تڪفوون . . لـٱ شفتوٱ علـٱمٱت ٱلزعل عليـﮧ . . ضحڪووهـﮧ *

ڪليـُﮯ عذٱب · #1 03-13-2012, 03:39 PM

السلام عليكم و رحمه الله و بركاته
شحالكم اعزائي ؟

امم . .
بدايه احب اخبركم . . اني سجلت فالمنتدى عشان انزل رواياتي هني
لي كذا روايه . . طرحتها بنك نيم ثاني . .
بس هالمرة حبيت اغير نك نيمي . . مادري ليش . . جي من الله . .
اذا فكرت انزل لكم روايه من رواياتي السسابقة بعترف لكم و بخبركم منو انا ^^ > حسستكم صح !

المهم . .
هاي روايه فرش . .
مجهزة الافكار و جي . .
بس باقي علي اسردها . .
و ببدا معاكم هني ان شا الله . .

الروايه بطرحها اول شي هني . . مب في أي منتدى ثاني . .
ثاني شي . . ان شاا الله بحاول التزم بيوم محدد . . عشان انزل فيه البارتات . . احتمال يكون الاجد أو الاثنين . . بس بخبركم عقب . .
و اذا خلصت البارت قبل بنزله لكم و ما بقصر معاكم ^^ . .

عاد ششجعوني . . ابا اشووف الردود السنعه اللي تفتح النفس. .
ما اوصيييييكم هاه

و بس . .
الحين بننزل لكم البارت الاول . .

__DEFINE_LIKE_SHARE__

ڪليـُﮯ عذٱب · 03-13-2012, 04:18 PM

البارت الاول . .

ڪرٱمتيـُﮯ خط ٱحمر . . من تعدٱٱه !
يقرٱ علـُﮯ روحـﮧ ٱلفٱتحـﮧ . . و ٱلعزٱ علـُﮯ حسٱبيـُﮯ !

الصبح . . في بيت محمد الـ .......... . .
ع السساعه 7 و نص . .
نزلت ريم بكل هدوء و رقة . . انيقة و مرتبه . . لابسه عباتها و لافة الشيلة عدل . . و متجحله من داخل بالاسود .. و بايدها شاله ملفات شكثر . .

الريم : السسلام عليكم . .
ام زايد : و عليكم و السسلام و الرحمه ..
تقربت الريم و وخت على أمها و باستها ع راسها : صبحج الله بالنوور أمايه ..
ام زايد : صبحج الله بالخير . . يلسي يلسي تريقي . . عن تطلع لج العفريته الحين مستعيلة تبا تروح الدوام . .
ما واحت ام زايد تكمل جملتها . . الا و العفريته ع قولتها يايه طيران من فووق . .
هند : السسلام عليكم . . يللا يللا الريم سسريع . . اخاف اتأخر عن المدرسه . . خبرج عااد بعيده و يبالها وقت . .
الريم : توني أقول بسسم الله . .
هند تسوي حق عمرها سندويجة ع السريع : انزين يللا استعيلي . .
ام زايد : لا اله الا الله . . خلي اختج تحط شي في بطنها قبل لا تروح الدوام . .
قامت الريم : مب مششكله امايه . . بتريق في الشركة . .
ام زايد : لا لا قري محلج .. و تريقي هني . .
هند تاكل بدفاشه و ترمس : صدقها امايه ...... خليها تتريق ..... هناك . .
الريم متلوعه : لوعتي بجبودنا انزين . . "ترمس أمها " هاي أونها بتعقل الحين ! .. "تصد على هند" يا ماما كبري مخج شوي .. تراج ثانوية عاامه الحين . .
هند : يوم بدخل الجامعه بعقل .. الحين مابا ..
الريم : لا يكثر بس .. يللا لحقيني ع السياره . . "تشوف امها " تامرين ع شي امايه ؟!
ام زايد : لا سلامتج بس عن السرعه . .
الريم : لا توصين . . يللا هند . .

راحن السيارة . .
وصلت هند مدرستها . . و راحت هي الشركة . .
بركنت السيارة و نزلت ..
فالشركه . . اول ما دخلت .. شافت راجوا يالس ينظف ..
راجوا : مرهباا مدام .. يريد شاي ؟ براتا ؟ فواكهه ..
الريم : هات شاي حقي ..
راجوا : بس ؟
الريم : هي بس !!

