دام قلبي اختارك ما همني عيووبك - الصفحة 8

♥ روحي تحبك♥ · #1 01-23-2008, 07:55 PM

اليوم حبيت انقل لكم القصه الي انا اقرااها وهي صج حلوووه

دام قلبي أختارك ما همني عيوبك
للكاتبه : للحب معاني

الجزء الاول

بيت بو سعيد
ام سعيد (ميره)
بوسعيد
سعيد عمره 25سنه متزوج مريم وولدهم جاسم
منصور 20 سنه
مايد 19 سنه
سيف 17 سنه

بيت بو شهاب
ابو شهاب
ام اشهاب (موزه)
شهاب 26 سنه
ريم 17 سنه
ــــــــــــــــــــــــــــــــــــــــــــــــــ ــــــــــ
في بيت بو شهاب
ريم يايه من المدرسه تعبانه دخلت الصاله :السلام عليكم
كلهم :وعليج السلام
ابوها : فديت بنتي الحلوه والله
امها : يلا فديتج سيري بدلي وتعالي اتغدي ويانا
شهاب : شو ها كله اختي ما ابا زعلت
كلهم : هههههه
امي :فديتك انت بعد
شهاب : احم احم
ركبت الدري وسرت فوق في حجرتي بدلت واتغسلت وسرت صوب مبايلي شفت مسج من ربيعتي فطوم (فطوم ما اعتبرها اختي جنها اختي واكثر كل شي اتعرف عني وتفهمني اكثر وحدة ) لان اليوم كانت غايبه فأمطرشه مسج اتغايضني لانها مايت المدرسه
بعد ما غيرت ملابسي نزلت تحت اتغدا بعد الغدا
امي : اليوم بنسير عند خالتج امل
ريم : اوكي عادي بس خالو ميره بتي ؟
امي :لا فديتج اتقول عندها كمن شغله
انزين بقلكم اشياء عن خالتي امل, خالتي امل ريلها متوفي قبل 5 سنوات بسبب السكري وضغط وعندها ولدين حارب 23 سنه ويوسف 20 سنه وهند 18 سنه
حارب واااايد حلو طويل حنطي معظل (ويسمونه راعي البنات ) بس شكله عذاااااااااااااااب طرر أما يوسف طويل بس ابيضاني بس امعضل اشوي
اما هند طويله بعد حنطيه وعيونها وساع يعني واايد حلوه

اخوي وصلنا بيت خالتي امل دخلنا كلنا
كلنا : سلام عليكم
خالتي وهندو : وعليكم السلام
شهاب يلس اشوي وطلع
تمن خالتي وامايه يسولفون وانا وهندو سرنا في حجرتها انسولف لين بعد صلاه العشاء
بعد صلاة العشاء اخوي مر علينا وسرنا بيتا انا سرت بدلت ملابسي فدخلت امي حجرتي وبعدها دخل اخوي فديته وتمينا انسولف وبعد اشوي دخل ابوي وتمينا انسولف لين ساعه وحده
شهاب : انا بسير ارقد باجر وراي شغل من صباح الله خير
ابوي : انا بعد وراي شغل
ريم :انا بعد عندي مدرسه بس عادي باجر الخميس يعني دوام نص نص
شهاب : ما تنلامين ادبي
ريم : بابا شوووف شهابوووووو
ابوي : شهاب ابوي صخ عنها
شهاب : بس عشانك ابوي (ويطالعني بالحب واونه يغايصني )
كلهم قاموا وطلعوا
وانا رقدت باجر الخميس ونحن كل خميس انسير بيت خالي مهره هناك واااااااااااااايد نستانس
يوم الخميس بعد ما رديت من المدرسه (ربيعتي فطوووووم اتيبني من المدرسه واتوديني )
ريم : سلام عليكم
امي : وعليكم السلام
ريم : وين ابوي وين اخوي
امي : ليش ؟
ريم : ولاشي ابا اسير بيت خالتي مهره
امي : لا اليوم ابوج وااايد مشغول وشهاب ساير بوظبي
ريم : شو يعني اليوم ما بنسير بيت خالو
امي : لا هههههه لا بنسير قلت حق خالتج وخالتج قالت بطرش مايد بس لين ما يخلص الكليه سيري بدلي واتسبحي وابسي عشان هو بي بسرعه
ريم : ان شاء الله امي فديتج والله 3 ساعات وانا جاهزه
امي : خييييييييييبه شو بتسوين
ريم: هههههههههه (وكنت اصعد الدري )
مايد شكل واااااااااااااااااايد حلو اصلا مايد يسمووونه غرشوب الامارات لان كل شي فيه حلو طوله شكله جسمه عيونه يعني ما شاء الله عليه
مايد يه بس ما دخل البيت لان نحن انسير دوم نتغدا بيتهم المهم
انا وامي نركب السياره : السلام عليكم
مايد : وعليكم السلام ورحمه الله
امي : اشحال الشيخ (امي وااااااايد تحب عيال خالتي مهره لان صج محترمين وينشد فيهم الظهر )
مايد : عالي العال الحمد الله وانتي اشحالج خالو
امي : والله انا ابخير دامني شفتك اليوم
مايد : احم احم عيل انفخ صدري
امي : فديتك والله
مايد : اشحالج ريم
ريم : الحمد الله تمام وانت اشحالك ؟
مايد : والله تمام دامني شفت امج
امي : عيل انفخ صدري
كلنا : هههههههههههههههههه
يوم وصلنا دخلنا ويلمنا ع الكل بس خالوا امل كانت سابقتنا فكانت موجوده

