مطلوب تتبيله دجاج ممكن؟؟

ملكه العالم · #1 01-23-2008, 05:19 PM

السلام عليكم ورحمه الله وبركاته
شحااالكم بنوتاااات و اعضاء المنتدى
بصرااااحه انااجالسه ادور على طريقه تتبيله دجاااج حلوه ومجربه يعني (تبيض الوجه)>>>>> عندي عزومه بكره

المهم ما اطول عليكم حبايبي ردو علي بسرعه اذا ممكن

__DEFINE_LIKE_SHARE__

قطوة بوظبي · 01-23-2008, 06:45 PM

[align=center][mark=FFFF00]الدجاج المشوي لذيذ وطري وسهل جدا ، والله ألذ من المطاعم جربوه وشوفو ..[/mark]

المقادير:
دجاجة كاملة مغسولة عدل "انا استخدمت حجم 1 1\2 كيلو"
2 م ك زيت زيتون أو زبدة

تتبيلة الدجاج "لكل كيلو":
ك روب
2 م ك كمون
2 م ك فلفل اسود وملح
م ص دارسين ورشة هيل
4 فصوص ثوم مهروسين
1\2 ك ليمون + القشر

هذا سيخ الشواية الخاص بالدجاج ..

الطريقة:
تبيلي الدجاج بالتتبيلة من الداخل والخارج لمدة لا تقل عن 4 ساعات "واذا تبين انها تتغلف يالتتبيلة حطي كل شي بكيس وخليهم "وهذا اللي سويته" ..

حطي الدجاج فوق السيخ بهالطريقة مع جم قطعة ليمون ..

حطيها بالشواية وشغليها لمدة "90 دقيقة" وخليها تستوي بروحها وبس وشوفو مراحل استوائها وتحمرها ، انا ضفت خضار تحت الدجاجة بأخر نص ساعة واستوا على مايها وزيتها وكان طعمهم روووعة "كوسا وجزر" ..

وقبل التقديم بعشر دقايق رشي الزيت على الدجاجة وخليها ..

وهذا شكلها عند التقديم ، قدمت معاها زهرة وبطاطس مقليين وخبز وسلطة خيار بروب رووووووعة جد والله ، وبالعافية ..

[/align] __DEFINE_LIKE_SHARE__

قطوة بوظبي · 01-23-2008, 06:50 PM

[mark=FFFF00]المسخن :[/mark]

لذيذة وسرعة وخفيفة ، بس تبون الحق الطريقة الاولى وايد ألذ عندي والناس أذواق ..

المقادير:
دجاج
كيلو بصل مقطع مكعبات
1\2 ك زيت زيتون
1\2 ك زيت نباتي
1\2 ك سماق أحمر + م ك فلفل الاسود + م ك دارسين + م م كمون + ملح
1\2 ك صنوبر
خبز إيراني

الطريقة:
اسلقي الدجاج مع البهارات "ورق غار ، فلفل اسو ، كمون ، دارسين ، وهيل ، بهار حب مشكل ، كركم ، لومي ، ملح "والبصل والثوم وخليه لحد مايستوي ..

يقطع البصل جوانح ثم يوضع في القدر ونقلبه ل5 دقايق ثم يضاف اليه الزيت ويترك على النار حتى يبدأ يلين نضيف البهارات والسماق ونخليه يستوي على الاخر ، قبل التقديم نحمر الصنوبر بنفس زيت البصل ..

نحمر الدجاج بالزيت مع تغليفة بشوية دارسين ناعم لحد مايتحمر ، ثم نضيفه فوق البصل ونخليه ل10 دقايق ..

نبلل الخبزة بشوية ماي سلق الدجاج ثم نضيف شوية بصل ثم طبقة خبز ثانية ونبللها ثم البصل لحد 3-4 طبقات خبز بالبصل ثم نحط الدجاج المحمر على الوجه مع الصنوبر وندخله الفرن ل10 دقايق لحد ما تتحمر اطرافه وبالعافية ..

__DEFINE_LIKE_SHARE__

قطوة بوظبي · 01-23-2008, 06:57 PM

[mark=FFFF00]دجاج بالبرتقال محمر بالفرن [/mark]

من كثر لذة الدجاج بالبرتقال ابوي فديت قلبه يبيه وامي كانت سالقة الدجاج فسويته بطريقة ثانية وهم بعد كانت لذيذ بس الاولى طبعا ألذ لانها مطبوخة بالصلصة ..

المقادير:
2 دجاجة مقطع ارباع ومسلوقة "مع بهارات الدجاج والثوم والبصل"
1\4 ك عصير برتقال
1\2 ك صلصة جوانج الدجاج "Chicken Wing Sause"
1\2 ك كاتشاب للتحمير النهائي
م ص فلفل أسود ، م ص كمون ، م ص دارسين

الطريقة:
اخلطي المقادير كلها وادهني فيها الدجاج من جمبع الجهات ودخلي الصينية الفرن لمدة 40 دقيقة على 180 ، ثم حمريهم ..

وهذا عند التقديم ..

لاحظو حلاوة اللون والتحمير ولا الرية وااااااي تاخذ العقل ..

وسموحه .....

__DEFINE_LIKE_SHARE__

كيفي دلووعه · 01-23-2008, 07:10 PM

واااااااااااااااااااااااااااااااااااي
لذذذذذذذذذذذذذذذذذذذذذذذذيذ مشكوووووووووورة اختي الغالية
تسسلمييييييييييين
^^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مطلوب رسلر 5 جياج	محروم.كوم	منتدى أخبار المواقع والمنتديات العربية والأجنبية	0	06-13-2010 06:50 PM
مطلوب بيض دجاج فرنسي وبلجيكي	محروم.كوم	منتدى أخبار المواقع والمنتديات العربية والأجنبية	0	05-20-2010 02:30 PM
مطلوب مكينتين شبه جداد اقل من 100 حصان	محروم.كوم	منتدى أخبار المواقع والمنتديات العربية والأجنبية	0	02-20-2010 11:50 AM
دجاج حبشي للبيع (دجاج خيبر)	محروم.كوم	منتدى أخبار المواقع والمنتديات العربية والأجنبية	0	01-30-2010 05:10 AM
للبيع دجاج سلكي .... دجاج اشكال غريبه	محروم.كوم	منتدى أخبار المواقع والمنتديات العربية والأجنبية	0	09-13-2009 09:40 PM