منتدى استراحات زايد - احس روحي تبي تسأل انا ولا انت راعيها

×.. البارت ِ الأول ×..

حبيبي تسلم}.. لي عيونكْ لا تحرمني من ..{ شوفتك

لانه ..{ عيوني ماتشوف غيرك و [القلب ] ماينبض الابقربك..~ِ

....................»»»

المكـآن : مدرسـِة لطآلبآت الثآنويه

اليوم : يوم الأحد

الوقت : السابعة و النصف صباحاً

....................»»»

الحيـآةڪـ « لوحة
» تنتظر الألوآنلتغدواڪثر جمـآلآ ,,
هنـآڪ الفرح ,,
والإبتسـآمه ,, والنجـآح ,,
و فيزوآيـآأخرى يڪون { الألم والحزنو الإنهزآم • هڪذآ الدنيـآ •
تبدو ملونةيومـآو مظلمة يومـآ آخر ,,

فـ • الدنيا • حڪـآيـآتوعلوم ,,!

بدأت اصوآت البنات تتعآلى .. و هم يردّدون نشيدهم الوطني المعتآد .. عيشي بلآدي عاش اتحاد إمارآتنا ... و على هالأنغآم و الألحان بدأ اول يوم درآسي للطآلبات ,, عقب ما كل وحده عرفت وين كلآسهآ و منو ويآهآ ,, اللي ويا ربيعآتها فـ نفس الكلآس قآلت يا بختنـا و شقت الحلـج.!. أمآ اللي حطوهـآ فـ كلآس روحهآ و محد ويآهآ من ربيعاتهآ يلست تتحرطم و تتأفف ..!
و وحدة من هالبنات هي بطلة قصتنا و اسمهآ ..[ عفـِـِرآء ] .. هممم , باختصار عفرآء بنت و لا كل البنآت , شآطرة في المدرسة و المسآت يحبــونهآ و يموتـون عليهآ, دومهآ تتطلع الاولى بلا منآزع ما شآء الله عليهآ عن تحسدونها خخخ .. طآيحين مديـح بهـِآ و محبووبة عند البنآت , بنات كلآسها يموتون عليهآ و على طيبتهآ ..{ }... بس احيآنآ يقولن عنهآ .. خقآقة .. يوم ترمس تذبح البنآآت برمستها يمكن عسبة جيه قالو انها خقاقة و الله أعلم.. عصبيـــــــــــــه الله يستر لو عصبت تقوووم الدنيا و ما تقعد .. نآدرا ما تلقونهآ مخترشـِـِ‘ة إلا في حـِآلة وحده إذا كانن ربيعآتهآ مخترشآت و بالذات ربيعتها الروح بالروح.. [ حمـِـِدة ] .. و فوق ها كله ربي عآطنهآ جمآل ..بيضا و طويلة و عيونهآ نآعسآت و عسليآت و شعرها لين ظهرهآ و لونه اسـِود حرير,.. {} .. جني إلا وآآيد هذربت.. لين اهني يخلص دوري و بخلي .. عفـِـِـِـراء .. تكمل الدرب ويآكم خخخ ...

● عفآري ●
احم عرفتوني اكيـِد .. و هل يخفى القمر .. انا عفاري ,ابوي اسمه سعيد و عندي أعمام , الاول عمي بطي و الثاني عمي ناصر ..عمري 17 سنة وانا ثنوية عاامة.. طبعا علمي .. دحيحية درجة اولى .. ادعولي انجح و اييب النسبة الي ترفع الرااس .. اخواني بالترتيب حمد معرس بنت عمي اسمها منى و عنده ولدين.. بعده عزّام عمره 25 عصبي واايد و دمه حاار و على كل صغيرة و كبيرة رز فيسه .. ملاامحه حلوة .. بعده سلوى عمرها 20معرسة ولد عمي اسمه أحمد..بعدها زاايد19 سنة اكبر مغاازلجي و عليه حركات و بعده روضة .. زايد و روضة في التقنية عقب انا آخر العنقود ’شآبة طموحه وايد و احلامي بعضها تكون مستحيلة و ع فكرة انا اختهم من ابوهم و ابوي الله يرحمه متوفي من سنتين انتقلت اعيش وياهم عقب وفاة الوالد..و اميه حاليا مسافرة برا البلاد تشوف حلالها على قولتها ..
بخبركم عن اليوم اول ما دخلت السكؤل جفت البنآت اللي كآنن ويآي في السنوات الدراسية قبل .. يعني معرفتي لهم مب ذآك الزود ترومون تقولون زمآلة فقط لآ غير .. سلمت عليهن من بآب الادب و عقب سرت اجوف في اي كلآس حطوني و ربيعاتيه وين كلاسهن و انا ادعي فقلبي انه نكون ربآعه في نفس الكلاس شرا السنة اللي طآفت بس ..>> مو كل يوم عيد !!..{ }..انقهرت يوم جفت التوزيع الززفت اللي موزعينا إياه انقبض قلبي و كان خآطري اصيييح .. الله يسلمكم حآطين حمدوه و علآيه و شمووه فـنفس الكلاس و ع فكرة هآيله ربيعاتيه بس حمدووه فديتهآآ صقيقتي الصقوقة هههههه بنت عمي و اختي و ربيعتي و حبيبتي و كل شي.. ما اتصور الكلاس بليآهآ و بليّآ حشرتهآ .. يلست ادور عليهن دوآرة ما لقيت و لا وحدة منهن .. اخ وين سآرن ؟؟!!قلت فخاطريه يمكن بعدهن ما يوا ..

ترـرن ترـرن ترـرن ترـرن دق الجرس معنآته ~>> يلا ع الطآبور , يا ربييه منو متفيج الحين !! اتخيلوا و انا سآيرة جدآ كلآسي وإلا وحده من ورايه ..

