احس روحي تبي تسأل انا ولا انت راعيها

^ بنت العين ~ · 03-25-2012, 10:23 PM

◊◊البــآآرت الـ الثآنـِـِي ◊◊
تمرنا،‘ ايام الزمـــــأإان// وتعــــــــِـــــدي
كل شئ يروح}{ وينتهي به زمـــــانه..ِ
.................................................. .....................
كم ليلةٍ|| ما رشفت الماي يا خلي .~.... يبسن حنايا الضلوع وجيت شفقاني]
اما//تموتلظماي او تشربن كلي .....{ والانتلاقى وكلن يشرب الثاني
روضــة..
روضة و هي تطلع الدفتر و القلم من الشنطه : اندووج بس ما قلتيلي شو تبين فيه!
روبي : ابي اكتب شي حق مهرو ... شلت روبي القلم و الدفتر و كتبت فيـ’ه :
..ِ[ يعلني فدا عيونج و يعلني ما اخون حبج ..~..{ افديج ..بكل مآ > أملـِـِكـ’ه ..فديتج ودي أعيش للأبد // بقلبج..] .. شقت روبي الورقة و طبقته بترتيب و عطت الدفتر و القلم لروضة ..
روبي : تسلمين حيااتي ..{
روضة : الله يسلمج .. الدفتر و راعية الدفتر يفدوونج..
روبــي : علني لآ خليت منــج الغآلية { }
روضة : و لامنج .. المهم شو كتبتيلها ؟
روبي : بيت شعر عسب أراضيها... اذا رضت كان بها و اذا ما رضت بالطقاق لي يطقها غيــِرها وايدات يتمنون نظرة مني ..
روضة : عآآآشت روبي جي أبااج خلج قويـة و لا تخلين وحده شراتها تأثر فيج{
روبي بنبرة حززن : رواضي فوق ها كله أحبهـآآآ{}
روضة تتطنز : ام قلب إنتي نشي نشي خل نظهر .. قبل لا يظهرن من الكانتين سارت روبي لـ مهرو و من دون اي نقااش عطتها الورقة و ظهرت هي وروضة .. على نهاية الدوام اتصلت روضة بزايد عسب يشلهـآ .. شلها زايد ووصلوا البيت و في البيت .. عزام توه راد من الدوام و حمد يالس و يـا عيآله.. و ام حمد و منى و البشكارة فالمطبخ يزهبون الغدى..
روضة فنفسها : ويـه صح تذكرت إن في وحده ساكنة عندنا..[] خطفت صوب حجرتها لكن من زود نحاستي ما حصلتها شكلها فالمدرسة ما يت كان خاطري أغلس عليها و أنكد عيشتها و أخليها تندم ع الساعة اللي حطت فيه ريولها ع بيتنا .. غريبة هالانسانه مليانة غموض كتوومة ما ترمس و لا تنطق بحرف جنه حد قابض لسانها [].. سرت حجرتي, تسبحت و بدلت و صليت , لبست بنطلون اسكيني اسود و قميص أبيض عليه كلام بالانجليزي باللون الاسود .. و انا نازلة من الدري سمعت صوت عفاري "ياسلاام ردت من المدرسة" .. يايتنج فديتج شكلج متولها ع الضرابة[] .. كنت بدش حجرتها بس زيود سبقني و دش .. شو عنده هآآآ بعد لازم يخرب خططي هادم الملذآت ..خلني اسير أعبي كرشتي و لاحقيين ع الضرابة ..
زايد دش حجرة عفرا : السلام عليكم ..[
عفرا : عليك السلاام .. تقرب منها و يلس حذالها ع الشبريه
زايد : شحالج عفرا ؟
عفرا "شو سالفته نازل عليه االوحي" : بخير الله يسلمك .. و انته شحالك؟
زايد: الله يسلمج ويعافيج .. اقولج عفرا انزلي تغدي ويانا لين متى بتمين جذه تاكلين روحج بعد ما يستوي انتي استويتي وحده منا و فينا .
عفرا [ ] : حبيبي و الله.. اخوانك ما يواطنوني بعيشة الله وين تباني اتفيزر جدامهم و اكل ..لا لا لا اكل هني احسن ..
زايد : عشان خااطريه اذا لي خاطر عندج تيين تتغدين ويانا..
عفرا : واذا عقوا علي نغزات..!
زايد : لا ترديــــن عليهم " يأشر علي أذونه "دخلي من اهني و طلعي من هناك و ع قولتهم طااف و الحياة مستمرة..
