××لخــفايا قلوبهـم {بيـبـان} دقيتها البارحة وطليت

+[ ملاك الحسن ]+ · #1 08-26-2008, 12:04 AM

.
.
. الســــــــــلام عليـــــــــكـــمـ...

اشحالكم يميـــع ؟؟ عســـــــاكم بخيـــــــر وسهالة...

حبيـــــــت إنـــي أشـــاركم بقصة ربيعتيه ][ الشمـــــوخ البسيــط ][ ..وعلها اتعيبكم...

.................................................. .................................................. ........

×× لخفــــايا قلــوبهُم { بيــــبان } دقـيتهــا البــارحة و // طلـــّيت ××

ينبض…ونبضاتهـ غالية…ومحسوبة ع الإنسان …حجمهـ ما يتعدى قبضة اليد...لكنه يحمل بين ضخاتهـ الكثير والكثير ...وفي لحظات بين الحلم والواقع ..تسوقني الخطوة جذاهم....و هم...تحف قلوبهم المشاعر..وتسكنها ×الخفايا× ...البعض منهم خفايا قلبهـ رسمها لهـ ماضي غدر بهـ وخلا له الهم طبعه و " مـاركة مسجلة" ع قلبهـ ... والبعض الآخر ترك العنـــان لخفاياه لين تعدت حدود المسمـــوح وتجاوزت " الخط الأحمـــر" ..والبعض خفاياه " ابتسامهـ " ..محظوظ هالبعض.. كل ما يخفيه عنّـا " فرح" وراحة بال!! ..والبعض..نسجت لهـ خفاياه سجن بخيـــوط وهمية من الياس..وخلته سجيــن لمخاوفه ..ما يتجرأ ويغامر...ما يتجرأ ويعطي ثقته لحد...ما يتجرأ وايكون " هو"...ما يتجرأ و...يعيش..والبعض تودره خفاياه وتتركه وتنسحب بهدوء...بس كلها مسألة وقت..وتفاجئه وترجع لهـ وهي حاملة لهـ الكثير...

و ( أنـا ) ...بين خفايا قلب وقلب..سمحت لنفسي ويمكن تعديت حدودي و تطفلت...لكن فضولي جبرني أراقبهم بشغف ...و أقتحم بيبانهم وأطل ... وبين يديني دفتر صفحاته فاضية من كل شي إلا ××خفاياهم×× اللي أحرص إني اسطرها فصفحاتي....

لــــي و لــــكمـ ....

×× لخفــــايا قلــوبهُم { بيــــبان } دقـيتهــا البــارحة و // طلـــّيت ××

++++++++++++++++++++++++++++++++++++++++++++++++++ ++++

الجـــزء الاول ][ ~

الســـاعة 12 ونص فليـــل ...يوم السبت..

مقفله ليتات حجرتها ...ومشغلة الأباجورا اللي ما تروم ترقد بلاها ...حجرتها بااااردة ....المفروض إنها راقدة أحينه عسب جامعتها باجر ...لكن عيـــّا الرقاد ايخطف صوبها..تسترجع ذكرياتها ..اللي هي يلين احينه ما تعرف جنها ذكرى حلوة والا مرة...بس كل يللي تعرفه انها اشتاقت له ...اشتاقت لــ "مبــارك" ....اممممممم ( شمــوه اتفكر فيهـ ) ..غريبة قصتيه وياك يا مبارك...غريـــبة...دخلت حياتي ع غفلة ...وخليتني أحبك...وحبيــتني ...أول حب في حياتي...كنت تستاهله.... إلا مب قادرة أفسر الاحداث اللي صارت ع الفترة الأخيرة بينا...سبحان الله...رغم انه مضى ع فرقانا سنة و زود ...ولا حس ولا خبر من صوبك ولا من صوبي...الا بعدني أذكرك ....( ابتسمت شمـــوه ) ...ثــرك غـــاااالـــي يا مبــــــــــارك..!!!..

:: مــن خفـــايا قلب { متسائـل } ::

يـــا طيفه / ودي بســؤال ؟؟؟
وش رجـــعك؟؟ // قلــّي...
وكيــف اليوم عقب شهور أبكي أنا خلـــّي ؟؟
أفا يا طيفــه // لا زال لهـ عندي محلــّي ؟؟!!

