دام قلبي اختارك ما همني عيووبك - الصفحة 5

مزيونة بوظبي · 02-20-2008, 10:27 PM

نتريا التكملة __DEFINE_LIKE_SHARE__

♥ روحي تحبك♥ · 02-21-2008, 03:15 PM

اسفه ع التاخير بس كنت واايد مشغوله
الجزء الرابع

الي تحبه لا تبين له غلاه ... والي تعشقه لا تلتفت اليه

بعد ما بدلت ملابسي وصليت سرت واتصلت بفطوووم بس ما شلت فقلت في خاطري يمكن تكون راقده لان ساعه 2 ...بس بعد 5 دقايق فطووم اتصلت

فطوم : هلا ريمو اشحالج
ريم : هلا وغلا بالعرووس .. عاد اليوم صج كنت طرر
فطوم : والله ؟ كنت حلوه ولا يعني
ريم : لا والله كنتي وااايد حلوه ليش منو قالج شي ثااني
فطوم : مشعل قالي اشبه المهرج
ريم :ههههه حراام عليج انتي اعرفين اخوج وسوالفه
فطوم :اتعرفين اول ماشافني تم يصارخ ويزاعج اونه مخترع من شكلي
ريم : ههههههه والله اخوج سالفه
فطوم : هيه والله
ريم : فطوم
فطوم : هلا
ريم : تعالي شو منصور وياج ههههههه
فطوم : هذا منصور اخو سعيد ؟؟؟؟؟؟؟؟؟؟
ريم :هيه ليش شو استوى ؟
فطوم : ولا شي شو بيستوي يعني بس كان وااايد مؤدب وكان حليو بعد هههه
ريم : هههههههه عيل ابشرج منصور ومايد وسيف بيباتون عندنا اليوم ههه شو رايج اتين بيتنا اونج ما تعرفين ان في حد في البيت

فطوم : نعم !!!!!!!!!!!
ريم : والله تعالي نسوي مغامرات الله يخليج
فطوم : عن المنكر يلا سيري ارقدي ترى الساعه 3 فجر
ريم : ما فيني ارقاد لا تسكرين
فطوم :اكيد ما فيج ارقاد مدام مايد في بيتكم طار الرقاد من عينج
ريم : ياسخييييييييييييييفه
فطوم : ههههه اعرفج اتحبيني
ريم :لا ما حبج
فطوم : بس شكله طرررر الصراحه فخذيه مبروك عليج منج العيال ومنه المال ههههههههه
ريم : احسه ما يحبني .. ما يعبرني وااايد
فطوم : يمكن يستحي منج ولا شي
ريم : والله ما دري
فطوم : بس احيده يحب امج وااايد
ريم : هيه يموووتون ع بعض والله
فطوم : انزين خلاص اكيد يستحي منج ولا ما يحب يراوي
ريم : فطوم والله مادري
فطوم : لا تحاتين يمكن يستحي الي تحبه لاتبين له غلاه صح ولا لاء
ريم : ولا ما اعرف بس يلا بسير ارقد ترى ساعه 3 ونص
فطوم : اوكي حبيبتي تحميلي ع عمرج
ريم : ان شاء الله حبيبتي وانتي بعد
فطوم :ان شاء الله
ريم : فطوم
فطوم : عيون فطوم
ريم : فديت عيونج والله فطووم تعالي باجر بيتنا الله يخليج
فطوم : باجر لاء عشان تيلسين ويا عيال خالتج بس ورا باجر اكيد بي
ريم : اوكي بس انتي اتعرفين انه انتي الوحيده الي افتحلها قلبي
فطوم : فديتج والله حتى انا والله ..بس خلاص اللحين سيري ارقدي فديتج
ريم : ان شاء الله يلا مع السلامه
فطوم : مع السلامه

رحت ارقد ابا اقول عن سالفه الي اليوم استوتلي ويا مايد بس مادري ليش خايفه ولا متردده ومادري شو شعوري وبدت الاساله تدور براسي ومادري كيف نمت وقمت ع صوت امي تزقرني
امي : ريم فديتج قومي يلا
ريم : امي نشيت خلاص
امي : يلا انزيلي نبا نتريق
ريم : ان شاء الله
شفت ساعتي شفت ساعه 9 ونص سرت اتغسلت وبدلت ملابسي وصليت ونزلت ع دري وانا نازله كنت اسمعهم يرمسون وصوت ضحكهم واااصل لي اخر البيت
نزلت تحت
ريم : صباح الخير
كلهم : صباح النور
امي : يلا اقربي امي تعالي كليلج شي
ريم : ان شاء الله
كلهم كانوا يالسين ع الارض و عند بعض يعني امي كانت يالسه ومتسانده ع الكنب ومايد يالس عند امي وبعدين شهاب وسيف وبعدين منصور يعني انا بيلس عند منصور لان ماشي مكان ثاني
مايد : تعالي ريم يلسي مكاني انا بيلس عند منصور
ريم : لا عادي خلاص كمل ريوقج
بس طالعني بنظره صراحه ما فهمتله فعلى طول يلست مكانه بعد الريوق
امي : فديتج ريم ازقري الشغاله اتي اتشل الريوق
ريم : لا امي عادي انا بشله
فوديت الريوق في المطبخ يوم شفت من جامه المطبخ مايد يالس رووحه في حديقه وحسيته زعلان بس ما قدرت اسوي شي سرت رتبت الاغراض وجي
يوم طلعت من المطبخ سرت في صاله شفت امي وشهاب وسيف ومنصور يلست عند امي
امي : مايد وينه ما شوفه
منصور : كان يالس برع
مايد دخل الصاله
امي : صج انك ولد حلال توه كنا نطريك
مايد : عسى بلخير بس
امي : دامني موجوده محد يقدر يطريك غير بالخير
مايد : فديتج والله
امي : ترى بنفخ صدري
كلنا : ههههههههههههه

