في عيدج يا بلادي نبض قلبي ...~ اول قصه لي ^^ - الصفحة 9

روحي uae · #1 04-14-2012, 09:21 PM

في عيدج يابلادي نبض قلبي ...~

الصبح ساعه 5
الام : مريوووووم نشي يلا .
مريوم : هممم هممم ..
الام : مريوووم نشي بسرعه قطوهـ قطوهـ << الام تعرف انها تخاف من قطاو هههـ
مريوم نقزت من الشبريه وفي حظن امها : اميييييييييييييييييي وين وين القطوهـ
الام : ههههههههههههههه اسميج خوافه ..
مريوم : اهئ اهئ خوفتيني .
الام : يلا بسرعه قومي عقب بتقولين تأخرت .
راحت الام ومريوم قامت وسبحت وتلبست وكشخة وراحت صاله دخلت ولقت ابوها وامها واختها حبتهم فوق روسهم ويلست ..
الابو : ها بنتي شو صحتج احيين .
مريوم : الحمد الله بخير وعافيه دامني اشوفكم بخير .
الابو : الحمد الله يلا تريقي عشان اوصلج الكليه .
مريوم : اوك باباتي .
الابو : بدينا بدلع خخخخ
مريوم : تيفي ادلع ابويه خخخ
الام : دلوعة ابوج تراج .
مريوم : فديتكم انتو الاثنين .
عنود : وانا منو يحبني وصاحت ..
راحت مريوم وحضنتها : انا احبج فديت هاا الويه .
عنود قامت من حظن مريوم وراحت عند امها .. واخوها نازل الصاله
راشد : كككككككككككككككككككككك قفطوها كككككككككككككك..
مريوم : بسم الله من وين ظهرت انت وناس تسلم اول مب تنقع ضحك ..
راشد : شو شاايفه يني جدامج وظهرت من بطن اماايه ههههه سلام عليكم ..
مريوم : ههههههه سخيف .. وعليكم السلام والرحمه ..
الام : هلا بولدي صباح الخير ..
راشد : هلا بتاج راسي صباح النور وسرووور والورد وحبها فوق راسها ..
مريوم : بدأ التقردين بدأ خلص قول شو تبغي ..
راشد : ما يخصج انتي اازين ..
الام : مريوم يوزي عن اخوج امر شو تبغي ..
الاب : لا امر وانا ..
راشد : عااااش الولد يغاار ..
الام : انا كلي لك ..
مريوم : رشوود عنوود شكلنا غلط قوموا نش ..
راشد : خخخخخخخخخخخخخخخخخخخخخخخخخخـ
الاب : امممف عليكم تتمصخرون عليناا ..
مريوم : نحن نتمصخر على تووج راسناا ..
وقامت مريم حبت راسهم ..
وكملوو ريووق ..
ورن فووون مريوم وشافت منو متصل بها >> ربيعاتهاا شيخه ..
شيخه : هلا وغلا صباح الخير وسروور.
مريوم : اهلين وسهلين صباح النور .
شيخه : شحالج اعلومج .
مريوم : الحمد الله بخير وعافيه وانتي شخبارج..
شيخه : تمام ويالسه في الباص اتريااج دبووهـ متى بتين هاا
مريوم : دوم ياربي.. ماا بي الوالد بوصلني اليوم ..
شيخه : افاا واروح بروحي اهئ اهئ خلاث زعلت منج باي .
مريوم : وين روج وبنات كلهم في الباص كل ولا زعلج بشوفج في الكليه ..
شيخه : اوك اشوفج عيل الباص بيتحرك مع السلامه .
مريوم : فمان الله .
راشد : حشى ساعه لين تسكرين عيايز ما تسكتن ههههـ
مريوم : ههه بايخ تيفي .
الابو : يلا مريوم عشان اوصلج .
مريوم : ان شاء الله ابويه .
وقامت مريوم تلبس عباتها وركبت الموتر ..
وصلت الكليه ...........

