(يَ أمَانِينَا مَا عَادينْفّعْنَا صَبرْر .. تعبْنَا ندَوّر لـِ بكْرَا عذرْ ! ,) - الصفحة 6

مفتون قلبي · 01-03-2012, 02:47 AM

مشكورة حبيبتي على البرتات الطرشين^^

واليوم خلصتهم كلهم من كثر ماني متشوقة
ونترقب اليديد من يداج حياتوو
وحرام عليج ليش خليتو عارف ياخذ مريوم اهئ اهئ>_<
اختج مفتون قلبي^^
__DEFINE_LIKE_SHARE__

! ĐįƠЯ ƒάṦђịǑη ! · 01-03-2012, 02:53 AM

المشاركة الأصلية كتبت بواسطة مفتون قلبي

مشكورة حبيبتي على البرتات الطرشين^^

واليوم خلصتهم كلهم من كثر ماني متشوقة
ونترقب اليديد من يداج حياتوو
وحرام عليج ليش خليتو عارف ياخذ مريوم اهئ اهئ>_<

اختج مفتون قلبي^^

العفووو
هههههههه
مشكوره على الرد والمرور __DEFINE_LIKE_SHARE__

! ĐįƠЯ ƒάṦђịǑη ! · 01-03-2012, 02:59 AM

البار ت ال 14 ..,*
خلنيُ "آشِـِگيُ" وٍأإعبَـَـَرٍ عنُ ألَـَمٍ

لآ تقوٍلُ آإضحَـَـگٍ أإنِأإ توّي "گسيَـَـرٍ
.,
قررت ارد البيت .,. ما بغيت اتم اكثثر ., سرت ادور على مرت عميه بس ما حصلتها .., قلت حق علية اتقولها اني رديت لاني تعبانة ...
دايما جي .. الدنيا ضدي ., بس انا بعييييش ... هاذي مب النهاية ., ما بكوون انسانة ضعيفة .., خلاااص .. انتي اللي بتتحكمين ب كل شي ... مب هم يجبرونج .,
اتصلت حق رشود و قلت له ايي ياخذني ., لانه الوحيد اللي فاضي ..
.,
دشيت السيارة .. يلست جدام ..
يلست عالسيت و اتسندت .. تنهدت و صديت صوب راشد : السلام عليكم .,
راشد ابتسم ..: و عليكم السلام ..
رديت عليه بابتسامة .. حسيت عمري مخنوقة .. ياني ضييق ...
تميت اكح ... راشد وقف و عطاني ماي ...
شليت الشيلة من على ويهي ...
راشد يشل مني دبة الماي .. : شو الحين اوكي ..
هزيت راسي .. و غمضت عيني و سندت راسي ..
راشد لف وراع سب اييب لي مخدة اصغيرة ..: اندوووج .. خليها تحت راسج ..
صديت عليه : ماله داااعي ... الحين بنوووصل البيت .,
راشد : ههه بتسيرين تشلين اغراضج .. بنسير بوظبي ولا انتي ناسية ...
فجيت عيني .. و طالعته : اوووه صح نسيت ..
راشد تم يطالعني يوم وقف يتريا الاشارة ...
ضربته على جتفه : بلاك .. حوو
راشد : ها ماشي .. ههه بس متغيرة يالدبة .. محلوة ..
استحيت .. و غدى ويهي احمر : عيونك الحلوة ..
راشد رد يطالع الشارع ... : انزين دبوه ... وينه زيود ليش ما يا ؟؟
رديت عليه بدون نفس : مسافر ..
راشد " امممم انتي بينج و بينه شي ..
طالعته و هزيت راسي : لا ..
راشد : بس ما ادري احساسي يقولي العكس..
.,
..
..
ف بوظبي .,
حصة واقفة ف الصالة ., دموعها ف عينها .., مب رايمة تستوعب شي من بعد مكالمة علية .,
وقفت ب ويه امها : اسمعييي اماية .. انا هب متزوجتنه ..,,, مابااااه ... لو شو ما تسووون انا هب ماخذتنه ..
يت عندها امها .. و عطتها كف : اسكتيي ولا كلمة . ..ما اريد اسمع صووتج .. بتزوجيه يعني بتزوجيه ..
حصة وقفت تصارخ ...: انا كم تحملت ... ليييش جيي ... لهدرجة انا علة .. حرام عليكم ..
وقف اخوها ناصر عند امها : بس يا اماية .. خلها ..
ام حصة وقفت تطالع ولدها : اسكت ولا كلمة ان الثاني .. انا اللي اقول بتاخذه ولا لا ..
حصة وقفت ساكتة .. كانت راصة على ايدها .. و تصيييح .. شلت ب عمرها .. و طلعت ..
ام حصة لحقتها : حصة حصصصصصصصصصصصة ..
حصة وقفت و هي عاطتنها ظهرها : ....
ام حصة : من هاللحظة ابغيج تعرفين انييي اتبرييييييييييييت منج ... انتي مب بنتييييي .. ولا تفكرين تردين للبيت ..
ناصر ركض ...: اميييييييييه شو تقولين ... ..( ويصد على حصة ../: حصصصصصة حصصصصصصة ..
حصة تمت تصيييييح و تشاهق .. حطت الشيلة على ويها ... وقفت لها تكسي و ركبت ..
.,
