أَلم جرُحه وصَل ليُن الَعظًم ! مِثلٌ آلشُتِآء بآِرد أبٌد مآِفيهُ دفـِـآ ! ومثلُ الغَدِرً مآِفيهُ صٌفآِت منٌ الوُفـآِ! - الصفحة 3

مـآني مـثڵ غيًري» · #1 05-14-2012, 10:06 PM

السلام عليكم ورحمة الله و بركاته حبيت اليوم انزللكم روايتي

و انشاالله اتعيبكم
بسم الله الرحمن الرحين و يالله نبدأ..

ألَم جرُحه وصَل ليُن الَعظًم ! مِثلٌ آلشُتِآء بآِرد أبٌد مآِفيهُ دفـِـآ ! ومثلُ الغَدِرً مآِفيهُ صٌفآِت منٌ الوُفـآِ! / بقلمي

الحياة عبارة عن عوائق نتخطاها لنكمل حياتنا من جديد

تلمنا الشمس بالحنان و لكننا لا نعثر عليها دائماً

نجلس و نحن ننتظر لمسات السحر اللتي تبث فينا الحياه من جديد

ما اقسى ان تسجن من الصغر و تنغلق عليك الحياة و تكون لك بالمرصاد

البارت الأول ،،

::.. يــوم الخميــــس ..::

أذن الفجر سمعت الأذان نشت عسب اتصلي قرت كمن آية و ردت رقدت.

على الساعة 6:30 نشت تتلبس حق المدرسة

سارت الحمام خذت شاور ع السريع و لبست ثياب المدرسة كان مريول كحلي طويل و تحته قميص ابيض مخطط بالكحلي و فيه كلر و طبعا كُم طويل، سارت لبسته و اتعطرت و سارت عند التسريحه تربط شعرها على فوق كانت طالعة كيوت

سارت اتوعي هند

اختها هند تكره نواري وااااايد هند اخت نواري من امها و ابوها عمرها 23 سنة و عادية مب حلوة ولا خسفة

دقت الباب : دق دق دق ،محد رد فدخلت سارت عند سريرها نواري : هند..هند...هندو نشي بتتأخرين

نـوره دوم يدلعونها نـواري عمرها ١٦ سنة ثاني ثنوي ، بنية حبوبة و مرحة و تحب الكل وااايد حليوة و اللي يشوفها لازم ياخذ باله عيونه عن اتطيييح !! شعرها بندقي على اشقر طبيعي لين نص ظهرها و ما مخلية قصة ما قاصتنها (( قصة الأسد على فراولة على تفاح و انناس )) باختصار اسد مسوي رجيم عيونها عسلية وسااع و رموشها غليظة و طويلة شفايفها مليانة احلى شيء فيها خدودها الورية واللي على اي شيء تحمر و إذنها الصغيرة واايد و خشمها الحاد ( حلوه بكل ما فيها ) او صح نسينا جسمها جسم عارضاات بس بنيتها هزيلة و هي دوم مبتسمة ما تحب تحسس حد عن اللي داخلها . هند:همممممممممممممممممم نواري: يلا قومي نشي هند اول ما شافت نواري قامت معصبة لدرجة ان نواري زاغت هند ( تصارخ ) : أنا كم مرة قلتلج ما اتدشين حجرتي والله بتشوفين لو دشيتي مرة ثانية بلعن خيرج فاااااهمة!!!!

نواري: ........................

هند ( تصارخ ) : أنا ارمس الييدار ولا شو يمكن لو رمست الييدار بيجاوب

نواري( فخاطرها ) : امييييييييه هاي بلاها توني راقدة اتغير ويها 180 درجة من شافتني

نواري : فاهمة......

عقب طلعت

كانت اتصيح ف حجرتها بس اتمالكت عمرها و نزلت

عهود: هندو ودي نوره المدرسة والله ما اقدر تعبانة هند: والله مب متفيجة عشان اتأخرني عن كلاساتي خلها اتسير مشي أم هند : بتودينها غصب عنج على الأقل بتحصلين فيها أجر

هند :أنزيييييين ( مدت على الياء ) يلا طوفي جدامي عن اتأخريني انت

عهود: يا الله هنودة مهما كان هاي اختج

هند : اولاً مب متفيجة و ثانيا هاي مب اختيه

عهود : سيري وديها احسنلج ,, يـــلا

نواري كانت مصدومة من كلام هند و الدموع كانت عي عيونها بس ما صاحت حبست الصيحة و في نص الطريق ...............................

