| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
08-26-2008, 05:02 PM
| رقم المشاركة : [ 11 ] | |||||||||||||||||||||
| عضو ماسي ![الصورة الرمزية +[ ملاك الحسن ]+](files/customavatar/avatar634_1.gif){kind=avatar} | 
 تسلمين ع المشاركه حبوبة ... وبالنسبة للبنات اللي من امثال سامية وليلى فما يخلو منهن مجتمع ....وللاسف اغلبهن يتقنعن بقناع البراءة والصداقة ... ومبـــارك ....قريباً جـــداً اسدل الستار عن شخصيته ..وبتعرفونه وبتعرفون سالفتهم ...  __DEFINE_LIKE_SHARE__ | |||||||||||||||||||||
| ||||||||||||||||||||||
 | ||||||||||||||||||||||
|
08-26-2008, 05:04 PM
| رقم المشاركة : [ 12 ] | |||||||||||||||||||||
| عضو ماسي |
الله يسلمج فطوومه وتسلمييين عالرد ^_^ __DEFINE_LIKE_SHARE__ | |||||||||||||||||||||
| ||||||||||||||||||||||
| | ||||||||||||||||||||||
|
08-26-2008, 05:06 PM
| رقم المشاركة : [ 13 ] | |||||||||||||||||||||
| عضو ماسي |
الله يسلمج فرفووشه والبارت الثاني فالدرب ياي خخخ تسلميين ع المشاركه __DEFINE_LIKE_SHARE__ | |||||||||||||||||||||
| ||||||||||||||||||||||
| | ||||||||||||||||||||||
|
08-28-2008, 01:39 AM
| رقم المشاركة : [ 14 ] | |
| عضو ماسي | ++++++++++++++++++++++ اشكر اللي تابعوا القصة واللي ردوا عليها .....وهذا الجزء الثــــاني منها ...بس حبيت أخبركـــم ان الابيات و والخواطر اللي احطها تحت عبارة :: من خفايا قلب { } :: هي من كلمات الشموخ البسيط .... واتركــــــــــــــم ويا الاحداث ++++++++++++++++++++++++++++++++++++++++++++++++ بيدي دفتــري بصفحاته البيضاء المعهودة.... قد تبدو صفحاته { فارغة} للجميــــع ... ولكنني أرى // بوضوح // ×× خفاياهم مسطــّرة بها... جلست في مكاني المعتاد...عند هذا { البــاب} .... فتحت صفحـــة جديــــدة من دفتري...وبدأت أخــط مـــا أرى... هــــا هــــي ملامحهم بدأت تظهر لي شيئاًً فشيئاًً........ لـــــــي ولكــــــــــم... ×× لخفــــايا قلــوبهُم { بيــــبان } دقـيتهــا البــارحة و // طلـــّيت ×× الجــــزء الثـــــــــاني ][~ الســاعة 11 ونص الليل ... توه ظاهر م الحمام " اكرمكم الله " متسبح ....منتعش ومكيــّف...ومستعد انه يرقد رقده معتبــــره.... حارب وهو يعق بعمــــره ع الشبرية : يـــا سلاام فـــي ذمتيه مـــاشي أحلى عن الرقـــــاد الطويــــــــــل عقب اليهــد...(غمـض عيونه ..هي ثواني يلين سمع حس ميــــــــحــد....يلس واعتدل وهو رافع حايبه ) حارب : لا حـــــــــــول ...يا هالتيلفوووون ...ما بغيت اغمض عيوني واستريح الا وهو يدق..... ( ومن شاف الرقم ) : دقت العوفة ...أف... حارب وبابتسامة مكر : هلا هلا هلا بضي العيـــن ...( ورقد ع ظهره ).. ليلى : هلا والله حروبــــي ..