علايه من ورآ عفاري: بوووووووووو !!
عفآري ميتة من الزيــغة : بسم الـــلــــه ..[]..و صديت ورا لقيت علاية و شموه, لويييـــت عليهن و انا مستآنسة ..
عفآري : .. اشحااالكن ؟؟..
علآيه : .. الله يسلمج و انتي شحاالج ؟؟
عفآري شوي و تصيح : زعلآآنه عيل اتسون فيني خيآنة و تسيرون كلكم و تخلووني برووحي اهئ اهئ .
شما : لازم نخـون هذي سنة الحيآة و انا اختج هع.
علآيه و هي تضحك : ويــــوو .. حطووج في كلااس ثآآني ويــــوو [] .. يدوو يلا انتي برع الشلة .."ترقص حياتها" طاح كرتج..
الخآيسة .. [ ] .. ادريبها تبا تقهرني.. بس واحيآآتكم ما أكون بنت ابوي لو خليتهآآ تقهرني
شموه : ايـه حرآآم عليج لو سآرت عفآري عنآ منو بيغششنآ و يسآعدنا في الـ .. هوم وورك .!!
علاية و بنبرة حزن : همم صدقج وين بنلقى شرآتهآ يسآعدنآ
عفـآري و الشرار يتطاير من عيوني ..[]..: توج اتقولين برع الشلة و خراابيط و الحين وين بنحصل شراتها ..و انتي شمو هذا اللي هامنج ..صدق المصالح و شو تسوي.... فجأة تذكرت حمدوه اللي مب ويآهن ..
عفآري : إلا بتخبركن حمدووه وينهآ لين الحين ما شرفت ؟؟
شموه : ما ادري عنها تلقينها احينه في سآبع نومة و لا تدري ان اليوم مدرسة ههههههههه ..
علاية : الحين اخوها سلطآن بيهزبهـآآ و شو بيفكها منه []...
عفآري : لوو .. لو.. سمحتن .. كلـه و لا بنت عميـه تراني ما ارضى عليها []
علآيه : و نـحن ترضين علينا ليش ما عندنا رب .. و إلا عيـال!..... .كملت شموه وراها
شموه تكمل : عيال البطة السودة ..!!
عفاري : لااااا البطـة الصفرا[ ] ..و شوي المسآت يزاعجن اونه كل بنت تسير كلاسها ..
عفآري : يلا يلا كل وحده تذلف كلاسها بعد نحن مب ناقصين هزاااب من اول يوم ..
و كل وحدة سآرت كلاسها و انا بآلي منشغل فـ حمدووه .. بلاها تأخرت .. شو تتوقعون استوآبهآ..
بدت الحصص .. حصة ورا حصة لين الحصة الثآلثة ع نهآيتها وكآن علينا دين .. شوي ويندق البااب .. طق طق ..طق ..طق
توقعآآتكم { }.. منو اللي دق البآب ؟!!
و تتوقعون عفآري تتأقلم مع كلاسها اليديد وبدون ربيعتها ... و الا شوو ؟؟!!

//

//

//

.................................................. ....................»»»

المكان : بيت بو حمد ..

اليوم : الاحد

الساعه : الثامنة صباحا ..

»»»............................................... ... ......................