ساعه 7 المغرب

شهاب : شو رايكم انسير البحر اليوم
امي : انا عن نفسي ما عندي مانع
منصور : ولا انا
سيف : ولا انا
مايد : يعني انا الي بيكون عندي
ريم : يعني اسير البس عباتي
امي : يبي عباتي بعد وياج
ركبت الدري سرت بدلت ملابسي ولبست عباتي ويبت عبات امي ونزلت تحت
شهاب : يلا اركبوا السياره
منصور : بنسير بسيارتين
امي :لاااااااااا يلا عن المنكر
امي : شهاب بيسوق وريم بتيلس عنده ونحنا بنيلس ورا الا هو 10 دقايق
كلهم : هيه جي اوكي
امي : لا مب اوكي
كلهم :ههه ليش؟
امي : خلي ريم تيلس ورا في دبا سياره
ريم : ماماي شو ايلس في الدبا
امي : والله يوم قلنالج ايلسي جدام ما سمعنا صوتج اللحين يايه اتسمعينا
ريم : حرام شو الا 10 دقايق ع قولتج
سيف : لا يمدحون اليلسه ورا في الدبا
ريم : سيفو عن المصاخه
سيف: شوفوا البرائه اللحين
شهاب : انتوا اتظاربوا نحن بنسير و بنرد بسرعه هههههههههههه
كلهم : هههههههههههههه

ركبنا السياره ويوم وصلنا البحر شفت امي ومايد كانوا واااايد يتصاصرون فتم سيف ومنصور وشعاب يرشون علي ماي ورمل ويلعوزوني بعد اشوي يه مايد وتم يلعب ويانا وبس هو كان وياهم يعني اتعرفون انا رايحا فيها كلهم ضدي و بعد ما خلصنا لعب الشباب شلوه مايد وعقوه في البحر وتموا يضحكون
فشهاب وسيف ساروا ايوبون عشا
وانا سرت اتمشى ع البحر لان ما كان في حد وكان الوقت وااايد متاخر .... وانا امشي ليش ما اتخرطف واطيح واتعور لان جدامي كان حصى وانا ما انتبهت
وانا احاول اقوم شفت ايد حد ممدود
مايد : اتعورتي ريم ؟؟؟
ريم : مايد ما اقدر انش ريولي اتعورني
مايد : اشلج يعني
ريم : لا بروحي بقوم
مايد : هاتي ايدج يلا قومي
ريم عطته ايدها وقومها بس بعد ما كانت تمشي عدل فيلسها ع حجر هناك
مايد : ريم
ريم: نعم
مايد : ولاشي
ع فكره هو وااايد في ها الحركه
بديت اقوم اشوي اشوي بس ريلي كانت وااايد اتعورني فطحت بعد مره وما قدرت اقوم

شو تتوقعون بيستوي بريم ؟ __DEFINE_LIKE_SHARE__

** العكبري · 02-22-2008, 07:11 PM

ههه لايفوووووووووووووووووتكم القصه والله انهااااااااااااااااا رووووووووووووووووووووووعه وابداع ههههههه بس لو تعرفون شو بيستوووووووووووي... __DEFINE_LIKE_SHARE__

دلوعة العين2008 · 02-22-2008, 10:31 PM

والله غش.. القصة قصيرة ما يجوووز خخخخ يلا اتريا التكملة.. __DEFINE_LIKE_SHARE__

al_7lwaa · 03-14-2008, 10:54 PM

tslmeen 3al 89a ... w ntria el tkmlaa __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طاري السفر يا بعد عمري همني	محروم.كوم	منتدى أخبار المواقع والمنتديات العربية والأجنبية	0	05-26-2010 09:00 PM
دآآم قلب اختآآرك ما همني عيووبك	ميراني..~	استراحة قصص وابداعات الاعضاء	51	02-01-2010 01:21 PM
دام قلبي أختارك ما همني عيوبك	ريامي	قصص و روايات	198	09-18-2009 01:55 PM
:: خسارة الحب ما تستاهل اختارك :: روح مسجونه ::	انسان محروم	شعر و خواطر	12	02-20-2009 03:57 AM
ما همني غيرك ،، ولا حد بالغلا يسواك	♕ وليد الجسمي ♕	هواتف , مسجات , وسائط , برامج , ثيمات , نغمات , بلوتوث	28	01-05-2009 01:09 PM