عفرا : عشان خاطرك بس
زايد : اوكي انا بسير حجرتي ببدل ..[]
عفرا : اوكي بس مر علي قبل لا تروح تتغدى عسب نظهر ربااعة ..
زايد مبتسم : تآمرين أمر .. و سار حجرته يتسبح و يغير و مر ع حجرة عفرا و ظهروا اثنيناتهم .. في الصاله الكل موجود و قاعدين يتغدون إلا ام حمد كانت يالسه تتطالع التلفزيون..
حمد يطالع عفرا مستغرب من يـيتهـآ : هلا عفآري شو بتتغدين ويانا اليوم! حيااج ..[] و عزام كان ياكل لكنه فجأة توقف عن الاكل ويلس يطالعها بعيون شـر [ ].. يلس زايد و أشر لـعفرا تيلس وجان تيلس حذال سهول ولد حمد..
روضة من طرف خشمهآ: بسألكم بنت ظبيووه شوو اللي مخلنـها تتكرم و تتغدى ويانا ؟, انا الصراحه كنت يوعاانه إلا ميتة من اليوع بس من جفت كائنات فضائية عجيبة ما ادري من وين طلعت انسدت نفسي[ ].. عفرا تتطالع زايد بـ حزن[].. عفرا بخاطرها " شكلج كائن فضائي [] ..ما أروم أرد عليها لان عزاامو موجوود وهو وايد يعز روضة ما فيني ينحرني عسبتها , واخوي حمد العود بعد موجود يعني ع الاقل ابين له اني محترمة و ما أنزل مستواي لناس تاافهة شرات اختهم ..~~..
منى : روضـة كلي و انتي سآكتة لا تتسببين .!
روضة : اااااهاهااااااااااااااااااااااااااااااااع << ياهل ..
حمد: روضوه انجبي لا اييج كف يطير ويهج ..[]<<< تستااهل
زايد يقهر روضة: ع فكرة روضوه الكائن الفضائي اللي مب ماليه عينج انا عازمنها و اذا نفسج مسدودة عن الاكل هاج الدرب و الباب يوسع لجمل ..[].. انقهرت روضة من رمسة زايد .. وزايد شاق الحلج يحس انه سوى انجاز بكلامه اللي لأول مرة يقوله و جدام عزام<< و الله انك كــذآ هع].. بس فـدقيقة اختفت هالابتسآمـه يوم عزام رد عليه بعصبية..
عزام يهآجمـه: جـــي مطعم هو تعزمها .. باجر بنجوف البشكااارة تاكل ويانا لان الشيخ زايد عازمنها .. و الله حالة .. الواحد حتى غدى شرات الناس و العالم ما يروم ياكل , غربل الله ابليسـكـ يالسبال [] ..حست عفرآ بالاحراج و القفطة لانها حطت اخوها زايد بموقف مثل هذا .. و بسبتها انهزب زيود ما يهون عليها لانه الوحيد اللي يسأل عنها و مهتم فيها , و تمنت لو انها قرت مكانها فالحجرة و لا يت لانه كان بيكون وايد احسن ..
ام حمد من بعيد تصارخ : صخوا الله ياخذكم تراني مندمجه فالتلفزيوون و انتوا تخربون علي بصرااخكم ..
حمد: امايه ليش ما تتغديــن ؟!
ام حمد : صآيمـة ..
حمد : بس اليوم .. الاحد .. ما احيد الناس يصومونه ..! []
منى : خآلتـــي غير . هههه .عزام عيونه موجهة صوب عفرا ..و عفرا تاكل بالغصب ايدينها ترتجف,ما تدري ليش يمكن لانه اول مرة تيلس و تتغدى وياهم أو من خوفها من نظرات عزام الشرانية "حليلها احس انها فاقده الأماان".. [] .. خلصوا الغدى وكل واحد سار حجرته.. في حجـرة عفرآ سهول كآن يايب كتبه و يبآ عفرآ تدرسـه ..
عفرآ : سهوولي شو عليــك باجر ؟!
سهول : هممم .. املآء انجليزي ..
عفرا تبتسـم : يالله عيـل .. قول بسم الله
سهول يبتسـم : بسـم الله .. و بدت تـدرسـه [].. شـوي دشـت ام حمـد ..
ام حمد : سهوول انت هنـي و امـك تدوركـ , شو تسوي؟ !
عفرا :يالسة أدرسه!