( قالتها بدلع متصنع ) حارب وهو يتجلب ع جتفه اليمين : وين الحلوة لــي وعدتني اشوف صورتها اليــــــــوم ؟؟ ليلى : احينه بطرشها ....بس بطلبك طلبة قبل ... حارب : آمري ...عيونــــي لج ... ليلى : تسلم عيــونك ...بس أبغيك تمسح الصورة عقب ما توصلك ...( اممم قلتلكم انها مب هينة وتلعب لعبتها صح ) . حارب : أفا ...ليش عادا ؟؟ ليلى : بس عادا انا بالغصب اتصورت لك صورة وحده ...وهذا شرطي جان بغيت ..( جذاااابة ...طبعاً في خاطرها مب مستهمة لا من مصير الصورة ولا راعية الصورة .بس هذي مجــــرد حركــــــات ايصدق ابها حارب انها صورتها صدق ....والا هي اتعرفه انه ما بيمسحها ) حارب : افا عليـــــــــــــــــج والله لا امسحها اول ما اشوفها ...( وفي خاطره ايقول " اقص يديني جن مسحتها " لا تستغربون بعض الشباب الحلف زاهب في مخابيهم ) ليلى : خلاص بقفل عنك وبطرشلك اياها ... حارب : اوكي فديتــج ... حارب في خاطره : ثجيــــلة دم والله ....الله يغربلك يا خلوف يوم عزرت عليّه الا اتعرف عليها ...اوف ولاشي مصبرنيه غير هالفضول اللي يذبح ...قاللي انها جميلة..خاطري اشوفها ..اكيد خسفه اعرفه ذوقه هههههه ..بس لالا يمكن مزيونه ..مزيونه وثجيلة دم ؟؟؟ هي عادي تستوي ....اووووه وصلت الصورة ...بكحل عيوني ...ههههه الله يستر من الروع ....أكيد خسسسـ ....( قطع افكاره من شاف الصورة ) ....هذي هي ؟؟؟؟؟؟ مـــــــاشالله عليها مــــــــا شاالله ( تم يتأملها ثواني ) وجان يدق ع ليلوه ... حارب : في ذمتج انها انتي ؟؟؟ ليلى : هيه شو مب مصدق بطرشلك غيرها .... حارب استقطع عاد : حلفي ؟؟؟ ليلى : والله بطرشهن كلهن بعد .. استغرب حارب في خاطره ...توها اتقوله بالغصب اتصورت لك صورة وحده ...واحينه اتقول بتطرشهن كلهن ....هالبنات خراطات والله ... حارب : زين فديتج عيل طرشي الباجيات . ليلى : اوكيك تمت الصـــور توصل حارب وحده عقب الثانية ...وهو منبهر باللي يشوفه ....." جميـــــــــلة يخرب بيتهـــــا " قالها بصوت عالي ... ++++++++++++++++++++++++++++++++++++++++++++++++++ ++ من الصوب الثاني .....كانت " الريـــــم " عقب اسبوعين من اليوم اللي ضاع فيه الفلاش ....مرتاحة نفسياً ونست السالفة ...والا يمكن تناستها ....خلوني اخبركم عنها اشوي ...ريمان حليلها بنيه طيوبه وعنياتها ....من وعت ع الدنيا ما لقت عندها غير خوانها الثنين ناصر وعبدالله ..وامها وبوها ...ناصر حليله يدرس فكندا حالياً عنده دورة .....وعبدالله صف ثالث اعدادي ....وريمان انسانه هادية...واتحب عايلتها وايد ...واتحب روااااضي ربيعتها ...انسانه تثق فيها وترتاح لها ...وما تروم بلياها ورغم انها ضيعت الفلاش الا ريمان تعرف ان هالشي مب مقصود منها .....خاصة انها تمت اسبوع كامل اتعذر من ريم ...غير ريموه طلبت منها تنسى السالفه وان شالله خير ...اممممم شطورة ريمان ...معدلها جيد جداً وتطمح للامتياز....