● عزام●

نشيت الصبح من صوت المنبه, و من عقب ضراابة و يا اللحاف سرت الحمام و تسبحت و لبست لبس الدوآم و نزلت تحت اتريق .. حصلت الوالدة و منى حرمة اخويه حمد ..
عزام مبتسم و هاي اول مرة في التاريخ يبتسم: السلام عليكم ... صبآح الخير ..
امحمد+منى : و عليكم السلام و الرحمه .. سرت و بست راس امايه ..
عزام: اشحالج امايه..[ ]؟
امحمد: بخير الله يسلمك .. تعاال فديتك ايلس وتريق .. صديت صوب حرمة اخويه ..
عزام : شحاالج منى ..[] ؟
منى : طيبة طآب حالك [] .. و سرت ويلست حذال امايه اتريق ..
انا عزّام .. عمري25 سنة.. درست فـ كلية الشرطـة و تخرجت والحين اشتغل ( ملآزم) .. بشرتي برونزيـه عذاب .. خشمي سليل .. احب عموري ولد اخويه حمد.. اعشق الرماية و محد يتحدااني فبها .. احب الرياضة بأنوااعها ..معضل .. عصبي وايد و دمي حاار .. جااسي في تعااملي و الكل يسمع رمستيه .. مع احترامي لاخوي العود حمد .. يمكن لو حد مزح ويااي اهفّه بطراق ع ويهه اعدل مخه .. احب شهد بنت عميــه و هي تحبني وآآي اذووب عليها .. و بس .. قطع افكاري صوت زيود خويه و كانت وياه روضة شكلهم سايرين الكلية.
زايد و هو يغمز لـعزام : عزاامو اللي ماخذ بالك يتهنـى بـه .. وين سرت " نحن هنآآ " [ ] ؟
عزام معصب بعد ما سمع رمسة زايد : شو عزاامو ,انف علييك , اصغر عيآلك انا.. ما سرت مكان ما تجوفني جداامك و الا انعميت [ ] !!
زاايد و يبلع ريجه : كلتنا ياخي .. المهم انا و روضة سايرين الكلية ..شي فالخاطر ..[] ؟!
عزام مشمئز :لا مااا بخاااطري شي من صوبك ! و لو سمحت ثمن رمستك قبل لا ترمس .. و يالله فارج ..
زايد في نفسه: عنبو هالقلب مااا ادري من وين ياابه و ما ادري متى بيحن علينا , متى ناوي يغير اسلوبه الززفت الله أعلم ..! يالله بنتريا لين ما ياخذ حبيبة قلبه عل و عسى ترووم علييه و تغيره .. و بعديين يحمد ربه حد يسأل عنه و عن احواله و الا الكل مسوي له أكبرطااف" .. ركب زايد سيارته الاودي ووياه روضة و انطلقوا هع..
عزام : الا منى بسألج حمد موجود و الا سار ؟
منى بضييج: لا موجود الحين بينزل بيتريق و بسير المعرض ..دقايق و نزل حمد ..
منى : الطيب عند ذكره
حمد : ليش كنتوا ترمسون عني؟
منى تتطنز : إذا ما رمسنا عنك عيل عن منو نرمس عن يدتي ..
حمد : ههههه .. فديت أم عيالي انا .. سلم ع أمه
عزام : هلااآ بوشهآب ..
حمد : بالمهلـي ما يولي ..
عزام : هآآا شو المعرض ويااك { ؟
حمد مستاانس : تماااام..
منى : أكيد تماام دام السالفه فيها سفرة ..
ام حمد : اي سفرة يا بنتي عن شو ترمسين ..؟؟
حمد : جرييييب بسااافر ان شااء الله..
ام حمد : و جي ما تخبرتنا و إلا خلـآص قمت تقرر بروحك و لا تسوي لنا أي اعتبآر ..
منى : جفتي كييف !
عزام مستغرب: تسافر ! ليش [] ؟
حمد شآق الحلج : في شركة ألمانيـه حاابه انها تتعاون و توقع عقد ويا شركتنا [] ! و ليين احين ما قررت بس مبدئيا انا مواافق لان الفرصة ما تيي إلا مرة بالعمر و غبي إلي ما يستغلها .. و لا تزعليين مني يالغاالية، اصلا كنت ناوي اليوم اخبركم بس منى الله يهدآها خربت ، وبعدين حتى لو ما خبرتكم لا تحااتون و لا يطييح قلبكم لاني انا زآخ المعرض و اعرف المصلحه وييين !
عزام : تستااهل و ان شاء الله ربي يزييدك من خير .. بس لا يكبر رااسك لأنه حلاالنا كلنا مو بس حلالك ..
حمد يطالع عزام : شو قصدك ؟؟...
منى تغير السالفة: ما يقصد شي ...
ام حمد: الحمد لله .. بس ودروا عنكم هالخبال و الضرابـة ..
حمد : ان شااء الله امايه .. يعني خلاص أعزم !
عزام : توكل على الله ..
منى: عزاآم قوله يشلني انـآ و اليهآل وياه ..
عزام : الله يهدييج يا منى وين تبين تسيرين .. هو ساير لشغله ما بيفضى لكم !
حمد يرقص حياته : هاا جفتي حتى عزام قال نفس الرمسة [] ...
منى زعلانة : يآ حزززززني .. جفت منى حآطــة ايدها على خدها مسكينه تحبـه و ماتروم ع فرآقه []..و استأذنت انا لاني بسير الدواام ..
زأإأايد...{
روضة: يعني انته تعرف انه ما يحب هالحركات و بيزاعج فوقك ..حق شو تيبه لعمرك.. يعني انا مستغربه من الناس إلي يسيروون للهزاب بريولهم ؟؟
غمضت عيني : انجبي لان اللي فيني مكفيني [ ] .. و بعدينجفته راايق من الصبح قلت بمزح ويااه و بغلس علييه.. كفرت يعني ؟؟
روضة : لا ما كفرت ..بـس انته تعرف ان عزام فديته حآر و مآ يدآني حد يرمسـه جيه ..
زاايد أطالعها بنقمة : "يقلد صوتها "فديته ..فدآه النـد و الجبل المنهد اقول الديج الرومي اسكتي " يأشر ع الدريشـة" و إلا بطيرج من اهني [] ..
روضة عصبت : ايـــه حدكـ شكلك الديج الرومي انزيـــن . والله اتحداااك اتطيرني يلا يلا !!
زايد : حمدلله انا ما أنتف شعري شرات الديآي هههههههههأأأأأي..
روضة : ماالت علييييييك ..زايد ما رد عليها لانه يعرف "الديج الرومي" ما بتسكت ... الكلام ما ينفع وياها ..

●

◊

●

◊

--------------------------------------**

المكآن: بيت بو صقر

اليوم : الاحد

الزمان : الساعة الثامنة صباحا..

***--------------------------------------

● صقــِر ●

الله حيـِـِـِّه "اللي يقرا عني ".. انا صقر و اللي ما يعرف الصقر يشويه خخ .. عمري 19 سنة تراني متأخر سنة عن المدرسة .. ثانويه عامة .. أدبي .. توأم روحي خلوف..عيوني وساع و عسليات..شعري لين رقبتي .. و عندي خشم شيوخـي .. عندي اخت اسمها موزة معرسة من ولد عمي و اسمه سيف .. ما عندي اخواان خخ منو قدي اتدلع ع كيفي هع ... عندي عيال خالة هم عبيد و خليفة .. خليفة اكبر عني بسنة و عبيد كبير خاطب و يشتغل فـدبي عنده شركة ورثه عن ابوه .. خالتي وريها توفوا فـحادث يوم عيالهم كانو صغار .. فخذتهم اميه تربيهم لانهم عيال اختها ومالهم حد بهالدنيا غيرها و محتااجين حناان الام و لازم حد يرعاهم.. و استووا شرات اخواانيه.. عمي بو حمد الله يرحمه محيرنا انا و عفرا حق بعض هههههه .. هممم طموحي استوي مصـِـِور محترف و التصوير جنِــِوني و عشقي .. اذا محتااي كام ما عليك الا انك تتطلبها مني و فالك طيب>> فآتح دكآن ..عندي كل انوااع الكيمرات .. الدجيتال و الفيديو و الفوتوغراافي .. و في منهن كاانون و سامسونج و غيرهم << قام يتخقق هع.. احب مجاال الاعلام بس اللي يستهويني اكثر .. التصوير .. كل شي جداامي اصوره .. ولازم الكاام يكون ويااي " رفيق دروبي " هع .. بسير الحين لاني تأخرت ع المدرسة و اليوم اول يوم مداارس .. هااي اخر سنة وبشد حيلي فيها و بفتك عقب من صدعة الراااس ..

بو صقر : يلا ياا ولديه تأخرت ع المدرسة ..

صقر و انا ناازل : يلا ابويه خلصت .. سرت و سلمت ع الوالد و الوالده ..

ام صقر : هاا ابوييه هاي اخر سنة لك و ابغيك ترفع رااسنا و نفخر بكـ جدام العرب..
صقر : ان شاء الله امايــه لا تحااتين من هالنااحيه .. عيـل خلوف وينه ؟؟
بو صقر : خلوف خلص من وقت و سار كليته احسن عنك ..يلا ابويه عن نتأخر اكثر عن جيه روحنا متأخرين ..
صقر: يلا امايه فماان الله ادعيلي ادعيلي .. وحبيتها ع راسها ..
ام صقر : حبيـت الكعـبـة ان شاء الله .. لا تنسى اليوم عقب العصر بنسير بيت عمك بطي لان اختك موزة يت من دبي ..
صقر : فديتها متوله علييها .. خلاص تم يالغااليه .. و ظهرت انا و الوالد صوب سيارته النسياان ..و توكلنا جـدا "المدرسـ’ة "..