ام حمد : جي انتي أمــه .. امه الحمد لله موجوده .."تطالع سهول " سير يلا عند ماماتك تدرسـك..
سهول يترجآها: يدووه ما بـآآ .. ابـي عفرووتي تدرسنــي ..
ام حمد : لا تخليني ازقــر ابوكـ يلا اسمع رمسة يدووه وسير !
عفرا : خالو خليــه عندي
ام حمد : جب انتي ما يخصــج .. يلا سهول ..
سهول يصارخ : يدوووو .. ما ابااااااااااااااا ..اهااهااااااااع { }

ام حمد رآسها افتر من صراخه: عنلآت صدآك [ ].. انزيــن .. لفت بسرعـه برع و يلست تزاعج :.. حمد .. يا حمــــد ..
حمد ياي صوب امه : نعم اميـه شو عندج !
ام حمد : جوف ولـدك مسود الويـه ما يبآ يذاكر عند امـه .. متمسك ببنت ظبيـوه!..
حمد يدش الحجرة و بـ حنيـه و براءة: سهــول تعآل.. حبيبي انت ! []
سهول يصآرخ من قمة رآســه : ماا ابااااااااااا اهاااهااااع << انعدى من روضوه..
حمد يحط اده ع اذوونه : طرييت طبلـة اذونــي[ ] ..
حمد يغني : سهول .. اللي بيسمع كلمة أهلوا شو بنؤؤلو.. شآطر شاطر .. يلا تعاال حبيبي
عفرا : هههههههههه .. صوتك تحطيم
حمد : اعرف فديتني مواهب مدفونه .. يلا سهول..
سهول : اهاااهاااااااااع.. مااااباااااا
حمد : خلاآآآآآآآآآآآآص برآيك تم اهنـي .. و جان يظهر و يحصل امه اللي بعدها مصرة انها تظهر اليااهل من عند عفرا
ام حمد: اشحقـه ما طلعتـه و خليته يسير عند امه .. ؟؟
حمد : ما طآع ,, برآيـه يبا عفرا تدرسـه و بعدين عفرآ و الا منى كلـه واحد.. [ ]
ام حمد : لآآ هب وآآحــد ..يآ ولديه سهول قآم يتعلـق فيهآ و هآ الشي هب زيــن ..
: كيييفـه ..{ }.. t.v حمد مطنش امـه و سآر عند الـ
ام حمد :شو هالولد ! ..احر ما عنديه ابرد ما عنده..
عقب ما خلصت عفاري من سهول سرت عند زيود اوصيه ع اغراض من المكتبـة .. دقيت الباب ع حجرته ..
زيود : منو ؟؟!
عفاري : انا عفرآ
زيود : حيآآج دخلي
عفاري : زيود طلبتك
زيود : عطيتـج ..
عفاري : فدييتك انا . ~..~ ابيك تسير المكتبة .. ابي كراس و أقلام .. و شو بعد .. همم
زيود : اقولج يوم بسير المكتبه بتصل عليج و خبريني شو تبين مب الحين منو قالج اني شاطر بالحفظ !..
عفاري : هيهيهيهي .. اوكـ.. و يوم كانت بتظهر تذكرت ..
عفرا : بتخبرك زيود .. شو سالفة عيوزكم اقصد عمتي ام حمدفيالصياااام!
زايد :صايمة بعد شو فيها ..
عفرا :اول شي اليوم أحد ...ثااني شئ الاياامالبيض يوم الاربعااء لين الجمعهعيل ليش صآيمة اليوم..
زايد:يمكن تبا تكسب اجر[]
عفرا : هههههههههه ..
سرت خلصت واجباتي و مذاكرة .. بطلت اللاب و دشيت المسن ما حصلت حمدووه جان اتصل عليها عسب اتدش.. و تمييت ليين الساعة 7 المغرب .. عقب سرت عند سهول ألعب وياااه فالمسبح ..فديييته هاليااهل شو أحببه
[] .. و جي ع السااعة ثمان و نص اتصل علي زيود عسب أغراض المكتبة و وصيته .. و ع السااعة 9 .. بعد ما صليت و كل شي حطيييت رااسي ع مخدتي العجييبة و رقــدت وراي نشة ع السااعة 12 عقب بتعرفون لييش.. بس قبل لا أرقد مروا علي ذكرياات ابويه و اماايه .. و اياام بيتنا فـدبي .. و كيف كاان فريجنا ربشة .. و كيف يوم كنا نظهر ع العصر و نسير الدكاان و نلععب .. أسميها أياام الواحد يتمنى لو ترد له ترد الروح وياها .. يلا خلوني أرقد باجر وراي كرااف و مدرسة ..!