راحت الريم صوب قسسمها .. القسسم تقريبا كله بنات . . اما الريال يشتغلون في قسم ثاني . . بس شغلهم متصل ببعض .. يعني يضطرون الرياييل اييون عند الحريم.. و الحريم يروحون عندهم عشان يتبادلون الملفات و كل واحد يخلص شغله ..

الريم : السسلام عليكم . .
حمده : مرحباا السساع . . هلا والله بالغزاال الشمالي .. يا ويلي انا لا لا ما اقدر . .
الريم : اييييييييه لا تخليني اشك فيج ..
حمده : جب جب حمدي ربج بعد اجاملج . .
الريم : تجامل بعد "صدت على رحمه " ششحالج رحوم ؟!
رحمه : بخير ربي يسسلمج و من صوبج ؟!
الريم : الحمدلله تمام . .
يلست ع مكتبها . .
الريم : ما خبرتكن . . الباارحه رحت عن فطوم اسلم عليها . .
حمده : والله صدق ؟
الريم : هيييه .. فديييييييييته ولدها .. محلاه ما ششا الله عليه . . نسسخه منها . .
رحمه : يا حييج والله . . خاطري اروح لها . . بس امايه مب طايعه . .
حمده : افا ليش عاد ؟
رحمه : اونه ما بتخليني اروح بروحي و هي مب طايعه تروح معايه . .
حمده : خلاص فديتج . . انا بروح معاج . . شاوري امج و ردي علي عشان نتفق متى نسير . .
رحمه : هيه جذي اوكي عيل . . بشووفها و برد عليج ..
الريم : لو دريت جي السسالفه جان اجلت و رحت معاكن ..
حمده : فاتج عيل ..
الريم : اقولكم .. يقولون اليوم بييبون موظفه يديده بدل فطوم . .
رحمه : هيه حتى انا سمعت الشي ..
حمده : عااد ان ششا الله تكون اوكي شرات فطوم . .
رحمه : اتمنى ..

شوي و اندق الباب و يدخل من عقبه مدير الشركه "سسالم الـ ..........."
سالم : السسلام عليكم ..
الكل : و عليكم السسلام ..
سالم : هااه شو الشغل ؟ ماشي اوكي و لا ؟
حمده : هيه الحمدلله كل شي ترتوب ..
سالم : يعني ما تحسون بنقص و لا شي ؟
حمده : لا الحمدلله الامور ماشيه ..
سالم : الحمدلله .. الحين بتييكم الموظفة اليديده . . اسمها ايمان .. بس يالس يدربها خالد ..
حمده : ان شا الله ..
سالم : الريم .. اول ما تحسين عمرج فاضية تعالي المكتب ..
الريم : ان شا الله ..

و طلع عنهن . .
رحمه تغمز حق الريم : هاااه بدينا اسرار . .
الريم : سسكتي سسكتي .. بروحي مب طايقتنه والله . .
حمده : مب علينا هالحركات ريمووه .. تودرين واحد كششيخ !! افا ..
الريم : والله ؟ خذييه انزين شو ابا فيه انا . .

حمده تحط ايدها ع خدها : المشكله اني معرسه !
الريم مستغربة : المششكله ؟!!! الحين العرس صار مشكله . .
رحمه : ههههههههه اكيد ريلها شين ..
حمده : جب جب ما اسمح لج . . بس يالسه اجرج الريم . .
الريم : لا تحاولين . .
شوي و تدخل الموظفة ايمان . .
كانت حاطه الشيله ع نص راسه .. القصه كلها طالعه .. بيضا و صابغه شعرها اششقر . . و حاطه جحال ازرق و قلوس ..
ايمان : هاااي . .
حمده حايسه بوزها : و عليكم السلام و الرحمه ..
ايمان حاست عمرها و حطت ايدها ع شفايفها : اوييييييييييه سوري سورري . . السسلام عليكم ..
الريم + رحمه : و عليج السسلام ..
راحت صوب مكتبها و بدلع مصطنع : يا ربي .. شو الكتب و الملفات اللي هني . .

