| ||||||
 |
| | LinkBack | أدوات الموضوع | انواع عرض الموضوع |
|
#1
04-28-2012, 10:47 PM
| ||
| ||
| عايلة بو حمد بو حمد :الاب الطيوب واللي يحب عياله وايد ودايما يدلعهم باعتبار ان امهم توفت نتيجة الاصابة بالسرطان وهو عمره 39 حمد :اكبر واحد فيهم وعمره 23 وهو يدرس في الجامعة وفي تخصص هندسة طيران ويحب خواته وايد ويخاف عليهن وطبعا محير لبنت عمه ميرة بس هو ما يبغيها يعني بس مجرد كلام انه هو حقها وهي حقه جمانة :ححححلوة وايد ..ولا هي طويلة ولا قصيرة ..تحب الاكل وايد ومدمنة النت بس مشكلتها تنسى بسرعة وعمرها 19 وهي في جامعة زايد في تخصص البزنس احلام :حلوة وملامحها سيوفية تحب نفسها وايد تبغي كل شيء حقها وما تحب الدراسة كلللش وهي الكل بالكل في البيت وعمرها 14 حمد:يا الجلبة اقلج بطلي الباب شو ما تفهمييين >>وخلاص هو متنرفز وواصل حده من اخته احلام احلام :ما ببطل اشوف شو بتسوي وبعدين انت من قالك بتضربني ابوي موجود وما يرضى علي حمد :جب مسودة الويه جي سجلتي في القيمزر ما قلت لج لا تسجلين مالت عليج هالموقع مب زيييين الاخت حابة تجلطني شووو احلام :ايهي علينا انا بس كنت ابغي العب حرام يعني بعدين يا مستر حمد انا ملانة سووم مج ياخي كيفي والله حمد :اوكي يعني انتي ما بتطلعين من الحجرة انا بوريج يا احلاموووه يا دريم لاند وجان يروح حمد وهو مفول على الاخر من اخته وركب سيارته وروح صووووب ربيعه خاااالد اوه نسيت ما عرفتكم على خالد وعايلته عايلة بو راشد بو راشد 44 وام راشد 40 خالد ((21))ربيع حمد وبنفس الوقت ولد عم حمد ..يحب حمد ويعزه ودايما يكون معاه يعني توأم روحه وعنده 3 اخوان وواحد اسمه راشد((26 ))ومتزوج وحدة من برع العيلة واسمها نورة ويحب مرته وايد وعنده بنت وولد شيخة وعلي وهو توأم والثاني جاسم ((18))ومغازلجي لحد فظيييع ومشكلجي ودايما يسولف ويمزح والثالث هزاع ((16))وهادي ولا يخصه بالناس ودايما مجابل لابتوبه وبي بي ماله وعندهم اخت اسمها ميرة وهي بعدها تدرس واخر سنه لها وعمرها 18 وهي حلوة وملامحها تذبح بس شوي دبة وملسونة .. نسير صوب خالد وحمد في دبي مول صوب كوفي شوب حمد ((وهو مضايج وسرحان وشاف من بعيد ربيعه خلود ياي )):عنلات شكلك يالهرم ما بغيت تيي وينك ياخي من متى اترياك خالد :ياخي ظروف الحياة شفيك يا السبال حمد :قوم قوم لا تيلس يا الخاين خالد :افا لييش ؟ حمد :جب تسوي عمرك ما تعرف عن شو ارمس ! خالد :ليش انا شسويت ؟ حمد :ها يا الهرم عيل تتصل في اختي احلاموه وتشيش راسها وتقول ان موقع جيمزر حلوو شفيك انت تبا تخربها خالد :بل بل ما يسوى علي اتصلت هي قالتلي انا ملانة قلت لها احدري الجيمزر حمد :ايه قوم نغازل كمن غرشوبة ونصيد فريسة >>وطبعا خالد وافق .... نروح احين صوب ميروه وبالتحديد في المدرسة وهي في الحمام قاعدة تصيييح وتشاهق وتحس ان قلبها بيطلع من مكانه ...