»»»●●●●●●●●●●●●●●●●
المكان : الجريـدة
اليوم : الاحد
الوقت :الواحده و 49 دقيقة ظهرآ
»»»●●●●●●●●●●●●●●●●
شهــــد ..™
أإحـييييييمأإحيييييم وجأإإناوصل درب درب وين الزولية الحمرآ<< سيري لاه
شهودة الحلوة ..انسانة طموحه .. خقاقة نوعا ما .. طيووبـه حبوبه ومرحه..بس الزين ما يكمل.. مغرورة شوي..احب انكــــت .. خرييييشـه لا بعد الحدود .. بس فوق هااا كله اجذب النااااااس بشخصيتي.. و من بين هالناس عزام اللي انا روحي انصدمت منه يوم اعترف لي انه يحبني و اني عايبتنه .. يعني موول ما يخصه فيني صفآته ما تيي صوبي هو عصبـي و ياخذ الامور بجديـه و انا عااادي اسوي طآف سبحآن الله .. شعري قصير واسود سواد الليل .. بيــضآ .. يشبهوني بممثلة كويتيه الله يستر عليها .. اخواني :سواف و احمداني و سلطون وعندي أختين حمدوه ومنى هيهيهي ..و بعد شوا قولكم .. هيـه أشتغل في الجريــدة .. خلونا نتاابع ..
شهــــد ..™
وانا اشتغل بضمير حصلتلي ضربـة من صوبربيعتي اسمها حصـة "حامل " تشتغل ويآي فنفس القسم اللي انا فيه..
صديت صوبهـآ : حصيـــــــــــــص ..[ ] و جآن اشوف عماد " واحد سوري يشتغل عندنا .. يطبع الاوراق..دومي ضرآبه ويآه ما يدانيني و لا اوااطنه بعيشة الله "
عماد يضحك : هههههه و طلعي عينهـا كمـآن هالقبيحـه..
شهد معصبة :محد غيرك قبيييح و تعلمت هالكلمـة بعـــــد[ .]... جان اشوف حصـة بنظرة براءه وحزن {}
..ويتقطع قلبها وتحضني..
حصة : حبيبتي شهوود زعلتي؟؟ ..وقلت فرصة استغل الوضع لصالحي وانتقم من عمـآد ..
شهد تأشر على عماد : هذا وايد غلط علي وسبني انا وانتي بعد<< يالخرط..وتعصب حصـة وتسوي هجوم عليه واعطيها اناالاسلحه والي هي الكليب مال الاوراق هههههههههه..[ ]
شهد : وااك كككككككك..[ ] و اعطيها و هي تفره ع المسكيـن ...
حصـة : ياللي ما تستحي ع ويهـك .. و جان يشرد السوري ..
شهد : هيهبووووبه محد يتحرش فيني.." تضرب حصة ع ظهرها " وراي ظهر ..[]
×
×
×
زيوود..
توني رآد البيت و الساعه احين 2 الليـل .. كنت سهرآن ويا شاهين ربيعي لان البارحة كان عيد ميلآدي والحبيب اليوم عازمني ذكاء .. و محد في البيت سوالي سالفة ..[] المهم رديت البيتو يوم فتحت الباب جني حرامي لقيت خلووف جداامي يضحك ..
زايد : بسسم الله شو تسوي اهني انته خلووف وإلا شبحه!!
خلوف : لا العفريييت .. وينك لييين احين !
زايد : لاا والله عطيني طرراق ع ويهي .بعد . ما يخصك وين كنت !![ ] ..
خلوف : مآآ يخصني هـآآآآ .. و جان يفرني بدله متروسة ماي و خيسني ماي..
زايد[] : الله يغربلك ان شا الله كل سنة تفاجئني بشي اخس عن اللي قبله...والباجي صقور + حمدوه + عفرآ وااقفين عند الباب اونه يصارخون ..
الكل : عيد ميلـــــــــــــــآآآآ د سعــــــــــــــــــيد[ ]... قسم بالله عصبت و تميتاصارخ..
زايد اصارخ : صج ما تستحون ع ويوهــــكم البارحه عيــد ميلآآدي و الحين يايين تقولون لي هالرمســــة و انته خلوف يالجلب .. الكــل منصدم فيني[ ]توقعوا اني استاانس .. ظحكــني شكلهم يوم انصدموو فيني و انا اصارخ فاجين حلوجهم ..