-------------------------------------***

المكآن: بيت بو سيف

اليوم: الاحد

الزمان :التاسعة صباحا..

***--------------------------------------

● سيف●

هلاا اتريااكم انا .. انا سيف .. عمري 28 سنه.. انا اكبر وااحد من اخواني .. اشتغل فـدبي فـشركة عبيد .. و ساكن فدبي لان شغليه هناك .. امر ع اهلي في الويكـ اند.. معرس بنت عمي ناصر و اسمها موزة .. عندي بنت اسمها مريووم .. هآآدي لابعد الحدود .. لكني في وقت الشدة اكون شديــــدو لا كأني سيف اللي يعرفونه .. يــــّويــــل محترف .. اعشق البدااوة .. اهداء لجل عيونكم " احب البر و المزيون و احب البدو و الاوطان" << اسكت لا يعتزل ميحد هع... عندنا في بوظبي عزب و انا و حمد ولد عميه

مطيحين فيها زام مرة انا و عشر مرات حمد خخخ لاني اكون فدبي.. و انا الحين فـ بيتنا فـ بوظبي لأني ماخذ إجاازة .. و بسير الحين أوصل العنز حمدووه مدرستها , الحبيبة سهراانة البارحه و ما طااعت تنش إلا بعد جهد جهيــد .. في سيارتي الرنــج السودا ..

سيف معصــب: اسمعي يا بنت الناس , من اليوم و ساير سهر لين آخر الليل ماآآآشي و إلا بزوآلج فااهمة ..

حمده و هي تفرك عيونها اللي فيهن رقااد : انزيــــن .. الله لايوليك على مسلم ياخي.. وصلنا المدرسة ..

سيف لفيت ع حمده لقيتها رااقده العنز : حمدووه ايه حمدووه .. ويعلي صوته : حمدووووه و صمخ ..

حمده : سوااافو بلااك تزاااعج .. ؟؟ شو مستوي؟

سيف : سوافو ريلج يلا نشي وصلنا وهالله هـ...قبل لا يكمل ردت عليه حمده ..

حمده : اووهووو .. اعرف اعرف هالله هالله بالعقل ..

سيف : يا الله عيل انجلعي .. فماان الله ..

حمده : باااي .. رقعت الباب وراها و دخلت المدرسة .. و انا سرت العزية عند الواالد .. حمدووه ع طول ركضت عند كلاس عفرآ .. و دقــت البآب ..

المـس : منو ؟؟ تفضل ..

حمدووه : السلام عليج مس لوسمحتي ابي عفرآ !! ..اقوولكم من جفتها و قلبي يرررقص و دقآآته طبووول ياااربي وحشتننننني ..

المس : عفرآ سيري 5 دقآيق و ترديــن

عفاري : ان شاء الله مس .. ظهرت برع ويا حبيبتي.. و لويييت عليها ..

عفاري : انتي وينج من الصبح كنت ادورج ؟؟

حمدووه : نشيت متأخر و الحين سيفـآني يابني عقب محاااضرة طويلة عريضه..

عفاري : هيهيهيهي .. بس تعالي.. سيف ..! ليش اخوج رد من دبـي !

حمده : هي ماخذ اجآزة .. تصدقين لو هو مب موجود جـآآن الحين سلطآن مستلمني..

عفاري : ويــــع اكرهه هالانســآن [].. عيل الحمدلله ان سواف موجود.. ويع اكرهه هالإنسان الاناني
حمدوه حفظت هالرمسـة : و الله عرفنآأأآآ { }.. خلينا منه .. الا انتي شحالج؟؟ تولهت عليج حوبي
عفآري : انا بخير و سهآآاله[ ].. تولهت عليج العآآفيه مي تووو .. هذا كلآسي بعيد عنج و عن قلبج !!
حمدووه: حناااااام و الله سنين و نحن ويا بعض .. نصوم و نصوم و نفطر ع بصـلة ..[ ] دق الجرس و ظهرت المس ..إلا و مس العلوم يايه .. سلمنا عليها ..خلاف قالت يلا كل وحده تسيرصفها و سارت حمدووه عقب ما تواعدنا ع المكان اللي بنتلاقى فيه فـ البريك ... اتريا الحصص تمر بسسرعة لانه يكون ملل حييل ,اكتم غيضي لدرجة اني احس اني بنفجر فالكلاس او بتيني نوبة صياااح.

»»» ................●●●●●●●●●●●●

اليوم : الأربعآء

المكآن : سآحة المدرسة ..

الزمآن : الساعة الحآدية و النصف ظهراً..

»»» ................●●●●●●●●●●●●

●ح ــــمدووه ●

حمدووه و بصوت عالي : علايه شمووه بنتأخر ع عفاري.. يا ربيه هذول احينه شو اللي بينششهن .. سوري نسيت اعرفكم ع عمريـه .. انا حمده بنت عم عفاي .. عمري17سنه .. علمي مع اني فاشلة دراسيا هيهيهيهي شفتوا كيف ! .. اخوي البجر اسمه سيف متزوج موزة بنت عمي و عنده مريووم.. و بعده اخوي أحمد يشتغل فـالشركـة و ماخذ سلوى اخت عفاري .. بعده سلطان عمره 20 مآسك الشركـة و يآ احمد.. و عندي اخت اسمها منى ماخذة حمد اخو عفاري و عندها ولدين العود اسمه سهيل و الثاني عمر .. بعدين شهد تشتغل فالجريدة و عقب انا .. عيوني رصاصيات و شعري لين جتووفي .. بشرتي حنطآوية .. خريشة .. ضعيفــة و جمالي عادي لحد كبير .. بس ملامحي حلوة و رقيقة ..بس بعد شو تبون تعرفون بتخطبووني شو؟؟!! هع لا تستغربون من طواالة لسااني .. احــب الرسم ..حيااتي كلها لوح في لوح ..ارسم اي اشووفه .. حتى عفاري عندها صورها مرسومه بإيدي هديتها إياه فـعيد ميلاادها .. سواالفي و مقاالبي رهيبة ..وبس .. هيــه صح كنت ازااعج لان شموه و علاية رااقدااات في البريك .. ما الومهم ثرهن البارحة سهرااناات ع فلم هندي و ما رقدن موول .. الله يعيني عليهن ..