جذا بعتيني يا اميه عشان البيزات ... طوول عمرج و انتي تلوميني و تعاتبيني وانا كلمتج تاج راسي ... والحين يوووم عارضتج مرة وحدة تبرييتي مني ....
.,
.................................................. ...................
وصلت البيت و نزلت اغراضي ., اووف تعبت من الدرب ... ساعتين ..
فيني رقااااااااد فضيييع ...
توني بدش البيت ... جفت تكسي واقف صووب البوابة العودة ..,
وقفت و طالعت راشد و هو ينزل اغراضه ...: اممممممم رشوود ...
راشد : لبيييه .,
طالعته و اشرت عالتكسي ..,: شوووف .,
راشد : امممم يمكن مغلط بالبيت و الحرمة تحاول تتذكر ..
تميت اطالع .. شفت وحدة نازلة .,
شفتها دشت ., دخلها الحارس ., استغربت ., كانت متغشية ., دقيقة ., هاي وحدة اعرفها .,
تمييت اتمعن ب تفاصيلها .. و مرة وحدة شهقت ...: حصصصصصصصصصة .,,
حصة سرعت ب خطواتها .. كانت تمسح دموعها و تمشي ., يت عندي و حضنتني ب اقوى ما عندها ..: كلهمممم خوووونة ., كلهممممم جذابين .,
انتي اللي بقييتي لي يا شوووق ... امييييي اتخلصت من فال النحس ., تبررررررررررت مني .,
انصدمت من اللي يالسه تقوووله ., ضميييتها لي .. تميت امسح على راسها ., رااشد كان واقف مذهووول .,
كنت اطالع راشد و هو يطالعني ., اشر لي عالباب ., يعني دشي وياها .., وانا بسير .,
هزيت راسي .,
زخيت ويه حصة .,و خليت عيني ب عينها .., : بس حبيبتي بس .,, خلنا ندش .,
حصة مسحت دمعتها ., و زخت ايدي و تمت تمشي وياية .,
وصلنا الحجرة ., سارت حصة تيلس عالسرير .,
فصخت شيلتي ., و يلست حذالها ., كانت تصييييح .., كانت منهارة ., و كيف ما تنهار وهي اللي سعت انها تنال رضا امها بكل الطرق و اخرتها تفرها جي ., ابد ما توقعت ب توصل لهلمرحلة ., لهدرجة الفلووس تعمي الواحد .,
حضنتها ., و بستها على راسها ..: حصوص ., انا ابد ما راح اخليج .,
و ماراح يفرقني غير الموووت . ., ابغييج تنسييييين كل شي ., وانا اوعدج اني ببعدج عن كل ها .,
حصة حضنتني .. ابتسمت .,
رديت عليها بابتسامة ., : يالله امسحي دمووعج .. شوفيني انا ., خسرت كل شي ., حطمتني وايد اشيا ., بس ما سمحت لهم يحطمووني و يدمروني .,
و مب قصدي اني اقلج اني انسانة عظيمة ولا عديمة احساس ., بس شووفي اللي اهني ., ( و اشرت على قلبي ) ترااااه اكتفى, يا كم استهنت به و كسرووه ., بس انا صار واجبي احميه ., ارد المه ., اداوي جروحي بنفسي .,
يمكن تقولون اكابر ., صح اكابر ., انا اكابر بس اقل شي يبكيني ., بس الحين ما عاد يهمني شي ., حصووو ماريدج تتعبين مثلي ., ما باج تبنين عمرج على اخر الوقت ., لانه صدق بتتعبين ., شلي عمرج و قوي عمرج من البداية .,
و توكلي على الله ., ولا تنسينه ., ترا هذا امتحان , و صدقيني اانا وياج بنتعوض في الاخرة باذن الله .,
.,
حصة حسسست براااحة من كلام شوووق ., حضنتها ., و حطت لها هدف واحد .. تنسى كل شي ., تقوي عمرها ., بتثب للكل انها مب ضعيفة .,
عطيت حصة ملابس كنت ماخذتنهن من دبي .,
دشت الحمام ., وانا نزلت تحت ., كنت ابغي كووفي .,
تذكرت كل اللي صار قبل كم ساعة ., تنهدت .. ما صحت ., اصلا خلاص ., الله يهنييييه و يسعده معاها .,
دشيت المطبخ ., شافتني الخدامة ..
كريمة ...: ها مدام شنو يبي سوي .,
ابتسمت لها ., كان يبين عليها التعب .,: روحي نامي ... انا بسوي كوفي بروحي .,
كريمة : لا مدام انا سوي بعدن روح نوم .,
رديت عليها : لا ما يحتاي ., انتي روحي ... و انا بسوي .,
كريمة ..,/ : اوكي مدام .,
ابتسمت لها و هي طالعة ., ( احليلها., مب بس نحن اللي نعاني ., و اكبر مثال كريمة . ., ودرت اهلها و يت تشتغل عشان تصرف على عيالها ., و تعالج ولدها ., )) .,