هند : يلا انزلي كملي مشي انا مب مستعدة اتأخر نواري مصدومة ) هااااااااااااااااااااااا؟!!!!؟ هند : ما قلتلج استوي سوبر مان بس انزلي .............. يلا شو تتريين انزلج !!!!؟

نواري: نزلت و هاي المرة و ما اتسحملت صاحت بدون صوت و تقول في خاطرها : ليش اتسوي جي ليش والله ما سويتلها شيء, عقب نص ساعة وصلت المدرسة سارت الصف يلست على مكانها و الدموع في عينها ...عـقب 10 دقايق بدو البنات ايون .. لطووف و حصووصه شافو نواري اتصيح و راحو صوبها .

حصووصه : ربيعة نواري واايد وياها ثلاثي المرح هي و نواري و لطوف , حليوة و ما عليها كلام شعرها اسود و طويل و خشمها صغير و شفايفها الحادة

لطووف : عمرها 16 سنة و يا نواري في الصف و وااايد اتحب نواري و حصو و هي اخت حصووصه، هي و حصووصه توم بس ما يشبهون بعض لول ، هي قصيرة و حليوة عيونها واسعة و شفايفها مليانة و خشمها حاد

لطووف : بلاج بعد والله دموعج بتخلص

حصووصه : قوليلي منو و انا براوي والله محد يستاهل دموعج

نواري : اا...ااخ...اااخخخت.....اااختييييييي و اتصيح

حصووصه : بلاها اختج ارمسي عدل عشان نفهم

نواري: قالتلي انت مب اختي ( اتصيح ) و اليوم نزلتني من سيارتها خلتني اكمل مشي

لطووف: هاي ما اتخاف ربها جي اتسوي اللي من دمها و لحمها!!!!

حصووصه : حرام عليها اتسوي جي

نواري : والله مما سويتلها شيء والله

لطووف : والله اعرف احين خليها انت طلعي كتبج و خليها اتولي عن تاكلج الأبلة

نواري : أوكي

بدت الحصة الأولى و الأبلة يت و مر الوكت و الحصص .. للمعلومة كان يوم الخميس هم كل خميس يخلصون قبل الساعة الوحدة و بس 5 حصص............................................... ...........

دق جرس نهاية الحصة الرابعة و طبعاً بداية الحصة الخامسة البنات طلعو الكتب و تمو يسولفون لين ما اتي الأبلة نواري : بنات ( تقصد لطووف و حصووصه) ابا افتح وياكم سالفة بينا بس وعد اتقولولي !

حصووصه: شو وعد و انا ما اعرف شو السالفة اصلا !!؟!

لطووف : الله يعين شو وراج ( كستت شوي )................ ليكون شردة لا لا عاد هاي احلمي عشان يفصلونا من المدرسة !!

حصووصه : اخاف يردونا الروضة لااا لاا مابا اكون ( وقفت على الطاولة و قالتها بالمصري بطريقة اتضحك : الهبلة الطويلة اللي بينهوووم

الكل : ههههههههههههههههههههههههههه شهد: والله ذكرتيني بهاي الأبلة

شمسة : ولا تتذكرون معلمة العربي الفلسفجية و شبه مينونة

الكل : هههههههههههه

علياء : سارت عند السبورة تمثل أونها هي ( تصارخ ) : انتوا ما تستحون ما فيكم حيا تستهبلون هاااا اللي يستهبل خله يكمل استهباله عند أبلة شريفة

حصووصه : عليوه والله بتتعبين لا تنسين هاي يوم تتفلسف علينا اتطيح في جبدنا لين ما اتخلص الحصة و هي بعدها ما خلصت تفلسفها

الكل : ههههههههه

نواري : والله هاكي اليوم خيستني بتفالها و جريب بتدش فيني

علياء : هي اقولكم بخصوص الأبلوات وينها ؟

حصووصه: منو؟

علياء: منو بعد أبلة الدين

شهد :هاي واايد اتغيب اكيد غايبة ......... زين منو بيي وياي عند المشرفة نسألها إذا غايبة ؟