حمدووه و خلاص عصبت : و الله ان ما نشيتن بالماي ع ويووهكن ..

علايه و هي تنش: انزيـــــــــــن ..افف رقاد شرات العالم ما نروم نرقده....

حمده :عيوني الرقاد في بيتكم هب اهني .. شمووه .. هذي بعدها رااقده .. انا ارااويها ,, سرت شريت ماي . و رآحت علاية تغسل ويهها جان اجب الماي على ويـه شمووه.. هع.. و شرددت ..

شموه : .. يالسباااااااالة حمدوو و الله اراااويج [ ..]اتريي الحين ياايتنج ..
حمدوه من بعييد اصارخ: يا مامي خرعتيني تستآآآهلين عيل انتي تسهرين وانا ابتلش فيج و البريك يضيع..
ردت علايه و هي متروعة من شكل شمووه لان الماي مغطيها ..: اويـــه خرسانه مااي شمووه,سوتها فيج حمدووه ..

شمووه : انا براويها السبااله .. ربعت شموه ورا حمدوه عسبت تنتقم منها هع .. و علايه برع في السآحة تتريا عفآري.. يت عفاااري وسلمت عليها ..
علاية : عفروو .. طآعي شمووه و حمدوه شقايل يراكضن..
عفرا : ليش شو مستوي ..ليكون مشتركين فالرياضة!
علايه تضحـك : لآآ ..اي رياضة اي نيله ...حمدووه الخبلة جبت ع شمامي مااي و جان تعصب الصراحة من حقها تعصب ع حمدوه و تنتفها ..
عفرآ : وهالحمدووه ما تيووز عن خبالها ؟ {
علايـه : ما يخصها حمدوه انا و شمامي كنـآ سهرآنآت ع فلــم و جان نرقد بس انا نشيت قبل لا تجب الماي علي..
عفرآ : يا سلاام ...ويت شموه مطت شعر حمدووه..
حمدووه و ايدها ع ايد شما تحاول تفجـه : خووزي عني حرام علييج شعري سر جمالي ..
شمووه : ماباااااا .. سر جمالج اونه انتي امبونج خسفة []
حمدووه : سباالو .. ان ما خلييت عبيييد يفصخ ملجته ما اكوون حمدووه []
شما ترفع حواجبـها : زغـت زغــت ..
عفرا : عنبووكـن استحـن ع ويووهكـن..
شما : اوووه عفآري بلييز لا تتدخليين..
حمده : بليييس يركبج قولي آمين ..وبعد جهد جهيـــد رامت حمده تشرد عن شمآآ و يتلااحقوون في السأأأحه جنهم يهآآل !, و الله حلوة لحظات الاستهبال و العبط فالمدرسة .
علايه : مسكينه حمدووه غمضتني..
عفاري : شعنه تسهروون ..السهر كان في الاجازة لكن الحين ورااكم مذااكرة و مدرسة ..
علاية: ان شاء الله ابــلة عفرآ .. حمدة و شما ردوا و هم يتنفسووون بصعوووبة اللي يجوفهم يقول رااكضين مسآفة ميـل و كل وحده تخـز الثآنيـه !
حمدووه و قلبها يحترق ع الركض اللي ركضته: مااالت عليييج شو تقهررين [ ]
شموه و هي مظهرة لسآنها : احسسسن عسب تحرمين مرة ثانية تعيدين حركتج الباايخه .. []
علايه : هدي هدي هدي هدي اخدعوك و صرت ضدي لا تسرع في قرارك و تاخذ القصد تحدي ..
عفاري: هآ وتونا اول اسبوع وجي عيل الله يستر من الياي لاحقاات ع البلاوي و المشااكل..
حمدوه : الله يعين عبيد يوم بيظويــج اسمييه استخف ويــن و قعد..
شموه : وده اصلا يحصل وحده تسوآني.. طنشتها و سرت عند حبيبة ألبي عفاري ..

حمدووه : خخخ خليها تولي عنج .. وانتي شو مسويه في كلاسج مرتااحه ؟؟

عفااري و فيها الصيحه : وع وع لا تييبين طااري كلااسي .. ما احبـــــه ,موول مب مرتاااحه, البنات ا بداً ما يشجعن .
حمده كسرت خااطريه : ول كل هذآآ .. انزين انتقلي كلآسنآ..
عفاري : ثرهآ الادارة بتطيــع ..خليها ع ربج .. [ ]
حمده : انزين ما بتين بيتنآ ..؟
عفاري : ويييع .. يشهد الله اني بس ايي عشان خاطرج و الاا خوانج و فوقهم اخواني ما ينبلعون!..
حمده : المشكلة حتى انا لو ييت ما اروم ابلع عزآم و لا زيوود و سوآلفه الماصخة و لا رووضوو و دمها الثجيـل..
عفاري : جفتي كيف نحن مظلوومين ..دق الجرس و كل وحده ردت كلاسها .. عقب الحصص تواادعوا البنات و كل وحده ساارت بيتها ..
.................................................. ......................»»»

المكان : حجرة شمـا

اليـِـِـِوم: الاربعآء

السآعة :4 العصر

.................................................. ......................»»»