++++++++++++++++++++++++++++++++++++++++++++++++++ ++++

اليــــوم الثـــاني ..الأحــــد...الســـاعة 10 ونص الصبــــح

: يـــــا ويلـــــــي !!! شو بقــــولها أحيــــــنة ؟؟؟

تدخل روضة الرباعية ( كافتيريا في جامعة الامارات ) وهي اتحاتي ربيعتها الريـــــم....ومب عارفة اشـــو بتكــون ردة فعلها عقب مـا تعرف بالمصيبة اللي رواضــــي يايبتنها....

اتدور بعيونها ع ربيعتها ....اووه هذي ها يالسة ع الزاوية..ياربي كيف بخبرها كيف...يارب تستر ان شالله وما يصير اللي في بالي...

ريموه يالسه اروحها ع طاولة في زاوية ..كالعادة رافعة قصتها ..ومب حاطة ع ويها غير روج وردي هااادي وجحال ع طرف عينها ...انتبهت لربيعتها رواضي ...فابتسمت ابتسامه هادية ونشت لربيعتها ...

رواضي هنيه عورها قلبها ع ربيعتها واتلومت فيها وايد...قربت منها سلمت عليها ويلسن..

ريم ( بابتسامة) : اشحالج رواضي؟؟

روضة : الحمدلله بخير وعافية انتي اعلومج ؟؟

ريم: والله طيبة....( لاحظت ريم التوتر الواضح فنظرات روضة فحبت تطمن ع ربيعتها ) ....بلاج رواضي ؟؟؟

روضة : ريمان بخبرج شي الا ما ابغيج تزعلين عليه ...لن والله ما اعرف كيف استوا جي..

ريم : بسم الله عليج شسالفة ؟؟ خبريني ولا اتحاتين ..وانا ربيعتج وختج قبل كل شي ...

روضة اتنهدت لانها عارفة رغم طيبة ريم و اللامبالاة اللي غالباً ما ترتسم ع ويها مستحيل اتكون ردة فعلها عن هالسالفة عادية ...

روضة: كنت فكلاسي قبل لا اييج..شرات ما تعرفين ..اول كلاساتي اليوم من 9 يلين 10 ...لكني مداومة من 8 اليوم عسب اني مواعدة بنية انقل منها الواجب ...واقولج يلسنا أول شي " فمبنى 66" ...( مبنى دراسي يضم قاعات ومكاتب اساتذة في جامعة الامارات ) ...وأحيد اني ظهرت دفاتري كلها من شنطتيه عسب ادور فلاشي... من لقيته نقلت الواجب من من لابتوب البنيه ع الفلاش...عقبها رديت الفلاش في الشنطة ويا الدفاتر بسرعة بسرعة ..لان عليه كلاس وابطينا انا وهي انسولف ..وعادا اتعرفينه هالسير عصبي...( ريموه اتهز راسها بموافقة )

اتكمل روضة : اممممم المهم يا ريمان وانا فنص الكلاس و ملانة قلت بسوي تغييراتي ع الواجب من احينه دامه ما شي شغلة ..ومنها أفضى لج في البريك..اقولج بهذلت الشنطة ..دورت فيها مخبى مخبى ...ولا ودرت بقعة الا وانا مفتشتنها ...( نزلت رواضي راسها لثواني ورفعته ) ..بس ما لقيت الفلاش....( قالتها بكل خيبة رجا) ...ضيعته ريموه ..والله اسفة...

ريم سكتت لثواني...اتحاول تستوعب..وشله رواضي مكبره السالفه ومضخمه الموضوع ...لهالدرجة اللي في الفلاش مهم ؟؟ وبعدين دام انه فلاشها اللي ضايع وش له اتعذر مني انا ؟؟؟ ................عضت ريم ع شفايفها وغمضت عيونها بقوة لانها ذكرت شي ................صورها يوم العيد موجودة كلهن ع الفلاش ....طلبتهن منها روضة فثاني ايام العيد وما حبت اترد ربيعتها الروح بالروح ...فمن يومها والصور ع نفس الفلاش...اصلن ما مضت ع العيد فترة طويلة...اسابيع معدودة...

روضة والدموع مزرت عينها : سوري والله ريموه ...واللي يني ظهرت من الكلاس ورحت اربع صوب الــ 66 رحت صوب الكراسي اللي يلسنا عليهن انا والبنية ...ولا لقيته ..اتصلت ابها واتخبرتها جني نسيته عندها الا قالتلي انه مب وياها .....صدقينيه تميت ادور فنفس المكان شرات الخبلة و اتخبر البنات وادور فشنطتيه ولا لقيته ...سامحيني ريموه والله هب قاصده واتعرفين هالشي...