سوييت لي كوفي و يلست عالكرسي .,
كنت ارسم اهدافي ., و مخططاتي للمستقبل ., انا و حصوو ., كل يتعلق فيني صارر يتعلقق فيها ., توامي .,
اشتقت ل علية ., فديتها ., والله انها ما قصرت ب شي .,
تميت اضحك وانا اتذكر اللي سويناه امس و عموور ., كان كشخة ., .,
صديت ورا جان اجووف راشد ., نسيت اني بدون شيلة ., تميت اطالعه ., كنت بعدني ما فجيت تسريحتي .. و ما شليت الميك اب .,
كان واقف يطالعني ب ذهووول .,
نزلت راسي و صديت .. عضيت شفايفي من كثر ما كنت مستحية ., شليت الكوفي .,
و طلعت ..
ركبت فووق ... دشيت الحجرة جان اجووف حصو راقدة . . و يبين عليها التعب من الخاطر ., ابتسمت ... احبها .. احلى شي بنتم دوووم ويا بعض ., سرت خذت لي شور ., و رقدت ..,
/
\
/
بعد ثلآآآث سنوآت .,
ابطالنا مثل ما هم ., حصة و شوق و علية ما تغيروا ., عاشو حياتهم ..
خلال هالثلاث سنين .,
عارف ياب له بنت و ولد ., شوق و أحمد .,
شوق ما تزوجت ذيآب ., اكتشفت انه العقد اللي خلاها توقع عليه مزور .. و يوم يا خطبها رفضته.,
راشد ما زال مثل ما هو ... ما تزوج .,
مزنة محد يدري بها وين .,
زايد علاقته سطحية ويا شووق ..
.,
..
.
دشييييت الحجرة و شليت اللحاف من على ويه عليووو ...: نشيييي
نشييييي ... ( و تميت اهزها .,,)
حصة دشت فرت شيلتها ... و حمود اخو علية يلس ب حظنها يلعب ب الأيبود ..
حصة : علية .. نحن سرنا تايمز سكوير .. و انتي بعدج راقدة .. نشي ..
علية يلست .. : نشيت ..والله نشيت ..
ضحكت عليها .. و نشيت اشل فوني اللي يرن ..: هلا هلا .. اوكي .. هههه انشاءالله .. يلا باي ..
حصة : افف .. ما بغينا نخلص من الجامعة ..
صديت : هههه حسيتي .. معآناه ., انزين ..بنمر على محلنا بنشووف شو يسوون .,
حصة غمزت لي : اوكيك .. ( و تمت تلعب ب شعر حمود ..)
ابتسمت .. وايد تغير حالنا خلال هالثلاث سنين ... وايد تغيرنا .. ما عدنا الاوليات ... نحن اقوى الحين .. و احلى شي انه نحن ويا بعض ...
ما غلطت يوووم اتخذت هالقرار .. الله وفقنا ... الحمدالله ...
.,
حصة : ياااا عنزةة .. ب شووو تفكرين ..
رديت عليها : هههههه ماشي ..
حصة : ههه .. انزين يالعنزات .. ما مليتن من نيويورك ثلاث سنوات و نحن فيها .. مب ناويات عالسفر ..