ومن ناحية الشكل....فهي متوسطة الطول و الوزن تميل للضعف ...ترفع قصتها دوم ....بشرتها ماشالله صاافية وتلمع ....عيونها وساع الا مب وايد ...خشمها طويل اشوي بس مدبدب بشكل بسيــط ومحد يلاحظه الا اللي يركز ....شفايفها رقيقه وصغيره ...اممممممممم حاطة تقويم ..بشكل عام ..هي عاديه وفيها مسحه من الحلا ...بس من تبتسم اتجنـــن ....ودومها بشوشة .. واللي يشوفها يرتاح لها ع طول ....واظن ان بساطة جمال ريم هي سر تميزها ...... ناثرة كتبـــها ع الشبرية وتذاكر لامتحان باجر ...ما تعرف وشله فجاة اتحس بجتمه ع صدرها ....لثواني طرن الصور ع بالها ...استعاذت من بليس ...وقالت يمكن لانها اتحاتي الامتحان ...قالت بتحط راسها اشوي وبترقد يلين الفير ...بتنش ان شالله وبتذاكر ...وبتكون احسن ..... ++++++++++++++++++++++++++++++++++++++++++++++++++ ++ الســــــــــــاعة 11 الصبـــح الربــــــاعية شمـــــوه متيلسه ويا حصوص ومتعدلات البنيات .....حصوص مشغولة تاكل بشاميل ..وشموه يعني تتسلى بصحن لزانيا ...( لذيــــــذ ^_^).....لاحظت حصوص سرحان شموه .. حصوص : اقول لي ماخذ عقلج عساه يرده .. شمووه ابتسمت : محد ماخذنه بعده فراسي الحمدلله ...والا اقولج ..خذوه من زمان والا ما رابعتج ( فجت حصوص عيونها ع وسعهن ) هههههههه اتمصخر وياج فديتج والله . حصوص تتطالعها بطرف عينها وتمازحها : دريت بج تتمصخرين غصبن عنج هب برضاج . حصوص والجدية واضحه عليها : بس صدق شمــــــامي .....بعدج اتفكرين به .....؟؟؟ شموه رفعت راسها واختفت ابتسامتها ...هي عارفه منوه تطري الحص .... شمــــوه : مبـــــارك ؟؟ حصوص تهز راسها وهي بعدها تاكل .. شموه حطت يدها ع خدها وسرحت بعيـــــــــــــــد ...: شقولج يا ختيه يالحص ....افكر فيه احيان ...وهي هي الافكار الا نفسها ...اتساءل وينه ياربي احينه ...ومعقولة نساني عقب عشرة ومحبة بينـــا ...والحمدلله يا حصوص ان حبه لي كان عفيف وطاهر رغم كل شي ..و يشهد ربي انه ما قد طرالي شي شين والا من خياس هالشباب ..الا وشله صار اللي صار ...مب لاجيه تفسير ....اتحيدين اول ما خبرتج السالفه ..وقلتيليه انه يلعب عليّــــه ؟؟؟( حصوص تكتفي بانها تجاوب بنظراتها وتكمل لقمتها ...) ما اعرف شقولج ....حزت فخاطريه كلمتج الا انا اعرف انها مستحيله ..مبارك انسان طيب و زين .... حصوص : وانتي بعد طيبه ... جان تبتسم شموه : كملي صحنج انتي بس ( نقمه ) حصوص ضحكت .. شموه وبابتسامه : الا عادا لابد من الفراق ... حصوص : جم مضـــى ع فراقكم ؟؟ شموه : سنة وست شهــور . حصوص اتغير السالفة : اسمعي انتي ..احينه عرس ختيه نوف ما تم شي عليه ...ونبا نفرفش ونستانس.. شموه : هيه والله حليلها نوفه ... ++++++++++++++++++++++++++++++++++++++++++++++++++ ++ حــــــــارب : أقولك شــو مزيــــــــــونة !!! خلفان : اونه ...