شو بصير لـ مريوم فـ الكليه ..؟؟
واهلها شو بصير لهم يوم بعرفون ..؟؟
ومنو شخص اللي .....................؟؟
فـ الكليه ..
مريوم تتمشى لين توصل الكلاس ..ودخلت ..
شيخه + موزه + فاطمه : هـــلا وغلا مرحبااا السااع ..
نوره : هلا وغلا بنظر عيني هلا ..
مريوم : احم احم وجان اثتحي ههههه اهلين شحالكم ..
البنات : تمامو بخير ااكيد خخخ
مريوم : الحمد الله شي فيكم اليوم تردون وياا بعض ..
شيخه : اليوم غير اليوم عيد ..
موزه : اليوم عيد داري ..
فاطمه : عيد بلادي ..
مريوم : ههههههههههههههه ..
نوره : خخخ انتي اللي احين شفيج تضحكين هاهاهاي
مريوم : نسيت تصدقون ان اليوم عيد الاتحااد ..
شيخه : حلفي بس انتي حد ينسى ها اليوم ويا راسج..
مريوم شلت : فــوق الثــريا يالإمــــارات مكانتج فــوق فالعالـــي
وسط الكواكب والمجرات هناك يا موطني الغالي
زينة خليج العرب دانات والمجد مظفي ومتوالي
عقد ٍ فريد ٍ من الجنات صرتي ومظرب للأمثالــي.. << صوتهاا كاان خباال ..
شيخه : عااااااااااااااشت ياااااابس ..
موزه : ياويلي على ها صوت وين خاشتنه هاا
مريوم : في شنطه خخخخخـ..
نوره : يلا شله ثاانيه بليز ميمو عثاني .. >> ودخل السير ..
فاطمه : شو يابه هاا ااحين ..
مريوم : هههههـ
وعقب الكلاس >> طبعاا ما شي غير كلاس واحد اليوم الان شي حفل فـ الكليه ..
ظهراا البنات .. وشله يتمشن صووب الكافتيرياا >> مريوم + شيخه + موزه + نوره + فاطمه .. وكلا بالعافيه على قلوبهم ..^^
مريوم : بنات يلا نروح صوب البازار شو رايكم ..
فاطمه : لا ما فيه حشره راسي بعورني ..
شيخه : لا بالعكس كشخه ووناسه ..
نوره : هيه انتي جازه لهاا الخبال ..
موزه : بنروح صوب البناات بنشوف شو يبيعن ..