برب شوي . . صلاه تايم ؛)
__DEFINE_LIKE_SHARE__

ڪليـُﮯ عذٱب · 03-13-2012, 07:18 PM

السسموحه منكم . .
يتبع ...

راحت صوب مكتبها و بدلع مصطنع : يا ربي .. شو الكتب و الملفات اللي هني . .
حمده ترمس شراتها : هالكتب و الملفات شغلج يا ماما . .
ايمان طنشت و شبكت ايدينها و حطت ويهها عليهن : الا اقووولكم . . بالله عليكم كيف تشتغلون و هالغرشوب عندكم !؟
حمده شافتها و فخاطرها تعطيها كفيييين يعدل اسلوبها قبل ويهها خخ . .
رحمه رفعت واحد من حياتها : اي غرشوب فيهم ؟!
الريم تهمس : حسستيني ان الغراشيب تارسين الشركه الحينه ..
ايمان : هالمدير . . يا ربي محلاااااااااااه .. جمال والله . .
الريم : هيه عيل زين . . شرايج تجذبينه بأسلوبج ؟!
ايمان فجت عيونها : والله ؟ كيييف كييييييييييييف ؟!
الريم تغمز حق حمده . . و حمده فهمت . .
حمده : هيه ترا هالمدير سالفته سسالفة . .
رحمه كملت معاهن : هيه تذكرن هاذيج اللي كان يحبها ؟ و فنشت عشان ما تجابله ؟
الريم : هيه .. يحليله كسسر خاطري !
اما ايمان ملامحها تغيرت : غبيييييييييه .. كيف تضيعه من ايدها .. جمال و مال ما شا الله . .
حمده : ترا هاذيج كان اسلوبها حلو و جي . . مادري كيف كان الكل ينجذب لها . . و حبها المدير . . لين يومج هذا و هو متعلق فيها . .
ايمان : يحلييييله . .
الريم فخاطرها تنفجر ضضحك عليها : يالله بقوم اشوفه شو يبا . .

فالمدرس . . عند هند ..
هند : حلووم . . بليز خلينا نششرد . .
حليمه : غبية انتي غبية ؟! اقولج عندنا حصصه مشاهده . . و الوكيله بتحضر .. و هي شايفتنا الصبح . .
هند : اوفففففف . . و المشكله عاد حافظة اشكالنا . .
حلوم : هيه تراج ما تقصرين فالمشاكل . .
هند : يا ربي . . والله مالي خلق احضر الانجلش . .
يت مريوم : شفيكن تتصاصرن ؟!
حلوم : نقرر نشرد . .
مريوم : هيه والله . . ما اداني مس الانجلش . .
هند : لا انا اللي ميته عليها يعني . .
مريوم : هههههههه اعصاابج اختي . .
هند : شو علينا عقب هاي ؟!
حلوم : علينا حصتين ورا بعض عربي . . و عقب فرصه . .
هند : عيل حلفت عليكن اعزمكن على شرده و عقبها فرصه . .
مريوم : هههههههههه . . ترا شي تسميع قصيده . .
هند : سمعي بروحج لا . . حلوم انتي معاي معاي . .
حلوم : طبعا طبعا ما يبالها كلام . .

نرجع للشركة . .
عند المدير و الريم . .
سالم : تعالي تفضلي . .
راحت الريم و يلست ع الكرسي اللي مجابلنه . .
سالم : ااااااااااه يالريم ااااااااااه . .
الريم رفعت عينها و شافته و عقب نزلتها . .
سالم : اليوم اسمع اهلي يرمسون عنكم و يمدحونج . . يلمحوا لي . . عشان اخطبج . .
الريم : و انته وايد مستانس يعني ؟ حسسبالك بوافق ؟!
سالم : هيه بتوافقين . . و متأكده بعد . .
الريم : و ليش حضرتك واثق ؟
سالم يحط عينه في عينها : لانج تحبيني بس ما تبين تقولين . .