انزين فديتها سموي بعد حلوة ..( خلفان يعرف ان ليلوه حلوة الا مب للدرجة اللي يوصفها بها حارب..هو ما شافها الا لمحها مره من فترة ) حارب : رووووح انت و سموي مالتك ... خلفات : اقولك انزين حاشرنا حلوة وحلوة ...رونا صورتا يا ريال ... حارب انقهر : نعــــــــم؟؟ روح يللا .. خلفان : افا ...هب هذا الظن فيك ... حارب : عادا الا هاي مستحيل اتشوفها .. خلفان : برااايك ...جني استهميت احينه ... ++++++++++++++++++++++++++++++++++++++++++++++++++ ++ اليـــــــــــوم اللـــــــي عقبه ..... الســــــــــــــــاعة 10 ونص الصبـــــــح متيلس في الصاله روحه وميود هالتيلفون لي في يده ....يطالع الصورة ويفكر براعية الصورة ...وهن في الواقع صور مب صورة ....بس هو من كثـــر ما تاملهن تشابهن عنده ...وقام يشوفهن صورة وحده ....ويبغي غيرهن ...لثواني فكر انه يرمسها ويطلبها غير هالصور...الا متردد... حارب بينه وبين روحه : أخبرها اني ابغي الصور والا ؟؟ اممممممممممم لالا عنبو امسات الا مطرشه جم وحده .واليوم اقولها بعد طرشي ...ما أيـــوز ...احسن لي اتريا وعقب بطلبهن ... ماله داعي اخبركم ان حروب من عقب صلاة الفير وهو يتامل التيلفون ويرده ..حتى الفير وهو ساير العزبة امودي ابوه ....قابض السكان بيده اليسرى و باليمين ميود التيلفون ....وكل اشوي يرفع يده ويتطالع ...يبتسم من يشوف الشاشه ويرده ....وبوه يتطالعه مستغرب منه ....الا ما حب يعلق ...يليـــــــــن ما فاض به الكيل واشتط الشيبه ههههههههههه وجان يسأله : بتخبرك اشو عندك فتيلفونك ؟؟ غادي جنك الا قابض بجرك اللي ترييته سنيــن ..تطلعه وتتضحك ...جابل موترك احسن عن تنفدنا ... حارب : ههههههه ( يضحك عقب ما طرى ع باله ويه بوه وهو معصب ) حصة توها ظاهره من غرفتها وبتدخل الصاله ... حصة وهي تشوف خوها يضحك اروحه : الحمدلله والشكر ...اشوو بلااك ؟؟؟ حارب : يتطالعها بغباء : ولاشي ..تعالي...هب جنه عليج جامعه اليوم ..والمفروض اتكونين مكروفه هناكي .؟؟؟ هااا؟؟ حصوص : هو عليه جامعه من ناحية الجامعه...الا انا حبيت آخذ هاليوم اجازة ...وغير ان باجر ما عليه دوام ... حارب : وشو حايتج فالاجازة بعد ؟؟ حصوص وهي تحط جفها ع خدها بدلع : اتعرف بعد أريــّح بشرتيه من شمس الجامعه اشوي ..( وتطالع خوها بتكبر ) حارب ايسويلها مالت : الله والبشره عادا ..امحق بشرة ...من حلاتها اتحافظين عليها ...قولي اخمها قولي افرها في الكراج ...ما تقولين غير ذيج البقعه لي مجاله الدكان ...اتعرفينها ؟؟؟ الباركنات اللي ورى المسيد ...شفتي اشقايل مخلينا الشباب مشخطه من الويلات ؟؟؟؟ حصوص تمشي عنه وحاطه صبعها فذنها : ما اسمعك اصلن ولا سمعت اللي قلته ....و عقولتك امحق بشرة ...انا ما تهمنيه رمستك ...هي والتراب واحد .....وانا ابغي اظهر حلوة فعرس ختيه العوده ....عيل شو تباهم ايقولون عنـــ ...