تغير شكل ريموه من اللي سمعته ...خاصة من ذكرت انها متصورة بتنورة وقميص تركواز ..عاقة الشيلة ..وايدينها كلهن خاري ..وغير عن جي الصور يايه وايد ع ويه ريموه وواضحة ملامحها ..وهن تقريباً 7 والا 8 صور !!! فخافت لا ايطيحن بيد وحده ما تخاف ربها ..هذي سمعتها !!

ريم بخوف : افا رواضي دخيلج اتاكدي..كله ولا الصور هذي ...

روضه : والله اتاكدت يا ريموه وبعدني بشوف شنطتيه جدامج ودية ثانيه ....( وفعلن قامت روضة اتظهر اللي في شنطتها كله ..ولا ظهر الفلاش) ...وريم اشوي وبتصيح..ما اتعرف اذا اتلوم ربيعتها والا اتلوم عمرها ...

ريم ذاكي اليوم ما قدرت تستوعب كلمة من كلاساتها ...هالصور اتساوي سمعتها ...وهي بنية من عايلة محترمة ومحافظة ...وهلها معروفين ولهم صيت بين الناس...قعدت تفكر لو ان صورها انتشرن والبنات رمسن عنها ...فكرت فبوها وعمومتها..كيف بتبررلهم هالشي؟؟...خاصة ان ام ريموه دومها اتهازبها عن اتصور وعن اتعطي حد صورها ..يعني ام ريموه احينه ولا حتى عندها فكرة ان ريموه متصورة...
من ردت ريموه البيت فرت عمرها ع شبريتها وتمت اتصيح من الخوف ...رواضي ما كان حالها احسن...حتى انها علقت ع بورد الاعلانات ورقة فيها مواصفات الفلاش طبعاً ما ذكرت ان به صور لا بس حطت ان فيه شغل الكورس واشيا مهمة للدراسه...

++++++++++++++++++++++++++++++++++++++++++++++++++ ++++

الساعة 4 العصر ...جامعة الامارات ..

فهالاثناء...كانت بنية من بنيات الجامعة تضحك بأعلى حسوسها ...فمبنى 80 ( إحدى المباني الدراسية الحديثة في جامعة الامارات ) ...واقفة عند ستاربكس هي وربيعتها ..والبنات مزدحمات اشوي ....

ليلى ( وبمياعتها المعهودة ) : هههههههههههههههاااي غربلج الله يا سموي... من وين اتيبينهن العلوم انتي ؟؟

سامية : اقولج انجبي لا يسمعج البارحه يايه ازقره سيف ههههههههه الله ستر والله بيبوز وبيزعل ...مسولي عمره عاشق..
ليلى : هههههههه من كثرهم ماشالله لا وياليتهم يسروون تعالي شوفي اللي عندي حبيبتي كل واحد احسن عن الثاني..جمال وعيله وفلوس ومنصب...وسياييييييييييييييرهم بتيودين راسج..
سامية : بس بس زين احينه بسكر عنه ....( واترد له ) ...أقول رشود ...خل الطلعة فيوم ثاني احسن .......وانا اشعليه من اربيعك قوله ربيعتها ما طاعت هاليوم ..شو بيستوي يعني بنشوفكم يوم ثاني....سينما والا غيره قوله ايخلينا ارواحنا زين... انزين سوا.. أأ... أقصد..رشود...( اطالعها ليلوه وتضحك درتبها بغت تزقره سواف )....هيه هيه خلاص بباي.
سموي اترمس ليلوه : اووووف
ليلى : هههههههههه يوم انج هب طايقتنه اشو حادنج اترمسينه ؟؟
سموي: ههههههههه هذا يوم ابغي منه فلوس والا شي ما ايقصر ..
ليلى : ههههههههههههه جي ابغيج ،، الاتعالي شو سالفتها هالبنية ..
سموي : أي وحده ؟؟
ليلى : هاي اللي يالسه وراج ..لآ اتطالعينها الله يفضحج..
سموي : هييييييييييييييييييه هااااااااااااي .... يقولج الله يسلمج هاي من جم يوم هلها زخوها مهبطه شباب غرفتها ..و مب الا جي .....( تمت سموي اتحط واتزيد من عندها وتطعن شرف البنية ..طبعاً ما يحتاي اقولكم انها السالفة كلها من عندها وهالبنية حليلها مريضة و ووقفت كورس عسب اتعالج واحينه ردت)..