● شمـِـِوه ●

توني مخلصة صلاة العصر,شوي و يدش علي اخويه شاهين و هو يقول : تقبل الله ..
شمآ : منا و منك صالح الاعمال ..
شاهين بهدوء: اقول شمووه ..
شمآ : آمر ماي برذر...
شاهين يغمز لشما: وااحد حآآرق تلفوون البيت اسمه عبيد يبيـج ..
شاهين مغلظ صوته اونه معصب : مسودة الويه ترمسين شباب من ورانا!!
شما بكل دلع : فديتــــه[].. وبعدين لو سمحت و تكرمت و تعززت يا اخوي القبيح انا ما ارمس شباب اوكي. ارمس سيد المزاايـين
شاهين يقلد صوتها :سيد المزااآاين..ريلج القبيح عيوني ., مالت ماادري منو اقوول سيري رمسي عنتر قبل لا بستويبه شي.. و ظهر ..
انا شمـا .. عمري 17 .. دلوعة و عيوني عسليآت و شعري مقصوص مدرج لين جتفي و نآعم .. جسمي متناسق .. احب الموضـــة .. قلبي طيب و سواالف ..انزيـــن ..انا البنت الوحيدة في عايلتنا و عندي اخوانين ..شااهين.. و هو اللي افضفض له و هو بعد نفس الشي يرتاح لي انا اكثر و الثااني محمد و هو البجر و عمره 28يشتغل دكتـور.... انزين صح بخبركم عن عبيد.. الله يسلمكم هالعبيد ريلي المستقبلي.. انا و هو ماالجين و بنعرس عقب ما أخلص الثاانوية .. ادري ان صغيرة ع العرس بس انا ما اداااني الدرااسه و الحل الوحيد اني افتك من ويع الرااس هو اني اعرس و استقل بحيااتي هع هع تفكير منطي لاا ..
قبل لا اتصل ع عبيد اشوف شو عنده سرت سلمت ع امايه اللي كانت في الصااله
شماا و انا ابوس راس اميه : السلاام عليج امايه ..شحاااالج ؟
ام محمد : عليكم السلام و الرحمة .. بخير امايه و انتي شحاالج و شو المدرسة وياج .؟
شما من سمعت طاري المدرسة اعتفس ويهي: انا بخير لكن المدرسة لا تتخبرين عنها..
ام محمد معصبة : و بلاها المدرسة بعد .. غيرج و الله مب محصل حد يعلمه و لا محصل مدرسة يدرس فيها و انتي مستبطرة.اسميكن بنات اخر زمن .. [ ]
شما: ان شااء الله اماية بشد حيلي الحين بسير فوق حجرتي بذااكر .. وسرت فعلاً فوق لكني ما درست اتصلت بـعبيد من فووني..
شمـآ : هلــآ بهالصوت ..[]
عبيد : هلاا بج زوود غناااتي .. اشحااالج شماامي ؟
شما و هي مستحية : بخير الله يسلمك .. و من صووبكـ ؟؟
عبيد : بخيـــر ربي يعاافيج ... و يلسوا يسولفون وجي .. فجأة تذكرت شما انها موااعدة علاايه ع المسن عسب اتطرشلها الفم الهندي اليديد ماي نيم خان..
شما: عبيد غنااتي انا احينه بزي برمسك عقب اوكي
عبيد : خلاص.. بتصل بج بااجر ان شااء الله
شماا : يالله حط بالك ع عمرك .. فماان الله
عبيد : تآآمرين امر ..فدااعة الله.. عقب ما سكرت من ريلي المستقبلي طيراااان عند الاب مالي وبطلت المسن خخخ لقيت علايه دااشة و شكلي نقعتها في المسن ..صبروا مب انا وعلايه بس الي حآدرين .. عفاري و حمدووه بعد .. غريبـه عفرو داشه مع انها مآ تدش وآآيد بالذات ايام المدرسة ,,
شما و انا ارمس عمريــه : يااا سلاااام الشلة كلها حاادرة اليووم .. عفاري و حمدوه كانوا حآطين بزي اكيد يرمسون صقر و خلووف.. علايه كاتبة لي :
علايه كان نكها :
[»علايه™] : انتي وينج من الصبح و انا اتريااااج [] ؟؟
انا وكان نكي:
[شمامي©] : هلاااو الله علايو .. كنت ارمس عبيد .. سووري ..[ ]
[»علايهậ]: دااسج لووري انتي و وياه ..
[ شمامي©]: اوهوو علينا .. لا تبدين تتحرطمين .. جل من لا يسهو بعد .. المهم وشو أخبار الفلم ؟؟ متحرقصة ابي اجووفه!!
[»علايه™]: و الله الفلم كسرتيييييييم تريي الحين بطرشه .. وعقب عطيني راايج فيه ..
[شمامي©]: اوووقي .. وعقب ما وصلني الفلم ..
[شمامي©]: يسلمووووو يا ألبي ..}..
[»علايه™]:العفو يا رووحي و مر ثاانية لا تعيدين حركتج الماصخة .. صح عفروه و حمدوه عن شو يالسات يسولفن حتى ما عبّروونا ..
[ شمامي©]: انتي صدق رززة تشوفينهم حاطات بزي .. و بعدين شو تبين ابهم خليهم برااحتهم يسوولفوون ..
[»علايه™] : و حيااات هالعبيد مالج ما بخليهم إلااا و أسوي انفاايت []..و فعلا الرزة عليآ سوت انفايت .. وكان هالحواار بينهم :
[»علايه™] : مرحبا ملااايين ولايسدن فذمتيه ..
ردت عفاري بسرعة لانها كانت مستعيلة كان نكها :
..~يعآند قلبي: مرحبتيـــــــن كبار بنووتاات سمحوليه انا بظهر يلا فماااان الله ..
البنات : فدااعت الله ..
حمدوه اللي كان نكها :
..~ بيآض قلم™ : شنغل ومنغل حاادرين اليوم شساالفه بطني قام يعورني تراا ؟
[ شمامي©] و انا اتذكرسالفة اليوم فالمدرسة : علاايه تتطرشلي فلم هنــــــــدي ..[ ]
[»علايه™]: هيه حلاال عليج جوفيه و اسهري عليه و ان تبين الزود افا عليج رقبتي سدادة ..
..~ بيآض قلم™ : لاا بركة فييج علايو ..دوااااج بااجر توزعين افلام هندية ماشاء الله .. و انتي شموو ماااا عليه بينا الايام .. بسألكن حليتو الوااجب مال العربي؟؟
[ شمامي©] : اويــه نسيت سالفته و لا بطلت شنطتي اليوم ..[]
[»علايه™]:انا حاالتنه بااجر انقليه مني ..
[ شمامي©] : فديييت ويهج السمح .. اسميج الشخص المناسب فالمكان المناسب ..صح جي ؟؟!!
..~ بيآض قلم™ : ههه .. خبيــلة وحده ..يلا انا بظهر بااااي ...و ظهرت حمدة ما بقى الا انا و علايا نسولف لين السااعة 12 ..
شما وانا اجوف الساعه : بل كل ها فالمسن و الله العيايز ارحم عنا .. عقب سرت احووس في المطبخ وسويت لي عصير و بطاط مقلي .حصلت شااهينو واقف وراي..
شما : ها الشاهين شو عندك متفيزر في المطبخ ..
شاهين يصب لعمره ماي : شو يعني حراام ادش المطبخ و الا ما ادشه الا اذا كنت يوعان شرات بعض الناس .. يقصدني ..
شما : شو رايك تسهر ويايه اليوم .. ربيعتي علايه مطرشة لي فلم هندي مرررة ازقرت ..
شآهيــن بخبث : اسمهآ علآيـــه..{
شمـآ : هييــــيه علآيه لا ترمـس وآيد .. تبا حيآك ما تبآ بالطقآق و انت الخسرآن [ ]
شاهين يتخقق عليها : امبوني كنت بسهر ..بس خلاص دآم السآلفه فيهآ علايه و فلـم بسهر وياج...
شمـا تعاانده : و اللي يقولك اني غيرت رآيي !
شآهيـن : و الله انج هب طبيعيـــة مسآعه تعآل و مدري شو .. "يدزهـا " امشــي.. امشي يلآآ .. شلينا اعمارنا و سرنا حجرتي و يلسنا نطالع الفلم و شااهين مندمج في الفلم ع الآآخر ..
شاهين شكلـه عيبه الفلـم : اسميييه ذووق عليهآا [ ]
شما تلتفت لشاهين: منو .. البطلــة !
شاهين : لاااع و يا ويهج .. ربيعتج علايه ..
شمـا : اونـك عااد .. يالله متى يخلص فيني رقآآد ..
شاهين : جلبي ويهج اصلا الحين جريب النهآيــه .. خلصنااه الساعة 4 الفير ..عقب سرنا نرقد لين الساعه 8 و نص ..