الاخت فيها ربو وما عندها البخاخ عسب تعالج نفسها فتمت تصيح والذكية ناسية ان تروح عند النيرس تدور يمين ويسار عزكم الله وتحس بدوار فظيييع وآخر ششيء اغمى عليها في الحمام ...>>وطبعا كان عليهم عربي والمس لاحظت ان ميرة تمت ربع ساعة في الحمام جان تقول لربيعة ميروه واسمها شوق روحي شوفي ميرة بلاها تأخرت فشوق راحت الحمام وشهقت لما شافت ميرة طايحة على الارض وجان تقول شوق لميرة :مييرروووه حياتي بلاج ميروه لا تستهبلين ميروه الله يخليج قومي وطبعا ميروه لا حس ولا خبر ولا تدري بالدنيا فشوووق ركضت بسرعة عند النيرس وقالت لها ان في بنية طايحة في الحمام فكل بنات صفها شافوا ميرة وهي غميانة وخافوا عليها وتموا في الحصة لا يجاوبون ولا شيء لانهم يحبونها ويعتبرونها شرات اختهم واكثر عن اختهم بعععد ..ونروح صوب ميرة اللي النيرس كانت تعرف ان فيها الربو فاتصلوا على ابوها وقالوا له ان بنتك طايحة وتعال خذها المستشفي وفي ذاك الوقت ابو راشد اللي هو ابو ميرة كان عنده دوام فاتصل على ولده خالد وقال له انه يروح ياخذ ميرة من السكول وهو خايف على بنته وقاعد يتلعثم ويرتجف من الخوف وقال انها غغغغي..مانة ..وخالد كان مع حمد في ذاك الوقت ويوم سمع حمد حس شي في قلبه حس انه خايف عليها ولكن هو تجاهل هاي المشاعر وقال اكيد هاي اعتبرها مثل اختي واخاف عليها وهم في الطريجج خالد كان يسوق 140 وبسرعة جنونية حمد قال له :شوي شوي استهدى بالله ولكن خالد ما رد عليه حمد ((وهو خايف)):ايييه اقلك شوي شوي بتروحنا انت >>وخالد والشرارة في عيونه وزاد السرعة اكثر فحمد بلع ريجه وسكت لين ما وصل خالد سكول ميرة ووداها المستشفى تقريبا مر نص ساعة والدكتور في الغرفة لين ما صحت ميرة ميرة ((قاعدة تصيح )):انا وين ؟انا وين ؟ والدكتور سمير :تيب اهدي انتي بالمركز الصحي لا تخافي ميرة ((وهي تصيح اكثر)):ابغي بابا وماما ليش ما يوا يسألون عني الدكتور سمير ابتسم :لا تخافي اخوكي اجا وسأل عنك انتي اهدي بس ما تخافيش وطبعا خالد دخل عليها في الغرفة وشاف اخته وبسرعة سار حضنها بالقووو لانه اخته ويحبها وايد >>وهي طبعا ما كانت تدري انه حمد كان موجود مع خالد وهي كانت مغمضة عينها ويوم فتحت عينها شهقت يوم شافت حمد ولبست وقايتها ..وهو ابتسم على حركتها >>وهي في خاطرها اخ يا حمد ليش تكرهني جيه ليش ما تحبني مثل ما انا احبك ليش ؟؟ حمد :شحالج بنت العم ان شاء الله تمام بعدين دبوه جي ما تاخذين بخاخ يا القوطي ميرة في خاطرها بدال لا يتحمد لي بالسلامة وييب لي ششيء يقول لي هالكلام ..