مريوم : اوكيك يلا ..
وراحناا وخطفاا جداام .. الاغااني ودق وهاا سوالف وشيخه اخترشت ويااهم
فاطمه : احين هااي متى بتخلص لازم ادق ويااهم
نوره : طااعي اشكالهم اضحك هههههه
مريوم : هيه والله .. بس كشخه .. ههههـ
وساراا يتمشن في الكليه والكل من مدرسين وطالبات متجمعين يشوفون المشاه و البوش ..
مريوم : يااااااااااا حلاته اناا اباا اركب على النااقه ..
فاطمه : ككككككككككك ماا اخيلج جداام الكل وااا فظيحتناا ..
شيخه : كله ولا ميمو حدكم رووحي قولي حق وااحد من هاا الشبااب اللي فوق البوش ينزل وتركبين كككككككككككككككككك..
مريوم : انتي بعد اطنزي اازين ورااحت عنهم ..
نوره : زين جيه زعلتوهاا ..
موزه : لا مريوم ماا تزعل بس اانتن واايد زوتهاا ><..
شيخه : هيه واناا خصيصاا اهئ اهئ تعالا نروح نراضيهاا ..
ورااحن يدوراا مريوم اللي رااحت تشووف الفعالياات اللي كاانت في الكليه بمنااسبة عيد الاتحااد ..شيخه يت ورى مريوم وحطت ايدهاا على عينهاا : منوو اناا ..
مريوم : ساحره شيخووه
فاطمه + موزه + نوره : ككككككككككككككككككككككككككككككككككككككك
شيخه : عيبتكم يعني اون ><
فاطمه : لا مب حلوه مريوم لا تعيدينهاا ..
مريوم : ان شاء الله يدوهـ
نوره : ههههههههههه يدوه ثرج ونحن ماا نعرف ..
فاطمه : طوفاا طووفاا نروح نشووف شوو هنااك اسمع غنى ..
ورااحن البناات صووب الغنى >> شبااب ايولون واغااني وطنيه وهاا سوالف ..
شيخه : يااا سلام ياااابس يااابس ..<< ارتبشت البنت ههههه
نوره : وابويه عليج روحي رزفي ويااهم عيل >.<
موزه : خليهاا ماا تعرفين انهاا تحب هاا سوالف شيخووه
شيخه : عيونهاا ..
موزه : مابا اعيونج عيوني احلى
شيخه : مالت عليج قولي شو بغيتي .؟؟
موزه : ماا شي خلاص نسيت ههههه
شيخه : مالت عليج صدق تبغي تخرب علي الجوو <<خخخخ استخفت
فاطمه : من تسمع الاغااني ترتبش وابويه عليج وين يدتج عنج
شيخه : سمعتج فطووم يدوه في العزبه هههههـ
وعند الشبااب اللي ايولون وااحد من عد قصيدهـ وخلص وقال : خوااتي منوو منكم بترد عليه منكم بقصيده ؟؟
البناات كل وحده ماا تعرف شوو تسوي ؟!؟!؟
مريوم : اناا اخويه
فاطمه : مريوم شوو تخبلتي
مريوم : لا بعدني هاهاي
نوره : عااشت الشااعره الله ويااج
وراحت مريوم وقاالت :
اهدااء لكل امارااتي ..
يا بو ظبي يا عنيده ديـرة الظبـي الموالـي
شيخي خليفه يا شيخي شوفك بعيني مرادي
سلطني يا دبي قومي ارقصي افراح وليالـي
بس تغني لابن راشد حاكم اليـوم قـادي
لام قيوين سلامي مرشرش بشوق السؤالـي
لابن المعلا تحيه تاصلـه حـدي الفـؤادي
هيه عجمان تباهي قومـي بثـوب المنالـي
ارفعي الاعلام هيبه لشيخ النعيمي تـزادي
فزي يا فجيره وقومي مرعده مزنك تهالـي
عد ما هلت هتونك لشيخك الشرقي تعادي
شارقه شمس الشوارق شارقه بالضي سالـي
لشيخها سلطان قولي مضمر يردد سهـادي
ارتفع يا سهيل ارفع راس هالخيمـه بعالـي
لسيدها ابن القواسم بالتحيه بـادي بـادي
الرئاسه في النهايه لابـن زايـد يـا معالـي
ذاك نجله شوفوا زوله كنه الرمـح المعـادي
يا فديتك يا خليفه يابـن زايـد بالعلالـي
شامخ شمخ البيارق بحكمك القايد تجـادي
هذي الابيات حالي السموحـه راس مالـي
حبي لزايد فديتـه مشغـل حبـه فـؤادي
كل ما اكتب بشعري لازم اهديكم غوالـي
من ديار الشيخ زايد وجدوا شيوخ العمادي
ال النهيان سيف من جنوب اليـا شمالـي
ثم مكتوم ونعم الـف نعميـن الـذوادي
اهدي العود وعطوره باقي شيـوخ المفالـي
من اماره اليا اماره راكب خيلـي انـادي
شفت يا زايد فديتك حي بقلوب العوالـي
زايد ما مات حي ارفعـو الـراس اتحـادي << القصيدهـ منقولهـ وماا اعرف اسم الشااعر ..