.................................................. ......................»»»

المكان : سيارة بو علاية ..

اليوم: الخميس..

الزمان : الساعة السابعة و النصف صباحاً..

.................................................. ......................»»»

● علآيه ●

صباااح الخير..وصلت المدرسة بعد ما ابوي وصلني و سار شغلـه .. فديته ابووي ربي يطول بعمره و لا يحرمني منه .. انا علاية.. عمري 17 .. انا البنت الوحيــده ما عندي خوآن و لا خوآت .. و هليه هب مقصرين ويآي .. همم.. يوم اشل صوتي يخبل و عفاري بعد صوتهاا طرر .. حنطاوية البشرة .. احب الكشخه ..جسمي متناسق .. عيوني عسليآت.. افكر اني عقب ما أخلص الثنوية أسافر ادرس طب برع البلاد .. شاطرة في المدرسة بس تعرفون الشطاانة شي اسااسي فالمدرسة هع هع .. يلا الحين بذلف كلاسي..
اول ما دخلت الكلاس حصلت استقبال حاار يترياني من حمدوه ..
حمدوه: هلا هلا يت موزعة الافلام الهندية .. من متى مشغلينج فالتوزيعات !!
علايه : من امس.. حطيت شنطتي ع الطاولة و فصخت عباتي .
حمدوه : هآهآهآ .. تنكتين بعد و ياهالويه ..
علايه : لا استهبل.. و بعدين بلاه ويهي أحلى عن شيفتج ..
حمدوه : محد غيرج شيفة و تعاالي وينها ربيعتج مايت اكيد في ساابع نوومة
علاية : اصبحنا و اصبح الملك لله .. يالله بصباح خير .. براايها البنت ترقد و الا تنش ..
حمدوه : حووه بتضيعين مستقبل البنت.. { .. اوني يعني هيهيهيهيهي
علااية : عااشت ماما نصووحة .. ما ادري منو اللي كان يسهر ع الافلام اليابانيه و الكورية و .. خليني استر بس {
حمدوه تقاطعها : لا تخلينــي ازقر عفآري و اخليهآ تراويج استعرآضآتهـآ في الكآرآتيـه و تطيرج ...[]
علايه تظرب حمده بالدفتر: جآآآب ..
حمدوه تزاعج: جب جبج الله .. وشوي دشت المس وسمع صراخهن ..
علايه تعض شفايفها: اشششش سكتي خلآآص فضحتينآ يا بنت الناس .. سكتنـآ .. و فـالحصـة الثآلثـة يت شمــآ .. كان علينا عربي .. دخلت و عيونها الخايفة تفتر بين المس و علايوه و حمدوه اللي تكتم الضحكة .
مس العربي : اوليك شمـا وينك لهـلاأا ؟
شما تجذب: مس كنت تعباانه ..[]
مس العربي : سلامات .. يلست شما مكانها حذال علايه ..
حمدوه : يا الجذاااابة تعبآآنــه هـآآ انا جفت نآس يجذبون ..بس فحيآتي اللي عشتها بطوها و عرضها ما جد شفت حد يفاول على عمره شراتج ابدن ما جفــت.. و جان تصرخ مس العربي ع حمده ..
مس العربي معصبه: اوليـك حمدآآ اخرســي .. [ ]
شما : هههههههه .. خخخ سكت و قبضت لسآني .. وفي الحصة الرآبعة يت الوكيلة كلاس عفاري الوكيلة : بنات اللي ما تسمع اسمها ترفع ايدها.. و اسآمي كل البنات انقاالن الا اسم عفراء ..
الوكيلة زقرت عفرا و قالت لها : نحن مظطرين ننقلج كلاس ثااني .
عفاري و انا هب مصدقه : ليـش؟؟
الوكيلة : الكلاس الثـاني ما عندهم شطآآر و نسبة الشطار اللي عندهم مب واااايد و انتي في كلاسج شي واايد شطاار فلازم ننقلج الكلاس الثآني عسب يكون في تواازن من ناحية الشطاارة .. تعرفون طلع كلاس منو ؟؟طلع كلااس حمدووه طرررت من الوناسة و الدنيـا مب شاايلتني من الفرحه ..
عفاري مستآآنســــه: ان شااء الله مس ما يكوون خاطرج إلا طيب .. []
الوكيلة: خلاص عيل من الاسبوع الياي تغيرين كلاسج و تسيرين الكلاس الثآني
عفآري : تم ..