بس قبل كل شي ...( ليلى وسامية ...دومهن ايحشن فأعراض الخلق ...ويظهرن رمسة ع بنات الناس وينشرنها ...أهم شي عندهن وناستهن ..حتى لو انها يت ع حساب غيرهن...بنات سمعتهن الدنية أشهر من نار على علم ...وهن المسؤولات بالدرجة الاولى عن هالسمعة...لانهن ما سترن ع عمارهن أولاً...وتعرضن لبنات الناس ثانياً ...وربي ينتقم من الظالم وما ينسى المظلومين...وهالحوار لي سمعتوه كان على الملأ بلا أي مبالاه منهن لكم البنات اللي سمعنهن ...الدنيا عندهن بخيييييير ....وربعهم ما ينعدون " من الشباب طبعاً"..قمة الاستهتار..وليلى تراها الا من طينة سموي وأردى ...وهن الثنتين يتعاونن في الشينة ..واكيد بعيد عن الجامعة خطاياهن ما تنعد ومبالغ فيها..وبعد شخبركم عنهن ؟؟؟ الله يستر علينا وعليكم ...بودركم ويا الاحداث...بتفهمون قصدي عقبها ....

ليلى اتظهر فلوسها من شنطتها عسب اتعطيهن الحرمة وتاخذ الفرابتشينو ....وانتبهت ع شي امبونها ناستنه ..وبسرعه فرت فلوسها ع الحرمة ويودت الفرابتشينو بيد..وبالثانية يد ربيعتها سموي...ومشت ابها بسرعه ...

سموي : بلاج بسم الله ...اشوي اشوي....حوووووه ..بتخرطف..

وتدخل ليلى كلاس فاضي في البمنى وسموي وراها ..
حطت الفرابتشينو ع الطاولة و ظهرت اللابتوب ..

سامية اتطالعها باستغراب !!!!

ليلى : نسيت اخبرج شي..

سموي : خير ؟؟

ليلى : اليوم الصبح لقيت ع كراسي الــ 66 فلاش وحده

سامية : وخير يا طير ؟؟

ليلى وهي تعابل اللاب : اتعرفين ربيعتج وفضولها ..اقولج جان افجه والاجي به صور ابنية ويانا في الجامعه اشوفها يا غير ما اعرفها ..بس شو ظاهره اتينن.

سموي: خيبة !! شو تبينها عاد و الفلاش بفره؟؟

ليلى : هيه عادي عندي بفره طبعاً ...بس مب قبل لا انسخ صورها ..( وهي اتحط فلاش البنية " ريم للأسف " ع اللاب )

سموي : هههههههه من قلة الصور لي عندج احينه ..

ليلى وهي اتصد الاب توب صوب ربيعتها : اشرايج ؟؟

سموي : حلوة والله ...بس مب ذاكي الزود ..شي وايد احلى عنها ..

ليلى :أعرف ..بس ياخي هاي سبيشل ملامحها ...صح عاديه بس حلوة فنفس الوقت وجذابه....المهم اسمعي انتي...ها حروب حاشرني يبغي ايشوف صورتيه...

سموي : انزين طرشيله ..ِشوفي يمكن خلوف عنده احينه حولي الـ 12 صورة من صوريه ...( خلفان ربيع حارب الروح بالروح ..سموي ربيعة خلفان من زمان ..وحارب توه متعرف ع ليلى ) ..

ليلى : يالخبله ..وش له اعبل ع عمري انا ؟؟ هذن ها الصور زاهبة وحلوة بعد ...والاحلى انهن اكثر عن صورة عسب لو شكك فيه اثبت له ....وانتي ..والله ويلج جنج طريتي لخلفان انها هب انا ...

سامية وهي اتحرك يدينها بنفي : لا اتحاتين

++++++++++++++++++++++++++++++++++++++++++++++++++ ++++

الساعة 5 ونص العصر ...

شموه يالسه ويا ربيعتها " حصــوص " ..واللي هي فنفس الوقت بنت ييرانهم ...شموه بنيه جمالها فوق المتوسط بشوي ...بنية طيبه ومشاغبة فنفس الوقت ...خاصة من اتلاقى بربيعتها حصة السوالف ما تخلص ....شموه تدرس في الجامعة سنة ثانية وعمرها 19 ...انسانه اجتماعية وراعية واجب ...عندها خت وحده معرسه من زمان ...وخوها الصغيرون حميد صف أول....والا حصوص وياها بعد سنة ثانيه فنفس الجامعة ....ودومها ويا عيال عمها حصوص ....

عادا البنيات متيلسات في الحوي وحاطات فوالتهن ...

حصووووص : اووووه الله يغربل ليلوه الطفسه !!

شموه : ههههههههه اشو سوتلج ؟؟

حصوووص : عنبوها من اتشوفنيه الا اتخبرني انتي اتعرفينه فلان ؟؟ وفلان الفلاني يستويلج ؟؟ علتها العله لو اكون فنص ربيعاتي بتيني ..وانا لا اعرفها ولا شي..اللهم خذت وياها مساق وبعدها الا حرمنت من اولها ...

شموه : ههههههههههههههههه وعادا فلان والفلاني اللي تطريهم لج نعرفهم ؟؟

حصوص : له ...بس اتصدقين ....جد اتخبرتني عن خويه حارب ...

شموه ( تشهق) : هـــــه حلفـــي ؟؟؟!

حصة : والله العظيم .....ما تستحي هالانسانه ..

شموه : ههههههه مب هين خوج بعد مرابع ليلوووه ..

حصــة : يااااااااا علها النفــــاد ...

++++++++++++++++++++++++++++++++++++++++++++++++++ ++++

وهنـــــا ...
أطوي صفحة اليوم بعد ان امتلأت بخفاياهم ..
احمل دفتري وانسحب بهدوء...دون أن يلتفت إلي قلب...
أقفل خلفي أبواب خفاياهم بسكـــــــون ...
لأعــــود في الغد ...و أخط مــا أراه ..في دفتري ....
بإذن اللـــه...

لـــي ولكـــــم

×× لخفــــايا قلــوبهُم { بيــــبان } دقـيتهــا البــارحة و // طلـــّيت ××

اتمنى اني اشوف تفاعلكم مع القصة ^_^ __DEFINE_LIKE_SHARE__

علاية وكل الحلا فيها · 08-26-2008, 12:42 AM

تسلميين حبوبهـ ع القصـــــة

و تسلم الآنامل اللي كاتبتهآ

و يالله خت شد الهمهـ بالبارتـ الياي

[ الله ياخذهم بنات جلبات ( ليلى + و هذي اللي تتسمى سمووي ) ] ><"
و الله يعيين هذي الريم المسكينهـ

ع العموم نترقب البارت الياي دبووه ^^" __DEFINE_LIKE_SHARE__

{ ذلتهـِم ع ـيوني ..~* · 08-26-2008, 01:07 PM

يسلمووو عـ القصه الح ـلوة

نترقب البـآآآرت اليـآآي

استمري في ابـدااع ـج __DEFINE_LIKE_SHARE__

+[ ملاك الحسن ]+ · 08-26-2008, 01:25 PM

المشاركة الأصلية كتبت بواسطة علاية وكل الحلا فيها

تسلميين حبوبهـ ع القصـــــة
و تسلم الآنامل اللي كاتبتهآ

و يالله خت شد الهمهـ بالبارتـ الياي

[ الله ياخذهم بنات جلبات ( ليلى + و هذي اللي تتسمى سمووي ) ] ><"
و الله يعيين هذي الريم المسكينهـ

ع العموم نترقب البارت الياي دبووه ^^"

ربي يسلمج اختيه
وانشالله بنزل البارت اليديد جريب^_^

__DEFINE_LIKE_SHARE__

+[ ملاك الحسن ]+ · 08-26-2008, 01:37 PM

المشاركة الأصلية كتبت بواسطة ذلتهمـ عيونيـ!~

يسلمووو عـ القصه الح ـلوة

نترقب البـآآآرت اليـآآي

استمري في ابـدااع ـج

الله يسلمج يالغاليهـ
وسلمتي ع الرد الطيب ^^

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دقيتها لطمه/ورحت زعلان "طبع بدوي" لاضاق لف العمامه\|\|~	›• غَنٍجَ اڷشاُمً ‹•	المسنجر وملحقاته , توبيكات , ماسنجر بلس , msn	8	06-29-2010 12:54 PM
ليلة البارحة ؟	محروم.كوم	منتدى أخبار المواقع والمنتديات العربية والأجنبية	0	02-02-2010 09:50 AM
البارحة واليوم	نعم نعم	شعر و خواطر	5	04-18-2008 02:14 AM
البارحة يوم الخلايق نياما ...	نمر بن عدوان	تراحيب وتهاني	26	01-24-2008 07:03 AM