زيود : ههههههههههههههههههههههههههههههههههههههههه.. جان اطيح ع الارض من كثر الضحك ~.... اشك ان فيني شي
صقــر : مب ويهمفاجأت تصدق ....
زيود : امحــــق مفاجأت و ربي... لا كيك ولا بطيخ ...
عفاري : بس يايبين لك هديــه رآآهيـة .. الهديه كآنت ساعة ماركة وورلكس متشركين فيها [ عفرو و خلوف و صقور و حمدوه ] ...
زايد :شو هالزط !!محد يابلي هدية غيركم لا و هدية متشاركين فيهاصدق مب زطاطه فيكم ..بس كثر الله خيركم تذكرتونــي ..
حمدووه : احمد ربك ما اشترينا لكـ قميص وكارافيتا من سوق البتان مال درهم درهمين ..هههه
الكل : ههههه هههههههه...~
زايد : هذآ اللي ناقص بعد ويا راسج العوي ..! << ع فكرة زايد يحب يغلس ع حمدووه .. هوااايته ..
حمدووه : مآآلت علييك يالعلة ..
عفاري : كل عآآم و انت بخير زيووودي حيااااتي []..
زايد : وانتوا كلـــكم بخيير فديتتتكم انا ..
خلوف : عقبال ما نشوفك دينآآآصـــور
صقر : وتخييس و تتحلل نفط ..
زايد : وآآآل !!!
الكل : ههههههههههههههههههههههههههههههههههههههههههههههههه. .
.......................................
المكان : ميلس بو محمد ..
اليوم : الجمعة ..
الوقت : 11 صباحا
.......................................

امضي بالحياهوانت > مبتسم
فانهغدايومٌ//جديدُ مليئ بالمفآجأتبانتظاراك
--------------------------->> وتعلممن مامضى واتركهخلفك~..

مرحبآنــي .. انا شااهيـن ...عمري 19 سنـه .. حليـو .. بشرتي حنطآوية .. ادرس فـالكلية قسم العلوم الصحية ..احب الخيــــل و باختصار انا ..~ مروّض الخيل العنـِـِيـِدة ..~ مشتركـ فنادي بوظبي للفروسية و كل يوم اسير له وعندي حصآآن اسمه " فآستر " فديييته حصااني .. وشوي تيتيت , تيتيت.. وصلني مسج من منو ؟ شليت الفون و اجوف " جمعة مباركة ^^ " المرسل : عبيد .. اتصلت به ..
شاهين : السلاام عليك و الرحمه ..
عبيد : و عليكم السلااام .. ياامرحبااا الساااع
شاهين : مرحب بااجي و لا هان .. علومكـ ؟؟
عبيد : و الله علومي تسرك و لا تضرك .. انته شحاالك ؟؟ و شو الخيل و ياك ؟
شاهين : بخير دامك بخير الغالي .. و الله الخيل تمام التمام ابد ما يحتاي توصي حد ع عمره ..
عبيد : و شخبارهم الاهل ؟
شاهين بخبث : الاهل بخير يسرك حالهم.. بس يعني مافي حد معين مني مناك ؟! [ ]
عبيد : طآآلع هذا .. وإذا في انت ليش محترق.. اجلب ويهك احسن لك !
شااهين : انزين بتجوووف " و هو يمسح لحيته "<<هع حركات اول
عبيد : شــو بتسوي يعني!
شاهين : ان ما طفرت ببـعض النـآس ما اكون انا شااهين .. [ ]
عبيد : ايه يالخبلة عاد كله و لا شموه لا تي صوبها حتى..
شاهين يخوز التلفون عنه و يهز رآسه بتتطنييز : .....
عبيد : ألـو .. وين ذلفت ..
شاهين ما رد بالعاني يسوي هالحركات : ....
عبيد : شاهيننووو اصطلب عاااااد [ ]
شاهين و هو يضحك : انزيين اعصآآآبكـ ياخي اقولك عندي لك هدية ..
عبيد : شو هديته بععد !!
شاهين "يغني " : الحب الحقيقي بيعيش يا حبيبي ..
عبيد :عاااااااشو فدييت هالصوت انـآ ..
شاهين : بس بس تخربني زياده بعد ..
عبيد : لا تصدق عمرك .. امبونك خربان ×خربان يت علي ..
