|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
|
لقيت في بعدي عن الناس راحة :: " حقوق النشر محفووظة " تحذير : لا اسمح باستخدام ( النسخ ) او النشر دون طلب الاذن من كاتبة الرواية .. في أخطاء إملائية سامحوني كنت مستعيلة وأنا اكتبها .. الرواية بلهجة الإماراتية .. والشخصيات غير واقعية والأحداث معظمها خيآلية ولـكن المغزى هو المهم أتمنى أن تنال أعجابكم كتابتي لهذه الرواية مجرد محاولة لمحاكاة الواقع الذي يعيشه الكثـير . مو على كيفك حبيبي سر انفرادي وابتعادي عن الناس ما هيب قصة وقت ولا مساحة لقيت في قربي من الناس وجع راس ولقيت في بعدي عن الناس راحة بقلم :Miss FyoOnkah __DEFINE_LIKE_SHARE__ |
02-03-2012, 08:08 PM | رقم المشاركة : [ 2 ] |
عضو جديد | البارت الاول : نورة صصف 10 نوور صف 8 ميرة صف 4 الام : ربة بيت يعمي 45 سنة صغيرره الاب : مدير شركة بترول 50 باقي الشخصيات بنعرفهم من خلال الأحداث :: نورة محور الرواية بنت امورة ومحبوبة تمدح نفسها ، يقولون انانية ومتكبرة بس هي شي ثاننني تحب التسوق باختصار مينونة تسوق يعني ما تمل من كثر ما تشتري المهم تشتري ، عصبيه احيانا وباردة احيانا ، متعبه اهلها على قد ما تتطلب ، خجولة ، اجتماااعية ، تحب الناس تسولف تضحك مهما كانت الظروف ، مستواها الدراسي وااايد اوكيه ، بس بسرعه تنهار وبسرعه ينضحك عليها وتنخدع بوووايد ناس ، من ناحية الشكل عيووونها واسعه وخدوها كانت كبيرة بس ضعفت مع المذاكرة وجي ، لا طويلة ولا قصيرة وسط ، وزنها بين 47 و 50 ، بيبي فيس باختصار .... كنت رادة من بيت ربيعتي جاااان شيخوو تتدق لي انا : السلام عليكم شيخة : خير ليش ما تردين تعرفين شو مستوي ؟ وحدة يابت لي محادثة مسن انج سابيتني و تتكلمين عني بعد انا من بعد اليوم لا اعرفج ولا ابييج تعرفيني وانا ندمانة لاني عرفتج وصكت الفون انا : ليش جي تسوي ؟ ليش من موقف تتركني ليش ما حبتني نفس ما حبيتها ليش تركتني ليش تصدق كلام الناس يا ربي شو السالفة منو هلبنت جاان اصيح واصيح واقول الله يسامحج يا شيخة من بعد اليوم قررت ما اتاثر بغياب حد و اكون انسان ثانية ما اامن على اي حد انا فوق الكل وبس تونا شهر 9 بدأنا د راسه وجي جااان ازعل ما اعرف حد والي ا عرفهم تزاعلت معاهم بسبت شيخة كرهت عمري واييييييييد مع انه قررت اكون غير عسب جي افرغ الي بداخلي فـ السوق نشيت يوم الاحد لبست وجي تريقت امي : نورة منو ربيعاتج؟ انا : محد هههه كرهت الكل امي : خولة ومريم واحلام ؟ مب ربيعاتج قلت لها لا انا كرهت الكل انا ( مع نفسي ) دوم اردد هلمصطلح احفظووه ههه امي: لازم اوددديج دكتور نفسي السالفة مب شوي قلت لها الله يسامحج انا الي يبالي دكتور نفسي ولا حثالة البشر؟ امي قالت زخي زخي يا حليلها ما تعرف شو فيني من الآلآم تفكر كل الناس طيبين شراتهـا يوم وصلت السكول شيخة لها ربيعة اسمها (( دلال)) استوت مشكلة بيني وبينها كانت دلال واقفة عدال ربيعتي مريم جان اقول : مريم مريم باجر جنه في فعاليات فمدارس الأطفال شو رايج نغيب ونروح قالت مريم: اممم بنشوف جان دلال تسوي حركة فايدها على انه ( شو تقول هلمينونة ) قلت بـ صوت عالي : اييه ما كلمتج عسب تسوين حركات مع نفسج انزين جان بنت من الي واقفات تروح لها وتقول لها نورة قالت جي جي قلت احسن زين يوصلون لها الكلام يمكن هي ما تسمع ههه جاان اعصب اكثر يبت ربيعتها رنا وقلت لها خبري شيخة لو لهااا لسان تتكلم جدامي مبببب وحدة تقول لي شيخة قالت جي جي هههه و بكل برود امشي جااان شيخة تقول كلام ما فهمته اشك هندي الي يتكلم سويت طاااف وامشي ولا جنه هي موجودة يا حليلها كسرت خآآطري قلت بيني وبين نفسي :: هم الي ودروني وظلموني الا ويندمووون انا بعيش يحياتي بطول وبلعرض وهم خلهم يتحدووووني في صفة يكرهوها فيني الدلع اساسا انا ما اخذت رأييهم عسب اتتدلع او لا فـ دوووم اتتدلع جدامهم والدلع ما يحلا ا لا جدااامهم ينقهرون لدرجة اننننه يقلدوووني هههه مريم : نورة تتدرين انه شيخة و دلال يقلدونج يوم تتدلعين بدون ماتعرفين نورة _ انا_ : والله زين ههه اساسا الدلع حياة البنت مب شراتهم جننهم اولاد بين حوايبهم 11 ومعصبين 24 ساعه هههه لا وفوق هذا يقولون نحن ادلع شي ونحن احلى ههه مداح نفسه يباله رففففسـه جااان اروح الحمام واصيح بدون ما ححد يدري وتاخرت عن الحصة بعد قلت ليش محد يحس فيني ليش احب البشر وهم ما بسهولة ييعوووني تذكرت اغنية : يا بخت قلبي فيك وفحبك عيني تبي وروحي تحبككك اجمل قدر في دنيتي حبك الله يديمك وتبقالي وانا احب هلاغنية ووووووووووايد حلاتها اساسا قلت يا هي صعبة ضيقة الشخص الكتوم كانت علينا حصة رياضيات _ ابلة اخلاص _ جان اقووول ابلة ممكن ادخل شافت عيوني حمرة عرفت اني تعبانه قالت تفضلي قلت : شكرا درسنا عن الميل قلت : ابلة ما ححححححب هلدرس قالت ( ابلتنا سورية ) ما لحئتي تكرهيه استوعبيه بعدين احكمي اوكي ابلتيييييه صح لسانج للعلم شيخة و رنا ودلال فـ 10 - 3 وانا و مريم فعاشر 2 اول السنة كنت اسلم ع دلال يوم اشوفها رغم انه نحن متضاربين بس بعد فترة قامت ما تفكر تسلم حتى نفس ما اسوي انا انا اكون يالسه مع مريم وبعض البنات تسلم عليهم كلهم الا انا انزين ليش الي تكووون نيته خير يلاقي الشر مقابله ليش الانسان يحاول ويحاول ويلاقي الي قباله باعه وجنننه مب مهتم له ولا حتى متاثر بغيابه ليش الحياة تفرق الي تباهم وبدون انذار ليش قبل كم شهر كنا نطلع مع بعض ونضحك ونستهبل والحين ما يردون السلام حتى على ما اذكر السلام لله قبل ما يكون حقي __DEFINE_LIKE_SHARE__ |
| |
02-03-2012, 09:18 PM | رقم المشاركة : [ 3 ] |
عضو جديد | روعععععععععععععه البااااااااااارت حبيبتي كملي فدييتج نتريا البارت الي بعده __DEFINE_LIKE_SHARE__ |
| |
02-03-2012, 09:39 PM | رقم المشاركة : [ 4 ] |