( طرااااااااااااااااخ) انقطع حسها عنه هههههههه لانها دخلت حجرتها ورقعت الباب وراها وكملت حرطمه داخل ... حارب : ههههههههه خبلة هالبنية ...و ظهر من البيت ....مشغولين اليوم كلهم ..باجر عرس ختهم نوف حليلها ...ويبغون ايبيضون الويه باللي يقدرون عليه .... ++++++++++++++++++++++++++++++++++++++++++++++++++ ++ الســــــــــاعة 12 الظهر الجـــــــــــامعة حسوس البنـــــات طاغية ع الجو ...واللي حاطه اغاني ع لابتوبها ....واللي تعدل ربيعتها ....واللي متيمعات ويسولفن ....وشلة بنات يتغدن ......مشــــــاهد تتكرر" فمبنـــــى 80" يالسات ع طاولة ممزروة مكياج ولابتوب كل وحده مجابلنها ...والكتب مرضفات فوق بعض.... رويض وهي تحط روج حمر صااارخ : شراااااااااايج ؟؟؟؟؟ ( وبوزت بعبط تتمصخر ويا ربيعتها ) ريمان : ههههههههههههههههههههه تدرين ...عادا ماشي فرق بينج وبين المهرج غير خشمه الكوره ... رويض تتمصخر : ما عليج ...زعليت صراحه ...وتمسح الروج بكلينكس... ريمان : ههههههه حبيبتي والله ...يربي هالقلوس الفوشي احلى عليج .. رويض : اوكيك...( وهي اتحط القلوس بيد وبالثانية ميودة مرايتها ...عيبها اللون ...بس قبل عن تحط مرايتها ...لمحت فيها بنية تتطالعهن ورى ....سكرت مرايتها ...وصدت وراها .....بعدها البنيه تتطالعهن ....ردت ع ربيعتها .. رويض : ريمان ... ريم مشغولة ع اللاب : هلا رويض : تعرفينها هاي ؟؟ ريم رفعت راسها : وين ؟؟ رويض : اللي امره ع الطاولة اللي ورايه ... ريم تتطالع البنية ..وجان تبتسم البنية ..فابتسمت ريمان ... رويض : تعرفينها ؟؟؟ ريم : لا رويض : خبله هههه عيل تتبسمين منه والدرب .. ريم : لااا حليلها هي ابتسمت ... رويض : اها ...زين تعالي شو سويتي فامتحان البارحه ؟؟؟ ريم : اووه الحمدلله ضامنه العلامه الكاملة باذن الله .. رويض : ان شالله يااارب . من الصوب الثاني كانت "سموي" ...... اروحها يالسه بالعماله ع طاولة قرب ريمان ..واتعمدت اتجابلها ...تبغي اتشوفها ع الطبيعة ...خاصة انها اول مره تلاجيها ... سموي فخاطرها : صدق انها حليوة ...مسكينه تضحكين ..والله لو تعرفين باللي ليلوه مسوتنه يا تقبضين راسج ..... وفجأة سمعت بصوت عااااااااااااااالي : هاااااااااااااااااااااااااااي !! سموي زااغت : عوذ بالله ....هايات يا بوج ...من وين ظهرتيلي انتي..( واتنش توايه ربيعتها ) ليلى وهي تشل كتب سموي : نشي...بنسير الزجاجية ( مكتبة في جامعة الامارات ). سموي : شو تبين تاخذين؟؟؟ ليلى : بقولون هناكي ملخصات المساقات .. سموي : هيه الا مب كل المساقات .. ليلى : زين عيل نشي... وهن في الدرب : ليلى : اف !!! حر وأرف.....( وهي تحط نظارتها )...الا ما قلتلج ... سموي : شعندج بعد ؟؟ ليلى : حرووووب ...ميـــت فيّه... اقولج كل اشوي يقفل وايرد يتصل ...