شاهين : ههه .. يلاآآآ بخليك احينه بسير اخذ لي دش و بتمسح عسب اتلاحق ع صلاة اليمعة ..
عبيد : يلا فمااان الله .. ~ ..
شاهين : ودااعت الله .. وسكرو عن بعض, شاهين سار الحمام يتسبح و يتلبس و عبيد كان ماسك خط بوظبي لانه بيروّح عند اهله .. متولهـ ع اخوه خلييفــة ..
.................................................. .............................
المكان : بيت بو حمد
اليوم : الجمعة
الوقت : الحادية و النصف صباحاً
.................................................. ..............................

زآآيـِـِد.,.,.,<<
دخلت عفرا حجرة اخوها عسب اتوعيـِه بأمر من ام حمد ..
عفرا و هي تطالع الحجرة : بسم الله .. هاي حجرة و الا زريبة و الاشو بالضبط ؟! جاافت زايد كالعااده رااقد و يشاخر بعد .. سحبت عنه اللحاف و جافته بوزار و فانيله .. انحرجت ..بس لازم تووعيه عسب يلحق يتسبح و يتلاحق ع الصلاة ..
عفرا : زااايد .. نش يلا ..
زاايد وهو يسحب اللحاف : شوتبين .. ابي ارقد..
عفرا : زيوود نش ترا اليوم يمعة..
زاايد في عز رقآده: و خير ياطير ..
عفرا معصبـة: زيوود يالحمآر نش .. [ ] .. لكن لاحياة لمن تناادي
عفرا: زيود و الله ان ما نشيت بالماي البارد ع ويهك .. ما سمعت رد , سارت يابت هذااك الماي البارد و جبتـِه عليــــه و شردت ..
زاايد ينش : عفرو يالحماااارة ... "يزااعج " مااعليه مردوودة .. عقب الماي البارد اللي حصله من عفرو قال ما بيتسبح يسد انها مسبحتني بالماي البارد.. بدل ثيابه و لبس كندورة بيضا و كاب و تعطـــــر و نزل المطبخ ..
~..هلا حباآآيبي .. انا زايد الطشيخ<< الكشيخ .. احب الطشخة و الخقة .. حليـو ..عيوني عسليات .. ابيضآني .. احب العوز حمدووه بنت عميـه .. ادرس فالكلية قسم العلوم الصحيـة ويا ربيعي شااهين .. عمري20 << العمر كله...مغاازلجي عوود خخخ ..اويييـه عزاام في المطبخ شوي يسوي هذا << رحت فيها ..
زايد : صبااح الخير ,,
عزام يتطنز: هلا هلا باللي دخل المطبخ.. احين ناش صح!! []
زايد اوهووو ما اريد اسمع محااضراته : يــس ..[ ]
عزام ما رد و طلع وشكله كان مستعيل جفته حط ح الرف كوب قلاص و زاخ جرايد بإيده [؟؟].. تأملت القلاص لوهلة حسيت بـ شكله مألوف احس عمري جفته قبل بس ما اتذكر وين؟ وين ؟ وين؟ اوهووو ما اتذكر وين برايه امتحان هو ؟.. اهم شي افتكيت من عزام و حشرته .. يلست في المطبخ ع الطاولة اشرب لي حليب ويا بسكوت .. شوي و دخلت منى حرمة اخويه حمد و وياها عيالها الاثنين سهيل و عموري اللي يالس يصييح و عفرا كانت وياهم..
منى : هلا زايد ..
زايد يطالع عفرا بخاطره يذبحهـآ : هلآآا بج زوود .. []

عفرا : ليش تطآلعني جيـــه ..ماا يخصني انت ماطعت تنش بالطيـب .. [] رآحت عند الثلاجه و شلت جلكسي يمكن حقها و حق دلوعها سهيل اللي كان يطلع لي لساانه ..
زايد يصارخ : دخل لسآنك لآ اقصـه لك عيييب .. حسيته تروّع من نبرة صوتـي على طول طلع من المطبخ..
عفرا تظهر من المطبخ : زيغته حرام علييكـ .. لفيت ع عموري اللي امه يلسته حذالي و سارت تسوي له حليب..
زايد: هلا عموري فديت رووحك انا تعاآآل .. تعال عند عمك يا حبيب عمكـ .. و عموري يصييييح ما يباني و لا يبا حد يبا بس عزااام..{
زايد : بلااآآه ولدج الدلووع يصيح ..[ ]
منى : بلآه بعد! يبا عمه عزاام و هو مب فآضي لـه..