البناات يصفقن وحااله وتصفير وونااااسه وشااب مفتشل الان مريوم ردت عليه ااقوى
شيخه : عاااشت مريوم عااشت
الشااب : صح اللساانج ااختيه ..
مريوم : صح بدنك ااخويه مع السلامه .. ورااحت صووب ربيعااتهاا..
موزه : عاااشت الشااعره
فااطمه : يااويلي عليج صدق ابدعتي ..
مريوم ك شكرا شكرا اخجلتم توااضعي
شيخه : مريووووووم من متى انتتي شاااعره هااا من وراناا
مريوم : موهبه مخفيه هههههههههههه..
نوره : وانفجرت اليووم كككككك
مريوم : لج بلادي ااكيد ..
ويلسن يطاالعن الشبااب اللي ايولون ويرزفوون ..ومريوم رااحت ياابت الكاام االان تحب تصوور كل شي ..
ويلست تصوور ..
شيخه : طااعوو مريوم يضحك شكلهاا وهي تصووور ..
موزه : كككككككككك سيلانيه تصور كل شي ..
نوره : حراام عليك تعرفون انهاا تحب التصوير ..
ومريوم تصوور ومستاانسه تحي التصوير ..وغدى ويهاا ااصفر من كثر التعب ..وشااب من شبااب فر السلاح ..
شيخه : مريووووووووووووووووووووووووووووووووووووووووووووووو ووم ..<< شلت بصوتهاا الكليه ..
طااااااااااااااااااااااااااااااااخ السلاح على مريوووووووووم .. واغمى عليهااا ..وبناات ركيض عندهاا
شيخه : مريووووم ردي عليه مريوووم ..
نوره :دخيلج مريوم فتحي عينج مريووووم ..
شاااب : اااسف مب قصدي شي صاار فيهاا ..
موزه : عمي اانت شوووف بعينك ماا ترد عليناا وويهاا ااصفر ..
وبنااات يصيحاا .. شاااب شل مريوم ..
شيخه : لا وين حووووووووه
شااب : بوديهاا المستشفى بعد شووو ..
موزه : احلف انت بس ممنووع ..
شااب : عيل نخليهاا جيه شوو راايج
فاطمه : صح كلامه يلا بسرعه ..
نوره : حمووووووووووووود..
شااب : نرووووهـ ..
فاطمه : تعرفينه نوروه ؟؟
نوره : هااا ولد عميه ..
حمد : بسرعه اازين نوديهاا ااحين
ورااحن مبنى الكليه وخبروو ادراة الكليه وبسرعه طيراان على المستشفى >> طبعاا الشااب ومريوم ونوووره وبااقي البناات في موتر ثااني .. وصلوو المستشفى .. ودخلوهاا .. وبناات على اعصاابهم ..
حمد : نوووره
نووره : نعم حمد ..
حمد : تعاالي ابااج ..
نوره : ان شااء الله .. ورااحت عنده
نوره : خير شو بغيت ..؟؟
حمد : خبرتوو اهلهاا .؟؟؟
نوره : لا ..
حمد : ليش ..؟؟
نوره : اذاا دروو ابويه وامهاا بروحوون فيهاا واخويهاا شوو بصير فيه مريوم مب بس بنتهم ولا مب بس اخته هااي روحهم قلبهم اغلى شي عندهم ..
حمد نزل رااسه الان هوو سبب في اللي مريوم ..
حمد : بس لازم تخبرونهم .. مهماا كاان لازم يعرفون..
نوره : اوك شورك وهداايت الله .. واتصلت ببيت وامهاا ردت ..
نوره : سلام عليكم خالوه.
الام : وعليكم السلام ورحمه بنتي ..
نوره : خالو عرفتيني ..؟؟
الام : هيه كيف ماا اعرفج وانتي ربيعت مريوم من صغرهاا.. انتي نوره ..
نوره : هيه خاالو اناا بغيت اخبرج ..
الام : قولي بنتي شوو بغيتي ..
نوره : مريوووم ..
الام : بلهااا شي فيهاا شي صاار ببنتي نوره رمسي ..
نوره : هدي عمرج خاالووه بقولج بس هدي عمرج ..
الام : نوره وقفتي قلبي قولي بسرعه دخيلج ..
نوره : مريوووووووووووووم في المستشفى ..
الام : شووووووووووووووووووووووووو .. واغمى عليهاا ..
نووره : خااااالوووه خااالووه ..؟؟

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
إماراتي .. حبيبة قلبي يأم الخير يا بلادي..رمزيات	دلــــــــوعة الامارات	برامج وصور وثيمات والعاب بلاك بيري و IPhone	5	11-18-2011 10:19 PM
عيدي يا بلادي	محروم.كوم	منتدى أخبار المواقع والمنتديات العربية والأجنبية	0	11-14-2011 05:50 PM
عاد عيدج يا بلادي	الحاير	عدسة الاعضاء , كاميرا الاعضاء	14	12-05-2008 03:16 PM
عآد عيدج يآ بلادي ..~	الغـر الـבـشيم ™	تصاميم الاعضاء	21	12-03-2008 03:15 PM
..عاد عيدج يا بلادي..	عيناويه دلوعه	شعر و خواطر	12	07-28-2008 12:34 PM