عضو جديد | البارت 2 و3 .. رديت البيت انا يوم ارد البيت ولا جنه استوى شي فلسكول الحمدلله الي فلسكول اخليه هناك وادخل البيت بنفسية 2 بس ما انسى بسهولة امي : هلا هلا نورة يلا حياتي بدلي و الغدا جاهز انا: ما لي خاطر خلني ارقد امي : ما باكل الا لو اكلتي انا : اوكيه ما تهونين علي باكل عشانج بدلت وجي صليت ودعيت ربي انا : يلا يلا وين الاكل ؟ (( اوني باكل )) امي : هاذي بنيتي الي اعرفها يلا سمي واكلي انا: احاول اكل جي بعد 10 دقايق شبعت يلا برقد امي : مع انج ما اكلتي وجنج ضحكتي علي بس بمشيها اليوم لانه باين عليج تعبانه الله يخليج لا تتعبين عمرج انا : اوكيه ولا يهمج طلعت غرفتي يلست ع السرير و صدى اغنية راشد :: انت اغلى من نظر عيني لا تعاند وارجع استغفر طاحت دمممعتي ليش انهار ؟ ليش اضعف فجاة ؟ انا قررت اتغير ليش كل ما اتغير ارد اخس عن اول تميت اصييييح لين ما رقدت انا : دلالوو شيخووو احبكم فديتكم تبون عيوني بعطيكم دلال وشيخو : لا خلي عيونج حق حبيب القلب ما يهون علينا انا : جب جب وينه ها حبيب القلب ؟ ما في فهل القلب غيركم جااااااان امي نووووووووورة قومي نشي انا : اويه الي عشته حلم !!!! دلال شيخة تصالحنا ؟ ما كنا متضاربين ؟ لا لا ها حلم ليييييييييييش ايامي الحلوة فالاحلام بس تميت جي 5 دقايق استوعب الوضع قطعت افكاري امي الله يهديها ::بسج سرحان وراج مذاكرة قلت اوكيه اوكيه لا تصارخين اخاااف اوني هههه مامااااااااااتييييييييه وين باباتيييه امي : فلصالة قمت تسبحت وصليت و سلمت ع باباتيه ما اشوفه وايد دومه فلشغل وانا مع نفسي فحياتي وجروحي بدأت مذاكرة وجي خلصت الساعه 9 جان اكتب ع دفتري : حياتي وين بزحمة دنياك ؟؟ زخخخخيت ورقدت فوق الكتب امي ثاني يوم بعصبية :: ليش الرقاد فوق الكتب ؟ ما شي مكان ؟ ولا كل ها اجتهاد اانا : امي شو فيج الله يهديج الدنيا صبح اسفه بس ما عرف شو استوالي فجاة وتعبت امي : يلا يلا بتتاخرين معاج نص ساعه انا : اووووف ما لي خاطر اداوم امي : حتى السكول يبالها خاطر؟ اوكيه نشييييييييييييييييت نواري البطلة ههههه لبست صليت بسرعه بسرعه وين الريوق فديت امايه اكلت وجي ابووويه اليوم بطلع معاااك فلسيارة بتخقق فيك باباتيه : من عيوني يلا سرينا انا : يلا يا قلبي سرينا ترى جارت الدنيا علينا امي وابويه عيونهم جي : هههههه خلاص سكتنا يلا ( ميرة ونور ) مع نفسهم او انا مع نفسي بسبت الي فيني لا تخافووون ف الرواية لهم دوور فعال فلضرابات لا تحاتون هههه المهم وصلت السكول سلمت ع باباتيه دخلت السكول وانا اقول الله يستر من هليوم غريبة وين شيخو ودلال دوم متربعين هني ههه احسن ابا الفكة منهم دخلت الصف وفجأة ::: ؟؟؟ انه شواخ ودلال كاتبين ع السبورة نكككككككككككككككرهج نواري مع تحيات شواخ دلال وكل البنات شافو الكلام اووويه فشله !!! ليش جي سويتو الي يحبكم جي تجرحووووونه تميت واقفة جدام الباب ما دخلت ولا طلعت من الصف صعععععععععععقه !! يا ريت الفراق بدون اوجاع يكفي الم الفراق لا طلع فيه الم ما بعد الفراق ليش سويتو جي يت مريم مسحت السبورة : زخت ايدي ودخلتني الصف قالت : نورة لا تضعفين هذيلا وحوش ما يخافون من حد جان دموعي تخووني وتتطيح قلت : تتدرين يا مريم هذيلا شليتهم فوق راسي و فعيوووني انا ضميتهم ، كلمة ما نطقت من وراهم من حبي لهم اسمع كلام عنهم واسوي طاف كانو هلثنتين كل حياتي اطلع امشي اكل البس ع ذوقهم و ايامي بدون ما لها معنى تعرفين شو يعني تعاشرين انسان 7 سنوات ومن موقف يهدج و يقول لج ندمت لاني تعرفت عليج تعرفين شو معناه ؟ ما اعتقد ، ما يحس الا صاحب الالم مريم : حضنتني وجااان اصيح اكثر دق الجرس : طابور مسحت دموعي جاان اضحك على منظرنا قلت لها ولا الحبايب هههههههه قالت ولو كل شي الا نواري فديتج يا مريم يت ابلة نسميها ( بيكاتشو - هي اجنبيه ) يلا يلا تابووووووور يعني طابور انا وهي نقعنا ضحك حلاتها الدنيا نضحك ونحن نتالم ههه استخفيييييييييييت فلتابور على قولة ابلة بيكاتشوو كنت واقفة <<< شي طبيعي واقفة هههههههه المهم ويدامي بنت اعرفها فـ 12 ادبي ( شمو ) شمووووووو حياااااااااااتي اشتقت لج ما سلمنا ع بعض الا فلتابور هههههه ولا يخصنا فلتابور اساسا سلمنا ع بعض وجي جان نشوف ابلة بيكاتشو ياية صوبنا على طول هربنا كل وحدة مكانها فلتابور جان تلف وتغمز لي ههههه السلام الوطني كان فيه حماس بعد ما خلص الاذاعة سالو سؤال :: اين ولد نيوتن ؟ قلت يدام بنات كلاسي فبيتننننننننننننا سهلة ما يبالها شي اساسا نيوتن يقرب لي لا تستغربون انا الي نزلت التفاحة ع راسه طبعا البنات كانو بيموتوني فنظراتهم هاي سبب ضياعنا فلفيزيا ههههههه عقب قلت لهم اذا التفاحة عذيبتكم يا ترا انا شوو ؟ بموتوكم من العذاب والجاذبية الي فيني هههههههه الكل ضحك بنات 12 ادبي وبنات كلاسي وايد استخفيت لانه الي يتالم ما يسكته الا الضحك والتعليقات بيكاتشو : الي فهمته من كلامها انه ليش تتكلمين شي جي قلت : ابلة اقصد مسسس اوكيه سووووووووري لفيت ويهي سوري ولا لبناني ؟؟ والله شي يحير ليش مب مصري قلت جننني زودتها بسكت ابركلي شو بيستوي بحياة نورة مع الوحوش الي فلسكول __DEFINE_LIKE_SHARE__ |
| |
02-03-2012, 09:45 PM | رقم المشاركة : [ 5 ] |
عضو جديد | سويت تحرير وحجم الخط مب طايع يتغير شو اسوي ؟؟ __DEFINE_LIKE_SHARE__ |
| |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصة خيالية : روايتي الأولى:تحياتي لمن دمر حياتي .. | حكاية عشق مجنونه | قصص و روايات | 16 | 12-28-2011 09:41 PM |
مرتاح في سجتي مرتاح=بعيد عن الناس ومريحي | محروم.كوم | منتدى أخبار المواقع والمنتديات العربية والأجنبية | 0 | 11-12-2011 04:30 AM |
شيلة لقيت الناس مامنهم سلامه/للمبدع احمد القرعاوي | محروم.كوم | منتدى أخبار المواقع والمنتديات العربية والأجنبية | 0 | 11-01-2011 03:10 PM |
لو لقيت من تحبه وتنساني انا لقيت من وطاك وعشقني | • عـلـآيـہ • | المسنجر وملحقاته , توبيكات , ماسنجر بلس , msn | 9 | 12-24-2010 01:04 AM |