نواري : قبل ما اتسيرون شو رايكم نسير الألعاب و نرد أيام و ذكريات قبل تتذكرون

شهد :أحلى أيام الصراحة

حصووصه :بس كيف انسير و هاي واقفتلنا

نواري : وانا هني كل شيء ممكن هاهاااااي لطووف: فديت ها الضحكة بس

نواري : ضحكة الشر و الغرور هاهاااي

شمسة : منو قدج كل شيء له ضحكة

حصه : انتي منو رمسج ......... أفـــــفففف دوم اترز ويها و أصلا انتي شو حارنج و اعرفج اتغارين

الكل : ههههههههههههههههههه

بترمس بس علياء قاطعتها : اييييييييه انتوا كملوا ضرابتكم بعدين أحين كيف نطلع من القسم ؟!؟!

نواري :هااي دومها في حجرة الأبلوات تبلع ترا هاي الكرشه ما يت من العدم اول ما اتدش بسهولة بنطلع

حصووصه : اوكــي

عند المشرفة منــيرة ^^

نواري سارت عندها

نواري : هــلا والله ,, شحالج معلمة ؟

المشرفة : الحمدالله بخير ,, انتوا شكلكم وراكم شيء ! نواري: ليش ورانا شيء ... يعني حرام اسلم عـليج ؟!

المشرفة : اوكي انا بدش عند الأبلوات لا اتخلين حد يطلع

نواري : لا اتوصين حريص

وردت الصف

نواري :يلا بنات !!! ( وطلعو ) حصووصه: واخيــــراً الحرية !!

نواري : ههههههههههههه

شمسة : يلاا بنات تعالوا !!

نواري: انا هاي واايد تقهرني انتوا هدوني عليها وانا براويها ,, اونها بعد مسوية عمرها البوس ,, والله ما ولدته امه اللي يمشيني على مزاجه !

حصووصه : شكلنا بنشهد وفاتها على ايدج هههه

لطووف : البنية حالتها حالة وانتي يالسة اتنكتين ,, مووول مب وكتج و وكت نكتج

حصووصه: أففففففففف ,, يعني لازم اتغصصين على الواحد

نواري : جب وانتي والثانية تعالو نيلس فوق بقولكم شيء

لطووف : شو؟

نواري: تعالي و بقولج ( سارو عند الألعاب )

نواري: اقولج في مرة حبيتي حد؟

حصووصه ( بأكبر علامة تعجب على الوجه ) : نـعم انتي شو اتقولين ,, شكلج استخفيني ,, وإلا شكلها الإخت استوت عاشقة

نواري : بلاج حلجج عن يطيح ,, لا.. لا.. لا تفهمين غلط ,, انت مشكلتج ويا تفكيرج هذا

حصووصه: الصراحة .. الصــراحة انا عشقت مرة وحدة في حياتي وندمانة عليها ندم للأسف كانت غلطة مني و لين احين ما صححتها بس شو اسوي دام الإنسان هذا له جاذبية غير مقاومة

لطووف : تراج ذليتي اخلاقنا قولي منو و خلصينا

حصووصه: وحدة يالسة عندي اسمها نوره

نواري : حــيواااااانة ,, هذا يزاي مرابعة وحدة مثلج

حصووصه كانت مغمضة عيونها و حاطه إيدها على راسها

لطووف :حصوو بلاج

حصووصه: اتريا فلعة بالنعال

نواري: لا لا فديتج انتي غالية و ما تستاهلين فلعة بالنعال ( وصارخت و ركضت وراها ) إلا مب بس بالنعال بالطابوق

حصووصه ( تصارخ ) لطووف الحقيني ,, واللي يرضا على والديج اللي هم ماما وبابا يوديها ما اقدر اركض

لطووف: آآآآآآآآآآآآآخ بطني بموت من الضحك

( وإلا اتشوف أسماء أبلة شريفة و تركض تشرد منها << ابله شريفة الوكيلة واااايد عصبية و عادي عندها اتسوي اي شيء أبلة شريفة( اتصارخ) : انتوا شو اتسوون هني

حصووصه: اقوولج اركضي أبلة شروف وراي ..

نواري : شـــــو ؟؟!!!!!

حصووصه: اقولج نورو اتلثماي عسب ما أتعرف منو

نواري : انتي غبية اتقوليلي اتلثماي و يالسة اتصارخين بإسمي !!!