يوم وصلنا طبعا بيت خالوا ما شي بنات كله اولاد بس صج سوالفهم حلوه وخصوصا مريوووم صراحه احبها من كل قلبي احسها وااااايد طيبه وارتاحلها وااايد

جسوم (ولد مريوم ) : عمو ريم انتي وااااايد متنانه ( صراحه ويهي احترق لان عيال خالوتي كلهم كانوا يالسين )
مريوم (اتلطف الجو ) : اصلا البنات كلهم ميتين ع جسمها
خالتي امل : منو قصدج ؟ لا حبيبتي في وااااايد احلى عنها
بس كلهم خذوا كمزحه وتموا يضحكووووووووون
ساعه وحده ردينا البيت ادري واااايد متاخر بس صج ماتبين تتطلعين من بيتهم
مايد كان يبا يوصلنا بس خالوا امل ما خلته
مايد :يلا خالتي اوصلج البيت
خالتي امل : وانا وبنتي منو بيوصلنا
امي : فديت رووووحك خلاص انت سير وصل خالتك امل وانا بشوفلي حد
سعيد : افا والله افا انا يالس واتقوين بشوف حد يوصلني انا تحت امرج انتي بس اشري
امي : فديت روووحك والله بس لا تقول جي جدام مرتك اخاف اتغار ههههه
كلنا : هههههههههه
مريوم : خالوا انتي عادي بس وحده ثانيه لاااااااااااااااااااا بذبحه
امي : عاد هذا لا تخافين بذبحه لج قبل ما يوصلج الخبر
سعيد : ول خيبه شو قلت انا خلوني ساكت احسنلي
كلنا :ههههههههههه
وطول الدرب وانا افكر بكلام خالوا ليش دوووم تتعمد تجرحني؟ ليش دوووم تصغرني جدام الناس وبعدين اتقول كنت اضحك وياج ؟
امي قطعت حبل افكاري يوم قالت : شو بتباتين في سياره سعيد
ريم :لااااا اللحين بنزل
ريم : مشكور سعيد ما تقصر
سعيد : نحن دائما في الخدمه
امي : عسى الله يطول بعمرك ويخليك ذخر يارب
سعيد :ااااااامين
دخلنا البيت شفت الليتات كلها مسكره وخدامه ترى ويانا امي دخلت الصاله وبطلت الليتات
امي : انا بسير اشوف ابوج وانتي سيري بدلي ثيابج
بعد اشوي شفت امج تزاعج يوم سرت
امي : ريم اتصلي ف ابوج جوفيه وينه ؟
اتصلت في ابوي كذا مره بس مبايله ما كان فيه ارسال
فاتصلت ع مبايل اخوي فشل
ريم: السلام عليكم
: وعليكم السلام
ريم : ها مبايل شهاب
: هيه نعم بس انتي منو ؟
ريم : انا اخته
: انزين هو داعم بسياره واللحين هو في مستشفى راشد وابوج هيني بعد واخوج اللحين ف العنايه المركزه

تتوقعون شو بيستوي في اخوي ؟ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طاري السفر يا بعد عمري همني	محروم.كوم	منتدى أخبار المواقع والمنتديات العربية والأجنبية	0	05-26-2010 09:00 PM
دآآم قلب اختآآرك ما همني عيووبك	ميراني..~	استراحة قصص وابداعات الاعضاء	51	02-01-2010 01:21 PM
دام قلبي أختارك ما همني عيوبك	ريامي	قصص و روايات	198	09-18-2009 01:55 PM
:: خسارة الحب ما تستاهل اختارك :: روح مسجونه ::	انسان محروم	شعر و خواطر	12	02-20-2009 03:57 AM
ما همني غيرك ،، ولا حد بالغلا يسواك	♕ وليد الجسمي ♕	هواتف , مسجات , وسائط , برامج , ثيمات , نغمات , بلوتوث	28	01-05-2009 01:09 PM