طالعتها .. تميت افكر ب اقتراحها .. : صح كلام حصة .. نحن من يينا نيويورك حق الدراسة .. ما طلعنا بس نسير البلاد ..
حصة .. : شرايج ب سويسرا .. ولا لندن ..
ابتسمت لها : هيه صح .. لندن .. انسير لندن ..
حصة : هههه اوكي .. و بناخذ جولة ف اوروبا ..
رديت عليها ..: هههههه يصير خير ..
طلعت عليو من الحمام .. تمت تستشور شعرها ... : انزييين يا آنسات .. ابا اسيييير ..
لفيت عندها : وين بعد ..
حمود قاطع عليو : خلنا نسير سنترال بارك ..
صديت عنده : اوكي ..
حمود شق الحلج ,, ب هاللحظة دش يوووسف .. ( يوسف يسكن ويا شوق و علية و حصة .. بعد ما اقترح على ابوه .. وابوه ما اعترضض .. خاصتن انه هو دوم منشغل و هو متوزج الحين ..)
يسووف رفس الباب .. و نقز: هلووووآت يا اهل الدار ..
حصة : مالت .. روعتني ..
يووسف : هههههه انتي دومج تتروعين .. من يابوج و انتي متروعة ..
حصة فرت عليه قوطي الكلنيكس ../: مالت عليك .. اسكت ..
علية : افف بدينا ضرايب ..
يوسف طالعها بنظرة : انتي اسكتي ام السعف و الليف .. خلج ف كشتج .. و جااااب ..
علية : جب جب .. بتتصفع ..
يوسف : شووقيه بسج ضحك .. يالسة هههه و هوهوهو
.. ياخي بسس .. شوفيهن يحطن علي ..
علية : ههههههههههاي ,,,
يوسف : اففف كله يضحكن ما عندهن شي ثاني .. اقول حمود فديتك ماي بروو نش نش .. خلنا نسير ..
حمود نقز : يلااااااااااااا ..
يوسف زخ ايد حمود ...: يلا .. جاو ..
..
علية : ايييييييي يا مسخ .. ييب اخوية ..

يوسف لف .. رفع حوايبه ..: حمود تسمع شي ..
حمود يستعبط ..: هييييه .. نهيق حمار ..
علية فجت حلجها : شووووووووو ياهالهرم انا حمارة .. انا اراويك ياللي ما تستحي ...
حمود : هههههههههه نهيق حمار ..
...
.
__DEFINE_LIKE_SHARE__

عابره سبيل · 01-03-2012, 09:56 AM

ثآآآآآآآآآآآآآنكس عالباارت
الاكثر من راائع
و نتريا الباارت لقاادم ع احر من الجمر __DEFINE_LIKE_SHARE__

! ĐįƠЯ ƒάṦђịǑη ! · 01-03-2012, 03:27 PM

المشاركة الأصلية كتبت بواسطة عابره سبيل

ثآآآآآآآآآآآآآنكس عالباارت
الاكثر من راائع
و نتريا الباارت لقاادم ع احر من الجمر

العفوو هه

تسلمييييين
مشكوره على المرور والرد __DEFINE_LIKE_SHARE__