حصووصه : جــــب جـــب لااا

( سارو انخشو في الصالة الرياضية )

حصووصه : كلا منج تبين تفلعيني بالنعال هااااا!

نواري : تستاهلين

( سمعو صوت وراهم )

........... : هــلا بالحلوين

( حصة و نوره صدو مرة وحدة )

نواري ( تصارخ ) : آمــــي.. هذا من وين طلعلنا ( حطت ايدها على حتفها عشان تلبس شيلتها

نواري ( معصبة ) : كلا منج يا الحمارة !! حتى شيلتي ما ادريبها وين شـــــو اسوي احين !؟؟؟!!!!!

حصووصه: اعصاب ويهج!

........: والله انا ما آكل ... اصلاً جي بدون شيلا أحلى

نواري : يا الخايس قوم عن ويهي ( و ركضو برع )

نواري : كلا منج و من نكتج هااي شوفي وين ودتنا اولا طلعتلنا أبلة خدووي و بعدين ما ادري من وين طلعلنا ها الساحر

حصووصه: خلاص .. خلاص ذنوبج علي انا انتي اتبري منها و انا بتبناها و بكفلها و بأكلها استغفار لين ما تصغر و تتلاشى

نواري: هاااهااااهااا ضحكتيني

تعب : ادري انا حتى اللي زعلان مني غصب عن ابو ابو ابو ابو مرت خال ابو يده عمه ولد اخته يضحك او حتى يبتسم

نواري : خيــــــــــبة ،، والله انتي ماخذة بعمرج مقلب ابو ابو ابو ابو مرت خال ابو يده عمه ولد اخته مرة وحدة !!!!!!!

حصووصه : بل تتذكر بعد ، ذاكرة فيل مب انسان

نواري : قولي ماشالله اخاف تحسديني

حصووصه : شو جايفتني ؟!!!

نواري : قولي والله ما بتنقصج ايد

حصووصه : يالله ولا تزعلين ماشالله

نواري : هههههه والله انج نكتة

حصووصه : خلنا انرد حق لطووف شكلها ملت

نواري : يلا

راحو صوب لطووف

لطووف : وييي ويي حصوو ويهج مستوي ازرق

حصووصه : هااااااا؟!!

لطووف : نواري انتي ما فلعتيها ؟؟؟

نواري : انا افلعهااا !! كيف افلع الغالية

لطووف : و انا مصدقة و يايبة علبة الإسعافات

حصووصه : عن الخرط الزاايد

لطووف : كان في خاطري اسوي جو شوي

نواري : مـــــالت !!

لطووف : ترا دق الجرس قبل شوي

حصووصه : يلا انسير

نواري : امممممم

لطووف : بلاج؟

نواري : ما اعرف كيف اقولج بس يستوي اتوصلوني لو مافي حرج بس اليوم

حصووصه : أفااااااااااا نواري الغالية شو ها الكلام اللي اتقولينه اكييد عادي و لو تبين كل يوم بنوصلج

نواري : مشكورة حصوو و ما اعرف كيف اردلج إياها

لطووف : ليش في شيء اسما اصدقاء .. عشان يوقفون وياج صح؟

نواري : مشكورين و ما اتقصرون

حصووصه : خلنا نلحق يلااا

((( و ركبو السيارة )))

في السيارة

لطووف : يلا وصلنا

نواري : مشكورين حبايبي و ما اتقصرون

حصووصه : نورو بلاج جي ترمسين اليوم جنه وحدة عيوز

نواري : سخيـــفة !

نواري : بااي

حصووصه + لطووف : باايات

صوب نواري

دخلت البيت و حصلت عهود في ويها

عهود : يا اللي ما تستحين شاردة من المدرسة و راكبة و يا وااحد

نواري : أأ.........أ

عهود ما رحمتها ضربتها ضرب ما رحمتها مول

عهود : ما تطلعين من الحجرة فاااهمة !!!!

و قفلت عليها الحجرة

و تمت اتصيح و اتصيح و اتصيح لييييين .................

