ساعتها أعتقد تفهم غرام(ن) في شراييني - الصفحة 7

أشواق تائهة · #1 04-15-2012, 10:03 AM

لي باك بعدين مع بارتين __DEFINE_LIKE_SHARE__

أشواق تائهة · 04-15-2012, 11:02 AM

بارت(17)
بعد شهر
كنت اسمع اخبار سلطان بس من خالي ضاحي
واوقات المحه من بيت يديده
وأوقات خواته يتشكون منه ببيت يدي
منال: شموه سلطان وايد متغير علينا كله معصب وجي
مي: هيه وايد أمس اقوله بسير بيت ربيعتي يقولي ماشي كله شباب
أنا: زين انا بسير باي
أخر شي سمعته
: شكل سلطان متغير على شما بعد
حسيت الدنيا تسود جدام عيوني
...
فتحت عيوني
سمعت
خالو مها: قامت قامت
أمي: حمدلله ع سلامتج خوفتينا
أنا: وين انا شو فيني
أمي: من قلت الاكل ابا اعرف ليش ما تاكلي
خالي ذياب: ممكن تخلونا روحنا شويه
الكل طلع

تمينا روحنا
أنا: ,,,
خالي: ممكن اعرف اللي صارلج سببه سلطان
أنا: ما يكلمني ولا شي حاقرني من مده ما سويت له شي
خالي: انا بأدبه لج
أنا: هو يعرف اني بالمستشفى
خالي: لا ما قلتله تبيني اقوله
أنا هزيت راسي
خالي: من عيوني
شل فونه بيدق له
أنا ابتسمت
مادري سلطان لو عرف بييني ركض ولا بيقول خلي مطر اييج
أنتهدت بصوت عالي حس فيني خالي
: شي صاير بينكم
أنا: لا بس هو متغير وايد
خالي: هو قال بييج عقب
أنا: ممكن اتطلعني من اهنيه
خالي: ليش بعدج تعبانة
أنا: مابي اتم بليز
خالي: زين بسال عنج الدكتور دقيقه
طلع خالي ودشو هلي
أمي: شو بينكم
أنا: اسرار ههه

خالو كلثم: خوفتينا عليج
أنا: انزين ممكن طلب ماماتيه
أمي: آمريني عيوني لج
أنا: ابا اطلع اليوم وبسير مع خالي ذياب بليز ماما
أمي: بعدج تعبانة شموه
أنا: مافيني شي بس بليز وافقي وعد برتاح بالبيت
أمي: زين
خالي دش: جهزي أغراضج سويت ورقه خروجج
أنا: زين يلا قوموني
...
ببيت يديده
أنا: سلام
سلمت ع يديده
يديده: عيل جي يقولولي انج تعبانة مافيج شي انتي
أنا: تغارون مني يديده
الكل: هههه
مزنة: نشت تسلم : شحالج شموه
أنا: تمام بس انتي باين عليج تعبانة جان تميتي داخل ترتاحي
يديده: قلتلها ما طاعت نوف تبا تطلع وهيه وياها
أنا:أها انزين
...
بالليل قعدت ع المسن أرمس لولو يالله هالانسانه شكثر ارتحت لها وقوت علاقتي وياها
لولو: يعني سلطان ما يكلمج بسبب مطر
أنا: إيه
لولو: وترمسي مطر انتي
أنا: ايه اوقات
لولو: اها انزين شو بتسوي
أنا: ولا شي ما يباني بيت اهلي يباني
لولو: حرام شكله يحبج
أنا: تبين الصراحه احس اني بديت احبه بعد
لولو: شو مسويه بدراستج
أنا: تمام اجازة بعد اسبوع امتحاناتنا وبناخذ اجازة بعد
لولو: أنا احسدج انتي كله اجازة
أنا: باجيلج شويه وتلحقيني شدي حيلج
لولو: إن شا الله
أنا: انزين انا ما بدش لين بعد الامتحانات اوكي ابا اركز
لولو: ربي يوقفج وطمنيني عنج عقب
أنا: اوكي يلا سي يو
لولو: سي يو
...
__DEFINE_LIKE_SHARE__