وهي قالت له من دون نفس :تمام حمد سكت وماعرف شو يقول وفي خاطره بل عليها من لسان حشا علينا ما بنرمس وياها هاذي فلفل وقطع تفكير حمد واللي هو خالد :من اليوم ورايح ميروه يا ويلج جان ما خذتي بخاخ انا من لي غيرج خيتاااه ميروه ابتسمت وقالت :حسنا لن اكررها مرة اخرى وتموا يضحكون ويسولفون لين ما يت ام ميرة واهلها وطبعا امها قلبت المستشفى مناحة وبنتي وبنتي وليش ما خذتي دواج وتمت تنازعها .. ...... نروح عند ربيعة ميروه اللي هي شووق الصايعة وقاعدة ترمس عارف اللي تعتبره حبيبها والحبيب قاص عليها وهي وحيدة امها لانه امها مطلقة ولاهية عن بنتها وتعطيها كل شي تتمناه مادري ان بنتها لا حول لها ولا قوة ومب ماشية بالطريج الصح.. شوق:عروفي وينك حياتي ؟ عارف (وهو متملل ):ها ما شيء انا في دوام ..وهو في خاطره أي دوام بعد يا حسرة شوق :هيه عمري اشتغل احسن عارف (ويسوي مالت على السماعة ):هيه ادري حياتي بس حياتي ابغي منج طلب شوق :آمر حياتي عيوني لك عارف (مالت عليج وعلى عيونج ):تسلم لي عنون جانا ابغي خمسة الاف محتاجهم وبرد لج بعدين شوق :اوكيه حياتي اصلا خمسة الاف ولا شششيء عارف :فديتج والله واوكي حياتي انا بزي يلا باي وعارف قاعد يرقص ويهز وقاعد يقول يالهبلا يالمخمة يالطفسة يالمملة يا اللي اكرهج ان ماخذت كل فلوسج ما اكون انا عرووف .... في قسم راشد وحرمته نورة راشد :اقلج نوروه يلا زهبي بنطلع نورة :اوكيييه حياتي بس وين بنروح راشد :اممم شرايج نروح العزبة وتقعدين هناك بين الغنم وتقولين امباع نورة ((بطلت عيونها ع الوسع وشافت كلينكس وفرت عليه )):يا الطفس انا مستواي عزبة ما اقول غير مالت وهي طلعت و راشد ميت ضحك عليها ويقول بصوت عالي نوراني قلبي تعالي والله امزح وهي عاطتنه اكبر طاف ودخلت حجرة اليهال ورضت الباب بالقو عسب يحس على دمه شووويه راشد :ول عليها من حرمة بس استهبل شووويه يا ربي احين كيف اراضيها هاذي ..وراح راشد يبغي يراضيها وجان يسمع نوروه قاعدة تشاهق وتصيح وراشد تم مستغرب وقال يا ويلك يا راشد صيحت حرمتك فتم يطق الباب وهي ما ترد لين ما مل وطلع وخلاها على حالتها لين ما رقدت في حجرة اليهال .. .................................................. .................................................. ................................... كتتتتتتتتتتتتتتتتتتتتت __DEFINE_LIKE_SHARE__  |
|
05-01-2012, 04:40 PM
| رقم المشاركة : [ 2 ] |
| عضو جديد |  بلللللللللللللللللللللللللللل ماشيء ردود
__DEFINE_LIKE_SHARE__
|
|
| |
| |
|
05-01-2012, 04:58 PM
| رقم المشاركة : [ 3 ] |
| عضو جديد | نروح عند ميروووه اللي توها ناشة من رقاد وكان ويكند فسوت لها ريوق ويا من وراها اخوها جاسم المغازلجي وغمض عينها وغير من صوته وقال :انا منووو وجان يرقع قلب ميروه طبول وهي ميتة من الخوف وهي تقول :منووو ؟ جاسم :ههههههه يا الجبانة انا جاسم اخووش ميرة عصبت وقالت :يا جلب ويا الخسيس ليش تروعني شفيك انت يا الاهبل جاسم :ايهي علينا سوي لي ريوق يوعان شوفي بطني قاعد يطبل ويقول هو يوعان ميرة :جسوم وخر ولا والله بتنضرب باقرب شي اشوفه قدامي وما اشوف غير غرشة دقوس وانت تحمل على عمرك جاسم :بل عليج يا الملسونة صدقوا يوم لقبوج بهاللقب احيدهم ما جذبوا ميرة :عدال يا روميو يا اللي مقطع البنات ويا اللي ما خليت بنية وما غازلتها حتى الخدامة غازلتها من بقى ؟ جاسم ((عصب )):متى غازلت خدامة واصلا انا جاسم اللي هو جاسم انزل مستواي واغازل خدامة ميرة :لا والله ما تذكر ذيج الخدامة اللي غازلتها ولا اذكرك فيها جاسم :جب جب اقلج ويلا سوي لي ريوق ولا ترمسين وايد ميرة :اوكيه لان خافت على عمرها من جاسم لانه عصبي وجان يي هزاع وروعهم هم الاثنين وهو تم يضحك على اشكالهم ميروه اللي صبت دقوس ع الكاشي والدقوس تناثر ويا على جلابية اخوها جاسم وجاسم معصب على الاخر وتم يلحق ميرووه وميروه تمت تركض وهي تضحك لين ما وصلوا الحوش ووقفها شخص لانها كانت تركض وكانت صادة ورا وما حست على عمرها الا وهي اصطدمت بحمد وطبعا مش لابسة وقاية وشعرها المكشكش هههههـ وحمد حس بنفضة في قلبه وشاف عيونها ومركز ع ملامحها وهي من الفشلة بسرعة ركضت وراحت دخلت البيت وهي تقول مالت يعني ما لقيت الا هالوقت شو ها استغفر الله وراحت تسبح لانها حست انها محتاجة تاخذ شور نروح عند حمد اللي كان مستغرب من شكل جاسم وقال له :بلاك هههههه يا دراكولا جيه طالع من غرفتك احيدك ما تطلع من الغرفة وكله ترمس الجنيات اللي في المسن جاسم :اسكت يا الحمار ولا ترمسني وليش ما تيي بيتنا ..شو تتحسب انته ها بيتنا بيئة طاردة ولا في فيران يالهرم حمد((تضايج)) : اقول جلابيتك وصخة بابا سير نظفها جاسم :مالت عليك يا ملعون ..ما اقول غير مالت علي اللي اسولف وياك خلني ارمس الحب حمد :روح روح الله يهديك طبعا مستغربين ليش حمد يا بيت قوم ميرووه بس لانه كان يتريا ربيعه خالد وطبعا خالد كان راقد في سابع نومة وطبعا رقاده ثجيل فحب هزاع يقومه خذ كلينكس ودخله في خشمه وفي اذنه وقاعد يقرقطه لين ما قام خالد ومسك هزاع من ملابسه وقال له :يالجني من متى انت مب طالع من غرفتك واحين طالع وقاعد تلععوزني جني اهبل قم بس قم وبعدين انت بكبرك غلط ليش تحط عمرك في موقف محرج وضربه على راسه على الخفيف ومسكه من ايده وطلعه برع ولكن هزاع قال له وهو طالع ترا حمد يترياك بسرعة انزل وخالد قال له انزين برع يا الملقوف وتجهز بسرعة بسرعة وطلع وفي صباح يوم جديد وطبعا ميروه بنت مدارس فقامت وتجهزت وراحت السكول وراحت عند ربيعتها شوق فقالت لشوق :صباح النور شوق :صباح النور والسرور والفل يا وردة انتي ميروه (ابتسمت ):تسلمين وشوق بغت تقول لها شيء بس الجرس رن وكان عليهم دين وطبعا الابلة حدها عصبية فبسرعة بسرعة كل وحدة تركض بس عسب ما تسكر الباب عليهم وبعدين تلقي عليهم محاضرة طويلة جدا جدا واول ما بطلت ميروه كتابها شافت الحرف اللي راسمته حرف h واللي هو حمد حست بضيجة والخنقة ذابحتها وهي تقول في خاطرها ليش جيه حمد ليش ما تحبني شو اللي فيني ما يعيبك اخ من حب طرف واحد يعذب الواحد ولين ما ابلة الدين شافتها ولاحظت على ميروه انها مب على بعضها فقالت لها :ها ميرة وين وصلتي ؟ ميرة :ها ها لأـ مـا ماا شششيء ابلة الدين استغربت وكملت الدرس وميروه اسميها خافت منها فتمت مركزة على ابلة الدييين .......... نروح عند راشد ونورة راشد :نوروه حياتي نوروه والله ما كنت قاصد يا خي شفيج بلاج ما ترمسيني وهي عاطته اكبر طاف وكانت تلبس التوأم شيخة وعلي لين ما خلصت وجان تقول شيخة :ماما ابغي الوح العب العاب وعلي :هي ماما نبا نلوح فنورة حست بغصة وطبعا راشد ما صدق قال :هيه تبون تروحون العاب يلا نروح وحس ان يت له الفرصة عسب يراضيها لكن نورة قالت :انت لعبهم وانا بروح بيت امايه .وجان تصيح شيخوه وتمت تصيح وتشاهق لين ما وافقت نورة ان بتي معاهم وطبعا راشد كان مستانس حده لين ما وصلوا الالعاب فتموا يلعبون شيخاني وعلاوي وهم كانوا يلعبون راشد مسك ايد نورة وقال :حبي بس عاد لا تزعلين والله سوري ما كنت قاصد انا كنت اسولف نورة وهي كاتمة الضحكة :جب انا ما ارمسك راشد :افا تبغيني اموت انا من دونج ولا شششيء نورة :لا لا تقول جي والله انا ابغيك راشد :هههههه فديتج والله لا يحرمني منج ومرة ثانية ما بكررها ياخي يومين عذاب من دون لا ارمسج ومن دون لا اشوف ابتسامتج نورة ما قالت شي بس ابتسمت نروح عند شوق اللي اول ما يت من السكول اتصلت في عارف واول ما شاف عارف انها هي قال في خاطره مالت عليج الناس ما يرتاحون يعني اربع وعشرين ساعة ارمسج انا فاضيلج مثلا يا تخينة وربيعه فهد قال منو قال ذيج وهو يضحك قال له رد تكفى ترانا فقرانين نبي ناخذ بيزاتها وعارف رد عليها باشمئزاز عارف :هـلا والله بالحب ..((مالت عليج وعلى شيفتج )) شوق (بدلع):حبتك العافية اشتقت لك عارف :ههه وهو يضحك ضحكة مصطنعة توني مرمسج الفجر وبعدين اكيد انتي تعبانة روحي ارقدي احسن بعدين رمسيني .................................................. .................................................. ................................... __DEFINE_LIKE_SHARE__ |
|
| |
| |
|
05-01-2012, 05:03 PM
| رقم المشاركة : [ 4 ] |
| عضو جديد | شوق وهي تمثل انها زعلانة :يعني انت ما تباني ارمسك اهىء اهىء عارف ((الله يقرفج )):ها حبي لا مب جي بس حرام انتي تعبانة وانا ما ارضى حبيبي تكون تعبانة وتوج رادة من سكول ولا ابا ارمسج واسولف وياج تعرفين مالي غيرج ومن هناك فهد ماسك عمره يبا يضحك بس مب قادر شوق :حبيبي ما تبغي نتواعد .. عارف بغا يرد لا بس فهد اشر له بمعنى وافق عارف :هيه بنتواعد في دبي مول شوق :اوكيه يلا حبي باي