عهود : نـــوره .. نـوره والصمخ يلا انزلي عنا ضيوف

عهود مرت ابوها واايد اتغار من نوره عشانها احلى و ارملة ابوها و عمها في نفس الوكت و هي كانت السبب في تشتت علاقة الأخ بأخيه

نواري ( مسحت دموعها ) : انشاالله

عهود : قبل ما تنزلين لا تنسين اتسوين عصير و اتضيفينهم

نواري : انشاالله

غسلت ويها واتمكيجت عشان ما تبين الكدمات اللي على ويها من الضرب, لبستلها كندورة نمرية و رفعت شعرها بطريقة حلوة و نزلت المطبخ اتسوي شيء اتضيف فيه

هند : يلااا ما خلصتي

نواري : احيين احيين

و طلعت نواري و هي شاله صينية العصير و دخلت الميلس اللي يالسين فيه الضيوف

نواري : السلام عليكم

الكل ما عدا عهود : و عليكم السلام

عهود : بلاج واقفة ضيفيهم

نواري : انشالله

قدمتلها العصير و يلست ،، اول ما يلست اشرتلها عهود بنظرات فهمتها ،، و اول ما كانت بتقوم

ام خلف : وين يا بنتي ايلسي

ام خلف جارتهم و هي ارمله عندها ولد واحد اسما خلف عمره 25 سنه

نواري : امم بسير ورااي تنظيف و جي

ام خلف : و ليش انتي اللي اتنظفين ؟

نواري : ترااا الخدامة شاردة من اسبوع و الوالدة دومها مشغوله و اختي وراها جامعة

ام خلف ( فخاطرها ): يحليلها والله قالت الوالدة الله يرحمها

ام خلف : و انتي ما اتذاكرين

نواري : لاا خالو اذاكر و يوم اخلص انظف

ام خلف ( حست ان في شيء ورا الموضوع ) : اهاااا

و طلعت نواري

عهود اتعذرت : شوي اختي بروح و برد

ام خلف : عذرج معاج

~~~~~~~~~~~~~~~~~~~~~~~~~~~~~~~~~~~~~~~~

نواري كانت تصعد الدري تبا اتسير غرفتها بس صوت عهود وقفها : انتي شو كان قصدج

نواري : شووو ما فهمت ؟

و طراااااق على ويها سمرها في مكانها

عهود ( اتصارخ ) : كنتي يالسة اتقطين خيط و خيط و اتقولين ما سويت شيء يال****

نواري صااحت : انا ما سويت شيء غلط

عهود : لااا و بعد اتراددين ،، و نعم االتربية ، مب منج من اللي ما عرف يربيج لو امج و ابوج ما عرفاو يربونج انا اللي بربيج و بقص لسانج

نواري اتصيح : امي و ابوي لا تطرينهم على لسانج الوصخ هذااا !!

وصراااق ثاني على ويها : جــــب !!!

و خلتها عهود في مكانها اتصييح و اتصييح

دخلت عند ام خلف : السلام عليكم

ام خلف : و عليكم السلام

عهود : شو الموضوع اللي بغيتيني فيه ؟

ام خلف : والله ما اعرف شو اقولج

عهود بإهتمام : .................

ام خلف : ولدي خلف كبر و ماشاالله يشتغل شغله مرموقة و شهادة جامعية وما ناقصنه إلا وحدة يكمل بها نص دينه و انا اليوم هني اخطب بنتج هند لولدي خلف

عهود تشق الإبتسامه ويها : هااي الساعة المباركة والله شرفتينا و نحن نتشرف اناسبكم و انا من احين موافقة بس اتعرفين لازم ناخذ راي البنت لأن هذا قرار يخص مستقبلها هي و اكيد فاهمة ها الشيء طبعاً

ام خلف : اكييد

ام خلف : عيل انا اترخص عنكم

عهود : لاا وين اتسيرين بنزهب الغذا احين

ام خلف : المرة الياية انشاالله

عهود : على راحتج

وصلتها لين الباب و ردت اتبشر هند

عهود : مبرووك هنودة !!

هند : على شو ؟

عهود : انخطبتي

هند بصدمة : شووووووو !!!!!

عهود : قصري حسج مابا الطيطارة اتعرف

هند بوزت : انا مب راضية ما اباااه

عهود : كيفج هوو ،، اصلا الواحد يتمنى ولد مثله فلوسه تغطي عين الشمس

هند : و كل همج عند الفلوس صج مادية