●.●.●.●●.●.●.●●.●.●.●

المكان: كلية التقنية..

اليوم : الأحد

الوقت : الساعة العااشرة و النصف صبااحا..

●.●.●.●●.●.●.●●.●.●.●

روضـِـِة .~

روضة و هي فـ الكانتين و بالذات عند محل دانكن : هآ روبي شو تبين؟؟.. شو فخااطرج ؟
روبي و هي تمسح دموعها : تسلمين روااضي بس انا مب مشتهية دونتز , مالي بآرض..
روضة : يلا عااد م .. اونه كل هالمناحة عسبت مهــِـِـِـِرة !!<<
روبي: لا تذكريني .. انا بسير ايلس " تأشر " ع هذيج الطاولة و بترياج ..
روضة : اووقي .. و شلت عمرها روبي و سارت تيلس ع الطاولة .

تبون دونتز يـِمي يـِـِمي !! انا روضة و ربيعتي اسمها ربـآ بس انا ازقرها روبي تعرفت عليها من اياام الثانويه يوم كانت تحبني و معجبة فيني و راابعتها و نحن الحين ربـ‘ع .. انا ايمو –{ احب استاايلهم و احب قصة شعرهم .. و ربيعتيه روبي بويـِـِه "ترا الايمو مآ عندهم فرق بين الولد و البنت".. مشتركة مع جمآعة الايمو في الفيس بوك .. احـب سلطآن و لد عميـــه و هو بعد يحبني .. اكره حمدوه بنت عمي و اكره عفرآآ و اكره صقر ولد عميه و خلووف<< منو بعد ما كرهتيه هع الله يهديج بس .. بشرتي برونزيـه
شرات عزام .. عيوني سود و وسآع .. جسمي حلـو .. لوني المفضل أسود و الفوشي .. و مودي دوووم زعلاانة حزن .. اكتئآب .. تشاؤم .. <<" حمد الله و الشكر " .. ربيعتي روبي كانت زعلانة لانها تضاربت ويا حبيبتها مهرو .. لسبب غبي وتافه و سخيف لان روبي مشت ويا بنيه ثاانية .. وجان تقول لها مهرو انتي خااينه و ما تحبيني و من هالكلام اللي لا يودي و لا ييب..و..و.. خلوني سآكتة احسن ..وصلت للطاولة اللي يالسة فيها روبي .. و في الطاولة اللي حذالنا يالسة مهرو مع ربيعااتهاا ..
روضة : والله تاكلين حلفت عليج ..
روبي : يعني لازم تحلفين ...
روضة و هي تمد ايدها لـ روبي وفيها الدونتز : هيـِِه لااازم .. اندووج .. خذت عني الدونتز ويسلت تاكل عقب ما خلصت ..
روبي : اقول رويض ..
روضة : عيوونهااا ..
روبي: فديت عيوونج.. عندج ورقة و قلم ؟
روضة و ع ريهها علامة استفهام : هيـِه ..
روبي: عطيني اياه شوي .. شو تبآ فيــه !!
روبي و روضة تجمعهم صداقة .. و احس ان صداقتهم مب دااشة مزاجي >> عيل ليش كاتبه فالقصة جي خخخخ.. احسهم ما يركبون ع بعض .. يعني وحده ايمو و الثانيه بويه !! كيف جي !!.. الله يستر بس .. تابعوا القصة و شوفوا شو نهاية صداقة مثل جي .. لا منها منفعة و يا رييت لو في شي من المصلحة غير الإساءة للسمعة و التشهيير ببنات الناس..و جان تتحول القصة لخطبة جمعة هع .
.................................................. ....................................
علايه ..
نــرد لعفـرآ و شلتـهآ...حمدو و شما سارن يشترن ,, و انا يلست انقل اللي ع السبورة .. شوي و تدش عفاري كلاسنا و تعفد علي ..
علاية : اييه عفرو بلااج طلع الحب فجأة .. و بعدين ما تجوفيني اكتب ,,[]
عفرو و الفرحة مقطعتنها: عندي لج خبر يسوى الدنيا و ما فيها ..
علايه عقت الدفتر و اللي فيه : شو شو هالخبر قولي كلي آذان صاغية و إذا ما صغت لج اذوني بغصبها تسمعج و قلبي بيسمعج و .. !!
عفرو : بــس بـس .. بينقلوني كلاسكم ..
علاايه و هي تلوي عليها : جذاااابه
عفرو : و ربــي
علايه : ياااحيج يوم بتين صفناااا و الله بينور الصف .. عقب دخلو شما و حمده .
شموه : و الله انكم تحفة تنفعون تمثلون والله لتاخذون جائزة اوسكاار و تقطعون انجلينا جولي هييع ..
علايه : اي تمثيل اي بطيخ.. الشيخة عفاري بنت سعيد بتنتقل كلااسنا ..
حمدوه : اووووووووونه عفاري صدقها هالخبلة ,,

عفااري و ترفع حيااتها و تنزلهن :يــــس ..! و من الاسبوع الياي بحول عندكم ..
حمدوه : اووه و الله انج خطيرة رمتي تيبين راااسهم "قصدها ع الادارة " خشمج خشمج .. اونهم تخااشموا
حمدوه لوت ع عفرة و بشــدة من الفرحه .. و شمامي تصفق>>
عفرا: حمدووه بشويش زغدتيني ..
حمدووه : اونج يا أم الرقة انتي..
علايه : هههههههه..

راايكم بالبدااية لاهنتوا و انتقاداتكم !
قرااءه مممتعه :12: