

صقوري يثاوب : كالوو

انا : هههههه عيون خااااالوه انتااا . .

صقوري : هووااا . .

انا : تبااا هوااا ؟ يخسي الرقاد وابو الرقاد الي يلعوزك . .

عبدالله يبتسم : وليد عرسو بسرعه وهاتو ياهل . . خل تخف ع ولدنا شويه

انا اتغيرت ملامحي . .

وليد : من حبها له احس لو يابت ولد ما بتحبه شرات هالولد ..

عنود تبتسم . .

انا ابتسمت : غلا الولد عندي هذا غييييير . .

عبدالله : ع راسي بنت عمي . .

عنود : يالله عبدالله خل نروح

عبدالله : ماتبيني اشلج . .

عنود : ححححبي عااااد !!

عبدالله : ههههههههههههههه

وراحو عنا . .

وليد يطالعني : حلاتها يوم تقول حبي من دون ماتستحي ولا تراعي ان حد موجود . . اكيد عبود الهرم يستانس . .

انا اطالعه : ليش انت يونسك الشي ؟

وليد : يونس ؟ الا يموت الريال يوم الحرمه ادلعه جدام الكل . .

ميره وناصر كانو فوادي ثاني ومعصبين ويضاربون . .

وليد : خاطري مره بس مره اجوفهم ما يضاربون

ميره تطالع وليد : يالله اتحركو بروح معاكم

مايد : وين ما تروحين لاحقننننننج لاحققققققققنج ..

ميره : انتتتتتتت لصصقه عنزورت يعنننننننني .؟؟؟؟؟

مايد: في وحده تقول حق واحد بيكون ريلها جيه

ميره : بعد قال ريلها . . منو قال اني بواااااااااااااااافق علييييييييييييييييك . .

مايد : بتوافقين وانتي حمااااااااااااااااااااره . .

ميره : محد حمممممممممممممممممار غيرك . .

وليد يهمس لي : امشي ادخيلج خل انروح عنهم . .

ومشينا شوي وشوي وابتعدنا عنهم . . ابتسمت من قلب و وليد ابتسم . . جد يضحكون وشوفتهم من بعيد وهم يضاربون تونس . .

مشينا مانعرف لـ وين . .ماكنت يوعانه ولا هو كان يوعان ! وريولنا خذتنا للحرم . . نحس ان بيت الله يريحنا اكثر واكثز . .

وليد : خل نصلي ركعتين ونقرا اول عشر صفحات من البقرة عقب اظهري واوقفي اهني . .

انا : أن شاء الله . .

وليد تقرب مني وايد وباس راسي وانصصصصصصدمت من الحركه حتى شهقت . .

وليد : اهدي اهدي . . " ابتسم "

انا بلعت ريجي : ادعي وايد واقري قران من قلب

انا اطالعه : ان شاء الله . .

ودرررني وراح وسويت الي قاله . . كنت استغل كل دقيقه ادعي واصلي واقرى قران واستغفر وماحسيت بالوقت ابد لين ما قرصني قلبي فججججججججاه و يا في بالي وقلت اكيد يترياني وقمت على طول رديت القران وشربت ماي زمزم وطلعت وقفت ف نفس المكان وشفته . .

وليد : خووووووووفتنيني . .

انا : ماحسيت بعمري والله

وليد يغمض عينه : والله اني خفت . . وماقدرت اتحرك وادورج خفت ترجعين باي وقت وماتشوفيني

انا اطالعه : سوري

وليد : ماتين مره ثانيه بدون فون . .

انا : انزيين . .

وليد : والله خوفتيني

انا اطالعه :بخيير انا مافيني شي اطمن

وليد ابتسم : الحمدلله . .

ابتسمت له ..

مد لي ايده بس ترددت . .

وليد : ماتبين ايدي ادفيج ؟ بس ادفيج ع الاقل من الجو البارد . .

ما رديت عليه

وليد :أنزين 5 دقايق بس ؟

انا ارتبكت بس حاولت ومديت ايدي له وابتسم . .

ومسك ايدي بقوه . . جد ايده واايد كانت دافيه

وليد يطالعني : ايدج ليش جي بارده ؟دومها جي !! شكلها كله تباني ادفيها

انا ابتسمت . .

وليد يأفف ع ايدي عشان يطلع لي هوا دافي .

انا :اييه . . مينون انته

وليد يطالعني : مينون فيج . .

بلعت ريجي . .

وقفني وجابلني . . : مهور . . خلينا اول مانرد البلاد . . نتزوج

انا اطالعه : شوو

وليد يبتسم : شو نتريا ؟ ليش نتريا . . خلينا نتزوج . .