هههههههههه ما يروم ع فراقي ( قالتها بخقه ). سموي فخاطرها : هيه ميت عليج الا لانه شاف صورة البنية وتحراها انتي ...والا ما احيده يموت عليج قبلها ..... سموي : هييييييييييييه حليله ...قاللج يب ايشوفج ؟؟؟( نذله تعرف ان ليلوه بتتوهق لو وافقت يشوفها ع الطبيعة ) ليلى : لا مينونة شو ؟؟؟ الا صح عزمني ععرس خته باجر بسير بتطمش... سكتت عنها سموي ....بس فخاطرها تمنت لو ليلوه تنكشف...دومها تحقد عليها وتغار منها الا ما تبين هالشي... ++++++++++++++++++++++++++++++++++++++++++++++++++ ++ الساعه 7 المســــــــــــا بيت قوم حصوص ماشالله مزيــّن ومنوّر بالليتات اللي كان شكلهن مرتب وحلو .... البيت متيمعات فيه بنات عمومة وخوال حصوص....وكلهن في الصاله فوق يتحنن ...الا نوف حليلها اروحها فغرفتها ايحنونها...والحص كل شوي اتسير عندها ... حصوص يالسه فحجرتها اروحها تطالع بيت شموه من دريشة حجرتها...وينها تاخرت .....توني متصله وقالت بتي .... سمعت حد يدق الباب وايفجه .... حصوص بابتسامه : قربي قربي موزان .. موزة ( بنت عم حصوص ): شرايج (وهي تمد يدينها ).... حصوص : رووووووووعه ماشالله ....خلاص يبس يا حيّج افتكيتي ..... موزه : وانتي شو تتريين ؟؟ حصوص :اتريى شمامي ...بنتحنا رباعة ... موزة : هييييييه حليلها ...زين تعالي براويج شي.... حصوص بلقافه : شو ؟؟ موزان اتفج تيلفونها وطبعاً حناها خلاص يبس...: اشرايج ؟؟( فجت موزان ع صورة ) حصوص : منوووه ها ؟؟؟ موازن : وابويه عليج ....ها خويه ....وتمت اتفج ع كل الصور ... حصوص :أي واحد من خوانج ؟؟ موزان فجت عيونها : مايد حليله ...شو ما تعرفينه ....متصورين هو ربعه فصلالة .... حصوص : هههههههه اشو ما اعرفه بعد ...اعرفه الا حبيت اتاكد .. موزان : دوووم يتخبرني عنج.. حصة تفاجأت : والله ؟؟ موزان وجنه حازة في خاطرها : هيه دومه يهاذي بج...ودوم يطريج ..حتى انه يتشكى منج عند يدوه ... حصوص هنيه حست انهم يرمسون عن " ميــــود" غير لي تعرفه .....واستغربت من الرمسه وااااايد...وشحقه بعد يتشكى منيه ؟؟؟ واصلن كيف اطري ع باله ... حصوص : مستغربه من رمستج الصراحه .. شو سويتله عسب يتشكى ؟؟ موزان : يونج ما تعرفين !!! اذا كل العيله اتعرف انه يحبج ويبغي ياخذج من تتخرجين ...وكله ايقول ما تعطينه ويه ...ولا تعبرين ...واتخطف ولا تعد السلام ... حصوص صاااااااااااااخة...ولا نطقت بحرف ..تتطالع موزان بحيرة ..معقولة ..ميود ايحبنيه ؟؟؟ ومن زمان ؟؟؟لا وكل العيله اتعرف بعد ؟؟ موزان قفلت تيلفونها شلت بعمرها واظهرت بليا كلمة وودرت وراها حصه فدوامه من الافكار ... ياربي ..كيف جي....ميود طول عمره ويانا ..الا ما يفكر فيّه ولا افكر فيه ...شو هالخريط يا موزان ...يون يحبينه و كلهم يعرفون ...ياربي ..بس وشله بتجذب عليّه وهي عوده وعاقل..عمرها 23 سنه احينه ...معقولة يعني ..انه ايحبنيه ..أف ...وينج شموووه ...واتدق ع ربيعتها اتشوفها وينها ....