أشواق تائهة · 04-15-2012, 11:04 AM

بارت(18)
باسبوع الامتحان
ثاني يوم
عندي امتحان الساعه 12
أمي: يلا درسي متى بتسيري
أنا: ع الساعه 11 ونص
أمي: زين موفقه
أنا: آمين
...
أنا: ماما فونج يرن
أمي: هاي عمتج أم مزنة ليكون مزوون ربت
شويه وامي اتي
أمي: مزنة بالولاده من الصبح بسير لها بس انتي
أنا: عادي وديني من الحينه بتم عادي
أمي: صبري لين 10 وبنسير
...
بالكلية
تميت روحي لين 11 وشفت
نوره: شمووه يايه من وقت
أنا: هيه ترا مزنة بالولاده وامها محد وامي سارت لها
نوره: الله يقومها بالسلامة
أنا: آمين ذاكرتي عدل
نورة: هيه عدل ههه
...
ع الساعه 1خلصت الامتحان
أنا: اماه خلصت
أمي: بعدها عمتج محد بيتم عند مزنة
أنا: بيي ويا نورة وبنزل بيت يديده
أمي: زين طمنيني عنج
أنا:أوكي
...
أنا: نواره وصليني بدربج تقدرين
نوره:أفا عليج
...
يوم وصلنا
أنا وانزل: مشكورة نوارة
نوره: زولي ههه ما بيننا هالسوالف
ابتسمت لها ونزلت
...
لمحت سلطان صوب بيتهم
ومشيت لين البيت
سمعت فوني يرن حسبالي امي بس انصدمت برقم سلطان
"اش ذكرك فيني الحين"
طنشته
ودقي لامي اقولها اني وصلت
...
شفت خالي ذياب قاعد
أنا: سلام عيل انت اهنيه
خالي: هيه عيل وين بكون
خالو مها: شمووه روحه معصب سكتي عنه
أنا وافصخ عباتي: زين
يديده: احطي لج غدا اميه
أنا: هيه يوعانه
خالي: انا بسير المستشفى
خالو كلثم: طمنا انزين
خالي انزين
...
الساعه 4 العصر
خالو كلثم: صدق .. مبروك .. خلاص بقولها باي.. حمد حمد
حمد: هاه
خالو كلثم: بتشوف يديده بالحوي قولها ان خالو مزنة يابت ولد
حمد: زين
...
فرحت لخالي ان ياه ولد
...
ع المغرب
وانا اذاكر وصلتني صوره ع الوتس اب
يااي يحلاته كتكوت
طالع يشبه ابوه مب مثل نوف تشبه امها
...
كملت مذاكرة باجر عندي اجازة وبعدين امتحان يوم والخميس أخر يوم
...
نمت ببيت يديده والصبح
...
خالي ضاحي: شمووه قومي ما عندج امتحان
قمت اطالع الساعه شفتها 11 اويه متاخره
وأتغسل بسرعه واصلي الصبح
وعقب أبدل والبس عباتي
وشليت كتابي وطلعت
خالي ذياب: مو تقولي اليوم اجازة وين سايرة
أنا: هاا هيه صح حسبي الله ع ابليس ضاحي قومني خرعني اونه متاخره
الكل:ههههه
...
بعدين قعدت اكل وتغدينا وسرنا نشوف النونو
مزنة: شمووه تبين تشليه
أنا: لا بشوفه بس اخاف اشيله
خالي ذياب: باجر يوم بيكون عندها ياهل ما بتقولي جي
أنا انحرجت وتميت أطالع النونو
خالي: نوفه شوفي أخوج أحطه لج ع ريلج
نوف: لا مابا ماما قومي شيلي هذي وتعالي البيت .. قصدها الابره
مزنة: لا حبيبتي انتي نامي عند ماما عوده انا بتم اهنيه
خالي: عيل البيبي وين نخليه
أنا: نوفه اخوج هذا
خالو مها: بتي معانا نوف
نوف: لا بسير مع بابا
أنا: خالي بنام معاها اوكي
خالي: عراحتج ولا انا قلت بوديها عند خالاتها
أنا: لا خالاتها عندهم امتحانات انا فاضيه باجر
خالي: زين
...
__DEFINE_LIKE_SHARE__

أشواق تائهة · 04-15-2012, 11:08 AM

بارت(19)
بعد إمتحاناتي بدت اجازتي لمده اسبوعين
طبعاً بس كليتنا
خالي ذياب: هاج نوافه انا بسير عقب بيي
أنا: انزين وين بتسير
خالي: بطلع مع ربيعي وبرجع أمها نايمة أمس زايد ما نام
أنا: انزين
خالي: تبين شي
أنا: لا بس جان بتمر الدكان اتيب لها شي تاكله
خالي: زين
...
خالو مها: ها نوفه عندنا
نوف: ماباش
أنا:هيه من ساعه الحينه
خالو كلثم: ما تبي نوف برتقال
نوف: ,,,
أنا: نوفه تبين
نوف هزت راسها
بس يوم عطتها خالو ما خذت
شليت البرتقال ولقمتها
...
ع المغرب
خالي ضاحي: شماا اقولج ما بتين دبي تتزهبين لعرسج
أنا: أي عرس ماشي عرس الحينه
خالي ذياب: بس لازم تتزهبين عشان متى ما ححدو الموعد تكوني زاهبه
أنا: زين
...
خالو مها: باجر ما بتسيري معانا دبي
أنا: ماعرف، من بيسير؟!
خالو مها: انا و امج ويمكن ضاحي ولا الدريول يودينا
أنا: زين بيي
خالي ذياب: هذي شما اللي انا اعرفها
أنا ابتسمت له: عيل زايد وينه راقد
خالي ذياب: هيه راقد
خالو كلثم: عيل خذت اجازة
خالي ذياب: هيه خذت اسبوعين بس عقب برد اداوم ومزنة بتم ببيت اهلها
...
خليتهم وسرت اقعد ع المسن
شفت لولو
أنا: هااي
لولو: هايات
أنا: اخبارج
لولو: تمام ونتي
أنا: زينة
لولو: اخبار سلطان
انا: تصدقي ماعرف عنه شي من مده
لولو: امبيه ليش
انا: قلتلج يوم عزا اخوه قاللي اونه ها عذر نعطي عمرنا فرصه ثانيه يمكن ما اناسب بعض
لولو: وما شفتيه من ذاك اليوم
انا: بلا شفته يوم داشه بيت يديده هو عند باب بيتهم اتصل فيني بس مارديت
لولو: ..
...
عقب شفت مطر داش
انا: هلا
مطر: اهلين
انا: وينك من فتره
مطر : اشوف غلاوتي بقلبج شموه اخبار خطيبج
انا: وحيات قلبك صار لنا فتره طويله ما نعرف عن بعض
مطر: ابيج لي متى بشوفج
انا: قريب قريب
انا: بطلع الحين اشوفك عقب
...
طلعت قبل ما اشوف رده هذا مطر كل ما يشوفني داشه متى بشوفج ومتى بسمع صوتج
بس انا اخاف والله
وابي بالحلال اشوفه
...
__DEFINE_LIKE_SHARE__

بس كيفي~ · 04-15-2012, 11:46 AM

مشكووره ع البارتييين غلايه ونترياا الي بعده~ __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الصحفي العالمي نيك كريستوف: "أعتقد بأن الحكومة ستنتصر، أعتقد بأنهم سين	محروم.كوم	منتدى أخبار المواقع والمنتديات العربية والأجنبية	0	11-29-2011 07:30 AM
بأي شكل تفهم الحياة انت ؟	محروم.كوم	منتدى أخبار المواقع والمنتديات العربية والأجنبية	0	10-18-2011 03:10 AM
حبيبي حبك العذري جرى مجرى شراييني . . }~	MarayemoOH	استراحة قصص وابداعات الاعضاء	14	07-23-2011 11:11 AM
علم الفراسه .. كيف تفهم الاشخاص من حولك ؟ كيف تفهم نفسك؟؟	رًوَحًيَ بًدَوًيهَ	الإستشارات النفسية والاحتياجات الخاصة وتطوير الذات	2	01-31-2010 12:51 PM
جاني على الايميل ومن ساعتها وانا افكر!!!!	محروم.كوم	منتدى أخبار المواقع والمنتديات العربية والأجنبية	0	06-28-2009 10:50 AM