وصرااق على ويها

هند منصدمة: .............

عهود : توا ضاربة اختج و احين انتي انتوا محد يتعامل وياكم إلا بالضرب!

هند : اولاً لا اتقولين انها اختي هي مب اختي ولا عمرها بتكون اختي و انا ما اتنزل ان هااي الطيطارة على قولتج اتكون اختي و ثانياً انتي .. انتي اتمدين إيدج على انااا ههـ صج ان الدنيا دواره

عهود تهددها : اياني و إياج لو ما وافقتي عليه سااامعة !!

هند : افـــــففففف

و دشد حجرتها

هند اتصيح : سمعت سمعت شو استوا

*******: شووو؟

هند : يبون ييوزوني واحد غيرك

*******: شوووووه انتي شو اتقولين !

هند : والله

*******: انا شارييج و في دقيقة اتضيعين مني انا ما اسمح

هند. : كله منك انا قتلك اخطبني اخطبني

*******: خلاص يا بنت الناس انا بشوف حل

هند : بنشوف !

و سكرت ))

صوب عهود

******: لقائنا وياج بعد يومين

عهود : اوكي راشد ، بـس الساعة كم ؟

راشد : مممم تعالي الساعة 11 فليل تقريبا يبالنا ساعة عشان انخلص الشغله

عهود : اوك

::::: يـــوم الجمـــعة :::::

"" صوب هند ""

عهود : هنودة حبيبتي يالله بنسير بيت اختي

هند : اوكي

عهود : بسرعة عسب ما نتأخر

هند : بس لازم نــوره اتي اكيد بيسألون وينها و ليش ما يت

عهود : هيي صح ,, سيري خبريها

""" صوب نــواري """

هند دشت بدون ما اتدق الباب

هند : حوووو يالله نشي بنسير بيت خالو

نــواري : أنـــــــا ؟!!

هند : لاا الجني مثلاً !

نـــواري : اوكي (( كانت بتدش الحمام بس صوت هند وقفها ))

هند : لا تتحرين بنوديج عشانج مسكينة ,, لا عشان كلام الناس

نـواري ما قالت شيء

دخلت الحمام و اطلقت العنان لدموعها : ليش اتخربين كل لحظة في حياتي انا اللي مالي غيرج في هاي الدنيا و جي اتعامليني لييش ؟؟ لييش !! بس طول عمري بتم احبج لأني مالي غيرج مالي غيرج

خذت شور و لبست سكني اسود ويا قميص رمادي و فوشي فاقع و فوقه سويتر اسود و لبستها اكسسوار وردي فاقع و رفعت شعرها بطريقة كيووت و نزلت و راحو بيت اخت مرت ابوها

وصلو و نزلو

ام راشد : السلام عليكم توا ما نور البيت

عهود : والله لج وحشة يا اختي

ام راشد : و انتي بعد يا القاطعة ((و تصد صوب هند تبا اتسلم عليها ))

ام راشد : السلام عليكم هنودة

هند : و عليكم السلام

ام راشد : مبرووك يقولون انخطبتي

هند ( تغيرت ملامح ويها ) : الله يبارك فيج

ام راشد لاحظت : بلاج حبيبتي ؟

هند : سلامتج

نــوف نازلة من الدري : هلآ والله و انا اقول من وين ها النور

نـوف : نورتونا

عهود : النور نورج حبيبتي

نوف تتوجه صوب نواري و تحضنها : ماالت عليج لج وحشة يال قاطعة والله احبج

نواري : ههههههه

نــوف : بلااج ؟

نواري :الجملة ما تركب على بعضها كيف ماالت عليج لج وحشة يال قاطعة والله احبج منقعة من الخااطر ؟؟

نــوف : حسيتي ، ههه مالت عليج

نـواري : بلاج معلقة على مالت عليج

نــوف : ماالت عليج

نــواري : سخييييفة !!

نــوف : مـاما انا و نواري بنسير فوق

ام راشد : اوكي , خذي وياج هنودة

نــوف ( مدت البوز شبرين ) : اوكي

هند : لاا خالو انا اصلاً ابا اتم هني

ام راشد : على راحتج بنتي

**نوف ** بنت اخت مرت ابوها << عااد افهمو حبوبة واايد و اتدش القلب عمرها 17 سنة ثاني ثنوي وواايد اتحب نواري حليوة ما عليها كلاام

نــوف :شو رايج نطلع اليوم !!