الريم لفت ويهها : تتوهم . .
سالم : لا ما اتوهم . . لو صدق ما تحبيني حطي عينج في عيني و قولي ما احبك !
الريم تجرأت و حطت عينها في عينه و قالت : اصلا نحن ماشي من بينا .. الا الشغل . . مب اكثر عن جي . . و بعدين انا ابدا مب حاطتنك في بالي . . على حركاتك و اسلوبك معاي . . بصراحه طايح من عيني . .
انصصدم من رمستها .. ضحك بسخرية : لا لا الظاهر انج وايد ماخذه راحتج معاي ..
الريم وقفت : والله انته قلت . . يوم ندخل هالغرفة انسى انك مديري و تنسى اني موظفة في شركتك . .
و يايه بتطلع . . بس مسسكها من كتفها . .
سالم بعصصبية : هالرمسسه ان عدتيها ثاني مرة ما تلومين الا نفسج ..
الريم بنفس العصبية : فج ايدي مالك حق تلمسني . . "فجها" حسستني عاد . . مادري بك شو بتسوى . . تبا تفصلني افصلني . . شي مليون مكان اقدر اشتغل فيه . . مب يايه اذل عمري انا . .

و طلعت . .

Cut

هذا البارت الاول و خلص . .
بانتظار تعليقاتكم اعزائي . .
و اهم شي التشجيع . . لو ماشي تشجيع ما بكمل خخ . .
نلتقي يوم الاحد او الاثنين باذن الله . .
__DEFINE_LIKE_SHARE__

W@d3t Row7e · 03-13-2012, 09:28 PM

يسسسلم يمناااج وحييييل حلوووه الرواايه تريااا التكلممه __DEFINE_LIKE_SHARE__

بس كيفي~ · 03-14-2012, 03:05 PM

الصرآآحه الصرآآحه الصرآآحه بدآآآيه حلوووه مآآفيج حيله ..حبيييييييييييييييييت قصتتج ..
يسسسسسسسلم يمممممنآآآج ..ولج البيرق خخ~بس تعآلي خبريني منو إإنتي؟
أأنا شآآأكه فيييج .. بس مآآبخبرج إلا اذا خبرتيني منو ههوع .. وقصتتج كششوخيه كمليهآآ
شكلهآآ بتظهر جي أأكشششششششن يلآآ بسسرعه كمليهآآ ..هههه
أأنا وااايد تحححممسست ممم لآتبطييين عليناآآغلآيـــــه ..
أن شاء الله نلتقى بالوييكند مب الاحد ولا الاثنييين ههه متحمسسسسسه

تحياتــــــــــــــــــــــــ لج ــــــــــــــــــــــــــي~
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ٱليّوِفُنٌتُوِسً يّكتُسًحً ٱلهلٱل بّٱلسًبّعة فُيّ مهرجَٱنٌ ٱعتُزٱل ٱلدُعيّع .!	محروم.كوم	منتدى أخبار المواقع والمنتديات العربية والأجنبية	0	01-06-2012 03:30 PM
هذٱإا ٱڷڷيـﮯ ش‘ـٱيف نفسـﮧ [ماشي ] ۈ مطنشني يٺفرفر بٱڷمن‘ـٺدۍـٱ ۈ ڷـٱ ڪنـﮧ ش‘ـٱيفني	~ »»بدويـہ ماركـہ «« ~	تراحيب وتهاني	7	12-20-2011 08:29 AM
هذٱإا ٱڷڷيـﮯ ش‘ـٱيف نفسـﮧ [ماشي ] ۈ مطنشني يٺفرفر بٱڷمن‘ـٺدۍـٱ ۈ ڷـٱ ڪنـﮧ ش‘ـٱيفني	❥{\| şђάђɌʑάĐ }×˟	تراحيب وتهاني	5	09-11-2010 01:51 AM
هٱڪۇدٱتــﮧ (بٱڸيٱبٱنيـﮧ: 函館市]	رَفيعـﮧ آلْشآن	سفر وسياحة	5	07-03-2010 11:58 PM
أښــٱٱۇر نٱٱٱعمـــــﮧ ڸٱنثىٱ حريريــﮧ	رَفيعـﮧ آلْشآن	الأناقة والجمال والموضه والطفل	12	04-10-2010 09:47 AM