انا : بس انت قلت

وليد : قلت لو ماوصلنا لنتيجه بننفصل . .بس انا ايدي مستحيل تهد ايدج . . لو شو مااصار . .ما اخليج .

انا شعر ينبي وقف . . وليد غير والله غير . .

انا : ما تتخلى عني . .

وليد : لين ما اموت . .

انا : بعيد الشر . .

وليد يبتسم : انا ماقدر اعيش بدونج . . اذا الحياه معاج عذاب الحياه بدونج موت . . ولا ابا اموت وانا حي وانتي موجوده . . خلينا نفتح صفحه يديده . . ومع بعض . . بننسى كل ألم عشناه . .

اانا : بتروم . . ؟ ما بتندم ؟

وليد : بلى بندم . . لو تخليت عنج وماعشت معاج حياتي . . .

انا اطالعه : . .

وليد : انا وايد وايد وايد . . " يهمس " احبج . ." بصوت شوي اعلى " والله احبج ياحماره . .

انا تميت ارجف وبلعت ريجي وكنت يايه اوخر ايدي بس رص عليهم . .

وليد : جييه بسوووووووي . . . كل ماتتهربين مني بمسكج بقوه ولا بخليج تفلتين من ايدي . .

انا اطالعه . .

وليد : انتي اروع شي ف دنيتي وربي . .

ابتسمت

وليد : حتى ابتسامتج هاي الخايسه احبها ز .

ابتسمت اكثر . .

وليد : الله لا يحرمني من هالابتسامه . .

انا بتردد كبير : ولا يحرمني من الي رسمها . .

.

.

.
__DEFINE_LIKE_SHARE__

«ضَحِيًة حِبُيًبُيً ..}● · 11-09-2012, 12:27 PM

.
.

السلام عليكم ورحمه الله وبركآته . .
السموح ـه ع التآخير . .
بس قعدت ع الكتآبه فتره طويله وتعبببت وبعدها خذت استراحه ويا اهلي وماحسيت فالوقت . .
والعرب ما قصرو ف تويتر كلوني صرآح ـه = ) . .

ع العموم اتمنى البآرت يعجبكم ويكون عند حسن الظن . .
ولاتحرموني تعليقاتكم الطيبه واترقب انتقادكم . . .

نتلاقى باذن الله الويكند الياي . .
للمتآبع ـه والرد على طول . . تآبعوني ع تويتر . . = )
katbt_uae

اشوفكم ع خيييييير
وادعولي افرح بنتآآآيج المد تيرم
__DEFINE_LIKE_SHARE__

«ضَحِيًة حِبُيًبُيً ..}● · 11-09-2012, 12:27 PM

.
.

السلام عليكم ورحمه الله وبركآته . .
السموح ـه ع التآخير . .
بس قعدت ع الكتآبه فتره طويله وتعبببت وبعدها خذت استراحه ويا اهلي وماحسيت فالوقت . .
والعرب ما قصرو ف تويتر كلوني صرآح ـه = ) . .
ع العموم اتمنى البآرت يعجبكم ويكون عند حسن الظن . .
ولاتحرموني تعليقاتكم الطيبه واترقب انتقادكم . . .

نتلاقى باذن الله الويكند الياي . .
للمتآبع ـه والرد على طول . . تآبعوني ع تويتر . . = )
katbt_uae

اشوفكم ع خيييييير

وادعولي افرح بنتآآآيج المد تيرم
__DEFINE_LIKE_SHARE__

Nadr.wjoode · 11-09-2012, 12:45 PM

هنـاك حبيـب ينتظـر سلامـك••

(　يـا أيُهـا الذيـّن آامنـوا صَلـوا عليـّه وسلِمّـوا تسليّمـا　).

أرسلهـا لكـل اللـى عنـدك ولا تبخـل عشـان يصلـوا عليـه
آللّهُمَ صَلّيۓِ ۈسَلّمْ عَلۓِ سَيّدنَآ مُحَمّدْ♥ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خادمة "تذبح" طفلة مخدومها بحفر الباطن	محروم.كوم	منتدى أخبار المواقع والمنتديات العربية والأجنبية	1	04-16-2013 02:04 AM
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف))	محروم.كوم	منتدى أخبار المواقع والمنتديات العربية والأجنبية	0	01-20-2012 04:10 PM
بلاك بيري تورش 9860 فل تتش مع بن ممير """"""""""""""""""""""	محروم.كوم	منتدى أخبار المواقع والمنتديات العربية والأجنبية	0	10-28-2011 11:00 AM
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM