{ استبيــحڪ عـذراً . . .. - الصفحة 84

Mraim’ · 11-22-2012, 08:36 PM

　,,

　
23

حتـى عـند المشـيخ يبـدو..
سأظـل احـبك كالمـراهق ..
اتزيـن وآلبس الحلي..
اقف تحت شباكك حتى منتصف الليل ..
لأقـول لـك اننـي لـن اتركك, حتـى اخـر نفـس !!

محمد

:

عند آخر النفق المظلم..قدت بين السيارات كأنني في سباق .. كلامها يرن في مسامعي..

لن ارحمه..حلفت بنفسي لأن اقتلع عينه من مكانها الحقييير..

اتصلت بعزيز وانا انظر الى جدران بيته بشراسه..
-ها حمود
-ود عمر عند امه الحين
-ليش
-وده وخلاص..
-انت ويين؟ لا تقولي ساير عند عبود والله .....
قاطعته: في حساب بعده ما خلص !!!
اغلقته..ركنت السيارة عند مكان لا يُـلاحظ..وقفت انتظر مجيئه كأسدٍ يراقب فريسته..
مر امامي كل شيء حدث بسببه..ثار البركان في نفسي!!!
تجاهلت اتصالات عزيز..واصوات الليل حولي..مرت ساعه وانا انتظر..ولكني بقيت..
لن ارحل اليوم قبل ان اخذ روحه بيدي..سقطت عيناي على الصورة المعلقة ..صورة عمر..ابعدتها عني بعصبية ..
حتى آتاني صوت الفرامل خلفي..سيارته الجديدة..هذا بفضل صحبة خالي الكريم..نظرت اليه حتى توقف دون ان ارمش..
نزل..ونزلت بسرعه..
مشيت نحوه..التفت إلي متفاجأ..
مسكته من اكمامه وهو يشهق..ادخلت وجهي بوجهه..اسندته على الحائط ومسكت احد يديه..قلبتها بطريقة موجعه..صرخ من الألم

شددت على حروفي: هاذي..علشان تعرف تمسك ايدها وتغني بأنها زوجتك
قلبت الثانية فأصبح صراخه أعلى..
ضغطت على اسناني: وهاذي..علشان اذا فكرت تخطفها وتمد ايدك عليها مرة ثانيه..تسمعني؟
لف وجهه: هاي تقص عليك ما سويتبها شي
دفعته بقوة: منو يقص عليه؟؟؟ هاا؟؟؟
تنفس: الشيخه ما رامت تقولك انها كانت تييني بريلها قبل..احين حز فخاطرها اني وديتها وياي غصبن عنها
ضربته على فكه.. رد لي الضربة على بطني بأقوى منها..
اغمضت عيني: آآآآآآي
مسك يداي ليقلبني ولكنني اسقطته..تبادلنا الضربات حتى شعرت بالدم بوجهي..لم استسلم..كلما ضربته احسست بالنار تنطفئ بداخلي..الى ان سحبني احد بعيداً..
سيف يتهجم عليه: شو تبا انته شوو؟؟
يصرخ بهذيان: قوله هو اللي ياي عندي شحقه تقولي انااا
حملني احد آخر وسحبني..
راشد: قوم اركب السياره
سيف يدفعه: دش دااخل وفكنا من المشاكل اللي تيي من ورااك..
استفزني بايتسامه: ههه..والله هذا كله من الحب شو ذنبي انا
ركضت إليه لأخنقه..مسكوني عنه ..حاولت افلاتهم: والله لااااااييييييب اجللللللللك ..والللله العظييييييم
راشد يدفعني: خلاص عاده..سيفو حطه فالسياره وحرررك
ضحك متخصر..زاد الغيض فيني..ابتعدت عنهم بالقوة ودفعته على الجدار..انصاب رأسـه..رأيت الالم بعينه..الآن برد مافي قلبي..
سمعت بين الاصوات في لمحة بصر..راشد: حمووووووود
يتقرب بسرعه: قوم عنه فإيده فرررد
كنت سألتفت..ولكن الوجع امتص كل حركتي..لمحت اخ عبدالله الاكبر وبيده المسدس..ولأن سيف دفعه بعيداً..لم تصبني الرصاصه ولكن مرت بجانبي وخدشت يداي..شعرت بالألم كأن طرف ورقة حادَ اصاب يدي..اغمضت عيني وانا اضغط على المكاان..سحبني راشد الى السيارة..
سمعت سيف يحاول سحب المسدس منه: خذه المستشفى انا بتم هني بسرعه
راشد بخوف: يتك الرصاصه؟؟؟ وين مكانها راوني
دفعت يديه: آآآآآي..
لمحت امرأه تخرج من البيت..شكلها اكبر من امي متفاجأه من عبدالله الممدد بالارض يتألم..
لم استطع رفع رأسي, طار راشد بين السيارات وهو ينظر لجرحي: لازم اوصل بسرعه قمت تنزف
..نطقت بصعوبه: ماله داعي مستشفى..انا بروحي بضمده
بعصبيه: مب ع كيفك..شو علقك وياهم هاييل هذا اخوه ما يخاف الله لو يت الرصاصه فصدرك! مصايبهم ماتخلص ..والله لو تدريبك اميه قسمبلاه اتطيح فأرضها
بحدة: اذا درت ياويلك !
يتأفف: الله يهديك انته بس
اخذني بسرعه الى الطوارئ ..دخلت على الطبيب الذي سالني ألف سؤال..
كنت اخرج صوتاً خفيفاً عندما ادخل الخيط في الجرح..
لف يداي وهو يقول: انت احد صوّبك؟
هزيت راسي: لا
اومأ: عيل ضرابة اولاد..تغطو على بعض و تسكتو.. ممكن المرة الجايه يصوب مكان اخطر
تنهدت: خلصت؟
اخذ ادواته: خلاص..بس تحمل على نفسك وحاول وقت الحمام ما تلمس مكان الجرح
جلست بصعوبه: اوكي
لم اتوقع دخول امي وهند الى الغرفة..مسحت على عيناي بتعب..

هذا اكيد راشد لم يستطع مسك لسانه..
امي تركض الي باكية: ولدييي..دكتور شو فيه طمني علييه
هند تحضنني: حموووود انت بخيير؟ طيحت قلوبنا والله
همست: بخير حبيبي
الدكتور: مافي شي يا خاله بس خلوه يرتاح
امي تتلمسني: شو استوابك يا عيون امك منو ضربك حسبي الله عليه يعل ايده القصصص
وقفت: مافيني شي امايه لا تخافين
بنحيب: شقى ما خاف علييك ياميه الله واعلم هذا منو ولا شو يبا منك ولا من متى يترصد لك انته من اليوم وساير ما بتظهر من البيت لين يزخونه
تشبثت بهن لأقف: ماعليه..يلا ردو البيت الوقت متأخر
هند: يعني الضربه مب قويه ؟ ما بتشتكي عليه
اخذت يد امي: خلاص هنوده بعدين..خذي امي وارجعو البيت انا بيي وراكم..
امي: اي بيت نرجع له و خالك في المستشفى من امس..
تذكرت خالي المنوم بسبب الم في رأسه..
تنفست: انزين ..سيرو عنده انا برجع البيت برتاح
امي:بس خالك..مب ابخير موليه..الدكاترة قالو لازم يتم ويفحصونه اكثر..انا زايغه يكونون خاشين عنا شي
تنهدت: بسأل الدكتور قبل لا اطلع ..بس انتي ريحي بالج امايه

غطت وجهها: كيف اريح بالي وانت من صوب واخوي من صوب..الله يعافيكم ويخليكم لي يا ربي

　

مريم

:

تأكدت ان هناك شيء يخفيه..وجعه الذي جعله يضم شفاته بقوة ويغمض عينيه..
كتمت شهقتي وابتعدت..نزلت من السرير وانا اضع يداي على فمي..
ظهر طرف الشاش الملفوف على ذراعه..يغطيه وهو يتألم..شعرت باللوم والحرقة..
كأن هذا الحساب لن ينتهي ما دام احدنا على قيد الحياة !!!

دفعت يديه حينما مسك كتفي: مريم
ابتعدت ووقفت على الفور: لا اتدقني..يعني سويت اللي فراسك وسرت لين عنده واتضاربتو..
يتوجع: لا .. مب جيه
صرخت باكية : عيل كيييف؟
يهمس: ششش..خفي صوتج
مسحت جبهتي خوفاً: لين متى محمد قولي لين وين ناوي توصل وياه؟ تباني اجوفه ياخذ روحك جدامي مب كافي اللي استوى ليلة العزيمة ليش ترد تتهجم عليه الحين ما بيهدك !! ليش تبغي تذبحني ليش
نظر إلي دون ان يقل كلمة..كأنه يعاتبني بصمت..نزلت على الارض امطر الدموع المتجمعه عند اخر زاوية..
انظر الى الجدران التي تكلمت فيني تلوم وتبغض ..
وقف , مشى الى الباب..
مسحت دمعتي: على وين
فتح الباب: برد البيت..يوم بتهدين بنتكلم
وقفت ومشيت اليه..
غلقت الباب ووضعت عيني بعينه: هديت .. والحين بتعطيني جواب..اذا كنت ناوي تكمل سلسلة انتقاماتك روح..تفضل..ما بمنعك من اي شي تسويه..بس سوه بعييد عني..لاني ما اتحمل اجوفك تتويع كل يوم جدامي واسكت ..ماقدر احط عيني بعينك وانت بكل نظره تتهمني وتعاتبني..سير ..اجتلنا كلنا لو بغيت بس ترضي غرورك وترد شرفك !! سييير..(دفعته) يلااا رووووح
مسك يداي بحركة سريعه و الصقني بالجدار..سمعت انفاسه..دافئه كما هي, اغمضت ,تأملني تحت نور القمر, الذي يشع نحو عيناي ليبرز لونهما , بلعت ريقي..حبسني بين ذراعيه كالعصفـور ..
بهدوء: اشتهيت مرة .. مرة وحدة بس ..تمسكين ايدي بحضن ايدج وتقوليلي انا احبك ..وراضيـه بكل اللي تسويه علشاني..تعترفين بكل شي استوى بدون لا اكتشف من نفسي..اشتهيت مرة مريم..نعيش مثل الازواج حالنا حال الاوادم ..اذا طلعنا نكدنا على بعض واذا رمسنا طرينا هالزفت..كل ما ييت لج محتاج لأيادي تمسح على صدري وتلمني صديتيني جني انا الغلطان..ما تقوليلي انتي لين متى؟ يمكن انتي اللي عندج هالجواب مب انا !!!
بكيت بصمت يخنق عبراتي..
من قلبي: والله احبك ,بس ماقدر اجوفك تتعذب !
ابتعد..انزلت رأسي من نظراته..لمحته يختار زاوية من الغرفة يبث منها القمر منعكساً..
ضائعاً في السماء لا محل له..يختار بيوت العذارى لينير دروبهم المظلمة..
جلس يتأمل النافذة..وقفت قليلاً افكر بكلامه ,
تقدمت ..خفت ان يقف اذا رآني ولكنه بقى, لم يلتفت!
جلست بجانبه انظر الى ما ينظر: كان ودي تعطيني سبب غير عمر عشان ابقى وياك..انت تباني اعيش ال10 سنين اليايه من عمري وانا اترجاك تسامحني
همس: وشو عذرج؟
نظرت للاسفل..فضلت الاجابه عن السكوت :يمكن..غرتني الحياة اللي منحتها لي وخذاني جمالها..حبيت اجرب كل شي فيها مدامه بيدي..كنت اجوفك سبيل لسعادتي لأن اهلي ماكان عندهم شي يعطوني اياه..وانت ييت وعطيتني كل شي, كنت منغلقه فعالم بين هاليدران اللي جدامك..هذي كانت حياتي قبل لا اعرفك ما فيها شي يديد (هزيت كتفي) خذتني على فرنسا..ههه..البلاد اللي ماجوفها غير فالتيلفزون..لفيت فيني الاماكن اللي كنت اقص صورها والزقها فدفتر امنياتي..وانت ما قصرت..حطيت لي القمر بأيد والشمس بأيد كيف ما تباني اغتر !.. خذتني وانا عقلي معلق بسوالف الحب اللي اجوفها واتخيل نفسي فيها..جفت ان حياتي وياك ما ناسبت الشي اللي انا تخيلته قبل العرس..(مسحت دمعتي) الحين يمكن هالكلام ما ينفع بس..على الاقل يشفع لي!!!
التفت اليه .. لمحت تلك الابتسامه الجميلة تتمدد على شفاته..سارحاً يسمعني ..كنت سأقف واتركه لأنني خجلت مما قلته.. ,
فاجأني: تعالي
اقتربت دون تردد..مد رجليه, اخذني بينهما واسند ظهري على بطنه,
احتضن بقاياي بشدة اقشعر جسمي بسببها ..اغرقت نفسي فييه لأشعر به !
اقترب من اذني وهو يلامسها: ليش تحسبتي ان هالحب بتلاقينه عند غيري؟..
ضغطت على يديه بحنية: لأنـي لقيته اول سبب .. و اول فرصه جدامي!
سكت.. اكتفيت بقربه, اتلمس جسمه كأنني سأفقده ,
ليته شيء يوضع في الجيب لحفظته من كل شر يضره..وضعت يدي على ذراعه..
اخرج صوتاً يكاد يُسمع..
خفت عليه: سرت الطبيب؟
هز رأسه بنعم: هالكثر زايغه عليه؟
-انا بغت تطلع روحي لين جفتك جداامي..انت مينون تسألني هالسؤال
دارت عينيه حول ملامحي..يفكر بشيء ما..
ابتسم: تدرين.. وايد حاولت اقسى عليج واخليج تكرهيني..طردتج من البيت , وديتج بيت اهلي غصبن عنج , شليت عنج كل شي حتى ولدج بس ماشي فايده..تعرفين شو اللي غفر لج؟ ان كان عندج الف فرصة عشان تهديني بس بقيتي..يوم قلتلج خلينا نفترق كل ودي اني اعرف ردة فعلج ,ارتحت يوم ما طعتي..وسالفة عفرا هذاك اليوم اول ما قلتلج اني جذبت صدقتيني..مع اني كنت اباها تكون سبب و حجه لابتعادج , بس ما ابتعدتي!
لفيت نحوه والسعادة تأخذني إلى السماء: يعني غفرت لي..ما بترد تخانقني مرة ثانيه ولا تتهمني ! يعني..يعني بنرد مثل قبل وما بنتضارب وكل شي بيكون حلو صح!!
هز رأسه وهو يمسح على شعري: صح .. بيكون حلو
بلعت ريقي: بس هالعفــرا شو سالفتها ها..ليش يعني اخترت هذاك اليوم عشان تخبرني وشمعنى هي؟ انا اخاف يكون صح وانت اتجذب عليه !!
انزل رأسه..خفق قلبي: بينك وبينها شي؟
نظر إلي: لا ..بس كنت ابا اغايضج فيها لأني ادري انج بتنقهرين
-والله قلبي كان بيطلع من مكانه ..تمنيت اذبحك انت وياها في يوم وااحد
-ليش انا ما حسيت بهالاحساس!
التفت عنه: جفت؟ رديت لتلميحاتك اللي مادانيها.. بتم تعق علي هالكلام
-ما اقصد..بس اوضح لج ان مب كل شي تسمعينه صح..وبعدين لو ااباها ليش ما باخذها كانت جدام عيني!
-احلف لي !!
-والله..احين بنزعل عشان عفرا يعني؟
-لانك ما تدري كيف كانت لعينه اتدور علينا زله..تستغل غيابي وتتقرب منك ليش ما اجوفها انا !!
-وانا عطيتها سالفه؟
-لا .. بس
-بس شو؟ تبين اتطلعيني غلطان غصب
- احين ليش فهمتها جيه؟ المفروض انا اللي اعصب من كلامك.. كيف تسمح لك نفسك اتطلعني من بيتي نص الليل وتبهدلني عشان اتكرهني فييك!! تتحراني بهالطريقه ببتعد الله ستر كان عزيز موجود ولا شو استوى فيني ليلتها؟
ضحك:هههههه..انا اسف
تخصرت: وليش تضحك بالله؟
كتم ضحكته: كان شكلك يضحك
لا اعرف لما ضحكت: ههههه ..سخيف تراك..ترى جد ما يضحك انا صدق تبهدلت
-ادري بكل شي استوى..وادري انج صكيتي لين بوظبي وسرتي هاييج الشقه عشان اختج.. وادري انج حابسه عمرج فالغرفه من كم يوم ..بس اللي ماتعرفينه اني انا اللي خليت عزيز يوقف هذيج الليله..وكنت قاصد اني اطلعج من مكان تحبينه..عشان تعرفين كيف حسيت يوم طلعتيني من قلبج!
تفاجأت: يعني انته ..كنت تدري بكل شي
تنهد وهز رأسه..وقف و مد لي يديه: يلا قومي بسج..انا تعبان وابا ارقد !
وقفت وضميت شفاتي: ما بتقولي شو اللي استوى اليوم؟
التفت إلي..حضن وجهي : انتي متى بتهدين عنج هالفضول اللي فعيونج.. المهم تعرفين ان ريلج بطل ما يهزه رييح
ابتسمت: يا رجُل ..على اساس اطمنت

بحركه سريعه حملني, صرخت من المفاجأه ,
تمسكت به حين اوقعني على السرير وتمدد فوقي..
ضحكت من قلبي عليه وهو يحاول يخفي الوجع..
بدقائق ..تغيرت نظراته...تقرب مني ببطئ..
اشتمّني بحنان يأسرني الى عالمه..
واخذ مني كل شيء احتاجه من زمان..
من زمـان طويل!!

مُلهِمة هيَ عيناك ؛
كيف لكَ أن تجعلني أتمسّك بالحرفِ أكثر
وبكلمات الحبِّ أكثر
كلما رأيتهُما ..!
__DEFINE_LIKE_SHARE__

Mraim’ · 11-22-2012, 08:37 PM

سامحوني لانه قصير

ان شالله الجزء 24 بيكون اطول *_* __DEFINE_LIKE_SHARE__

ta76eem · 11-22-2012, 08:38 PM

شحآلج مرريووم !
البآآآآرررت روووععه شراات ماتعوودناآ
صصح قصيير بسس رييحنني بقوو !!
الحمدلله يووم ردوا لببععض
وو نصبرج فالبآررت "24"
و بيكوون طوييل صح ؟
خخذي رآححتج مريوومه

نبآ أككشن يدييد و جييه !
.
.
^تقبلي مرووري
__DEFINE_LIKE_SHARE__

عذوبهه · 11-22-2012, 09:44 PM

بآرت حليوَ , لكنه قصير -.-" ههه
ما عليه المهم انش نزلتي وايد عيبني البارت
الحمدلله يوم ان محمد ومريم ردوا شرات قبل , تحسنت علاقتهم وايد
ان شاء الله يتمون كذيه ها دوم = )
سلمتي مرايم عالبارت ونرقب البارت 24
ربي لا هانش اختيه __DEFINE_LIKE_SHARE__

» ھہُدنيّ حبْيبيَ . . · 11-23-2012, 11:03 AM

يآ ويلْ حآليِ عليجَ يآ "مريوْمــآِ" ، شو هالبــآرتِ ؟ ؟ صح قصيــر "
بس وربيْ إنه طططرْ ، غآويَ " ، يعني آررررررررتآحَ قلبي بآلقققوَ !

يعني ماعرفِ كيف آوصف لج بس طر طر آلبـارتِ ، ، "
وآحلىآ شي إنه ككله عن محمدَ و مريومَ ، ، "
يآ ويل حآليهِ عليهُم " ، مآبغينآ يترآضضون يعنيَ ، !
آهم شي ؛ يوم سار حمودَ حق عبدالله السخيفْ
والله ريح قلبيْ " ، بس خفففففففففففففت تحريتِ "
شيْ بيستويْ ف حمودَ ، بس الحمدلله مَ صار به شيَ . .
و شوه بعععاد يآ ربيهِ " ؛ ممممبدعه شرآت ماتعودنآ عليجَ "!
علنآ ماننحرمَ من هالإبدآعْ " ، ونترقبج ف آلبـارتِ "24"
بس آهم شي يكككككككون طويل هآهِ " . . دمتي بودِ ، ، "
.
.
.

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
آشڪٍـٍـٍرڪ . . { قڵبـٍـٍڪ ڪبير ّ ّمرھـٍـٍـٍف إح ـسآاسـٍـٍٍـٍڪ ڪثير ♥ иёω рiс'z	روحيے فداڪ}• ~	المسنجر وملحقاته , توبيكات , ماسنجر بلس , msn	45	08-11-2012 10:11 AM
آزٍعلِ وإن ڪِآن رٍضآڪ فيّ حبـہۧ آلڪوٍع كسَرٍت لڪ يْدي و حبيِت ڪَوعي bb pic	همس العشق	برامج وصور وثيمات والعاب بلاك بيري و IPhone	10	04-12-2011 06:17 PM
جديدي اڪسسوآرآت iphone 4 [ڪفرآت،استڪرآت]دلعو فونڪم ويآا ام هزآع والڪميه جداً محدوده *	محروم.كوم	منتدى أخبار المواقع والمنتديات العربية والأجنبية	0	09-28-2010 02:20 PM
¬°•[أنـآني فضلتڪَ ع نفسي ۈڪَـآن قدرڪَ عندي ڪَبير .. ۈمهـآ حصل منڪَ مـآ ڪَنت أبد أبآلي ..,]•°¬	» Ѯ η ą d	تصاميم الاعضاء	39	09-14-2009 10:39 PM
--{ عـذراً يآ رسول الله .~ [ اول تصميم فيديو ليه ] -- Al Meth	εïз~اَلِمَيّث}●	الإسلام والشريعة	35	04-16-2008 02:02 AM