نواري : والله ف خاطري اطلع من زماان ما طلعت بس ما اتوقع عهود اتوافق

نــوف : ما علييج بتوافق اصلاً بتستحي اتقول لا جدام امي ماالت عليها الله ياخذها

نواري : عيب عليج مهما كان هاي خالتج

نــوف : خالتي على العين و الراس بس انا ما اتشرف ان هاي اتكون خالتي الله ياخذها قولي آمين

نواري: عيب عليج

نــوف ( ابتسمت ) : والله انج اصيلة مافي منج اثنين

نـواري ( قلبت حمره ): بــس استحي

نــوف : افــفففف والله اغاار منج انا !.. افــفف احلى مني

نــواري : والله انج قمر

نــوف : يلا نسير عند امي نخبرها إنا نحن طالعين

نــواري : اوكي

في الميلس

دخلت نوف و نواري

نــوف : ماما عادي نطلع نغير جو انا و نواري ؟

ام راشد : انا موافقة بس شوفي خالتج

عهود : اكييد حبيبتي سيرو استانسوا و اتعشوا

نــوف : ثانكس خاالو

عهود : تعالي امي نواري بعطيج فلووس

نــوف : لاا عاد خالو بزعل ترا

عهود : على راحتج .،( تصد صوب نواري )بس لا اتخسرينها يويلج

نواري ( مستغربة ) : .......................

و راحو فوق

نــوف : قتلج ما بتقول لااء

نواري : والله انها عجيبة ما افهم تفكيرها موول

نوف : ما عليج هاي جدام الناس ملااك بس ورااهم الله اعلم بس لااا خلينا منها

نــوف مدتلها شنطة صغيرة

نواري : شو هااا

نــوف : مكياج حطي على الأقل روج شيء ما يستوي اتروحين جي

نواري : وين رايحة عرس !!

نــوف : حطي انتي شوي ولا امسكج و صج عااد اوديج عرس

نواري :أفـــفففف

نــوف : يلا عاد اتكشخي شوي

نـواري : انا حلوة بدون ميك آب

نــوف : والله انج حلوة بدونه بس وياه احلى

نـواري : انزين

نوف اتمدلها كعب

نوف : اندوج

نـواري : لا عــاد مصختيها تراج عشان اطيح على ويهي شو طووووولع

نــوف : يلا نواري

نـواري : سيري لااا

نــوف : عشان خاطري

نواري: اوكي بس عشان خاطرج

نواري و نوف طلعو كانو رايحين دبي مول دريول نوف هو اللي وصلهم ....

في السيارة رن مبايل نوف ردت بدلع:آلوووووو

عبيد: هلا والله فديت الدلع و الله ما اقدر بذوب

نوف ( بدلع ) : بـــس لااا... انا استحي

عبيد : فديت اللي يستحون ... أقولج احين انا ياي دبي مول اترياج قلبو ....وين نتلاقا؟

نوف : ما ادري على راحتك

عبيد : اوكي عيل بشوفج عند كافي مور

نوف : اوكي سي يو !

( سكرت نوف من عبيد )

نواري : انت ما اتيوزين عن حركاتج !
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طباخ هندي مسلم + ليسن مركبة خفيفه خبرة 10 سنه في الامارات في الطبخ	محروم.كوم	منتدى أخبار المواقع والمنتديات العربية والأجنبية	0	04-01-2012 01:10 AM
[ طلب توظيف ] : مصمم جرافك, مصمم جرافكس, مصمم لوجو, مصمم مواقع, مصمم ويب,	محروم.كوم	منتدى أخبار المواقع والمنتديات العربية والأجنبية	0	11-10-2011 05:10 PM
رقم يجب أن يكون مخزن في جوالك فقد تنقذ به عرض مسلم أو مسلمة	ساكتون	الإستراحه العامة	4	05-17-2010 11:29 AM
رقم يجب أن يكون مخزن في جوالك فقد تنقذ به عرض مسلم أو مسلمة	محروم.كوم	منتدى أخبار المواقع والمنتديات العربية والأجنبية	0	05-16-2010 08:10 PM
بــلآ פـب بـلآ أۈجــِـآ آ ع قـِـلـَـِب . . ~*!	يآ غدآرهـۃ	هواتف , مسجات , وسائط , برامج , ثيمات , نغمات , بلوتوث	21	05-17-2009 06:12 AM