دام قلبي اختارك ما همني عيووبك - الصفحة 4

ra3ie alvtc · 01-31-2008, 06:27 PM

تسلمين اختيهـ

ع القصهـ .. __DEFINE_LIKE_SHARE__

♥ روحي تحبك♥ · 02-04-2008, 07:44 PM

الجزء الثالث

احبك يا عمري ... ما ادري لو انك تبادلي ولا يهمني المهم اني احبك وبعمري اتفدالك

انا سرت ابدل في غرفه مايد يوم دخلت حصلت الغرفة شبه نظيفه بعني في كندوره امعلقه وسرت استسبحت وطلعت وانا طبعا مريوم قالتلي قفلي الباب وانا طبعا قفلت الباب يوم خلصت اتسبح . بعد ما طلعت من الحمام ولبست ونشفت شعري ورفعته واتمكيجت وخلصت جان اطلع وانا مستانسه بعد ...... شهقت يوم سمعت صوت مايد من الغرفه انا تحريت ان هو برع
فطلعت من الحمام اول ما طلعت تعثرت وطحت ع صدره على طول حاولت اقوم بس ريلي ما كانت اتشيلني وويهي غدي اشاره مرور من القفطه بس هو ما قال ولا شي بالعكس يالسني ع الكرسي
مايد : ريم اتعورتي
ريم : لا ما استوالي شي انت الي تعورت
مايد : لا( وابتسم )
ريم : سوري دخلت حجرتك بس مريوم قالت انك ف الكليه وهي قالتلك
مايد (يبتسم ) : لا عادي البيت بيتج
ريم (ميت طبعا من القفطه ) : تسلم
طبعا كل ها انا واقفه لا شيله ولاعباه
مايد : انزين دخيلج اشوي ابا كندورتي
ع طول وخرت من الكبت عشان ياخذ كندورته وقالي : ليش مصدوومه شو فيج ؟
ريم : لا ولاشي
وربعت سرت لبست شيلتي وعباتي لان ايدي كلها تقريبا برع لان كنت لابست دانتيل صوب ادي
مايد : خلاص انا بظهر خذي راحتج وانا اكرر اسفي بس مريوم لانها ما قالتلي وبعد مره انا اسف
ريم : لا ها حجرتك وانا اسفه والله ما كنت اعرف انك هني
مايد : لا افا عليج (خذ غترته وكان يبا يظهر)
مايد : مع السلامه
ريم (بصوت واطي ): مع السلامه

مايد حصل الباب مقفول بس عادي فتحه وطلع قبل ما يطلع
مايد :ريم
ريم : نعم
مايد : نعم الله في حالج .. ولا شي كنت اجرب صوتي ههه
مايد هو طالع كان يغني القوس قوسك مقطع( زين من راسك يلين ابهامك والليل ياخذ من صباحك ضوه ما يحجب الويه الصبوح اللثامك طللتك ياحلى محلوه ) وسكر الباب
طبعا انا خلاص ما قمت استحمل بس كنت اضحك من داااخلي وكنت مستاااانيه
اجوف الباب مره وحده اتبطل
مايد : هههههههههه اقول لا تخبرين حد عن سالفتنا اوكي ( وتم يبتسم ويطالعني )
ريم : اوكي

مايد ظهر فانا بعد اتعدلت ومريوم اتصلت فيني عشان اسير غرفتها يوم سرت جفت المعازيم اللحين بدوا ايون وطبعا خالتي امل اللين مايت
يوم مريووم جافتني
مريوم : ليكون انتي عروووووس وانا ما ادري
ريم : ول ول ول كل هذا يعني حاطه ميك اب
مريوم : لا ميك ابج مب واااااااايد بالعكس وااايد بسيط بس انتي الحلوه ما شاء محلوه وااااايد
ما ادري ليش اتذكرت يوم مايد كان يغني يا حلى محلوه
ريم : عيونج الاحلى

