▓▒░ .... مفاجأه جميله وحادثه سيئه.... ░▒▓

محروم.كوم · #1 06-05-2012, 06:50 PM

بسم الله الرحمن الرحيم
السلام عليكم ورحمة الله وبركاته
مساء الخير ياجماعه
.
نوينا المقناص في ليبيا .وكانت وقت الا (حيط البراعصه )جاه وسم مبكر وربع ربيع ٍ طيب
ارض وعره وهواء صلف وضياع الطير ورى الطياراكيد بنسبة 90%
افضل طريقه تهد طيريكون طلع ولحاق واليا ضايف الطير تديره بالموتر وترمي بالبندق .
.(قبل تتوفر الاجهزه بهالكثره وهالجوده وقبل يدهل حيط البراعصه وتفتح فيه دروب كالوقت الحاضر )
يعني الطير الطلاع ماعنه غناه .. عرض علينا طير طلع ولحاق عند صقار ليبي اسمه (الطيب الجراري)

وعندما اتفقنا على شراه وقبل ممشانا من السعوديه احد الاخوان صدنا عنه الله يهديه وماكتب الله انا نشريه
الحقيقه قنصنا وحنا نفسنا في هالطير. قنصنا بطيرين ( جمار )و(سلمان )
خذناها من السعوديه وكان اول مقناص لنا بها
.

البرد قارص ماحدنا عليه الا الحباري الله يجيبها
.

سعد دواس ونعم الرجل مثال طيب للرجل الليبي يفرض على من يعرفه احترامه . والشريف حاتم ال غالب واضح بين يدينه التلج
.

علي البرعصي من افضل الصقاقير اللي عرفتهم في حياتي شايل جمار
...
مر اليوم الاول واليوم الثاني طلع جمار وضيع طلعه مشينا وراه لقيناه موقع على رجم وقفنا دونه رميت اللوح وعندما اتجهت للوح برميه مره ثانيه
شفت الخرب مخمر ويتحفز للمطير . جمار خذ اللوح والخرب طار
عرضناه الطير الثاني وصاد بعيد .
وعند اقتراب السياره منه وجدنا الطير طير ثاني يمسحه . وتم طرحه .. وكان طير بسبوقه وواضح عليه طمول الحباري
كان من افضل المقانيص ذاك المقناص . الطيور صادت وسلمنا الصواديف ..
المفاجأه
المفاجأه مانيب قايلها لكم الا اخر الموضوع بسوي بكم سوات ربع خالي
.

سلمان على الحبارى . والطير الوحش يمسحه . ناسف لعدم وضوح الصوره
.

مضايف لسلمان الصوره غير واضحه
..

كان من افضل مقانيصنا وامتعها ..لكن في العوده واثناء تمرير الطيور حصلت حادثه على (جمار )
بعد وضعه في سحاره مع باقي الطيور
أخذت جمار وضفيته لوضعه في السحاره فسقط برقعه ونظر لي ولسان حاله يقول
هذا انت يالفيتو تكتفني وتحطني فالسحاره
فقلت لا انا اضفك واضعك مع إخوانك لقد أعطوني الضمانات بوصولك سالم .أنت عارفني يا جمار .
ماأضيق صدرك في شي أبداً الا شي واحد اعترف لك به وانت خابره وهو انك لاصدت ماتذوق الا نسر نسر
وإليا تخالطت الأظلام عشاك مسح ريش مهوب كره لك .حب فيك وعشان اضمن شوف فعلك
فالمهدات القادمه ..وش جابني لهالديار وغربني الا غلاك ياجمار

الحادثه السيئه
اللي جت على جمار؟ شوي اقول لكم
.

لقطه تذكاريه فيها (جمار ) والصقار عبدالسلام الزربي من المكاسب اللي كسبتها في ليبيا هذا الرجل .
وصلاح الازرق والله وسبعين نعم
.

الحادثه السيئه
جمار مات ومات معه طيور عند وصول الرحله المشؤومه
وعقب موت جمار نويت ماشيل طير واعتزل المقناص
.

لكن الصقار ياسرع مايسلى .
سبب سلواي هالطير درج من سمو الشيخ محمد بن سلمان ال خليفه حفظه الله . وسميناه ريمان
.

اللحظات الأولى لوصول ( ريمان) وكانت فرحتي به ماتوصف
الطير ماشاء الله صار فعله ملفت للنظر صاد الثلاث . اللي تحبه في الطير تلقاه فيه
(طلع .. لحوق .. جروه )
.

سبعه كراوين من المصيودات من جول عنده كلها فوق ومن افضل ايام مقانيصنا في الساحل وكان الجو شديد الحراره

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
▐░▒▓▐░▒▓ اريد شراء جهاز فى حدود ( 1500 جنية - 950 ريال ) ▐░▒▓ بماذا تنصحون ▐░▒▓▐░▒▓	محروم.كوم	منتدى أخبار المواقع والمنتديات العربية والأجنبية	0	10-20-2011 12:20 AM
░░░▒▒▒▒▒▓█ الدعاء للشعب السوري █▓▒▒▒▒▒░░░░	محروم.كوم	منتدى أخبار المواقع والمنتديات العربية والأجنبية	0	08-11-2011 06:00 PM
░ ▒ ▒ ▓ اذا ودك يصير إسمك بدل قوقل إدخل وغير░ ▒ ▒ ▓	محروم.كوم	منتدى أخبار المواقع والمنتديات العربية والأجنبية	1	05-20-2010 06:31 PM
▐░▒▓▐░▒▓ رابطة مُلاك الـ e72 ▐░▒▓ أسرار , برامج , العاب , ثيمات ▐░▒▓▐░▒▓	محروم.كوم	منتدى أخبار المواقع والمنتديات العربية والأجنبية	0	02-01-2010 11:40 AM
▓▓▒░ ► كيف تستفيد من عضويتك بالمنتدى ً◄░▒▓▓	أحلى رومانسية	الإستراحه العامة	17	04-12-2008 05:51 PM