ثواني وانها شموه عند باب حجرتها ... حصوص : تعالي الحقي عليه ... شموه : اشوو بلااج ؟؟ حصوص : اونه ايحبني من زمان وكلهم ايعرفون ... شمه: منوه هو ؟؟ حصوص : تعالي ( يودت يدها ويلست وياها ع الشبرية ...وخبرتها السالفه ) شموه : احينه منوه فيهم ميود ؟؟ حصوص : راعي 25 سنة . شموه : اهاااا عرفته ....بس غريبة ...ما قد طرتلج موزان السالفه الا احينه ... حصوص : هيه والله ولو تشوفينها ترمس وهي جن فيها شي من صوبي..جنها شاله علي وكارهتني ... شموه : احسن شي اتطنشين السالفة حصوص ...آها عن اتمين اتهويسيـــن به وتتندمين عقب ......( طرى مبارك ع بال شموه ) حست ابها الحص وابتسمت تغير السالفه : اقولج طبيها السالفه ونشي بنتحنى .. شموه ابتسمت : يللا ...الا منوه اللي في الصاله ؟؟ كلهن بنات خالج وبنات عمج ؟؟ حصوص: لالا شي منهم نسايبنا ...شوفي هالبنيه الصغيرونه وامها هاييل من نسايبنا ...انتي اول مره اتشوينهم صح؟؟؟ شموه: هيه حليلها ... :: من خفـــايا قلب { ينــــادي } :: صاحبي // بروي لكـ جوابٍ { مختصر .. لا تلعب بك دنيا " الغــدر " ويخدعك السراب صاحبي // لا تعاند على رايك ولا تصر.. ( وانا ) ترى قبلكــ عانيـــت من المصاب.. وقد } عشقت } وهمت (انا) وهيّمني القدر.. وثقت بهـ و // للأسف فيه الرجا } خــــاب.. +++++++++++++++++++++++++++++++++++++++++++++++++ وهنـــــا ... أطوي صفحة اليوم بعد ان امتلأت بخفاياهم .. احمل دفتري وانسحب بهدوء...دون أن يلتفت إلي قلب... أقفل خلفي أبواب خفاياهم بسكـــــــون ... لأعــــود في الغد ...و أخط مــا أراه ..في دفتري .... بإذن اللـــه... لـــي ولكـــــم ×× لخفــــايا قلــوبهُم { بيــــبان } دقـيتهــا البــارحة و // طلـــّيت ×× __DEFINE_LIKE_SHARE__ | |
| ||
| |
|
08-29-2008, 09:49 PM
| رقم المشاركة : [ 15 ] |
| عضو جديد  | مشكوووووره ملاك ع البارت الثاني
وياريت لو اطولين البارتات شوي تقبلي تحياتي ميــرهـ __DEFINE_LIKE_SHARE__ |
|
| |
| |
|
| مواقع النشر (المفضلة) |
« (يَ أمَانِينَا مَا عَادينْفّعْنَا صَبرْر .. تعبْنَا ندَوّر لـِ بكْرَا عذرْ ! ,)
|
رواية يوم الله بلاني بالحب حبيت طفلة »
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| دقيتها لطمه/ورحت زعلان "طبع بدوي" لاضاق لف العمامه||~ | ›• غَنٍجَ اڷشاُمً ‹• | المسنجر وملحقاته , توبيكات , ماسنجر بلس , msn | 8 | 06-29-2010 12:54 PM |
| ليلة البارحة ؟ | محروم.كوم | منتدى أخبار المواقع والمنتديات العربية والأجنبية | 0 | 02-02-2010 09:50 AM |
| البارحة واليوم | نعم نعم | شعر و خواطر | 5 | 04-18-2008 02:14 AM |
| البارحة يوم الخلايق نياما ... | نمر بن عدوان | تراحيب وتهاني | 26 | 01-24-2008 07:03 AM |
الساعة الآن 01:18 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227