نزلنا تحت وسلمنا ع المعازيم وتمينا نسولف وجي بعدين سرنا اتغدينا بعد الغدا خالتي امل وصلت هي وهند بعد ما سلمت علينا وعلى المعازيم
خالتي امل (بحقاره ) : ريمووو انتي بعد هني
ريم : هيه خالو
خالتي امل : من متى وانتي طاااايحه هني
صراحه انقهرت من كلام خالتي امل بس خلاص انا اتعوت عليها
ريم : والله نحن من الصبح هني
خالتي : هيه طبعا عاد انتي يحبج حق هني حبيب القلب هني
ريم : هيه فديته جسووومتي عسل لازم اشوفه
خالتي : ما اداااااااااني وحده تستهبل
مريوم : ريم فديتها دووم تسال عنه
خالتي : افففففف منكم
اول ما سارت تمينا نضحك فطوم دخلت علينا ( ترى فطووم اتعرف مريووم عدل لانها دومم وياي)
فطوووم : هاااااي
مريوم و ريم : هااايات
ريم : هاي العرووس مب انا
فطوم : ها بدينا اجوفج اتحطين علي
ريم : لاااا حبيبتي قالولي محلوه
فطوم: منو قال ؟
ريم : مريوم قالت
فطوم : انا قلت منو قال مب منو قالت ؟
ريم : والله انج سخيييييييييفه
مريوم : هههههههههه
مريوم : فطووم اقلج شي
فطووم : الله يستر
مريوم : لا تخافين ابا اقول انج وااااااااايد محلوه
فطوووم : اخجلتم تواضعي
مريوم : والله صج انتي وحبيب قلبي
ريم و فطووم : احم احم
بعد ساعه ونص فطووم بغت اتروح
فطووم : مريوم دخيلج ابا اظهر سويلي درب ترى وااايد دروليه
مريوم : ان شاء الله عموتي
فطووم: والله انج سخيفه
مريوم سارت وزقرت سعيد عشان يوقف عند الباب لين ما فطووم تظهر بس سعيد كان مشغول ويا المعازيم فطرش منصور
منصور : هلا مريووم خير
مريوم : منصور دخيلك تقدر توقف عند الباب لين اتمر ربيعتنا
منصور(بصوت واطي ): حلوه ولا (ابتسم وطلع لسانه )
مريوم : روووعه اتخبل
منصور : وطي صوتج عنبو فصيحه انتي
مريوم : تستاااااااااااهل
منصور: هههههه يلا انا بوقف عند الباب حني ناطور ههه
مريوم : هههههههه بسير ازقرها عيل ثوااني
مريوم : يلا فطوم منصور برع اقول
فطووم : هلا
مريوم :لا طالعينه وااايد بس اشوي ههههههههه
فطووم : ياسخييييييييفه ريموة شوفي شويسوون فيني
ريم :من صجها لا تشوفينه وااايد بعدين بتعبين عيونج
ريم و مريوم :ههههههه
فطووم : والله انكم سخيفااااااات يلا باااااااي
ريم ومريوم : بااي بس بس ديري بالج
فطوم : الحقران يقطع المصران

فطووم طلعت من الصاله

بعد صلاه العشاء المعازيم سارن وما بقى غيري انا وامي و اخوي وخالتي ميره و عيالها وخالتي امل وعيالها يعني بس عايلتنا
شهاب : تسلمين خالتي والله ما قصرتي
خالتي ميره : لا فديتك تستاهل اكثر والحمد الله ع السلامه بس هذي افكار ميوود فديته
مايد : احم احم اليوم راضين علي
خالتي ميره : اصلا انا ما اقدر ازعل عليك
امي : ما عاش اصلا الي يزعل من ميوودي
مايد : لا دام حبيبت قلبي جي قالك خلاص انا اليوم محد يرمسني
خالتي امل : منو حبيبت قلبك بعد ؟؟؟
مايد :افا ها ما يباله كلام خالتي موزه فديتها (عاد محد يعرفلها غير مايد )
امي : فديتك
خالتي امل : خالتك موزه ولا بنت خالتك موزه ؟
مايد : الصراحه راحه صراحه اثنينتهم ( وطلع لسانه اونه يغايضها )
ما ادري ليش استانست بس معنه هو جي يسوي بس عشان يغايض خالتي
خالتي امل : ولا في واااايد بنات ميتين عليك ويتمنون بس تاشر عليهم
مايد : لاااااااااااااا انا عندي وحده طررر قمر وانا الي اتمناها مب هي
خالتي امل : صج ما تنعطى ويه اقلك يتمنونك
مايد : نو نو نونو انا ابا اتمناها
كلنا : هههههههههههههههه
هند: يلا امي بنسير
خالتي امل : وين خوانج
هند : توه من ساعه ظهروا بس عيال خالتي ميره هني
عفان الله شو ها المذهب سايرين بدون ما يخبرون حد ولا حتى يسلمووون ع خالتي ميره