زايد يشرب الحليـب: ذبحنـآ ولدج بـعزام ..اللي يسمع يقول مب جنـه حمد ابوه إلا عزام ..[]
منـى طفرآنه: شو اســوي بـه ! شلت ولدها و سارت .. و انا بروحي في المطبخ حق شو يالس بعد خلني اسير الصالة اسلم ع الوالدة .. سرت الصالة و حصلت حمد و امايه ...
ǂ..........................................
المكان : صالة بيت بوحمد
اليوم : الجمعة
الوقت : الثانيه عشر ظهراً
.................................................. .ǂ
ح ـــمد ©

[ انسآن لي طموحاتي .. لي اهدافي .. عندي الصح صح و الغلط غلط .. فيني شبـه كبيــر من الوالد الله يرحمه .. انا و سيف ولد عميه ربع , عمري 28 سنة.. عندي معرض سيارات و اشتغل فيه معرس عندي سهيل و عموري .. عصبي.. دووم اتضآرب ويا عزام .. وبتعرفوني اكثرمن خلال القصة ^_* ... دش زايد الصالة و محد كان فيها غيري انا و امايه, سار يبوس راس امايه و عقب ..
زايد : هلا خويه حمد ..
حمد من ورآ الجريدة : بالمهلي ما يولي ..وينك انت مختفي هالأيام [] ؟
زايد : فديتني و حشتك [ ] ؟
حمد : هههه .. إذا ما وحشني زيود منو بيوحشني ..
زايد : حرمتكـ [].. ااأقصد محد ..
حمد : اقولك ... جفت المقال اللي كتبته شهد بنت عمنا! الصراحه بدعت فيـه ..
زايد " ليكون هي نفسها الجريده اللي كانت عند عزام .. يمكن " : عطني خل اقرآ , شهوود ما فيهاا حيلــة .. شل الجريد ويلس يقرآ ..
ام حمد : ترا اليوم عماامكم كلهم يااين عندنا [] .. زايد و حمد مع بعض وبنفس الوقت صدو على امهم :

كيف و اشقايل و ليش ؟؟
ام حمد تضحك غصبا عنها عشآن ولدها حمد ما يعصب : هههه شوي شوي [ ].. عزاام عازمنهم اليوم عسب يرمس أعمامكم .. انا اهني عصبت منو العود انا و الا هو منو اللي يفرض رآيه انا وإلا هو ..
حمد معصب : اشقايل ما يخبرني, جي طرطور انا اهني []
زايد : محشووم ياخويه هدي بلاك عصبت جي, افا عليك بس ,انته الكل بالكل ,و لا نروم نستغني عنك ..
حمد : عيل شو تسميه هذا.. "يسأل امه " : و عزام وينه !!
ام حمد : سار ييب الغدى من المطعم مع سلطان ولد عمكـ .. خلاص يا ولديه هدي احينه و عقب تفاهم وياه .. اتصل حمد على عزام اخوه ..
حمد : عزاآآم .. []
عزام : هلاآ بوسهيـــل ..
حمد معصب: انت ما تستحي ع ويهك .. اشقايل تعزم اعمامك بدون لا تخبرني.. []
عزام ببرود : عمـي نآصر يبآنآ فـكلمـة عشان جيه عزمتهم وبعدين السالفة ما تسوى انك تكبرها جـي ..
حمد : و ليش ما خبرنـي عمي نآصر ؟!
عزام : اتصل بك اكثر عن مرة بس انته ما ترد ..
اتذكرت فوني اللي حطيته ع السايلنت : اااا ..انزين و انت ليش ما خبرتني مساعه مجابلني و لا رمست ..
عزام :مآ فظيـــت اخبركـ و بعدين كل شي استوا بسرعـه..
حمد هذا اللي يذبحـه : لاآآ و الله
عزام : حمــد خلـآص صك الدعنه انا الحين مشغوول .. يلا عقب برمسك.. فمان الله .. و سكروا..