واول ما سكر عارف عنها وفهد انفجر وقاعدة يقول :شفيها هاذي المصخرة هههههه وربي ضحكتني ولا تدلع بعععد عارف :الله يخليك لو بتشوف شكلها شو بتقول انا متحمل هالشيفة بس عشان بيزاتها ولا شو ابا في شكلها فهد :هههههه تحمل بسنا فقر خلنا نصير اغنياء من ورا هاذي المصخرة عارف بخبث :هههههههاي ولا يهمك انا قدها وقدود فهوووود ..... عايلة بو حمد مجتمعين كلهم احلام :اف اف ملل ياخي انتو ما تحسون وين عايشين انتو بسنا نبغي نطلع حمد وهو داخل البيت واول ما شافها :اعوذ بالله يا الابليس انتي دومج محتشرة علينا بس اسكتي بو حمد :مالت عليك وانت ليش ما تسلم هب هبابك يا حمار انا ابوك احشمني على الاقل وطبعا حمد قافط وما يعرف شو يقول فراح حب راس ابوه وقال :اعذرني ابويه ما شفتك بو حمد تم ساكت جمانة يت من فوق وودرت عنها النت لاول مرة وهي ما كانت ملاحظة ان ابوها موجود وقالت :هاي قايز بو حمد :تبيني اهفج بطراق وتلتصقين في يدار عنبوه وين المذهب انا جي ما ربيتكم جليلين الحياااء جمانة :سم ابويه فديتك الله يطول بعمرك ان شاء الله وبعدين نحن مطورين بو حمد :سم في بطنج يا الخايسة عيل دومج مجابلة هالنت شو تسوين ها اعترفي جمانة شكلت ..))الله يسلمكم جمانة تحب واحد اسمه احمد واحمد يحبها بس هي تتريا ان هو يكون نفسه ويي يخطبها لكن صورها ما طرشته حقه يعني في خط احمر بينهم جمانة :ها ابويه انا اشتغل ع بروجكت ويحليلي دومكم تظلموني حمد حس ان فيها شيء :اقول انا تعبان بسير ارقد بو حمد :ايلس بنتغدا وبعدين روح ارقد حمد ما قدر يقول شششيء لانه ابوه بيعصب فوافق وكلهم تغدوا نروح عند جاسم اللي قاعد يرمس بنت من السعودية البنت كانت فاتحة فيديو وتكلمه البنية اقل ما يقال عنها زبالة جاسم :الله انتي حلوة >>طبعا كله مقصة نجود :فديتك اصلا انا كذا حلوة جاسم :هيه حبي انتي حلوة نجود :طرشت فيس سخيف وماله معنى جاسم مالت عليج يا اوم السخافة انتي اختفوا عليج جاسم :اقول برب حياتي انا بزي وتم يرمس الجنيات الباقيات ..... نروح صوب ميروه اللي حاطة راسها على مخدة وتغني اغنية احبك موت وهي تذكر شكل حمد وتقول ليش الله بلاني بهذا ليش حبيته وهي تدمع عيونها من القهر حمد يا حمد يا اللي مخبلني ليش جي تسوي فيني انا احبك وانا ابغيك من يحبك كثر ما احبك انا ..وتمت تتقلب وما يالها رقاد لين يمكن ساعة 6 وهي مش راقدة وتعبانة فقررت انها ما بتروح المدرسة وراحت عند البلكونة وشعرها يطاير على ويهها وتحس انها تعبانة ومضايجة ع الساعة 8 جيه راحت ترقد .. نروح عند حمد وخالد وهم في استراحة الجامعة حمد :خلوود شرايك اليوم نسير مول يا خي ملل ابغي البنات يقردنوني خالد :حمود !