خالتي امل : خلاص عيل بخلي حد من عيال اختي يوصلنا
خالتي امل : مايد بتودينا البيت ولا
مايد : اللحين
خالتي امل : هي اللحين
مايد : لا شو مينون انا معزوووم صديقتي عازمتني
خذت خالتي ميره قوطي الكلنكس وفرت عليه
مايد : اي عورني
خالتي ميره : احسن دواك واقل من دواك
مايد :ههههههههه ما عليه بس بعدني امصمم ع اني اسير عندها
خالتي ميره : مالت عليك
مايد :هههههههه
خالتي امل : يلا منو بيودينا
مايد : منصور انت لا شغله ولا مشغله يلا قم
منصور : انزين خلاص انا بوديج خالتي
امي : عيل انا بعد بسير يلا شهاب فديتك
خالتي ميره : لاااا تو الناس
امي : وين تو الناس الله يهديج
شهاب : يلا خالتي نحن سايرين وبناخذ مايد ومنصور وسيف ويانا اليوم
خالتي ميره : بس منصور للحين مايا
شهاب : لا خالو منصور بي بعدين
خالتي ميره : برايكم والله انتوا ادرى
وسلمنا ع خالو مايد وسيف في سياره وانا وشهاب وامي في سيارتنا ... وصلنا البيت
امي : انا سايره ارقد تبون شي
مايد : هيه انا ابا
امي : امر قول غرد
مايد : ياشر ع خده (يعني بوسه )
امي : ههههههه استحي
كلنا :ههههههههههههههههه
امي ركبت الدري وسارت
ريم : انا بعد سايره ارقد
شهاب : يعني انتي بعد 3 ساعات بترقدين
ريم : ليش؟
شهاب: لين ما تمسحين هـ الطبقات الي ع ويهج هههههه
ريم : والله سخيف
مايد : اصلا هي حلوه بدون مكياج
ريم : جي الناس يردون مب انت
شهاب : شوفي كيف يقصون عليكم وانتوا اتصدقون
ريم : ما عليه انا راضيه
سيف : اصلا انتي حلوه بس مب احلى عني طبعا
كلنا : ههههههههههههههه
ريم : يلا بباي
كلهم : تمي بعدين سيري
ريم : هههههههه احم احم لاااا ما با ايلس وياكم
شهاب : والله ما تنعاطين ويه
ريم : شراتك شو اسوي ههه
سيف: انا بسير ابطل الباب منصور وصل ... منصور دخل
منصور : هلا والله

كلنا : اهلين
اول ما دخل منصور مبايلي رن
شهاب : ها منو هذا بعد من وراي
ريم : والله ان اسخف منك ما شي هاي ربيعتي فطوووووم
منصور : الي يت العزيمه
ريم : هيه شو رايك فيها (وتغمزله)
منصور :ههه والله بنت ناس
ريم : يعني عيبتك
سيف : بس خلاص ريم احمر ويهه
كلنا :ههههههه
ريم : انا سايره ارقد تصبحون ع خير
كلهم : وانتي من اهله
سرت فوق اتصالت في فطووم

شو تتوقعون فطووم تبا تقولي اللحين ؟
تتوقعون استوى شي بين فطوم ومنصور وشو استوى ؟ __DEFINE_LIKE_SHARE__

+[ حكومة قلبي ]+ · 02-04-2008, 10:27 PM

مابغيتي الغاليه اتكملين

تسلمين اتمنى اتكملينها __DEFINE_LIKE_SHARE__

دلوعة العين2008 · 02-16-2008, 09:46 PM

دخييييييييييييييلك من زمان ما كملتيها... __DEFINE_LIKE_SHARE__

مزيونة بوظبي · 02-20-2008, 09:39 PM

القصة وايد حلوة نتريا البارت الياية في اقرب وقت __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طاري السفر يا بعد عمري همني	محروم.كوم	منتدى أخبار المواقع والمنتديات العربية والأجنبية	0	05-26-2010 09:00 PM
دآآم قلب اختآآرك ما همني عيووبك	ميراني..~	استراحة قصص وابداعات الاعضاء	51	02-01-2010 01:21 PM
دام قلبي أختارك ما همني عيوبك	ريامي	قصص و روايات	198	09-18-2009 01:55 PM
:: خسارة الحب ما تستاهل اختارك :: روح مسجونه ::	انسان محروم	شعر و خواطر	12	02-20-2009 03:57 AM
ما همني غيرك ،، ولا حد بالغلا يسواك	♕ وليد الجسمي ♕	هواتف , مسجات , وسائط , برامج , ثيمات , نغمات , بلوتوث	28	01-05-2009 01:09 PM