حمد وبدآ بالصرآخ: جليـل الحيـآ لا يخيـّل ولايستحي ..[ ] و هذول هم من يومهم وهم حآطين دوبهم بدوب بعض.. مايتفقون على قرآر وآحد.. لازم هذآ يخالف هذاك و لازم هذآ يعاند هذاك .. كانوا متعبين ابوهم الله يرحمه لا الرمسـة يسمعونهـآ ولا الشور يطيعونه ليين ما عيـز منهم .. ابوهم عنده حلآل في ألمانيا كان يبا عياله يمسكونه لكنـه عقب اللي جـآفة منهم قال هذولهـ إذا على اشياء بسيطة و تافهة تضآربو عليها, لو على اشياء تسوى جان شو سووا.؟ وبعديين من عرّس حمد خفت الضرآبـة بينهـم.. صدق الي يعرس يعقـل ..<< عن يسمعني بيوديني ورا الشمس هع
زايد يهدي الوضع: حمد تعوذ من إبليس .. حصل خير .. انزين امايه متى بييون ؟
ام حمد : عقب الصلاة ان شاء الله...
حمد : لا حووول الله .. يلاآ زايد خلنا نسير المسيد .. سوآف بـيي يصلي فمسيدنـآ..
زايد ينش: يــلا سرينـآ.. و ظهرو ساروا عند سيارة حمد "استاندر اسود"
.,.,.,.,.,.,.,.,.,.,.,.,.,.,.,.,.,.,
عفآري««۞
فحجرة عفرا , اتصلت حمده ع عفرا وقالت لها ان الكـل ياي عندهم شكله اجتماع مصيري هع..
عفرا صدرها ضايج: الله يعين ..احلفـي []
حمده تعآند: ماااا بحلف !
عفرآ: اقولج احلفي
حمده : ما ابا غصب هووو
عفرا : هب مصدقــتنج ..انزين ليش الكل يآي شسآلفة ؟!
حمده تضحك:ههه ضحكتيني و الله المفروض انا اللي أسألج لان انتوا اللي عآزمينا ..}..
عفرا: حمدووووه قولي الصدق ..
حمده : عيل انا أجذّب..
عفرا : لآآآ قلبووو ..بس ادريبج تحبين تلعبين بأعصآبي
حمده : سيري سألي عمو عشان تتأكدييين..
عفرا : اسأل عموه هيهيهي من ازقرها عموه بتقول تعمعم بج يـبل ..
حمده : ههههههههههه .. اعوذبالله .. انزين انتي اسأليهآ ما بيستوي شي و لا بتنقلب الدنيا.
عفرا : يلآ الحين بسير اسألها و باخذ لي كمن سبـة هديـة.. []
حمده : فدييت قلبج الطيب انا.. بس تعرفين احلى شي ان بنتلآااااااااقى ويآ خلوف و صقور .. []
عفرا : هي والله .. فديتنااا الرباااعي المرح .. هم اللي يحلـون اليلسـه و إلا الباجي مايسوون شي..
حمده : يلا غنآتي بخليج انا .. سييو ..
عفرا :اوكي .. سييا.. سلمي سلمي.. سكروا عن بعض ..جفت سهيل يلعب بـ psp وجان أقول له ..
عفرا : سهووول حيااااتي ..
سهيل : عيون سهوول..
عفرا و هي تبوسه : فديت عيونك البطراانه .. تعرف منو بيينا ؟!
سهيل و هو يطالعها : منووو ؟
عفرا : قوم اعمامي كلهم ..
سهـيل مستانس : الـلـه كلهم من زمـآن ما جفتهـــم ..
عفرا: ماجفتهم و إلا ماجفت مريووم "تغمز له"..
سهيل : كلهـم كلـهم
عفرا : بسير عند يدووتك بتأكد من الخبر و ان شاء الله يكون حذبة من جذبات حمدوه..
سهيل : امشي يلابروح ويآج..

شورايكم بالشخصيآت ؟! .. البارت مناسب و إلأا طويل ’ قصير ؟! .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
***(( مثلوثة بحر تبرد كبد راعيها))***	محروم.كوم	منتدى أخبار المواقع والمنتديات العربية والأجنبية	0	12-09-2011 12:50 AM
الله يعقلها ع راعيها	محروم.كوم	منتدى أخبار المواقع والمنتديات العربية والأجنبية	0	10-23-2011 02:40 PM
مشكله لا تكون انت راعيها	محروم.كوم	منتدى أخبار المواقع والمنتديات العربية والأجنبية	0	09-08-2011 07:40 PM
وش رايكم بالصورة شكل راعيها يدور الاجر	محروم.كوم	منتدى أخبار المواقع والمنتديات العربية والأجنبية	0	09-21-2009 04:00 AM
للبيع مرسيدس بس راعيها من الوكاله	محروم.كوم	منتدى أخبار المواقع والمنتديات العربية والأجنبية	0	05-11-2009 01:10 PM