انت شفت ويهك منو يحبك ابغي اعرف حمد ((فر قوطي بيبسي عليه )):لا والله انا احلى عنك يا القرد خالد :ههههه جب خسف ويقول انا حلو امحق بس حمد وهو معصب :خلووود ! وعطاه ذيج العين الحمرة اللي خلاه يسكت وما يرمس ... في قسم راشد ونورة نورة لبست ملابس مغربي لون احمر وذهبي يعني باختصار طالع عليها جنان ومسوية مكياج وحالة ..اول ما حدر راشد استغرب قاعد يفرك عيونه يقول :انتي نورة ...نورة :هيه بعد شو ..راشد :احح اليوم انتي طالعة حلوة فديتج الله عليج وقاعد يصفر ..وهي تمت تضحك ..وطبعا سوت له عشاء وجيييه .. .... احلام حادرة قيمزر ما تتوب هالبنية وكان نك نيمها { دلوعة ابوها } فواحد طلب منها ان تلعب وياه {ضايع انا }:مرحبا بج دلوعة وهي ما ترد ... {ضايع انا }ايه ارمسج انا {دلوعة ابوها }لو سمحت العب ولا ترمسني {ضايع انا } هههههه اها يعني انتي بوية فهمت فهمت {دلوعة ابوها }بوية في عينك {ضايع انا }اووه مب بوية عيل شوو {ضايع انا }امحق دلع {دلوعة ابوها}مالت عليك وجان تطلع {ضايع انا } اسمه حامد وعمره 16 وقصته قصة هالشخص يا ما ينضرب من ريل امه بالخيزرانة ودايما ربعه يضحكون عليه لانه وايد ينضرب ويحليله وايد ينظلم لكن امه ما تقول ششيء فهو يتم منقهر منها ومنه وتقدرون تقولون انه مؤدب ولكن في النت اكبر صايع عرفته تاريخ النت .... نروح عند خالد واللي مستعيل وقاعد يصارخ على ميروه خالد :ميروه ويهد ميروه :هااا شفيك خالد :تعالي سوي سويت بسرعة بيون ربعي ميروه :سويت شو خالد :لا تستعبطين سوي سويت عصير شششي ميروه وهي متوهجة اوهو احين شسويله تمت تخربط وجان تسوي كيك نوتيلا وسوت عصير وطبعا خالد اشترى حلوى وهي سوت قهوة وحالة يعني المهم هي راحت الميلس عسب تحط الاكل وهيك شيء ميروه كانت لابسة مخور سماوي روعة ومسوية بوف وجلوز وكحل طالعة حلللوة بمعنى الكلمة ويوم كانت ترتب كانت تغني اغنية يا غرام المحبين ميروه :واوعدك ما اعشق سواك انت يا غا ...وفجت حلجها !!! حمد (ابتسم يوم شافها وهو في خاطرها حلوة ما شاء الله عليها بس مستحيل تكون حرمتي اعتبرها اختي ):شحالج بنت عميه عساج تمام ميرة تمت تطالعه (شكله كان طرر لابس كندورة بنية ومغتر):ها تمام انا وانت حمد :دووم ..اممم انتي شو تسوين هني ها ميرة :اممم انا كنت ارتب وكانت ترمسه وهي تشاهق وتحس انه بتفضح عمرها وبتقول اناا احبك ميرة :باي حمد :والله حالات هاذي البنت عجزت افهمها ....... نروح صوب شوق شوق :مامي ابغي بيزات ام شوق :توني قبل يومين عاطتنج بيزات شو تبين بعد شوق :مامي ابغي الله يخليج اهىء ام شوق :الله يهديج ماعرف وين تودين البيزات انتي !! شوق :ما شيء اميه نحن بنات ولازم ندلع ام شوق عطتها البيزات وهي في خاطرها تقول ((ماعرف شفيها هاذي البنت احس ان وراها شششيء )) شوووق راحت غرفتها واتصلت في عارف وقالت له يتواعدون وجيييه ... نروح صووب جمانة واللي قاعدة ترمس احمد عزيزة النفس {جمانة }:هلا حبيبي عزيز النفس {احمد}:اهلييين اشتقت لج عزيزة