منتدى استراحات زايد - ▓▒░ .... مفاجأه جميله وحادثه سيئه.... ░▒▓

بسم الله الرحمن الرحيم
السلام عليكم ورحمة الله وبركاته
مساء الخير ياجماعه
.
نوينا المقناص في ليبيا .وكانت وقت الا (حيط البراعصه )جاه وسم مبكر وربع ربيع ٍ طيب
ارض وعره وهواء صلف وضياع الطير ورى الطياراكيد بنسبة 90%
افضل طريقه تهد طيريكون طلع ولحاق واليا ضايف الطير تديره بالموتر وترمي بالبندق .
.(قبل تتوفر الاجهزه بهالكثره وهالجوده وقبل يدهل حيط البراعصه وتفتح فيه دروب كالوقت الحاضر )
يعني الطير الطلاع ماعنه غناه .. عرض علينا طير طلع ولحاق عند صقار ليبي اسمه (الطيب الجراري)
وعندما اتفقنا على شراه وقبل ممشانا من السعوديه احد الاخوان صدنا عنه الله يهديه وماكتب الله انا نشريه
الحقيقه قنصنا وحنا نفسنا في هالطير. قنصنا بطيرين ( جمار )و(سلمان )
خذناها من السعوديه وكان اول مقناص لنا بها
.
http://www.mekshat.com/pix/upload01/...k8575_czy1.jpg

البرد قارص ماحدنا عليه الا الحباري الله يجيبها
.
http://www.mekshat.com/pix/upload01/...75_czy (1).jpg
سعد دواس ونعم الرجل مثال طيب للرجل الليبي يفرض على من يعرفه احترامه . والشريف حاتم ال غالب واضح بين يدينه التلج
.
http://www.mekshat.com/pix/upload01/...75_czy (2).jpg
علي البرعصي من افضل الصقاقير اللي عرفتهم في حياتي شايل جمار
...
مر اليوم الاول واليوم الثاني طلع جمار وضيع طلعه مشينا وراه لقيناه موقع على رجم وقفنا دونه رميت اللوح وعندما اتجهت للوح برميه مره ثانيه
شفت الخرب مخمر ويتحفز للمطير . جمار خذ اللوح والخرب طار
عرضناه الطير الثاني وصاد بعيد .
وعند اقتراب السياره منه وجدنا الطير طير ثاني يمسحه . وتم طرحه .. وكان طير بسبوقه وواضح عليه طمول الحباري
كان من افضل المقانيص ذاك المقناص . الطيور صادت وسلمنا الصواديف ..
المفاجأه
المفاجأه مانيب قايلها لكم الا اخر الموضوع بسوي بكم سوات ربع خالي
.
http://www.mekshat.com/pix/upload01/...75_czy (3).jpg
سلمان على الحبارى . والطير الوحش يمسحه . ناسف لعدم وضوح الصوره
.
http://www.mekshat.com/pix/upload01/...75_czy (4).jpg
مضايف لسلمان الصوره غير واضحه
..
http://www.mekshat.com/pix/upload01/...75_czy (7).jpg
كان من افضل مقانيصنا وامتعها ..لكن في العوده واثناء تمرير الطيور حصلت حادثه على (جمار )
بعد وضعه في سحاره مع باقي الطيور
أخذت جمار وضفيته لوضعه في السحاره فسقط برقعه ونظر لي ولسان حاله يقول
هذا انت يالفيتو تكتفني وتحطني فالسحاره
فقلت لا انا اضفك واضعك مع إخوانك لقد أعطوني الضمانات بوصولك سالم .أنت عارفني يا جمار .
ماأضيق صدرك في شي أبداً الا شي واحد اعترف لك به وانت خابره وهو انك لاصدت ماتذوق الا نسر نسر
وإليا تخالطت الأظلام عشاك مسح ريش مهوب كره لك .حب فيك وعشان اضمن شوف فعلك
فالمهدات القادمه ..وش جابني لهالديار وغربني الا غلاك ياجمار

الحادثه السيئه
اللي جت على جمار؟ شوي اقول لكم
.
http://www.mekshat.com/pix/upload01/...75_czy (6).jpg
لقطه تذكاريه فيها (جمار ) والصقار عبدالسلام الزربي من المكاسب اللي كسبتها في ليبيا هذا الرجل .
وصلاح الازرق والله وسبعين نعم
.
http://www.mekshat.com/pix/upload01/...75_czy (5).jpg
الحادثه السيئه
جمار مات ومات معه طيور عند وصول الرحله المشؤومه
وعقب موت جمار نويت ماشيل طير واعتزل المقناص
.
http://www.mekshat.com/pix/upload01/...75_czy (9).jpg
لكن الصقار ياسرع مايسلى .
سبب سلواي هالطير درج من سمو الشيخ محمد بن سلمان ال خليفه حفظه الله . وسميناه ريمان
.
http://www.mekshat.com/pix/upload01/...75_czy (8).jpg
اللحظات الأولى لوصول ( ريمان) وكانت فرحتي به ماتوصف
الطير ماشاء الله صار فعله ملفت للنظر صاد الثلاث . اللي تحبه في الطير تلقاه فيه
(طلع .. لحوق .. جروه )
.
http://www.mekshat.com/pix/upload01/...5_czy (10).jpg
سبعه كراوين من المصيودات من جول عنده كلها فوق ومن افضل ايام مقانيصنا في الساحل وكان الجو شديد الحراره