النفس {جمانة }:مي تو عزيز النفس {احمد}:انزين حبي شو سويتي اليوم في الجامعة عزيزة النفس {جمانة }:ما ششيء على نفس الحالة عزيز النفس {احمد}:ههههه انزييين انا بطلللع اوكيييه تحملي على عمرج مرتي المستقبلية عزيزة النفس {جمانة }:ههههه اوكيه وانت بعد عزيز النفس {احمد}:بااااي جمانة وجان تصارخ وااااااااي يهببببل وجان وحدة تسمعها وهي تقول جيه تعرفون منووو ؟؟احلاموه بطلت عيونها ها شووو وجان تدخل على جمانة واحلام :سمعتج وانتي تقولين واي يهبل وهي بالحظ كانت فاتحة على صورة سلطان الشحي المغني واحلاموه جان تنط وجان تشوف صورة سلطان وجمانة قالت :كيفي انا احب المغني ..احلام :مالت عليج واعوذ بالله من سوء الفهم عبالي بعد شي ثاني ..جمانة بلعت ريجها اف الحمدلله ما انفضحت واي الله ستر علي من لسان احلامووه ... احلاموه تمللت وجان تحدر الجيمزر وجان تشوف {ضايع انا } قالت :اخ لاه مالت عليه شو هاا وكان يسوي لها كم طلب لين ما وافقت {دلوعة ابوها } يا قوطي يا حمار شفيك ياخي {ضايع انا } ااممممم السموحة بس كنت ابغي ارمسج {دلوعة ابوها }مالت عليك يا الشيفة وانا ما ابغي ارمسك {ضايع انا }شفيج تسبين {دلوعة ابوها }انزين شو تبا مني {ضايع انا}كم عمرج {دلوعة ابوها }14 {ضايع انا }العمر كله وانا 16 {دلوعة ابوها }انا ما سالتك وهو مارد لانه كان قافط {دلوعة ابوها }السموحة ما كنت قاصدة احرجك {ضايع انا }اها {دلوعة ابوها }بغيت شيء قبل لا اطلع {ضايع انا }:مممم ابغي ايميلج {دلوعة ابوها }:شو ها احترم نفسك انا مو من هاللوث {ضايع انا }:عسب جي ابغي ايميلج {ضايع انا }:اوكي فكري انتي وها ايميلي ............ وجان تسكر احلام عنه ,,,,,,, __DEFINE_LIKE_SHARE__ |
|
| |
| |
|
05-09-2012, 04:59 PM
| رقم المشاركة : [ 5 ] |
| عضو جديد  | القصة طررررررررررررررررررررررررررر
__DEFINE_LIKE_SHARE__
|
|
| |
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية | محروم.كوم | منتدى أخبار المواقع والمنتديات العربية والأجنبية | 0 | 04-21-2012 05:50 PM |
| فرصة العمر لشراء بيت العمر (جديدة) في مدينة السيلكون دبي على اقساط مريحه بالصوور | محروم.كوم | منتدى أخبار المواقع والمنتديات العربية والأجنبية | 0 | 01-06-2012 11:10 PM |
| رواية لجل الوعد كاملة | محروم.كوم | منتدى أخبار المواقع والمنتديات العربية والأجنبية | 0 | 12-07-2011 07:50 PM |
| انت معاي ومنت معاي جام عيني مو شايفك | غاوية شغب | تصاميم الاعضاء | 5 | 04-08-2010 02:03 AM |
| °•.♥.•° °•.♥.•° لاتصدق ان احلام العمر بلاثمن فبعض الاحلام ثمنها العمر °•.♥.•° °•.♥.•° | ж شـمـوخ عـراقـيـه ж | المواضيع المكرره | 13 | 01-13-2008 04:46 PM |
الساعة الآن 12:16 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227